ATV

Blog

  • Avni Arifi: Flamuri i UÇK-së në protesta kundër qeverisë në Shqipëri është irritues dhe fyes

    Avni Arifi: Flamuri i UÇK-së në protesta kundër qeverisë në Shqipëri është irritues dhe fyes

    Kandidati për deputet nga AAK-ja, Avni Arifi, ka reaguar lidhur me përfshirjen e qytetarëve nga Kosova në zhvillimet e fundit politike në Shqipëri, duke kërkuar që liderët institucionalë dhe politikë të Kosovës t’u bëjnë thirrje qytetarëve të mos marrin pjesë në manifestime pro apo kundër Qeverisë së Shqipërisë.

    Përmes një postimi në facebook, Arifi ka theksuar se çështjet politike në Shqipëri duhet të mbeten në duart e qytetarëve të atjeshëm dhe se askush nga Kosova nuk ka të drejtë të përfshihet në protesta apo zhvillime të brendshme politike në shtetin shqiptar.

    “Flamuri i UÇK-së në protesta kundër qeverisë në Shqipëri është irritues dhe fyes. Përdorimi i flamurit të UÇK-së në protesta të brendshme politike në Shqipëri është i pavend, sepse synon të politizojë një simbol që i përket një kauze krejt tjetër.

    Nuk i duhet askujt një përçarje e re dhe askush nuk ka të drejtë t’i fusë hundët në një çështje që u përket vetëm shqiptarëve që jetojnë në Shqipëri”, ka shkruar Arifi.

  • Pas mbledhjes te Kryeministria, nis marshimi masiv rrugëve të Tiranës: Rama n’burg, Berisha n’burg

    Pas mbledhjes te Kryeministria, nis marshimi masiv rrugëve të Tiranës: Rama n’burg, Berisha n’burg

    Pas dy orëve tubim para Kryeministrisë, protestuesit nisën marshimin masiv me ngjyra kuqezi në rrugët e Tiranës.

    Një pjesë prej tyre qëndroi para Kryeministrisë, pasi raportohet ee ata nuk do largohen nga sheshi dhe do qëndrojnë 24 orë aty.

    Marshimi u përcoll me thirrjet për dorëheqjen e kryeministrit Edi Rama, dhe me thirrjet “Rama n’burg, Berisha n’burg”.

    Kjo është protesta e 22-të me radhë.

  • Prokuroria Speciale paralajmëron aktakuzë për autorët e sulmit ndaj familjes Jashari

    Prokuroria Speciale paralajmëron aktakuzë për autorët e sulmit ndaj familjes Jashari

    Autorët e krimit që u krye në mars të vitit 1998 mbi familjen Jashari, pritet që së shpejti të listohen në një aktakuzë nga Prokuroria Speciale e Kosovës.

    55 persona mbetën të vrarë, 22 prej të cilëve, familjarë të ngushtë të komandantit legjendar Adem Jashari, i cili prej kohësh ishte bërë cak i shtetit serb.

    Prokuroria Speciale e Kosovës, nuk ka ndarë shumë detaje rreth kësaj, por vetëm ka paralajmëruar se ky rast është duke u trajtuar me prioritet dhe se së shpejti do të finalizohet me ngritjen e aktakuzës.

    “Prokuroria Speciale e Republikës së Kosovës ju njofton se rasti është duke u trajtuar me prioritet dhe se shumë shpejt, do të finalizohet me ngritjen e aktakuzës.”

    Avokati Visar Rrecaj thotë se PSRK-ja tashmë ka marr dëshmitë e dëshmitarëve që janë ende gjallë, ndërkohë që thotë se është e rëndësishme përmbajtja që do ketë kjo aktakuzë.

    “Rëndësia e një aktakuze të paralajmëruar nga Prokuroria Speciale është tejet e veçantë si në aspektin juridik po ashtu edhe kombëtar dhe në aspektin shtetëror që me i dhënë epilog ngjarjes së familjes Jashari të ndodhur më 1998, a është e vonuar për atë pjesë mund të diskutohet por për drejtësinë dhe sistemin e drejtësisë e rëndësishme është që të jetë e kompletuar në detaje që të mos i mungojë asgjë sepse epilogu përfundimtar do të proklamohet edhe në skenën ndërkombëtare”, ka thënë avokati, Visar Rrecaj.

    Paralajmërimin për ngritjen e aktakuzës, për sulmin ndaj familjes Jashari e kanë mirëpritur në organizatën e veteranëve të UÇK-së, por thonë se është dashur të bëhet vite më parë.

    “Është vonuar ky rast shumë jo vetëm ky rasti te lagjia Jashari dhe familja Jashari por në tërë Kosovën, janë vonuar gjykatat tona dhe supreme e Kosovës, por sido kudo unë e përshëndes dhe e mirëpres jemi mirënjohës shumë për drejtësinë që të hetohet rasti masakra në Prekaz në familjen Jasashri, që prokurorët tonë të marrin në dorë dhe të hetojnë”, ka thënë kreu i UÇK-së, Hysni Gucati.

    Hetimi i krimeve të luftës, në të kaluarën është bërë nga UNMIK-u, më pas nga EULEX-i, ndërsa nga vitit 2018 kompetencat kanë kaluar tek Prokuroria Speciale e Kosovës e cila ka departamentin e veçantë për hetimin e tyre. /rtvdukagjini/

  • IHMK: Java nis me reshje e stuhi lokale, nga e enjtja rikthehen temperaturat deri në 33 gradë

    IHMK: Java nis me reshje e stuhi lokale, nga e enjtja rikthehen temperaturat deri në 33 gradë

    Instituti Hidrometeorologjik i Kosovës ka publikuar parashikimin e motit për pesë ditët e ardhshme duke njoftuar se fillimi i javës do të karakterizohet nga mot i paqëndrueshëm me reshje lokale shiu dhe shkarkime rrufesh, ndërsa nga dita e enjte pritet stabilizim gradual i kushteve atmosferike.

    Sipas IHMK-së, me hyrjen në stinën astronomike të verës, Kosova do të ndikohet nga masa ajrore relativisht të paqëndrueshme që do të favorizojnë zhvillimin e vranësirave konvektive dhe reshjeve lokale gjatë ditëve të para të javës. Instituti vlerëson se këto reshje do të jenë të dobishme për sektorin e bujqësisë, pasi ndihmojnë në ruajtjen e lagështisë së tokës dhe përmirësimin e kushteve për kulturat bujqësore.

    Të hënën dhe të martën parashikohet mot i vranët me intervale me diell, ndërsa gjatë ditës vende-vende priten reshje lokale shiu dhe shkarkime rrufesh. Kushte të ngjashme priten edhe të mërkurën, kur moti do të jetë i ndryshueshëm dhe jostabil.

    Nga e enjtja pritet përmirësim i motit, me më shumë intervale me diell dhe gjasa të vogla për reshje, ndërsa e premtja parashihet kryesisht me diell dhe vranësira të shpërndara, duke krijuar kushte të favorshme për aktivitete në natyrë.

    Temperaturat minimale gjatë javës do të lëvizin nga 13 deri në 16 gradë Celsius, ndërsa ato maksimale do të shënojnë rritje graduale, nga 26–29 gradë të hënën deri në 27–33 gradë Celsius të premten.

    IHMK-ja ka bërë thirrje për kujdes gjatë intervaleve me diell, pasi indeksi UV do të jetë i lartë. Qytetarëve u rekomandohet të shmangin ekspozimin e zgjatur në diell gjatë orëve të mesditës dhe të përdorin masa mbrojtëse.

    Parashikimi i IHMK-së:

    Parashikimi i motit për javën e ardhshme (22–26 qershor 2026) ☀️🌦️⛈️

    Me hyrjen në stinën astronomike të verës, vendi ynë do të ndikohet nga masa ajrore relativisht të paqëndrueshme, të cilat gjatë fillimit të javës do të favorizojnë zhvillimin e vranësirave konvektive, reshjeve lokale të shiut dhe shkarkimeve të rrufeve. Këto reshje janë të mirëpritura për sektorin e bujqësisë, pasi kontribuojnë në ruajtjen e lagështisë së tokës dhe përmirësimin e kushteve agrometeorologjike për kulturat bujqësore. 🌱🌦️

    Kushtet biometeorologjike përgjithësisht do të jenë të favorshme për pjesën më të madhe të popullatës, megjithëse gjatë intervaleve me temperatura më të larta dhe para zhvillimit të stuhive lokale mund të ketë shqetësime të lehta te personat e ndjeshëm ndaj ndryshimeve atmosferike. 🌡️

    ☀️ Indeksi UV gjatë intervaleve me diell do të jetë i lartë, prandaj rekomandohet shmangia e ekspozimit të zgjatur në diell gjatë orëve të mesditës dhe përdorimi i masave mbrojtëse.

    🌦️ E hënë (22.06.2026)

    Do të mbajë mot i vranët me intervale me diell. Gjatë ditës, vranësirat parashihen të sjellin reshje lokale shiu dhe shkarkime rrufesh.

    🌡️ Temperaturat minimale: 13–16°C
    🌡️ Temperaturat maksimale: 26–29°C
    💨 Era: nga veriperëndimi, 1–11 m/s

    🌦️ E martë (23.06.2026)

    Parashihet mot i vranët me intervale me diell. Gjatë pjesës së dytë të ditës pritet shtim i vranësirave, të cilat vende-vende do të krijojnë kushte për reshje lokale shiu dhe shkarkime rrufesh.

    🌡️ Temperaturat minimale: 13–16°C
    🌡️ Temperaturat maksimale: 26–30°C
    💨 Era: nga verilindja, 1–9 m/s

    ⛈️ E mërkurë (24.06.2026)

    Do të mbajë mot i ndryshueshëm dhe jostabil. Gjatë ditës parashihen reshje lokale shiu, të shoqëruara me shkarkime rrufesh.

    🌡️ Temperaturat minimale: 13–16°C
    🌡️ Temperaturat maksimale: 27–31°C
    💨 Era: kryesisht nga verilindja, 1–9 m/s

    🌤️ E enjte (25.06.2026)

    Parashihet mot me diell dhe pjesërisht i vranët. Kushtet atmosferike do të jenë më të qëndrueshme, me gjasa të vogla për reshje.

    🌡️ Temperaturat minimale: 13–16°C
    🌡️ Temperaturat maksimale: 27–32°C
    💨 Era: nga verilindja, 1–4 m/s

    ☀️ E premte (26.06.2026)

    Do të mbajë mot me diell dhe vranësira të shpërndara. Moti do të jetë kryesisht i qëndrueshëm dhe i përshtatshëm për aktivitete në natyrë.

    🌡️ Temperaturat minimale: 13–16°C
    🌡️ Temperaturat maksimale: 27–33°C
    💨 Era: nga veriperëndimi, 1–4 m/s

    🔹 Përmbledhje: Java fillon me mot më të paqëndrueshëm dhe reshje lokale shiu, ndërsa nga dita e enjte pritet stabilizim gradual i kushteve atmosferike, me më shumë diell dhe rritje të temperaturave. ☀️🌡️🌿

  • Ngritja e temperaturave, a do të rikthehet vendimi që kufizon orarin e punës?

    Ngritja e temperaturave, a do të rikthehet vendimi që kufizon orarin e punës?

    Temperaturat e larta po kthehen, e bashkë me to edhe rreziku për ata që janë më të ekspozuar në rrezet e diellit: punëtorët e sektorit të ndërtimtarisë.

    Për këtë, Bashkimi i Sindikatave të Pavarura kanë kërkuar rikthimin në fuqi të vendimit të Ministrisë së Shëndetësisë, që mes tjerash kufizonte orarin e punës dhe lironte nga puna kategori të caktuara.

    Rrezik serioz për sigurinë dhe shëndetin e punëtorëve i konsideron temperaturat ekstreme eksperti i sigurisë në punë, Arian Ibishi, teksa përmend edhe obligimet e punëdhënësve për punëtorët.

    “Sigurimi i ujit të pijës në sasi të mjaftueshme duhet të jetë kyç, pushime të rregullta në vendet e punës ku mundet me pas edhe hije të freskëta, shmangien e punëve të rënda gjatë procesit të punës”, ka thënë Ibishi.

    Për efektet, flet mjeku familjar Rushit Ismajli, që përmend edhe profesione të tjera që mund të preken.

    ‘Ata të cilët punojnë në ndërtimtari, në bujqësi apo edhe në ambiente të mbyllura, në kuzhina edhe kjo mund të shkaktoj që të ngulfaten për shkak të mungesës së avullimit të tyre, mumgesës së largimit të temperaturës, mund të shkaktoj marramendje mund të shkaktoj mundim apo në raste ekstreme edhe humbje të vetëdijes”, ka thënë Ismajli.

    Përveç punëtorëve të ekspozuar direkt në rreze dielli, Ismajli përmend edhe kategori të tjera që mund të kenë telashe shëndetësore.

    ‘Ne zakonisht flasim për grupmoshat që janë më të rrezikuara, si fëmijët, gratë shtatëzënat personat me sëmundje kronike sidomos me hipertension por të rrezikuar më shumë janë punonjësit e ndërtimtartisë sepse ata qëndrojnë në temperatura të larta”, ka shtuar Ismajli.

    Në dy vitet paraprake Ministria e Shëndetësisë, kryesisht në muajin korrik, ndër të tjerash kishte ndërmarrë masa kufizuese, duke ndaluar punën nga ora 11:00 deri në orën 17:00.

    Me vendim të ministrisë, liroheshin nga puna shtatzënat e shkurtohej orari për qytetarët me sëmundje kronike.

    Nga ky institucion për Dukagjinin thanë që deri më tani nuk kanë pranuar rekomandime nga Instituti Kombëtarë i Shëndetësisë Publike për marrje të masave.

    Temperaturat e larta, tashmë kanë prekur disa vende evropiane, ku edhe janë regjistruar viktima. /dukagjini/

  • Zyrtare: UEFA e konfirmon stadiumin ku do të zhvillohet ndeshja Izrael – Kosovë

    Zyrtare: UEFA e konfirmon stadiumin ku do të zhvillohet ndeshja Izrael – Kosovë

    Kombëtarja e Kosovës do të luajë si mysafir i Izraelit në Hungari, më saktësisht në stadiumin “Nagyerdei”.

    Izraeli shkaku i luftës ndeshjet si vendas po vazhdon t’i zhvillojë në stadiume neutrale, ndërsa ndaj Kosovës e ka zgjedhur Hungarinë.

    UEFA ka konfirmuar se përballja që do të zhvillohet më 1 tetor 2026 do të zhvillohet në “Nagyerdei Stadion”.

    Kujtojmë, Kosova do të rikthehet në “aksion” në muajin shtator, ku për herë të parë do t’i zhvillojë katër ndeshje brenda 14 ditëve.

    Rikujtojmë, në Ligën B të Ligës së Kombeve, “Dardanët” ndodhen në të njëjtin grup kualifikues me Austrinë, Irlandën dhe Izraelin.

  • Pacolli: Nesër rifillojnë punimet në Aeroportin e Vlorës, po rikthehet ligjshmëria

    Pacolli: Nesër rifillojnë punimet në Aeroportin e Vlorës, po rikthehet ligjshmëria

    Behgjet Pacolli ka njoftuar se kompania MABCO do të rifillojë nesër punimet në kantierin e Aeroportit të Vlorës, së bashku me mbi 200 specialistë dhe nënkontraktorë.

    Sipas Pacollit, vendimi është marrë në përputhje me vendimin e Gjykatës së Lartë, Asamblesë së Aksionarëve të VIA-s, si dhe kërkesën e institucioneve shqiptare. Ai tha se punimet ishin bllokuar për disa muaj nga persona që, sipas tij, kishin vepruar pa bazë ligjore dhe kishin penguar aktivitetin në kantier.

    Pacolli e cilësoi rifillimin e punimeve si rikthim të ligjshmërisë dhe një hap të rëndësishëm drejt përfundimit të një prej projekteve më të mëdha infrastrukturore në Shqipëri.

    Postimi i plotë pa ndërhyrje:

    Nesër, MABCO, së bashku me mbi 200 specialistë të nënkontraktorëve të saj, do të rifillojë punimet në kantierin e Aeroportit të Vlorës. Ky veprim do të ndërmerret në përputhje të plotë me vendimin e Gjykatës së Lartë dhe me vendimin e Asamblesë së Aksionarëve të VIA-s. se dates 18/06/2026 si dhe në respekt të kërkesës së Ministrisë së Infrastrukturës dhe Energjisë (MIE) dhe qëndrimit të shprehur publikisht nga Kryeministri Edi Rama, se Aeroporti i Vlorës nuk duhet të bjerë pre e interesave të ngushta apo veprimeve të paligjshme të askujt, por të përfundojë sa më parë dhe të hapet për operim.Pas një bllokade disamujore dhe përpjekjeve të personave që kanë vepruar në mënyrë të paligjshme, pa asnjë bazë ligjore dhe pa asnjë tagër, punimet u penguan në mënyrë të dhunshme. Këta persona, madje me mbështetjen e strukturave të Policisë së Shtetit, ndërprenë aktivitetin në kantier dhe sekuestruan në mënyrë arbitrare pajisje, mjete pune dhe makineri private në pronësi të nënkontraktorëve.😡

    Rifillimi i punimeve shënon rikthimin e ligjshmërisë dhe respektimin e vendimeve të institucioneve juridike dhe atyre kompetente, duke i hapur rrugë vazhdimit dhe perfundimin të punimeve në një nga projektet më të rëndësishme infrastrukturore të vendit.

    Mabco kerkon drejtesi, transparerce dhe legjitimitet dhe si gjithemon mbeshtetjen konstruktive te institucioneve dhe cdokujt ne menyre qe aeroporti te hapet sa ma shpejt!

  • Kryetari i Vushtrrisë i pikëlluar pas vdekjes tragjike të 22-vjeçarit

    Kryetari i Vushtrrisë i pikëlluar pas vdekjes tragjike të 22-vjeçarit

    Kryetari i Vushtrrisë, Ferit Idrizi ka shprehur ngushëllime për 22-vjeçarin, Drilon Muniqi që humbi jetën në një aksident trafiku në zonën e kësaj komune.

    Përmes telegramit të ngushëllimit, Idrizi thotë se humbja e papritur e të riut i pikëlloi të gjithë.

    “Na pikëlloi të gjithëve lajmi për ndarjen nga jeta e të riut vushtrrias, Drilon Meniqi. Në këto momente të rënda, i shpreh ngushëllimet më të thella familjes Meniqi, miqve dhe gjithë të afërmve të tij, duke bashkëndjerë dhimbjen për humbjen e parakohshme të Drilonit. Qoftë i përjetshëm kujtimi për të!”, ka shkruar ai.

    I riu u varros sot në kohën e namazit të drekës.

  • Haziri: Vetëm bashkëpunimi partiak e institucional i jep fund krizave politike

    Haziri: Vetëm bashkëpunimi partiak e institucional i jep fund krizave politike

    Nënkryetari i LDK-së, Lutfi Haziri, thotë se bashkëpunimi partiak e institucional është udha e vetme për ta thyer rrethin vicioz që po e lodh Republikën.

    Ai thotë se Kosova sot ka nevojë për agjendë të zbardhur kur vendi gjendet në fund të javës së dytë pas zgjedhjeve të 7 qershorit.

    “Bashkëpunimi partiak e institucional është udha e vetme për ta thyer rrethin vicioz, për t’i dhënë fund krizave politike, që nënkupton kthimin e stabilitetit”, ka shkruar Haziri.

    Postimi i tij i plotë:

    Faleminderit për secilin qytetar që i qëndroi besnik LDK-së dhe ruajti besimin për të më zgjedhur njërin nga 18 përfaqësuesit e saj në Kuvendin e Republikës së Kosovës. Përulësisht falënderoj Anamoravën për mbështetjen e pandërprerë ndaj shtëpisë sonë politike.

    Bashkëpunimi partiak e institucional është udha e vetme për ta thyer rrethin vicioz që po e lodh Republikën!
    Kosova sot ka nevojë për agjendë të zbardhur kur jemi në fund të javës së dytë pas zgjedhjeve të 7 qershorit.

    Cilido opsion që arrin marrveshjen gjithëpërfshirëse, programin zhvillimor dhe agjendën strategjike duhet ta ketë në qendër të saj, ndërkaq skenari i ndarjes së përgjegjesive institicionale vjen në fund.

    Bashkëpunimi partiak e institucional është udha e vetme për ta thyer rrethin vicioz, për t’i dhënë fund krizave politike, që nënkupton kthimin e stabilitetit.

    Kemi premtu që Republika e Kosovës është faktor i stabilitetit rajonal, duke respektu vlerat demokaratike. Ky rol i stabilitet rajonal buron nga stabiliteti dhe bashkëpunimi brenda Kosovës.

    Republika e Kosovës i ‘duron’ zgjedhjet e shpeshta vetëm kur e kujton që mundet me mbetë edhe pa zgjedhje një ditë. Nje njeri dhe nje parti është kauzë e humbur me 17 shkurt!

    Republika, mbi të gjithë!

  • Petritsch: VV të dalë nga tradita se presidenti i takon veç asaj

    Petritsch: VV të dalë nga tradita se presidenti i takon veç asaj

    Ish-përfaqësuesi i Posaçëm i BE-së për Kosovën, ambasadori Wolfgang Petritsch deklaroi se Lëvizja Vetëvendosje duhet të dalë nga ‘tradita’ që zgjedhja e presidentit i takon vetëm partisë fituese të zgjedhjeve.

    Pos tjerash, ai shtoi se në Kosovë është tejet e nevojshme që partitë politike të bashkëpunojnë me njëra-tjetrën.

    “Në të vërtetë është një ide e mirë që të mendohet jashtë kornizës, dhe jo në mënyrat tradicionale politike, që një parti, pra partia fituese e zgjedhjeve e ka të drejtën ta zgjedhë kandidatin për president. Unë mendoj që do të ishte një ide e mirë që të shikohej më tej, kjo që të shihej se kush mund të ishte personi i cili do të bashkonte dhe do të bënte diçka që është plotësisht e nevojshme në Kosovë, e kjo është që të bashkojë njerëzit dhe t’i bëjë partitë që të bashkëpunojnë”, u shpreh Petritsch në Klan Kosova.

    Ambasadori shtoi se edhe dialogu Kosovë-Serbi mbetet çështje e pazgjidhur, çka sipas tij, duhet përparim në këtë zhvillim.

    “Sepse armiku nuk është brenda vendit, dhe sfidat e juaja vinë nga jashtë Kosovës. E dini që çështja e dialogut është akoma e pazgjidhur. Para pak kohësh e kisha një takim me emisarin për dialog, Sorensen, dhe ai po bën një punë të shkëlqyer, por edhe ai është i mendimit që përderisa nuk ka një mënyrë të qartë, pra në pragmatizëm dhe përparim, atëherë gjërat tutje do të përkeqësohen”, u shpreh diplomati.