ATV

Blog

  • Tifozët e Bayern-it nuk e duan rikthimin e Jerome Boatengut në klub

    Tifozët e Bayern-it nuk e duan rikthimin e Jerome Boatengut në klub

    Rikthimi i mundshëm i Jerome Boateng tek Bayern Munich ka shkaktuar reagime të ashpra tek tifozët bavarezë.

    Dje në ndeshjen kundër Borussia Dortmund tifozët shpaluan një pankartë kundër Boatengut,duke i referuar të kaluarës ligjore të ish-yllit të bavarezëve.

    “Kushdo që i jep hapësirë autorit të krimit ndan fajin e tij. Boateng, largohu. Nuk ka vend për personazhe të këqij në klubin tonë. Nuk ka skenë për autorët e dhunës. Largohu, Boateng.”

    Përndryshe Drejtori i përgjithshëm i Bayernit, Jan-Christian Dreesen ka reaguar lidhur me këtë sitautë,duke deklaruar se çdo person ka të drejtë për rehabilitim ku i referohet situatës së Boateng.

    Kujtojmë që Jerome Boateng ka qenë i akuzuar lidhur me vrasjen Kasia Lenhardt,në të cilën ish reprezentuesi i Gjermanisë dyshhej se kishte pasur gisht në vrasjen e saj.

  • Prishtina kryeson, Dukagjini fiton, Llapi ndalet në barazim nga Ferizaj

    Prishtina kryeson, Dukagjini fiton, Llapi ndalet në barazim nga Ferizaj

    Ka përfunduar xhiroja e tetë në Superligën e Kosovës, ku ekipi i Prishtinës, ka vazhduar formën e shkëlqyer duke regjistruar fitoren e pestë radhazi. Kryeqytetasit mposhtën Drenicën në një përballje dramatike me rezultat 3-4, në ndeshjen e zhvilluar në stadiumin “Bajram Aliu”. Skuadra bardhekaltër e nisi fuqishëm ndeshjen, duke kaluar në epërsi që në minutën e 3-të me golin e Hamdi Namanit, pas një asistimi të bukur nga Mario Ilievski. Vetëm 13 minuta më vonë, Ilievski dhuroi një tjetër asist, këtë herë për Valmir Veliun, i cili dyfishoi epërsinë në 0-2. Dominimi i Prishtinës vazhdoi edhe më tej, dhe në minutën e 36-të talenti Zeqiri shënoi golin e tretë, duke vulosur rezultatin e pjesës së parë në 0-3. Në pjesën e dytë, Prishtina nuk ndali ritmin dhe shënoi golin e katërt përmes Valmir Veliut, i cili realizoi dygolëshin personal. Megjithatë, Drenica nuk u dorëzua dhe nisi rikthimin. Fillimisht Genc Hamiti ngushtoi rezultatin në 1-4, e më pas Jeton Krasniqi shënoi për 2-4, duke rikthyer shpresat për kuqezinjtë. Presioni i vendasve vazhdoi deri në minutat e fundit, kur Igball Jashari realizoi për 3-4, por pa mundur të shmangë humbjen. Me këtë fitore, Prishtina forcon pozitën e saj si lidere e kampionatit, me 22 pikë të grumbulluara. Ndërkohë, Drenica regjistron humbjen e tretë radhazi dhe renditet në vendin e pestë me 11 pikë.

    Fitore morri edhe Ballkani, ndaj Dukagjinit të Ismet Munishit, në Suharekë me rezultat 2-0. Golat për suharekasit i realizoi Kryeziu në minutën e 54-të dhe një autogol nga Margono në minutën e 75-të i dha epilogun e ndeshjes në 2-0. Me këtë fitore Ballkani renditet në vendin e dytë në tabelë me 18 pikë dhe në ndeshjen e radhës do të presë në shtëpi Gjilanin, ndërsa Dukagjini zë vendin e tretë me 14 pikë dhe ndeshjen e ardhshme e luan në transfertë te Prishtina.

    Pikët u ndanë në mes të Llapit dhe Ferizajit, të cilët barazuan në 1-1 në një ndeshje tejet dinamike dhe të luftuar, e cila prodhoi emocione deri në minutat e fundit. Pjesa e parë përfundoi pa gola, ndonëse të dyja skuadrat krijuan raste të mira për të kaluar në epërsi. Mungoi konkretizimi dhe 45 minutat e para u mbyllën me rezultat të bardhë, 0-0. Pas pushimit, Llapi u tregua më kërkues dhe arriti të zhbllokojë rezultatin në minutën e 60-të, kur Muhamet Hyseni realizoi për 1-0. Megjithatë, reagimi i mysafirëve ishte i menjëhershëm. Vetëm pesë minuta më vonë, Betim Haxhimusa barazoi rezultatin me një gol spektakolar me gërshërë, duke e rikthyer Ferizajn në lojë. Ferizaj pati një rast të artë për ta përmbysur rezultatin me Donart Llabjanin, por portieri Coric reagoi mrekullisht për të shpëtuar Llapin. Në fund, ndeshja u mbyll pa fitues dhe të dyja skuadrat ndajnë nga një pikë. Aktualisht, Llapi dhe Ferizaj kanë nga 10 pikë në tabelë. /ATVLIVE.TV

  • Humbja e parë për Juventusin në kampionat – Como fiton 2-0

    Humbja e parë për Juventusin në kampionat – Como fiton 2-0

    Juventusi ka pësuar humbjen e parë në këtë edicion të kampionatit, duke u mposhtur nga Como me rezultat 2-0.

    Skuadra vendase e nisi ndeshjen në mënyrë të shkëlqyer, duke kaluar në epërsi që në minutën e 4-të. Nico Paz asistoi bukur për Marc Oliver Kempf, i cili realizoi nga afërsia për 1-0.

    “Zonja e Vjetër” arriti të gjente rrjetën në minutën e 36-të me Jonathan David, por goli u anulua për shkak të pozitës jashtë loje.

    Pjesa e parë u mbyll me epërsinë minimale të Comos, 1-0.

    Edhe në pjesën e dytë, vendasit vazhduan me paraqitje të mirë dhe arritën të dyfishojnë rezultatin në minutën e 79-të, kur Nico Paz realizoi për 2-0, duke vulosur fitoren e skuadrës së tij.

    Pavarësisht përpjekjeve në minutat e fundit, Juventusi nuk arriti të shënojë, përballë një mbrojtjeje të ngjeshur dhe të organizuar të Comos.

    Me këtë fitore të rëndësishme, Como ngjitet në vendin e pestë në tabelë, duke barazuar me pikë Juventusin – të dyja skuadrat kanë nga 12 pikë.

    Në xhiron e ardhshme, Como do të përballet me Parmën në udhëtim, ndërsa Juventusi do të kërkojë të rikthehet te fitorja në ndeshjen ndaj Lazios, që do të zhvillohet në “Olimpico”. /ATVLIVE.TV

  • ProCredit Superliga vazhdon me duele interesante në javën e dytë

    ProCredit Superliga vazhdon me duele interesante në javën e dytë

    Java e dytë e ProCredit Superligës sjell përballje mjaft interesante, ku derbi i javës zhvillohet të dielën ndërmjet dy skuadrave verdhezi: GO+ Pejës dhe Golden Eagle Yllit.

    Pejanët e nisën kampionatin me një fitore të madhe në udhëtim ndaj Trepçës, ndërsa Ylli u mposht në shtëpi nga Sigal Prishtina. Përballja do të luhet në Therandë, pasi palestra në Pejë është e zënë për shkak të numërimit të votave nga zgjedhjet Lokale. Në të njëjtën arsye është zhvendosur edhe ndeshja tjetër, Bashkimi – Rahoveci 029.

    Bashkimi, që debutoi me një fitore të bindshme ndaj Vëllaznimit, përballet me Rahovecin 029 – skuadër e re në elitë, por që në xhiron e parë tregoi forcën duke mposhtur Borën.

    Një tjetër ndeshje interesante zhvillohet në ‘Minatori’ të Mitrovicës, ku Vëllaznimi dhe Trepça kërkojnë fitoren e parë të sezonit, pas humbjeve në xhiron hapëse.

    Java përmbyllet të hënën me sfidën prishtinase mes Sigal Prishtinës dhe Borës – një përballje që edhe sezonin e kaluar solli duele të forta dhe emocionuese, dhe e njëjta pritet edhe këtë herë në kryeqytet.

    Orari i ndeshjeve – Java e 2-të

    E diel

    16:00 | GO+ Peja – Golden Eagle Ylli

    19:00 | Bashkimi – Rahoveci 029

    19:00 | Vëllaznimi – Trepça (në Mitrovicë)

    E hënë

    19:00 | Sigal Prishtina – Bora /ATVLIVE.TV

  • Edon Zhegrova mungon për shkak të lëndimit – jashtë listës së Juventusit për ndeshjen ndaj Comos

    Edon Zhegrova mungon për shkak të lëndimit – jashtë listës së Juventusit për ndeshjen ndaj Comos

    Futbollisti i Kombëtares së Kosovës, Edon Zhegrova, ka pësuar një tjetër lëndim, këtë herë gjatë qëndrimit te Juventusi.

    Trajneri kroat, Igor Tudor, ka publikuar listën e futbollistëve të grumbulluar për ndeshjen e nesërme kundër Comos, dhe në të mungon emri i Zhegrovës – duke konfirmuar kështu lëndimin e tij.

    Ende nuk dihet saktësisht se sa do të zgjasë mungesa e tij, por sipas raportimeve, bëhet fjalë për një tendosje muskulore në zonën e ijëve. Rikuperimi nga një lëndim i tillë zakonisht kërkon deri në dy javë.

    Kujtojmë se Zhegrova nuk ishte titullar as në ndeshjet e tetorit me Kombëtaren e Kosovës, duke luajtur vetëm disa minuta në secilën prej tyre. /ATVLIVE.TV

  • Ange Postecoglou shkarkohet nga drejtimi i Nottingham Forest pas vetëm tetë ndeshjesh

    Ange Postecoglou shkarkohet nga drejtimi i Nottingham Forest pas vetëm tetë ndeshjesh

    Trajneri australian Ange Postecoglou është larguar nga posti i trajnerit të Nottingham Forest, vetëm pas tetë ndeshjeve në krye të ekipit. Vendimi u mor menjëherë pas humbjes 3-0 ndaj Chelseat në stadiumin “City Ground”, të shtunën.

    Postecoglou, 60 vjeç, u emërua më 9 shtator pas largimit të Nuno Espirito Santos, i cili më vonë mori drejtimin e West Ham United pas ndarjes së këtij të fundit me Graham Potterin.

    Gjatë drejtimit të shkurtër, Forest u eliminua nga Kupa e Ligës pas humbjes ndaj Swansea City, ekip i Championship-it, ndërsa në pesë ndeshje të Premier Ligës mori vetëm një pikë. Kjo formë e dobët e la ekipin në vendin e 17-të, vetëm një pikë larg zonës së rënies nga kategoria.

    Bilanci i tij përfshinte gjashtë humbje dhe dy barazime në tetë ndeshje – një nisje që u konsiderua si më e keqja nga një trajner i përhershëm në historinë 100-vjeçare të klubit.

    Pavarësisht rezultateve të dobëta, nën drejtimin e Postecoglout, Nottingham Forest u rikthye në arenën evropiane pas 30 vitesh, duke barazuar 2-2 ndaj Real Betis dhe duke humbur 3-2 përballë Midtjylland në fazën e grupeve të Ligës së Evropës. Në disa prej këtyre ndeshjeve, një pjesë e tifozëve shprehën pakënaqësinë, me brohoritjet “do të shkarkohesh në mëngjes”.

    Kur u prezantua si trajner i Forest, pronari i klubit, Evangelos Marinakis, e përshkroi Postecogloun si “një person fantastik për të udhëhequr ekipin drejt objektivave madhore”.

    Postecoglou iu bashkua Forest-it pas largimit nga Tottenham Hotspur në verën e kaluar. Me Spurs kaloi dy sezone: në të parin përfundoi në vendin e pestë në Premier Ligë, ndërsa në sezonin e dytë fitoi Ligën e Evropës – trofeu i parë i klubit pas 17 vitesh. Megjithatë, forma e dobët në kampionat, me 22 humbje, çoi në shkarkimin e tij në qershor, pasi Tottenham përfundoi sezonin në vendin e 17-të.

    Me një karrierë mbi tre dekada në trajnim, Postecoglou ka drejtuar më herët edhe kombëtaren e Australisë (2013–2017), duke marrë pjesë në Kupën e Botës “Brazil 2014”. Ai ka fituar tituj kampion në Japoni me Yokohama F. Marinos dhe në Skoci me Celtic, përpara se të merrte drejtimin e Tottenham në vitin 2023. /ATVLIVE.TV

  • Aksident i rëndë trafiku në hyrje të Prishtinës, vdes një person

    Aksident i rëndë trafiku në hyrje të Prishtinës, vdes një person

    Ka vdekur personi që u aksidentua më 11 tetor në Çagallavicë të Prishtinës.

    Viktima ishte duke u trajtuar në QKUK.

    Policia njofto se trupi i pajetë i viktimës është dërguar në Mjekësinë Ligjore për Obduksion, raporton IndeksOnline.

    “Çagllavicë, Prishtinë / 11.10.2025 – 12:00. Më 18.10.2025 lidhur me rastin është raportuar se viktima m/k, i cili ka qenë i lënduar, ka ndërruar jetë. Me vendim të prokurorit trupi i pajetë është dërguar në IML për Obduksion”, thuhet në njoftimin e policisë.

  • Bastisje në 9 lokacione në Zveçan e Zubin Potok – dyshime për vrasje dhe krime të rënda

    Bastisje në 9 lokacione në Zveçan e Zubin Potok – dyshime për vrasje dhe krime të rënda

    Prokuroria Speciale e Republikës së Kosovës, në bashkëpunim me Policinë e Kosovës, është duke zhvilluar një operacion të gjerë policor në komunat e Zubin Potokut dhe Zveçanit.

    Sipas njoftimit zyrtar, hetuesit e Drejtorisë për Hetimin e Krimit të Organizuar dhe Krimeve të Rënda janë duke zbatuar një urdhër të Gjykatës, me kërkesë të Prokurorisë Speciale, për kryerjen e bastisjeve në nëntë (9) lokacione të ndryshme.

    Operacioni është ndërmarrë nën dyshimin për përfshirje në disa vepra të rënda penale, përfshirë: Rrezikimin e personelit të Kombeve të Bashkuara ose personelit në marrëdhënie me ta, Vrasje të rëndë dhe Sulm ndaj personit zyrtar gjatë kryerjes së detyrës zyrtare.

    Në këtë operacion po marrin pjesë edhe njësi të tjera relevante të Policisë së Kosovës, ndërsa autoritetet po zbatojnë të gjitha procedurat në përputhje me Kodin e Procedurës Penale.

    Prokuroria Speciale ka njoftuar se informacione më të detajuara do të bëhen publike pas përfundimit të operacionit.

  • Votat e diasporës ndryshojnë renditjen në komuna – Në disa konfirmojnë balotazhin

    Votat e diasporës ndryshojnë renditjen në komuna – Në disa konfirmojnë balotazhin

    Procesi i numërimit të votave nga diaspora, i cili nisi pasditen e së premtes, nuk e ka ndryshuar fatin e komunës së Gjilanit.

    Këto vota kanë konfirmuar se kjo komunë do të shkojë në balotazh. Nga numërimi i 85% të votave të ardhura nga jashtë Kosovës, kandidati i Lëvizjes Vetëvendosje, Alban Hyseni është renditur i pari me 51.77%, por pa arritur të sigurojë mbi 57% të tyre, sa i duheshin për të fituar garën në rundin e parë.

    Kurse kandidati i LDK-së, Arbër Ismajli ka marrë 36.32% të votave.

    Rezultatet e numërimit të këtyre votave kanë nisur të publikohen në faqen zyrtare të KQZ-së, gjersa procesi pritet të përfundojë të hënën.

    Kurse në Mitrovicën e Jugut, votat e diasporës e kanë ndërruar renditjen. Derisa janë numëruar mbi 70 për qind e votave të diasporës, Faton Peci i Lëvizjes Vetëvendosje ka marrë 56.03% të votave dhe e ka tejkaluar Arian Tahirin e PDK-së, i cili ka fituar 32.47% të tyre.

    Aktualisht, Peci është në vendin e parë me 87 vota më shumë sesa Tahiri.

    “Me rezultatin aktual, Kandidati i PDK-së, Arian Tahiri duhet të fitojë afërsisht 48% të votave të diasporës që i njëjti ta sigurojë balotazjin nga pozita e parë. Nëse kandidati i VV-së merr mbi 52-53%, atëherë i njëjti do ta ketë të sigurt vendin e parë në balotazh”, ka thënë Eugen Cakolli – Hulumtues i lartë në KDI.

    Cakolli vlerëson se votat e diasporës mund të sjellin edhe balotazh edhe në komuna që nuk pritej të shkojnë në rundin e dytë.

    “Komuna e Deçanit, komunë e cila aktualisht nuk pritet të ketë balotazh duke llogaritur vetëm votat brenda është njëra prej komunave ku votat e diasporës mund të ndikojnë të ketë balotazh. Në këtë drejtim, kandidati i AAK, Bashkim Ramosaj duhet të fitojë 40% të votave të diasporës në mënyrë që ta sigurojë fitoren pa balotazh”, ka thënë Eugen Cakolli – Hulumtues i lartë në KDI.

    E nëse ka një komunë që rezultatet e diasporës zor se do të sjellin ndryshim, është ajo e Prishtinës.

    ”Aktualisht me votat dhe diferencën aktuale, pa i llogaritur votat me kusht, i duhet që kandidati i LDK – Përparim Rama të fitojë afërsisht 15% të votave të diasporës që matematikisht, ta sigurojë vendin e parë. Nëse nuk arrin ta sigurojë këtë numër dhe partitë e tjera fitojnë më shumë, ekziston mundësia që Hajrulla Çeku të jetë i pari ani pse prakikisht është e pamundur”, ka thënë Eugen Cakolli – Hulumtues i lartë në KDI.

    Fitoren në Shtime e ka siguruar kandidati i VV-së, Qemajl Aliu ka marrë 51.63%, kurse kandidati i PDK-së, Përparim Ramusa 35.15% të votave.

    Numërimi i votave nga diaspora ka përfunduar edhe në Junik me ç’rast 50.97% e tyre janë për Ruzhdi Shehun e LDK-së, me pasues Agron Kuçin, i cili mori 35.34%

    Kurse në Dragash, Bexhet Xheladini LDK-së ka marrë mbi 55% të votave të diasporës, ndërsa kandidati i PDK-së Shaban Shabani 25.43%.

  • Serwer viziton Thaçin në Hagë – zbulon dëshirën e tij për procesin gjyqësor

    Serwer viziton Thaçin në Hagë – zbulon dëshirën e tij për procesin gjyqësor

    Analisti amerikan, Daniel Serwer, ka treguar se dje e ka vizituar në qendrën e paraburgimit në Hagë, ish-presidentin e Kosovës, Hashim Thaçin. Serwer ka treguar se në takim me Thaçin kishte qëndruar për 40 minuta.

    Serwer në platformën e tij ka thënë se përmes kësaj vizite dëshironte të ripërtërinte miqësinë e vjetër, teksa rikujton grindjet që kishte pasur me Thaçin pak para se ish-presidenti kosovar të shkonte vullnetarisht në Hagë.

    “Gjithashtu doja të kuptoja më mirë realitetin që qëndron pas gjykatës së Dhomave të Posaçme të Kosovës që po zhvillon gjyqin e tij. Kështu që u takova edhe me zëdhënësin e gjykatës, Michael Doyle. E njoh Michaelin nga shërbimi i tij i shkëlqyer me HiRep Inzko në Bosnje”, ka shkruar Serëer.

    Sa i përket bisedave me Thaçin, Serwer ka thënë se s’do të ndajë detaje, meqë bisedat me të gjithmonë kanë qenë private.

    “ Nëse po kërkoni një informacion interesant për atë që më tha Hashimi, mos lexoni më tej. Bisedat tona kanë qenë gjithmonë private në të kaluarën, dhe edhe kjo do të jetë kështu. Përveç zyrtarit të burgut që u ul për të dëgjuar në përputhje me rregullat. Unë do ta respektoj konfidencialitetin e asaj që tha Hashimi. Por ai gjithmonë e respektoi të drejtën time për të thënë çfarë të dua në publik. Jam i sigurt se do ta bëjë akoma”, ka shkruar Serwer.

    Profesori amerikan, ka shprehur shqetësimin e tij për mbjatjen për kohë të gjatë në paraburgim.

    Së katërti, dhe ankesa ime kryesore sot, është koha qesharake që Hashimi dhe shokët e tij janë mbajtur në paraburgim, dhe tani gjatë gjyqit, në paraburgim. I pafajshëm derisa të provohet fajësia nuk duhet të jetë një slogan bosh. Këta njerëz dhanë dorëheqjen dhe shkuan në Hagë vullnetarisht, diçka që kundërshtarët e tyre në Serbi nuk e bënë. Si i justifikoni 5 vjet burg (një burg mjaft i sigurisë së lartë nga vëzhgimet e mia personale) para se të zbuloni nëse dikush është fajtor?”, ka shkruar Serwer.

    “Përgjigja është shqetësimi në lidhje me frikësimin ose manipulimin e dëshmitarëve, gjë që ka qenë problem sipas gjykatës. Nuk e besoj këtë si një shpjegim të mjaftueshëm. Gjykata duhet t’i kishte liruar këta burra shumë kohë më parë. Asnjëri prej tyre nuk po ia mbath për t’u fshehur. Të gjithë mund të ishin monitoruar pa u paraburgosur në Hagë”, ka deklaruar ai.

    Analisti amerikan mes tjerash shkruan se “Nuk e di nëse këta udhëheqës të UÇK-së janë fajtorë apo të pafajshëm për akuzat. Nuk i kam lexuar të gjitha transkriptet e gjyqit. Edhe nëse do t’i kisha lexuar, përgjegjësia është e gjykatës për të vendosur, jo e imja. Shpresoj vetëm që vendimi të mbahet i izoluar nga pritjet e qeverive evropiane se ato duhet të marrin disa dënime për qindra miliona euro që kanë investuar në këtë përpjekje”.

    Serwer ka treguar edhe një ngjarje kur ishte takuar me Hashim Thaçin në SHBA më 1999.

    “Edhe një histori për Hashimin, një histori aq e vjetër sa qeveria amerikane do ta kishte deklasifikuar tashmë. E gjeta veten 26 vjet më parë në Lansdowne me të dhe një nga komandantët e UÇK-së në mëngjes. U përpoqa të bëja një bisedë duke vërejtur se duhet të jetë e çuditshme për ta që të ishin në këtë vendpushim luksoz në Virxhinia, kur vetëm disa javë më parë kishin luftuar në malet e Kosovës. Hashimi shikoi komandantin e UÇK-së me të, i cili u vrenjt, u kthye nga unë dhe tha: “Unë kurrë nuk kam qenë luftëtar i vërtetë. Unë isha zëdhënësi politik.” Mendoj se Hashimi në atë moment ishte nën shumë presion për të më thënë të vërtetën”, ka shkruar Serwer.