Blog

Forca e Sigurisë së Kosovës (FSK) ka njoftuar se ka përfunduar me sukses një operacion kërkim-shpëtimi në afërsi të Liqenit të Jezhnicës, në komunën e Shtërpcës.

Sipas njoftimit zyrtar, pas marrjes së informatave nga Qendra e Situatave të Qeverisë së Republikës së Kosovës, është angazhuar togu i Kërkim-Shpëtimit Malor i Gardës Kombëtare të FSK-së, në koordinim me Policinë e Kosovës dhe autoritetet lokale.

Sipas informacioneve që ka siguruar Gazeta Sinjali, rasti është zbuluar nga Klubi Alpinist “Gjilani”, i cili ka njoftuar policinë për trupin e një femre të pajetë në një zonë të thellë malore, rreth katër orë ecje në këmbë nga rruga kryesore.

Viktima është identifikuar si Marina Neumüller, rreth 39-vjeçare në Asbasar, Gjermani.

Qëllimi i operacionit ishte tërheqja e trupit të pajetë të një personi. FSK njofton se misioni, pavarësisht sfidave, është kryer me sukses.

“Trupi i pajetë është tërhequr dhe dorëzuar autoriteteve për procedurat e mëtejshme,” thuhet në njoftimin e Forcës së Sigurisë së Kosovës.

Dy të akuzuarit, Faruk Mujka dhe Hysen Muzliukaj, janë deklaruar të pafajshëm lidhur me akuzat për korrupsion të ngritura nga Prokuroria Speciale e Republikës së Kosovës.

I akuzuari Faruk Mujka tha se, “Nuk e pranoj fajësinë”, ndërsa i akuzuari Hysen Muzliukaj deklaroi se, “Absolutisht i pa fajshëm”.

Prokurorja e rastit, Iliriana Qollaku Tafa, tha se sipas aktakuzës, Mujka në cilësinë e nënkryetarit të Komunës së Mitrovicës, ndërsa Muzliukaj në cilësinë e drejtorit për Gjeodezi, Kadastër dhe Pronë në atë komunë, akuzohen për keqpërdorim të detyrës zyrtare lidhur me rastin e këmbimit të pronës së ish-Bankosit me pronë private. Ndërkaq, Mujka akuzohet edhe për mosraportim apo raportim të rremë të pasurisë, me arsyetimin se në cilësinë e kryeshefit ekzekutiv të “Ibër-Lepencit” nuk i kishte deklaruar 60 mijë e 50 eurot që i ishin sekuestruar në shtëpi.

Sipas aktakuzës, Mujka dhe Muzliukaj, me dashje dhe duke shfrytëzuar detyrën zyrtare, kishin tejkaluar kompetencat e tyre me qëllim të përfitimit të dobisë pasurore për persona të tretë dhe në dëm të pronës publike. Më 25 prill 2021, Mujka, duke vepruar në emër të kryetarit të Komunës së Mitrovicës së Jugut, dhe Muzliukaj si drejtor për Gjeodezi, Kadastër dhe Pronë, kishin paraqitur Kuvendit Komunal propozim-vendimin për këmbim të pronës së paluajtshme në rrugën “Afrim Zhitia” (ndërtesa e ish-Bankosit) me një pronë private në rrugën “Ali Zeneli”, në pronësi të personit fizik Besarta Isufi.

Në aktakuzë thuhet se të pandehurit e dinin që prona e ish-Bankosit nuk ishte pronë komunale, pasi për të ekzistonte një proces gjyqësor i iniciuar nga Agjencia Kosovare e Privatizimit (AKP) dhe Ndërmarrja Shoqërore “Jugobanka” në Mitrovicë. Po ashtu, sipas dokumenteve, Kuvendi Komunal i Mitrovicës kishte marrë dy vendime për shpalljen me interes të posaçëm publik të objektit të ish-Bankosit, më 30 gusht 2012 dhe më 23 shkurt 2017, në bazë të të cilave ishte kërkuar që Bordit të AKP-së t’i bartet e drejta e shfrytëzimit, meqë prona nuk ishte komunale.

Prokuroria pretendon se Mujka dhe Muzliukaj kishin vepruar në kundërshtim me Ligjin për dhënien në shfrytëzim dhe këmbim të pronës së paluajtshme të Komunës dhe me Rregulloren për përcaktimin e procedurave për këmbim të pronës komunale, duke i shkaktuar AKP-së dëm të konsiderueshëm financiar në vlerë prej 125 mijë e 100 euro.

Për këto veprime, të pandehurit ngarkohen me veprën penale “Keqpërdorim i pozitës apo autoritetit zyrtar”, të paraparë me nenin 414 të Kodit Penal të Republikës së Kosovës.

Ndërsa për shumën prej 60 mijë e 50 euro të padeklaruar, Mujka ngarkohet edhe me veprën penale “Mosraportim ose raportim i rremë i pasurisë, i të ardhurave, i dhuratave, i dobisë materiale ose i detyrimeve financiare”, sipas nenit 430 të Kodit Penal.

Ish-kryetari i Prishtinës, Shpend Ahmeti, pasi me dështimin e Glauk Konjufcës për të formuar qeveri u hap rruga për zgjedhje të reja, tha se partitë politike në këto zgjedhje do të duheshin të tregonin se me kënd janë të gatshme të bëjnë koalicione për të mos u përsëritur i njëjti skenar.

“Në këto zgjedhje kishte me qenë mirë me na tregu partitë se me kënd janë të gatshëm me bo koalicione se përndryshe do ta kemi një deja vu kolektive”, shkroi Ahmeti.