ATV

Blog

  • Sa e rrezikshme është përdorimi i celularit gjatë shtatzënisë?

    Sa e rrezikshme është përdorimi i celularit gjatë shtatzënisë?

    Përdorimi i celularit është bërë pjesë e përditshmërisë së të gjithëve, por gjatë shtatzënisë ky zakon ka ngritur shumë pikëpyetje lidhur me ndikimin e tij në shëndetin e nënës dhe të fetusit. Studime të ndryshme ndër vite kanë analizuar efektet e valëve elektromagnetike dhe sjelljet e lidhura me përdorimin e tepruar të telefonit, duke ngritur debatin nëse kjo praktikë është apo jo e rrezikshme.

    Valët elektromagnetike: Çfarë thonë studimet?

    Telefoni celular lëshon rrezatim radiofrekuence, i cili konsiderohet jo-jonizues, pra nuk është i njëjtë me rrezatimet më të rrezikshme si rrezet X. Megjithatë, studimet e fundit tregojnë se ekspozimi i zgjatur dhe mbajtja e celularit shumë afër barkut ose kokës mund të ketë disa efekte të mundshme:

    Rritje të stresit oksidativ, i cili lidhet me dëmtime të qelizave.
    Ndikim të mundshëm në zhvillimin neurologjik të fetusit.
    Risk më të lartë për probleme me gjumin te nënat, që indirekt ndikon edhe në shëndetin e fetusit.

    Ndërsa shumë prej këtyre studimeve kërkojnë ende prova më të forta përfundimtare, ekspertët bien dakord se “ekspozimi i ulët dhe i kontrolluar” është mënyra më e sigurt.

    Një studim i Publikuar në BMC Public Health sugjeron se përdorimi i shpeshtë i celularit nga gratë shtatzëna lidhet me risk më të lartë për sjellje hiperaktive ose probleme me vëmendjen te fëmijët në vitet e para të jetës. Megjithëse kjo nuk provon shkak-pasojë, studiuesit rekomandojnë kujdes të shtuar.

    Efektet fizike te nëna

    Përveç rrezatimit, përdorimi i tepruar i telefonit ndikon drejtpërdrejt te nëna:
    Shtim i ankthit dhe stresit, sidomos për shkak të informacionit të tepërt.
    Pagjumësi, sidomos kur telefoni përdoret para gjumit.
    Dëmtime të qafës dhe shpinës, për shkak të qëndrimit të gjatë në një pozicion.
    Rënie e fokusit, gjë që mund të rrisë rrezikun e aksidenteve të vogla gjatë shtatzënisë.

  • ChatGPT për iPhone po vjen me funksion të ri

    ChatGPT për iPhone po vjen me funksion të ri

    Aplikacioni ChatGPT për iPhone po përgatitet për një përditësim të rëndësishëm – zhvilluesit po punojnë për të lejuar integrimin e të dhënave nga Apple Health, që mund t’i japë përdoruesve përvojë më personale dhe ndihmë më të mirë.

    Në versionin më të fundit të kodit të aplikacionit është parë ikonë e re e “Apple Health”, si dhe referenca që tregon se ChatGPT mund të ketë qasje në të dhënat për aktivitetin, gjumin, ushqimin, frymëmarrjen dhe faktorë të tjerë shëndetësorë – me qëllim që të ofrojë rekomandime dhe përgjigje më të përshtatura për secilin përdorues.

    Për momentin, ky funksion është ende “i fshehur” – nuk është aktiv për të gjithë përdoruesit dhe nuk dihet ende se kur do të publikohet zyrtarisht.

    Kjo lëvizje tregon se kompania prapa ChatGPT‑s, OpenAI, synon ta zgjerojë rolin e aplikacionit: jo vetëm si chatbot për biseda dhe informacione, por edhe si një asistent që mund të ndihmojë me çështje që lidhen me mirëqenien dhe stilin e jetës – për shembull duke ofruar këshilla për ushqim, aktivitet fizik apo pushim, bazuar në të dhënat personale të përdoruesit.

    Nëse gjithçka shkon sipas planit, kjo do të jetë një prej ndryshimeve më të mëdha që ChatGPT ka marrë për përdoruesit e iPhone-ve që nga prezantimi i integrimeve me sistemet e pajisjeve Apple.

  • Pistons ndalen nga Bucks, Jamal Murray shënon 55 pikë në fitoren e Nuggets

    Pistons ndalen nga Bucks, Jamal Murray shënon 55 pikë në fitoren e Nuggets

    Mëngjesin e sotëm u zhvilluan disa ndeshje interesante në kuadër të Ligës më të fortë të basketbollit në botë, NBA.

    Lideri i Konferencës së Lindjes, Detroit Pistons, ka pësur humbje pas një serie fantastike fitoresh radhazi, nga Milwakuee Bucks me rezultat 113-109.

    Protagonistet kryesor të kësaj fitoreje për Bucks ishin, Kevin Portet Jr me 26 pikë e shtatë asistime, Ryan Rollins me 22 pikë e tetë asistime dhe AJ Green me 19 sosh.

    Nga ana tjetër, Tobias Harris u dallua me 20 pikë e pesë kërcime por të pamjaftueshme për fitore.

    Kujtojmë që Bucks renditen në vendin e 10 në Lindje.

     

    Brooklyn Nets ka marrur fitoren e dytë radhazi, pasi mundi kësaj radhe Chicago Bulls me rezultta 113-103.

    Michael Porter Jr, ishte ylli mbrëmjes me 33 pikë, 10 kërcime e pesë asistime, derisa Noah Clowney shtojë 20 pikë e shtatë kërcime për në fitore.

    Te skuadra humbëse u dallua Josh Giddey me Triple-double prej 28 pikëve, 11 kërcimeve e po aq asitimeve.

    Nets gjenden në vendin e 13 në Lindje derisa Bulls në poziten e 11.

     

    Denver Nuggets është këndellur me fitore pasi mundi Indiana Pacers me shifrat 135-120.

    Paraqitja spektakolare e Jamal Murray me 55 pikë, I sjelli këtë fitore të rëndeshishme skuadrës së Nuggets, mirëpo kontribut dha edhe Nikola Jokic me 24 sosh.

    Te Pacers u dallua Pascal Siakam me 23 pikë, por që nuk mjaftuan për të bërë ballë Murray i cili ishte fantastic në cdo aspekt.

    Nuggets gjenden në poziten e pestë në Perëndim, derisa Pacers në vendin e 14 në Lindje.

  • Fadil Fazliu ofron 40 mijë euro dorëzani për lirimin e tij

    Fadil Fazliu ofron 40 mijë euro dorëzani për lirimin e tij

    Fadil Fazliu i cili po mbahet në paraburgim nën akuzën se ka qenë i përfshirë në veprat penale kundër administrimit të drejtësisë dhe pengim të procedurave të Dhomave të Specializuara të Kosovës, ka kërkuar që të lirohet me kusht duke ofruar një dorëzani prej 40 mijë eurosh.

    Një shumë kaq të madhe, njëjtë kohë më parë e kishte ofruar edhe i bashkakuzuari i tij, Isni Kilaj.

    Sipas mbrojtjes së Fazliut, Gjykimi nuk do të fillojë më 15 dhjetor dhe ka pak gjasa që të fillojë përpara marsit 2026, raporton “Betimi për Drejtësi”.

    Mbrojtja gjithashtu thotë se ka përfunduar faza e paraqitjes së provave nga Prokuroria dhe mbrojtja në çështjen e Hashim Thaçit dhe të tjerëve për krime lufte dhe rrjedhimisht çdo rrezik për pengim është zvogëluar ndjeshëm.

    Sipas mbrojtjes, sa i përket rrezikut të arratisjes, Fazliu s’ka pozitë politike dhe s’ka pasaportë shqiptare. Andaj, mbrojtja kishte sugjeruar se si kusht për lirim të përkohshëm të vendoset moslargimi i Fazliut nga Prishtina, të dorëzojë të gjitha dokumentet e udhëtimit dhe të ofrojë një dorëzani në shumën prej 40 mijë eurove.

    Ndërsa, sa i përket rrezikut që ai t’i pengojë procedurat, mbrojtja thotë se nuk ka asnjë provë që tregon se Fazliu ka manifestuar sjellje të tillë.
    Rrjedhimisht, mbrojtja ka kërkuar që Fazliu të lirohet deri kur të fillojë gjykimi në këtë rast.

    Ndryshe, në sallën e gjyqit janë të pranishëm fizikisht vetëm Fadil Fazliu dhe Isni Kilaj ndërsa Thaçi, Smakaj, dhe Kuçi janë të pranishëm përmes video-lidhjes. Përmes videolidhjes janë të pranishëm edhe disa nga avokatet.

    Ndryshe, Hashim Thaçi ndodhet në Qendrën e Paraburgimit në Hagë që nga nëntori i vitit 2020. Ai është duke u gjykuar për krime lufte, si dhe vitin e kaluar i është ngritur aktakuza kundër administrimit të drejtësisë.

    Lidhur me rastin kundër administrimit të drejtësisë, Bashkim Smakaj, Fadil Fazliu dhe Isni Kilaj u arrestuan më 5 dhjetor 2024 në Kosovë dhe u transferuan në objektin e paraburgimit në DhSK, më 6 dhjetor 2024 në bazë të aktakuzës së konfirmuar dhe fletarrestimeve të lëshuara nga Haga.

    Ndërsa, Thaçit i është dorëzuar fletarrestimi në objektin e paraburgimit në Hagë më 5 dhjetor 2024, gjithnjë sipas njoftimit të DhSK-së.

    Kurse, Hajredin Kuçit i është dorëzuar aktakuza e konfirmuar dhe fletëthirrja për t’u paraqitur para gjykatëses së procedurës paraprake për paraqitjen e parë, e cila u mbajt 9 dhjetor.

    Sipas aktakuzës, Thaçi individualisht dhe përmes veprimeve të përbashkëta me grupet; Grupi Fazliu (Fadil Fazliu dhe FahriFazliu), Grupin Smakaj (Bashkim Smakaj, Blerim Shala dhe Artan Behrami) si dhe Grupin Kilaj (Isni Kilaj dhe VllaznimKryeziu), kanë ndjekur një model të sjelljes për të penguar personat zyrtarë në kryerjen e detyrave zyrtare.

    Në aktakuzë thuhet se Thaçi ka udhëhequr dhe marrë pjesë në këto përpjekje përmes vizitave të tij në objektet e paraburgimit gjatë kohës sa ishte i paraburgosur në kuadër të gjykimit të tij për krime lufte dhe krime kundër njerëzimit.

    Aty thuhet se anëtarët e Grupit Fazliu, Grupit Smakaj dhe Grupit Kilaj u koordinuan për të ndikuar në dëshmitarët e ZPS-së gjatë vizitave jo të priveligjuara të datave 2 korrik, 9 shtator dhe 6 tetor 2023.

    Si rrjedhojë, ndaj Thaçit rëndojnë tri akuza për pengim të personit zyrtar në kryerjen e detyrave zyrtare, tri për shkelje të fshehtësisë së procedurës dhe katër akuza për mosbindje ndaj gjykatës.

    Ndërsa, Kilaj, Smakaj dhe Fazliu akuzohen për tentativë të pengimit të personave zyrtarë në kryerjen e detyrave zyrtare dhe mosbindje ndaj gjykatës. Kurse, Kuçi i ka dy akuza për mosbindje ndaj gjykatës.

  • AGK thirrje VV-së dhe Osmanit: Sami Kurteshi të largohet nga KQZ

    AGK thirrje VV-së dhe Osmanit: Sami Kurteshi të largohet nga KQZ

    Asociacioni i Gazetarëve të Kosovës ka dënuar fuqishëm gjuhën e papërgjegjshme, sulmuese dhe shumë të rrezikshme të anëtarit të KQZ-së, Sami Kurteshi, nga partia politike Vetëvendosje.

    Kurteshi, në një reagim publik, e quajti AGK-në “Aleancë të Grupeve Kriminale” dhe listoi një sërë mediash, që sipas tij operojnë si “vrasës me pagesë”.

    “Këto akuza, përveç që janë të pabaza, paraqesin rrezik real për sulme të mundshme në të ardhmen ndaj gazetarëve dhe pjesëtarëve të mediave në punën e tyre profesionale në terren.

    Deklaratat nxitëse të urrejtjes të z. Kurteshi janë vazhdimësi e një fushate linçuese ndaj gazetarëve, me qëllim frikësimin e tyre dhe minimin e lirisë së medias në vend.”

    AGK-ja e ka ftuar Vetëvendosjen dhe liderin e saj Albin Kurti, si dhe Presidenten e Republikës, Vjosa Osmani, që të konsiderojnë largimin e Kurteshit nga pozicioni i tij në Komisionin Qendror të Zgjedhjeve.

    Postimi i plotë:

    Deklaratat e Sami Kurteshit- të papërgjegjshme dhe të rrezikshme

    Asociacioni i Gazetarëve të Kosovës (AGK) dënon fuqishëm gjuhën e papërgjegjshme, sulmuese dhe shumë të rrezikshme të anëtarit të KQZ-së, Sami Kurteshi, nga partia politike Vetëvendosje.

    Kurteshi, në një reagim publik, e quajti AGK-në “Aleancë të Grupeve Kriminale” dhe listoi një sërë mediash, që sipas tij operojnë si “vrasës me pagesë”.

    Këto akuza, përveç që janë të pabaza, paraqesin rrezik real për sulme të mundshme në të ardhmen ndaj gazetarëve dhe pjesëtarëve të mediave në punën e tyre profesionale në terren.

    Deklaratat nxitëse të urrejtjes të z. Kurteshi janë vazhdimësi e një fushate linçuese ndaj gazetarëve, me qëllim frikësimin e tyre dhe minimin e lirisë së medias në vend.

    AGK-ja e fton Vetëvendosjen, liderin e saj Albin Kurti dhe Presidenten e Republikës, Vjosa Osmani, që të konsiderojnë largimin e Kurteshit nga pozicioni i tij në Komisionin Qendror të Zgjedhjeve.

  • Kina rrit praninë detare në Azi me mbi 100 anije

    Kina rrit praninë detare në Azi me mbi 100 anije

    Kina po vendos një numër të paprecedentë anijesh luftarake dhe të rojes bregdetare në ujërat e Azisë Lindore, me mbi 100 mjete detare të raportuara në një moment të vetëm — shfaqja më e madhe e forcës detare kineze deri më sot, sipas Reuters.

    Ky aktivitet i shtuar vjen në një periudhë që zakonisht karakterizohet nga ushtrime intensive ushtarake të Ushtrisë Çlirimtare Popullore, megjithëse Pekini nuk ka njoftuar asnjë stërvitje të madhe me emër zyrtar.

    Lëvizjet e flotës ndodhin ndërsa tensionet mes Kinës dhe Japonisë janë përshkallëzuar. Muajin e kaluar, kryeministrja japoneze Sanae Takaichi deklaroi se një sulm hipotetik i Kinës ndaj Tajvanit — ishull që Pekini e konsideron territor të vetin — mund të nxiste një përgjigje ushtarake nga Tokio. Deklarata shkaktoi irritim të fortë në Pekin.

    Përplasjet diplomatike janë thelluar edhe nga njoftimi i presidentit tajvanez Lai Ching-te për një rritje shtesë prej 40 miliardë dollarësh në buxhetin e mbrojtjes, me qëllim forcimin e kapaciteteve kundër kërcënimeve kineze.

    Anijet kineze janë përqendruar në një hark detar që shtrihet nga jugu i Detit të Verdhë, përmes Detit të Kinës Lindore dhe deri në zonat e kontestuara të Detit të Kinës Jugore, si dhe në hapësira të Paqësorit, thanë zyrtarë të sigurisë në rajon.

    Ky akumulim i madh forcash shihet si sinjal i qartë i synimeve të Pekinit për të projektuar ndikim dhe presion të shtuar ushtarak në rajon.

  • Në mbledhjen inauguruese të Kuvendit Komunal, Sami Lushtaku jep betimin si kryetar i Skenderajt

    Në mbledhjen inauguruese të Kuvendit Komunal, Sami Lushtaku jep betimin si kryetar i Skenderajt

    Kuvendi Komunal i Skenderajt ka mbajtur sot mbledhjen inauguruese, ku është bërë betimi i kryetarit të zgjedhur më 12 tetor, Sami Lushtaku.

    Gjatë ceremonisë solemne, Lushtaku dha betimin para asamblistëve dhe të pranishmëve, duke u zotuar për ushtrimin me përgjegjësi të detyrave të tij si i pari i komunës.

    “Betohem që do t’i kryej detyrat dhe t’i ushtroj kompetencat e mia, si kryetar i Skenderajt, me nder, besnikëri dhe në mënyrë të paanshme, me ndërgjegje dhe në pajtim me ligjin, në mënyrë që t’i siguroj kushtet për një jetë të qetë për të gjithë”, tha Lushtaku.

  • Pas një kohe të gjatë, Albion Rrahmani shënon gol

    Pas një kohe të gjatë, Albion Rrahmani shënon gol

    Sulmuesi i Kosovës, Albion Rrahmani, ka shënuar gol pas një kohe të gjatë, ai gjeti rrjetën në ndeshjen ne kuadër të Kupës së Çekisë, duke realizuar nga penalltia në minutën e 89-të.

    Me golin e Rrahmanit, Sparta Praga siguroi kalimin në çerekfinale të Kupës çeke të futbollit.

    Sparta Praga mposhti Artis Brnon me rezultat 2:1.

    Për Rrahmanin ishte goli i parë pas 13 ndeshjeve. Ai nuk kishte shënuar gol që nga 5 tetori.

    Për 25-vjeçarin është goli i dhjetë i shënuar në 27 ndeshje në të gjitha garat, ndërkohë ka edhe dy asistime. /ATVLIVE.TV

  • Quentin Tarantino zbulon listën e aktorëve më të dobët sipas tij dhe I quan ‘Weak Sauce’

    Quentin Tarantino zbulon listën e aktorëve më të dobët sipas tij dhe I quan ‘Weak Sauce’

    Internetit u ndez mbrëmë kur Quentin Tarantino, në mes të një livestream-i dhe qartësisht pa  filtra, vendosi ta zbulojë atë që ai e quajti “Weak Sauce List” , një grup aktorësh për të cilët thotë se thjesht “nuk i plas fare”.

    Në fillim u tall paksa. Pastaj ngriti supet, u mbështet pas dhe tha: “Mirë. Doni emra? Do t’ju jap emra.”

    Ai ngriti një gisht dhe tha: “Trent Malloy.”, “Djalë i mirë, por çdo fjalë që thotë tingëllon sikur po kërkon rimbursim në supermarket.”

    Ngriti gishtin e dytë dhe tha: “Sasha Redd, E famshme për aktrim me përshpëritje. Çdo regjisor që punon me të përfundon duke ngritur volumin sikur po regjistrojmë zëra fantazmash.”

    Ngriti gishtin e tretë dhe tha: “Colton Pierce”, Tarantino qeshi dhe shtoi: “Ai e refuzoi një rol në filmin tim sepse ‘nuk bën xhirime të gjata’. “Weak. Sauce.””

    Fansat u çmendën menjëherë, duke shpërthyer me teori, meme dhe kërkesa për më shumë. Por Tarantino e mbylli me një mic-drop të pastër të stilit të tij:
    “Kaq ju jap. Tre emra. Thashë më shumë sesa duhej.”

    Brenda minutash, rrjetet sociale lindën një hashtag të ri të papërmbajtshëm #WeakSauceList, duke e kthyer “çlirimin” spontan të regjisorit në obsesionin më të ri të internetit.

    Gjatë kësaj interviste në “The Bret Easton Ellis Podcast”, regjisori diskutoi edhe 10 filmat e tij më të preferuar të shekullit 21 dhe vendosi “There Will Be Blood” në vendin e pestë. Megjithëse e adhuron filmin, ai nuk u kursye për të kritikuar aktorin Paul Dano, i cili luajti binjakët Paul dhe Eli Sunday.

    “Ai është një djalë kaq i dobët e jo-interesant,” tha Tarantino. “Filmi ka nevojë për një kundërshtar të fortë; ai nuk ka nevojë për asgjë. Supozohet të jetë një duel dhe nuk është.”

    Pasi diskutoi performancën e Day-Lewis, Tarantino shtoi: “Pra e vendos atë përballë aktorit më të dobët në SAG? Pe*** më të mekur në botë?”

    Regjisori gjithashtu përmendi aktorë të tjerë që nuk i pëlqen si Owen Wilson dhe Matthew Lillard.

  • Murati thotë se kosovarët i kanë 2 miliardë më shumë në banka se para 5 viteve

    Murati thotë se kosovarët i kanë 2 miliardë më shumë në banka se para 5 viteve

    Ministri në detyrë i Financave, Hekuran Murati, ka thënë se depozitat dhe kursimet e familjeve kosovare në banka në fund të muajit tetor kanë arritur 4.69 miliardë euro.

    “Kur faktet çmontojnë propagandën 👇 Depozitat dhe kursimet e familjeve kosovare në banka në fund të muajit tetor kanë arritur 4.69 miliardë euro. Sipas të dhënave zyrtare nga seritë kohore në faqen e BQK-së, depozitat dhe kursimet nëpër banka të familjeve në Kosovë kanë shënuar rekord me 4.69 miliardë euro.”

    Ai thotë se ka rritje prej 2.12 miliardë euro në krahasim me tetorin e para viteve.

    “Kjo përbën një rritje prej 2.12 miliardë euro, apo 82.5%, krahasuar me muajin tetor para 5 viteve kur depozitat dhe kursimet e familjeve në Kosovë ishin 2.57 miliardë euro.Sa për krahasim, në periudhën 5 vjeçare para Qeverisë Kurti, depozitat dhe kurismet e familjeve kishin shënuar rritje prej vetëm 745 milionë eurove, apo 40.8%. Pra në periudhën 2020-2025, rritja e parave në banka (depozita/kursime) për familjet në Kosovë ka qenë më se 2-fish më e shpejtë sesa rritja e parave në banka përgjatë 5-vjeçarit të qeverisjeve të kaluara (82.5% vs 40.8%).”