Blog

Aktivistja Flutura Kusari ka reaguar ndaj gjuhës së kryetarit të Skenderajt, Sami Lushtaku, për deputetën e VV-së, Adriana Matoshit.

Ajo ka thënë se shprehjet e tij janë të paparanushme dhe të rrezikshme.

“Shprehjet e Sami Lushtakut drejtuar Adriana Matoshit jane te tmerrshme, te papranueshme dhe te rrezikshme per krejt grate qe jane prezente ne domenin publik!” – ka shkruar Kusari.

Në anën tjetër Lushtaku ka thënë: “Ajo është niveli i saj, sikur kur del prej një shtëpie publike, e jo si një deputete që ka përgjegjësi për fjalën që flet me qytetarët. Prandaj, mendoj se edhe zonja Matoshi edhe do zonja tjera duhet të kenë kujdes se çka flasin sepse mendoj se fjala e tyre është bajagi me peshë.”

Gjykata Speciale në Hagë ka vendosur që Hashim Thaçi t’i vazhdohet paraburgimi, duke theksuar se bazat ligjore për qëndrimin e tij në qendrat e paraburgimit vazhdojnë të jenë të vlefshme edhe pas shqyrtimit më të fundit.

Sipas gjykatës, rreziqet e parashikuara në Nenin 41(6)(b) – rreziku i arratisjes, mundësia e pengimit të procedurës dhe rreziku i kryerjes së veprave të reja penale – vazhdojnë të ekzistojnë dhe nuk mund të zbuten përmes masave më të lehta se paraburgimi.

Zyra e Prokurorit të Specializuar ka thënë se asnjë kusht lirimi nuk i adreson në mënyrë të sigurt këto rreziqe, ndërsa Mbrojtja kërkoi rivlerësim duke theksuar ndryshimet e rrethanave pas përfundimit të fazës së provave në rastin kryesor të vitit 2020.

“Zyra e Prokurorit të Specializuar kërkon vazhdimin e paraburgimit të z. Thaçi, me arsyetimin se nuk ka dalë asnjë rrethanë apo informacion i ri që do të minonte gjetjet e Gjyqtarit të Procedurës Paraprake në Vendimin e Shqyrtimit të Pestë. Më konkretisht, ZPS-ja thekson se vazhdimi i paraburgimit mbetet i domosdoshëm pasi të tre rreziqet sipas nenit 41(6)(b) vazhdojnë të jenë të pranishme. Po ashtu, sipas ZPS-së, asnjë kusht i mundshëm lirimi nuk do t’i zbusë në mënyrë të përshtatshme këto rreziqe, të cilat mund të menaxhohen vetëm në Qendrat e Paraburgimit të Dhomave të Specializuara. Së fundmi, ZPS-ja argumenton se paraburgimi i vazhdueshëm i z. Thaçi mbetet proporcional, duke pasur parasysh kohën e kufizuar që ka kaluar, dënimin potencialisht të gjatë me të cilin ai përballet dhe progresin e procedurave aktuale”.

Gjykatësi ka theksuar se ky shqyrtim është bërë nga e para (“de novo”), por se nuk janë paraqitur ndryshime të mjaftueshme që do të justifikonin lirimin e ish-presidentit në këtë fazë.

Gjykata ka caktuar edhe afatet e reja procedurale, Thaçi, nëse dëshiron, mund të paraqesë parashtresa të reja deri më 13 janar 2026, ora 16:00. Nëse ai nuk paraqet parashtresa, ZPS-ja duhet të dorëzojë qëndrimin e saj deri më 20 janar 2026, ora 16:00.

Më pas, Thaçi mund të përgjigjet deri më 27 janar 2026, ora 16:00.

Në të njëjtin vendim, masa e paraburgimit është vazhduar edhe për Bashkim Smakajn dhe Fadil Fazliun, të cilët akuzohen për vepra kundër administrimit të drejtësisë.

Thaçi po përballet me dy procese të ndara në Hagë, një për krime lufte, që ka nisur që nga viti 2020, dhe një tjetër për pengim të drejtësisë.

Kryetari i Skenderajt, Sami Lushtaku, ka përdorur gjuhë të rëndë ndaj ish-deputetes së Lëvizjes Vetëvendosje, Adriana Matoshi, duke thënë se niveli i saj është “sikur kur del prej një shtëpie publike”.

Këto deklarata Lushtaku i dha të enjten pasi u betua si kryetar i Skenderajt, pasi u pyet për deklaratat e Matoshit, e cila e akuzonte Lushtakun se kishte blerë toka me çmim qesharak e më pas i kishte shitur me çmime astronomike.

“Ajo është niveli i saj, sikur kur del prej një shtëpie publike, e jo si një deputete që ka përgjegjësi për fjalën që flet me qytetarët. Prandaj, mendoj se edhe zonja Matoshi edhe do zonja tjera duhet të kenë kujdes se çka flasin sepse mendoj se fjala e tyre është bajagi me peshë. Prandaj, të gjithë ne që jemi në politikë duhet të kemi kujdes maksimal, të mos ofendojmë. Nëse ka dikush vërejtje për punën dhe angazhimin tonë, le të flasin me fakte”, ka thënë Lushtaku para mediave.

Kryetari i Lidhjes Demokratike të Kosovës, Lumir Abdixhiku, priti sot në Selinë Qendrore ambasadorin e Mbretërisë së Bashkuar në Kosovë, Jonathan Hargreaves.

Në këtë takim nga LDK njoftojnë se është diskutuar mbi zhvillimet e fundit politike në vend, si dhe qëndrimet e Lidhjes Demokratike të Kosovës ndaj këtyre zhvillimeve, me theks të veçantë në procesin zgjedhor të 28 dhjetorit.

“Kryetari Abdixhiku e informoi ambasadorin britanik për përgatitjet e intensifikuara të LDK-së për zgjedhjet nacionale dhe angazhimin e partisë për një proces demokratik, të drejtë dhe gjithëpërfshirës. Po ashtu theksoi mobilizimin e strukturave në të gjitha komunat, finalizimin e programit qeverisës, si dhe angazhimin e partisë për një fushatë konstruktive dhe të orientuar kah qytetari. Kryetari Abdixhiku nënvizoi se LDK-ja është e gatshme të paraqesë një ofertë serioze dhe vizionare për të ardhmen e vendit, duke u mbështetur në përvojën institucionale që ka. Kryetari Abdixhiku i shprehu mirënjohjen ambasadorit Hargreaves për mbështetjen e vazhdueshme që Mbretëria e Bashkuar i ka dhënë dhe vazhdon t’i japë Kosovës në proceset e saj më të rëndësishme shtetformuese dhe demokratike”, thuhet në njoftimin e LDK-së.

Një armë e tipit kallashnikov e përdorur nga Ushtria Çlirimtare e Kosovës gjatë rezistencës së armatosur në vitet ’90, ka përfunduar në koleksionin e ‘Imperial War Museum’ në Londër. Jonathan Ferguson, ekspert i armëve, ka treguar se kjo armë është model shqiptar i prodhuar në vitin 1986, bazuar në versionin kinez Type 56.

Por një detaj e bën këtë kallashnikov të veçantë: në pjesën e drurit është gdhendur akronimi “UÇK” që sipas Ferguson përfaqëson një tipologji tipike që ruan një lidhje të drejtpërdrejtë me luftën në Kosovë dhe intervenimin e NATO-s në vitin 1999.

“Britania e Madhe u përfshi fillimisht duke kryer sulme ajrore, pastaj në terren si pjesë e forcave paqeruajtëse të NATO-s, dhe pikërisht gjatë këtij misioni, ose më saktë, përmes kësaj ndërhyrjeje, arritëm të siguronim këtë armë. Nuk i dimë detajet, nuk e dimë se kush e ka mbajtur këtë armë apo për çfarë është përdorur”, ka theksuar Ferguson, raporton AP.

Në koleksionin e muzeut, përveç armës të luftëtarit të panjohur të UÇK-së, ruhen edhe vizatime që reflektojnë përvojën e fëmijëve kosovarë gjatë luftës së viteve 1998-1999. Një prej tyre tregon një luftëtar të UÇK-së në uniformë, i cili mban në duar një AK-47.

Sot është realizuar me sukses ekstradimi nga Hungaria në Kosovë i të dënuarit S.T., 49 vjeç, nga fshati Gjonaj, Komuna e Prizrenit, me qëndrim të përkohshëm në Hungari.

Ekstradimi është kryer në bazë të urdhër-arrestit ndërkombëtar të lëshuar nga Gjykata Themelore në Prizren, për veprat penale: “Blerja, posedimi, shpërndarja dhe shitja e paautorizuar e narkotikëve dhe substancave analoge”, KPK 272/1 “Kultivimi i bimës së hashashit, shkurres së kokainës ose bimëve të kanabisit”, KPK 366/1 “Mbajtja në pronësi, kontroll ose posedim të paautorizuar të armëve”.

I dënuari është gjykuar me një total prej 3 vite e 10 muaj burgim dhe me gjobë prej 4,000 €, por i kishte shmangur vuajtjes së dënimit.

I ekstraduari është dorëzuar nga autoritetet kompetente Hungareze, ku është pranuar nga zyrtarët kompetent dhe më pas nga zyrtarët policorë të Stacionit Policor Prizren është dërguar në Qendrën e Paraburgimit.

Policia e Kosovës falënderon autoritetet italiane për bashkëpunimin ndërinstitucional dhe mbetet e përkushtuar në zbatimin e urdhër-arresteve dhe procedurave ligjore në funksion të drejtësisë dhe sigurisë publike.

Ish-ushtari britanik i Ushtrisë Çlirimtare të Kosovës, Jon Harrison është bërë shtetas i Republikës së Kosovës.

Lajmin e dha vetë ai në një postim në Facebook, të cilit ia ka bashkëngjitur edhe dekretin për dhënien e shtetësisë nga ana e presidentes Vjosa Osmani.

“Zonja dhe zotërinj, jam shpallur shtetas i Republikës së Kosovës”, ka shkruar Harrison.

Vajza e ish-luftëtarit të UÇK-së, Nikë Hiseni, Dorentina, i është bashkuar AAK-së.

Lajmin e ka bërë të ditur kreu i partisë, Ramush Haradinaj, i cili tha se Dorentina Hiseni do të jetë pjesë e listës për zgjedhjet e 28 dhjetorit.

“Bashkëluftëtari Nikë Hiseni është një burrë i dëshmuar në ditët e vështira, i zgjedhur për disa mandate me radhë si asamblist në Komunën e Gjakovës, ndërsa familja Hiseni nga Neci është një ndër familjet më të respektuara në Gjakovë.

E kam nder të mirëpres në listën e Aleancës vajzën e Nikës, Dorentinën, e cila përfaqëson brezin e ri të Aleancës, të rinj profesionistë e ambiciozë për ta çuar Kosovën përpara. Dorentina është juriste me përvojë, dhe angazhimi i saj sjell profesionalizëm dhe energji të re në listen tonë.”