Kryeministri i Kosovës, Albin Kurti ka arritur në Mynih.
Ai atje do të marr pjesë në Konferencën e përvitshme të Sigurisë.
Kurti në Gjermani është duke u shoqëruar nga bashkëshortja e tij, Rita Augestad Knudsen.
Në këtë konferencë do të marrin pjesë shumë udhëheqës e liderë botëror. Në mesin e tyre do të jetë edhe Sekretari i Shtetit, Marco Rubio.
24 vjet më parë kishte nisur gjyqi ndaj ish-presidentit të Serbisë, Sllobodan Millosheviq, i cili njihet si kasapi i Ballkanit.
Hulumtuesja e Tribunalit të Hagës për ish-Jugosllavi, Nevenka Tromp, pikërisht nga objekti i atëhershëm i njohur si Gjykata e Hagës, kujton ditën e 2 shkurtit kur nisi ky proces, duke përmendur turmën e gazetarëve përreth objektit.
“Ishte 24 vjet më parë kur gjyqi ndaj Millosheviqit filloi në këtë ndërtesë pas meje. Nëse do të shikonit pamjet arkivore, i gjithë ky shesh këtu ishte plot i mbushur me antena satelitore të të gjitha mediave botërore. Nuk mund të kaloje nga turma e gazetarëve – ishte lajmi kryesor në gjithë botën. Dhe tani, 24 vjet më pas, kemi një situatë të ngjashme me Dhomat e Specializuara të Kosovës, ku liderët e Kosovës, udhëheqësit e kohës së luftës, kundërshtarë të regjimit të Millosheviqit, po mbajnë fjalët e tyre përmbyllëse në një proces penal kundër tyre”, tregon ajo në një intervistë për KosovaPress.
Millosheviq gjykohej për krime të luftës, krime kundër njerëzimit, për gjenocid në Kroaci, në Bosnje e Kosovë.
Autorja e librit “Gjykimi i papërfunduar i Sllobodan Millosheviqit” flet për KosovaPress për rëndësinë që kishte ky proces për Kosovën në veçanti.
Tromp thekson se gjatë kohës sa ishte Millosheviq në pushtet ndodhën krime masive e mizori të mëdha.
“Para se gjithash, Millosheviq ishte pothuajse 10 vjet president, fillimisht i Serbisë dhe më pas i Republikës Federale të Jugosllavisë. Gjatë kësaj kohe pati tre luftëra radhazi ku ndodhën krime masive dhe mizori të mëdha. Pas vitit 1995, kur Millosheviqi ishte nje nga arkitektët e Marrëveshjes se Dejtonit për Bosnjën, ai pati nje dhanc ta rehabilitonte vetën, sepse i kujtojmë fotografitë në Paris nga dhjetori 1995, ku ai po shtrëngonte duart me Alija Izetbegoviqin -president i Bosnjes, Franjo Tugjmanin president i Kroacisë dhe Bil Clintonin. Dhe disi ai nuk arriti ta mbante vetën në anen e mirë te historisë. Ai nuk mund ta linte Kosovën të lirë dhe duke hyrë në luftën e Kosovës, ai u cementua në historinë botërore si një figurë negative, si një njeri që abuzoi me pushtetin politik dhe ishte përgjegjës për mizori masive. Fillimisht u padit për Kosovën sepse, pas Dejtonit, ai mendoi: jam i sigurt, askush nuk do të më padisë për Kroacinë dhe Bosnjë-Hercegovinën. Por sapo humbi pushtetin në tetor 2000 dhe u transferua në Hagë vetëm mbi bazën e aktakuzës për Kosovën, në qershor 2001, prokuroria e zgjeroi aktakuzën me dy të tjera: një për krimet në Kroaci nga 1991 deri në 1995 dhe një për krimet në Bosnjë-Hercegovinë, përfshirë gjenocidin.”
Ky proces, Tromp shton se kishte rëndësi te veçantelajm i madh, meqë krimi i gjenocidit për herë të parë po gjykohej në nivel individual.
“Kjo ishte lajmi i madh, sepse krimi i gjenocidit për herë të parë po gjykohej në nivel individual në lidhje me luftërat jugosllave, por gjithashtu për herë të parë u ngrit edhe një padi për gjenocid kundër një shteti, kundër Serbisë, në gjykatën më të lartë të OKB-së këtu në Hagë. Përmes aktakuzës së Millosheviqit, bota kuptoi se ekziston një mënyrë për t’u përballur me krimin e gjenocidit si në nivel individual, në nivel presidenti, ashtu edhe në nivel shteti. Pse nuk kishte akuza për gjenocid për Kosovën në aktakuzë, kjo mbeti e pazgjidhur, sepse vdekja e tij dhe zhvillimet e mëvonshme të së drejtës penale ndërprenë çdo hetim të mëtejshëm për prova të mundshme të gjenocidit në Kosovë në vitet 1998–1999”, thekson Tromp për KosovaPress.
Gjyqi ndaj Millosheviqit filloi nga 12 shkurti i vitit 2002 e zgjati deri në mars te vitit 2006, por nuk arriti të ketë aktgjykim përfundimtar për shkak se ai vdiq në qeli.
Sikur te përfundohet ky gjyq dhe të kishte vendim kundër Millosheviqit, Tromp thotë se do të ishte e vështirë që sot të gjykohen ish-liderët e Ushtrisë Çlirimtare të Kosovës.
“Nga pikëpamja ligjore, do të kishte qenë shumë e rëndësishme të kishte një vendim kundër tij. Një përgjegjësi e tij personale e konfirmuar qartë në gjuhën e ligjit do të implikonte shumë më tepër edhe udhëheqjen ushtarake serbe në kriminalitet. Jam e sigurt se do të kishte qenë shumë më e vështirë, 20 vjet më vonë, që Dhomat e Specializuara të Kosovës të gjykonin udhëheqësit e UÇK-së për krimet në Kosovë. Do të dukej shumë më jomorale dhe jashtë realitetit krahasuar me atë që do të përmbante një vendim kundër Millosheviqit si kreu i shtetit. Unë nuk kam asnjë dyshim se nga 66 pikat e aktakuzës, ndoshta nuk do të ishte shpallur fajtor për të gjitha, por për shumicën po. Dhe aktakuza për Kosovën ishte shumë e rëndësishme, sepse do të forconte narrativën e përgjegjësisë asimetrike në luftëra — që do të thotë se asnjë palë tjetër, si individ apo si shtet, nuk kishte rol dhe përgjegjësi më të madhe për shpërbërjen e dhunshme dhe kryerjen e krimeve sesa Millosheviqi, udhëheqja politike, ushtarake dhe policore serbe, dhe në fund edhe vetë Serbia si shtet”, përfundon ajo.
Nëse keni përjetuar ndonjëherë një infeksion të traktit urinar (UTI), e dini sa i dhimbshëm dhe shqetësues mund të jetë. Djegia gjatë urinimit, nevoja e shpeshtë për të shkuar në tualet dhe ndjesia e presionit në pjesën e poshtme të barkut janë simptomat më të zakonshme. Por kur kësaj i shtohet edhe dhimbja në pjesën e poshtme të shpinës, shumë persona pyesin veten nëse ka lidhje mes tyre.
Po, një infeksion urinar mund të shkaktojë dhimbje në mes ose në pjesën e poshtme të shpinës. Kjo ndodh për shkak të inflamacionit që shkakton infeksioni në traktin urinar. Në rastet e zakonshme, kur infeksioni prek vetëm fshikëzën, dhimbja e shpinës është e lehtë dhe përmirësohet sapo fillon trajtimi me antibiotikë.
Megjithatë, situata bëhet më serioze nëse dhimbja e shpinës shoqërohet me temperaturë, të dridhura, gjak në urinë, të përziera, të vjella ose dhimbje të forta në anët e mesit. Këto mund të jenë shenja se infeksioni është përhapur në veshka, duke shkaktuar infeksion të veshkave, i cili kërkon trajtim të menjëhershëm mjekësor.
Simptomat e zakonshme të një infeksioni urinar përfshijnë urinim të shpeshtë dhe urgjent, djegie gjatë urinimit, urinë të turbullt ose me erë të fortë, dhimbje në pjesën e poshtme të barkut, presion në zonën e legenit dhe ndonjëherë gjak në urinë. Gratë preken më shpesh nga këto infeksione, por ato mund të shfaqen tek kushdo.
Edhe pse disa infeksione të lehta mund të kalojnë vetë, zakonisht nevojiten antibiotikë për ta zhdukur plotësisht infeksionin. Simptomat zakonisht përmirësohen brenda një ose dy ditësh pas nisjes së trajtimit. Dhimbja e shpinës që lidhet me infeksionin duhet të zbutet gradualisht ndërsa infeksioni trajtohet. Ndërkohë, mund të ndihmojë aplikimi i nxehtësisë, pushimi dhe përdorimi i qetësuesve të dhimbjes sipas këshillës së mjekut.
Nëse dhimbja përkeqësohet, zgjat ose shoqërohet me temperaturë të lartë dhe simptoma të tjera alarmuese, është e rëndësishme të kërkoni menjëherë ndihmë mjekësore për të shmangur komplikimet.
Projektbuxheti për vitin 2026 që kap vlerën rreth 4 miliardë euro, ka kaluar në Komisionit për Buxhet, Punë dhe Transfere.
Ligji për Ndarjet Buxhetore për vitin 2026 është miratuar me 6 vota për, asnjë kundër dhe një abstenim.
Në rend dite janë edhe marrëveshjet ndërkombëtare:
-Shqyrtimi i Projektligjit nr.10/L-003 për ratifikimin e Marrëveshjes së financimit, për programin e parë për “financimin e politikave zhvillimore për efektivitetin fiskal, konkurrueshmërinë dhe rritjen e gjelbër” në mes të Republikës së Kosovës e përfaqësuar nga Ministria e Financave, Punës dhe Transfereve dhe Asociacionit Ndërkombëtar për zhvillim;
– Shqyrtimi i Projektligjit nr.10/L-005 për ratifikimin e marrëveshjen e kredisë në mes të Republikës së Kosovës përfaqësuar nga Ministria e Financave, punës dhe transfereve, dhe asociacioni ndërkombëtar për zhvillim për projektin “kompas” – qasja gjithëpërfshirëse e Kosovës për forcimin e sistemit të shëndetësisë.
– Shqyrtimi i Projektligjit nr.10/L-006 për ratifikimin e marrëveshjen e kredisë në mes të Republikës së Kosovës përfaqësuar nga Ministria e financave, punës dhe transfereve, dhe asociacioni ndërkombëtar për zhvillim (anzh) për projektin “edukimi në fëmijërinë e hershme dhe kujdesi për kapitalin njerëzor të Kosovës”;
-Shqyrtimi i Projektligjit nr.10/L-004 për ratifikimin e marrëveshjes së kredisë për “instrumentin për reforma dhe rritje për ballkanin perëndimor” ndërmjet Bashkimit Evropian, që përfaqësohet nga Komisioni Evropian si huadhënës, dhe Kosovës si huamarrës dhe bankës qendrore të Kosovës si agjent i huamarrësit.
Ministri i Financave, Hekuran Murati derisa prezantoi projektbuxhetin e 2026-tës dhe marrëveshjet ndërkombëtare, ka kërkuar nga deputetët që të përfundojnë procedurat sa më shpejt që është e mundur.
Trajneri i Barcelonës Hansi Flick ka shprehur zhgënjimin e tij pas humbjes së thellë 4:0 kundër Atletico Madrid-it në Kupën e Mbretit.
Tekniku gjerman ka deklaruar se ndaj madrilienëve skuadra e tij luajti shumë keq në pjesën e parë,teksa në të dytin ishte më pozitive sipas tij dhe shton se ende nuk ka përfunduar sa i përket çështjes së kualfikimit në finale.
“Në pjesën e parë, dhe pa justifikime, luajtëm shumë keq. Nuk luajtëm si ekip, siç duam ta shohim veten dhe siç duan të na shohin njerëzit. Pjesa e dytë ishte më e mirë, po, por një 4-0 është shumë e ashpër. Megjithatë, nuk ka mbaruar ende.”
Përndryshe Flick shton se kjo ishte një natë tejet e vështirë,por thotë se është edhe një takim tjetër në Camp Nou dhe se dëshirojnë ta fitojnë patjetër.
Kujtojmë që Barcelona pësoi humbje të thellë 4:0 kundër Atletico Madrid në ndeshjen e parë gjysmëfinale të Kupës së Mbretit.
Nuk është e lehtë për prindërit t’i lënë fëmijët e tyre të rritur të marrin vendime të pavarura. Ndërsa një marrëdhënie e ngushtë është e natyrshme, disa modele sjelljeje mund ta tensionojnë raportin dhe të krijojnë distancë emocionale. Ja cilat janë më të shpeshtat:
Kur prindërit vazhdojnë të ofrojnë mbështetje financiare edhe kur fëmijët janë në gjendje të përballojnë vetë jetën e tyre, kjo mund të krijojë varësi dhe të pengojë zhvillimin e pavarësisë. Ndihma është e vlefshme kur është e nevojshme, por jo kur zëvendëson përgjegjësinë personale.
Këshillat zakonisht vijnë nga dashuria dhe përvoja, por kur ato jepen pa u kërkuar dhe për çdo aspekt të jetës – nga marrëdhëniet tek karriera – mund të perceptohen si kritikë ose mosbesim.
Prindërit kanë qenë për vite me radhë figura kryesore vendimmarrëse në jetën e fëmijëve. Kalimi në një marrëdhënie mes dy të rriturve kërkon heqjen dorë nga kontrolli i tepërt, gjë që për disa është sfiduese.
Instinkti për të mbrojtur nuk zhduket me moshën e fëmijëve. Megjithatë, ndërhyrja e vazhdueshme për t’i shpëtuar nga vështirësitë mund t’u mohojë atyre mundësinë për të mësuar nga përvojat dhe për të ndërtuar qëndrueshmëri.
Vendosja e kufijve është thelbësore për një marrëdhënie të shëndetshme. Kufijtë mbrojnë mirëqenien e të dy palëve, forcojnë respektin e ndërsjellë dhe inkurajojnë pavarësinë. Kur prindërit nuk i pranojnë këta kufij, tensionet bëhen të pashmangshme.
Pranimi se fëmijët janë tashmë të rritur, besimi në aftësinë e tyre për të marrë vendime dhe komunikimi i hapur janë elementë kyç për një raport të balancuar dhe afatgjatë. Dashuria prindërore mbetet e pandryshuar, por mënyra se si shprehet ajo duhet të evoluojë me kohën.
Sydney Sweeney është fotografuar duke shijuar një takim të qetë me të dashurin e saj, Scooter Braun, gjatë një daljeje në Los Angeles.
Aktorja 28-vjeçare, e njohur për rolin në Euphoria, u shfaq e veshur në mënyrë sportive me një bluzë Ralph Lauren dhe xhinse të gjera, ndërsa Braun, 44 vjeç, kishte zgjedhur një këmishë të bardhë dhe xhinse të errëta. Çifti u pa duke shëtitur në një zonë tregtare në natyrë, duke përfituar nga koha e lirë.
Romanca e tyre u përfol për herë të parë në qershor të vitit të kaluar, kur u panë së bashku në dasmën e Jeff Bezos dhe Lauren Sanchez në Venecia. Lidhja erdhi disa muaj pasi Sweeney i dha fund fejesës me Jonathan Davino në mars 2025.
Ndërkohë, filmi i saj i fundit, The Housemaid, pati sukses të madh në arkëtime, duke fituar 358 milionë dollarë globalisht. Pas këtij suksesi, është konfirmuar vazhdimi me titull The Housemaid’s Secret, i planifikuar për vitin 2027, ku Sweeney do të rikthehet në rol.
Brenda vetëm një viti, leopardi kaloi nga një trend i momentit në një element bazë të garderobës moderne. Viti 2025 u shpall zyrtarisht si “Viti i Leopardit”, me motivin karakteristik që dominoi pasarelat në Paris dhe Nju Jork, street style-in dhe koleksionet e markave të njohura. Por me ardhjen e sezonit të ri, moda kërkonte diçka më të guximshme. Për vitin 2026, në qendër të vëmendjes vjen tiger print.
Me një dozë nostalgjie nga vitet ’70, ’90 dhe fillimi i viteve 2000, motivi i tigrit rikthehet më ekzotik, më i rrallë dhe vizualisht më magnetik. Vijat e tij krijojnë deklaratë edhe në kombinimet më minimaliste: mjafton një palë geta, një çantë apo një pallto me këtë print për të transformuar tërësisht një veshje.
Shtëpitë e mëdha të modës e kanë rikthyer periodikisht këtë kod stilistik nga arkivat, duke e përshtatur për brezat e rinj. Në dhjetor, Chanel prezantoi një fustan luksoz me motiv tigri në shfaqjen Métiers d’Art 2026, duke e vendosur sërish printin në epiqendër. Ndërkohë, Chloé dhe Jacquemus sollën pallto “fluffy” dhe silueta me frymë vintage, ndërsa Marine Serre e ktheu getën portokalli me tiger print në “must-have” të rrjeteve sociale.
Deri në vitin 2026, leopardi është bërë një zgjedhje e sigurt dhe e përditshme, po aq i lehtë për t’u kombinuar sa një xhaketë e zezë. Por tani, tigri merr fronin si protagonisti i ri i animal print, duke sjellë një energji më të fortë dhe më të guximshme në skenën e modës.
Paniku shpërtheu në Shangai kur një gropë gjigante u hap papritur në Distriktin Minhang, duke përpirë një pjesë të madhe të rrugës dhe duke dëmtuar strukturat përreth!
Dëshmitarët okularë thonë se toka u shemb pa paralajmërim, duke krijuar një krater të frikshëm që përpiu asfaltin brenda sekondash. Fotot nga vendngjarja tregojnë asfalt të çarë, beton të thyer dhe banorë të tronditur që shikonin boshllëkun e madh aty ku pak çaste më parë ishte një rrugë e frekuentuar.
Shembja dramatike ndodhi vetëm NJË DITË pasi punëtorët zbuluan një rrjedhje uji gjatë gërmimeve për Linjën e Metrosë Jiamin. Shumë banorë nuk janë të bindur se kjo nuk ishte rastësi.
Ekipet e ndërtimit po punonin në kuadër të zgjerimit të madh të metrosë kur u zbulua rrjedhja dhe tani po ngrihen pikëpyetje nëse punimet nëntokësore mund të kenë shkaktuar dobësimin e tokës dhe shembjen e papritur.
Megjithë kaosin dhe dëmet materiale, autoritetet konfirmuan se për mrekulli, nuk u raportua asnjë i lënduar. Zona u rrethua menjëherë nga forcat e sigurisë, ndërsa inxhinierët u angazhuan për të vlerësuar stabilitetin e ndërtesave përreth dhe për të parandaluar një shembje tjetër.
Banorët treguan se dëgjuan zhurma të çuditshme para se rruga të hapej. “Dukej si bubullimë nën tokë. Pastaj gjithçka u shemb.” tha një dëshmitar për gazetën Daily Mail.
Autoritetet po hetojnë shkaqet, duke u fokusuar veçanërisht te rrjedhja e ujit dhe ndikimi i saj i mundshëm në dobësimin e terrenit.
Për momentin, Distrikti Minhang mbetet në alarm, ndërsa ekipet punojnë pa ndalur për të stabilizuar zonën dhe për të riparuar dëmet, ndërsa i gjithë Shangai ndjek me vëmendje zhvillimet.
Por ky ishte veçse një paralajmërim i frikshëm që mund të kishte përfunduar shumë më keq.
Lideri i BDI-së, Ali Ahmeti, ju ka bërë thirrje të gjithë shqiptarëve që të marrin pjesë në marshin “Drejtësi, jo politikë”, i cili do të mbahet më 17 shkurt.
Përmes një videoqë e ka postuar në rrjetet sociale, ai ka vlerësuar se të gjithë duhet të marshojnë të martën për njerëzit që kontribuuan për liri dhe pavarësi.
“Të dashur vëllezër e motra, Ju ftoj që të gjithë së bashku të marshojmë për “Drejtësi, jo politikë” më 17 Shkurt 2026, ora 14:00 – Sheshi “Skënderbeu”, Prishtinë, në mbështetje të njerëzve që kontribuan për liri e pavarësi të cilën e gëzojmë ne sot”, ka shkruar ai.