ATV

Blog

  • Kurti i kërkon PDK-së vota për Sejdiun në këmbim të kalimit të ligjit për Specialen

    Kurti i kërkon PDK-së vota për Sejdiun në këmbim të kalimit të ligjit për Specialen

    Kryeministri Albin Kurti i ka bërë “ofertë publike” Partisë Demokratike të Kosovës për t’ia kaluar ndryshimet e propozuara në ligjin për Gjykatën Speciale të Kosovës në Hagë.

    Ai tha se, nëse PDK-ja zotohet se ia siguron të paktën gjysmën e votave të 22 deputetëve të saj për zgjedhjen e Bekim Sejdiut president të ri të Kosovës sonte, atëherë ai do t’ia sigurojë 62 vota nga partia e tij dhe partnerët e koalicionit qeverisës për kalimin e ndryshimeve në ligjin për Specialen.

    Sejdiu ishte kandidat i një marrëveshjeje mes Lëvizjes Vetëvendosje të Kurtit dhe Lidhjes Demokratike të Kosovës dhe u tërhoq muajin e kaluar, pasi gjashtë deputetë të LDK-së kundërshtuan garimin e tij.

    Kurti tha në konferencë se Sejdiu mbetet kandidat dhe se i nevojiten gjysma e votave të PDK-së për ta siguruar praninë e nevojshme e të paktën 80 deputetëve në Kuvendin me 120 vende për zgjedhjen e tij në ditën e fundit të afatit kushtetues për emërimin e presidentit të ri.

    Ai tha se tani pret përgjigje nga PDK-ja, meqë partia opozitare “nuk po dëshiron të takohet më me ne”.

    “Bedri Hamza na kushtëzuar në mënyrë ultimative dhe refuzon të takohet”, tha ai Kurti.

    Paraprakisht, kryetari i PDK-së, Bedri Hamza, tha se nuk takohet me Kurtin dhe askënd për asgjë ka kaluar ndryshimet për ligjin i cili synon t’ia kufizojë kompetencat Gjykatës Speciale./REL

    Kurti: Pa president nuk mund t’i ndihmojmë katërshes së UÇK-së

     

  • Kurti: Pa president nuk mund t’i ndihmojmë katërshes së UÇK-së

    Kurti: Pa president nuk mund t’i ndihmojmë katërshes së UÇK-së

    Kryeministri i Kosovës, Albin Kurti, ka thënë se zgjedhja e presidentit të Kosovës dhe mbrojtja e ish-krerëve të UÇK-së janë çështje të ndara.

    Megjithatë, ai tha se pa e zgjedhur presidentin e ri të vendit, duke e ditur se afati për këtë mbaron sot në mesnatë, vendi nuk do të mundë t’iu ndihmojë katër ish-krerëve të UÇK-së në apelimin e dënimit të tyre në shkallë të parë me burgim për krime lufte nga Gjykata Speciale e Kosovës në Hagë.

    “Për katër të dënuarit, ne besojmë se duhet të ketë korrigjim në Apel, ndërsa, në anën tjetër, kemi nevojë për një strategji shtetërore e kombëtare. Moszgjedhja e Presidentit na çon drejtpërdrejt në zgjedhje. Por jo vetëm që na çon në zgjedhje, ajo na kufizon edhe mundësinë që të merremi me strategjinë shtetërore dhe me çështjen e apelit”, tha Kurti.

    Ai tha se Kosova nuk mund ta trajtojë çështjen apelit vitin e ardhshëm, ne “duhet të merremi me të këtë muaj”.

    “Pa President, sot Kosova rrezikon të mbetet për muaj të tërë në zgjedhje dhe pa institucione funksionale. Prandaj, çështja e zgjedhjes së Presidentit është emergjente”, shtoi ai./REL

  • Behrami: Kurti po synon zgjedhjet, tani prek sustën e viktimizimit

    Behrami: Kurti po synon zgjedhjet, tani prek sustën e viktimizimit

    Deputeti i Partisë Demokratike të Kosovës, Artan Behrami ka folur sërish për Ushtrinë Çlirimtare të Kosovës e duke përmendur edhe kryeministrin Albin Kurti.

    Behrami akuzoi Kurtin se po synon zgjedhjet.

    “UÇK-ja është shumë e shenjtë për ta futur në pazare, nëpër tezgat elektorale që i ka shtruar Albin Kurti. Ai synon zgjedhje. Tani e prek sustën e viktimizimit dhe fajësimit të të tjerëve. Një gënjeshtër që po mundohet ta përdorë për herë të katërt!”, tha Behrami.

  • Prokuroria Speciale ngre aktakuzë ndaj një personi për pjesëmarrje në grup kriminal të organizuar

    Prokuroria Speciale ngre aktakuzë ndaj një personi për pjesëmarrje në grup kriminal të organizuar

    Këshilli Drejtues i Sindikatës së Policisë së Kosovës ka reaguar pas zhvillimeve të fundit gjatë protestave në Prishtinë, duke dënuar dhunën dhe sulmet ndaj zyrtarëve policorë të angazhuar në terren.

    Në mbledhjen e mbajtur sot, Sindikata ka diskutuar situatën e krijuar gjatë protestave dhe angazhimin e policëve në ruajtjen e rendit dhe sigurisë.

    SPK ka theksuar se e drejta për protestë, tubim paqësor dhe shprehje të lirë duhet të respektohet dhe të garantohet, por ka bërë thirrje që kjo e drejtë të mos shndërrohet në dhunë ndaj policëve, institucioneve apo qytetarëve.

    Sindikata ka dënuar hedhjen e mjeteve piroteknike, mjeteve të forta dhe çdo formë sulmi ndaj zyrtarëve policorë gjatë kryerjes së detyrës.

    “Policët e Kosovës nuk janë palë në asnjë debat politik. Ata janë profesionistë të uniformuar, të cilët në këto rrethana kanë për detyrë të zbatojnë ligjin dhe të garantojnë sigurinë e të gjithëve”, thuhet në reagimin e SPK-së.

    Sindikata ka shprehur mbështetje për pjesëtarët e Policisë së Kosovës që po angazhohen në terren, duke thënë se ata po kryejnë detyrën për ruajtjen e rendit, institucioneve dhe sigurisë së qytetarëve, përfshirë edhe pjesëmarrësit në protesta.

    Në reagim, SPK ka apeluar që dallimet politike dhe qëndrimet individuale të mos përkthehen në përplasje me zyrtarët që kanë për detyrë ruajtjen e rendit.

    “Policët janë bijtë dhe bijat tuaja, vëllezërit dhe motrat tuaja”, thuhet më tej në reagim, ku theksohet se shumë prej tyre kanë qenë edhe bashkëluftëtarë dhe sot vazhdojnë t’i shërbejnë vendit.

    Sindikata ka rikujtuar gjithashtu se çdo polic i lënduar në kryerje të detyrës është një anëtar familjeje që pret të kthehet shëndoshë e mirë në shtëpi.

    Në fund, SPK ka bërë të ditur se do të vazhdojë të qëndrojë pranë zyrtarëve policorë dhe të kërkojë mbrojtjen e të drejtave dhe dinjitetit të tyre profesional, duke insistuar që çdo veprim ndaj policëve të vlerësohet në bazë të ligjit dhe jo për motive politike.

  • Nga 200 në 130 milionë euro, Viniciusi pëson rënie të madhe në treg

    Nga 200 në 130 milionë euro, Viniciusi pëson rënie të madhe në treg

    Vinicius Junior po përjeton një rënie të ndjeshme në vlerën e tij të tregut, sipas përditësimit të fundit të Transfermarkt.

    Ylli i Real Madridit tani vlerësohet në 130 milionë euro, pasi ka humbur edhe 10 milionë euro në përditësimin e fundit. Rënia bëhet edhe më e madhe nëse krahasohet me kulmin e tij në vitin 2024, kur vlera e brazilianit kishte arritur në 200 milionë euro.

    Në vetëm dy vite, Vinicius ka humbur kështu 70 milionë euro nga vlera e tregut, që përkthehet në një rënie prej 35 për qind.

    Ky zhvillim vjen në një periudhë jo të lehtë për 26-vjeçarin, i cili nuk e ka nisur sezonin në nivelin e pritur sa i përket golave. Në tetë paraqitje, Vinicius ka shënuar vetëm një herë, duke regjistruar startin e tij më të dobët përpara portës që nga sezoni i parë me Real Madridin, në edicionin 2018/19.

    Në fund të vitit 2024, braziliani kishte arritur vlerën maksimale prej 200 milionë eurosh, duke u barazuar me Erling Haaland si futbollisti më i shtrenjtë në treg.

    Që atëherë, trendi ka qenë në rënie. Në përditësimin e qershorit të vitit 2026, Vinicius vlerësohej me 140 milionë euro, ndërsa tani vlera e tij ka zbritur në 130 milionë.

    Megjithatë, pavarësisht kësaj rënieje, Vinicius vazhdon të jetë mes futbollistëve me vlerën më të lartë të tregut në botë.

    Edhe statistikat e këtij sezoni kanë ndikuar në vlerësimin e tij. Braziliani ka shënuar vetëm një gol në tetë ndeshje dhe aktualisht realizon mesatarisht një gol çdo 652 minuta.

    Për një lojtar të profilit të Vinicius Junior, këto shifra janë larg standardeve që ai ka vendosur në vitet e fundit, ndërsa forma e tij në javët e ardhshme mund të jetë vendimtare për rikthimin e vlerës së tij në treg.

  • Shefqet Hoxha – Sheki konfirmon pjesëmarrjen në Big Brother VIP Kosova 5

    Shefqet Hoxha – Sheki konfirmon pjesëmarrjen në Big Brother VIP Kosova 5

    Muzikanti dhe kitaristi i njohur, Shefqet Hoxha – Sheki, ka konfirmuar se do të jetë pjesë e edicionit të pestë të Big Brother VIP Kosova.

    Hoxha e ka bërë të ditur këtë gjatë emisionit “Studio A”, gjatë bisedës, ai ka zbuluar se ishte kontaktuar edhe vitin e kaluar për t’iu bashkuar formatit, por në atë kohë nuk kishte arritur marrëveshje me produksionin.

    “Po, do të jem. Vitin e kaluar më kanë ftuar, nuk jemi dakorduar, sivjet u dakorduam edhe do të më shihni”, ka deklaruar Sheki.

    Ai ka treguar se, ndryshe nga shumë personazhe që e ndjekin rregullisht formatin, nuk ka parë asnjë episod të Big Brother VIP Kosova, ndaj thotë se do të hyjë në shtëpi pa ndonjë strategji të paracaktuar.

    Gjatë intervistës në “Studio A” me Blerona Zeqirin, muzikanti ka folur edhe për një nga arsyet që ka ndikuar në vendimin e tij për t’u bërë pjesë e këtij formati – pagesën.

    Sheki pritet kështu të jetë një nga banorët që do t’i bashkohet shtëpisë së Big Brother VIP Kosova 5, ndërsa mbetet të shihet se si do të përshtatet ai me jetën, rregullat dhe dinamikat brenda shtëpisë.

    Me deklaratën e tij në “Studio A”, pjesëmarrja e tij tashmë është konfirmuar nga vetë muzikanti.

  • Sindikata e Policisë dënon sulmet gjatë protestave: Policët e Kosovës nuk janë palë në asnjë debat politik

    Sindikata e Policisë dënon sulmet gjatë protestave: Policët e Kosovës nuk janë palë në asnjë debat politik

    Këshilli Drejtues i Sindikatës së Policisë së Kosovës ka reaguar pas zhvillimeve të fundit gjatë protestave në Prishtinë, duke dënuar dhunën dhe sulmet ndaj zyrtarëve policorë të angazhuar në terren.

    Në mbledhjen e mbajtur sot, Sindikata ka diskutuar situatën e krijuar gjatë protestave dhe angazhimin e policëve në ruajtjen e rendit dhe sigurisë.

    SPK ka theksuar se e drejta për protestë, tubim paqësor dhe shprehje të lirë duhet të respektohet dhe të garantohet, por ka bërë thirrje që kjo e drejtë të mos shndërrohet në dhunë ndaj policëve, institucioneve apo qytetarëve.

    Sindikata ka dënuar hedhjen e mjeteve piroteknike, mjeteve të forta dhe çdo formë sulmi ndaj zyrtarëve policorë gjatë kryerjes së detyrës.

    “Policët e Kosovës nuk janë palë në asnjë debat politik. Ata janë profesionistë të uniformuar, të cilët në këto rrethana kanë për detyrë të zbatojnë ligjin dhe të garantojnë sigurinë e të gjithëve”, thuhet në reagimin e SPK-së.

    Sindikata ka shprehur mbështetje për pjesëtarët e Policisë së Kosovës që po angazhohen në terren, duke thënë se ata po kryejnë detyrën për ruajtjen e rendit, institucioneve dhe sigurisë së qytetarëve, përfshirë edhe pjesëmarrësit në protesta.

    Në reagim, SPK ka apeluar që dallimet politike dhe qëndrimet individuale të mos përkthehen në përplasje me zyrtarët që kanë për detyrë ruajtjen e rendit.

    “Policët janë bijtë dhe bijat tuaja, vëllezërit dhe motrat tuaja”, thuhet më tej në reagim, ku theksohet se shumë prej tyre kanë qenë edhe bashkëluftëtarë dhe sot vazhdojnë t’i shërbejnë vendit.

    Sindikata ka rikujtuar gjithashtu se çdo polic i lënduar në kryerje të detyrës është një anëtar familjeje që pret të kthehet shëndoshë e mirë në shtëpi.

    Në fund, SPK ka bërë të ditur se do të vazhdojë të qëndrojë pranë zyrtarëve policorë dhe të kërkojë mbrojtjen e të drejtave dhe dinjitetit të tyre profesional, duke insistuar që çdo veprim ndaj policëve të vlerësohet në bazë të ligjit dhe jo për motive politike.

     

  • Cubarsi në gjurmët e Ramosit, por me një ritëm edhe më të jashtëzakonshëm

    Cubarsi në gjurmët e Ramosit, por me një ritëm edhe më të jashtëzakonshëm

    Pau Cubarsi po shkruan një histori të veçantë me fanellën e Spanjës. Edhe pse vetëm 19 vjeç, mbrojtësi i Barcelonës tashmë është shndërruar në një prej lojtarëve të rëndësishëm të përfaqësueses dhe statistikat e tij në këtë moshë janë edhe më mbresëlënëse kur krahasohen me ato të Sergio Ramosit.

    Cubarsi ka fituar besimin e trajnerëve si te Barcelona, ashtu edhe te Spanja, duke treguar një pjekuri që rrallë shihet te një futbollist në këtë moshë.

    Një prej dëshmive më të forta për rëndësinë e tij është Botërori i fundit. Në moshën 19 vjeç e nëntë muaj, Cubarsi tashmë ka një titull të Kupës së Botës në CV dhe në atë turne luajti të gjitha 750 minutat, duke qenë titullar në çdo ndeshje.

    Një rol kaq i madh në një kompeticion të tillë, në një moshë kaq të re, është jashtëzakonisht i rrallë dhe tregon besimin që Spanja ka te mbrojtësi katalanas.

    Pas pushimit në ndeshjen e Ligës së Kombeve ndaj Republikës Çeke në Oviedo, Cubarsi u rikthye në formacionin titullar për përballjen me Kroacinë, duke luajtur në krahun e djathtë të mbrojtjes së bashku me Aymeric Laporte.

    Me këtë paraqitje, talenti i Barcelonës arriti në 23 ndeshje me ekipin e parë të Spanjës. Një shifër që bëhet edhe më e veçantë kur vendoset përballë rekordit të një legjende si Sergio Ramos.

    Në janar të vitit 2006, kur Ramos ishte 19 vjeç e nëntë muaj, ai kishte vetëm shtatë paraqitje me kombëtaren spanjolle, pak para pjesëmarrjes së tij në Botërorin e Gjermanisë.

    Më pas, Ramos ndërtoi një karrierë të jashtëzakonshme, duke u shndërruar në një prej mbrojtësve më të rëndësishëm në historinë e Spanjës. Ai e mbylli aventurën me kombëtaren me 180 paraqitje, një rekord që dëshmon për ndikimin e tij të madh.

    Cubarsi është ende në hapat e parë të karrierës, ndaj krahasimi me Ramosin duhet parë me kujdes. Megjithatë, numrat e tij në këtë moshë tregojnë qartë se ai po ecën me një ritëm të jashtëzakonshëm.

    Kur Ramos kishte shtatë ndeshje me Spanjën, Cubarsi tashmë ka 23. Dhe nëse vazhdon të zhvillohet me të njëjtin ritëm, mbrojtësi i Barcelonës mund të jetë një prej figurave kryesore të gjeneratës së re të futbollit spanjoll.

  • PSG pranë vendimit të madh, stadiumi i ri mund të kushtojë 2 miliardë euro

    PSG pranë vendimit të madh, stadiumi i ri mund të kushtojë 2 miliardë euro

    Paris Saint-Germain është shumë pranë një vendimi të rëndësishëm për të ardhmen e stadiumit të klubit.

    Pas disa vitesh diskutimesh, klubi francez pritet të përcaktojë në javët e ardhshme se ku do të luajë në të ardhmen. Në tavolinë janë dy skenarë: rinovimi dhe zgjerimi i Parc des Princes, ose largimi nga stadiumi historik dhe ndërtimi i një impianti të ri jashtë Parisit.

    Sipas raportimeve të “Le Parisien”, procesi tashmë ka hyrë në fazën përfundimtare dhe PSG ka zhvilluar diskutime me tri qytete që janë ende në garë për të pritur stadiumin e ardhshëm.

    Presidenti Nasser Al-Khelaifi prej vitesh ka kërkuar që PSG të marrë në pronësi Parc des Princes dhe ta transformojë atë në një kompleks modern, të denjë për një prej klubeve më të mëdha të Evropës.

    Projekti është jashtëzakonisht ambicioz. Nëse zgjidhet qëndrimi në Parc des Princes, stadiumi mund të zgjerohet deri në rreth 70 mijë vende, ndërsa zona përreth do të transformohej në një hapësirë të madhe të dedikuar klubit.

    Plani përfshin ambiente të reja administrative, një muze të PSG-së, dyqan zyrtar, hapësira sportive dhe një shesh të madh publik.

    Por ky vizion ka edhe një kosto marramendëse. I gjithë projekti, duke përfshirë blerjen e stadiumit, zgjerimin dhe zhvillimin e zonës përreth, mund të arrijë në rreth 2 miliardë euro.

    Për momentin, Bashkia e Parisit ka dhënë sinjale se diskutimet mund të ecin përpara, por ende nuk ka një marrëveshje përfundimtare.

    PSG tani duhet të zgjedhë mes investimit gjigant në shtëpinë historike të klubit dhe një kapitulli të ri jashtë kryeqytetit.

    Pas vitesh pasigurie, vendimi për stadiumin e ardhshëm të Paris Saint-Germain duket se është më pranë se kurrë.

  • PDK kërkon seancë urgjente për miratimin e ligjit që mbron UÇK-në, çlirimtarët dhe Kosovën

    PDK kërkon seancë urgjente për miratimin e ligjit që mbron UÇK-në, çlirimtarët dhe Kosovën

    Partia Demokratike e Kosovës i ka bërë thirrje Kryetares së Kuvendit që të thërrasë me urgjencë seancën plenare për përmbylljen e miratimit të ligjit që mbron UÇK-në, çlirimtarët dhe historinë.

    Sot, institucionet dhe përfaqësuesit politikë kanë përgjegjësi të veprojnë pa vonesë.

    “Ky moment kërkon vendimmarrje në interes të shtetit dhe përmbushje të detyrimeve ndaj përpjekjeve të popullit tonë për liri”, thuhet në njoftim.