Category: ZGJEDHJET

Kandidati i Aleancës për Ardhmërinë e Kosovës për kryetar të Prishtinës, Bekë Berisha, prezantoi vizionin e tij për zhvillim ekonomik të komunës.

Ai mestjerash përmendi edhe ndërtimin e zonës industriale tek Kodra e Trimave.

Si t’i bëjë zgjidhje bërllogut, Berisha improvizoi se e pyeti Presidentin e Shteteve të Bashkuara të Amerikës, Donald Trump.

Kandidati i Aleancës për Gjakovën, kryetari aktual, Ardian Gjini, diskutoi me aktivistë për një Gjakovë më të bukur.

Nazim Gagica i cili garon për Gjilanin, u zotua për zhvillim të sportit në komunë.

“Sot nënshkrova Deklaratën e Zotimeve me Organizaten Franceze me mision në Kosovë, PLAY International Kosovo. Me këtë zotim mora përsipër që ta vendos sportin në shërbim të edukimit, mirëqenies dhe barazisë në Gjilan”, tha Gagica.

Ndërkaq, kandidati i AAK-së, i cili synon të bëhet edhe njëherë kryetar i Deçanit, Bashkim Ramosaj, vizitoi biznese njëra pas tjetrës.

Smajl Latifi, i cili po ashtu mëton ta mbajë detyrën e kryetarin për katër vjet të tjera, kafen e mëngjesit, e piu me banorët e fshatit e fshatit Brestoc.

“Edhe në Brestoc pimë kafen e mëngjesit bashkë me qytetarë. Energji, vullnet e entuziazëm, Rahoveci është burim i pafund i optimizmit e motor i pandalshëm i punës”, shkroi ai.

Labinot Bislimi i cili po është në garë për vitin, u paraqit në profesione dhe role të ndryshme, duke premtuar mbështetje për krejt qytetarët.

Kandidati për kryetar të Prishtinës nga Partia Demokratike e Kosovës, Uran Ismajli, gjatë vizitës në familjen Havolli në lagjen “Kodra e Trimave” premtoi rikthimin e investimeve dhe shërbimeve bazike, të cilat sipas tij janë lënë në harresë nga institucionet komunale.

Në Deçan, kandidati i PDK-së Jetmir Prekalla prezantoi platformën e tij zgjedhore që përfshin krijimin e zonës industriale, përmirësimin e sistemit arsimor dhe shëndetësor, si dhe ndërtimin e infrastrukturës që lidh çdo fshat me qytetin.

Rrahim Tërnava, kandidat në Fushë Kosovë, premtoi rregullimin e ngrohtores së qytetit me kogjenerim, mbështetjen për bizneset lokale dhe përkrahjen për të rinjtë dhe gratë në punësim dhe ndërmarrësi.

Në Mitrovicë, Arian Tahiri paraqiti projektin për zhvillimin e infrastrukturës dhe lehtësimin e qarkullimit urban dhe rural.

Edon Cana, kandidat për Rahovecin, u zotua për kthimin e lokaliteteve si Pataqani në destinacione atraktive për banorë dhe vizitorë.

Kryetari aktual i Prizrenit, Shaqir Totaj, i cili kandidon për një mandat të dytë, prezantoi projektet infrastrukturore të përfunduara në Lubizhdë të Qytetit dhe zonën e Parkut të Bizneseve, duke përfshirë rrugët, ujësjellësin dhe rezervuarët e ujit.

Ai gjithashtu premtoi ndërtimin e objekteve të reja dhe modernizimin e shërbimeve mjekësore në mandatin e ardhshëm.

Kandidati i PDK-së për kryetar të Skenderaj, Sami Lushtaku gjatë takimit me rininë theksoi se idetë dhe vizioni i tyre janë garancia më e fortë për një Skenderaj më të zhvilluar.

Ndërkaq, në Vushtrri, Ferit Idrizi, kandidat për mandatin e dytë në Vushtrri, e nisi ditën e 22 të fushatës me arkitektët e rinj të komunës, aty ai tha se energjia dhe kreativiteti i tyre janë garanci për të ardhmen e qytetit.

Kandidati për kryetar të Prishtinës nga radhët e Lidhjes Demokratike të Kosovës Përparim Rama, ka promovuar projektet e realizuara gjatë katër viteve të fundit duke rikthyer zona të bllokuara nga makinat në parqe.

“Unaza e Brendshme para dhe pas” është një prej shembujve që, sipas Ramës, dëshmon se ndryshimi ka nisur dhe duhet të vazhdojë.

Kandidati i LDK-së për Gjilanin, Arbër Ismajli për fshatin Zhegër premton sigurimin e ujit të pijshëm, finalizimin e sallës dhe palestrës së sportit, përfundimin e rrugës së Kumanovës dhe investime në trotuare e ndriçim publik.

Ilir Ferati, kryetar aktual i Istogut, kandidat edhe për një mandat synon zhvillimi në shëndetësi, arsim, rini, sport, kulturë, ekonomi, turizëm dhe bujqësi. Programi i tij përfshin gjithashtu shërbime publike smart, zhvillim urban dhe mjedisor.

Gëzim Plakolli në Mitrovicë zotohet për mbështetje të plotë për bizneset lokale për rritjen e ekonomisë së qytetit.

Imri Ahmeti, kryetar aktual i Lipjanit, gjatë vizitës në klubin “KF Minatori” nga Magura premtoi rinovimin e objekteve banesore me fondet e efikasitetit energjetik dhe zhvillimin e infrastrukturës.

Driton Selmanaj, kandidat për Prizrenin, paraqet një plan gjithëpërfshirës për zhvillimin e qytetit me fokus në qeverisje transparente.

Kurse kandidati për Ferizaj, Visar Azemi premtoi qendra komunitare, parqe dhe hapësira sportive, për të mbajtur dhe fuqizuar rininë në qytet.

Sokol Haliti që po kërkon vazhdimin e mandatit, në ditën e 22 të fushatës ka veçuar Ballancën si shembull të qartë dhe premtoi se investimet në këtë dhe zona të tjera do të vazhdojnë me përkushtim.

Në kuadër të fushatës zgjedhore për zgjedhjet lokale të 12 tetorit, Veton Berisha, Kryetar i Partisë Liberale Egjiptiane  (PLE) ka bërë thirrje për mobilizim dhe mbështetje ndaj kandidatëve të kësaj partie për përfaqësim të fuqishëm të komunitetit egjiptian në institucionet lokale.

Artan Berisha, bartës i listës në Gjakovë, u është drejtuar qytetarëve me bindjen se “fitorja e madhe po vjen”, duke kërkuar votën për PLE me numër 137 dhe duke premtuar përfaqësim të denjë në Asamblenë Komunale.

Në Pejë, Mirsad Berisha, rikujtoi arritjet e deritanishme në shërbim të komunitetit egjiptian. Ai premtoi se rikandidimi i tij bazohet në punën e bërë dhe nevojën për vazhdimësi në investime në infrastrukturë, banim, bujqësi, arsim dhe punësim.

Në Fushë Kosovë, kandidati Bashkim Krasniqi është zotuar për përmirësimin e infrastrukturës urbane dhe ndriçimin publik në çdo lagje, ai tha se qytetarët meritojnë “siguri, dritë dhe dinjitet”.

Kandidatja e NISMËS Social Demokrate për kryetare të Prizrenit, Albulena Balaj Halimaj, ironzioi me kryetarin aktual të komunës, Shaqir Totaj.

Referuar vendimit të Totajt për të mos debatuar me kundërkandidatë, për shkak të numrit të madhë të kandidatëve, Halimaj tha se kryetari aktual po kërkon që të tjerët të tërhiqen dhe ai të “garojë me veten”

“Jo nuk jemi shumë kandidat për Prizrenin, sepse Prizreni i ka specifikat e veta, por me e dëgju Totajn do të duhej ta linim vetëm atë, ne të tjerët të tërhiqemi”, tha ajo.

Ndiqni intervistën:

Kandidati i Aleancës për Ardhmërinë e Kosovës për kryetar të Prizrenit, Besnik Krasniqi, ka kritikuar kryetarin aktual të komunës, Shaqir Totaj, për shmangie debati me kundërkandidatë.

Ai nuk e komentoi arsyetimin e Shaqir Totajt të PDK-së për numër të madhë të kandidatëve, por e garantoi se në Prizren do të ketë balotazh.

“Unë gjithë opinoinin publik dhe juve mund tu sigurojë që balotazh do të ketë, sepse kësaj rradhe aleanca në Prizren është ndryshe, është për t’u ballafaquar me zotrin Totaj”, tha Krasniqi.

Në Prizren garojnë tetë kandidat për kryetar komune.

Ndiqni intervistën:

Kandidati për kryetar të Prishtinës nga radhët e Aleancës për Ardhmërinë e Kosovës, Bekë Berisha tha se siguria e fëmijëve do të jetë prioritet kryesor i tij, duke u zotuar për zgjidhje të menjëhershme dhe reale ndaj problemeve të përditshme të qytetarëve.

Ai tha se nuk do të premtojë gjëra të parealizueshme, por do të jetë i përkushtuar për një qytet më të sigurt dhe më të jetueshëm për të gjithë.

Në Fushë Kosovë, kandidatja Vildane Latifi premtoi mbështetje të drejtpërdrejtë për bizneset prodhuese. Ajo u zotua se komuna do të jetë partnere aktive në krijimin e vendeve të reja të punës dhe në rritjen e kapaciteteve të sektorit privat.

Faton Jakupi, kandidat në Kamenicë, gjatë vizitës në Organizatën e Veteranëve të Luftës së UÇK-së premtoi se do të angazhohet në ruajtjen e vlerave të luftës dhe mbështetjen për organizatat që përfaqësojnë veteranët.

Në Rahovec, Smajl Latifi, i cili kandidon për një mandat të ri, premtoi mbështetje të plotë për zhvillimin e bujqësisë dhe blegtorisë, duke theksuar se komuna do të jetë gjithmonë pranë bujkut dhe qytetarit.

Në Pejë, kandidati Ali Berisha premtoi rikthimin e transportit publik ndërurban duke e cilësuar këtë si zotim të realizueshëm në mandatin e tij.

Zenun Elezaj, që kërkon një mandat të ri në Klinë, prezantoi investimet e bëra në Kompleksin Memorial “Kodra e Kuqe” në Grabanicë. Ai u zotua se kujdesi për familjet e dëshmorëve dhe ruajtja e amanetit të tyre do të jenë prioritet edhe në të ardhmen.

Në Deçan, Bashkim Ramosaj, kryetar aktual dhe kandidat për një mandat të ri, vlerësoi bashkëpunimin me Këshillin e Bashkësisë Islame, duke shprehur mirënjohje për përkushtimin e tyre ndaj komunitetit dhe promovimin e vlerave fetare.

Kandidati për kryetar të Prishtinës nga radhët e Lidhjes Demokratike të Kosovës Përparim Rama, ka promovuar projektet e realizuara gjatë katër viteve të fundit, përfshirë ndërtimin e banesave te “Rrethi i Flamurit” dhe rregullimin e varrezave të dëshmorëve në Marec.

Rama premton transformimin e “Fushës së Pajtimit” nga një deponi mbeturinash në një park botanik, i cili do të shërbejë edhe për edukim, por edhe për menaxhimin e reshjeve dhe parandalimin e përmbytjeve.

Në Deçan, kandidati, Jeton Mushkolaj gjatë vizitës në Qendrën Kryesore të Mjekësisë Familjare “Adem Ukehaxhaj” ka premtuar mbështetje për stafin mjekësor dhe përmirësim të kushteve.

Në Gjilan, kandidati Arber Ismajli për fshatin Livoç i Epërm ka premtuar, riaktivizim të ujësjellësit, ndriçim publik, mbjelljen e drunjve dekorativë dhe rregullim të shtratit të lumit.

Në Rahovec, Burim Krasniqi ka vizituar qendrën Handikos dhe ka premtuar mbështetje të vazhdueshme institucionale për personat me aftësi të kufizuara, si dhe për organizatat që kontribuojnë në krijimin e një shoqërie gjithëpërfshirëse.

Në Prizren, kandidati Driton Selmanaj ka prezantuar planin për revitalizimin e lumit Lumbardh, duke e kthyer atë në një atraksion natyror dhe urban për qytetarët dhe turistët.

Visar Azemi, kandidat për Ferizaj, ka vënë theksin në ndarjen që i është bërë qytetit përmes hekurudhës dhe betonizimit. Ai ka premtuar zgjidhje për krijimin e një qyteti të lidhur dhe të sigurt për lëvizjen e lirë të qytetarëve.

Në Viti, Sokol Haliti, kryetar aktual dhe kandidat për një mandat tjetër, ka prezantuar investimet e bëra në arsim, sport, shëndetësi, mjedis dhe infrastrukturë në fshatit Sllatinë e Epërme.

Në Vushtrri, kandidati Xhafer Tahiri ka prezantuar planin për rimëkëmbjen ekonomike lokale përmes lirimit të 16 milionë eurove në ekonominë vendore, me përfitim të drejtpërdrejtë për familjet e reja dhe bizneset lokale.

Në Malishevë, Fatmir Ademaj ka theksuar rëndësinë e sektorit të bujqësisë dhe ka premtuar subvencion prej 5 centësh për çdo litër qumështi të dorëzuar nga fermerët.

Kurse në Junik, kryetari aktual dhe kandidat për një mandat tjetër, Ruzhdi Shehu ka treguar angazhimin e komunës duke mobilizuar ekipet për pastrimin e rrugës Junik-Gjeravicë pas reshjeve të para të borës, si dëshmi e përkushtimit për mirëqenien dhe sigurinë e qytetarëve.