Category: TOP ATV

Kryetari i Komunës së Junikut, Ruzhdi Shehu, në kuadër të rubrikës “Komuna” të emisionit “ALARM” në ATV, tregoi për projektet që janë duke u zhvilluar në komunë, që sipas tij, realizimi i tyre është një lajm i mirë për komunën e Junikut dhe jo vetëm.

Ai tha se disa nga synimet kryesore për të cilat është zotuar janë përmirësimi i infrastrukturës rrugore, shërbimet cilësore në shëndetësi dhe përmirësimi i kushteve në arsim, për të cilat tha se janë duke punuar vazhdimisht.

Shehu përmendi edhe projekte të tjera të mëdha që janë duke u zhvilluar në këtë komunë, të cilat përfshijnë, rregullimin e ambientit në QKMF-në e komunës, ndërtimin e një shkolle të re fillore etj.

“Përkushtimi ynë është që të punojmë sa më shumë në mënyrë që të ofrojmë shërbime sa më të mira për zhvillim dhe perspektivë. Natyrisht ka sfida por gradualisht po i kryejnë disa nga punët që i trashëguar nga qeverisja e kaluar. Fokusimi ynë ka qenë përmirësimi i kushteve në arsim dhe shëndetësi. Jemi në përfundim të ndërtimit të një shkolle së re fillore, pastaj edhe të një çerdhjeje. Në kuadër tjetër kemi krijuar një infrastrukturë dhe ambient në qendrën kryesore të mjekësisë familjare në Junik, që qasja e qytetarë të jetë më lehtë dhe shërbimet të jenë sa më të mira, po ashtu jemi duke punuar edhe në përmirësimin e infrastrukturës rrugore”, tha ai.

Tutje, ai tha se si udhëheqës i kësaj komune do të jetë gjithmonë transparencë me të gjithë, duke shtuar se për gjatë qeverisjes së tij në këtë komunë, do t’i përkrahë të rinjtë e këtij vendi./atvlive.tv/

Për më shumë ndiqni videon e mëposhtme:

Shumica u kushtojnë kujdes të veçantë rregullimit të oborreve duke u munduar që të krijojnë një ambient më të mirë për syrin e njeriut, por për banorët e fshatit Sekiraçë të komunës së Podujevës, rregullimi i oborreve ka tjetër rëndësi.

Ekipi i ATV-së pas vizitës në këtë fshat, vuri re se pothuajse secila shtëpi në këtë fshat e ka oborrin e bukur.

Banorët i fshatit thonë se një pjesë të ditës ia kushtojnë rregullimit të kopshtit.

Për të mësuar më shumë se çka kanë të veçantë oborret në fshatin Sekiraçë dhe pse investohet kaq shumë në to, shikoni storjen e ATV-së të cilën e gjeni në videon më poshtë.

Emisionin e plotë e gjeni në videon më poshtë:

Rreth 10 kilometra afër qytetit të Lipjanit ndodhet një nga fshatrat që njihet si fshati i themeleve të lirisë legjendare të kësaj komune.

Dikur këtu jetonin me qindra familje, por me kalimin e viteve, shtëpitë u braktisën nga banorët.

Shumë prej tyre u shpërngulën në qytet, ndërsa pjesa tjetër emigruan edhe jashtë vendit. Ajo çfarë e bënë me të veçantë këtë vend janë bukuritë natyrore e ajri i pastër.

Shqetësimi më i madh i banorëve është edhe shkolla, e cila dita-ditës po mbetet pa nxënës.

Sipas atyre që ende jetojnë në fshat, banorët u larguan nga aty për një të ardhme më të mirë për fëmijët e tyre.

“Jeta në fshat e mirë është, nuk është keq. Pakicë jemi mbetë, por jeta është e mirë. Këtu ajri është i mirë edhe të gjitha janë të mira, kurgjo të keqe s’ka pasë kush”, thotë në një bisedë për ATV-në, Milazim Shala, banor i fshatit Kleçkë.

Ai tregon se më parë jeta ka qenë e vështirë, ndërsa tani kanë kushte me të mira për jetesë. /atvlive.tv

Mërgimtari Alfred Dibrani që i dhuroi nga 500 euro për secilën familje të tre policëve të kidnapuar dhe të cilët po mbahen në paraburgim në serbi, në emisionin STUDIO A në ATV, tha se qëllimi i tij ishte më shumë t’ju japë përkrahje morale se sa financiare.

Ai tha se pamjet e arrestimit të këtyre tre policëve nga xhandarmeria serbe i ka përjetuar shumë rëndë.

“Ndoshta më keq nuk isha ndierë edhe sikur të kisha pa një anëtar temin të vdekur se sa kur i kam parë këta policë. Ato pamje, ato foto që xhandarmëria serbe i shfaqi, me të vërtetë më kanë tronditur shumë. Kjo ishte një prej arsyeve që unë e mora këtë veprim që këtyre familjeve sado pak, në fakt jo këtyre familjeve, por policët tjerë të cilët gjenden ne vijën kufitare, të iu kthehet një moral që pas arrestimit të këtyre policëve, në rrjetet sociale kishte filluar një nënçmim ose një frymë se pse këta nuk kanë reaguar, pse nuk i kanë përdorur armët, pa e ditur në fakt se si është gjendja ë këtyre policëve, pa e ditur se çfarë kanë përjetuar këta policë, pa dalë policia ende me një njoftim që ta tregoj me të vërtetë çfarë kishte ndodhur, dhe kjo më shtyri mua që të marr një veprim se sado pak policisë së Kosovës t’i ndihmojmë, moralisht se shuma nuk është e rëndësishme”, tha Dibrani. /atvlive.tv

Emisionin e plotë e gjeni në videon më poshtë:

Në rubrikën “Arat tona”, të emisionit të mëngjesit ALARM, ekipi i ATV-së ka pasur rastin të vizitojë Enver Sherifin nga fshati Malishevë e Gjilanit dhe të vëzhgojë nga afër se si bëhet kultivimi i erëzave të ndryshme, të cilat për konsumin e ushqimeve të përditshme, por shërim.

Në reportazhin e ATV-së do të keni mundësinë të mësoni më shumë për kultivimin e Origanos, e cila pos për ushqime të ndryshme, ka edhe veti shëruese. /atvlive.tv

Nëna Azize një heroinë e vërtetë që ia fali Kosovës dy djemtë e saj ushtarë të Ushtrisë Çlirimtare të Kosovës, Gani e Ismet Uka, nga fshati Ticë e Komunës së Skenderajt.

Pavarësisht dhimbjeve që ndjeu për tërë këto vite ajo ende mbahet e fortë dhe krenare që djemtë e saj u bënë themel i lirisë që sot po e gëzojmë.
Gjatë një bisede për ATV-në, nënë Azize rrëfen ditët me të rënda për të kur humbi djemtë në luftë.

Ajo thotë se ka qenë shumë e vështirë kur e ka kuptuar se i kanë vdekur të dy djemtë, por më e vështirë ka qenë kur i ka mbetu djali dy muajsh, të cilit tregon se ia ka përtërirë emrin e djalit të saj dëshmor, Ismetit.

Bisedën e plotë të ATV-së me nënën Azize e gjeni në videon më poshtë:

Fshati Akllap konsiderohet si një prej fshatrave më të thella malore.

Ky fshat gjendet vetëm 17 km larg qytetit të Lipjanit dhe cilësohet si fshati më përrallor i kësaj komune.

Dikur, këtu jetonin 1000 banorë në rreth 120 shtëpi, por ashtu si shumica e zonave rurale në Kosovë, edhe ky fshat filloi të braktiset nga banorët, qysh pas luftës.

Disa prej banorëve të dikurshëm të Akllapit u shpërngulën në qytet, ndërsa një pjesë tjetër emigruan në vendet perëndimore.

Banorët e paktë që kanë mbetur këtu, jetojnë nga bujqësia dhe blegtoria.

Madje, Akllapi dikur njihej si vend i deleve pasi thuhet se para luftës, i gjithë fshati kishte mbi 2000 dele, për çka edhe e mori emrin “fshati i dhenve”.

Për më shumë, ndiqeni reportazhin e ATV, të cilin e gjeni në videon e më poshtme:

Çdo ditë e saj nis qysh prej ora 07:00 të mëngjesit, derisa aktivitet gjatë ditës i ka të shumta.

Dorentina Qerimi i kishte vetëm 14 vjet kur pasioni për veturat ishte bërë pjesë e jetës e saj.

Ëndrra e saj nisi si automekanike, punë të cilën filloi ta praktikoj shumë e re në moshë. Ajo madje u bë vajza e parë e qytetit të Ferizajt që ushtron këtë profesion.

Jo gjithmonë puna e saj ishte e pëlqyer nga të gjithë, derisa edhe paragjykimet janë bërë pjesë e pandashme e jetës së saj.

E me paragjykimet ndaj saj, Dorentina e ka dëshmuar që nuk merret shumë.

Pasioni i madh për veturat, e shtyu atë të mos përfundoj vetëm si automekanike. Ajo së voni e ka hapur edhe auto larjen e saj.

Për Dorentinën, nuk ka asnjë sfidë që mund ta ndal së jetuari ëndrrën e saj.

Fetah Bahtiri para pak ditësh mbushi plotë 80 vjet, dhe më këtë rast ai botoi dy libra në të cilat ai e përmbledh jetën e tij në 8 dekada.

“Ditari im” dhe “Ditar për familjarët”, i ka quajtur këta Fetahi.

Ai, në emisionin STUDIO A në ATV, ka folur më shumë për këta libra, madje ka thënë se për botimin e tyre është kundërshtuar nga gruaja e tij, ku ka treguar edhe arsyen.

Bisedën e plotë të Fetah Bahtirit në emisionin STUDIO A në ATV e gjeni në videon më poshtë.