Avokatja Emira Gavazi Gashi, në emisionin A LIVE në ATV, arsyen se përse Prizreni prin me numrin më të madh të shkurorëzimeve me 209 raste, e ndërlidhi me dallimet që bëhen qytetar-katundar.
Ajo tha se ky mentalitet është jashtëzakonisht vrasës për një femër.
“Prizreni është i rrethuar më shumë fshatra dhe lidhshmëria në anën e sociologut janë shumë të mëdha. Pastaj një botë kuptim i mentaliteti që ‘ti qytetar, ti katundar’ është jashtëzakonisht vrasëse për një femër. Ne nuk mund të quhemi këtu që të gjithë jemi qytetarë. Vet vij nga fshati Zhur dhe jam krenare dhe gjithmonë e them se unë jam fshatare, jam rritë aty. I mbaj me vlera ato çfarë mi ka dhënë fshati im. Nuk toleroj të diskriminohem në aspekt të saj”, tha avokatja Emira Gavazi Gashi.
Mentalitetin e dallimeve rural-urban që mund të ndikojë në numrin e lartë të shkurorëzimeve e mbështeti edhe sociologu Jeton Brajshori. /atvlive.tv
Një rast i keqtrajtimit të kafshëve është parë të ketë ndodhur dje në Prishtinë, ku një majmun ishte braktisur dhe i hedhur në plehra.
Lidhur me këtë rast përmes një postimi në “Facebook”, ka reaguar edhe organizata “Fondacioni për të Drejtat e Kafshëve”, duke kërkuar mbrojtje të këtyre kafshëve nga abuzimet e ndryshme.
“Jemi të shokuar nga rasti që ka ndodhur sot në Prishtinë, ku shihet që një Majmun ishte i braktisur dhe i hedhur në plehra si të mos ishte kafshë e gjallë por vetëm një objekt i thjeshtë pa asnjë ndjenjë”, thuhet në reagimin e tyre.
Mes tjera po aty thuhet se “Këto kafshë ekzotike mbahen në Kosovë pa asnjë monitorim dhe nuk janë të lajmëruara tek organet përgjegjëse. Edhe po të ishin të lajmëruara, organet përgjegjëse nuk merren fare me mbrojtjen dhe mirëqenien e kafshëve të egra dhe ekzotike dhe i shohin ato vetëm si përfitim dhe atraksione”.
Për më tepër, kjo fotografi e abuzimit me kafshë është komentuar edhe sot nga moderatorët e programit të mëngjesit “Alarm” në ATV, për të cilin rast, ende nuk dihen autorët./atvlive.tv/
E ndërtuar në vitin 1946, jo më e madhe se 30 metra katror, xhamia e vjetër në një fshat të vogël të Kosovës, Lubizhda fshat në komunën e Prizrenit ishte epiqendër e mësimeve në gjuhën shqipe në këtë xhami.
Vetë ndërtimi i kësaj xhamie qëllim kishte arsimin e të rinjve shqiptar të asaj kohe, në gjuhën shqipe.
Derisa sot imami i kësaj xhamie në këtë fshat të bukur të Prizrenit, në një rrëfim për këtë monument kulti tha se mësimdhënësi i parë në këtë shkollë i përkiste fesë katolike.
Lubizhda, një fshat me pamje piktoreske, me popullësinë që brenda kishin atdhedashurinë, dhjetëra vite më parë u maltretuan vetëm pse zgjodhën të mësonin gjuhën e nënës së tyre në këtë xhami të vjetër që dikur ishte shkollë nga ku edhe dolën shumë kuadro.
Shumë vite më pas, sot ata flasin, shprehen dhe mendojnë shqip./atvlive.tv/
Robert Bojaj, autor i emisionit “n’Frekuencë me Robin’ përmes një shkrimi në llogarinë e tij në Facebook, njoftoi se falë iniciativës së Zymer Gashit, Vjollca Deliut dhe shumë njerëzve të tjerë vullnetmirë, arritën të grumbullonin 40.000 euro brenda 24 ore, për shërimin e Berat Sef Gashit.
Për Beratin u kërkua ndihmë financiare pasi ai kishte pësuar një sulm në tru dhe për shërimin e tij nevojitej trajtim jashtë vendit, kostoja e të cilës shkonte deri në 40.000 euro.
Robi gjatë emisionit të sotëm falënderoi të gjithë donatorët, derisa përmendi edhe falënderimet e familjes së Beratit drejtuar donatorëve. /atvlive.tv/
Pas iniciativës së emisionit n’Frekuencë me Robin dhe STUDIO A në ATV, janë grumbulluar 27500 euro për të siguruar protezën e dorës për Vjollca Deliun.
Ajo ka vendosur që shumën prej 7500 eurosh t’ia dhurojë një peroni tjetër, pasi që për protezën e saj i duhen vetëm 20 mijë euro.
Remzi Aliaj nga Ferizaj, në një lidhje të drejtpërdrejtë në emisionin n’Frekuencë me Robin, tregoi se është rrugës për me ia dërgu paratë Vjollca Deliut.
Ai tregoi se në këtë iniciativë, ka kontribuar me para edhe një shtetas gjerman me emrin Jonas Torlop, kolegë i vëllait të tij.
Këta janë donatorët që kontribuuan për mbledhjen e 7500€:
Naim Rama 2000 €
Jehon Gashi 2000 €
Sami Aliaj 2000 €
Bekim Rexhaj 500€
Jona Storlop 500€, dhe
Siar Aliaj 500€
Pas iniciativës së moderatorit Robert Bojaj, të premten me 1 dhjetor, nga dëgjuesi i rregullt i emisionit ‘n’Frekuencë me Robin’, mërgimtari Driton Kastrati, tregoi se i vetëm ka nisur t’i mbledhë këto 20 mijë euro, qëllimin e së cilës e ka arritur për një javë.
“Kur e kam dëgjuar së pari rastin, si rast ka qenë shumë i prekshëm i Vjollca Deliut edhe për atë punë kam thënë se duhet me bat ë gjithë nga pak për me ia arritë qëllimin. Kam thënë deri për vit të ri, ishalla e kryj e mbërrij një shumë të caktuar që e mbrrij shumën 20 mijë euro, nuk e kam paramendu kaq shpejt. Por që kryhet për një javë dhe secili donator, familjar që kam shku me kërku, nuk kanë hezitu vetëm e kanë dhënë shumën e duhur aq sa kanë pasë mundësi. Falë donatorëve, shoqërisë edhe disa frekuencerave që më kanë shkru kanë dhënë para dhe ia kemi arritë qëllimit, dmth shuma prej 20 mijë euro është arritur”, thotë Dritoni në një lidhje të drejtpërdrejt në emisionin ‘n’Frekuencë me Robin’ në ATV.
Ai tregon se shumë e fundit prej më shumë se 2000 euro e kanë dhënë dy miq të tij, të cilët janë vëllezër, për ta kompletuar në 20 mijë.
“Në bazë të shënimeve që i kemi nëpër fleta, nëpër donacionet që kam shku nëpër shtëpi dhe i kam mbledhë, për me e arritë qëllimin janë mbledhë 17746 franga që shumën tjetër prej 2254 franga kanë shprehë dëshirën dy shokët e mi që janë dy vëllezër për me e dhanë këtë shumë, me e ba 20 mijë për Vjollca Deliun”, tregoi Dritoni.
Në emision ‘n’Frekuencë me Robin’ u publikuan edhe lista e plotë e donatorëve, të cilët dhuruan para për të siguruar shumën prej 20 mijë euro për Vjollca Deliun.
Vjollca Deliu, me datën 13 nëntor të këtij viti ishte e ftuar në emisionin STUDIO A te Blerona Zeqiri, ku bëri një rrëfim shumë prekës për jetën e saj tejet të vështirë për shkak të gjendjes së saj me aftësi të kufizuara.
Ajo tregoi se është fëmija i vetëm i prindërve dhe se i duhet të përkujdeset për ta, pasi nënën e ka në dializë, ndërsa edhe babain e ka të sëmurë për shkak se është invalid i luftës.
“Mami është pak e sëmurë kurse babi, edhe për të mund të them të njëjtën gjë sepse ai është invalid i luftës, kurse mami në dializë, veshkat nuk i funksionojnë fare, por në përgjithësi po ia dalim. Besomë që nuk e di as vet, besoj që është forca ajo që më jep Zoti sepse besoj shumë në Zot, por po ia dalim me gjithë këto vështirësi. Jam e vetme nuk kam pasur ndihmë nga ndokush që të kujdesët për neve”, rrëfen Vjollca në STUDIO A.
Ajo tregon se këtë problem e ka që nga lindja dhe falë mbështetjes së familjes, mësuesve e profesorëve, i ka tejkaluar bullizimin e paragjykimet ndaj saj.
“Periudha kur kam qenë në shkollë, ka pasur raste kur ka pasur bullizëm, por e kam pasur fatin që i kam pasur prindërit shumë të mirë. Edhe mësuesit, profesorët më kanë mbështetë shumë edhe e kam tejkalu bullizmin, paragjykimet edhe nënçmimet që më janë bërë për shkak se nuk e kam pasur dorën. Këtë e kam kuptu shumë herët, por pjesa kur kam fillu me e pasë kompleks ka qenë prej moshës 26 vjeçare, sepse çdo lloj bullizmi që është bërë ose paragjykim prej personave tjerë që i kam pasur të përkohshëm në jetën tem, i kam taku e kanë lëshu një llaf a një fjalë a diçka, është kalu. Por, kur të vjen prej personave që ti i ke shumë përzemër, ti i do shumë edhe në vend që ti e pret mbështetjen e tyre, ata mundohen me të paragjyku, me të nënçmu në mënyrën më të keqe të mundshme, mandej edhe bullizmin… mandej kjo ka fillu me u ba kompleks, pastaj një kohë të gjatë për tri vjet dhe kam fillu me ra në depresion”, rrëfen mes lotësh Vjollca.
Ajo tregon se është e punësuar, por pjesa e dorës për të është një zbrazëti, të cilën dëshiron me çdo kusht që ta plotësojë.
Me rrogën që e ka, Vjollca thotë se sigurimi i një proteze për dorën e saj është e pa arritshme, pasi që kjo shumë përafërsisht është 20 mijë euro.
Kujtojmë se sot, Vjollca Deliu, jo vetëm që ka siguruar 20 mijë eurot për të siguruar protezën e saj, por ajo tani, shumën shtesë prej 7500 eurosh ka vendosur t’ia dhurojë një personi tjetër në nevojë. /atvlive.tv
Javën e kaluar, drejtuesi i emisionit ‘n’Frekuencë me Robin’, Robert Bojaj, me dëgjuesit ka filluar iniciativën për Vjollca Deliun , për t’i mbledhur 20 mijë euro që t’ia sigurojnë protezën e dorës.
Vjollca Deliu nga Ferizaj, ishte e ftuar ftuar dy javë me parë në emisionin STUDIO A, ku bëri një rrëfim tejet prekës për jetën e vështirë me dy prindërit e saj të sëmurë në njërën anë, si dhe paragjykimet e bulimin e njerëzve për shkak se ajo nuk e ka njërën dorë.
Pas iniciativës së moderatorit Robert Bojaj, dëgjuesi i rregullt i emisionit ‘n’Frekuencë me Robin’, mërgimtari Driton Kastrati, i vetëm ka nisur t’i mbledhë këto 20 mijë euro, qëllimin e së cilës e ka arritur për një javë.
“Kur e kam dëgjuar së pari rastin, si rast ka qenë shumë i prekshëm i Vjollca Deliut edhe për atë punë kam thënë se duhet me bat ë gjithë nga pak për me ia arritë qëllimin. Kam thënë deri për vit të ri, ishalla e kryj e mbërrij një shumë të caktuar që e mbrrij shumën 20 mijë euro, nuk e kam paramendu kaq shpejt. Por që kryhet për një javë dhe secili donator, familjar që kam shku me kërku, nuk kanë hezitu vetëm e kanë dhënë shumën e duhur aq sa kanë pasë mundësi. Falë donatorëve, shoqërisë edhe disa frekuencerave që më kanë shkru kanë dhënë para dhe ia kemi arritë qëllimit, dmth shuma prej 20 mijë euro është arritur”, thotë Dritoni në një lidhje të drejtpërdrejt në emisionin ‘n’Frekuencë me Robin’ në ATV.
Ai tregon se shumë e fundit prej më shumë se 2000 euro e kanë dhënë dy miq të tij, të cilët janë vëllezër, për ta kompletuar në 20 mijë.
“Në bazë të shënimeve që i kemi nëpër fleta, nëpër donacionet që kam shku nëpër shtëpi dhe i kam mbledhë, për me e arritë qëllimin janë mbledhë 17746 franga që shumën tjetër prej 2254 franga kanë shprehë dëshirën dy shokët e mi që janë dy vëllezër për me e dhanë këtë shumë, me e ba 20 mijë për Vjollca Deliun”, tregoi Dritoni.
Në emision ‘n’Frekuencë me Robin’ u publikuan edhe lista e plotë e donatorëve, të cilët dhuruan para për të siguruar shumën prej 20 mijë euro për Vjollca Deliun.
Vjollca Deliu, me datën 13 nëntor të këtij viti ishte e ftuar në emisionin STUDIO A te Blerona Zeqiri, ku bëri një rrëfim shumë prekës për jetën e saj tejet të vështirë për shkak të gjendjes së saj me aftësi të kufizuara.
Ajo tregoi se është fëmija i vetëm i prindërve dhe se i duhet të përkujdeset për ta, pasi nënën e ka në dializë, ndërsa edhe babain e ka të sëmurë për shkak se është invalid i luftës.
“Mami është pak e sëmurë kurse babi, edhe për të mund të them të njëjtën gjë sepse ai është invalid i luftës, kurse mami në dializë, veshkat nuk i funksionojnë fare, por në përgjithësi po ia dalim. Besomë që nuk e di as vet, besoj që është forca ajo që më jep Zoti sepse besoj shumë në Zot, por po ia dalim me gjithë këto vështirësi. Jam e vetme nuk kam pasur ndihmë nga ndokush që të kujdesët për neve”, rrëfen Vjollca në STUDIO A.
Ajo tregon se këtë problem e ka që nga lindja dhe falë mbështetjes së familjes, mësuesve e profesorëve, i ka tejkaluar bullizimin e paragjykimet ndaj saj.
“Periudha kur kam qenë në shkollë, ka pasur raste kur ka pasur bullizëm, por e kam pasur fatin që i kam pasur prindërit shumë të mirë. Edhe mësuesit, profesorët më kanë mbështetë shumë edhe e kam tejkalu bullizmin, paragjykimet edhe nënçmimet që më janë bërë për shkak se nuk e kam pasur dorën. Këtë e kam kuptu shumë herët, por pjesa kur kam fillu me e pasë kompleks ka qenë prej moshës 26 vjeçare, sepse çdo lloj bullizmi që është bërë ose paragjykim prej personave tjerë që i kam pasur të përkohshëm në jetën tem, i kam taku e kanë lëshu një llaf a një fjalë a diçka, është kalu. Por, kur të vjen prej personave që ti i ke shumë përzemër, ti i do shumë edhe në vend që ti e pret mbështetjen e tyre, ata mundohen me të paragjyku, me të nënçmu në mënyrën më të keqe të mundshme, mandej edhe bullizmin… mandej kjo ka fillu me u ba kompleks, pastaj një kohë të gjatë për tri vjet dhe kam fillu me ra në depresion”, rrëfen mes lotësh Vjollca.
Ajo tregon se është e punësuar, por pjesa e dorës për të është një zbrazëti, të cilën dëshiron me çdo kusht që ta plotësojë.
Me rrogën që e ka, Vjollca thotë se sigurimi i një proteze për dorën e saj është e pa arritshme, pasi që kjo shumë përafërsisht është 20 mijë euro.
Kujtojmë se sot, Vjollca Deliu ka marrë lajmin e gëzueshëm, pasi që pas iniciativës së moderatorit Robert Bojaj, dëgjuesi i rregullt i emisionit ‘n’frekuencë me Robin’ në ATV, mërgimtari Driton Kastrati, i vetëm ka arritur që ti mbledh 20 mijë euro e nevojshme për të siguruar protezën e dorës për Vjollcën. /atvlive.tv
Flamuri gjigant kuqezi, i punuar në detajin më të vogël nga Arbnora Fejza-Idrizi synon të hyjë në librin e rekordeve botërore Guiness.
Me 120 mijë letra origami e shtrirë në 130 metra katror Arbnora, finalizoi për një muaj njërin ndër projektet më të rëndësishëm për jetën e saj.
Derisa, dëshira e madhe e Arbnorës ishte që ky flamur të shtrihet në kryeqytetin e Kosovës.
Kujtojmë se në të kaluarën, me artin e letrës origami, Arbnora Fejza-Idrizi ka hyrë në librin Guinness për herë të parë në vitin 2018 me lulen më të madhe në botë prej 8,7 metrash, derisa vazhdojë me rekorde edhe në vitin 2019 me vazon më të madhe prej letre, me një lartësi 2,73 metrash dhe gjerësi 2,38 metra, në të cilën paraqiti në miniaturë flamujt e shteteve që e kanë njohur pavarësinë e Kosovës. Kurse për herë të tretë, pjesë e rekordit botëror me artin origami u bë në 2021 me flamurin shtetëror të Kosovës në përmasa prej 1 mijë e 216 metrash katrorë, ndërsa në muajin nëntor ajo në vendlindjen e saj synon një rekord tjetër me flamurin kombëtar shqipëtar./atvlive.tv/
Këngëtarja rumune Andrea Vilcan, e cila ditë më parë publikoi këngën “Mora fjalë”, këngë kjo kushtuar komandantit Legjendar Adem Jashari, për herë të parë ka dhënë intervistën e saj në një televizion në Kosovë.
Ajo ishte e ftuar në emisionin LIBERO në ATV, ku tregoi se si kishte filluar të këndojë shqip dhe si ishte pritur kjo nga bashkëkombësit e saj rumunë.
“Në fillim nuk iu ka dukur diçka interesante, madje janë befasuar me faktin se pse në Kosovë, por me kalimin e kohës kur e kanë parë dhe iu kam treguar historinë se çka ka ndodh, edhe ata kanë nisë me e pëlqy shumë”, thotë ajo.
Në këtë emision, këngëtarja nga Rumania, Andreea Vilcani ka mahnitur publikun në sallë me zërin e saj teksa i këndoi heroit legjendar të Kosovës, Adem Jasharit, me vargjet e një prej këngëve më të popullarizuara shqiptare “Mora fjalë. /atvlive.tv
Këngëtari i mirënjohur shqiptar, Arif Vladi, oshte i ftuar mbrëmë në emisionin LIBERO në ATV, ku bëri një rrëfim për jetën e tij private si dhe karrierën artistike.
Në këtë emision, ai edhe interpretoi këngën “Marshi i UÇK-së” për nder të 28 Nëntorit.
Këngëtarja rumune Andrea Vilcan, e cila ditë më parë publikoi këngën “Mora fjalë”, këngë kjo kushtuar komandantit Legjendar Adem Jashari, për herë të parë ka dhënë intervistën e saj në një televizion në Kosovë.
Ajo ishte e ftuar në emisionin LIBERO në ATV, ku tregoi se si kishte filluar të këndojë shqip dhe si ishte pritur kjo nga bashkëkombësit e saj rumunë.
“Në fillim nuk iu ka dukur diçka interesante, madje janë befasuar me faktin se pse në Kosovë, por me kalimin e kohës kur e kanë parë dhe iu kam treguar historinë se çka ka ndodh, edhe ata kanë nisë me e pëlqy shumë”, thotë ajo. /atvlive.tv
