Category: TOP ATV

Në një rrëfim të sinqertë e të dhimbshëm në emisionin LIBERO në ATV, gazetarja hulumtuese Saranda Ramaj ndau një prej përvojave më të rënda në karrierën e saj, ku disa zyrtarë shtetëror kishin shkuar deri te familja e saj për të ushtruar presion, vetëm pse ajo bënte punën e saj si gazetare.

Duke folur për momentet më të vështira që i ka përjetuar gjatë punës si gazetare, ajo tha se presioni mbi familjen e saj ka qenë pika më e ndjeshme që e ka bërë të mendojë nëse ia vlen të vazhdojë këtë profesion.

“Unë kam pasë shumë kërcënime, por një që do e veçoja që mua më ka shtyrë për herë të parë me mendu a ia vlenë me ba gazetari sepse për mua nuk ka qenë problem në raport me veten time, unë i kam bërë llogaritë me veten time, por besoj se anëtarët e familjes nuk ia kanë borxh ndonjë anëtari tjetër që të ndihen në një lloj presioni ose të marrin vëmendje nga që skanë të bëjnë më ta, për shkak të punës sime. Më kujtohet para disa viteve, diku ndoshta 6-7 vite, ka pasë zyrtarë shtetëror që kanë shku tek familja e ime në Radavc, tek prindërit e mi edhe në orët e vona të mbrëmjes me iu thënë që merruni me vajzën e juaj. Kur më ka thirrë asokohe nëna e ime ka qenë një prej momenteve më të komplikuara kur unë kam menduar asokohe ndoshta ajo ka qenë mbi 65 vjeç, baba mbi 75 dhe ti e mendon a i vlen me shqetësu prindërit që janë besoj për secilin personat më të rëndësishëm për punën tënde. Ky ka qenë rasti I vetëm që nuk iu kam frikësu asaj qasje”, tha ajo.

Rrëfimin e plotë të Saranda Ramajt në emisionin LIBERO, e gjeni në videon më poshtë:

Në emisionin LIBERO në ATV, gazetarja hulumtuese Saranda Ramaj ka rrëfyer për herë të parë përballjen e saj me paditë SLAPP – padi që, sipas saj, bëhen për të frikësuar gazetarët.

Ajo tregoi se padia e parë, që i ishte bërë vetëm tre muaj pas fillimit të karrierës, e kishte lënë net të tëra pa gjumë.

Saranda tha se kërkesa financiare ishte aq e lartë, sa e bënte të mendonte vazhdimisht se nuk do të mund ta përballonte as për 20 vjet me rrogën e saj.

“Më janë kërkuar diku 300 mijë euro dhe dikush mund të mos e besojë, por unë krejt natën nuk kam mujt me fjetur në atë kohë. Vazhdueshëm ka pasë kohë derisa unë kam fillu me u adaptu dhe me marrë guximin me u përcaktu në karrierë. Paditë SLAPP janë padi strategjike të njerëzve në pushtet, që nuk bëhen për shpifje, por për me të tremb e me të ndalë prej raportimit. Unë tërë natën kam kalkulu, e kam ditë që në familjen time s’kam pasuri, e edhe po të kishin pasuri, s’e di a do të ma mbulonin 300 mijë euro. Mendojsha sa vite më duhet me punu për me pagu – diku njëzet e diçka vjet”, rrëfeu Saranda.

Rrëfimin e plotë të Saranda Ramajt në emisionin LIBERO, e gjeni në videon më poshtë:

Në emisionin STUDIO A në ATV, avokatja Nora Huseinovic ndau mendimin se burri duhet të mbajë përgjegjësinë financiare në familje, përfshirë edhe blerjen e veturës. Por moderatorja Blerona Zeqiri nuk u pajtua me këtë qëndrim, duke treguar përvojën e saj personale.

Huseinovic tha se gratë nuk duhet ta shohin si problem rolin tradicional, ku burri siguron të mirat materiale, ndërsa gruaja gëzon siguri dhe paqe brenda familjes.

“Unë nuk e kuptoj këtë rezistencën e femrave ndaj këtij mendimi. Pse more ne nuk duam të jem princesha në familje, a nuk është mirë me t’i siguru dikush le të themi vendbanimin, ushqimin, veshëmbathjen, ti mos me i pasë gajle këto, ndërsa nga puna e jote, thjesht çkado që fiton, me i palu qato para”, tha avokatja Huseinovic.

Pas kësaj deklarate të avokates, Blerona u shpreh se nuk pajtohet, duke i thënë se për të, ndjenja më e fuqishme ishte kur arriti vetë ta blejë makinën me mundin e saj, në moshën 21-vjeçare.

“Po ta besoj, veç unë isha ndi shumë më mirë t’ma kish ble burri,” shtoi Huseinovic, duke qëndruar prapa bindjes së saj.

Për më shumë, shikoni momentin e diskutimit në videon më poshtë:

Në emisionin STUDIO A në ATV, avokatja Nora Huseinovic ka folur për ndarjen e roleve brenda familjes, duke theksuar se sipas rregullit hyjnor në Kuran, është burri ai që mban përgjegjësinë financiare.

Ajo tha se kjo nuk nënkupton që gratë nuk duhet të punojnë, por që nuk duhet të kenë mbi supe barrën për mbijetesën ekonomike të familjes.

“Nuk kam thënë unë që gruaja nuk duhet të punojë. Unë kam thënë se gruaja nuk duhet ta ketë barrën financiare. Kjo i bjen që burri në familje, pavarësisht se a është bashkëshort a baba, duhet ta marrë mbi vete këtë barrë, siç thotë populli ‘me i ra gurit e drurit e me e siguru mbijetesën për familjen’. Ndërsa, për nënën, natyrisht nëna do të jetë ajo që i bjen ‘gurit e drurit’ me e siguru ngrohtësinë familjare, pra është roli brenda familjes”, deklaroi Huseinovic.

Për më shumë, shikoni intervistën e saj në videon më poshtë:

Lidhja e Zymer Gashit nga Gjakova me kafshët nisi qysh në fëmijëri, duke ndihmuar familjen në punët e fermës.

Pas disa vitesh pune në Zvicër, ai u kthye në Kosovë me një ëndërr të re dhe një plan ambicioz.

Ai vendosi të ndërtonte një fermë moderne me dele, duke investuar në infrastrukturë të re dhe teknologji të avancuara.

Ferma e tij u shndërrua shpejt në një nga më të mirat në zonë, duke prodhuar qumësht dhe mish të cilësisë së lartë.

Rrëfimin e tij të plotë mund ta shihni duke klikuar në materialin e përgatitur nga emisioni E JONA TOKË në ATV:

Në emisionin ALARM në ATV, me rastin e Ditës Botërore të Teatrit, ATV zhvilloi një anketë me qytetarë në Prishtinë, të cilëve iu drejtua pyetja: “Kur ka qenë hera e fundit që ke shkuar në teatër?” – një temë që rikthen vëmendjen te kultura dhe arti që po zbehet nga jeta e përditshme kohëve të fundit.

Përgjigjet e qytetarëve ishin të ndryshme – disa nostalgjike, disa befasuese, por shumica reflektonin një realitet të zymtë për teatrin në jetën e tyre.

“Nuk e mbaj në mend,” deklaroi një qytetare.

“Me shkollë në klasën e tretë fillore. Prej asaj kohe nuk kam qenë në teatër, më shumë në kinema,” tha një qytetare e re.

“Para një viti. E kam parë shfaqjen e Skënderbeut. Kam qejf me shku më shpesh, por nuk po kemi kohë,” deklaroi një qytetar.

“Në teatër, ndoshta në 2015-tën. Vij nga pak më larg, prej vendeve rurale, në vendin që jam, nuk ka teatër,” tha një qytetar tjetër.

Anketën e plotë me qytetarë e gjeni në videon më poshtë:

Në kuadër të emisionit ‘Studio A’ në ATV, ‘Letër nga Diaspora’ është rubika që sjell rrëfime nga zemra për ata që ndodhen larg vendlindjes.

E kësaj radhe zotëri Jeton Gërxhaliu nga Suedia, i dërgoi nënës së tij një letër të mbushur me mall e dashuri, duke shpresuar për një ribashkim sa më të shpejtë.

“I tretur larg vendlindjes mbi 3 dekada nuk mund ta fsheh mallin për ty që më ngushton në çdo frymëmarrje, e që çdo ditë ëndërroj takimin me ty. Lutem për shëndetin dhe mirëqenien tënde e dashur nëna ime, andaj qëndro e fortë ”, ishin disa nga fjalët e Jetonit në letrën e shkruar për nënën e tij.

Për më shumë ndiqni videon e mëposhtme:

Ndërhyrjet estetike kirurgjike janë bërë një trend i zakonshëm si në Shqipëri dhe Kosovë, ashtu edhe ndërkombëtarisht. Personazhet e njohura por jo edhe vetëm i përdorin ato për të përmirësuar pamjen e tyre, për të ruajtur rininë dhe shpesh për të ndjekur standardet e bukurisë që imponon showbizi.

E pikërisht për këtë temë, gazetari i ATV-së na sjell mendimet e qytetarëve se sa janë pro dhe kundër këtyre ndërhyrjeve estetike që kanë filluar të bëhen viteve të fundit në masë të madhe tek të gjitha moshat.

“Kam përshtypjen që përfshijnë shumë substanca që janë të dëmshme për trupin. Nuk jam plotësisht kundër tyre, por nuk do ta preferoja as për veten as për të tjerët, sepse mendoj se secili është krijuar në mënyrë të veçantë dhe të bukur”, deklaroi një burrë.

Kundër ndërhyrjeve estetike për të përmirësuar dukjen u shpreh edhe një grua, duke shtuar se ajo preferon promovimin e asaj që ta duash veten ashtu siç je.

“Nuk kam asgjë kundër njerëzve që bëjnë ndërhyrje estetike edhe pse personalisht nuk jam për to, por besoj se bukuria natyrale është më e mira dhe më e rëndësishmja është që ta pranojmë veten ashtu siç kemi lindur. Mendoj se secili ka të drejtën që të bëjë çfarë të dëshiron me trupin e tij dhe të dukët siç dëshiron por unë nuk do ta mbështesja promovimin e saj, sepse preferoj promovimin e një mënyrë jetesë të shëndetshme dhe tw  pranimit të vetës ashtu siç jemi”, tha ajo.

Për më të ndjekur përgjigjet e plota të qytetarëve, klikoni në videon e mëposhtme:

Në një intervistë në emisionin STUDIO A në ATV, ish-deputeti Eman Rrahmani ndau mendimin e tij për çështjen e mbulesës, duke thënë se çdo individ duhet të ketë të drejtën të zgjedhë vetë rrugën që dëshiron të ndjekë.

Sipas tij, askush nuk duhet të detyrohet apo të paragjykohet për bindjet personale, dhe çdo grua meriton lirinë për të jetuar sipas vullnetit të saj.

“Janë çështje personale të individit se a dëshiron të praktikoj fenë, apo jo. Ne nuk kemi të drejtë të obligojmë e ndikojmë askënd me këto çështje, por duhet t’i ofrojmë secilit të drejtën që të jetoj jetën ashtu siç dëshiron dhe dua të them që angazhimi im është që secilit duhet t’i jepet e drejta që e kërkon, sepse nuk mundemi me diskriminu askënd për shkak të dukjes ndryshe, apo praktikimit të ndonjërit rit ndryshe. Dhe them se angazhimi im nuk ishte mbi këto bindje të mija por mendoj se është një vlerë që duhet t’i garantohet secilit – gruas e cila dëshiron të jetoj në atë mënyrë, apo secilës grua qoftë me mbulesë apo pa të, duhet t’i lejohet mënyra e jetesës siç dëshiron kjo sepse kjo e drejtë i garantohet edhe me ligj e kushtetutë, andaj edhe problemi im ka qenë me ata të cilët i kanë shkel këto sepse nuk duhet me qenë të tolerueshme në shoqëri e aq ma tepër ne që jemi të angazhuar direkt me politikën”, deklaroi Rrahmani.
Për më shumë, shikoni intervistën e tij në videon më poshtë:

Për të ndjekur intervistën e plotë, klikoni në videon e mëposhtme:

Blerona Bytyqi, një nga këngëtaret e reja më të ndjekura në rrjetet sociale, ka hyrë shumë shpejt në zemrat e publikut me zërin e saj dhe këngët që gjithmonë kanë tematika që janë aktuale dhe shumë emocionale.

E ftuar në emisionin “Studio A”, Blerona përveç se ndau rrugëtimin e saj muzikor, suksesin dhe sfidat me të cilat është përballur, ndër tjera ajo rrëfeu edhe një moment emocionues kur arriti të realizonte një ëndërr të kahershme që e kishte për prindërit e saj.

Blerona, përlotet teksa flet për kohën kur familja e saj u bë me shtëpi të re.

“Unë bashkë me vëllai kishim një ëndërr të përbashkët, e që ishte ndërtimi i një shtëpie të re. Normale që ne i kemi pasë të gjitha kushtet, por kjo ishte një dëshirë e imja e kahershme. Babi për një kohë nuk ka punuar për shkak të disa problemeve me shtyllë kurrizore, ndërsa nana për një kohë është përballur me tumor, dhe dëshira ime ishte që unë t’ia plotësoj atyre të gjitha kushtet dhe arrita që shtëpia e re të përfundonte brenda dy vitesh, sepse në fillim të karrierë sime thash që çdo gjë do ta bëjë veç për familjen time dhe jo për vete”, deklaroi ajo.

Për më shumë ndiqni videon e mëposhtme: