Sonte me fillim nga ora 20:30 do të zhvillohet përballja e dytë mes KB Yllit dhe KB Pejës, ndeshje kjo e vlefshme për gjysmëfinalen e “PlayOff-it” të Superligës së Kosovës në basketboll.
KB Peja e mori fitoren në ndeshjen e parë të zhvilluar, ku e mposhti KB Yllin në palestrën “Karagaçi” me rezultat të ngushtë 85:82, raporton KosovaPress.
Kampioni aktual synon fitoren sot në palestrën “18 Qershori” në Suharekë, që ta barazoj serinë në 1:1 ndaj “Shqiponjave”.
Futbolli kosovar është në zi, pasi që ka ndërruar jetë ish-trajneri, lojtari dhe pedagogu i dalluar, Selatin Vokrri.
Vokrri ishte një personalitet i jashtëzakonshëm në futbollin e Kosovës, pasi që dha kontribut tejet të madh si futbollist e si trajner, raporton KosovaPress.
Po ashtu, Vokrri shërbeu si burim i pasur i njohurive dhe ideve në fushën e futbollit dhe edukimit sportiv të rinjve.
Vokrri do të kujtohet gjithmonë për kontributin e tij gjatë kohës së okupimit serb, ku ishte udhëheqës i guximshëm duke frymëzuar rininë llapjanë të vazhdojë me futboll në kushte të vështira dhe pothuajse të pamundura.
Selatin Vokrri do të vazhdojë të mbetet shembull frymëzues për brezat e rinj, ndërsa kontributi i tij do të kujtohet gjithmonë.
Sonte në Palltinë e Rinisë dhe sporteve në Prishtinë zhvillohet ndeshja tjetër gjysmëfinale Superligës së Kosovës në basketboll.
Prishtina pret rivalin e përbetuar Trepçën. Takim ky që fillon në orën 20:30.
Kur jemi te këto skuadra të dyja deri me tani e kanë fituar nga një trofe,’ bardhë kaltrit’ e kanë fituar Superkupën, ndërsa xehetarët fituan Kupën, është interesante që të dyja kanë mposhtur njëra tjetrën në finale.
Përndryshe në sezonin e rregullt Prishtina, përfundoi në pozitën e parë me 22 fitore dhe gjashtë humbje. Ndërsa skuadra nga Mitrovica mbylli sezonin e rregullt me 17 fitore dhe 11 humbje.
Në pesë ballafaqimet e fundit në mes të këtyre dy gjiganteve të basketbollit Kosovar, Prishtina ka arritur 4 fitore ndërsa Trepça ka triumfuar vetëm njëherë.
Kujtojmë që ndeshjet gjysmëfinale zhvillohen me sistemin vajtje ardhje, cila ekip i arrin e para tre fitore kualifikohet në finalen e madhe. /atvlive.tv
Pas përjetoi njërën nga padrejtësitë më të mëdha duke iu mohuar e drejta për të marr pjesë në Kampionatin Botëror të Boksit në Indi për shkak se ky shtet nuk e njeh Kosovën, boksierja kosovare Donjeta Sadiku ka nisur përgatitjet për sfidat e radhës.
Medalistja botërore së bashku me trajneren Marjola Sallauka nga 10 deri me 21 prill janë në përgatitje në kampin nderkombëtar në Izmir të Turqisë, raporton KosovaPress..
Këto përgatitje janë të mirëseardhura për Donjeta Sadikun e cila nga 22 prill deri më 1 maj do të marr pjesë në turneun ndërkombëtar “ÇESME” në Turqi.
Marcus Rashford do t’i mungojë Manchester Unitedit në disa ndeshje, ndërsa ai po rikuperohet nga një lëndim në muskul.
Rashford u lëndua në fitoren 2:0 të United kundër Evertonit të shtunën, dhe pritet që të mungojë nesër në ndeshjen e çerekfinales së Ligës së Evropës kundër Sevillas në “Old Trafford”, dhe në disa ndeshje të tjera të rëndësishme, raporton KosovaPress.
United ka thënë se Rashford nuk do të jetë i gatshëm për disa ndeshje, por pritet të rikthehet në pjesën e mbetur të sezonit.
Kjo do të jetë një goditje e madhe për Ten Hag, pasi që ylli anglez e ka gjetur rrjetën plot 28 herë këtë sezon, dhe është njëri nga lojtarët kyç të United.
Kombëtarja e Kosovës e femrave në hendboll do ta luajë sot ndeshjen e kthimit ndaj Polonisë, në kuadër të fazës së dytë kualifikuese drejt Kampionatit Botëror të këtij viti.
Vashat kosovare dhe ato polake përballen sot në Pallatin e Rinisë dhe Sportit në Prishtinë me fillim nga ora 20:15, raporton KosovaPress.
Ndeshja e parë, që u zhvillua në Bielsko-Biala, përfundoi me fitore të vashave të Polonisë, të cilat mposhtën “Dardanet” me shifrat 36:22.
Hendbollistet tona janë optimiste për paraqitje të denjë, ndërsa kanë premtuar luftë sportive nga fillimi e deri në fund për të prezantuar sa më mirë ngjyrat e shtetit.
Të kujtojmë që në fazën e parë kualifikuese, Kosova e eliminoi Kombëtaren e Ishujve Faroe, për suksesin historik.
20:15 Kosova – Polonia (Pallati i Rinisë dhe Sporteve në Prishtinë)
“Santiago Bernabeu” do të jetë nikoqir i super përballjes së sotme mes Real Madridit dhe Chelseat, e vlefshme kjo për ndeshjen e parë mes dy klubeve në çerekfinale të Ligës së Kampionëve.
Për të tretin sezon me radhë, dy gjigantët evropianë takohen mes vete në fazat eliminatore të turneut, ku fituesit e dy përballjeve të fundit që vazhduan deri në fund për ta fituar trofeun, raporton KosovaPress.
Me dy skuadrat që janë larg të arrijnë objektivat e këtij sezon në kampionatet e tyre, të dyja do të kërkojnë suksesin në garën më prestigjioze evropiane, andaj pritet që sot të zhvillohet një ndeshje tejet e zjarrtë.
Të dy skuadrat, si Reali ashtu edhe Chelsea u mposhtën në vikend me diferencë prej një goli, ku Reali u mposht si vendas nga Villarreali me shifrat 3:2, kurse Chelsea pësoi humbje 1:0 nga Wolverhamptoni.
Takimi i fundit mes Realit dhe Chelseat daton në muajin prill të vitit 2022, ku asokohe Chelsea e mposhti Realin me rezultat të ngushtë 3:2.
Sa i përket ndeshjes së sotme, të dy skuadrat do të kenë probleme me mungesa të lojtarëve, ku për Realin nuk do të paraqitet Mendy, kurse te Chelsea mungojnë Aubameyang, Badiashile, Broja, Chukwuemeka dhe Madueke.
Formacionet e mundshme i gjeni më poshtë.
Real Madrid (4-3-3): Courtois; Carvajal, Militao, Rudiger, Alaba; Kroos, Modric, Tchouameni; Valverde, Benzema, Vinicius
Chelsea (4-3-3): Kepa; James, Fofana, Koulibaly, Chilwell; Kovacic, Enzo Fernandez, N’Golo Kante; Sterling, Havertz, Joao Felix
21:00 Real Madrid – Chelsea (Stadiumi Santiago Bernabeu)
Bashkimi është shpallur kampion i Kosovës në Superligen e Femrave. Prizrenaset kanë shënuar fitoren në ndeshjen me Prishtinën me rezultat 78:64.
Bashkimi arriti të shpallej kampion pasi arriti tre fitore nga pesë ndeshje të zhvilluar gjithsej.
Medaljet e argjendta te vajzat e Prishtinës i ndau Drejtori i Sportit në Komunën e Prishtinës, Granit Rugova dhe Komesari i Garave në FBK Faton Kurshumlija kurse medaljet e arit i ndau Anëtari i Bordit të FBK-së Rrahman Përteshi dhe Sekretarja e Përgjithshme e FBK-së, Elvira Dushku.
Trofeun e MVP-së te lojtarja më e mirë Khadija Brown Haywood, e ndau Sekretarja e Përgjithshme e FBK-së, Elvira Dushku, kurse Kupën te kapitenia Aulona Muhadri e dorëzoi Kryetari Fetahu.
Këtë vit KBF Bashkimi ka fituar gjithashtu edhe Kupën në Final 8 në Rahovec, ku pati triumfuar ndaj Prishtinës.
Bashkimi dhe Prishtina sonte zhvillojnë ndeshjen e pestë finale në kuadër të Play-off-it me ç’rast fituesi i sotëm do të shpallet edhe kampion.
Rezultati aktual në seri është 2:2. Bashkimi fitoi ndeshjen e parë më rezultat 92:76, për të barazuar Prishtina në lojën e kthimit serinë me shifrat 79:66. Prizrenaset fitoren e tretë e arritën me vetëm një pikë dallim, 70:69, ndërsa në lojën e katërt, vajzat e Prishtinës bindshëm ishin më të mira, duke e mbyllur ndeshjen me rezultat final 67:42.
Prizrenaset duan trofeun e shtatë të titullit të kampionit, kurse prishtinaset të 12-tin në histori të klubit.
Sfida do të zhvillohet në Therandë në Palestrën “13 Qershori” nga ora 20:00.
Xherdan Shaqiri ka folur për ndeshjen ndërmjet Zvicrës dhe Kosovës, e vlefshme për kualifikimet për në Kampionatin Evropian Euro 2024.
Në intervistën e dhënë për “The Guardian”, Shaqiri ka thënë se ballafaqimi me Kosovën do të jetë një moment krenarie, por që shprehet i bindur se do t’i bëhet një pritje e ngrohtë dhe se do të jetë moment shumë emocional, përcjellë KosovaPress.
Ai shpreson se rikthimi i tij si futbollist në atë ndeshje kualifikuese do të jetë një përvojë krejtësisht më pozitive.
“Unë luaj për Zvicrën. Por unë kam lindur në Kosovë dhe i dua të dy vendet. Unë do të jap 100% për Zvicrën. Me siguri do të jetë një moment krenarie. Do të shijoj çdo moment duke luajtur atje, sepse e gjithë familja ime do të vijë. Do të jetë emocionale për mua. Dhe jam i sigurt se do të kemi një pritje shumë të ngrohtë.”, tha Shaqiri.
Ndeshja ndërmjet Kosovës dhe Zvicrë do të zhvillohet në “Fadil Vokrri” më 9 shtator të këtij viti.