Category: SPORT

Përfaqësuesja e Kosovës do ta zhvilloj ndeshjen e dytë në kualifikimet për Kampionatin Evropian, Euro 2024.

Dardanët e kanë nisur me barazim këtë kampanjë kualifikuese pasi kanë marrë barazim ndaj Izraelit në ndeshjen e parë në udhëtim.

E sot të besuarit e Alain Giresse do të përballen me Andorrën në stadiumin ‘Fadil Vokrri’ me fillim nga ora 20:45.

Vetëm fitorja vlen në këtë duel, pasi dihet që Andorra është kundërshtari më i lehtë në letër në Grupin I dhe nuk lejohet në asnjë mënyrë gabimi në këtë sfidë.

Kjo është hera e parë që dy ekipet përfaqësuese takohen mes vete pasi kurrë më parë nuk ishin përballur as në kualifikime e as në ndeshje miqësore.

Dardanët po kërkojnë të shkruajnë historinë pasi synimi mbetet i qartë kualifikimi në ‘Euro 2024’, derisa Andorra si në çdo ndeshje futet për të tentuar befasinë e madhe.

Alain Giresse ka të gjithë futbollistët në dispozicion për këtë duel, derisa te mysafirët mungesa e vetme është ajo e Marc Rebes që u ndeshkua me karton të kuq në sfidën ndaj Rumanisë. /Telegrafi/

Padeli është një sport jo fort i popullarizuar dhe për ta shpjeguar më lehtë do të mund ta përshkruanim si një hibrid ndërmjet badmintonit, skuashit dhe tenisit.

Ky sport është prezent edhe në vendin tash e pothuajse dy vite, si dhe ka të themeluar edhe Federatën e Padelit e Kosovës qysh ne gusht të vitit 2021.

Gjatë ditës së djeshme, në qendrën “Prishtina Padel” janë zhvilluar aktivitete të shumta para fillimit të turneut “Be All Padel”.

Sekretari i Federatës së Padelit të Kosovës, Isuf Kikaj, tha për ATV-në tha se përkundër që në vendin tonë shumë pak dinë për këtë sport, interesimi për të ka qenë shumë i madh.

“T’u e marrë parasysh që për një kohë të shkurtër që prej themelimit të Federatës, prej që e kemi sjellë këtë sport në vendin tonë e deri më sot, nuk kanë kalu ende dy vite, masivizimi dhe rritja e këtij lloj sporti është bërë jashtëzakonisht shumë. Kësaj i ka ndihmu edhe ndërtimi i qendrës së padelit këtu në Prishtinë me tri fusha në ambient të brendshëm, dhe përveç aktiviteteve të cilat njerëzit i bëjnë, mund të luajnë edhe për qejf, ndërsa shumë shpejt do të vijmë edhe me disa risi të tjera në promovimin e sportit edhe tek gjinia femërore, por edhe tek të rinjtë përmes hapjes së shkollës”, tha Kikaj.

Në këtë intervistë ai foli edhe për organizimin e turneve si dhe planeve që po bën Federata e Padelit të Kosovës në zhvillimin e këtij sporti. /atvlive.tv

Dita e pestë e kualifikueseve për në Kampionatin Evropian Euro 2024 sjellë sot edhe tetë ndeshje të tjera mjaftë interesante.

Shqipëria e nis këtë kampanjë me udhëtimin në Varshav atje ku do të ballafaqohet me Poloninë në kuadër të grupit E, raporton KosovaPress.

Njëra nga kombëtaret më të forta dhe që synon të shkojë deri në fund të këtij kompeticioni, Franca do ta zhvillojë sfidën e dytë ku do të ndeshjet me Irlandën në kuadër të grupit B, derisa tashmë ka tre pikë pas fitores ndaj Holandës.

Në grupin F, Suedia do të ndeshet me Azerbajgjanin, dy skuadra që kanë pësuar disfatë në ndeshjet e parë dhe synojnë të marrin tre pikë për të mbajtur kështu hapin me skuadrat lideri që janë Austria dhe Belgjika në këtë grup.

Këto janë ndeshjet e ditës së sotme të cilat startojnë nga ora 20:45:

Austria-Estonia

Hungaria-Bullgaria

Irlanda-Franca

Moldavia-Republika e Çekisë

Mali i Zi-Serbia

Holanda-Gjibraltari

Polonia-Serbi

Suedia-Azerbajgjani

Kombëtarja e Kosovës e ka nisur me barazim ciklin kualifikues për Kampionatin Evropian “Euro 2024”, që do të mbahet vitin e ardhshëm në Gjermani.

Të përzgjedhurit e Alain Giresse morën sonte një pikë nga përballja me Izraelin, rivalin që vlerësohet si një prej rivalëve për dy pozitat e para në grup, shkruan Gazeta Express.

Ndeshja e zhvilluar në stadiumin “Bloomfield” përfundoi me rezultatin 1:1. Kjo ishte ndeshje e parë në kuadër të Grupit I.

Izraelitët ishin më të mirë në pjesën e parë, por ishin “Dardanët” që shkuan në pushim me epërsi minimale.

Milot Rashica sulmoi portën kundërshtare në minutën e 36-të, teksa topi shkoi në rrjetë pas devijimit të Elazar Dasa, i cili shënoi autogol.

Kosova e nisi shumë më mirë pjesën e dytë dhe ia doli të dyfishonte epërsinë në minutën e 49-të përmes Rashicës.

Megjithatë, goli i sulmuesit vushtrrias u anulua pas rishikimit me VAR, pasi që u pa se ai kishte luajtur me dorë para se të shënonte.

Kombëtarja kosovare vazhdoi të rriste presionin në vazhdim, teksa ishte sërish Rashica që kishte një mundësi të artë për të shënuar në minutën e 93-të, por 26-vjeçari dështonte të shënonte nga afërsia.

Kosova dhe Izraeli ndajnë pozitat dy dhe tre në grup me nga një pikë. Në këtë grup prin Zvicra me tre pikë.

Xhudisetet kosovare po shkëlqejnë në paraqitjet e tyre në Grand Slamin e xhudos që po mbahet në Gjeorgji.

Nora Gjakova tashmë ka kaluar në finale të Grand Slamit të xhudos Tbilisi pasi e mposhti xhudisten nga Kanada Jessica Klimkat, raporton KosovaPress.

Kjo nënkupton që ajo tashmë e ka siguruar medaljen e argjendtë dhe do të luftojë në finale për të artën.

Medaljen e artë do ta kërkojë edhe Distria Krasniqi.