Presidenti i FC Ferizajt, Lulzim Abazi thekson se do të ketë premi për lojtarët në rast se fitojnë kundër Dukagjinit.
“Gjatë gjithë edicionit ka pasur premi për lojtarët, natyrisht se do të ketë edhe në ndeshjen më të rëndësishme të kampionatit për ne kundër Dukagjinit”, tha Abazi në Ekipi A.
Për më shumë mund të ndiqni emisionin e plotë:
Gazetari, Alban Lumi thekson se ardhja e trajnerit grek te Drita i ka shërbyer më shumë Ballkanit, për shkak të rezultateve të tij me skuadrën gjilanase.
“Ardhja e trajnerit grek i ka shërbyer shumë Ballkanit. Ai morri vetëm katër pikë prej tri ndeshjeve, derisa Ballkani e ndoqni hapin e vet dhe arriti suksesin historik”, tha Lumi në Ekipi A.
Për më shumë mund të ndiqni emisionin e plotë:
Analisti i futbollit, Arsim Prepolli thekson se për shkak të ndeshjeve në garat evropiane, Ballkani qëndron më mirë se ekipet tjera.
“Prej fillimit të kampionatit dhe prej garave evropiane, Ballkanin e kemi parë favorit për titull. Ballkani qëndron më mirë se ekipet tjera financiarisht, sepse ato i kanë fituar me ndeshjet ndërkombëtare”, tha Prepolli në Ekipi A.
Për më shumë mund të ndiqni emisionin e plotë:
Trajneri, Arbnor Morina thekson se ideja për ta mbrojtur titullin te Ballkani ka qenë e theksuar qysh prej fillimit të sezonit.
“Ajo që mu ma ka impresionuar është që prej ditës së parë, asnjë prej klubit të Ballkanit nuk ka thënë që nuk janë për titull, edhe kur kanë qenë në vendin e dytë kanë qenë të bindur se do ta mbrojnë titullin”, tha Morina në Ekipi A.
Për më shumë mund të ndiqni emisionin e plotë:
Futbollisti i Ballkanit, Armend Thaqi ka theksuar se mbrojtja e titullit ka qenë më e vështirë se fitorja e saj për herë të parë.
“Në futboll diçka me fitu e fiton më lehtë, por me arritë me mbrojtë është shumë më e vështirë, edhe për ne ka qenë shumë më e vështirë. Sidomos ky titulli i dytë na ka shiju më shumë, duke shtuar kështu edhe ndeshjet në garat evropiane”, tha Thaqi në Ekipi A.
Për më shumë mund të ndiqni emisionin e plotë:
Futbollisti i Ballkanit, Meriton Korenica e cilëson rrugëtimin e tyre drejt titullit shumë të vështirë për shkak të konkurrencës së madhe në kampionat.
“Çdo titull e ka kënaqësinë e vet, sidomos ky i dyti është një ndjenjë e papërshkrueshmë për faktin që ka qenë një kampionat shumë i vështirë. Kemi pasur shumë ndeshje si në Evropë po ashtu edhe në Kampionat, por ne arritëm që për herë të dytë të rresht të shpallemi kampion”, tha Korenica në Ekipi A.
Për më shumë mund të ndiqni emisionin e plotë:
Policia ka arrestuar tre të dyshuar në Mitrovicë pasi që të njëjti kanë gjuajtur me koktej molotivi në drejtim të autobusit të KB Pejës.
Sipas njoftimit në raportin 24 orësh, të njëjtit pas intervistimit, me vendim të prokurorit janë dërguar në mbajtje.
Ngjarja ka ndodhur në orët e vona pasi Trepça pësoi humbje nga Peja në finale të Play-offit, duke u shpallur kampione e Kosovës në basketboll.
Milani pritet të largojë deri në shtatë lojtarë gjatë afatit kalimtar të verës, derisa klubi po punon për të përforcuar me të tjerë ekipin e drejtuar nga Stefano Pioli.
Atmosfera ka filluar të përkeqësohet gjithnjë e më shumë te kuqezinjtë në javët e fundit, pas formës së dobët në Serie A dhe eliminimit nga Interi në gjysmëfinale të Ligës së Kampionëve.
Kësisoj, presioni po rritet mbi Piolin dhe lojtarët e tij, si dhe mbi drejtorët, Paolo Maldini dhe Frederic Massara.
Tifozët shpresojnë të shohin ndryshime për sezonin e ardhshëm dhe Milani pritet të marrë një numër përforcimesh teksa synon të mbyllë diferencën me skuadrat rivale.
Siç raportohet nga “Corriere dello Sport”, Milani mund të largojë deri në shtatë lojtarë në afatin e ardhshëm kalimtar të verës, duke filluar me sulmuesin e “dështuar”, Divock Origi, i cili shënoi vetëm dy gola në 35 paraqitje në të gjitha garat këtë sezon.
Timoue Bakayoko do të rikthehet te Chelsea pas një huazimi dyvjeçar dhe Sergino Dest do të kthehet te Barcelona gjithashtu.
Aster Vranckx pritet të kthehet gjithashtu te Wolfsburgu pasi “Rossonerët” nuk janë të gatshëm të paguajnë klauzolën e tij për transferimin e përhershëm prej 12 milionë eurosh. Megjithatë, nuk përjashtohet mundësia të lidhet një marrëveshje e re huazimi njëvjeçar për belgun.
Yacine Adli mund të largohet në formë huazimi, pasi po kërkon më shumë minuta.
Ka gjithashtu dyshime për të ardhmen e Fode Ballo-Toure dhe Junior Messias në Milano, dhe të dy mund të shohin derën e largimit gjatë verës.
Prshtina, Ferizaj dhe Drenica janë klubet që nuk janë licencuar për të qenë pjesë e garave të UEFA-së, për edicionin 2023/24.
Ka qenë komisioni i Shkallës së Parë për Licencimin e Klubeve për garat e UEFA-së, që ka marrë vendimet në lidhje me procesin licencues për edicionin 2023/24 të garave të UEFA-së.
Në total në këtë proces kanë aplikuar 10 klube nga Superliga e meshkujve dhe 2 nga Superliga e femrave.
Nga 12 klube, sa e kanë nisur procesin e licencimit, nëntë prej tyre janë licencuar, kurse tri janë refuzuar.
Befasia më e madhe është mos-licencimi i klubit më të trofeshëm kosovar, Prishtinës, e cila është ende në garë për një vend që i dërgon në garat evropiane.
Klubet e licencuara janë Ballkani, Drita, Gjilani, Dukagjini, Llapi, Malisheva si dhe Trepça ’89.
Në anën tjetër, përveç klubeve të Superligës së meshkujve, licencimin e kanë marrë edhe nga klube nga Superliga e femrave: KFF Mitrovica dhe KFF EP Hajvalia. /atvlive.tv
Peja është shpallur Kampion i Kosovës pasi ka mposhtur skuadrën e Trepçës me rezultat 91:93.
U desh të zhvillohen pesë ndeshje, kurse ndeshja e fundit shkoi edhe në vazhdime derisa u përcaktua fituesi i këtij takimi.
Koha e rregullt e takimit përfundoi me rezultat 84:84, ndërsa Peja shënoi fitore në fund fal koshit të Waldow.
Ky është titulli i parë për Pejën pas 10 viteve.