ATV

Category: SPORT

  • Zyrtare: Okafor i bashkohet Milanit

    Zyrtare: Okafor i bashkohet Milanit

    AC Milan ka njoftuar se Noah Arinzechukwu Okafor i është bashkuar klubit nga FC Red Bull Salzburg.

    Sulmuesi zviceran ka nënshkruar një marrëveshje me kuqezinjtë që zgjat deri më 30 qershor 2028.

    I lindur në Binningen (Zvicër) më 24 maj 2000, Noah u zhvillua në seksionin e të rinjve të FC Basel dhe bëri debutimin e tij profesional me klubin në 2018.

    Ai do të vazhdonte të shënonte shtatë gola në 54 ndeshje me FCB, duke fituar një titull të Kupës së Zvicrës.

    Ai më pas u transferua në Salzburg në janar 2020, ku bëri 110 paraqitje dhe shënoi 34 gola.

    Ai fitoi katër tituj të Bundesligës austriake dhe tre Kupa të Austrisë me Die Roten Bullen.

    Në futbollin ndërkombëtar, Noah ka fituar 14 ndeshje dhe ka shënuar dy gola për Zvicrën.

    Noah Okafor do të veshë fanellën me numrin 17.

  • “Njeriu nga një planet tjetër”, Messi debuton te Inter Miami me një supergol nga goditja e dënimit

    “Njeriu nga një planet tjetër”, Messi debuton te Inter Miami me një supergol nga goditja e dënimit

    Lionel Messi shënoi golin e tij të parë për Inter Miamin në minutën e katërt shtesë në Kupën e Ligës së Amerikës Veriore dhe Qendrore dhe këtë e bëri në mënyrë fantastike nga gjuajtja e lirë për të fituar 2-1 kundër Cruz Azul.

    Messi nuk e nisi ndeshjen e mbrëmshme në formacionin titullar, por mori mundësinë për të luajtur, së bashku me Sergio Busquets, duke u inkuadruar në minutën e 54-të.

    Më herët u bë e ditur se Messi ndoshta do të ketë kohë të kufizuar në fillim dhe se i duhet kohë për t’u mësuar me fushën e re.

     

    Në momentin kur ai dhe Busquets hynë në lojë, Inter Miami kishte epërsinë me golin e Taylor në minutën e 44-të, por në minutën e 65-të mysafirët barazuan pasi Antuna shënoi për 1:1. Dhe pas kësaj, u duk se ndeshja do të përfundonte pa fitues dhe më pas në skenë doli Messi.

    U luajt minuta e katërt e shtesës, madje kishin kaluar dy minuta nga përfundimi i kohës së shtuar nga gjyqtari dhe më pas Messi befasoi të gjithë me një goditje dënimi fantastike dhe i solli fitoren Inter Miamit.

     

    Ky ishte goli i tij i parë në fanellën e klubit të tij të ri dhe sigurisht vetëm një nga shumë që do të shënojë ylli argjentinas për Inter Miamin.

    Ndeshjen e radhës, po në Kupën e Ligës, Inter Miami do ta luajë më 26 korrik në kundër Atalantas.

  • Ekipi kosovar i xhudos merr pjesë në Kampin Olimpik në Holandë

    Ekipi kosovar i xhudos merr pjesë në Kampin Olimpik në Holandë

    Përmes një njoftimi në faqen zyrtare, Federata e Xhudos e Kosovës e ka bërë të ditur se ekipi kosovar po merr pjesë në Kampin Olimpik, që po mbahet në Arnhem të Holandës.

    Kampi Olimpik në Arnhem po zhvillohet në qendrën sportive olimpike, Papendal dhe njëkohësisht është kampi i fundit para IJF Mastert që do të mbahet në Hungari nga 4 deri më 6 gusht, raporton KosovaPress.

    Pjesë e ekipit kosovar të xhudos janë Nora Gjakova, Distria Krasniqi, Loriana Kuka, Laura Fazliu, Akil Gjakova dhe Dardan Cena, të cilët po stërviten nën udhëheqjen e trajnerit, Driton Kuka dhe asistent trajneres, Majlinda Kelmendi.

    Ky kamp ka mbledhur 400 xhudistë nga 34 shtete të botës, duke veçuar edhe pjesëmarrjen e Japonisë, Brazilit e Uzbekistanit.

  • Mbappes i ofrohet kontratë 10-vjeçare në vlerë 1 miliard euro

    Mbappes i ofrohet kontratë 10-vjeçare në vlerë 1 miliard euro

    Paris Saint-Germaini po i mendon krejt mënyrat e mundshme për ta bindur Kylian Mbappen të qëndrojë në Francë.

    Sipas mediumit “Defensa Central”, yllit francez i është ofruar një kontratë stratosferike vetëm për ta bindur që të mos largohet nga “Parku i Princave”.

    Më saktësisht, nënkampionit të botës thuhet se i është ofruar një kontratë 10-vjeçare me një vlerë të pabesueshme prej 1 miliardi euro.

    Mbappe ëndërron të transferohet në Real Madrid, por kjo ofertë mund t’ia ndërrojë mendjen ish-futbollistit të Monacos.

    Ai ka kontratë edhe një vit me PSG-në dhe nuk po pranon ta vazhdojë atë për një vit tjetër, ashtu siç ishte paralajmëruar.

    Tash, mbetet të shihet nëse 24 vjeçari do të joshet nga paratë apo do ta ndjekë ëndrrën.

    Ndërkohë, thuhet se interesim për njërin prej futbollistëve më të mirë në botë kanë shfaqur edhe klubet e Premierligës, Liverpool e Arsenal.

  • E filloi atletikën për të hequr peshë, por tani Muhamet Ramadani e fitoi medaljen e bronztë në Kampionatin Evropian U-23

    E filloi atletikën për të hequr peshë, por tani Muhamet Ramadani e fitoi medaljen e bronztë në Kampionatin Evropian U-23

    Atletika njihet si mbretëresha e të gjitha sporteve. Edhe pse nuk është shumë e zhvilluar në Kosovë, edhe në këtë sport, si në çdo sport tjetër, Kosova ka talentë të shumtë.

    Njëri nga ta është Muhamet Ramadani, i cili së fundmi ka fituar medaljen e bronztë në Kampionatin Evropian U-23, krahas shumë medaljeve të tjera që i ka fituar në vazhdimësi.

    Në një intervistë ekskluzive për emisionin që po transmetohet çdo natë në ATV, “n’malAn’det”, ai tregoi më shumë rreth kësaj arritje, derisa nuk la pa përmendur edhe fillimet e tij në këtë sport.

    “…Kam filluar karrierën prej moshës 13 vjeçare, afër 14, arsyeja që kam filluar të merrem me sport ka qenë mbipesha, preferenca e babit ishte që të filloj me atletikë (në fillim veç për ta larguar peshën)… Para disa dite e kemi nxënë vendin e tretë në Evropë…”, potencoi Ramadani.

    Gjithashtu, ai përmendi se nuk është ky i vetmi sukses, meqenëse kishte fituar edhe medalje të tjera përfshirë medaljen e artë, vendin e parë në Portugali, e gjithashtu Ramadani është 5 herë kampion i Ballkanit me U-18 dhe U-23.

    Për t’i dëgjuar intervistat ekskluzive të mërgimtarëve anë e kënd botës, ju ftojmë që përmes linkut të mëposhtëm, ta shikoni emisionin veror të ATV-së “n’malAn’det”:

  • Europa-Dukagjini, formacionet zyrtare

    Europa-Dukagjini, formacionet zyrtare

    Sot me fillim nga ora 17:00 stadiumi “Victoria” do të jetë nikoqir i ndeshjes mes Europës dhe skuadrës sonë, Dukagjinit.

    Përballja e sotme është ndeshja e kthimit mes dy skuadrave, ku në ndeshjen e javës së kaluar që u zhvillua në “Fadil Vokrri”, Dukagjini mposhti Europan 2:1, raporton KosovaPress.

    Dukagjini debutoi në garat evropiane javën e kaluar me fitore, ndërsa sot do të synojë që ta sigurojë biletën drejt raundit të dytë të kualifikimeve të Ligës së Konferencës.

    Sa i përket ndeshjes së sotme, të dy trajnerët kanë vendosur për formacionet zyrtare, dhe ato i gjeni më poshtë.

  • ​Kosova bie në renditjen e re të FIFA-së, Shqipëria ruan pozitë e njëjtë

    ​Kosova bie në renditjen e re të FIFA-së, Shqipëria ruan pozitë e njëjtë

    FIFA, ka publikuar renditjen e re të përditësuar të ekipeve kombëtare.

    Edhe pse nuk ka zhvilluar asnjë ndeshje nga përditësimi i parafundit, Kosova ka pësuar rënie në renditjen e FIFA-s.

    “Dardanët” ishin në pozitën e 108-të me 1179.69 pikë, ndërsa tani zënë vendin e 109-të me po kaq pikë.

    Në anën tjetër, kombëtarja e Shqipërisë gjithashtu nuk ka zhvilluar asnjë ndeshje gjatë kësaj kohe, por nuk ka pësuar asnjë ndryshim në renditje.

    Kuqezinjtë vazhdojnë të renditen në pozitën e 65-të me 1357.39 pikë.

    Top 10-shja ka vazhduar të mbetet i pandryshuar, me Argjentinën, Francën dhe Brazilin në tri pozitat e para. Pas tyre vijnë Anglia e katërta , Belgjika e pesta, Kroacia e gjashta, Holanda e gjashta, Italia e teta, Portugalia e nënta dhe Spanja e 10-ta.

  • 14 vjeç u largua nga Kosova, sfidat dhe sukseset e kampionit të shumëfishtë të kikboksit

    14 vjeç u largua nga Kosova, sfidat dhe sukseset e kampionit të shumëfishtë të kikboksit

    Është 14 herë kampion i botës në kikboks. Azem Maksutaj, këtë sukses e kishte ëndërruar qysh si fëmijë.

    Rrugëtimi i tij ishte plotë sfida të cilat nisën qysh në moshën 14-vjeçare kur ai vendosi të largohej nga Kosova drejt Zvicrës.

    Në një bisedë për ATV-në, Maksutaj tregoi rrugën e tij të vështirë drejt përmbushjes së ëndrrës së tij për t’u bërë kampion bote.

    “Kam qenë si 14-vjeçar. Ka qenë si ëndërr për mua. Kam ëndërruar qysh si fëmijë me u ba kampion bote. I kam parë këta filmat e Rokit dhe kam thënë, një herë të jesh kampion bote dhe të bëhesh shumë i pasur edhe ta mbrosh shtetin tënd, të rrahesh kundër një rusi apo një serbi, këto kanë qenë mendimet e mia si fëmijë. Në Kosovë kam lind në vitin 1975. Si fëmijë, babai ka dalë në Zvicër, pastaj kur kam qenë në moshën 8-vjeçare, ka dalë edhe nëna. Jam rritë disa vite pa nënë, pa baba, ka qenë shumë vështirë, por prapë se prapë ka qenë një kohë e mirë sepse kemi qenë shumë fëmijë, jam rritur me gjyshen, por po të mungojke nëna dhe baba”, rrëfen kikbokseri Maksutaj.

    Largimi nga vendlindja për kampionin e shumëfishtë, nuk ishte i lehtë.

    “Të mësohesh, të rritesh në Kosovë dëri ën fitin 1991, ka qenë shumë vështirë sepse s’ke pasë shumë shokë atje, nuk e ke ditë gjuhën, ka qenë ushqimi shumë i ndryshëm, nuk kishte për shembull, pite, fli e gjëra të tilla, por ka qenë krejt i ndryshëm dhe unë s’e kam dashtë, kam dashtë me u kthy në Kosovë. U ktheva, por prapë se prapë u dasht me u shpërngul se i pash gjasat e mija gjatë treningut dhe thash se këtu kam me u ba kampion bote, pikërisht në Zvicër”, tregoi Maksutaj. /atvlive.tv

    Bisedën e tij të plotë për ATV-në e gjeni në videon më poshtë:

    Emisionin e plotë e gjeni në videon më poshtë:

  • Drejtori ekzekutiv i FIBA Evropës viziton sot Kosovën

    Drejtori ekzekutiv i FIBA Evropës viziton sot Kosovën

    Federata e Basketbollit të Kosovës (FBK) përmes një komunikate ka bërë të ditur se drejtori ekzekutiv i FIBA Evropës, Kamil Novak do të qëndrojë sot për një vizitë një ditore në Kosovë.

    Qëllimi i vizitës së Novak do të jetë për ta përkrahur FBK-në për punën e palodhshme që po e bën bordi në krye me kryetarin, Arben Fetahu në zhvillimin e basketbollit në Kosovë, raporton KosovaPress.

    Novak fillimisht do të vizitojë zyrat e FBK-së, ndërsa më pas do të ketë një drekë pune me Komitetin Ekzekutiv të FBK-së.

    Po ashtu, Novak do të jetë prezent në ndeshjen mes Kosovës dhe Maltës që do të zhvillohet në kuadër të Kampionatit Evropian, Divizioni C për meshkuj U16.

    Menjëherë pas kësaj përballje Novak udhëton drejt Prizrenit, ku edhe do të ndjek nga afër përballjen mes Kosovës dhe Zvicrës, në kuadër të raundit të tretë parakualifikues për Eurobasket 2025.

    Në tetor të vitit të kaluar vendin tonë e kishte vizituar Andreas Zagklis, Sekretari Gjeneral i FIBA Botës.

  • ​Mbappe i kërkon takim sy më sy presidentit të PSG-së

    ​Mbappe i kërkon takim sy më sy presidentit të PSG-së

    Kylian Mbappe thuhet se do të zhvillojë bisedime ballë për ballë me presidentin e Paris Saint-Germain Nasser Al-Khelaifi sot për të diskutuar të ardhmen e tij në klub.

    24-vjeçari dukej se ishte në prag të kalimit në Real Madrid verën e kaluar përpara se të bënte një kthesë të madhe dhe të nënshkruante një kontratë të re dyvjeçare me PSG-në.

    Megjithatë, klubi francez mbeti i shokuar kur Mbappe vendosi që të mos e shfrytëzojë mundësinë për vazhdimin e kontraës, gjë e cila irritoi presidentin Khelaifi i cili dha urdhër që lojtari të largohet nëse nuk e vazhdon kontratën.

    Sidoqoftë, “Sky Sports Neës” raporton se Mbappe do të takohet me Al-Khelaifi sot për të diskutuar rreth kësaj situate, përcjellë KosovaPress.

    Raporti shton se Mbappes do t’i thuhet përsëri se ai ka kohë deri më 31 korrik për të përcaktuar të ardhmen e tij në PSG deri në vitin 2025 ose përndryshe klubi do të shikojë ta shesë atë te ofertuesi më i lartë këtë verë.

    Mendohet se Mbappe synon të shohë pjesën tjetër të kontratës së tij dhe thuhet se është i përgatitur të ulet në stol për të gjithë sezonin 2023-2024 në mënyrë që të qëndrojë.