Ish-banorja e BBVK-së, Fjolla Morina ka gëzuar fansat e saj me lajmin e ri.
Këngëtarja ka bërë të ditur se së shpejti do të sjellë projekte të reja muzikore.
“Jam duke punuar për super hite të reja këtë verë me djeg”, ka shkruar artistja në Instagram duke mos zbuluar më shumë.
Fifi ka njoftuar zyrtarisht se do të realizojë koncertin e saj të parë recital, një ngjarje që pritet të bëhet një nga më të rëndësishmet kulturore të pranverës në Tiranë.
Më 25 prill, Pallati i Kongreseve do të hapë dyert për një mbrëmje të mbushur me muzikë, emocione dhe surpriza të veçanta nga artistja.
Përmes një video-mesazhi emocionues në rrjetet sociale, Fifi ka zbuluar se ky projekt është rezultat i muajve të tërë pune intensive. Bashkë me ekipin e saj, ajo ka punuar për çdo detaj: nga repertori dhe skenografia, deri te energjia dhe atmosfera e natës, për t’i ofruar publikut një eksperiencë të paharrueshme.
“Po vij me historinë time, me muzikën, ndjenjën, zemrën… Kjo është dhurata ime për ju që e doni muzikën time,” ka thënë Fifi, duke e konsideruar koncertin një dedikim për të gjithë ata që e kanë mbështetur gjatë viteve.
Fansat do të kenë mundësinë të ndjejnë afërsinë dhe emocionin e skenës, duke përjetuar çdo notë dhe varg të këngës së saj.
Biletat për këtë ngjarje të veçantë do të dalin së shpejti, dhe pritet që të shiten shpejt për shkak të interesit të madh nga publiku.
Këngëtarja e njohur, Rihanna, është parë duke u larguar nga Los Angeles vetëm një ditë pas të shtënave që ndodhën në rezidencën e saj në Beverly Hills.
Artistja 38-vjeçare u fotografua duke u drejtuar me një karvan SUV-sh drejt aeroportit privat Van Nuys, nga ku më pas u nis me një avion të vogël privat.
Largimi i saj vjen pasi policia në Los Angeles akuzoi për tentativë vrasjeje një grua nga Florida, Ivanna Ortiz, 35 vjeçe, e cila dyshohet se hapi zjarr drejt shtëpisë së këngëtares të dielën, shkruan DailyMail.
Sipas autoriteteve, ajo qëlloi disa herë nga një Tesla e bardhë ndërsa Rihanna ndodhej në rezidencën që ndan me partnerin e saj, ASAP Rocky. Fatmirësisht, nga incidenti nuk pati të lënduar.
Në një audio të telefonatës emergjente 911, dispeçerët raportojnë se rreth 10 të shtëna u drejtuan ndaj shtëpisë.
Automjeti i të dyshuarës u përshkrua si një Tesla e bardhë me targa të përkohshme dhe policia përdori edhe pamjet e kamerave të sigurisë për të identifikuar makinën.
Sipas policisë, e dyshuara u arrestua më vonë në një parking në Sherman Oaks pasi një helikopter policie e lokalizoi automjetin.
Ajo po mbahet në paraburgim me një garanci prej 10.2 milionë dollarësh (rreth 9.4 milionë eurosh), ndërsa hetimet për motivin e sulmit vazhdojnë nga Divizioni i Grabitjeve dhe Vrasjeve i LAPD-së.
Burime pranë çiftit thanë për New York Post se Rihanna dhe ASAP Rocky nuk kanë shumë informacion mbi arsyet e incidentit, ndërsa Rocky nuk ndodhej në shtëpi në momentin e të shtënave. Ende nuk dihet nëse tre fëmijët e tyre ndodheshin në rezidencë në atë kohë.
Rihanna e bleu vilën luksoze në Beverly Hills në vitin 2021. Prona me pesë dhoma gjumi dhe shtatë banjo ndodhet në një rrugë të qetë dhe ka fqinjë të njohur si Paul McCartney, Madonna dhe Mariah Carey.
Ende nuk është e qartë nëse largimi i artistes nga qyteti lidhet drejtpërdrejt me incidentin apo ishte një udhëtim i planifikuar më herët.
Aktorja Teuta Krasniqi, ka vendosur t’i kthejë ndjekësit e saj pas në kohë me një publikim nostalgjik.
Së fundmi, ajo i është bashkuar një trendi mjaft të njohur në rrjetet sociale duke hapur arkivat personale dhe duke ndarë imazhe të rralla nga vitet ’90.
Përmes një videoje të publikuar në Instagram, e cila nis me pyetjen “Mami si ishe në vitet ’90?”, aktorja ka treguar disa fotografi nga koha kur ishte më e re.
Postimin ajo e ka shoqëruar me mbishkrimin “90’s vibes”.
Një grua nga Florida është arrestuar dhe akuzohet për tentativë vrasjeje pasi qëlloi me armë në shtëpinë e këngëtares Rihanna, e cila jeton me partnerin e saj ASAP Rocky.
Policia e Los Angelesit e identifikoi të dyshuarën si 35-vjeçaren Ivanna Ortiz, e cila u lirua me kusht me një garanci prej 10.2 milionë dollarësh.
Sipas deklaratës së policisë, Ortiz qëlloi disa herë nga makina e saj në adresën e Rihannas, por askush nuk u lëndua.
Një raportim i policisë, i siguruar nga Los Angeles Times, tha se të paktën dhjetë të shtëna u qëlluan nga një Tesla e bardhë përpara se shoferi të largohej nga vendi i ngjarjes.
Sulmuesja u përshkrua si një grua me gërsheta, e veshur me një bluzë krem dhe automjeti i saj ishte i ndotur nga poshtë.
Një helikopter policie e gjeti shpejt automjetin në një parking në lagjen Sherman Oaks, ku u arrestua Ortiz.
Një burim pranë çiftit i tha New York Post se Rihanna dhe ASAP Rocky “nuk dinë shumë” për incidentin dhe nuk kanë informacione shtesë.
Gjithashtu është konfirmuar se ASAP Rocky nuk ishte në shtëpi në kohën e të shtënave.
Çifti ka tre fëmijë së bashku: RZA, Riot dhe Rocky.
Policia konfirmoi se rasti po hetohet nga Departamenti i Grabitjeve dhe Vrasjeve, ndërsa motivi i sulmit është aktualisht i panjohur.
Disa pamje të publikuara së fundmi në rrjetet sociale tregojnë Ledri Vula dhe Xhensila Myrtezaj së bashku, duke konfirmuar kështu zërat për një romancë mes tyre.
Çifti është kapur në një klub në Paris, ku shfaqen duke kërcyer dhe shkëmbyer puthje me njëri-tjetrin.
Prej disa kohësh, ka pasur thashetheme për një marrëdhënie mes tyre, veçanërisht pas ndarjeve të tyre nga ish-partnerët, Xhensila pas divorcit nga aktori Bes Kallaku dhe Ledri pas ndarjes nga Sara Hoxha.
Edhe pse asnjë nga dyshja nuk ka konfirmuar lidhjen e tyre, pamjet e bëra virale tregojnë qartë se ekziston një raport dashuror mes tyre.
Fituesi i edicionit të katërt të Big Brother VIP Kosova, Londrimi, ka zbuluar një mesazh të veçantë që ka marrë nga aktorja e njohur turke Demet Ozdemir menjëherë pas daljes nga shtëpia më e famshme në vend.
Gjatë paraqitjes së tij në emisionin “Shoqet”, ai tregoi në telefon mesazhin që i kishte ardhur nga ylli i serialeve turke.
“Urime për suksesin tënd. Shpresoj të takohemi një ditë”, thuhet ndër të tjera në mesazhin e saj
Pasi një e dyshuar femër qëlloi disa herë në rezidencën e Rihannës në Beverly Hills, fqinjët e këngëtares kanë folur hapur.
Banorët e shtëpive aty pranë thanë se zhurma e të shtënave u dëgjua në të gjithë lagjen
“Ishte e frikshme. As nuk mund ta imagjinoj të jem në një shtëpi dhe të dëgjoj plumba që shpërthejnë e gjëra të tilla”, tha Keith England, i cili jeton aty pranë, për Fox 11 LA. Ai tha se të shtënat u qëlluan me shpejtësi njëra pas tjetrës: “Bam, bam, bam, bam, bam”.
Një fqinjë tjetër, Isabel Thorne, tha se zhurma jehonte në të gjithë zonën. “Ishte me të vërtetë e fortë dhe në këtë luginë gjithçka jehon. Dëgjon gjithçka”, tha Thorne. “Një e shtënë me armë zjarri nuk është diçka që e pret”.
Këngëtarja dhe aktorja e njohur Selena Gomez ka ndarë një urim të veçantë për bashkëshortin e saj, producentin muzikor Benny Blanco, me rastin e ditëlindjes së tij.
Përmes një postimi në rrjetin social Instagram, artistja publikoi të dielën, më 8 mars, një seri fotografish të ndryshme së bashku me partnerin e saj. Në galerinë e ndarë me ndjekësit përfshiheshin momente nga ceremonia e tyre e dasmës, por edhe çaste të thjeshta nga përditshmëria që kalojnë së bashku.
Në mbishkrimin që shoqëronte postimin, këngëtarja nuk kurseu fjalët e dashurisë për të.
“Gëzuar ditëlindjen dashuria ime. Të dua me gjithë zemër”, shkroi ajo.
Historia e dashurisë mes Selena Gomez dhe Benny Blanco ka tërhequr shpesh vëmendjen e mediave dhe fansave. Dyshja nisën lidhjen e tyre në qershor të vitit 2023, ndërsa marrëdhënia e tyre u bë edhe më serioze kur u fejuan në dhjetor të vitit 2024.
Pas fejesës, çifti kurorëzoi dashurinë në shtator të vitit 2025 me një ceremoni martese të mbajtur në Santa Barbara. Që prej asaj kohe, ata kanë ndarë herë pas here me publikun momente nga jeta e tyre si çift, duke treguar se lidhja e tyre vazhdon të jetë e fortë dhe plot dashuri.
Familjarët e këngëtares së njohur Britney Spears janë gjithnjë e më të shqetësuar për gjendjen e saj dhe frikësohen se situata mund të jetë “jetë a vdekje”, sipas raportimeve të mediave të huaja.
Sipas burimeve pranë familjes, shqetësimi është shtuar pas incidentit të fundit në Kaliforni, ku 44-vjeçarja u arrestua nën dyshimin për drejtim mjeti në gjendje të dehur. Sjellja e saj kohët e fundit thuhet se ka alarmuar njerëzit më të afërt.
Mediat thonë se edhe djemtë e saj, Sean Preston Federline, 20 vjeç, dhe Jayden James Federline, 19 vjeç, janë të shqetësuar, por familjarët hezitojnë të ndërhyjnë për shkak të reagimeve të forta që morën gjatë lëvizjes “Free Britney Movement” disa vite më parë.
Një burim i afërt me familjen ka deklaruar për mediat se ata e duan dhe e mbështesin këngëtaren, por ndërhyrja e tyre tani mund të krijonte edhe më shumë probleme, pasi familja është kritikuar vazhdimisht për rolin që pati gjatë periudhës së kujdestarisë ligjore.
Kjo kujdestari, e cila zgjati rreth 13 vjet dhe i dha kontrollin e vendimeve personale, profesionale dhe financiare babait të saj Jamie Spears dhe një avokati, përfundoi në nëntor të vitit 2021 pas vendimit të gjykatës dhe presionit publik të mbështetësve të këngëtares.