Category: SHOWBIZ

Prokuroria Themelore në Prishtinë të enjten ka dorëzuar në Gjykatën Themelore në Prishtinë kërkesë për caktimin e paraburgimit për këngëtarin Besart Kelmendi i njohur si Gjesti.

Këngëtari u ndalua një ditë më parë nën dyshimin për “Armëmbajtje pa leje”, “Kanosje” dhe “Asgjësim apo dëmtim i pasurisë”.

Për çka po dyshohet këngëtari?

Burime të “Betimi për Drejtësi” bëjnë të ditur se e gjithë ngjarja ka ndodhur pranë zyrave të studios “Onima”, e që shkak dyshohet të jetë mosmarrëveshja rreth një borxhi paraprak, ku këngëtari me armë në dorë ka shkuar në zyrat e studios dhe kërkoi të dëmtuarin E.Sh., duke iu drejtuar stafit me fjalët “ku o se kam me vra”.

Më tej, bëhet e ditur se meqenëse këngëtari nuk e gjeti në zyrat e studios të dëmtuarin, në shenjë revolte lidhur me mosmarrëveshjen për pagesat e borxhit, ia dëmton kompjuterët, tavolinat e xhamat e studios, duke shkaktuar dëm material tek i dëmtuari.

Ndërkaq, sipas burimeve, kur policia kishin shkuar në zyrat e “Onimas”, këngëtarin e gjetën me armë në dorë, e cila iu sekuestrua. /BetimipërDrejtësi/

Producenti i njohur muzikor, Benny Blanco, ka reaguar me humor ndaj komenteve në internet për higjienën e tij personale, pasi një video nga ‘podcast’-i i tij u bë viral dhe tregonte këmbët e mbuluara me papastërti.

Pamjet ndezën diskutime në rrjetet sociale, ku disa përdorues vunë në dyshim nëse ai kujdesej mjaftueshëm për higjienën.

Gjatë një episodi të ‘podcast’-it të tij “Friends Keep Secrets”, miku i tij i vjetër Ed Sheeran doli në mbrojtje duke bërë shaka se, ndonëse ai vetë duket sikur “nuk mban erë të mirë”, Blanco është në fakt një nga njerëzit që mban erë më të mirë që ai njeh.

Blanco u përgjigj me humor duke thënë se “merr erë mirë edhe kur nuk bën dush”, duke e kthyer situatën në një moment komik.

Në një moment tjetër që tërhoqi vëmendje, bashkëshortja e tij, këngëtarja dhe aktorja Selena Gomez, madje i puthi këmbën gjatë një episodi të ‘podcast’-it.

Blanco e ngacmoi duke e pyetur nëse i pëlqente, ndërsa Gomez reagoi me humor dhe e goditi lehtë, duke i thënë të mos e dramatizonte situatën.

I njëjti shtoi gjithashtu se përpiqet të mos duket shumë i dashuruar publikisht me Gomez, duke e ruajtur edhe privatësinë në marrëdhënie.

selena gomez kissing benny blanco’s dirty feet… whoever said maybe she was as nasty as him was right i’m in tears pic.twitter.com/AZ7ncmBJmZ

— (@beyoncegarden) March 3, 2026

Stilistja e modës Katie Perry fitoi në betejën ligjore disavjeçare kundër yllit të muzikës pop Katy Perry.

Pas më shumë se 15 vitesh, çështja më në fund është vendosur: Katie Perry, pronare e një marke të vogël mode, mund të vazhdojë të përdorë emrin e markës së saj, pasi “nuk ka rrezik mashtrimi apo konfuzioni”. Ky ishte vendimi i Gjykatës së Lartë të Australisë të mërkurën.

Në vitin 2009, sipërmarrësja sapo kishte hapur sallonin e saj të parë të ekspozitës. Dy vjet më parë, ajo kishte themeluar linjën e saj të modës Katie Perry, e cila ofron veshje bazë shumëngjyrëshe dhe të rehatshme. Por gëzimi i hapjes ishte jetëshkurtër.

“Mëngjesin tjetër shkova në sallonin e ekspozitës dhe kudo kishte ende gota shampanje bosh. Pastaj hapa postën time”, tha Perry për CNN. “E vetmja gjë që mbaj mend është se lexova këtë letër: ‘Letër ndërprerjeje dhe heqjeje dorë. Ndalo së shituri rrobat, mbyll faqen tënde të internetit dhe ndalo të gjitha reklamat’”.

Stilistja shpërtheu në lot. “Thjesht mendova: Për çfarë bëhet fjalë? Nuk kam bërë asgjë të gabuar.” Pas letrës së parë të ndërprerjes në vitin 2009, të dyja palët u përpoqën të arrinin një zgjidhje jashtë gjykatës – pa sukses. Në gjykatë, stilistja përfundimisht fitoi të drejtat e markës tregtare për veshjet, ndërsa këngëtarja e kufizoi pretendimin e saj në muzikë dhe argëtim.

Por mosmarrëveshja nuk mbaroi me kaq. Me suksesin në rritje, Katy Perry filloi të shiste mallra – përfshirë veshje – nën emrin e saj. Në vitin 2019, stilistja ngriti padi për shkelje të markës tregtare.

Ajo e fitoi çështjen në shkallën e parë, por humbi në apel. Gjykata argumentoi se fama e këngëtares në Australi ishte më e lartë në kohën kur u regjistrua marka tregtare. Për më tepër, ishte e zakonshme që yjet e popit të shisnin mallra. Gjyqtarët urdhëruan anulimin e markës tregtare të stilistes Katie Perry. Më pas ajo apeloi në Gjykatën e Lartë – me sukses: Gjykata më e lartë tani e ka rrëzuar vendimin.

Katie Perry duket e lehtësuar dhe krenare. Ajo e ndoqi çështjen për të demonstruar se të drejtat e markave tregtare duhet të mbrojnë jo vetëm korporatat e mëdha, por edhe bizneset e vogla. “Shumë njerëz më kanë thënë: ‘Pse nuk dorëzohesh? Nuk ia vlen.’ Por unë besoj fuqimisht në mbrojtjen e vlerave të dikujt. E vërteta dhe drejtësia janë thellësisht të rrënjosura tek unë.”

Tani ajo mund “më në fund të shohë përsëri përpara” dhe të përqendrohet në të ardhmen. “Jam jashtëzakonisht e lehtësuar – dhe shumë e lumtur.”

Georgina Rodriguez, thuhet se është larguar nga Riad së bashku me fëmijët dhe ka udhëtuar drejt Madrid, pas përshkallëzimit të tensioneve dhe konfliktit në Lindjen e Mesme.

Sipas burimeve, ajo është larguar nga kryeqyteti i Arabisë Saudite me avionin e saj privat pas zhvillimeve të fundit në rajon, përfshirë një sulm me dron të lidhur me Iran, që sipas raportimeve kishte në shënjestër ambasadën amerikane në Riad më herët këtë muaj.

Ende nuk dihet nëse Georgina dhe fëmijët janë kthyer përfundimisht në Madrid.

Në rrjetet sociale ajo ka ndarë disa momente nga vizita me fëmijët në Valle de Cuelgamuros, vend i njohur më parë si “Lugina e të Rënëve”, ku mori pjesë edhe në një meshë. Në një postim në Instagram, ajo shkroi se ishte një nga meshat më të bukura ku kishte marrë pjesë ndonjëherë.

Ndërkohë, edhe Ronaldo ndodhet aktualisht në Madrid, ku po rikuperohet nga një dëmtim.

Trajneri i klubit Al-Nassr FC, Jorge Jesus, ka bërë të ditur se lëndimi i futbollistit është më serioz nga sa ishte menduar fillimisht.

“Cristiano ka udhëtuar në Spanjë, ashtu siç kanë bërë edhe disa lojtarë të tjerë më parë. Dëmtimi kërkon trajtim në Madrid nga një specialist që punon me të. Shpresojmë që ai të rikthehet sa më shpejt dhe ta ndihmojë ekipin”, u shpreh trajneri.

Ndalimi i reperit nga Peja, Besart Kelmendi, i njohur për publikun si Gjesti, në mes të Prishtinë nën dyshimin për armëmbajtje pa leje ka ngritur një pyetje të madhe te publiku: çfarë rrezikon realisht artisti pas këtij incidenti?

Nëse i referohemi Kodi Penal i Republikës së Kosovës, vepra për të cilën ai po mbahet në ndalim policor prej 48 orësh parashikon sanksione të qarta ligjore. Për mbajtjen në pronësi, kontroll ose posedim të paautorizuar të armëve, ligji parasheh dy skenarë kryesorë.

Skenari i parë është një gjobë që mund të arrijë deri në 7,500 euro, ndërsa skenari i dytë është dënimi me burgim që mund të shkojë deri në pesë vjet. Megjithatë, ndonëse këto masa duken të rënda në letër, praktika gjyqësore në Kosovë shpesh tregon një qasje më të butë.

Në shumë raste të armëmbajtjes së thjeshtë – kur arma nuk është përdorur për kryerjen e ndonjë vepre tjetër penale dhe nuk ka rrethana rënduese – gjykatat zakonisht vendosin dënime me gjobë ose dënime me kusht.

Ndërkohë, masa e ndalimit prej 48 orësh që po kalon aktualisht këngëtari konsiderohet një procedurë standarde hetimore. Kjo periudhë i jep kohë Prokuroria e Shtetit që, në bashkëpunim me Policia e Kosovës, të vlerësojë provat dhe rrethanat e rastit për të vendosur nëse çështja do të shkojë në procedurë të rregullt gjyqësore apo nëse do të ndërmerren masa të tjera.

Tashmë mbetet të shihet nëse Gjesti do t’ia hedhë vetëm me një gjobë të majme dhe një paralajmërim ligjor, apo nëse rasti do të kërkojë një proces më të gjatë në sistemin e drejtësisë. Sytë e publikut mbeten të drejtuar te vendimi që pritet pas skadimit të afatit të ndalimit.

Është publikuar videoklipi zyrtar i këngës “Nan”, me të cilën këngëtari shqiptar Alis do të përfaqësojë Shqipëria në edicionin e 70-të të Eurovision Song Contest.

Videoklipi është publikuar në kanalin zyrtar të Eurovision në YouTube dhe shoqërohet me titra në gjuhën angleze, me qëllim që mesazhi i këngës të kuptohet më lehtë nga publiku ndërkombëtar.

Kënga “Nan” interpretohet në gjuhën shqipe dhe vjen si një kombinim i fuqisë vokale me emocionin e pastër artistik të Alis. Artisti shqiptar pritet të performojë këtë këngë në natën e dytë gjysmëfinale të festivalit, më 14 maj 2026, në Vjenë të Austri.

Ky projekt muzikor u shpall fitues i Festivali i Këngës në RTSH, në edicionin e tij të 64-të në vitin 2025, duke u veçuar për interpretimin unik dhe mesazhin universal që përcjell për dashurinë.

Publikimi i videoklipit synon të prezantojë Shqipërinë me një performancë të fortë dhe emocionale në skenën më të madhe të muzikës evropiane, ndërsa fansat e Eurovision tashmë kanë mundësinë të njihen më nga afër me këngën që do të përfaqësojë vendin në këtë kompeticion të madh.

Prokuroria Themelore në Prishtinë ka dhënë detaje në lidhje me arrestimin e këngëtarit Besart Kelmendi, i njohur si Gjesti.

Në njoftimin e Prokurorisë thuhet se se me urdhër të Prokurorit Kujdestar, i njëjti është ndaluar për 48 orë, për shkak të dyshimit të bazuar se i njëjti ka kryer veprat penale: “Mbajtja në pronësi, kontroll ose posedim të paautorizuar të armëve”, “Kanosja” si dhe “Asgjësim apo dëmtimi i pasurisë”.

Prokurori i Shtetit, në koordinim dhe bashkëpunim me Policinë e Kosovës, siç thuhet në njoftim, është duke ndërmarrë të gjitha veprimet e nevojshme hetimore dhe procedural në lidhje me këtë rast.

“Për shkak të fazës së hershme tëprocedurës hetimore dhe me qëllim të ruajtjes së integritetit të hetimeve, në këtë fazë nuk mund të ofrohen detaje shtesë lidhur me rastin”, njoftoi Prokuroria.

Reperi i njohur nga Peja, Besart Kelmendi, i njohur për publikun me emrin artistik Gjesti, është arrestuar të mërkurën në Prishtinë.

Fituesi i edicionit të katërt të Big Brother VIP Albania është shoqëruar në polici nën dyshimet për posedim të armës pa leje.

Lajmi është konfirmuar për Telegrafi nga Policia e Kosovës, përkatësisht Zyra për Informim e këtij institucioni.

“ Sot, rreth orës 15:00, në rrugën Mehmet Isahi në Prishtinë, Policia ka arrestuar një person të dyshuar për armëmbajtje pa leje. I dyshuari është intervistuar dhe në koordinim me Prokurorin e Shtetit, është dërguar në mbajtje për 48 orë”, thuhet në njoftimin e Zyrës për Informim në Policinë e Kosovës.

Ndërkohë, rasti është duke u trajtuar nga organet kompetente, teksa pritet që në vazhdim të ketë më shumë detaje lidhur me këtë ngjarje.

Këngëtarja shqiptare me famë ndërkombëtare, Bebe Rexha, po shijon sërish sukses të madh në skenën globale të muzikës.

Projekti i saj më i ri muzikor, “New Religion”, është ngjitur në vendin e parë të toplistës botërore të iTunes, duke shënuar një tjetër moment të rëndësishëm në karrierën e artistes.

Kënga e zhanrit euro-dance vjen në bashkëpunim me grupin legjendar britanik të muzikës elektronike Faithless dhe ka arritur të fitojë menjëherë pëlqimin e publikut.

Përveç suksesit në rang global, “New Religion” është renditur në vendin e parë edhe në toplistën e iTunes në Mbretëria e Bashkuar, duke dëshmuar edhe një herë ndikimin e Rexhës në tregun ndërkombëtar të muzikës.

Këngëtari kroat Tony Cetinski ka deklaruar se nuk do të rikthehet më për të performuar në Serbi, pasi anuloi koncertin e tij që ishte planifikuar të mbahej më 8 Mars në sallën SPENS në Novi Sad.

Cetinski tha se vendimin për anulimin e koncertit e mori pasi u përball me një dilemë morale, kur mësoi se për shumë njerëz kjo sallë lidhet me kujtime të rënda nga luftërat e viteve ’90. Sipas tij, plagët që lufta i ka shkaktuar popullit kroat janë ende të ndjeshme dhe ai nuk dëshironte të injoronte vuajtjen e njerëzve.

“Pas gjithë asaj që ndodhi, vështirë se do të dëshiroj ndonjëherë të shkoj sërish atje. Kam marrë edhe kërcënime me vdekje ndaj meje dhe familjes sime, të cilat do t’i mbledh dhe do t’i raportoj te autoritetet,” ka shkruar këngëtari në një reagim të publikuar në rrjetet sociale.

Ai theksoi se nëse do ta kishte ditur më herët gjithë kontekstin dhe reagimet që do të pasonin, nuk do të kishte pranuar kurrë të organizonte koncert në Serbi.

Vendimi i tij ka nxitur reagime të shumta në rrjete sociale, ndërsa shkrimtari kroat Marin Medak e mbështeti publikisht, duke thënë se këngëtari zgjodhi “dinjitetin para fitimit”. /Vijesti