Category: SHOWBIZ

Gruaja e akuzuar për të shtënat me armë në shtëpinë e Rihannës, Ivana Lisette Ortiz, kishte postuar disa mesazhe shqetësuese dhe frikësuese drejtuar këngëtares vetëm disa javë para incidentit.

Sipas mediave ndërkombëtare, në muajt para ngjarjes, Ortiz e kritikoi ashpër Rihannën në video të publikuara në kanalin e saj në YouTube, të titulluara “Ditari i një gruaje që lutet”.

“Rihanna, kur të vdesësh, Zoti do të më udhëzojë drejt të ardhmes sime”, u shpreh Ortiz në një video dy muaj më parë, duke shtuar më pas: “Do të më vrasësh? Hesht. Në rregull, hesht. Po, ajo është shtrigë. Ajo është shtrigë. Unë jam roja. Ajo është shtrigë. Largojeni atë vajzë budallaqe që këtej, në rregull”.

Në një tjetër video, ajo tha: “Rihanna është shumë xheloze atje”, dhe fytyrën e saj e përshkroi si “e djallit”. Ortiz e akuzonte këngëtaren se përpiqej ta vidhte dhe e kritikonte muzikën e saj: “Ajo kurrë nuk publikoi muzikë për të arritur njerëzit. Ajo publikoi muzikën e saj të vogël vetëm që të mund të praktikonte magji. Dhe kështu ajo mund të vidhte nga njerëzit. Prandaj ju lutem, të gjithë ndaloni… mos e dëgjoni, mos e ndiqni… sepse ajo po ju vjedh”.

Ortiz gjithashtu shprehu zemërim ndaj shumë personazheve të famshëm, duke përfshirë Kim Kardashian, të cilën e quante “budallaqe”.

Ngjarja e rëndë ndodhi të dielën, kur shtëpia e këngëtares në Beverly Hills u bë cak i të shtënave. Sipas raportit të policisë, Ortiz qëlloi disa herë nga makina e saj drejt shtëpisë së Rihannës, por askush nuk u lëndua. Ajo u arrestua dhe u akuzua për tentativë vrasjeje.

Për vite me radhë, Rene Rexhepi, ka qenë një nga emrat më të mëdhenj në botën e gastronomisë, ndërsa restoranti i tij ‘Noma’ është konsideruar një nga më me ndikim në industrinë e kulinarisë.

Së fundmi, po përballet me kritika të reja pas një artikulli të publikuar nga The New York Times, ku ish-punonjës të restorantit kanë treguar për sjellje abuzive në kuzhinë.

Sipas dëshmive të rreth 30 ish-punonjësve, mes viteve 2009 dhe 2017 në kuzhinë ndodhnin shpesh incidente ku stafi goditej me grusht, shtyhej, apo goditej me mjete kuzhine.

View this post on Instagram

A post shared by noma (@nomacph)

Një ish-shef që punoi aty në vitin 2012 tha se kuzhinieri me origjinë shqiptare ‘kalonte përgjatë rreshtit dhe i godiste në gjoks’ kuzhinierët, edhe kur gabimi ishte bërë nga dikush tjetër.

Disa ish-punonjës gjithashtu pretenduan se ai i kishte kërcënuar se do t’i përjashtonte nga industria e restoranteve ose do t’u shkaktonte probleme familjarëve të tyre.

Pas publikimit të këtij lajmi, Rexhepi reagoi me një deklaratë në Instagram.

Ai tha se nuk i njeh të gjitha detajet e akuzave, por pranoi se një pjesë e sjelljes së tij në të kaluarën ka qenë e dëmshme për njerëzit që punonin me të dhe kërkoi falje.

Shpjegoi gjithashtu se në fillimet e karrierës kishte punuar në kuzhina ku bërtitjet, poshtërimi dhe frika ishin pjesë e kulturës, dhe megjithëse kishte premtuar se nuk do të drejtonte kurrë në atë mënyrë, presioni i madh pas hapjes së ‘Noma’-s e bëri të sillet ashtu si shefat që ai vetë kishte kritikuar.

Rene pranoi se në të kaluarën kishte shpërthime dhe ndonjëherë edhe agresion fizik, duke shtuar se gjatë dekadës së fundit ka punuar për të ndryshuar përmes terapisë, reflektimit dhe duke u larguar nga drejtimi i përditshëm i shërbimit në restorant.

View this post on Instagram

A post shared by Rene Redzepi (@reneredzepinoma)

Reagimet në rrjetet sociale kanë qenë të ndara: disa e vlerësuan kërkim-faljen dhe pranimin e gabimeve, ndërsa të tjerë dyshuan për kohën dhe sinqeritetin e saj, duke pyetur edhe nëse viktimat do të marrin ndonjë formë kompensimi.

Aktori i njohur kosovar, Vedat Bajrami, ka udhëtuar drejt vendit të shenjtë në Mekë, ku gjatë muajit të bekuar të Ramazan ka vendosur të kryejë Umren.

Lajmin e ka bërë të ditur vetë aktori përmes një publikimi në rrjetet sociale, ku ka ndarë me ndjekësit e tij edhe disa momente nga vizita pranë Qabeja.

Në përshkrimin e postimit, Bajrami ka shprehur mirënjohjen ndaj Zotit për mundësinë që t’i vizitojë vendet e shenjta, duke përcjellë edhe një mesazh urimi dhe lutjeje për të gjithë besimtarët.

“ Elhamdulilah (الحمد لله)! Falënderimi i takon Allahut! Nga vendi i shenjtë i Mekës, pranë Qabes, lutem që Allahu t’ju mbushë zemrat me paqe, shtëpinë me bereqet dhe jetën me shëndet e lumturi. Allahu i pranoftë lutjet tona”, ka shkruar ai në postimin e tij.

Vizita në Mekë për kryerjen e Umres konsiderohet një moment i veçantë shpirtëror për besimtarët myslimanë, ndërsa Vedat Bajrami duket se ka zgjedhur pikërisht muajin e shenjtë të Ramazanit për ta përjetuar këtë përvojë të rëndësishme fetare.

Aktorja dhe ylli i modës Zendaya tërhoqi gjithë vëmendjen gjatë sfilatës së fundit të Louis Vuitton në kuadër të Paris Fashion Week, ku u shfaq e veshur me një veshje elegante në ngjyrë të bardhë që shumë fansa e krahasuan me një stil “nuseje”.

Zendaya u ul në rreshtin e parë të shfaqjes dhe u fotografua me një kostum të bardhë të sofistikuar, duke tërhequr menjëherë vëmendjen e mediave dhe rrjeteve sociale. Megjithatë, ajo që ndezi më shumë spekulime ishte një unazë në gishtin e saj, që disa fansa e interpretuan si një unazë martese.

Kjo ka shtuar edhe më shumë thashethemet për marrëdhënien e saj me aktorin britanik Tom Holland, me të cilin ajo është në një lidhje prej disa vitesh. Çifti, i cili u njoh gjatë xhirimeve të filmit Spider-Man: Homecoming, ka qenë shpesh në qendër të vëmendjes për romancën e tyre, megjithëse zakonisht përpiqen ta mbajnë jetën private larg mediave.

Deri më tani, as Zendaya dhe as Tom Holland nuk kanë komentuar mbi spekulimet për një martesë të mundshme. Megjithatë, fansat në rrjetet sociale kanë nisur menjëherë diskutimet, duke analizuar çdo detaj nga paraqitja e saj në sfilatë.

Zendaya konsiderohet një nga ikonat më të mëdha të stilit të momentit dhe paraqitjet e saj në evente të modës shpesh bëhen virale, duke ndikuar në trendet globale të modës.

Aktori i njohur hollivudian Timothée Chalamet është bërë sërish temë diskutimi në rrjetet sociale, pasi janë rikthyer në vëmendje disa komente të tij për baletin dhe operën që kanë shkaktuar reagime të shumta në botën e artit.

Gjatë një diskutimi publik për të ardhmen e kinemasë me aktorin Matthew McConaughey, Chalamet u shpreh se nuk e shihte veten duke punuar në këto forma arti, duke sugjeruar se interesimi i publikut për to është më i vogël sot. Në intervistë ai tha:

“Nuk dua të punoj në balet apo operë, në gjëra ku thuhet: ‘Ta mbajmë gjallë këtë’, edhe pse askush nuk interesohet më për të.”

Pas kësaj deklarate, aktori u përpoq ta zbusë situatën duke shtuar:

“Me gjithë respektin për njerëzit e baletit dhe operës… sapo humba 14 cent nga audienca.”

Komentet e tij shkaktuan reagime të shumta nga artistë dhe institucione të artit skenik, të cilët theksuan rëndësinë historike dhe kulturore të baletit dhe operës. Disa teatro dhe kompani baleti reaguan edhe në rrjetet sociale, duke treguar se këto forma arti vazhdojnë të kenë publik dhe ndikim në kulturën moderne.

Megjithatë, fansat e aktorit kanë argumentuar se deklaratat e tij janë nxjerrë jashtë kontekstit dhe se ai në fakt po diskutonte për ndryshimet në mënyrën se si publiku konsumon artin dhe filmat në ditët e sotme.

Timothée Chalamet është një nga aktorët më të suksesshëm të brezit të ri në Hollywood, i njohur për rolet e tij në filma si Call Me by Your Name, Dune dhe Wonka, ndërsa çdo deklaratë e tij shpesh kthehet menjëherë në temë diskutimi në media dhe rrjete sociale.

Aktori i njohur nga seriali Riverdale, Charles Melton, dhe partnerja e tij, regjisorja dhe fotografja Camille Summers-Valli, kanë mirëpritur fëmijën e tyre të parë. Lajmi i bukur u bë publik përmes një postimi në rrjetet sociale nga vetë aktori.

Melton ndau me ndjekësit një seri fotografish ku shfaqet së bashku me partneren dhe foshnjën e porsalindur. Ai e shoqëroi postimin me mbishkrimin e thjeshtë: “Our family”, duke dhënë kështu një pamje të rrallë nga jeta e tij private.

Çifti, i cili zakonisht e mban larg vëmendjes marrëdhënien e tyre, nuk ka zbuluar ende emrin, gjininë apo datën e lindjes së foshnjës. Megjithatë, lajmi është pritur me shumë urime nga miqtë dhe kolegët e aktorit në industrinë e filmit dhe televizionit.

Shtatzënia e Summers-Valli u bë publike në fillim të vitit 2026, kur ajo ndau disa fotografi artistike në Instagram dhe shkroi se po “krijonin një familje të vogël”.

Ky është fëmija i parë për çiftin dhe një kapitull i ri në jetën e aktorit 35-vjeçar, i cili u bë i famshëm për rolin e Reggie Mantle në serialin shumë të ndjekur për adoleshentë.

Këngëtari australian Cody Simpson ka rikujtuar së fundmi disa nga lidhjet e tij më të përfolura me yje të njohura të showbizit, përfshirë Kylie Jenner, Gigi Hadid dhe Miley Cyrus.

Gjatë një interviste në një podcast, Simpson foli hapur për marrëdhëniet e kaluara dhe mënyrën se si i sheh ato sot. Ai tregoi se lidhja e tij me Kylie Jenner ndodhi kur të dy ishin shumë të rinj dhe se ishte një eksperiencë e veçantë për atë periudhë të jetës së tyre. Sipas tij, ata thjesht u lidhën përmes faktit që të dy po rriteshin në botën e famës.

Sa i përket modeles Gigi Hadid, Simpson e përshkroi atë si “dashurinë e parë”. Dyshja qëndruan së bashku për rreth dy vjet dhe ai kujton se lidhja e tyre ishte shumë intensive për shkak të jetës që bënin në industrinë e modës dhe muzikës.

Ndërsa për marrëdhënien me Miley Cyrus, këngëtari tha se ata u lidhën për shkak të përvojave të ngjashme që kishin si yje të rinj të muzikës pop. Ai tregoi se gjatë pandemisë kaluan shumë kohë së bashku dhe se kjo periudhë krijoi një lidhje të fortë mes tyre. Simpson shtoi se do të jetë gjithmonë mirënjohës për atë marrëdhënie dhe për mbështetjen që mori nga Cyrus në atë kohë të jetës së tij.

Sot, Simpson thotë se i sheh këto lidhje si pjesë të rëndësishme të rritjes së tij personale, duke theksuar se çdo marrëdhënie i ka dhënë mësime të vlefshme dhe kujtime të bukura nga e kaluara.

Modelja franceze Thylane Blondeau, e cila u bë e famshme në mbarë botën kur ishte vetëm 6 vjeçe dhe u quajt “vajza më e bukur në botë”, ka njoftuar se është fejuar.

24-vjeçarja ndau lajmin e bukur me ndjekësit në rrjetet sociale, duke publikuar disa fotografi nga momenti romantik i propozimit. Në postimin e saj në Instagram, Blondeau shkroi: “I said yes to my best friend. Here’s to forever”, duke konfirmuar se ka pranuar propozimin e partnerit të saj.

Sipas mediave ndërkombëtare, modelja është fejuar me partnerin e saj, DJ francez Ben Attal. Propozimi për martesë është bërë gjatë një udhëtimi romantik në Greqi, ku çifti kishte organizuar një moment të veçantë pranë detit, i rrethuar me petale trëndafilash.

Thylane Blondeau u bë e njohur në mbarë botën që në fëmijëri, pasi në vitin 2006 u shpall nga media si “vajza më e bukur në botë”. Që atëherë ajo ka ndërtuar një karrierë të suksesshme në industrinë e modës, duke u shfaqur në pasarela dhe duke bashkëpunuar me marka të njohura ndërkombëtare.

Lajmi për fejesën e saj është pritur me shumë urime nga fansat dhe miqtë, ndërsa familjarët e modeles kanë reaguar gjithashtu me mesazhe emocionuese në rrjetet sociale.

Aktorja Anne Hathaway u pa në New York City duke u shfaqur elegante dhe me një pamje shumë rinore, vetëm pak ditë pas pjesëmarrjes së saj në Met Gala.

Dalja e saj në publik vjen mes spekulimeve të fansave në rrjetet sociale se mund të ketë bërë ndërhyrje estetike.

Aktorja 42-vjeçare u shfaq me xhinse blu, çizme të zeza dhe një xhaketë të artë me shkëlqim, shkruan DailyMail.

Ajo i kishte flokët brunë të lëshuara dhe të stiluar anash, të kombinuara me syze të mëdha dielli dhe vathë të vegjël rrethorë. Pamjen e plotësoi me një grim të butë në nuanca pjeshke.

Në Met Gala, Hathaway kishte zgjedhur një veshje elegante nga Carolina Herrera, të stiluar nga Erin Walsh dhe të shoqëruar me bizhuteri të Bulgari.

Flokët e saj ishin të kapura në një bisht klasik që theksonte tiparet e fytyrës.

Pas publikimit të fotografive nga eventi, shumë fansa komentuan pamjen e saj të freskët dhe rinore, duke spekuluar nëse aktorja mund të ketë bërë ndërhyrje estetike.

Megjithatë, specialistja e saj e kujdesit të lëkurës, Su-Man, ka theksuar se Hathaway është shumë e disiplinuar kur bëhet fjalë për rutinën e kujdesit për lëkurën.

Pas eventit, aktorja falënderoi organizatorët dhe ekipin e stilimit në Instagram, duke e cilësuar mbrëmjen si një përvojë të paharrueshme.