Reperi Mossi është paraqitur sot para Gjykatës lidhur me rastin e dyshuar të sulmit ndaj gzetarit, Burim Pacollit.
Ai është shoqëruar në objektin e gjykatës nën masa sigurie dhe me pranga në duar, ndërsa pritet që ndaj tij të zhvillohen procedurat gjyqësore për rastin në fjalë.
Rasti lidhet me një incident të raportuar ditë më parë, ku ai bashkë me grupin e tij sulmuan keq gazetarin, Pacolli.
Artistja shqiptare Bebe Rexha ka publikuar këngën më të re dhe të shumëpritur “New Religion”, pjesë e albumit të saj të ardhshëm “Dirty Blonde”.
Ky projekt i ri muzikor po tërheq vëmendje të madhe nga fansat e artistes derisa shënon një tjetër hap në karrierën e artistes, e cila vazhdon të sjellë risi në skenën ndërkombëtare të muzikës pop.
Edhe pse albumi i plotë ende nuk është publikuar, deri më tani janë lansuar vetëm tre këngë. Mes tyre është edhe Çike Çike, një këngë që përfshin edhe fragmente në gjuhën shqipe.
Ndonëse “New Religion” është pritur me shumë entuziazëm nga fansat, interes të veçantë ka ngjallur edhe Çike Çike, sidomos te publiku shqiptar. Kjo për shkak se kënga përmban fraza në shqip, duke e bërë edhe më të afërt me audiencën shqiptare.
Falë këtij elementi, kënga është bërë virale në mesin e fansave shqiptarë, të cilët e kanë shpërndarë gjerësisht në rrjetet sociale, duke e kthyer në pjesë të një trendi të ri online.
Publikimi i plotë i albumit të ri nga Bebe Rexha pritet të ndodhë gjatë muajve në vijim.
Britney Spears u arrestua për drejtim nën ndikimin e drogës pas një ndjekjeje të gjatë një-orëshe në rrugë.
Ajo u ndalua nga policia e trafikut në Ventura, Kaliforni, pasi lëvizte në mënyrë të rrezikshme midis korsive.
Spears, 44 vjeçare, u lirua nga paraburgimi dhe duhet të paraqitet në gjykatë më 4 maj.
Detajet e ndjekjes
Sipas një regjistrimi të thirrjes në 911, automjeti i Spears – një BMW i zi kabriolet 2026 – vijonte të ndryshonte korsitë rregullisht.
Ndjekja zgjati nga ora 20:13 deri rreth 21:13, kur Spears doli nga makina dhe policia ndërhyri.
U kërkua gjithashtu një ekspert për identifikimin e përdorimit të drogës (DRE).
Ekipi e konsideroi ngjarjen si “incident të pakëndshëm” dhe tha se Britney do të marrë masat e nevojshme për të respektuar ligjin.
Ata shtuan se shpresojnë që ajo të marrë ndihmën dhe mbështetjen e duhur, dhe se fëmijët e saj do të kalojnë kohë me të.
Spears ka dy djem, Sean Preston dhe Jayden James, të cilët jetojnë aktualisht me babanë e tyre, Kevin Federline, në Havai.
Problemet e kaluara me ligjin dhe familjen
Kjo nuk është hera e parë që Spears ka probleme me ligjin në trafik.
Më parë është kapur duke përdorur telefonin gjatë drejtimit dhe duke kaluar korsitë e kundërta pas natës së daljes.
Ajo gjithashtu ka pasur probleme të mëparshme ligjore dhe një betejë të gjatë me familjen.
Jaime VandenBerg, Miss Universe Canada 2025, ka ndarë një lajm të papritur që po frymëzon shumë njerëz. Në një postim të fundit në Instagram, ajo zbuloi se ishte 16 javë shtatzënë, ose në muajin e katërt, gjatë kohës kur garonte në konkursin e bukurisë Miss Universe në Tajlandë. 29-vjeçarja, e cila arriti të renditej në Top 30, tha se mbante një jetë brenda saj ndërsa po ndiqte ëndrrën e saj për t’u bërë pjesë e konkursit.
Videoja që postoi kombinon dy momente: një pamje nga skena e Miss Universe ku VandenBerg është duke ecur me rroba banje dhe një pamje më e fundit ku ajo shfaqet me barkun e dukshëm, duke mbajtur një sedilje makine për fëmijë. Në mbishkrim, ajo shkruan: “Nga faza e Miss Universe deri në tremujorin e tretë, instalimi i sediljes dhe karrocës së fëmijës.”
VandenBerg thekson se kjo eksperiencë tregon se shtatzënia nuk është një kufizim për ambiciet e grave. “Me rregullat në zhvillim të Miss Universe, le të shërbejë kjo renditje si dëshmi se amësia nuk është fundi i ëndrrave. Me një komunitet të fortë pas teje, disa ëndrra mund të ekzistojnë njëkohësisht,” shkruan ajo.
Jaime VandenBerg tregon se ëndrrat dhe familja mund të bashkëjetojnë pa kompromis, duke sfiduar normat dhe stereotipet e zakonshme të industrisë së bukurisë.
Në një kohë kur shumë debate rreth grave në garat e bukurisë dhe shtatzënisë vazhdojnë, zbulimi i saj shërben si një mesazh pozitiv: mund të jesh e suksesshme dhe e lumtur në të dyja rolet njëkohësisht.
Angelina Jolie ka zbuluar se nuk ka qenë në një lidhje që kur ajo dhe ish-bashkëshorti i saj Brad Pitt u divorcuan.
Divorci i tyre u bë në dhjetor 2024.
“Angie ka qenë e zënë dhe e fokusuar gjatë viteve të fundit. Takimet nuk ishin të rëndësishme për të. Ajo nuk kishte partner. Ajo është kryesisht një nënë beqare nga një divorc, kështu që ky ishte kryesisht fokusi i saj”, tha një burim pranë aktores për People.
Jolie dhe Pitt kanë gjashtë fëmijë: Maddox, Pax, Zahara, Shiloh dhe binjakët Knox dhe Vivienne.
“Angelina po e shijon mëmësinë dhe gjithmonë dëshiron të sigurohet që të gjithë të jenë të lumtur. Duket se po ia del mbanë shumë mirë”, tha burimi.
Filmi i fundit i Jolie-s, “Couture”, pati premierën botërore në Festivalin Ndërkombëtar të Filmit në Toronto në shtator të vitit të kaluar. Në “Couture”, aktorja luan rolin e një regjisoreje filmi që po kalon një divorc dhe diagnostikohet me kancer të gjirit.
Në një intervistë me Time France, ajo e përshkroi këtë film si një histori shumë personale. Në film luajnë gjithashtu Louis Garrel, Ella Rumpf, Garance Marillier, Anyier Anei dhe Finnegan Oldfield.
Pas këtij filmi, Jolie do të luajë në adaptimin e romanit “Njerëz të Ankthshëm”.
Reperi Quavo ka hyrë në telashe serioze me dokumentet financiare. Sipas dokumenteve federale tatimore, IRS pretendon se reperi i Migos i detyrohet mbi 3 milionë dollarë taksa të papaguara, duke thënë se ai nuk ka shlyer plotësisht detyrimet për disa vite tatimore. Thuhet se qeveria ka paraqitur një barrë tatimore (tax lien), ku përfshihen taksat e papaguara, si dhe penalitete dhe interesa.
Burime thonë se borxhi i pretenduar përfshin disa vite, ndërsa interesat dhe gjobat janë shtuar me kalimin e kohës. Kur taksat nuk paguhen, shumat rriten shpejt, sidomos për persona me të ardhura të larta nga turne, bashkëpunime dhe biznese të ndryshme.
Edhe pse mosmarrëveshjet me taksat nuk janë të rralla në botën e showbiz-it, 3 milionë dollarë janë një shumë që tërheq vëmendje të madhe.
Një barrë tatimore federale nuk do të thotë automatikisht sekuestrim pasurie, por i jep qeverisë të drejtën ligjore për të kërkuar shumën e pretenduar. Nëse çështja nuk zgjidhet, mund të ndikojë në pronat, të ardhurat e ardhshme ose marrëveshje biznesi.
Deri tani, Quavo nuk ka reaguar publikisht ndaj pretendimeve. Mbetet për t’u parë nëse do të ketë një marrëveshje pagese, një zgjidhje apo një kundërshtim ligjor.
Një gjë është e sigurtë, edhe për një superyll të muzikës, taksat janë gjithmonë prioritet për shtetin.
Një skandal që ka tronditur një qytet të vogël në Louisiana ka përfunduar me një vendim të fortë gjykate, ish-kryetarja e qytetit DeRidder, Misty Roberts, u shpall fajtore për marrëdhënie seksuale me mikun 16-vjeçar të djalit të saj, pas një feste me alkool në pishinën e shtëpisë së saj.
Ngjarja ndodhi në korrik 2024, kur Roberts, 43 vjeçe në atë kohë, organizoi një festë në oborrin e shtëpisë së saj ku kishte alkool edhe pse disa nga të pranishmit ishin të mitur. Sipas dëshmive në gjyq, ajo dhe miku adoleshent 16-vjeçar i djalit të saj, përfunduan në një marrëdhënie seksuale, ndërsa që të dy thuhet se ishin të dehur.
Dramë familjare dhe akuza tronditëse ku gjatë procesit gjyqësor u zbuluan detaje të forta. Djali i saj dyshohet se e akuzoi nënën pasi i gjeti bashkë, duke shpërthyer në zemërim.
Dëshmitarë thanë se Roberts ishte shumë e dehur dhe u kishte kërkuar të rinjve të “gënjenin deri në fund”. Një postier konfirmoi se në shtëpi u porositen Plan B (hapa kundër shtatëzanisë) urgjentisht, menjëherë pas festës.
Juria pati vendim shumë të shpejtë, ata në famullinë Beauregard, morën më pak se një orë për ta shpallur fajtore për dy akuza penale atë të ‘Marrëdhënies seksuale me të mitur” dhe “Sjellje të pahijshme me të mitur”
Roberts kishte dhënë dorëheqjen pak para arrestimit të saj në vitin 2024. Tani ajo përballet me një dënim që mund të arrijë deri në 17 vite burg, me seancën e dënimit të planifikuar në prill.
Qyteti i vogël i DeRidder, me më pak se 10 mijë banorë, është tronditur nga skandali që ka tërhequr vëmendje kombëtare. Prokurorët e cilësuan rastin si një tradhti të thellë besimi dhe abuzim me pozitën e pushtetit.
Sipërmarrësja dhe ylli i showbiz-it Paris Hilton ka tërhequr sërish vëmendjen në rrjetet sociale, këtë herë me një set fotografish artistike nga vaskë, në kuadër të promovimit të markës së saj të kujdesit për lëkurën.
E rrethuar nga shkumë dhe produkte bukurie, Hilton u shfaq me një look glamuroz dhe estetikë luksoze, duke vënë në fokus linjën e saj të skincare-it. Fotot, të realizuara në stil editorial, u shoqëruan me mesazhe që theksonin rëndësinë e kujdesit për lëkurën dhe rutinës së përditshme të bukurisë.
Marka e saj, e lançuar si pjesë e zgjerimit të perandorisë së saj në industrinë e bukurisë, synon produkte me përbërës të avancuar dhe formulime që premtojnë hidratim dhe shkëlqim natyral. Hilton ka deklaruar më herët se është e përkushtuar ndaj produkteve që kombinojnë luksin me efektivitetin.
Postimet u pritën me mijëra reagime, ndërsa fansat vlerësuan jo vetëm estetikën e fotove, por edhe mënyrën kreative të promovimit.
Paris Hilton vazhdon të dëshmojë se di si të qëndrojë në qendër të vëmendjes, duke kombinuar imazhin, biznesin dhe rrjetet sociale në një strategji të suksesshme marketingu.
Streamer-i i njohur amerikan Adin Ross po përballet me një humbje të madhe familjare, pasi motra e tij ka ndërruar jetë në moshën 36-vjeçare.
Lajmi u bë i ditur përmes reagimeve emocionale në rrjetet sociale, ku Ross shprehu dhimbjen e thellë për humbjen e saj. Ai kërkoi privatësi në këtë periudhë të vështirë, ndërsa mijëra ndjekës dhe figura publike i kanë dërguar mesazhe ngushëllimi.
Detajet rreth rrethanave të vdekjes nuk janë bërë publike, pasi familja ka zgjedhur të ruajë diskrecionin. Megjithatë, lajmi ka tronditur komunitetin online, ku Adin Ross është një nga figurat më të ndjekura në botën e streaming-ut.
Adin Ross u bë i famshëm për transmetimet e tij live dhe bashkëpunimet me emra të njohur të industrisë së argëtimit dhe muzikës. Përtej ekranit, ai shpesh ka folur për rëndësinë e familjes në jetën e tij, duke e bërë këtë humbje edhe më të dhimbshme.
Në këto momente të vështira, mbështetja e fansave dhe miqve të tij ka qenë e menjëhershme, ndërsa komuniteti online është bashkuar për t’i qëndruar pranë.
Familjes Ross i shprehen ngushëllimet më të sinqerta për këtë humbje të parakohshme.
Aktorja amerikane Megan Fox ka rikthyer vëmendjen e mediave me një paraqitje të re provokuese në stil “goth”, duke pozuar me një look të errët, sensual dhe shumë të komentuar në rrjetet sociale.
Ylli i filmave si Transformers ka ndarë imazhe ku shfaqet me çorape rrjete dhe veshje minimaliste, duke rikthyer estetikën e saj të njohur alternative që e bëri ikonë stili vite më parë. Postimet u pritën me mijëra reagime dhe komente, ndërsa fansat e cilësuan si një “comeback” të fuqishëm.
Por ajo që tërhoqi edhe më shumë vëmendje ishte reagimi i ish-partnerit të saj, reperit Machine Gun Kelly. Një koment i tij në rrjetet sociale dhe disa lëvizje të fundit publike kanë ndezur spekulimet se dyshja mund të jenë rikthyer bashkë.
Megan dhe MGK kanë pasur një marrëdhënie të shumëpërfolur, të mbushur me ndarje dhe ribashkime, që nga fillimi i lidhjes së tyre në vitin 2020. Edhe pse nuk ka një konfirmim zyrtar për një rikthim romantik, fansat janë të bindur se mes tyre ende ekziston një lidhje e fortë.
Për momentin, asnjëri prej tyre nuk ka bërë një deklaratë të qartë për statusin e marrëdhënies, por postimet dhe mesazhet e nënkuptuara mjaftuan për të ndezur rrjetin.
Një gjë është e sigurt: Megan Fox di si të rikthehet në qendër të vëmendjes — qoftë përmes stilit, qoftë përmes jetës së saj personale.