ATV

Category: SHOWBIZ

  • Aktorët që refuzojnë të zhvishen në filma

    Aktorët që refuzojnë të zhvishen në filma

    Në qoftë se mendoni se yjet e hollivudit mund të bëjnë gjithcka për para, e keni gabim!

    Aktrimi edhe pse njihet si fushë ekspresive artisitik, ku aktorët shpesh sfidohen të kapërcejnë kufijtë e komoditetit për të sjellë në jetë një personazh, për disa nga ta, paratë nuk janë edhe aq të rëndësishme sa rehatia personale dhe familjare.

    Pra, disa nga yjet e hollivudit, shpesh vendosin kufij pavaresisht parave dhe famës që roli mund t’ua sjellë!

    Dëshira për të qëndruar besnikë ndaj imazhit të tyre publik, bëri që disa nga ta të refuzojnë të zhvishen pranë kamerave, duke thënë se duhet zbuluar talenti, por jo trupi.

    Për shembull, Jessica Alba është e njohur për qëndrime të tilla, e cila ka zbuluar se refuzon plotësisht skena të zhveshjes, sic tha ajo-kjo zgjedhje nuk e ka penguar aspak ngjitjen e saj drejt majave të suksesit.

    Keira Knightley është shfaqur më parë në skena intime në filmat e saj, por në vitin 2021 ajo vendosi të përfshinte në kontratën e saj që të mos aktorjë në filma ku duhet shfaqur lakuriq. Aktorja shpjegoi vendimin e saj për të mos bërë më skena të këtij lloji, veçanërisht me regjisorët burra, e sidomos pasi u bë nënë. “Është pjesërisht kotësi dhe gjithashtu është vështrimi mashkullor. Nuk do të preferoja të qëndroja lakuriq para një grupi burrash”, tha ajo.

    Sarah Jessica Parker, e njohur për rolin e saj në ‘Sex and the City’, kishte një marrëveshje në kontratën e saj që ndalonte lakuriqësinë. Ajo deklaroi se është një person privat dhe jo fort e kënaqur me pamjen e saj fizike.

    Hilary Duff filloi udhëtimin e saj të aktrimit në Disney Channel.Ajo shpjegoi, “Kur marr pjesë në një film, dua të jem vetvetja. Nuk dua të heq pjesën e sipërme ose dicka tjetër. Në Shtetet e Bashkuara, duket se është trendi të mbushësh 18 ose 19 vjeç dhe më pas të heqësh këmishën dhe të bësh diçka të çmendur dhe nuk e di se çfarë vjen më pas’’, tha Hilary Duff.

    Aktorja Jennifer Garner refuzon me vendosmëri idenë e paraqitjes së zhveshur në filma. Garner ka deklaruar, “Unë nuk do t’i heq të gjitha! Jo faleminderit. Bota meriton më mirë. Nuk jam e interesuar,” tha ajo për MTV.

    Blake Lively tha se kur sheh lakuriqësi në filma, gjithmonë shpërqendrohet prej saj.’’ E di që nëse jam duke parë një skenë dhe dikush i ka gjinjtë jashtë, atëherë kjo është gjithçka që shikoj – nuk mund ta bëj. Thjesht nuk mendoj se kjo do të jetë e duhura për mua’’, u shpreh ajo.

    Ka edhe prej aktorëve të cilët nuk duan ta bëjën këtë gjë, sa që Oëen Ëilson, ka zbuluar se në filmin komedi “You, Me and Dupree nuk ishte ai në pjesën e nudos. Në vend të tij, një trup tjetër u përdor për atë skenë të veçantë.

    Neal McDonough u pëjashtua nga seriali televiziv ‘Scoundrels’ brenda vetëm tre ditësh për shkak të mosgatishmërisë së tij për të realizuar skena intime. Aktori ka deklaruar se pas kësaj, nuk mundi të gjente punë për një kohë të gjatë sepse të gjithë mendonin se vendimi i tij, kishte të bënte me fenë. Ai tha se me të vërtetë është fetar dhe përvec Zotit,mendoi edhe për familjen dhe në fund për veten. Ai tregoi se e kishte të vështirë për disa vite të gjente punë.

    Këta ishin vetëm disa nga yjet e hollivudit që refuzuan të shfaqen nudo në filma , të cilët shpesh e tregojnë këtë vendim në mënyrë që ta qartësojnë se prapëseprapë patën suksese të mëdha./NO FILT

     

  • Harroni gratë, këta janë burrat e Hollywood-it me botox

    Harroni gratë, këta janë burrat e Hollywood-it me botox

    Ryan Gosling, 42 vjeç, dhe Bradley Cooper, 49, së fundmi kanë shkëlqyer në tapetin e kuq në ngjarje të mëdha. Ata jo vetëm që u shquajtën për nominimet e tyre, por edhe për freskinë e tyre dhe bukurinë rinore. Sipas kirurges estetike Dascha Berek, të dy aktorët u vunë re në natën e Oskarit për ndërhyrjet në fytyrat e tyre.

    “Fytyra e Ryan Gosling paraqet efektin ‘Pilloë face’,” shpjegoi ajo, një fenomen që ndodh kur injektohen sasi të mëdha të materialeve mbushëse, duke rezultuar në buzë dhe faqe të mëdha, të cilat duken të panatyrshme. Fansat në rrjetet sociale diskutuan për pamjen në Oscar të Gosling që ishte e dukshme e përmirësuar, duke theksuar se ai dukej më i hollë dhe më i tonifikuar.

    Berek vuri re: “Mollëzat e Goslingut duken të plota dhe vija e nofullës është shumë e konturuar. Rrudhat e ballit mund të mos jenë trajtuar qëllimisht me një relaksues muskulor, ose janë trajtuar në mënyrë shumë të delikat për të ruajtur një shprehje më natyrale të fytyrës, e cila është veçanërisht e rëndësishme për aktorët.”

    Sidoqoftë, Berek i konsideroi procedurat të cilat Gosling ka ndërmarrë si jopërputhëse me rezultatin që ka arritur: “Përpjekjet kundër plakjes, fatkeqësisht, kanë çuar në një pamje të joharmonishme dhe të paqëndrueshme. Faqet e tij duken tepër të mbushura, duke e bërë atë të duket sikur është pak i fryrë”.

    Bradley Cooper, nga ana tjetër, duket të ketë një menaxhim më të mirë të shprehjeve të fytyrës në krahasim me Gosling. Fytyra e Cooper thekson më shumë metodat relaksuese dhe forcuese, dhe më pak mbushjen. Berek theksoi se përdorimi i kujdesshëm i acidit hialuronik ose një ngritje e fytyrës mund të jenë elementë të strategjisë së tij për kujdesin estetik.

    Tashmë dihet se Bradley Cooper shpenzon rreth 45,000 euro për trajtimet e fytyrës së tij çdo muaj. Ai i përkushtohet kujdesit të fytyrës pothuajse çdo ditë, duke përfshirë maskat e fytyrës dhe avullimin e rregullt, të cilat dyshohet se i japin lëkurës një pamje të pastër. Gjithashtu ai kujdeset për vetullat e tij dy herë në javë.

    Në vite të fundit, ekspertë të tjerë të bukurisë kanë deklaruar se yjet meshkuj, si Joe Jonas dhe Christian Bale, janë gjithashtu përdorues të Botox-it. Ndërkohë, një ekspert bukurie konfirmoi që hunda e Zac Efron, i cili tani është 36 vjeç, po bëhet më e hollë me kalimin e kohës dhe avancimin e karrierës së tij. Për më tepër, u zbulua se Efron ka përdorur mbushëse në të gjithë fytyrën./NO FILT

     

  • Edicioni i 97-të i Oscars sjell disa risi

    Edicioni i 97-të i Oscars sjell disa risi

    Më 11 mars 2024, Oscar përfundoi me shumë çmime për “Oppenheimer”dhe tani Akademia e Artit dhe Shkencës së Filmit (AMPAS) po shikon përpara në mënyrë që vitin e ardhshëm të bëhen disa ndryshime.

    Ndryshimet kryesore janë bërë në kategorinë “Muzika më e mirë për Filma”. Në listën e shkurtër për këtë çmim do të jenë tani 20 filma në vend të 15. Zgjedhja do të bëhet publike në dhjetor 2024 dhe pesë nominimet përfundimtare do të shpallen më 17 janar 2025.

    Në kategorinë “Muzika më e mirë” do të ketë tani më shumë statuja Oscar për t’u fituar. Deri më tani, disa kompozitorë duhet të ndanin një statujë nëse ishin vlerësuar së bashku. Kjo i përket rastit të Jon Batist , Trent Reznwr dhe Atticws Ross , të cilët fituan së bashku për filmin “Soul”. Nga viti 2025, deri në tre persona mund të marrin secili statujën e tyre.

    Si grup do të njihen vetëm orkestra klasike. Për shembull, Son Lux, që ishte nominuar në 2023 për muzikën e filmit “Everything Everyëhere All At Once” do të duhet të ndajë një Oscar së bashku edhe në vitin 2025.

    Nga viti i ardhshëm, një film mund të nominohet njëkohësisht si “Dokumentari më i mirë” dhe si “Filmi më i mirë ndërkombëtar”. Çmimi wrving Thalbwrg, i cili nuk jepet rregullisht për të vlerësuar jetën dhe karrierën e një prodhuesi, do të ndryshojë. Në të ardhmen, ai do të jepet në formën e një statuje klasike Oscar dhe jo më si busti i wrving Thwlberg.

    Një kategori e re nuk do të prezantohet deri në Oscar 2026, ku për herë të parë do të jepet një çmim për “Casting-un më të mirë”. Ky do të jetë çmimi i ri i rregullt i parë që kur u prezantua Oscar për “Filmin më të Mirë të Animuar” në vitin 2001.

    Kandidatë për disa nominime në Oscar 2025 përfshijnë “Dun 2”, filmin “Kinds Of Kindness” nga Yorgos Lantimos , si dhe vazhdimi i “Joker”./NO FILT

  • Presidentja Osmani ia dorëzoi medaljen Presidenciale të Meritave rock grupit Oda

    Presidentja Osmani ia dorëzoi medaljen Presidenciale të Meritave rock grupit Oda

    Presidentja e Republikës së Kosovës, Vjosa Osmani, në një ceremoni të mbajtur dje në Presidencë ia ka dorëzuar Medaljen Presidenciale të Meritave Rock Grupit Oda për promovimin e vlerave muzikore si pjesë e gjeneratës së artë të rockut në Kosovë.
    Në emër të grupit, Medaljen e ka pranuar z. Dukagjin Lipa, i cili e ka falënderuar Presidenten Osmani për dekoratën.
    Presidentja Osmani ka theksuar se Oda, sikurse edhe grupe të tjera të viteve të 80-ta, ishin jo vetëm interpretues, por edhe katalizatorë të ndryshimeve shoqërore.
    “Muzika e Odës është emblemë e identitetit kulturor dhe krenarisë për Kosovën. Krijimtaria muzikore e tyre vazhdon të jetë dëshmi e fuqisë transformuese të artit në kohë dhe periudha të ndryshme duke u shndërruar po ashtu në një mjet rezistence”, ka theksuar Presidentja Osmani.
    Ndryshe, Medalja Presidenciale grupit Oda i është ndarë një vit më parë në një ceremoni në të cilën janë nderuar edhe rock grupe të tjera të asaj periudhe, sikurse edhe institucione e personalitete të tjera, të cilat kanë kontribuar ndër vite.
    Vlenë të theksohet se kjo ceremoni u mbajt në prag të fillimit të Sunny Hill Festival. Në pamundësi për të qenë prezente për shkak të agjendës ndërkombëtare, Presidentja Osmani e përgëzoi z. Lipa, Dua Lipën dhe Sunny Hill Foundation për punën e shkëlqyer duke i uruar që ky edicion të jetë një tjetër sukseses i jashtëzakonshëm.
  • A do të këndojë Celine Dion në hapjen e Lojërave Olimpike në Paris?

    A do të këndojë Celine Dion në hapjen e Lojërave Olimpike në Paris?

    Celine Dion thuhet se do të rikthehet në skenë me një performancë gjatë Ceremonisë së Hapjes së Lojërave Olimpike Paris 2024. Ikona kanadeze është parë në kryeqytetin francez, ku besohet se po qëndron në të njëjtin hotel me Lady Gaga, e cila gjithashtu përflitet se do të performojë gjatë ceremonisë së së premtes (26 korrik).

    Megjithatë, ende nuk është konfirmuar zyrtarisht. Kjo do të ishte performanca e parë e Celine që do ngjitet në skenë pasi njoftoi për betejën e saj me sindromën e personit të ngurtë. Një gjendje e rrallë neurologjike për të cilën ajo e hapi për herë të parë në dhjetor 2022, pasi u detyrua të anulonte ‘Tourin Botëror të guximit’ dhe rezidencën e planifikuar në Las Vegas.

    Këngëtarja ka folur së fundmi për gjendjen e saj në dokumentarin e ri ‘I Am: Celine Dion’, në të cilin shihet duke u shpërthyer në lot teksa tregon se sa shumë i mungon të performojë live. “Po punoj shumë çdo ditë, por duhet ta pranoj, ka qenë një luftë”, rrëfen ajo në dokumentar.

    “Më mungon shumë. Njerëzit, më mungojnë ata. Nuk është e vështirë të bësh një shfaqje, e di. Është e vështirë të anulosh një shfaqje’’, u shpreh ajo.

  • Disa nga librat më të shitur nga të famshmit

    Disa nga librat më të shitur nga të famshmit

    Ka disa aktorë, , muzikantë dhe personalitete televizive të realitetit që kanë botuar libra, duke ndarë një pjesë të kujtimeve të jetës së tyre, dhe shumë admirues të tyre mund të marrin një vështrim tjetër nga prapaskenat e jetës së tyre, nga edukimi i tyre deri te sfidat me të cilat janë përballur për të arritur këtu ku janë sot. Disa mund t’ju bëjnë të qeshni, disa mund të ju bëjnë të qani dhe mësoni diçka që nuk e dinit për yllin tuaj të preferuar.

    Një nga librat më të sukseshëm është ‘’Becoming’’ nga Michelle Obama e cila është një nga personalitetet më të dashura publike, ndryshe e njohur edhe si ish- Zoja e parë e Amerikës. Libri i Michelle Obama ka shitur pothuajse 10 milionë kopje. Si Zonja e Parë e Shteteve të Bashkuara të Amerikës – e para afrikano-amerikane që shërbeu në këtë rol, fut lexuesit në botën e saj, duke kronizuar përvojat që e kanë formësuar atë – që nga fëmijëria e saj. Ajo përshkruan triumfet dhe zhgënjimet e saj, publike dhe private, duke treguar historinë e saj të plotë siç e ka jetuar – me fjalët e saj dhe me kushtet e saj.

    Në ‘’Spare’’ nga Princi Harry,flitet për kohën para se të humbiste nënën, princi dymbëdhjetë vjeçar Herri njihej si i shkujdesur, zëvendësuesi fatlum trashëgimtarit më serioz. Dhimbja ndryshoi gjithçka. Ai luftoi në shkollë, luftoi me zemërimin, vetminë dhe, për shkak se fajësoi shtypin për vdekjen e nënës, luftoi të pranonte faktin se jeta e tij ndodhej në qendër të vëmendjes. Në moshën njëzetenjë vjeçare, iu bashkua ushtrisë britanike. Disiplina i dha strukturë dhe dy turne luftarakë e bënë hero në atdhe. Por shpejt u ndje më i humbur se kurrë, duke vuajtur nga stresi post-trauma- tik dhe i prirur ndaj sulmeve gjymtuese të panikut. Më pas, flet për njohjen me Megan dhe se si ata ranë pre e shtypit,duke iu nënshtruar valëve të abuzimit, racizmit dhe gënjeshtrave.

    Libri The Woman in Me shpjegon vështirësitë e jetës së Britney Spears duke shpalosur të vërtetën për herë të parë në jetën e saj. Britney mes tjerash tregon se kishte abortuar një fëmijë gjatë kohës që ishte në një lidhje me Justin Timberlake dhe se ajo donte ta mbante fëmijën dhe pranoi t’i nënshtrohej një aborti vetëm me insistimin e Timberlake.

    Libri i Matthew Perry, me kujtime “Friends, Lovers, and the Big Terrible Thing, në më shumë se 250 faqet që shkroi, aktori detajon betejën e tij personale me varësitë, duke zbuluar se ai shpenzoi miliona dollarë në rrugëtimin e tij drejt të qenurit esëll.

    ‘’Worthy’’ është historia e Jada Pinkett Smith,  që nga vitet e hershme, deri te fama. Kujtimet e saj janë sa edukative dhe frymëzuese, aq edhe informuese, në një mënyrë që vetëm ajo mund ta bëjë.

    Libri prej 336 faqesh i Paris Hilton hedh një vështrim të thellë në sfidat e rënda që ka përjetuar në jetë gjatë dekadave. Duke zbuluar fëmijërinë e saj, përvojën me abuzimin verbal dhe fizik, ajo bën që lexuesit ta kuptojnë forcën që iu desh për t’i bërë ballë viteve të presionit të jashtëzakonshëm publik.

    Libri i Emily Ratajkowsi i titulluar “My Body”, përbëhet nga ese që kujtojnë momentet e jetës së saj ndërsa eksploron komoditetin e trupave të grave dhe seksualitetin e tyre. Në vitin 2013, ajo ka qenë pjesë e video klipit të këngës “Blurred Lines”, ku në libër ajo tregon me detaje se si këngëtari Robin Thicke i ka prekur gjoksin pa pëlqimin e saj. Tutje libri tregon për fiksimin e familjes me pamjen e saj dhe mënyrën se si të rriturit e seksualizuan që në një moshë të re dhe që në moshë të re, Ratajkowski e kuptoi që pamja e saj e bënte të dallohej, veçanërisht në sytë e prindërve të saj.

    Në librin e Amy Schumer ‘’ The Girl With the Lower Back Tattoo’’, flitet për për histori të takimeve dhe të gjitha gjërave të çuditshme që I jetoi. Ajo nuk ka frikë të flasë sinqerisht për pjesët e vështira të jetës së saj, duke përfshirë abuzimin, sulmin seksual dhe sëmundjen e babait të saj./NO FILT

     

  • Kim Kardashian flet hapur për problemin e djalit të saj me vitiligo

    Kim Kardashian flet hapur për problemin e djalit të saj me vitiligo

    Në një episod të fundit të podcast-it “She MD”, Kim Kardashian zbuloi se djali i saj po lufton me vitiligo – sëmundjen e lëkurës që kishte edhe Michael Jackson. Kjo sëmundje e lëkurës, e cila shkakton njolla të bardha për shkak të mungesës së melaninës, është një sfidë e madhe për ata që e përjetojnë.

    Mes shkëlqimit dhe jetës së përditshme, Kim Kardashian (43) konsiderohet një ikonë e bukurisë dhe di si të prezantojë veten. Megjithatë, ajo shpesh ndan pamje nga prapaskenat, duke treguar se jo çdo gjë është aq e përsosur sa duket. Prej kohësh është e njohur që ajo vetë vuan nga psoriasis – një sëmundje autoimune gjenetike që shkakton njolla të kuqe, lëkurë të krisur dhe kruajtje të rëndë.

    Kim Kardashian raporton se ka trashëguar psoriasis nga nëna e saj, Kris Jenner. Ajo ka ndarë me ndjekësit e saj në rrjetet sociale fotografi të ekzemës në këmbët e saj vite më parë dhe ka vënë re shenja të kësaj sëmundje edhe tek fëmijët e saj.

    Ajo nuk zbuloi se cili nga dy djemtë e saj ka vitiligo, por tregoi se ata po e mbajnë sëmundjen “nën kontroll”. Ajo fillimisht dinte pak për vitiligo, por theksoi se ishte një ndihmë e madhe të mësonte për të dhe të kuptonte se është e trashëguar.

    Kim Kardashian tha: Është një bekim të mësosh më shumë për këtë dhe të kuptosh burimin e saj gjenetik./NO FILT

  • Edona James dhe Luana Vjollca, Bora Zemani dhe Klea Huta, ngjashmëria e tyre e ‘’frikshme’’

    Edona James dhe Luana Vjollca, Bora Zemani dhe Klea Huta, ngjashmëria e tyre e ‘’frikshme’’

    Loredana Zefi pati bërë një video duke mbështetur Ilirijana Sadriun në Big Brother VIP Kosova, sepse gjatë qëndrimit të saj brenda shtëpisë thuhej se ngjason shumë me Loredanën.

    Përveç kësaj mbështetjeje virtuale, të dyja para një muaji janë takuar personalisht dhe kanë kaluar kohë së bashku. Madje ndanë një nga momentet së bashku me partnerin e Loredanës, Karim Adeyemi.

    Duket se ngjashmëria e vajzave I miqësoi ato.

    Por, Loredana dhe Iliriana nuk janë të vetmet figura publike që duken pothuajse identic me njëra tjetrën.

    Një shembull tjetër i ngjashmërisë është Edona James, e cila gjatë pjesëmarrjes së saj në një reality shoë ka tërhequr vëmendjen për ngjashmërinë e saj me moderatoren Luana Vjollca. Kjo u vu re më së shumti gjatë një mbrëmje të spektaklit të Big Brother.

    Përveç tyre, edhe Klea Huta dhe Bora Zemani janë dy figura që shpesh krahasohen për fizionominë e ngjashme. Kjo ngjashmëri është vënë re nga shumë njerëz, duke bërë që të dyja të jenë të komentuara në rrjetet sociale.

    Po ashtu, Efi Dhedhes dhe Elvana Gjata janë dy figura të tjera publike që shpesh krahasohen për ngjashmërinë e tyre fizike.

    Olta Gixhari dhe Era Rusi, duken aq të njejta, sa kjo e fundit pati treguar një rast kur një person kishte parë Oltën duke menduar se është Era, dhe I shkroi asaj: Përse bën si mendjemadhe./NO FILT

  • Kënga që i bëri të famshëm- Don Xhon, Era Istrefi, Tayna, Ya Nina

    Kënga që i bëri të famshëm- Don Xhon, Era Istrefi, Tayna, Ya Nina

    Një këngë e vetme, kur promovohet në kohën dhe vendin e duhur, mund të shndërrojë një artist nga një figurë e panjohur në një yll të famshëm. Disa këngë jo vetëm që rritën popullaritetin e artistëve në vend, por disa nga ta edhe prekën skenat e njohura botërore.

    “Bonbon” nga Era Istrefi u publikua në dhjetor të vitit 2015 dhe që nga momenti I publikimit kënga bëri xhiro në rrjet, dhe Era u cilësua si Rihanna e Kosovës. Në vitin 2016, ajo nënshkroi me shtwpinw diskografike amerikane Sony Music dhe e ripublikoi “Bonbon” në version anglisht. Kënga ka arritur në 920 milion klikime në YouTube. Ky hit i dha Erës mundësinë për të krijuar bashkëpunime të rëndësishme me artistë të famshëm ndërkombëtarë. Madje, ajo bashkëpunoi me Will Smith dhe Nicky Jam për të performuar në ceremoninw e mbylljes së Kampionatit Botëror tw futbollit mw 2018, në Moskë.

    Kur jemi tek viti 2018, ky vit nuk ishte me fat vetëm për Erën. Don Phenom, një nga reperët më të njohur në estradën shqiptare, bëri bashkëpunim me reperen Tayna, e cila në atë kohë  nuk ishte e njohur për publikun. Tayna përjetoi famën dhe suksesin e menjëhershëm pas publikimit të asaj këngë. “Columbiana”, në platformën YouTube, ka arritur 75 milion klikime. Sidoqoftë, krahasuar me vitet e kaluara, Tayna tani qëndron më e tërhekur sa I përket projekteve muzikore, mbase për shkak të të prishjes me menaxherin e saj , Rinor Hykollin.

    Kur bëhet fjalë për Kiden, ska si të mos ju kujtohet kënga “Rikthejm na”, në bashkëpunim me reperin Mc Kresha. Ky projekt muzikor u pati publikuar ne vitin 2014 dhe bëri që këngëtarja të dëgjohej nga i madh e i vogël. Sidoqoftë, edhe këtë vit, Kida bashkëpunoi me Kreshën dhe Festimin, gjë që dëshmon se marrëdhënia e tyre shoqërore vazhdon të jetë e mirë. Njejtë si Tayna, edhe Kida ndërpreu kontratën me labelin që kishte nisur karrieren muzikore, On Records. Sot, ajo është 26 vjecare dhe ka një numër të madh të fansave që vazhdojnë ta përkrahin si në fillimet e saj.

    Një tjetër shembull i famës së menjëhershme është Don Xhon, apo ndryshe i njohur si fenomeni i karantinës. Përmes një freestyle, fama e tij u krijua brenda një nate, famë dhe sukses që ai sot e kësaj dite i shijon. Rasti i Don Xhon dëshmon fuqinë e rrjeteve sociale për të krijuar famë dhe sukses të menjëhershëm përmes internetit.

    Një nga yjet e reja në estradën shqiptare, Ya Nina, ndoqi një tjetër rrugë. Nëpërmjet një coveri në gjuhën angleze në youtube, zëri saj arriti të dëgjohej anë e mbanë botës. Ajo kishte vendosur ta këndojw Sugar të artistit Zubi. Sidoqoftë, coveri I Ya Ninës mblodhi gati 50 milion shikime vetëm në youtube.

    Kjo I hapi Ya Ninës dyert e famws dhe përvec shumë projekteve solo muzikore, ajo bashkëpunoi me artistët më in të shoëbizit shqiptar. Ledri Vula, Dafina Zeqiri, janë vetëm disa nga bashkëpuntorët që realizuan hite të mëdha me Ya Ninan./NOFILT

     

  • Dj First me komentin epik mbi kualitetin e muzikës sot: Muzika nuk ngohet por kqyret

    Dj First me komentin epik mbi kualitetin e muzikës sot: Muzika nuk ngohet por kqyret

    Aktiv tash e shumë vite në skenë si DJ, tashmë dhe një periudhë të gjatë bashkëpunëtore e DJ i artistës Kida, DJ First shprehet i revoltuar ndaj mënyrës së funksionimit të muzikës dhe estradës në vend.

    I ftuar në The Elite Way, DJ First thotë se defekti kryesorë është që ka humbur interesimi i njerëzve për të dëgjuar muzikën, ka ndryshuar kahja dhe publiku vjen për ta parë muzikën dhe jo dëgjuar.

    Për kaq shumë vite në skenë, po ashtu DJ First rrëfen edhe problematikat që mbrëmja të përfundojë mirë dhe pa incidente pasi që sipas tij puna e artistit varët shumë nga gabimet që mund t’i bëjë DJ.

    Ndër të tjera, DJ first është ndër emrat më të njohur dhe më të suksesshëm me performancat e tij.

    Për të parë emisionin e plotë kliko linkun- https://www.youtube.com/watch?v=p4BfbOduyzw&t=837s