Category: SHOWBIZ

Reperi Travis Scott është liruar nga burgu pasi në fillim të kësaj jave u akuzua për një sulm të dyshuar ndaj një roje sigurimi.

Në disa video në rrjetet sociale, Scott u pa duke iu lutur policisë që ta ndihmonin me fotoreporteret dhe fansat. Në vend të kësaj, oficerët reaguan ashpër, e arrestuan dhe e mbajtën për 24 orë.

“Mund të konfirmoj se më 9 gusht 2024, oficerët e policisë u thirrën në hotelin George V dhe arrestuan reperin Travis Scott për sulm ndaj një roje të sigurimit’’, tha prokuroria e Parisit në një deklaratë të premten.

Scott mori pjesë në gjysmëfinalen e basketbollit të Lojërave Olimpike për meshkuj, por lidhur me rastin nuk bëri ndonjë reagim./NO FILT

Anëtarja më e re e familjes Kardashian/Jenner festoi ditëlindjen më 10 gusht.

Kylie Jenner mbushi 27 vjeç dhe motra e saj e madhe, Kim Kardashian vendosi ta festonte këtë moment duke postuar disa foto të tyre së bashku ndër vite.

“Dua të falënderoj universin që më bekoi me një motër kaq të ëmbël sa ti. Budallallëku, mirësia dhe dashuria jote janë dhuratat më të mëdha që mund të kërkoja ndonjëherë”, ka shkruar ajo.

Përveç festës së ditëlindjes së mbushur me yje sipas storieve në Instagram, vera e Kylie ka qenë e mbushur me aksion. Ajo bëri dy udhëtime në Evropë, duke bërë ndalesa në Itali me fëmijët e saj dhe Spanjë./No Filt

Miley Cyrus u nderua si legjendë e Disney-t të dielën mbrëma dhe e shfrytëzoi momentin për të treguar pak dashuri për ditët e saj në Hannah Montana.

Në eventin e fansave të Disney D23 në Anaheim, Cyrus ishte një nga 14 të nderuarit e njohur për ndikimin e tyre në trashëgiminë e kompanisë. Miley ishte personazhi kryesor i serisë të Disney Channel për katër sezone midis 2006 dhe 2011.

“Unë patjetër do të qaj”, tha  ajo.

Cyrus vazhdoi, “Pak nga gjithçka ka ndryshuar që nga ajo ditë, por në të njëjtën kohë asgjë nuk ka ndryshuar . Unë qëndroj këtu ende krenare që kam qenë Hannah Montana sepse ajo e bëri Miley-n në shumë mënyra. Ky çmim i dedikohet Hanës dhe të gjithë fansave të saj të mrekullueshëm, besnikë dhe të gjithëve që e kanë bërë ëndrrën time realitet.

Hannah Montana është një serial televiziv amerikan që u transmetua për herë të parë në Disney Channel nga viti 2006 deri në vitin 2011. Ky serial fokusohet në jetën e një adoleshenteje të quajtur Miley Steëart, e cila jeton një jetë të dyfishtë: gjatë ditës është një vajzë normale e shkollës, ndërsa në mbrëmje është një yll i madh i muzikës i quajtur Hannah Montana.

Në rolin e Miley Stewart/Hannah Montana është Miley Cyrus, e cila është edhe emri i artistit të vërtetë. Seriali shquhet për ngjarjet e tij komike dhe dramatike që ndodhin nga përpjekjet e Miley për të mbajtur sekretin e saj dhe për të balancuar jetën e saj të zakonshme dhe atë të famshme./NO FILT

Yll Limani ka ndarë lajmin në Instagram se bashkëpunimi i tij me Dhurata Dorën në EP ka pasur sukses të jashtëzakonshëm. Këngëtari njoftoi se këngët janë dëgjuar 40 milionë herë dhe vazhdojnë të dëgjohen çdo ditë.

“40 milionë herë janë dëgjuar dhe po vazhdojnë akoma. Vera me ty po bëhet më e fortë,” shkruan ai në postim.

EP-ja, e titulluar “Vera me ty,” përmban 5 këngë, të cilat janë realizuar gjithashtu me klipe muzikore.

Nga këto këngë, “Malli” ka arritur të jetë më e dëgjuara në platformën YouTube.

Një incident i rëndë ka ndodhur mbrëmjen e së martës në një restorant në kryeqytet, ku një vajzë është sulmuar brutalisht teksa ishte duke ngrënë darkë. Viktima, e identifikuar si Klea Prenga, ka denoncuar publikisht përmes pamjeve dhe emrave se ka qenë viktimë e një sulmi të dhunshëm.

Sipas dëshmisë së Klea Prengës, ajo është goditur papritur nga pas, ku një person i ka thyer një shishe qelqi në fytyrë. Ajo ka akuzuar për këtë sulm dy motra, Mariela dhe Antonela Berisha, ku kjo e fundit është e njohur për publikun. Në denoncimin e saj, Klea ka ndarë me publikun momentet tronditëse të dhunës dhe dëmtimet që ka pësuar si pasojë e këtij akti.

KUJDES: PAMJE TË RËNDA 

Policia e Shtetit ka reaguar menjëherë pas ngjarjes, duke njoftuar se është duke punuar intensivisht për lokalizimin e të dyshuarave. Antonela Berisha, 28 vjeçe, dhe Mariela Berisha, 28 vjeçe, të dyja banuese në Tiranë, janë shpallur në kërkim për veprën penale “Plagosje e rëndë me dashje” kryer në bashkëpunim. Autoritetet janë duke ndërmarrë të gjitha hapat e nevojshme për të sjellë para drejtësisë personat e përfshirë në këtë akt të dhunshëm.

“Specialistët për Hetimin e Krimeve të Komisariatit të Policisë Nr. 1 kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë dhe po punojnë për lokalizimin e shtetaseve A. B., 28 vjeçe, dhe M. B., 28 vjeçe, të dyja banuese në Tiranë, për veprën penale “Plagosja e rëndë me dashje” kryer në bashkëpunim, parashikuar nga neni 88/25 i Kodit Penal. Këto dy shtetase, në bashkëpunim me njëra-tjetrën, në ambientet e një lokali në Tiranë, dyshohet se kanë goditur me shishe qelqi në fytyrë shtetasen K. P., 24 vjeçe”,– njofton policia, sipas TCH.

Ndërkohë, ky është reagimi i bërë nga modelja Klea Prenga në Instagram, duke treguar se si ka ndodhur ngjarja:

“Të martën, rreth orës 21:30, teksa isha duke ngrënë qetësisht në një restorant në Tiranë, u përballa me një sulm të papritur dhe të dhunshëm. Dikush më goditi nga pas dhe më theu një gotë në fytyrë ndërsa po haja. Dëmtimet janë të rënda dhe kam shpëtuar për një qime. Tronditja e asaj nate është e paimagjinueshme.

Sulmi u krye nga Mariela Berisha dhe Antonela Berisha.

As ato dhe askush tjetër nuk mund ta shkatërrojë fytyrën dhe imazhin tim. Më vjen keq për to, sepse e tyrja është e shkatërruar me kohë. Nga anët tona as hasmi nuk goditet duke ngrënë. Po të ishe aq gangstere sa të duket vetja, do më kishe ardhur përballë.

Sa për mesazhin kërcënues që ke dërguar pasi ke kryer sulmin.Mua nuk ma prishin dot imazhin fundërrina si ju qe ju njeh e gjithë Shqipëria. Ti nuk ke familje vajzë e dashur që të të hyet në mes. Ti del e tregon përralla nëpër media për jetën tënde.

Femra xheloze si puna juaj meritojnë të izolohen në një spital mendor, sepse as sulmet e juaja të dhunshme nuk do të mundin të më shkatërrojnë mua apo jetën time. Femra si puna juaj janë mësuar me jetën e rrugës dhe aq kapacitet keni sa të arrini në veprime të tilla jo njerëzore.

Por mua nuk ma prishni dot identitetin dhe vlerat e mia sepse vij nga një familje me vlera dhe integritet dhe asgjë nuk mund ta ndryshojë këtë. Do jua çjerr maskën shumë shpejt. Regjistrimet e kamerave janë në dorën e shtetit dhe do të publikohen së shpejti.

Jam mirënjohëse që jam ende këtu dhe se nuk përfundoi më keq. Policia po heton ngjarjen, dhe shpresoj që drejtësia të vihet në vend. Ky sulm nuk do të më ndalojë; përkundrazi, do të më bëjë më të fortë dhe më të vendosur”, ka shkruar Prenga. /Telegrafi/

Dy persona janë arrestuar në Austri pasi dyshohet se kanë planifikuar sulm në koncertin e Taylor Swift, raporton gazeta austriake “Kronen Zeitung”.

Një nga të arrestuarit është një 19-vjeçar austriak “me prejardhje nga Maqedonia e Veriut” që “ka jetuar me familjen e tij në Ternitz” .

Ai u arrestua “nën dyshimin për terrorizëm”.

Franz Ruf, drejtor i sigurisë publike në ministrinë e brendshme të Austrisë, tha se autoritetet ishin të vetëdijshme për “veprime përgatitore” për një sulm të mundshëm“.

Ruf tha se 19-vjeçari është qytetar austriak i cili ishte betuar për besnikëri ndaj grupit të Shtetit Islamik dhe besohet se është radikalizuar në internet.

Është shpallur lista e nominimeve në MTV Music Video Awards 2024.

Ceremonia vjetore, e cila nderon yjet më të mëdhenj të muzikës në botë, do të mbahet më 11 shtator.

Taylor Swift ka kryesuar me nominime këtë vit, ku është nominuar në gjithsej 10 kategori.

Artistja shqiptare me famë botërore, Dua Lipa, po ashtu është nominuar në tri kategori.

Ajo edhe sivjet u nominua për ‘këngën më të mirë pop’, për ‘koreografinë më të mirë’ në “Houdini” që u realizua nga ‘Charm La’Donna’ si dhe për ‘kinematografinë më të mirë’ nga Nikita Kuzmenko për “Illusion”.

Krijuesja e hitit “Levitating” e ka ndarë lajmin e gëzueshëm edhe me ndjekësit në Instagram.

Në 2021, Dua ishte shqiptarja e vetme që u nominua në katër kategori. /Telegrafi/

Reperi i njohur Noizy dhe DJ i tij, Crax, thuhet se janë arrestuar në mesnatë në një klub nate në Shëngjin.

Sipas një njoftimi të bërë nga Policia e Shtetit, arrestimi i tyre u bë nga ‘Fast’, pasi ishin shpallur prej disa ditësh në kërkim nga Policia e Kosovës.

Në deklaratën e tyre thuhet tutje se arrestimi u bë me qëllim ekstradimin në Kosovë.

Njoftimi i plotë i Policisë së Shtetit:

“Finalizohet operacioni policor i koduar “Fast”.

Kapen nga Fast Albania dhe vihen në pranga 2 shtetas të kërkuar nga Policia e Kosovës.

Në vijim të operacioneve të njëpasnjëshme për kapjen e shtetasve të shpallur në kërkim, nga Drejtoria e Forcës së Posaçme Operacionale, Sektori për Kërkimin, Njësia “FAST Albania” në Departamentin e Policisë Kriminale në PSH, është marrë informacion nga FAST Kosova, për 2 shtetas të kërkuar për llogari të Kosovës, që mund të fshiheshin në Shqipëri.

Menjëherë, FAST Albania, bazuar në inteligjencën policore, bëri të mundur lokalizimin e 2 të kërkuarve, dhe në kuadër të operacionit policor “Fast”, kapi në Lezhë dhe arrestoi 2 shtetasit e shpallur në kërkim nga Policia e Kosovës, konkretisht shtetasin R. R., nga Durrësi, dhe shtetasin B. B., nga Prishtina.

Kapja dhe arrestimi i tyre u bënë me qëllim ekstradimin në Kosovë”. /Telegrafi/

Jennifer Lopez më në fund hoqi unazën e saj të martesës të hënën, mes spekulimeve se ajo dhe Ben Affleck nuk janë më në bisedë për paraqitje të divorcit.

Këngëtarja, 55 vjeçe, ka qenë në krye të medieve së bashku me bashkëshortin e saj aktor, 51 vjeç, të dy duke u përfshirë nga thashethemet e divorcit pasi DailyMail.com zbuloi ekskluzivisht se dokumentet ishin finalizuar, por ende të padorëzuara.

Lopez bëri një deklaratë sfiduese ndërsa shfaqi duart e saj pa unazë, pasi më parë kishte ndërruar unazën e saj të martesës në dorën e saj të djathtë, ndërsa kontrollonte një rezidencë milionadollarëshe në Beverly Hills, shkruan DailyMail.

Ylli dukej e zymtë ndërsa doli me fëmijën e saj, Emme, 16 vjeç, ndërsa ishte e veshur me një bluzë të zezë dhe pantallona ngjyrë bezhë me bel të lartë, pasi u kthye në Los Angeles, nga një qëndrim i gjatë në Hamptons.

Flokët e saj ishin të lëshuara në valë të buta dhe kishte një palë syze të mëdha.

Kjo shënon herën e parë që ylli i ka hequr tërësisht rrathët e saj të dasmave, pasi Affleck tregoi dorën e tij pa unazë, ditë më parë. /Telegrafi/

Si interpretuese e një kënge të titulluar “Ferrari”, Bebe Rexha mund të përballojë të blejë një “Ferrari” të vërtetë me gjithë paratë që ka fituar!

Sipas Celebrity Net Worth, këngëtarja me famë ndërkombëtare është vlerësuar se ka një pasuri neto në shumë prej rreth tetë milionë dollarësh (7.4 milionë euro) në vitin 2024.

Bukuroshja bionde, 34 vjeçare, filloi karrierën e saj solo në vitin 2013 kur nënshkroi kontratë me shtëpinë diskografike Warner Bros. Records pas suksesit të saj si kompozitore, shkruan OK Magazine.

Para se të futej në skenë si performuese, Rexha shkroi këngën “Glowing” të Selena Gomez dhe “The Monster” të Eminem dhe Rihanna, e cila u përfshi në albumin e katërt të reperit, “The Marshall Mathers LP 2”. Ylli gjithashtu kompozoi dhe bashkëprodhoi këngë për emra të mëdhenj si Pitbull, David Guetta, Bella Thorne, Iggy Azalea dhe Nick Jonas.

Sa i përket karrierës së saj muzikore, Rexha publikoi këngën e saj të parë solo, “I Can’t Stop Drinking About You”, më 21 mars 2014. Kënga arriti në vendin e 22 në top-lista, gjë që e çoi atë të publikojë EP-në e saj debutuese, “I Don’t Wanna Grow Up”, në vitin 2015.

Në vitin 2017, ajo publikoi një dokumentar për ngritjen e saj në yllësi, “Bebe Rexha: The Ride”, i cili u shfaq premierë në MTV.

Në vitin 2018, Rexha debutoi me albumin e saj të parë, “Expectations”, dhe u nominua për dy çmime, “Artistja e re më e mirë” dhe “Performanca më e mirë duo/grup e zhanrit country” në ‘Grammy Awards 2018’.

Rexha më pas bashkëpunoi me disa emra shumë të njohur për këngë si “No Broken Hearts” me Nicki Minaj, “Back to You” me anëtarin e One Direction, Louis Tomlinson dhe “The Way I Are (Dance With Somebody)” me Lil Wayne.

Një nga hitet më të mëdha të Rexha, “Me, Myself & I,” ku përfshihej G-Eazy, arriti kulmin në vendin e shtatë në Billboard Hot 100 dhe vendin e parë në U.S. Pop Songs Chart.

Pavarësisht suksesit gjatë bashkëpunimit me reperin dhe producentin, në qershor, ajo tregoi se nuk kishte më raporte të mira me 35-vjeçarin.

“G Eazy, ti e ke numrin tim”, shkroi Rexha së bashku me një pamje të një bisede grupi, ku e pyetnin për mundësinë e një bashkëpunimi të ri me G-Eazy.

“Pse nuk më dërgon një mesazh dhe të më pyesësh vetë, ti mendjemadh i pashpirt. Je me fat që njerëzit po të pëlqejnë përsëri. Sepse mund të flas për të gjitha gjërat e këqija që ke bërë dhe si më ke trajtuar pasi të dhashë hitin tënd të vetëm të vërtetë”, vazhdoi ajo.

Gjithashtu, këngëtarja publikoi një fotografi të saj me Halseyn, e cila kishte një romancë me G-Eazy, me mbishkrimin: “Bebe Rexha dhe Halsey duke folur për mënyrën se si e mbajtën karrierën e G-Eazy”.

Mosmarrëveshja mes tyre mund të ketë filluar nga performanca e G-Eazy-së me këngën e tyre “Me, Myself & I” me Britney Spears në MTV Video Music Awards në vitin 2016. /Telegrafi/