Category: Showbiz

Al Pacino, një nga aktorët më të shquar të kinemasë, tani është në të 80-at e jetës së tij. Karriera e tij ka nisur në fund të viteve ’60, duke përfshirë role të shumta në teatër, filma, dhe projekte televizive për të cilat ka fituar çmime të shumta.

Roli i tij i parë që i solli një vlerësim të madh ishte në një shfaqje teatrale, “Does a Tiger Ëear a Necktie” (1969), ku luajti një adoleshent të varur nga droga, duke fituar çmimin Tony si Aktori Më i Mirë në një Rol Dytësor.

Roli i tij i famshëm si Michael Corleone në “The Godfather” (1972) ishte një pikë kthese. Në fillim studioja preferonte aktorë si Robert Redford, por regjisori Francis Ford Coppola insistoi për Pacinon. Ai fitoi një nominim për çmimin Oscar dhe e përsëriti rolin në vazhdimet “The Godfather Part II” dhe “The Godfather Part III”, ku mori një tjetër nominim për Part II.

Pas suksesit të tij në “The Godfather”, Pacino luajti në filmin “Scarecroë” (1973) përkrah Gene Hackman.

Më pas, në “Serpico” (1973), ai portretizoi një oficer policie të ndershëm që përpiqet të zbulojë korrupsionin në departament, duke fituar nominime për Oscar dhe Golden Globe, si dhe një fitore në këtë të fundit.

Në “Dog Day Afternoon” (1975), Pacino luajti një hajdut bankash, bazuar në një ngjarje të vërtetë, duke fituar një tjetër nominim për Oscar dhe Golden Globe.

Në filmin “Scarface” (1983), Al Pacino portretizoi Tony Montana, një bos droge të pamëshirshëm, duke krijuar një nga personazhet më ikonike dhe të paharrueshme në historinë e kinemasë.

Roli si një kolonel i verbër në “Scent of a Ëoman” (1992) i solli atij çmimin e parë Oscar si Aktori Më i Mirë. Kjo mbetet e vetmja fitore Oscar e Pacinos deri tani.

Këto janë vetëm disa nga filmat dhe rolet ikonike që kanë shënuar karrierën e jashtëzakonshme të Al Pacinos. Me një trashëgimi artistike të pasur dhe ndikim të madh në industrinë e filmit, Pacino mbetet një nga figurat më të mëdha të kinemasë botërore, duke frymëzuar breza të tërë aktorësh dhe adhurues të artit./ NO FILT

Melania Trump, do të jetë pjesë e një dokumentari të ri nga Amazon.

Melania Trump do të mbajë rolin e producentes ekzekutive në këtë projekt të Prime Video, i cili pritet të publikohet më vonë gjatë këtij viti.

Amazon ka zbuluar pak detaje për dokumentarin, por ka shprehur entuziazmin për të ndarë këtë “histori vërtet unike” me publikun.

As Melania Trump dhe as Presidenti i zgjedhur, Donald Trump, nuk kanë komentuar për dokumentarin që pas publikimit të tij. Pjesëmarrja e saj e plotë mbetet e paqartë, megjithatë, roli si producente ekzekutive tregon se ajo ka një kontroll të rëndësishëm mbi përmbajtjen dhe drejtimin e filmit.

Xhirimet për projektin nisën në dhjetor të vitit 2024 dhe dokumentari do të shfaqet si në kinema, ashtu edhe në platformën Prime Video gjatë gjysmës së dytë të vitit 2025, sipas deklaratës së Amazon.

“Ndërsa xhirimet avancojnë dhe planet për publikim përfundojnë, Prime Video do të ndajë më shumë detaje për këtë projekt,” tha kompania. “Jemi të lumtur të ndajmë këtë histori të jashtëzakonshme me miliona shikues në mbarë botën.”

Dokumentari do të drejtohet nga Brett Ratner, një regjisor i njohur, i cili në vitin 2017 u përball me akuza për sjellje të papërshtatshme seksuale, përfshirë pretendime nga aktorja Olivia Munn. Ratner i ka mohuar këto akuza përmes avokatit të tij.

Ky dokumentar përfaqëson projektin më të fundit mediatik të Melania Trump, e cila në tetor të vitit të kaluar publikoi një autobiografi që u bë bestseller në New York Times dhe Amazon.

Që pas largimit nga Shtëpia e Bardhë në vitin 2017, Zonja Trump ka bërë vetëm disa paraqitje publike me bashkëshortin e saj. Disa media raportojnë se ajo nuk planifikon të jetojë në Shtëpinë e Bardhë kur Donald Trump të rikthehet në Washington këtë muaj.

Ky projekt gjithashtu nënvizon lidhjen e vazhdueshme mes presidentit të zgjedhur dhe themeluesit të Amazon, Jeff Bezos.

Muajin e kaluar, Bezos njoftoi një donacion prej 1 milion dollarësh për fondin e inaugurimit të Trump, si dhe një kontribut shtesë në shërbime me të njëjtën vlerë. Ai gjithashtu konfirmoi se Amazon do të transmetojë ceremoninë e inaugurimit në platformën Prime.

Bezos së fundmi përshkroi fitoren e Trump-it si “një rikthim politik të jashtëzakonshëm” dhe darkoi me të në rezidencën Mar-a-Lago në Florida./ NO FILT

Demi Moore ka bërë një rikthim triumfues në Golden Globes, duke fituar çmimin për aktoren më të mirë për rolin në filmin The Substance.

62-vjeçarja mbajti një fjalim emocionues teksa pranoi çmimin, duke i thënë audiencës se ishte “në një moment të ulët” para se të zgjidhej për këtë rol.

Moore tha se çmimi ishte një festim i “dhuratës për të bërë diçka që e dua dhe për të kujtuar se unë e meritoj të jem këtu”.

Ndër fituesit e tjerë të filmave ishin Emilia Pérez, The Brutalist dhe Ëicked, ndërsa Baby Reindeer dhe Shōgun morën çmimet kryesore. Golden Globes, si ceremonia e parë madhore e sezonit të çmimeve, konsiderohet një tregues i fortë për fituesit e mundshëm në Oscars.

Një nga surprizat më të mëdha të natës ishte aktorja braziliane Fernanda Torres, e cila fitoi çmimin për aktoren më të mirë në dramë për performancën e saj të jashtëzakonshme në I’m Still Here, duke mposhtur konkurrencën e emrave të mëdhenj të Hollyëood-it si Angelina Jolie dhe Nicole Kidman./NO FILT

Këngëtarja e njohur shqiptare, Shkurte Fejza është bërë gjyshe e një nipi.

Djali i saj Arbër, dhe gruaja e tij Erëza, sollën në jetë Progonin.

Përmes një postimi në Instagram, Shkurte bënë me dije me ky emër rrjedh sipas themeluesit të Principatës së parë të Arbërit.

Një kamerier i akuzuar për furnizim me drogë për Liam Payne para vdekjes së tij është arrestuar, sipas mediave argjentinase.

Braian Paiz, 24 vjeç, ishte një nga pesë personat e akuzuar për vdekjen e yllit të popit.

Ish ylli i One Direction vdiq pasi u rrëzua nga një ballkoni i katit të tretë në hotelin Casa Sur në Buenos Aires më 16 tetor të vitit të kaluar.

Paiz dhe një punonjës hoteli, Ezequiel Pereyra, u akuzuan për furnizim me drogë në dy raste, një vepër që mbart një dënim deri në 15 vjet, tha të hënën Zyra e Prokurorit Publik argjentinas.

Media të ndryshme argjentinase kanë raportuar se Paiz u arrestua në shtëpinë e tij në Ingeniero Budge të premten. Raportet gjithashtu pretendojnë se policia bastisi shtëpinë e Pereyras, por nuk e gjeti atë atje.

Takimi i munguar prej vitesh dhe i shumëpritur i këngëtares Parashqevi Simaku dhe djalit të saj, Luke Nolfe ishte emocionues për vetë protagonistët e kësaj historie, por edhe për publikun që ndoqi disa momente nëpërmjet “Instagram”-it të biznesmenit Elton Ilirjani, që ndihmoi për këtë ribashkim.

Ilirjani ndau disa çaste nga takimi i nënë e bir, ku i pranishëm ishte dhe ish-bashkëshorti i këngëtares dhe babai i djalit, Robert Nolfe.

“Ai është nervoz. Faleminderit, Zoti të bekoftë ty Elton dhe Zoti bekoftë Robertin”, u shpreh në fillim këngëtarja, teksa dukej qartë emocioni që po përjetonte dhe mirënjohja për ata që e ndihmuan të bënte ëndrrën e saj realitet.

“O shpirt i mamit, o dielli im”, i drejtohet ajo djalit, ndërsa e pyet nëse mban mend gjë nga Shqipëria, po ai përgjigjet: “Jo”.

I pyetur nga Elton Ilirjani, Luke Nolfe pohoi se ndihet mirë që ritakoi pas shumë vitesh nënën e tij.

Elton Ilirjani: Luke si ndihesh, ndihesh mirë?

Luke Nolfe: Po!

Elton Ilirjani: E do nënën tënde?

Luke Nolfe: Po!

Elton Ilirjani: Si e gjete… të pëlqen pamja këtu, është një pamje shumë e bukur?

Luke Nolfe: Më pëlqen!

“Luka e dëgjoi gjashtë herë këngën ‘E duam lumturinë’. U krenua me nënën e vetë! Nuk e prisja këtë reagim pozitiv pas kaq shumë vitesh. Dashuria triumfoi sërish dhe gjithmonë do të triumfojë. Dashuria nuk blihet me para. Kjo histori nuk kishte nevojë për para dhe këtë ma mësoi Parashqevi Simaku”, u shpreh Ilirjani që dëshmoi takimin e rrallë familjar.

Ndërsa vetë këngëtarja, pas takimit përshkroi në një tjetër video ndjesitë e saj.

“Një falenderim për këtë engjëllin që bëri një mrekulli për mua, nuk e harroj sa të vdes. Një përshëndetje shpirtërore nënës së tij, që u bë shkak që Eltoni të linte luksin e Majemit dhe të vinte këtu. Nuk e harroj sa të ves, e ka derën e zemrës të hapur, edhe djali, edhe Roberti kanë të njëjtën dashuri”.

Për Eltonin, me realizimin e këtij takimi, u vu në vend amaneti i nënës së tij, që ndonëse është në gjendje të rënduar shëndetësore, i kërkoi të birit të bashkojë Parashqevinë me djalin.

“Heroina e kësaj historie është Hanko Ilirjani, që më rriti me dashuri dhe këngët e Parashqevi Simakut. Ajo edhe pse e sëmurë në shtrat, më tha: Aspak nuk je i pasur nëse nuk gjen dhe bashkon Parashqevinë me djalin! Kot thua që jetoj në New York”, shprehet biznesmeni. /tch

Dëshira e saj  më e madhe prej vitesh, sot është bërë realitet! Parashqevi Simaku ka takuar këtë të premte djalin e saj Luke, ndërsa biznesmeni Elton Iliriani ka publikuar fotot e momentit emocionues.

Ikona e muzikës shqiptare shfaqet krah të birit, duke e përqafuar dhe puthur, një takim që ajo e priste prej vitesh.

Sipas Ilirianit, takimi ka ndodhur edhe në prezencë të ish bashkëshortit të saj, Robert Nolfe.

“Zoti të bekoftë Elton, dhe ty Robert”, shprehet ajo.

Ndërsa i biri teksa Iliriani e pyet si ndihet dhe nëse ai e do nënën e tij ai përgjigjet: Ndihem mirë, e dua!

Rita Ora ka mahnitur me stilin e saj gjatë prezantimit të shfaqjes së Vitit të Ri të Dick Clark në Manhattan.

Këngëtarja 34-vjeçare ishte e veshur me një pallto të kuqe me gëzof, duke kombinuar elegancën dhe shkëlqimin me një fustan të zi lëkure.

Veshja e saj, që kishte një zinxhir të plotë dhe dekolte të lartë, përfundonte në një fund të rrjedhshëm. Ajo i shtoi pamjes së saj çizme të trasha dhe një topuz të vogël për flokët, shkruan DailyMail.

Rita, e cila bashkë-prezantoi ngjarjen me Ryan Seacrest, ishte dukshëm e entuziazmuar për rolin e saj si mikpritëse dhe u shfaq e buzëqeshur ndërsa ecte përmes një qendre tregtare.

Më herët gjatë ditës, ajo kishte veshur një ansambël më të relaksuar, duke kombinuar pallton e kuqe me një palë tuta sportive Adidas dhe trajnerë të zinj.

Në paraqitjen e saj në ‘Dick Clark’s Rockin’ New Year’s Eve’, Rita shpalli në rrjetet sociale se përveç prezantimit, do të performonte gjithashtu gjatë natës festive, duke ftuar fansat të shikonin programin në ABC.

Kjo paraqitje erdhi pas largimit të Ritës nga paneli i ‘The Masked Singer’, ku ishte zëvendësuar nga Maya Jama.

Ajo ka lënë gjithashtu disa projekte televizive për t’u fokusuar në muzikën e saj të re.

Rita ka paralajmëruar se do të kthehet në studio për të punuar në projekte muzikore dhe filmike gjatë vitit 2025.

Albumi i fundit i Ritës, ‘You & I’, u publikua në vitin 2023, dhe ajo ka qenë aktive duke promovuar muzikën e saj ndërsa ishte larg ekranit. /Telegrafi/

Pesë persona janë akuzuar në lidhje me vdekjen e Liam Payne, duke përfshirë miqtë e ngushtë Roger Nores.

Sipas Prokurorisë së Shtetit argjentinas, menaxherja e hotelit Gilda Martin, punonjësi i hotelit Esteban Grassi dhe miku i këngëtarit të ndjerë, Roger Nores u akuzuan për vrasje nga pakujdesia, ndërsa punonjësit Braian Paiz dhe Ezequiel Pereyra u akuzuan për furnizim me drogë.

Sipas informacioneve të portalit argjentinas Infobae, gjykata ka urdhëruar që dy nga pesë të akuzuarit të mbahen në paraburgim. Ata janë thirrur të paraqiten në gjykatë brenda 24 orëve.

Ndryshe, sipas informacioneve të fundit, numri i të dyshuarve në hetim është rritur nga tre në pesë persona. Pak ditë më parë, policia argjentinase i dërgoi një fletëthirrje për t’u marrë në pyetje të dashurës së tij, Kate Cassidy.

Policia shpjegoi se Cassidy nuk ishte e dyshuar, por se ata shpresonin se ajo mund të jepte informacion shtesë që do të ndihmonte në sqarimin e rrethanave të vdekjes së tij.

Kujtojmë se tre javë pas vdekjes së Liam Payne, prokurorët në Argjentinë përjashtuan si shkak vetëvrasjen, duke deklaruar se ai ka qenë ndoshta pa ndjenja kur u rrëzua.

Zyrtarët thanë se morën vendimin pasi arritën në përfundimin se Payne kishte të ngjarë të ishte pa ndjenja kur ra nga ballkoni i katit të tretë të hotelit CasaSur Palermo në Buenos Aires më 16 tetor, duke pasur parasysh se kishte mungesë të “reflekseve të mbijetesës”. /Telegrafi/

Fotografi i njohur me famë botërore, Fadil Berisha, ka ndarë një moment të veçantë me artisten e njohur shqiptare Parashqevi Simaku gjatë një takimi në Shtetet e Bashkuara të Amerikës.

Ky takim, i mbushur me emocione dhe respekt të ndërsjellë, shënon një rikthim në kujtime dhe vlerësim për kontributet e tyre në art dhe kulturë.

Berisha, i cili ka ndërtuar një karrierë të shkëlqyer në fushën e fotografisë në SHBA, e vlerësoi Simakun për rolin e saj si pionere e modernizmit në muzikën dhe artin shqiptar. “Është shumë bukur që shohësh të gjithë njerëzit që tregojnë dashuri për ty.

Ti e di çfarë ylli je. Ishe e para që solli nga Shqipëria modernizmin në muzikë dhe art,” u shpreh Berisha, duke ndarë respektin e tij për figurën ikonike të këngëtares.

Nga ana tjetër, Parashqevi Simaku vlerësoi arritjet e Fadil Berishës dhe e përmendi si një shembull frymëzimi për shqiptarët kudo në botë. Gjatë bisedës, ajo kujtoi dhe aktorin e famshëm me origjinë shqiptare, Jim Belushi, si dhe shprehu mirënjohjen e saj ndaj Elton Ilirjanit, të cilin e quajti “shpëtimtarin e saj”.

Ky takim i rrallë mes dy ikonave shqiptare është një dëshmi e lidhjes së fortë që arti dhe kultura krijojnë mes njerëzve, pavarësisht largësisë dhe kohës. Fadil Berisha dhe Parashqevi Simaku vazhdojnë të frymëzojnë me kontributet e tyre dhe të tregojnë se rrënjët shqiptare mbeten gjithmonë burim krenarie dhe vlerash të përbashkëta. /Telegrafi/