Category: Showbiz

A$AP Rocky u shfaq në New York me disa blerje të reja, përfshirë një çantë të madhe Bottega Veneta, prej lëkure portokalli të ndezur.

Çanta, ka një çmim prej 14,500 dollarësh — por Rocky nuk u ndal me kaq. Reperi e personalizoi atë me katër varëse të vogla prej bronzi në formën e shkronjës “R” —për Rocky, Rihanna dhe dy djemve të tyre, RZA 2-vjeçar dhe Riot 1-vjeçar.

Bottega Veneta ofron mundësinë për të shtuar varëse të tilla në çdo çantë për 125 dollarë secila në dyqanet e saj, duke e çuar vlerën totale të çantës së Rocky-t në 15,000 dollarë.

Kourtney Kardashian, Spencer Pratt dhe Heidi Montag janë ndër personazhet e njohura që janë bashkuar për të shprehur keqardhjen e tyre për mbylljen e TikTok-ut në SHBA, pasi aplikacioni u ndalua të Shtunën.

Ylli i “Kardashians”, 45 vjeç, përdori Instagram Story për të ndarë një përmbledhje videosh ku promovonte markën e saj të vitaminave, Lemme, përmes TikTok-ut.

“Nëse kjo është lamtumira, të duam @TikTok,” shkroi ajo, shoqëruar me një zemër të bardhë.

Heidi Montag, 38 vjeç, dhe bashkëshorti i saj, Spencer Pratt, 41 vjeç, gjithashtu ndanë një video ku numëronin minutat deri në momentin kur aplikacioni i dashur për rrjetet sociale i përjashtoi amerikanët nga platforma.

“Po thonë se kanë mbetur vetëm pesë minuta nga TikTok!” tha këngëtarja e “I’ll Do It” me një ton argëtues, sipas US Sun. “Oh jo, çfarë do të bëjmë tani? Jo, jo, jo.”

“Të lutemi, Jezus, na duhet kjo, ndihmoje familjen tonë, të lutemi Zot,” vazhdoi ajo, duke aluduar se aplikacioni e kishte ndihmuar familjen e saj që kur humbën shtëpinë në zjarrin e Pacific Palisades këtë muaj.

Lizzo, 36 vjeç, u shfaq optimiste se TikTok “do të shpëtohej” pasi Presidenti i zgjedhur Donald Trump premtoi të “shpëtonte” platformën, sipas raportimeve.

Megjithatë, këngëtarja e “Pink” pranoi se ishte skeptike ndaj motiveve të qeverisë amerikane për heqjen e aplikacionit, duke thënë: “A nuk mendoni se qeveria kënaqet duke na parë të stresuar, të frikësuar dhe të shqetësuar? Kjo ndjesi është e vërtetë.”

Kylie Jenner është fotografuar me të dashurin e saj, aktorin Timothée Chalamet.

Dyshja ishin dorë për dore teksa hynë në hotelin Royal Manceau në Paris. Para kësaj, sipas raportimeve, ata kanë darkuar në restorantin e shefit të famshëm francez Cyril Lignac.

Për këtë rast Kylie kishte veshur një ‘jumpsuit’ të zi të ngushtë dhe taka të zeza, ndërsa në duar mbante një pallto të zezë.

Chalamet zgjodhi xhinse të thjeshta dhe një bluzë të bardhë, me të cilën kishte veshur një shall rozë dhe një kapele të së njëjtës ngjyrë.

Kjo dalje e tyre vjen disa ditë pasi ata u shfaqën së bashku në Golden Globes të këtij viti.

Page Six më pas raportoi se ata nuk ecën bashkë në tapetin e kuq sepse Kylie donte që fokusi të ishte te Timothée. /Telegrafi/

Dekorim Sahiti, menaxheri i njohur në industrinë muzikore, ka ndarë së fundmi një paralajmërim për fansat e Ghetto Geasyt. Ai ka publikuar një imazh në rrjetet sociale, duke treguar se albumi I ri I Ghetto Geasyt është në përgatitje dhe do të publikohet së shpejti.

Postimi, i shoqëruar me hashtags të ndryshëm, ka ngjallur interesim të madh nga audienca, duke lënë të kuptohet se projekti do të jetë një prej albumeve që mezi presin të publikohet në vitin 2025. Përndryshe producent I këtij albumi do të jetë një nga bashkëpunëtorët e kahmotshëm të reperit, Kico./NO FILT/

Meriton Mjekiqi, ish-banori i Big Brother VIP, ka ndarë së fundmi reflektime mbi përvojën e tij brenda shtëpisë së famshme. Ai foli për të mirat dhe të këqijat që i ka sjellë ky rrugëtim, si dhe për vendimet e tij personale që kanë ngjallur kureshtje te publiku.

Sipas Meritoni, pjesëmarrja në Big Brother VIP ka pasur ndikime pozitive në personalitetin dhe mënyrën e tij të jetesës. “Ka më shumë pika që më ka bërë mirë sesa keq. Më bëri të njoh veten në shumë ngjyra dhe në formatin e Meriton Mjekiqit,” u shpreh ai.

Një nga përfitimet kryesore që ai përmendi ishte përmirësimi i aftësisë për t’u përqendruar dhe qetësia emocionale. “Kam qenë ndoshta më impulsiv më parë. Brenda mësova të jem më i përqendruar dhe më i qetë. Për më tepër, shqisa e dëgjimit më është perfeksionuar, ndoshta nga jeta pa telefon dhe mënyra e jetesës atje.”

Në lidhje me raportin e tij me Ilnisën, Meritoni qartësoi disa keqkuptime që kanë qarkulluar.

Ai shprehu vlerësimin e tij për kohën që ka kaluar me Ilnisën, duke e falënderuar për respektin e ndërsjellë mes tyre. “Po kush të tha që e kam lënë Ilnisën? “Nuk kemi kontakt dhe nuk dua të tregoj arsyet, për shkak të respektit ndaj saj dhe privatësisë së saj si nënë dhe si pjesë e një familjeje të mrekullueshme.”

Reperi Majk ka surprizuar publikun e tij me një deklaratë të fundit që ka dhënë gjatë një interviste për “The Elite Way” në ATV. Ai ka zbuluar se po mendon për fundin e karrierës së tij në muzikë, duke vënë në dukje se prioritetet dhe qëllimet e tij po ndryshojnë me kalimin e kohës.

“Njeriu gjithmonë piqet më shumë dhe qëllimet në jetë ndryshojnë. Mendoj që nuk kam qejf ndoshta as deri në 40 vjeç duke bërë rep,” është shprehur artisti, duke lënë të kuptohet se nuk e sheh veten duke ndjekur këtë rrugë artistike edhe për shumë gjatë.

Majk është një ndër reperët më të njohur në industrinë muzikore shqiptare, i njohur për hite që dëgjohen ndër vite.

Por përveç muzikës, reperi foli edhe për një pjesë shumë të rëndësishme të jetës së tij – raportin me të birin. Ai tregoi se roli i babait ka ndikuar pozitivisht në çdo aspekt të jetës së tij, duke e bërë më të kujdesshëm dhe më të vetëdijshëm për zgjedhjet që bën.

“Jo veç në muzikë, por më ka bërë të kujdesshëm në çdo aspekt të jetës. Jo veç kur bëj një tekst, në çdo paraqitje,” tha reperi, duke nënvizuar se përgjegjësitë e tij si baba i kanë dhënë një perspektivë të re për jetën.

Majk ka treguar më parë dashurinë dhe përkushtimin për të birin, duke ndarë shpesh momente të veçanta me të në rrjetet sociale./NO FILT/

Melania Trump ka konfirmuar se, pas inaugurimit të Presidentit të zgjedhur Donald Trump më 20 janar 2025, do të jetojë kryesisht në Shtëpinë e Bardhë. Në një intervistë të fundit, ajo deklaroi: “Do të jem në Shtëpinë e Bardhë.”

Megjithatë, ajo planifikon të ndajë kohën e saj midis Uashingtonit, Nju Jorkut dhe Palm Beach-it në Florida, për të përmbushur nevojat e familjes së saj. Djali i saj 18-vjeçar, Barron Trump, aktualisht ndjek studimet në Universitetin e Nju Jorkut. Melania theksoi se, kur të jetë e nevojshme, do të jetë në Nju Jork ose Palm Beach.

Duke reflektuar mbi periudhën e saj të mëparshme si Zonjë e Parë nga viti 2017 deri në 2021, Melania përmendi se përvoja e parë ishte sfiduese për shkak të mungesës së informacionit gjatë tranzicionit. Këtë herë, ajo ndihet më e përgatitur, duke deklaruar se tashmë ka bërë gati gjërat dhe ka zgjedhur mobiljet për rikthimin e tyre në 1600 Pennsylvania Avenue.

Ajo vuri në dukje se do të ketë ndryshime të vogla në dekorimin e Shtëpisë së Bardhë, veçanërisht pasi Barron është zhvendosur për studimet e tij. Megjithatë, ajo shtoi se Barron dhe miqtë e tij të kolegjit janë të mirëpritur të vizitojnë Shtëpinë e Bardhë.

Melania gjithashtu theksoi përkushtimin e saj ndaj roleve si nënë, Zonjë e Parë dhe bashkëshorte, duke deklaruar se, pasi të jetë në detyrë, detyra e saj është t’i shërbejë vendit. Ajo planifikon të vazhdojë iniciativën e saj “Be Best”, e cila fokusohet në mirëqenien e fëmijëve, dhe ka në plan të publikojë një dokumentar që ofron një vështrim pas skenave të jetës së saj gjatë kësaj periudhe.

Bad Bunny po dominon listat me albumin e tij Debí Tirar Más Fotos. Nga Porto Riko, këngëtari ka shpërndarë një video në Instagram duke shprehur lidhjen e tij të thellë me projektin.

Në spanjisht, ai shkroi: “Pa dyshim ky është projekti më i mirë i karrierës sime, më i veçantë, më i bukuri dhe me ndjenjën më të pastër. Këtë ia dedikoj Puerto Rico-s! Këtë kujdes të gjithë familjes dhe shoqërisë! Faleminderit të gjithë njerëzve që ishin pjesë e këtij projekti.”

Me publikimin e albumit të tij të shtatë, Bad Bunny ka bërë të ditur se është gati të rikthehet në skenë./NO FILT/

Me fillimin e vitit, disa çifte të Hollivudit tashmë kanë ndarë rrugët. Mediat kanë raportuar se Austin Butler dhe Kaia Gerber i kanë dhënë fund lidhjes së tyre pas tre vitesh lidhje. Për më tepër, burime të shumta pohojnë se Jessica Alba dhe bashkëshorti i saj, Cash Warren, po shkojnë drejt divorcit. Çifti ka tre fëmijë: Honor, Haven dhe Hayes.

Eric Johnson dhe Jessica Simpson zbuluan ndarjen e tyre në fillim të këtij muaji. Në një intervistë, Jessica tha: “Eric dhe unë kemi jetuar veçmas duke qenë në një situatë të dhimbshme në martesën tonë.” Jessica shtoi, “Fëmijët tanë janë të parët dhe ne po fokusohemi në atë që është më e mira për ta. Ne jemi mirënjohës për të gjithë dashurinë dhe mbështetjen që na ka ardhur dhe vlerësojmë privatësinë tani ndërsa punojmë me këtë si familje.”

Martesa e tyre përfundon 10 vjet pasi ata u martuan në vitin 2014. Të dy kanë tre fëmijë së bashku./NO FILT/

Kader Kicaj dhe Lumbardh Salihu i dhanë fund lidhjes së tyre të dashurisë në muajin maj të vitit të kaluar. Pavarësisht se fillimisht lidhja e tyre dukej e fortë, duke u nisur nga fakti se ata u njohën dhe u lidhen brenda një reality shoë, dinamika e tyre ndryshoi drastikisht pas ndarjes. Të dy vendosën të largonin njëri-tjetrin nga rrjetet e tyre sociale, duke fshirë gjithashtu çdo kujtim fotografik që i lidhte ata si çift.

Lidhja e tyre kishte kaluar në një nivel të konsiderueshëm serioziteti përpara ndarjes. Gjatë kohës sa ishin bashkë, të dy u përkushtuan për të njohur familjet e njëri-tjetrit. Megjithatë, kjo nuk arriti të mbijetonte, dhe vendimi për ndarje ishte përfundimtar.

Ngjarjet u rikthyen në vëmendje këtë javë pas një interviste që dha Lumbardh Salihu. I pyetur nga gazetari në lidhje me faktin nëse i kishte uruar ditëlindjen ish-të dashurës së tij, Kader Kicaj, ai deklaroi: “Jo, mendova që nuk është mirë t’i hyj në privatësi të një njeriu që jemi ndarë rrugët dhe kam respekt.”

Kjo deklaratë dukej e qetë dhe e matur, por situata mori një kthesë të papritur kur Kaderi publikoi një screenshot të një bisede private, ku Lumbardhi i kishte uruar ditëlindjen. Mesazhi i tij ishte: “Gëzuar ditëlindjen. Uroj që kjo ditë të jetë plot gëzim, dashuri dhe momente të bukura për ty. Gjithë të mirat për ty sot dhe gjithmonë.”

Publikimi i kësaj bisede ndezi një reagim nga ana e Kaderit, e cila e quajti situatën një “episod viktimizimi dhe gënjeshtrash të hapura.” Ajo u shpreh se kjo nuk ishte hera e parë që përjetonte diçka të tillë nga Lumbardhi, por shtoi se duhet të ishte hera e fundit. “Dikush që pretendon të hyjë në politikë dhe të fitojë besimin e njerëzve, nuk mund të lejojë vetes të ndërtojë rrugën e tij mbi gënjeshtra dhe për gjërë bazike, si një urim ditëlindjeje. Mund të më kesh gënjyer mua, por mos gënje publikun duke vazhduar të flasësh mbi emrin tim,” deklaroi ajo.

Kujtojmë se Lumbardhi është kandidat për deputet nga radhët e Lidhjes Demokratike të Kosovës, kurse Kaderi vazhdon të jetë një modele mjaft e pëlqyer./ NO FILT/