Category: Showbiz

Ka mundësi që të ketë një ribashkim të One Direction!

Sipas raportimeve  të reja, ish-grupi i djemve mund të organizojë një ribashkim në Çmimet Brit në muajin mars.

Sipas Deadline, ceremonia e çmimeve po planifikon të nderojë të ndjerin Liam Payne dhe producentët janë duke u përpjekur të sjellin anëtarët e mbetur të grupit për të nderuar atë.

Harry Styles, Louis Tomlinson, Niall Horan dhe madje edhe Zayn Malik mund të rikthehen së bashku në skenë për herë të parë që nga viti 2015, kur Zayn la grupin.

Në të kaluarën, One Direction ka fituar shtatë Çmime Brit, duke përfshirë Këngën Britanike të Vitit dhe Videoklipin Britanik të Artistit të Vitit.

Faktikisht, herën e fundit që 1D fitoi një Çmim Brit (në vitin 2017), Liam ishte i vetmi anëtar që mori pjesë për të pranuar çmimin.

Liam gjithashtu është nominuar për Çmime Brit solo – në vitin 2018, ai ishte i nominuar për Këngën Britanike dhe Videoklipin Britanik të Artistit të Vitit për “Strip That Down” me Quavo, dhe në vitin 2019, ai ishte nominuar për Videoklipin Britanik të Artistit të Vitit për “For You” me Rita Ora.

Ribashkimi i One Direction për nder të Liam Payne në Çmimet Brit 2025 nuk është shpallur ende zyrtarisht.

Bill Gates pranoi se ndarja e tij nga Melinda Gates pas 27 vitesh martesë do të jetë gjithmonë gjëja për të cilën pendohet më shumë në jetën e tij.

“Çështja e divorcit ishte e mjerueshme për mua dhe Melindën për të paktën dy vjet”.

Ata tani janë të lidhur me persona të tjerë dhe kanë ruajtur një marrëdhënie miqësore pas ndarjes së tyre.

“Unë dhe Melinda ende shihemi ,kemi tre fëmijë dhe dy nipër’’.

Në një pjesë tjetër të intervistës, miliarderi tha se martesa me Melindën e mbajti “të fokusuar” ndërsa krijonte kompaninë e tij trilionë dollarëshe.

Bill dhe Melinda u martuan në vitin 1994 dhe kanë fëmijët Jennifer, 28 vjeçe, Rory, 25 vjeç dhe Phoebe, 22 vjeçe. Çifti e konfirmoi ndarjen e tyre në maj të vitit 2021, megjithëse ata kishin qenë të ndarë për një vit para njoftimit.

Trace Cyrus ka shpërndar në Instagram se një situatë e keqe familjare po përkeqësohet akoma më shumë, mes tij dhe këngëtarit të “Achy Breaky Heart”.

Pas një letre të hapur që ai shkroi, duke shprehur shqetësim për shëndetin e babait të tij, pas performancës së tij në inaugurimin e Presidentit Donald Trump, Trace postoi një përditësim mbi reagimin e dyshuar të babait të tij. “Babi, mesazhi im ishte tej mase i dashur.

Mund të isha shumë i sinqertë për shumë më tepër, por nuk dua ta nxjerr biznesin tënd ashtu. Por që ti të më kërcënosh me veprime ligjore për dëshirën time që të marrësh ndihmë është një turp.”

Billy Ray, 63 vjeç, nuk i është përgjigjur publikisht akuzave të Trace dhe nuk është e qartë se çfarë lloj “veprimi ligjor” të pretenduar fituesi i Grammy duket se po konsideronte kundër djalit të tij.

Kanye ka përdorur rrjetet sociale së fundmi për të shpërndarë një postim, duke thënë se pasuria e tij neto ka arritur në miliarda.

‘’Në vitin 2025, pasuria neto e Ye është 2.77 miliardë dollarë amerikanë, sipas konfirmimit nga Eton Ventures Services,“ thuhet në grafikën që Kanye ka shpërndarë nga kompania. ‘’Vlerësimi bazohet në portofolin e tij muzikor dhe në pronësinë e tij të plotë mbi markën Yeezy.“

47-vjeçari e ka shoqëruar postimin me mbishkrimin „LAA LA LA LA.“

Ndërkohë që Forbes ende e rendit pasurinë neto të Kanye në 400 milionë dollarë, vlerësimi i ri nga Eton Venture Services, e cila thotë se ‘’siguron vlerësime biznesi që mbështeten në audite të besueshme gjatë gjithë ciklit të jetës së biznesit,“ sipas faqes së saj zyrtare, do të thotë se ai ka kaluar pasurinë neto të disa personaliteteve të njohura.

Forbes rendit pasurinë neto të Jay-Z në 2.5 miliardë dollarë, pasurinë neto të Kim Kardashian,ish-gruas së Kanye,në 1.7 miliardë dollarë dhe atë të Taylor Swift në 1.1 miliardë dollarë. Disa prej të tjerëve që Kanye ka tejkaluar, sipas raporteve, përfshijnë LeBron James, Tiger Woods, Rihanna dhe Tyler Perry.

LUI$A (emri i lindjes Luisa Boshnjaku), një artiste alternative-pop e rritur në Prishtinë, Kosovë dhe me bazë në Nju Jork, ka nënshkruar së fundmi një marrëveshje globale me Broke Records, një nga sëpaku së pavarura më të suksesshme në botë.

Nëpërmes menaxhimit nga kompania “Three60 Music”, ajo ka siguruar kontratën për publikimin e dy EP-ve, secila me pesë këngë, duke shënuar një hap të rëndësishëm në karrierën e saj.

Muzika e LUI$A-s kombinon eksperimentalizmin elektronik me popin komercial, duke u frymëzuar nga ikona si FKA Twigs, Madonna dhe A$AP Rocky, si dhe nga kultura e gjallë e jetës së natës.

Ajo nisi udhëtimin e saj muzikor në moshën 12-vjeçare në SoundCloud, duke ndarë “beat-et” e saj trip-hop si producente e re. Me kalimin e viteve, kaloi në shkrimin dhe publikimin e këngëve origjinale.

Performanca e saj e parë ndodhi gjatë pandemisë në VFILES PTA Remote Sessions (2020), dhe më pas ajo vazhdoi me shfaqje të drejtpërdrejta në vende ikonike si Madame Siam dhe The Peppermint Club në Los Angeles.

Në vitin 2022, LUI$A u diplomua nga LAAMP (Akademia e Los Anxhelosit për Artistët dhe Prodhimin e Muzikës), e krijuar nga producentët fitues të çmimeve Grammy, Stargate, të njohur për bashkëpunimet me artistë si Beyoncé, Rihanna dhe Charli XCX. Gjatë studimeve në LAAMP, ajo fitoi çmimin “Artistja e Vitit” dhe u mentorua nga profesionistë të industrisë si Benny Blanco, Jozzy dhe Jimmy Napes. Këto përvoja i ndihmuan të përsosë aftësitë e saj dhe të thellonte kuptimin e prodhimit muzikor dhe shkrimit të këngëve.

Arti i saj ndikohet thellësisht nga skena muzikore dhe artistike e Kosovës, ku ajo ka bashkëpunuar me dizajnerë, artistë vizualë dhe muzikantë vendas. Kultura e jetës së natës në Evropën Lindore ka pasur një ndikim të theksuar në procesin e saj krijues, duke u reflektuar në temat dhe energjinë e muzikës së saj.

Që nga viti 2023, LUI$A është studente në “Roc Nation School of Music, Sports & Entertainment”, e themeluar nga Jay-Z. Me një bursë të plotë, ajo ka hyrë në një mjedis frymëzues, që mbështet artistët e rinj dhe të talentuar. Kjo shkollë është e njohur për standardet e saj të larta dhe përkushtimin ndaj formimit të liderëve të ardhshëm në industrinë e muzikës dhe argëtimit.

LUI$A ka disa projekte të reja dhe emocionuese që priten të lansohen së shpejti, duke përfshirë bashkëpunime dhe krijime origjinale që reflektojnë stilin e saj unik.

Disa lajme që po qarkullojnë në internet tregojnë se ish-presidenti i SHBA-së, Barack Obama, dhe Michelle Obama po përballen me vështirësi në martesën e tyre. Shumë burime pretendojnë se çifti ka kaluar në një ndryshim të madh në jetë,  ku janë vetëm “miq” pas më shumë se tre dekadash martesë.

Por, tjetër cka po flitet është se ish-presidenti tashmë ka lidhje dashurie me aktoren e Hollyëood-it, Jennifer Aniston.

Raportimet për mosmarrëveshje mes Michelle dhe Barack Obama filluan kur Michelle mungoi në disa paraqitje publike përkrah Barack-ut, gjë që nuk ka ndodhur më herët.

Për më tepër, thashethemet për një lidhje romantike mes Barack-ut dhe Jennifer-it i sa shkojnë e rriten. Dhe, interesante është se këto spekulime nuk janë të reja. Vite më parë, revista InTouch publikoi një artikull me titullin “E vërteta për Jen dhe Barack!” duke përshkruar thashethemet për marrëdhënien e tyre.

Thashethemet u rikthyen pasi u tha se Barack dhe Aniston u takuan shkurtimisht në një event në Hollyëood në vitin 2007. Megjithatë, Aniston e ka mohuar kategorikisht çdo përfshirje romantike, duke thënë: “E kam takuar vetëm një herë. Në fakt, e njoh Michelle-in më mirë se Barack-un.”

Sipas një raporti nga Radar Online, marrëdhënia mes Obamave është tensionuar vitet e fundit. Disa burime të brendshme pretendojnë se çifti dikur i qëndrueshëm ka humbur shkëlqimin dhe thashethemet për Jennifer Aniston vetëm sa i kanë përkeqësuar tensionet.

Thuhet se Michelle është ndjerë e lënduar nga zhurma mediatike rreth akuzave, të cilat, sipas disa burimeve, kanë kontribuar në sfidat e tyre martesore. Mungesa e Michelle-it në ngjarje mjaft të rëndësishme, duke përfshirë inaugurimin e Donald Trump-it, është interpretuar si dëshmi e ndarjes mes tyre. Megjithëse zyra e saj e ka justifikuar mungesën me konflikte të orareve dhe mospëlqimin për Trump-in.

Më herët, Michelle ka folur hapur për uljet dhe ngritjet e marrëdhënies së tyre. Në vitin 2022, ajo pranoi se kishte periudha kur “nuk mund ta duronte” bashkëshortin e saj, veçanërisht gjatë sfidave të rritjes së vajzave të tyre.

Megjithatë, pavarësisht të gjitha thashethemeve dhe spekulimeve, Barack dhe Michelle Obama mbeten një nga çiftet më të pëlqyer. Ata kanë vazhduar të punojnë së bashku për projekte të rëndësishme, duke përfshirë fondacionin e tyre dhe angazhimet publike, ndërsa mbajnë fokusin te familja dhe trashëgimia e tyre e përbashkët.

Gjykata e Tiranës e ka dënuar Princ Leka Zogun me një vit burg, megjithatë, për shkak të gjykimit dënimi ka zbritur në tetë muaj dhe është vendosur pezullim në 16 muaj shërbim prove.

Sipas “Top Channel”, ai është dënuar për veprën “Dhunë në familje”.

Po ashtu, gjyqatarja Migena Laska raportohet se ka dënuar me 10 muaj Gjergj Zaharinë, babanë e Elia Zaharia, ku për shkak të gykimit të shkurtuar dënimi zbret në 6 muaj.

Elia Zaharia ndërkaq, është shpallur e pafajshme.

Të tre personat akuzoheshin për veprën “Dhunë në familje”, kjo pas videove që u publikuan nga rrahja në pallatin mbretëror në fillim të vitit 2024.

Vitin e kaluar, një përplasje publike shpërtheu mes reperëve Drake dhe Kendrick Lamar, me secilin prej tyre që bënte akuza në një seri këngësh provokuese.

Në një padi të dorëzuar në gjykatën federale, Drake (emri i plotë Aubrey Drake Graham) po padit Universal Music Group (UMG), kompaninë që përfaqëson të dy artistët, për shpifje dhe ngacmim, sipas një raporti nga New York Times.

Drake argumenton se publikimi i këngës “Not Like Us” ishte një shembull i UMG që vuri fitimet mbi mirëqenien dhe sigurinë e artistëve.

Padia, e dorëzuar në Nju Jork, pretendon se UMG e promovoi me vetëdije këngën, qw akuzon se Drake ishte një pedofil dhe kriminel.

Piktura e kopertinës për “Not Like Us” përfshinte një foto të shtëpisë së Drake në Toronto, e shënuar me simbole që tregonin vendndodhjen e individëve të regjistruar si abuzues seksualë, gjë që, sipas Drake, kontribuoi në një të shtënat afër pronës së tij dhe çoi në tentativat e kalimtarëve për të hyrë në shtëpinë e tij.

Padia e Drake nuk është drejtuar ndaj Lamar, por ndaj UMG. Ai argumenton se kompania e dinte që akuzat në këngë ishin të pavërteta, por e promovoi atë për përfitime financiare. Drake gjithashtu sugjeron se UMG përdori këngën për të dëmtuar reputacionin e tij, duke mundësuar kështu një avantazh për negociatat e mundshme të kontratave në të ardhmen.

Për më tepër, padia pretendon se UMG pagoi fshehurazi palë të treta për të promovuar këngën në platformat e transmetimit dhe radio pa zbuluar këto pagesa.

Pas publikimit të këngës dhe shqetësimeve për sigurinë që ajo shkaktoi, përfshirë nevojën për të lëvizur djalin e tij nga shkolla, Drake thotë se përpiqej të njoftonte UMG-në për dëmin që po shkaktonte kënga./NO FILT/

Një histori për një grua franceze, Anne, e cila u mashtrua për 850,000 dollarë nga një mashtrues që përdori fytyren e Brad Pitt, mori shumë vëmendje në media. Anne, një dekoruese interieresh, besoi se ishte në një lidhje afër një viti me Pittin, duke marrë mesazhe dhe foto të krijuara nga AI nga një person që pretendonte të ishte ai.

Mashtruesi kërkoi para për trajtim mjekësor, duke përdorur historinë e divorcit të Pitt me Angelina Jolie. Ajo e kuptoi mashtrimin vetëm kur Pitt publikoi lidhjen e tij me Ines de Ramon. Përfaqësuesi i Pitt i tha E! News se mashtruesit abuzojnë me lidhjen që fansat kanë me te famshëm dhe paralajmëroi për rrezikun e kontakteve online.

Historia shkaktoi një valë ngacmimesh ndaj Anne, e cila ka pësuar depresion dhe është hospitalizuar. Ky rast tregon përhapjen e deepfake-eve, ku video dhe zëra të krijuar nga AI janë shpërndarë masivisht.

Karriera e Snoop Dogg përfshin hite që nga vitet ’90, një miqësi shumë të afërt me Martha Stewart dhe sipërmarrje biznesi, përfshirë Indoggo Gin, Death Row Records, Broadus Foods dhe Snoopadelic Films. Ai ka bashkëpunuar me marka të njohura si Corona, Grubhub dhe Petco. Në vitin 2022, ai bleu të drejtat për emrin e markës Death Row Records, që prodhoi albumin e tij debutues Doggystyle në vitin 1993.

Lidhur me imazhin e tij, Snoop thekson se çdo markë me të cilën bashkëpunon e di saktësisht çfarë përfaqëson ai. “Kompani që bashkëpunojnë me mua e dinë sesi funksionoj. Ata e dinë për aktivitetet e mia shtesë, e dinë për gjërat që bëj në botën e hip-hop-it dhe në botën e biznesit,” tha ai për The New York Times në një intervistë në korrik të vitit 2021. “Ata duhet të pranojnë të gjitha këto kur punojnë me Snoop Dogg. Kjo është mënyra sesi e kam krijuar markën time, ku kur merrni Snoop Dogg, merrni gjithçka. Vetëm se, cilin version keni paguar? A keni paguar për versionin me fëmijët, si në filmin familjar Addams Family? Apo keni paguar për versionin +18 të Snoop Dogg, atë që të rriturit e preferojnë? Cilin keni zgjedhur?”

Sipas Celebrity Net Worth, pasuria neto e reperit të njohur arrin në një shifër mahnitëse prej 160 milionë dollarësh./NO FILT/