ATV

Category: SHOWBIZ

  • Kush janë gratë e yjeve të Kupës së Botës 2026?

    Kush janë gratë e yjeve të Kupës së Botës 2026?

    Ndërsa sytë e miliona tifozëve përgatiten për Kupën e Botës 2026 dhe çdo lëvizje e yjeve më të mëdhenj të futbollit, partnerët e tyre po tërheqin po aq vëmendje.

    Të quajtura gjerësisht WAG (gra dhe vajza), shumë prej tyre sot janë sipërmarrëse të suksesshme, influencuese, këngëtare ose figura publike që kanë ndërtuar karrierën e tyre, dhe mbështetja e tyre nga tribunat dhe mediat sociale është një pjesë e domosdoshme e spektaklit të futbollit, transmeton Indeksonline.

    Georgina Rodríguez dhe Cristiano Ronaldo

    E fejuara e Cristiano Ronaldos, Georgina Rodríguez, është padyshim femra më e famshme WAG në botë. Historia e tyre filloi në vitin 2016, ndërsa ajo punonte në një dyqan Gucci në Madrid. Sot, Georgina është një sipërmarrëse me ndikim global, modele dhe yll i reality show-t të saj në Netflix, “Unë jam Georgina”.

    Antonella Roccuzzo dhe Lionel Messi

    Historia e dashurisë së Lionel Messit dhe Antonela Roccuzzos filloi kur ata ishin fëmijë në Rosario të Argjentinës. Çifti u martua në vitin 2017 dhe kanë tre djem. Antonela tani është një influencuese dhe ambasadore e suksesshme për projekte të shumta mode dhe humanitare, dhe konsiderohet si një nga gratë më të ndjekura në Amerikën Latine.

    Vanja Modriç dhe Luka Modriç

    Edhe pse shmang vëmendjen e medias, Vanja Modrić njihet si mbështetësja më e madhe dhe personi më i rëndësishëm në jetën e kapitenit të ekipit kombëtar kroat Luka Modrić. Ata u takuan ndërsa ajo punonte në agjencinë sportive Mamić Sport dhe u martuan në vitin 2010.

    Vanja ka qenë në krah të Lukës gjatë gjithë karrierës së tij, nga Dinamo dhe Tottenham te Real Madrid. Çifti ka tre fëmijë dhe njihet për mbajtjen e jetës së tyre private larg syrit të publikut.

    Isabel Haugseng Johansen dhe Erling Haaland

    Ndryshe nga shumë partnere të futbollistëve, norvegjezja Isabel Haugseng Johansen nuk po ndërton një karrierë në mediat sociale. Ajo dhe Erling Haaland njihen që nga fëmijëria, kur stërviteshin së bashku në sistemin e të rinjve të klubit Bryne. Marrëdhënia e tyre u bë publike vetëm pasi Haaland arriti famë botërore dhe çifti pati një djalë në vitin 2024.

    Rike Nooitgedagt dhe Virgil van Dijk

    Kapiteni i ekipit kombëtar holandez Virgil van Dijk dhe gruaja e tij Rike Nooitgedagt kanë qenë në një lidhje që nga vitet e adoleshencës. Rike ka punuar në industrinë e modës, por vendosi të linte punën për të ndjekur karrierën e burrit të saj. Sot, ajo njihet si një nga partneret më diskrete të futbollistëve dhe rrallë shfaqet në publik.

    Oriana Sabatini dhe Paulo Dybala

    Partnerja e futbollistit argjentinas Paulo Dybala, Oriana Sabatini, është një yll i madh në vetvete. Ajo është një këngëtare, aktore dhe modele e suksesshme, dhe ka qenë e njohur në Amerikën Latine për vite me radhë. Për shkak të karrierës së saj, ajo shpesh tërheq po aq vëmendje mediatike sa partneri i saj.

    Tina Stoessel dhe Rodrigo De Paul

    Një nga këngëtaret më të famshme të Amerikës Latine, Tini Stoessel, ka qenë në një lidhje me lojtarin e kombëtares argjentinase, Rodrigo De Paula, gjatë viteve të fundit. Tini ka miliona tifozë në të gjithë botën dhe është një nga partneret e pakta të futbollistëve që është e famshme globalisht jashtë sportit.

    Mina Bonino dhe Federico Valverde

    Mesfushori uruguaian Federico Valverde ka qenë në një lidhje afatgjatë me gazetaren argjentinase të sportit Mina Bonino. Marrëdhënia e tyre ka qenë shpesh nën vëzhgimin e medias, pasi Mina ishte një personazh i njohur televiziv edhe para se të takohej me yllin e Real Madridit.

  • Arrestohet aktorja e njohur turke, Beren Saat

    Arrestohet aktorja e njohur turke, Beren Saat

    Policia turke ka ndaluar 22 persona, përfshirë disa figura të njohura të industrisë së filmit dhe muzikës, në kuadër të një hetimi për vepra të dyshuara që lidhen me substance narkotike dhe prostitucionin në Stamboll, sipas raportimeve të mediave lokale.

    Mes të ndaluarve raportohet se janë këngëtari Kenan Doğulu, aktorja e njohur turke Beren Saat, muzikanti Ozan Doğulu, aktori Enis Arıkan, këngëtari Berdan Mardini dhe personazhi i njohur i rrjeteve sociale Kerimcan Durmaz, shkruan Turkiyetoday.

    Valë e re operacionesh nga policia

    Operacioni u zhvillua nga njësitë kundër narkotikëve të Drejtorisë së Policisë së Stambollit, në kuadër të një hetimi të udhëhequr nga Zyra e Kryeprokurorit Publik.

    Autoritetet kishin lëshuar urdhra ndalimi për 22 të dyshuar, përpara se ekipet e policisë t’i merrnin ata në paraburgim. Ky rast është pjesë e përpjekjeve më të gjera të Turqisë për të luftuar narkotikët, të cilët zyrtarët i konsiderojnë një shqetësim serioz për shëndetin publik dhe sigurinë.

    Lista e plotë e të ndaluarve përfshin: Ayşe Hatun Önal, Tolga Cam, Ferhan Kaya, Murat Saygı, Enis Ahmet Onat, Ahmet Karoğlu, Emre Tari, Hasan Vatan, Kerimcan Durmaz, Kenan Doğulu, Beren Saat, Mehmet Cem Karcı, Berdan Mardini, Reyhan Küçükyegen, Ozan Doğulu, Yaşar İpek, Mehmet Yıldız, Tessy Ramos Correira, Enis Arıkan, Rafet Eren Yorulmazer, Ali Efe Bezci dhe Selin Ciğerci.

    Të ndaluarit iu nënshtruan kontrolleve mjekësore

    Pas ndalimit, të dyshuarit u dërguan për kontrolle mjekësore, një procedurë standarde në proceset e zbatimit të ligjit në Turqi.

    Më pas ata u transferuan në ambientet e Drejtorisë për Luftimin e Krimeve të Narkotikëve në Stamboll, ku pritej të jepnin deklaratat e tyre në kuadër të hetimit.

    Deri më tani, nuk janë bërë publike detaje të tjera lidhur me akuzat specifike ndaj secilit person apo me fazën aktuale të procesit gjyqësor.

  • Dafina zbulon gjininë e bebit që po vjen në jetë

    Dafina zbulon gjininë e bebit që po vjen në jetë

    Dafina Zeqiri, sapo ka ndarë me ndjekësit e saj lajmin e shumëpritur duke zbuluar gjininë e fëmijës që po pret. Përmes disa postimeve tejet të ëmbla në rrjetet sociale, këngëtarja konfirmoi se ajo dhe partneri i saj, Kreshnik Gjergji, do të bëhen sërish prindër të një djali.

    Siç shihet edhe në foto, djali i tyre i parë shfaqet pranë një tullumbaceje të kaltër ku shkruhet “It’s a boy”.

    Ky zbulim i bukur vjen vetëm pak javë pasi Dafina zgjodhi skenën e koncertit të saj në Tiranë për të dhënë lajmin e madh se është në pritje të ëmbël për herë të dytë.

    Gëzimi në familjen e tyre është i madh, duke pasur parasysh se nuk ka bërë ende një vit që kur Dafina dhe Kreshniku u bënë prindër për herë të parë, duke mirëpritur në jetë djalin e tyre të pagëzuar me emrin Daskan. Tani, vogëlushi po përgatitet të bëhet me një vëlla më të vogël. /Prive By Liberta Spahiu

     

  • Dhurata e veçantë që Dua mori nga komuniteti arbëresh për martesën

    Dhurata e veçantë që Dua mori nga komuniteti arbëresh për martesën

    Këngëtarja me famë botërore, Dua Lipa, dhe partneri i saj, aktori Callum Turner, kanë kurorëzuar dashurinë e tyre në një ceremoni magjike në Siçili të Italisë. Festimet luksoze, të cilat zgjatën për tri ditë, u mbajtën në ambientet përrallore të “Villa Valguarnera” në Bagheria, pranë Palermos, duke mbledhur miq, familjarë dhe personazhe të njohur të artit.

    Një nga momentet më emocionuese dhe të veçanta të kësaj dasme ka qenë surpriza e organizuar nga komuniteti historik arbëresh i Siçilisë. Siç tregohet, banorët e zonës së njohur “Piana degli Albanesi” kanë udhëtuar drejt vilës për t’i bërë një nderim special nuses shqiptare.

    Një delegacion i përbërë nga dhjetë vajza të veshura me kostumet madhështore e tradicionale të Piana degli Albanesi ka magjepsur të pranishmit. Ato kanë interpretuar këngë të vjetra e sugjestive arbëreshe, duke sjellë një atmosferë të ngrohtë të rrënjëve shqiptare në zemër të Siçilisë.

    Përveç muzikës, artistët dhe mjeshtrit argjendarë vendas i kanë dhuruar çiftit të sapomartuar një kujtim të çmuar. Ata kanë krijuar plotësisht me dorë vathët tradicionalë të zonës të njohur si “Panieri”, një vepër arti artizanale që simbolizon trashëgiminë e pasur kulturore arbëreshe. Ky moment krenarie ka bërë xhiron e rrjetit, duke treguar edhe një herë lidhjen e fortë që komunitetet shqiptare jashtë vendit ruajnë për figurat që lartësojnë emrin e kombit në botë.

  • Mimoza Ahmeti finalistja e parë e Ferma VIP 3

    Mimoza Ahmeti finalistja e parë e Ferma VIP 3

    Poetja, Mimoza Ahmeti, është shpallur finalistja e parë e edicionit të tretë të Ferma VIP.

    Ajo ishte në televotim përballë Romirit, ndërsa publiku vendosi që ta çojë drejt finales së madhe të 15 qershorit, duke i siguruar një vend në garën për çmimin e madh.

    E emocionuar pas shpalljes së rezultatit, Moza falënderoi publikun për mbështetjen e dhënë.

    “Faleminderit shumë publiku. Tani fillon ferma”, tha Moza mes emocionesh.

    Ndërsa, Klevisa Gega është fermerja që është larguar përfundimisht nga gara, vetëm një javë para finales së madhe të 15 qershorit.

  • American Music Awards 2026: Lista e plotë e fituesve

    American Music Awards 2026: Lista e plotë e fituesve

    American Music Awards 2026 u mbajtën më 25 maj në Las Vegas, në MGM Grand Garden Arena, nën drejtimin e Queen Latifah.

    Mbrëmja solli një atmosferë plot yje dhe çmime të rëndësishme nga muzika botërore.

    BTS, SZA dhe sombr ishin ndër fituesit kryesorë të natës. Karol G u nderua me Çmimin Ndërkombëtar të Ekselencës për Artistin, ndërsa Darius Rucker dhe Billy Idol morën çmime të veçanta për karrierën e tyre.

    Një nga momentet më të mëdha ishte fitorja e BTS si “Artisti i Vitit”, në një edicion ku Taylor Swift kryesonte nominimet me tetë, e ndjekur nga disa artistë të tjerë me nga shtatë nominime.

    Artist i Vitit
    Bad Bunny
    Bruno Mars
    BTS (FITUES)
    Harry Styles
    Justin Bieber
    Kendrick Lamar
    Lady Gaga
    Morgan Wallen
    Sabrina Carpenter
    Taylor Swift

    Artist i Ri i Vitit
    Alex Warren
    Ella Langley
    KATSEYE (FITUES)
    Leon Thomas
    Olivia Dean
    Sombr

    Album i Vitit
    Cardi B – AM I THE DRAMA?
    Fuerza Regida – 111xpantia
    Justin Bieber – SWAG
    Lady Gaga – Mayhem
    Morgan Wallen – I’m The Problem
    Olivia Dean – The Art of Loving
    Playboi Carti – MUSIC
    Sabrina Carpenter – Man’s Best Friend
    Tate McRae – So Close to What
    Taylor Swift – The Life of a Showgirl

    Kënga e Vitit
    Alex Warren – “Ordinary”
    Ella Langley – “Choosin’ Texas”
    HUNTR/X: EJAE, Audrey Nuna, Rei Ami – “Golden” (FITUES)
    Kehlani – “Folded”
    Leon Thomas – “MUTT”
    Morgan Wallen – “I’m The Problem”
    Olivia Dean – “Man I Need”
    Sabrina Carpenter – “Manchild”
    Sombr – “back to friends”
    Taylor Swift – “The Fate of Ophelia”

    Bashkëpunimi i Vitit
    BigXthaPlug, Bailey Zimmerman – “All the Way”
    David Guetta, Teddy Swims, Tones And I – “Gone Gone Gone”
    Morgan Wallen, Tate McRae – “What I Want”
    PinkPantheress, Zara Larsson – “Stateside”
    Shaboozey, Jelly Roll – “Amen”

    Kënga Sociale e Vitit
    Disco Lines, Tinashe – “No Broke Boys”
    PinkPantheress – “Illegal”
    Role Model – “Sally, When the Wine Runs Out”
    Tyla – “CHANEL” (FITUES)
    Zara Larsson – “Lush Life”

    Videoklipi më i mirë
    KATSEYE – “Gnarly” (FITUES)
    ROSALÍA, Björk, Yves Tumor – “Berghain”
    Sabrina Carpenter – “Manchild”
    Taylor Swift – “The Fate of Ophelia”
    Tyla – “CHANEL”

    Kolona Zanore më e Mirë
    F1 The Album
    Hazbin Hotel: Season Two
    KPop Demon Hunters (FITUES)
    Wicked: For Good
    Charli xcx – Wuthering Heights

    Turneu i Vitit
    Beyoncé – “Cowboy Carter Tour”
    Kendrick Lamar, SZA – “Grand National Tour”
    Lady Gaga – “The Mayhem Ball”
    Oasis – “Oasis Live ’25 Tour”
    Shakira – “Las Mujeres Ya No Lloran World Tour” (FITUES)

    Kënga e Verës
    Alex Warren – “FEVER DREAM”
    BTS – “SWIM” (FITUES)
    Harry Styles – “American Girls”
    Noah Kahan – “The Great Divide”
    Taylor Swift – “Elizabeth Taylor”

    Kënga më e mirë Pop
    HUNTR/X: EJAE, Audrey Nuna, Rei Ami – “Golden” (FITUES)
    Alex Warren – “Ordinary”
    Olivia Dean – “Man I Need”
    Sabrina Carpenter – “Manchild”
    Taylor Swift – “The Fate of Ophelia”

    Artisti më i mirë Pop (Mashkull)
    Alex Warren
    Benson Boone
    Ed Sheeran
    Harry Styles
    Justin Bieber

    Artisti më i mirë Pop (Femër)
    Lady Gaga
    Olivia Dean
    Sabrina Carpenter
    Tate McRae
    Taylor Swift

    Zbulimi Pop i Vitit
    KATSEYE (FITUES)
    Sienna Spiro
    Zara Larsson

    Muzika Country
    (Artistët, këngët dhe albumet e mëposhtme – të gjitha kategoritë)

    Sam Barber (FITUES – Breakthrough Country Artist)
    Shaboozey, Ella Langley, Morgan Wallen, Luke Combs, Jelly Roll dhe të tjerë dominuan kategoritë country
    Hip-Hop
    Monaleo (FITUES – Breakthrough Hip-Hop Artist)
    Cardi B, Drake, Playboi Carti, Gunna dhe të tjerë në kategoritë kryesore
    R&B
    SZA (FITUES – Female R&B Artist)
    Leon Thomas (FITUES – Breakthrough R&B Artist)
    Bruno Mars, The Weeknd, Kehlani dhe të tjerë në kategori kryesore
    Latin
    KAROL G (FITUES – Album i Vitit Latin)
    Fuerza Regida (FITUES – Duo/Group)
    Bad Bunny, Shakira, ROSALÍA dhe të tjerë dominuan kategoritë
    Rock / Alternative
    Twenty One Pilots (FITUES – Artist i Vitit)
    sombr (FITUES – Breakthrough Artist & Album i Vitit)
    Tame Impala, Linkin Park, Deftones dhe të tjerë
    Dance / Electronic
    David Guetta (FITUES)
    Calvin Harris, Fred again.., ILLENIUM, John Summit
    🇰🇷 K-Pop
    BTS (FITUES – Artist Mashkull & kategori të tjera)
    BLACKPINK, aespa, Stray Kids, TWICE dhe të tjerë
    Afrobeats
    Burna Boy
    Rema
    Tyla
    Wizkid
    Americana / Folk
    Noah Kahan
    Mumford & Sons
    The Lumineers
    Tyler Childers
    Lord Huron

  • Jessie J jep lajmin e madh, fiton betejën me kancerin e gjirit

    Jessie J jep lajmin e madh, fiton betejën me kancerin e gjirit

    Jessie J ka ndarë një lajm tepër emocionues me fansat e saj, duke bërë të ditur se ka fituar betejën me kancerin e gjirit pas gati një viti përballjeje me sëmundjen. Artistja britanike tregoi se rezultatet e analizave të fundit i konfirmuan se tashmë është plotësisht e shëruar, moment që e përshkroi si një nga më emocionuesit e jetës së saj.

    Këngëtarja publikoi një video në Instagram nga spitali, pak para një ekzaminimi me rezonancë magnetike, ku foli hapur për frikën dhe ankthin që kishte përjetuar gjatë gjithë kësaj periudhe. Ajo pranoi se vuante nga klaustrofobia dhe se procedura ishte mjaft e vështirë emocionalisht, por pavarësisht kësaj zgjodhi të përçonte pozitivitet dhe shpresë për ndjekësit e saj.

    “Jam zyrtarisht e pastër nga kanceri”, shkroi Jessie J në rrjetet sociale, duke zbuluar se kishte shpërthyer në lot sapo kishte marrë lajmin e shumëpritur. Sipas saj, ishte hera e parë pas shumë muajsh që ndiente një frymëmarrje të lirë dhe një qetësi të vërtetë.

    Rrugëtimi i artistes nisi në qershorin e vitit të kaluar, kur mjekët diagnostikuan sëmundjen në fazë të hershme. Pas kësaj, ajo iu nënshtrua një ndërhyrjeje kirurgjikale për heqjen e gjirit, ndërsa më vonë u përball edhe me shtyrje të operacioneve të tjera, çka e bëri situatën edhe më të vështirë psikologjikisht.

  • Tronditet showbizi turk: Lëshohet urdhër-arresti për Serenay Sarıkaya dhe të tjerë

    Tronditet showbizi turk: Lëshohet urdhër-arresti për Serenay Sarıkaya dhe të tjerë

    Një operacion i gjerë antidrogë në Stamboll ka tronditur industrinë e showbiz-it turk, pasi Prokuroria Publike e Bakırköy-it ka lëshuar urdhër-arresti për 25 persona, mes tyre edhe emra të njohur të ekranit dhe muzikës.

    Sipas mediave vendase, në listën e të dyshuarve përfshihen aktorja e njohur Serenay Sarıkaya, këngëtari Mabel Matiz dhe artisti Berkay Şahin. Hetimet lidhen me një aksion të gjerë kundër rrjeteve të dyshuara të trafikut të lëndëve narkotike, përfshirë edhe përdorim dhe lehtësim të konsumit në ambiente të ndryshme.

    Autoritetet turke bëjnë me dije se hetimi ka zbuluar rrjete të trafikut të kokainës që dyshohet se futeshin përmes rrugëve detare, si dhe struktura të mundshme të prodhimit të drogës në disa zona të Stambollit. Në kuadër të operacionit janë urdhëruar kontrolle banesash, marrje deklaratash dhe ekzaminime biologjike për të gjithë të përfshirët.

    Serenay Sarıkaya, e cila ndodhej jashtë Turqisë në momentin e operacionit, nuk është ndaluar nga autoritetet. Ajo ka reaguar publikisht duke deklaruar se sapo të kthehet në vend do të përballet me drejtësinë dhe do të kryejë të gjitha procedurat ligjore. Aktorja ka theksuar gjithashtu se lajmin e ka marrë gjatë një udhëtimi të planifikuar më herët dhe se është e qetë, duke mohuar çdo problem të drejtpërdrejtë.

    Hetimet vijojnë ende, ndërsa rasti ka shkaktuar reagime të shumta në mediat turke dhe rrjetet sociale, për shkak të përfshirjes së emrave të njohur të industrisë së argëtimit.

  • Fytyra e mbuluar me gjak, dhunohet “Miss Venezuela”, arrestohet stilisti i njohur

    Fytyra e mbuluar me gjak, dhunohet “Miss Venezuela”, arrestohet stilisti i njohur

    Një ngjarje e rëndë është regjistruar gjatë aktiviteteve të lidhura me Festivalin e Kanës, pasi Miss Venezuela Global Andrea del Val publikoi video ku shfaqet me fytyrën e mbuluar me gjak, duke akuzuar stilistin e njohur Giovanni Laguna për agresion fizik.

    Në videon e shpërndarë në rrjetet sociale, modelja dëgjohet duke thënë: “Shikoni çfarë më bëri Giovanni Laguna. Kjo është ajo që doja, që të tregoje kush je”, ndërsa më pas tregon kaosin brenda dhomës së hotelit ku ndodhi incidenti.

    Sipas raportimeve të mediave latino-amerikane, debati mes të dyve u përshkallëzua në një përleshje fizike. Dëshmitarët thanë se u dëgjuan britma dhe zhurma përpara se klientët e hotelit të njoftonin policinë franceze.

  • Gili feston ditëlindjen, Iliri i kushton urim të veçantë: Gëzuar shpirti im binjak!

    Gili feston ditëlindjen, Iliri i kushton urim të veçantë: Gëzuar shpirti im binjak!

    Këngëtarja e njohur shqiptare, Gili, sot feston ditëlindjen.

    E një urim të veçantë ia ka kushtuar bashkëshorti i saj, Ilir Berani.

    “Gëzuar ditëlindjen shpirti im binjak! I gëzofsh më të mirat e jetës. Të duam unë, Redoni, Roberti me Herolinën e më së shumti Aleksi dhe Alesia”, ka qenë urimi i Ilirit për Gilin.