Category: SHOWBIZ

Madonna, Shakira dhe grupi koreano-jugor BTS do të jenë emrat kryesorë që do të performojnë në Kupën e Botës.

Turneu, i cili do të organizohet bashkërisht nga SHBA-ja, Kanadaja dhe Meksika, do të përmbyllet me finalen që zhvillohet në New Jersey më 19 korrik.

Performancat para ndeshjeve në ngjarje të mëdha sportive, si finalja e UEFA Champions League Final, tashmë janë bërë të zakonshme, por kjo do të jetë hera e parë që një finale e Kupës së Botës do të ketë një spektakël gjatë pushimit mes pjesëve.

Ylli kolumbian i muzikës pop, Shakira, do të publikojë të enjten këngën zyrtare të Kupës së Botës “Dai Dai” — një shprehje italiane që do të thotë “hajde” ose “forca” — në bashkëpunim me këngëtarin nigerian Burna Boy.

Këngëtarja 49-vjeçare, e njohur për hitin “Hips Don’t Lie”, kishte publikuar edhe këngën “Waka Waka (This Time for Africa)” për Kupën e Botës 2010 në Afrikë të Jugut.

Ndërkohë, “Mbretëresha e Pop-it”, Madonna po përgatitet të publikojë albumin e saj të 15-të, “Confessions II”, më 3 korrik.

Në prill, 67-vjeçarja bëri një paraqitje surprizë gjatë performancës kryesore të Sabrina Carpenter në festivalin Coachella, ku interpretuan së bashku këngët “Vogue” dhe “Like A Prayer”.

Nga ana tjetër, shtatë anëtarët e BTS kanë mbi 45 milionë albume të shitura. Ata dhe grupi Coldplay patën hitin “My Universe”, i cili arriti vendin e tretë në toplistat britanike në vitin 2021.

BTS po rikthehet në skenën muzikore pas një pauze trevjeçare, gjatë së cilës anëtarët përfunduan shërbimin e detyrueshëm ushtarak. Grupi aktualisht ndodhet në mes të një turneu botëror me 85 koncerte, ndërsa do të performojë edhe në finalen e Kupës së Botës.

Në mars, presidenti i FIFA, Gianni Infantino, deklaroi se spektakli “do të jetë një moment historik për Kupën e Botës FIFA, në nivelin që meriton ngjarja më e madhe sportive në botë”.

Sonte, Alis ngjitet në skenën e madhe të Eurovision Song Contest si përfaqësuesi i sivjetmë i Shqipërisë në festivalin evropian.

Artisti shkodran përfaqëson vendin me këngën Nan, një këngë që përcjell një mesazh emocional e të fortë dhe mallin e nënës për fëmijët në mërgim.

Performanca e Alis pritet me interes të madh nga publiku shqiptar dhe fansat e Eurovision-it, ndërsa mbështetja për artistin ka qenë e fuqishme në rrjetet sociale dhe komunitetet shqiptare brenda dhe jashtë vendit. Me stilin e tij unik dhe interpretimin emocional, ai synon të sjellë një paraqitje dinjitoze për Shqipërinë në një nga skenat më prestigjioze muzikore në Europë.

Sonte, Alis performon i 13-ti, njëherësh edhe numri me të cilin duhet ta votoni.

Për të mbështetur Alisin nga Kosova, votimi mund të bëhet onlajn përmes platformës zyrtare të Eurovision-it: esc.vote, ani se vendi ende nuk merr pjesë në festival. Duhet të keni parasysh se votimi hapet sonte pas mbarimit të performancave.

Ndërkohë, shqiptarët në diasporë mund të votojnë përmes SMS-ve dhe thirrjeve sipas udhëzimeve të televotimit në shtetet ku ndodhen.

View this post on Instagram

A post shared by RadioTelevizioni Shqiptar (@rtshqiptar)

Publiku ka mundësi të votojë deri në 10 herë, duke i dhënë kështu më shumë mbështetje përfaqësuesit shqiptar në garën evropiane.

Sipas rregullave të Eurovision-it, publiku nuk mund të votojë për shtetin që përfaqëson vendi i tyre. Kjo do të thotë se shikuesit në Shqipëri nuk mund të votojnë për Shqipërinë, ndërsa votat për Alisin mund të jepen nga shtete të tjera pjesëmarrëse dhe diaspora shqiptare jashtë vendit.

Përfaqësuesit e Finlandës në Eurovisionin e këtij viti, Linda Lampenius dhe Pete Parkkonen, kanë përfunduar në qendër të vëmendjes së mediave serbe, pas raportimeve se dyshja ka shmangur komunikimin me gazetarë nga Serbia gjatë aktiviteteve zyrtare të festivalit.

Sipas Nova.rs, gjatë parakalimit në tapetin kryesor më 10 maj, gazetarët serbë u përpoqën të merrnin një deklaratë, por artistët finlandezë thuhet se u përgjigjën se nuk u nevojitet promovim në Serbi. I njëjti medium shkruan se, pas këmbënguljes së ekipit të Radiotelevizionit të Serbisë (RTS), Linda dhe Pete pranuan të përgjigjen vetëm në dy pyetje. Raportohet se përgjigjet ishin të shkurtra dhe se anëtarë të delegacionit finlandez komunikonin me gjeste se sa pyetje kishin mbetur, duke e kufizuar intervistën.

Edhe pse nuk ka një sqarim zyrtar nga vetë përfaqësuesit finlandezë, mediat serbe po e lidhin këtë sjellje me të kaluarën artistike të Linda Lampenius. Sipas pretendimeve të tyre, arsyeja lidhet me faktin se ajo ka performuar më herët për trupat e NATO-s në Kosovë, si dhe për forcat detare amerikane në Evropë dhe Afrikë — një element që, sipas këtyre mediave, ka ndikuar negativisht në perceptimin e publikut serb ndaj saj.

Në të njëjtën kohë, mediumi serb Telegraf.rs ka hapur një tjetër temë, duke raportuar për zërat e publikut se Finlanda po gëzon trajtim të privilegjuar krahasuar me disa konkurrentë të tjerë. Sipas këtij raportimi, finlandezëve u lejohet përdorimi i instrumenteve live në skenë, pasi Lampenius realizon një solo me violinë gjatë performancës.

Në kontrast me këtë, mediat serbe përmendin se përfaqësueses zvicerane Veronica Fusaro thuhet se nuk i është lejuar të luajë live me kitarë, gjë që ka nxitur diskutime mbi standardet e zbatimit të rregullave për të gjithë konkurrentët.

Pavarësisht debateve që po e shoqërojnë paraqitjen e tyre, Finlanda u kualifikua në finale gjatë natës së parë të gjysmëfinales (të martën) dhe vazhdon të përmendet si një nga favoritët për të fituar Eurovisionin, i cili këtë vit po mbahet në Vjenë. Finalja zhvillohet të shtunën.

Ndërkohë, Shqipëria pritet të ngjitet në skenë n] gjysmëfinalen e dytë të enjten me këngën “Nan”, të interpretuar nga artisti Alis.

Përfaqësuesja suedeze, Felicia, në Festivalin e Këngës në Eurovision u gjend në një situatë të sikletshme vetëm pak sekonda para përfundimit të performancës së saj gjysmëfinale.

Gjatë performancës së këngës “My System” pati një problem të papritur ku maska që mbante rrëshqiti gjatë performancës.

Ajo u shfaq në skenë e veshur me një maskë të zezë vezulluese që i mbulonte pjesën e poshtme të fytyrës dhe ishte një element i dallueshëm i shprehjes së saj vizuale.

Megjithatë, kur ndriçimi ndryshoi, kur skena u errësua për pak kohë, maska ra.

Kur dritat u ndezën përsëri, këngëtarja mbeti pa maskë.

Kjo situatë u trajtua edhe nga komentatorët e BBC-së, Angela Scanlon dhe Rylan Clark, të cilët vunë në dukje gjatë transmetimit se ky moment nuk ndodhi gjatë provave.

“Pati një problem të vogël me kostumin dhe syzet, apo jo? Maska e saj rrëshqiti. Kjo është në fakt mjaft ekskluzive sepse nuk e pamë në prova”, tha Scanlon.

Përfaqësuesja suedeze në Festivalin e Këngës në Eurovision të këtij viti ka tërhequr shumë vëmendjen e publikut sepse pothuajse gjithmonë shfaqet në skenë dhe në publik duke mbajtur maskë.

Edhe pse shumë do të mendonin se ky është një veprim marketingu apo skenik, pas gjithë kësaj fshihet një histori shumë më e thellë.

Felicia, e cila më parë performonte nën emrin skenik Froken Snusk, kaloi vite duke ndërtuar një karrierë pas një identiteti të maskuar, por më vonë zbuloi se kjo mënyrë performimi u bë mbrojtja e saj personale.

Sipas deklaratave të mëparshme, mbajtja e maskës nuk është vetëm pjesë e imazhit, por edhe një mënyrë për t’u përballur me ankthin social dhe shqetësimin në publik.

Ajo vetë pranoi se e ka të vështirë ta zbulojë plotësisht veten para audiencës.

“Nuk ndihesha gati të tregoja fytyrën time. Me një maskë, kam kontroll mbi mënyrën se si më shohin njerëzit”, tha ajo në një intervistë.

Artistja e njohur Dua Lipa ka bërë një padi prej 15 milionë dollarësh kundër kompanisë të njohur Samsung Electronics, duke e akuzuar kompaninë për përdorim pa leje të imazhit të saj në paketimet e televizorëve,sipas artistes kjo përbën shkelje të të drejtave të autorit dhe të imazhit Samsung ka mohuar akuzat, duke deklaruar se fotografia ishte përdorur vetëm pasi një partner i jashtëm kishte garantuar se të gjitha lejet e nevojshme ishin të siguruara.

Në një deklaratë zyrtare, Samsung u shpreh: “Imazhi u përdor vetëm pas marrjes së sigurimit të qartë nga partneri i përmbajtjes se leja ishte marrë. Duke u nisur nga kjo garanci, ne mohojmë çdo akuzë për keqpërdorim të qëllimshëm.

Megjithatë, ekipi ligjor i Dua Lipës pretendon se imazhi i saj vazhdoi të përdorej me muaj të tërë edhe pasi kompania ishte paralajmëruar zyrtarisht për ta ndalur atë.

Dua Lipa ngre padi prej rreth 14 milionë eurosh kundër Samsung për përdorimin e fytyrës së saj në marketingun e televizorëve

Klubi turk Galatasaray S.K. ka bërë një ofertë zyrtare ndaj këngëtares me origjinë shqiptare Dua Lipa, për të performuar në festimet e titullit kampion që pritet të mbahen në Stamboll, transmeton albinfo.ch.

Sipas raportimeve, oferta e klubit kap vlerën e rreth 2 milionë dollarëve për interpretimin e katër këngëve gjatë ceremonisë festive, e cila do të shënojë suksesin e sezonit për gjigantin turk.

Ftesa ndaj artistes shqiptare nuk shihet vetëm si një lëvizje marketingu, por edhe si një element simbolik i lidhur me historinë dhe identitetin e klubit. Galatasaray S.K. shpesh përmendet në disa media dhe qarqe tifozësh si “skuadra e shqiptarëve të Stambollit”, për shkak të lidhjeve historike të themelimit të saj.

Klubi u themelua në vitin 1905 nga Ali Sami Yen, i cili në disa burime historike përmendet si i lidhur me figurën e rilindasit shqiptar Sami Frashëri, duke i dhënë kësaj historie një dimension kulturor që shpesh theksohet nga tifozët shqiptarë dhe turq.

Nëse marrëveshja finalizohet, performanca e Dua Lipës do të ishte një nga momentet më të spikatura të festimeve të titullit kampion në Stamboll.

Eurovision 2026 nis ditën e sotme (e martë).

Gjysmëfinalja e parë e Festivalit të Këngës në Eurovision do të mbahet sonte në Vjenë.

Spanja, Irlanda, Holanda, Sllovenia dhe Islanda po e bojkotojnë Festivalin e Këngës në Eurovision të këtij viti në shenjë proteste për shkak se organizatorët lejuan Izraelin të merrte pjesë.

Gjatë kësaj jave, në kryeqytetin austriak janë planifikuar disa demonstrata pro-palestineze dhe masat e sigurisë janë rritur.

Oficerë policie nga e gjithë Austria janë vendosur në Vjenë, me mbështetjen e forcave nga Gjermania fqinje.

Shqetësim shtesë u shkaktua nga rasti i një austriaku 21-vjeçar i cili u deklarua fajtor për planifikimin e një sulmi në koncertin e Taylor Swift në Vjenë në vitin 2024.35 vende po luftojnë për fitoren.

Në gjysmëfinalen e parë në sallën ‘Wiener Stadthalle’, do të performojnë 15 interpretues, ndër ta edhe këngëtari izraelit Noam Bettan, i cili po përpiqet të sigurojë një vend në finale me këngën “Michelle”.

10 më të mirët e së martës dhe 10 të tjerë nga gjysmëfinalja e dytë, e cila do të mbahet të enjten, më 14 maj, kalojnë në finale.

Britania e Madhe, Franca, Gjermania dhe Italia kanë siguruar tashmë një vend në finale si financuesit më të mëdhenj të garës, ndërsa Austria është direkt në finale si fituese dhe pritëse e vitit të kaluar.

Ndër favoritët për një renditje të lartë, spikat Finlanda me këngën “Liekinheitin”, ndërsa po tërheqin vëmendjen edhe përfaqësuesi grek Akylas, grupi portugez Bandidos do Cante dhe Senhit nga San Marino.

Unioni Evropian i Transmetimeve, pas akuzave të vitit të kaluar për manipulim votash, ndryshoi rregullat e votimit dhe e përgjysmoi numrin maksimal të votave për person në 10, me masa shtesë kundër votimit të dyshimtë ose të koordinuar.

Dua Lipa ka ngritur një padi prej 15 milionë dollarësh kundër Samsung, duke pretenduar se kompania e elektronikës ka përdorur fotografinë e saj për të shitur televizorë pa leje dhe pa kompensim.

Sipas padisë, të paraqitur të premten, Samsung ka përdorur imazhin e Lipës në paketimin e kartonit të televizorëve të saj duke filluar nga viti i kaluar.

Kur këngëtarja është vënë në dijeni për këtë, ajo ka kërkuar që përdorimi i imazhit të saj të ndalet. Në padi thuhet se kompania ka qenë mospërfillëse dhe e pandjeshme dhe e ka refuzuar kërkesën, shkruan Variety.

“Fytyra e znj. Lipa është përdorur në mënyrë të dukshme për një fushatë masive marketingu për një produkt konsumator pa dijeninë e saj, pa konsideratë dhe pa asnjë kontroll apo kontribut nga ana e saj. Znj. Lipa nuk e ka lejuar dhe nuk do ta kishte lejuar këtë përdorim”, thuhet në dokumentin e padisë.

Padia gjithashtu pretendon se Samsung ka përfituar duke krijuar përshtypjen se Lipa e mbështet produktin, gjë që sipas saj nuk është e vërtetë.

Sipas dokumenteve, Lipa zotëron të drejtat e autorit për fotografinë e përdorur, e cila është bërë në prapaskenë gjatë Festivalit Austin City Limits në vitin 2024.

Në padi përmenden edhe reagime në rrjetin social X (ish-Twitter), ku disa përdorues sugjeronin se imazhi i saj ndikoi në blerjet e televizorëve Samsung. Një komentues shkruante se e kishte blerë produktin pasi kishte parë fytyrën e saj në paketim, ndërsa një tjetër deklaronte se do ta blinte televizorin vetëm për shkak të Dua Lipës.

Dua Lipa files $15 MILLION lawsuit against Samsung alleging the manufacturer used her face to sell TVs without compensation or permission. pic.twitter.com/ta6SWUmubH

— Pop Crave (@PopCrave) May 10, 2026

Padia thekson gjithashtu se Lipa ka ndërtuar një “markë premium” dhe është shumë selektive në marrëveshjet e saj të marketingut dhe sponsorizimeve.

Ajo pretendon shkelje të të drejtave të autorit, shkelje të ligjit të Kalifornisë për të drejtën e publikimit, shkelje të Aktit Lanham dhe pretendime për markë tregtare. Çështja është ngritur në Distriktin Qendror të Kalifornisë.

Samsung nuk ka dhënë ende një koment zyrtar lidhur me padinë.

Ylli i muzikës, Rihanna duket se ka hedhur poshtë spekulimet për një krizë me partnerin e saj, reperin A$AP Rocky, pas paraqitjes së tyre në Met Gala.

Të enjten, Rihanna publikoi në platformën X një video-montazh 45-sekondësh ku çifti shfaqet duke buzëqeshur, duke mbajtur duart dhe duke festuar së bashku gjatë mbrëmjes së gala-s në New York City. Videoja u interpretua si një mesazh i qartë se marrëdhënia mes tyre është në rregull.

met recap ✨🎥 pic.twitter.com/SQS8y6K1O8

— Rihanna (@rihanna) May 7, 2026

Megjithatë, më herët kishin qarkulluar pamje që tregonin çiftin në një bisedë emocionale brenda një autobusi pranë Metropolitan Museum of Art, ku zhvillohet tradicionalisht eventi i famshëm i modës. Pamje të tjera i shfaqnin ata me shprehje serioze në fytyrë, duke nxitur aludime në rrjet për tensione mes tyre.

Sipas burimeve pranë çiftit, nuk bëhej fjalë për konflikt, por thjesht për lodhje pas një dite të gjatë përgatitjesh për eventin.

Me publikimin e videos së re, Rihanna duket se ka dashur t’u japë fund spekulimeve për probleme në marrëdhënien e tyre.

Videoja ku Rihanna duket se injoron këngëtaren Tyla në Met Gala shkaktoi reagime të mëdha

Gjesti sot feston ditëlindjen e 26-të. Që pas mesnatës, ai ka marrë shumë urime nga miqtë, kolegët dhe fansat në rrjetet sociale.

Një urim të veçantë ia ka bërë edhe DJ Gimbo, shoku dhe bashkëpunëtori i tij i ngushtë, i cili i ka uruar suksese dhe lumturi në këtë vit të ri të jetës.

Por në këtë ditë speciale, Gjesti ka vendosur të surprizojë edhe fansat e tij. Sot në ora 18:00 ai publikon EP-in më të ri me titull “SIR”.

EP-i përmban pesë këngë të reja dhe sjell një stil ndryshe në muzikë.