Category: SHOWBIZ

Vanessa Trump ka zbuluar se është diagnostikuar me kancer në gji.

Ajo e ndau lajmin në Instagram të mërkurën, duke vënë në dukje në postim, ndër të tjera, se i është nënshtruar një ndërhyrjeje kirurgjikale në fillim të kësaj jave.

“Dua të ndaj një përditësim mbi shëndetin tim. Kohët e fundit më diagnostikuan me kancer në gji. Edhe pse ky nuk është një lajm që askush nuk e pret, po bashkëpunoj me mjekët e mi për planin tim të trajtimit. Do të doja të falënderoja mjekët që më kryen procedurën këtë javë. Mbetem e përqendruar dhe plot shpresë, ndërsa jam e rrethuar nga dashuria dhe mbështetja e familjes, fëmijëve dhe atyre që janë më afër meje”, shkroi Trump.

Në fund të postimit, ajo falënderoi ndjekësit e saj për mirësinë dhe mbështetjen e tyre.

Alessandra Mussolini, mbesa e diktatorit italian Benito Mussolini, është shpallur fituese e edicionit të fundit të “Grande Fratello VIP” (versioni italian i “Big Brother” me personazhe të njohur), format që në Itali transmetohet prej rreth një dekade.

Mussolini ka fituar çmimin prej 100 mijë euro, duke bërë të ditur se gjysmën e shumës do ta dhurojë për bamirësi.

Pas fitores, ajo u shpreh: “E shijova gjithçka deri në fund, ashtu siç jam. Nuk pendohem për asgjë”.

Alessandra Mussolini është një figurë që shpesh ka shkaktuar reagime të forta në publik, veçanërisht kur diskutohet mbiemri i saj dhe historia familjare. Në të kaluarën, ajo ka qenë në qendër të polemikave edhe për faktin se nuk është distancuar në mënyrë të qartë nga trashëgimia politike e gjyshit të saj dhe regjimi fashist.

Përtej reality show-t, Mussolini ka një profil të njohur publik në Itali. Ajo është vajza e Romano Mussolini (djali më i vogël i Benito Mussolinit) dhe Maria Scicolone, motra e aktores së famshme Sophia Loren. Në karrierën e saj ka qenë edhe deputete në Parlamentin Evropian, si dhe ka shërbyer në të dyja dhomat e Parlamentit italian.

Ndër vite, ajo ka qenë e angazhuar në disa formacione politike, duke përfshirë një parti të vogël të ekstremit të djathtë, më pas Forza Italia të Silvio Berlusconit, ndërsa aktualisht lidhet me partinë Lega, pjesë e qeverisjes në Itali.

Para se të hynte në politikë, Alessandra Mussolini ka punuar edhe në botën e spektaklit, si modele, aktore dhe këngëtare, ndërsa në vitin 2020 mori pjesë në “Ballando con le stelle” (versioni italian i “Dancing with the Stars”), ku u rendit e treta.

Këngëtarja australiane, Delta Goodrem, mund të mos e ketë fituar Festivalin e Këngës në Eurovision 2026, por shumë pajtohen se fustani i saj ishte një nga momentet më të paharrueshme të mbrëmjes.

Artistja performoi në Vjenë të shtunën me një krijim luksoz prej ari të zbukuruar me kristale, vlera e të cilit arrin rreth 14 mijë euro.
Fustani u krijua në bashkëpunim midis stilistes australiane Nicky Apostolopoulos dhe markës së saj ‘Velani’, argjendarisë ‘House of Emmanuele’ dhe stilistes Tori Knowles.

Fustani u punua për 500 orë dhe është i zbukuruar me shtatë mijë kristale Swarovski.

E gjithë pamja u frymëzua nga kënga “Eclipse”, një baladë e fuqishme që Delta performoi në skenën e Eurovisionit.

“Krijimi i fustanit të Deltës për Eurovisionin ishte një udhëtim i vërtetë mode – një bashkim kreativiteti, aftësie dhe bashkëpunimi të fortë”, shkroi stilistja Nicky Apostolopoulos në Instagram.

Ajo shtoi se çdo detaj ishte krijuar me kujdes dhe me një ide të veçantë pas tij.

“7,000 kristale Swarovski, 500 orë punë dhe një pasion i përbashkët për të krijuar diçka të paharrueshme për skenën botërore”.

Edhe pse përfundoi në vendin e katërt, Delta u konsiderua si një nga të preferuarat e publikut gjatë gjithë konkursit.

Ajo fitoi gjithsej 287 pikë për performancën e saj dhe e emocionoi publikun me interpretimin e këngës “Eclipse”.

Këngëtarja shqiptare me famë botërore Bebe Rexha, në bashkëpunim me grupin Faithless, kanë arritur në vendin e parë në WARM Global Dance Radio chart, pasi kënga “New Religion” është rritur me një pozicion dhe ka marrë kryesimin e renditjes për javën e datës 23 maj.

E publikuar në fillim të marsit, kënga kryeson me mbi 900 transmetime (spins) në më shumë se 200 stacione radio të monitoruara në mbarë botën gjatë javës së matjes 8–14 maj, sipas World Airplay Radio Monitor.

“New Religion” ka pasur sukses edhe në listat amerikane të Billboard, ku ka qëndruar një javë në vendin e parë në Dance/Mix Show Airplay (datë 9 maj), si dhe ka arritur në vendin e 29-të në Pop Airplay dhe në vendin e 33-të në Rhythmic Airplay.

Kënga përfshin elemente nga hiti i Faithless i vitit 1995, “Insomnia”, i cili vetë ka qenë një sukses në Billboard: qëndroi një javë në vendin e parë në Dance Club Songs në vitin 1997 dhe u rendit në vendin e 62-të në Billboard Hot 100. Një version i ripunuar, “Insomnia 2.0”, gjithashtu kaloi një javë në vendin e parë në Dance Club Songs në vitin 2015.

Me këtë rezultat, “New Religion” shënon vendi i parë i parë në WARM Global Dance Radio si për Bebe Rexhën ashtu edhe për Faithless, që kur Billboard nisi publikimin e kësaj liste në mars.

Ndërkohë, në pesëshen e parë të renditjes, ANOTR me “Talk to You” (me 54 Ultra) bie në vendin e dytë pas gjashtë javësh në krye; FISHER dhe Tones and I me “Favour” mbajnë vendin e tretë; Prospa dhe Cloonee me “Free Your Mind” ngjiten nga vendi i pestë në të katërtin; ndërsa Milky dhe Mall Grab me “Just the Way You Are” ngjiten nga vendi i shtatë në të pestin.

Debutimi më i lartë i javës i takon Calvin Harris dhe Jazzy me “Satisfy”, që hyn në listë në vendin e 14-të, ndërsa në top 20 debuton edhe “Don’t Worry Baby” nga Dom Dolla dhe Tiga në vendin e 16-të.

Billboard njoftoi më 5 mars se ka zgjeruar portofolin e listave dance duke përfshirë edhe WARM Global Dance Radio chart. Kjo renditje debutoi në Billboard.com më 10 mars dhe i bashkohet listave të tjera amerikane si Hot Dance/Electronic Songs, Dance/Mix Show Airplay dhe Top Dance Albums. Lista globale ka 40 pozicione (e publikuar e plotë si renditje me 100 pozicione në platformën e WARM) dhe përmbledh transmetimet nga mbi 200 radio dance në më shumë se 30 shtete, duke reflektuar këngët që janë në trend globalisht.

Shkurte Fejza ka ndarë një mesazh emocionues në rrjetet sociale pas takimit që zhvilloi në Shtetet e Bashkuara me ish-presidentin amerikan, Bill Clinton.

Këngëtarja e njohur shqiptare e cilësoi këtë takim si një moment të veçantë mirënjohjeje për rolin historik që Clinton pati për Kosovën në periudhën më të vështirë të popullit shqiptar.

Në postimin e saj, Fejza falënderoi gjithashtu shqiptarët e Amerikës për kontributin dhe mbështetjen e vazhdueshme ndaj Kosovës ndër vite, duke i quajtur ata ‘zemra e gjallë e shqiptarizmës’.

Një lajm i bukur ka ardhur nga familja e ish-kryetarit të Kuvendit të Kosovës, Jakup Krasniqi.

Vajza e tij, Çlirimtarja, i ka dhënë fund beqarisë duke u fejuar me partnerin e saj, Rronin.

Lajmin e ka bërë publik Altin Krasniqi përmes një postimi emocionues në Facebook, ku ndau me ndjekësit një nga momentet më të rëndësishme për familjen e tyre.

Postimi i plotë:

Shakira ka fituar betejën e saj të gjatë ligjore me autoritetet tatimore spanjolle dhe pritet të marrë rreth 55 milionë euro, pasi u lirua nga akuzat për mashtrim tatimor lidhur me deklaratën e vitit 2011.

Gjykata në Madrid vendosi se autoritetet nuk arritën të provonin që këngëtarja kishte jetuar më shumë se 183 ditë në Spanjë gjatë atij viti, çka do ta detyronte të paguante taksa në vend.

Artistja kolumbiane kishte pranuar më herët disa shkelje tatimore për vitet 2012–2014, duke shmangur një proces të gjatë gjyqësor me një marrëveshje që përfshinte gjobë dhe dënim me kusht, shkruan DailyMail.

Megjithatë, çështja për vitin 2011 vazhdoi në rrugë administrative dhe përfundoi në favor të saj.

Pas vendimit, Shakira reagoi duke thënë se për vite me radhë ishte përballur me presion publik dhe dëmtim të reputacionit të saj, ndërsa insistoi se nuk kishte kryer mashtrim tatimor.

Ajo e cilësoi vendimin si një lehtësim të madh pas një beteje të gjatë ligjore.

Këngëtarja jeton prej vitit 2023 në Miami me dy fëmijët e saj, pas ndarjes nga ish-futbollisti Gerard Piqué, ndërsa vazhdon të jetë aktive në muzikë dhe projekte ndërkombëtare.

Koreografi, Arjan Sukniqi i ftuar këtë të diele në Euronews Albania ka folur lidhur me përfaqësimin e Shqipërisë në Eurovision dhe renditjes në vendin e 13-të. Sukniqi theksoi se nuk priste që vendi ynë të futej në top 10 teksa theksoi se jo për shkak të këngëtarit por për shkak të votimit nga vendet e tjera.

Ai theksoi se performanca ishte e mirë dhe se Shqipëria mori herë pas herë vëmendje. Sa i përket votimit nga fqinjët, ai theksoi se këto shtete kemi fqinjë dhe se nuk ka rëndësi renditja pasi vendi ynë ishte prezent. Sukniqi shtoi se nëse kënga do të ishte në anglisht ndoshta do të tërhiqte më shumë.

“Nuk di se si do të tingëllonte në anglisht, ndoshta të tërhiqte më shumë se nuk është fjala vetëm për shqiptarët, aty janë votat dhe për të tjerët. Po duhet të themi dhe një gjë tjetër për të qenë tamam. Unë jam njeriu që minimalisht kam qenë në katër festivale europiane.

Organizatorë kanë ca kode që ja lëshojnë të gjithë vendeve, sepse ky është një festival që paguhet nga EBU-ja dhe prandaj themi që është një festival edhe politik. Për shembull duhet t’ju tërheq vëmendjen. Ne kemi shkuar në Kiev kur fitoi Ruslana.

Ruslana mori çmimin dhe ne kur shkuam me Ledina Çelën e shihnim me flamur. Ne këtu jemi, këto fqinj kemi afër, këto aleanca kemi. Megjithatë kënga shumë e mirë, besoj që po të kishte qenë në gjuhën angleze do kishte pasur më interes. U përfaqësuam shumë mirë.

Nuk ka rëndësi se çfarë vendi ishim. E rëndësishme që ishin prezentë dhe herë pas here Shqipëria binte në sy sepse është një festival që e shohin mbi 200 milionë njerëz dhe gjithmonë Shqipëria qëndron në ato kontekstet e këtyre që pikëzohet”, tha ai.

Këngëtarja shqiptare me famë botërore, Bebe Rexha, ka dalë në mbështetje të protestës të 18 majit të paralajmëruar nga studentët shqiptarë në Maqedoninë e Veriut, për të kërkuar të drejtën që provimi i jurisprudencës të mund të zhvillohet edhe në gjuhën shqipe.

Në disa postime në InstaStory, artistja ka shpërndarë thirrjen për protestë me mbishkrimin “Protestë – Bashkohuni me studentët… 18 maj 2026”, duke përcjellë mesazhin që të gjithë të bëhen “një zë”.

“Gjuha jonë shqipe është thellësisht e rrënjosur në identitetin tonë. Për breza me radhë kemi luftuar për ta ruajtur dhe mbajtur gjallë”, thuhet në postim, duke rikujtuar sakrificat historike të shqiptarëve për ruajtjen e gjuhës.

Rexha gjithashtu sjell në vëmendje edhe faktin se Maqedonia e Veriut është një shtet multietnik, i ndërtuar mbi bashkëjetesën dhe parimin e të drejtave të barabarta, ku shqipja njihet si gjuhë bashkë-zyrtare.

Sunny Hill Festival ka zbuluar artistët e rinj që do të performojnë në edicionin e këtij viti, duke paralajmëruar një verë spektakolare në Prishtina.

Festivali do të mbahet më 31 korrik, 1 dhe 2 gusht dhe pritet të sjellë një nga organizimet më të mëdha muzikore në rajon.

Në mesin e emrave të konfirmuar janë disa prej artistëve më të njohur të skenës elektronike ndërkombëtare, përfshirë Keinemusik, me performancat e Adam Port dhe Rampa, si dhe Seth Troxler, Carlita dhe Manifest.

Organizatorët kanë bërë të ditur se ky është vetëm fillimi i listës së artistëve dhe se në ditët në vijim do të publikohen edhe emra të tjerë të mëdhenj të muzikës botërore, së bashku me artistë vendorë që do të jenë pjesë e programit artistik të festivalit.

Sipas tyre, pritjet për këtë edicion janë rekord, pasi deri më tani janë konfirmuar blerës të biletave nga më shumë se 50 shtete të botës.

Interesimi i madh ka bërë që festivali të zgjerojë rrjetin e shitjes së biletave në të gjitha shtetet e Evropës, në United States dhe në vende të tjera anembanë globit.

Rëndësia e festivalit po reflektohet edhe në ndikimin ekonomik që pritet të sjellë këtë verë.

Organizatorët theksojnë se hoteleria në Prishtinë dhe qytetet përreth tashmë ka nisur të mbushet me rezervime, ndërsa shumë brende të njohura ndërkombëtare dhe lokale do të jenë pjesë e përvojës së këtij edicioni.

“Ky edicion nuk është vetëm një festival i zakonshëm i muzikës; është një dëshmi e rritjes sonë si destinacion global. Prishtina po mirëpret botën”, thuhet nga ekipi organizativ i festivalit.