Category: SHËNDETËSI

Sa herë e keni pyetur veten pse djersini kaq shumë? Jeni ndjerë në siklet pasi keni veshur një fustan që evidenton edhe më shumë djersitjen në sqetulla apo gjithë trupin? Nuk jeni vetëm

“Djersitja është një reagim normal i trupit për të nxjerrë toksina dhe për të rregulluar temperaturën optimale të trupit në situata si nxehtësia e lartë, stërvitja intensive ose stresi akut”, thotë dermatologia Michele Green për Glamour.

“Gjëndrat e djersës ndalojnë kur ti ndalon një aktivitetet fizik, kur është piku i të nxehtit të verës dhe jo vetëm. Por, ky sinjal nuk ndodh kurrë tek disa persona ku gjëndrat e djersës vazhdojnë ta prodhojnë atë.”

Pse disa njerëz djersinë shumë?

“Njerëzit djersiten me ritme të ndryshme për shkak të një kombinimi të faktorëve gjenetikë dhe ndikimeve mjedisore”, thotë Jody Alpert Levine, dermatologe në NYC.

“Numri i gjëndrave të djersës, aktiviteti i tyre ndaj stimujve mund të ndryshojnë sipas njerëzve. Disa mund të kenë një numër më të madh të gjëndrave të djersës ose i kanë më aktive, gjë që çon në djersitje të shtuar. Faktorë të tjerë janë tiroidet, ankthi, faktori gjenetik, kushtet neurologjike dhe efektet anësore të ilaçeve”.

Veshjet të lirshme me nuanca pastel janë një zgjidhje

Veshjet e bollshme me ngjyra pastel, janë një ide e mirë për t’i ikur ose për të fshehur djersitjen e tepërt. Jo veshje me ngjyrë të zezë apo të errëta, pasi ato reflektojnë rrezet e diellit dhe nuk e thithin nxehtësinë. Veshjet e lirshme janë një gjetje sepse largojnë lagështinë.

Këto dy teknika ndihmojë në reduktimin disi të djersitjes së tepërt, por ulin edhe rrezikun e akneve të shkaktuara nga djersa, çarja e lëkurës dhe skuqjeve. /Telegrafi/

Sëmundjet e zemrës kanë qenë shkaku kryesor i vdekjeve në botë, sidomos këto kohët e fundit. Por, një sondazh i “Harris Poll” për “American Heart Association” zbuloi se 51% e amerikanëve nuk e dinin këtë statistikë

“Sëmundjet e zemrës mund të zvogëlohen ndjeshëm nëse ne jemi në gjendje të parandalojmë faktorët e rrezikut,” thotë kardiologu Sharan Sharma.

Por, a e dini që gjumi dhe specifikisht gërhitja mund të jetë shenjë e një problemi në zemër?

Gërhitja nuk është vetëm një bezdi për çdo partner/e në shtrat, por diçka që lidhet edhe me zemrën. “Gërhitja mund të jetë një shenjë e apneas së gjumit,” shpjegon mjeku Sharma, shkruan Parade.

“Kjo gjendje është e lidhur me sëmundje të ndryshme të zemrës si fibrilacioni atrial, hipertensioni dhe shtrëngimi i zemrës”.

Një studim i vitit 2024 me më shumë se 12 mijë njerëz i botuar në “Nature” zbuloi se gërhitja e rregullt rrit rrezikun e një personi për presion të lartë të gjakut të pakontrolluar. Një apnea është mungesa e plotë e rrjedhës së oksigjenit për të paktën 10 sekonda.

Gërhitja mund të jetë gjithashtu një shenjë e një rënieje të rrjedhës së ajrit të njohur si “hipopnea” që gjithashtu zgjat 10 ose më shumë sekonda. Të dyja kanë pasoja që mund të jenë të dëmshme për zemrën.

“Kjo ndërprerje rrit stresin, ose hormonet si kortizonin dhe adrenalinën,” thotë mjeku Leonard Pianko.

“Kjo rritje hormonale rrit presionin e gjakut dhe rrahjet e zemrës dhe mund të bëjë një tendosje të vazhdueshme në sistemin tuaj kardiovaskular, duke shkaktuar një atak në zemër”, citon Anabel

A është gërhitja gjithmonë një shenjë e sëmundjes së zemrës?

Mjekët këshillojnë njerëzit që t’i kushtojnë vëmendje të veçantë gërhitjes pasi ajo lidhet me sëmundjet e zemrës nëse shoqërohet gjithashtu me:

▪ Frymëmarrje që ndalon gjatë gjumit
▪ Gjumë i tepërt gjatë ditës
▪ Vështirësi për t’u përqendruar
▪ Dhimbje koke në mëngjes
▪ Dhimbje fyti pas zgjimit
▪ Tensioni i lartë i gjakut./Telegrafi/

Nëse prindërit tuaj ju kanë paralajmëruar si fëmijë që të mos shkoni për të notuar të paktën gjysmë ore pas një vakti, ata kishin të drejtë. Domethënë, ka disa gjëra që nuk preferohet të bëhen menjëherë pas ngrënies.

Për ta lehtësuar tretjen, rekomandohet të pini një gotë ujë pas një vakti dhe të bëni një shëtitje të lehtë. Kjo do t’ju ndihmojë ta rregulloni sheqerin në gjak dhe do t’ju bëjë të ndiheni më mirë.

Por, duhet t’i shmangni këto tri gjëra:

Mos i lani dhëmbët
Sipas klinikës Mayo, duhet të shmangni larjen e dhëmbëve menjëherë pas ngrënies, nëse keni ngrënë ose pirë ndonjë gjë acidike, si limonët dhe frutat tjera agrume, ose nëse keni pirë verë. Në këtë rast duhet të prisni 30 minuta para pastrimit, sepse mund ta dëmtojë smaltin.

Mos flini
Vaktet para gjumit mund të çojnë në urth dhe dhimbje të tjera stomaku dhe ta prishin cilësinë e gjumit tuaj. Sipas mjekëve nga klinika Mayo, duhet të prisni të paktën tre orë pas ngrënies.

Kjo për shkak se ushqimi që mbetet në trupin tonë nuk mund të përpunohet njësoj si kur jemi ulur ose kryejmë ndonjë lloj aktiviteti fizik, siç është ecja. Në vend të kësaj, ushqimi dhe acidi kthehen në ezofag dhe më pas mund të keni urth.

Mos ushtroni
Ushtrimi ose aktiviteti i tepërt fizik pas një vakti nuk është një ide e mirë nëse doni t’i shmangni shqetësimet e stomakut ose ngërçet e muskujve. Nëse hani një vakt të madh, prisni tre deri në katër orë para se të ushtroni. Nëse keni një meze të lehtë ose një vakt të vogël, pritni të paktën një orë. /Telegrafi/

Gluteni është pjesë përbërëse e shumë vakteve të shijshme, si p.sh. pasta, makarona dhe ëmbëlsira, dhe kjo për shkak se gjendet te gruri, thekra dhe elbi. Megjithatë, për disa njerëz mund të jetë e vështirë të tretet dhe për këtë arsye duhet ta shmangin atë në baza ditore.

Gastroenterologia Rabia De Latour nga Shkolla e Mjekësisë të NYU thekson se përveç njerëzve me sëmundje celiake (një çrregullim autoimun në të cilin konsumimi i glutenit shkakton dëmtime të përhershme në zorrën e hollë), ka edhe një numër më të vogël njerëzish që kanë zhvilluar intoleranca ndaj glutenit ose ndjeshmëri joceliake ndaj glutenit.

Sipas studimeve të publikuara në Gastroenterology dhe The Psychiatric Quarterly, ky grup përbën midis 0.5 dhe 13 për qind të popullsisë. Kanë shumicën e simptomave të celiakisë, por nuk shfaqin ndryshime fiziologjike, si dëmtim të zorrës së hollë dhe kequshqyerje.

Megjithatë, ka disa simptoma mjaft të qarta të intolerancës ndaj glutenit që nuk duhet t’i injoroni.

Nauze dhe ngërçe pas ngrënies
Të përzierat dhe ngërçet që shfaqen pas ngrënies së vakteve që përmbajnë gluten mund të tregojnë se jeni intolerant ndaj glutenit. Për këtë arsye shpesh sugjerohet që të mbani një ditar ku të shkruani se çfarë ushqimesh keni ngrënë dhe si jeni ndier pas vaktit.

Fryrje
Fryrja e barkut mund të shkaktohet nga shumë gjëra, nga hormonet e deri te ushqimet, si fasulet, por nëse nuk jeni duke e tretur glutenin siç duhet, lukthi juaj padyshim mund të ndihet i fryrë dhe i ndjeshëm.

Lëkurë të thatë
Shumë njerëz me ndjeshmëri ndaj glutenit raportojnë sëmundje të lëkurës, duke përfshirë lëkurë jashtëzakonisht të thatë, skuqje, puçrra në fytyre dhe njolla nga ekzema.

Humbje peshe
Humbja e paqëllimshme e peshës është një nga simptomat kryesore të sëmundjes celiake, sepse kur zorrët tuaja dëmtohen, ju nuk e përthithni siç duhet ushqimin që hani. Megjithëse ndjeshmëria jo-celiake ndaj glutenit nuk i dëmton zorrët, mund t’ju bëjë të hani më pak për shkak të dhimbjes që ndodh.

Nuk ndiheni mirë
Ndryshimet e disponimit ose ndjenjat e rritjes së depresionit ose ankthit pas konsumimit të ushqimeve që përmbajnë gluten është një simptomë te njerëzit me ndjeshmëri jo-celiake ndaj glutenit – njofton Women’s Health.

Keni probleme me kujtesën
Një nga simptomat kryesore neurologjike të raportuara nga pacientët me ndjeshmëri ndaj glutenit është e ashtuquajtura mjegull e trurit, ose thjesht ndjenja sikur nuk mund të mendojnë qartë dhe kanë vështirësi në kujtimin e gjërave. /Telegrafi/

Nuk është vetëm ajo që ju hani që rrit rrezikun për sëmundje të zemrës – studiuesit tani thonë se edhe koha kur ju ushqeheni gjithashtu mund të luajë një rol.

Gratë që kanë konsumuar darkën pas orës 6 pasdite mund të përballen me një rrezik më të madh të vrasësit kryesor në botë, sugjeroi një studim një vjeçar.

Ato që hëngrën më vonë kishin më shumë faktorë rreziku, siç janë tensioni i lartë, indeksi i lartë i masës trupore (BMI) dhe kontrolli i dobët i sheqerit në gjak.

Ekspertët e Universitetit Columbia, të cilët studiuan 112 gra, thonë se zgjedhja për të ngrënë më herët në mbrëmje mund të jetë një mënyrë ‘e thjeshtë’ për të ulur rrezikun e sëmundjeve të zemrës.

Shëndeti kardiovaskular u vlerësua duke përdorur masat Simple 7 të Shoqatës së Zemrës Amerikane. Ato përfshijnë mos pirjen e duhanit, të qenit aktiv, të ushqyerit e shëndetshëm, pesha e shëndetshme si dhe kolesteroli i ulët, presionin e gjakut dhe niveli i sheqerit në gjak.

Studimet kanë treguar vazhdimisht se njerëzit që i përmbahen më shumë masave kanë një rrezik më të ulët të sëmundjeve të zemrës dhe goditjes në tru.

Lista e roleve që luajnë proteinat në trupin tonë është shumë e gjatë. Ky element ushqyes është i nevojshëm për të ndërtuar dhe riparuar muskujt, indet, gjakun, kërcet, kockat dhe lëkurën.

Proteinat janë gjithashtu të rëndësishme për prodhimin e hormoneve dhe kimikateve që rregullojnë  një sërë procesesh trupore. Pa sasinë e mjaftueshme të proteinave në dietën tonë, është shumë e vështirë të jemi të shëndetshëm.

Nuk është për t’u habitur pse shumë vegjetarianë ose njerëz që mbajnë dieta të forta kufizuese, vuajnë nga simptoma të ndryshme të mungesës së proteinave. Duke konsumuar ushqime që përmbajnë pak ose aspak proteina, trupi nuk ka zgjidhje tjetër përveç se të shfrytëzojë proteinat e tij, duke shkaktuar ‘tretjen’ e indeve ku ruhen proteinat, si në muskuj. Ka disa shenja paralajmëruese që do të përjeton nëse vuani nga mungesa e proteinave:

Faqe të ënjtura

Kjo nuk është shkaktuar nga yndyra e tepërt siç mund të dyshoni, por nga inflamacioni i gjendrave të pështymës. Kjo gjendje zakonisht ndodh nëse ka një çekuilibër të vazhdueshëm të proteinave e karbohidrateve tek ju.

Sy të ënjtur

Edema është shkaktare e syve të ënjtur, një gjendje në të cilën lëngu i tepërt mblidhet në inde. Kjo ndodh sepse proteinat janë një nga përbërësit që rregullojnë ekuilibrin e lëngjeve në trupin tuaj.

Duar të fryra

Edhe kjo gjë ka të bëjë me mbledhjen e ujit në inde, e njohur në botën mjekësore si edemë. Ekziston një shumëllojshmëri gjendjesh shëndetësore që çojnë në edemë dhe një prej tyre është mungesa e proteinave.

Flokët e dobët

Kjo gjendje mund të ketë disa shkaktarë. Një prej tyre është të mos kesh një dietë mjaftueshëm të pasur me proteina. Kjo nuk duhet t’ju vijë si surprizë, pasi e dini që flokët kryesisht përbëhen nga proteina.

Tharje e tepërt e lëkurës

Mosmarrja e mjaftueshme e proteinave mund të shkaktojë tharje të lëkurës dhe zona të skuqura. Mungesa e proteinave ju bën më të ndjeshëm ndaj djegieve nga dielli gjithashtu.

Përgjumje ose mjegull truri

Energjia dhe funksionet tuaja konjitive ndikohen gjithashtu kur ulet niveli i proteinave. Siç e përmendëm më herët, proteinat janë jetike për prodhimin normal të hormoneve, shkruan living. Disa nga këto hormone kanë lidhje me stresin , prodhimin e energjisë dhe vigjilencën mendore.

Për të shmangur këto probleme është e rëndësishme të merrni mjaftueshëm proteina gjatë ditës. Ka një formulë të thjeshtë për të llogaritur sa proteina duhet të konsumojmë çdo ditë: pesha juaj në pound/2=sasia e nevojshme e proteinave në gramë.

Sëmundjet kardiovaskulare janë shkaku kryesor i vdekjeve, ndaj është shumë e rëndësishme t’i kushtohet vëmendje e veçantë shëndetit të zemrës.

Dieta luan një rol të madh në parandalimin e këtyre sëmundjeve dhe shumë ekspertë besojnë se nuk është e këshillueshme të hamë djathë nëse kujdesemi për shëndetin kardiovaskular.

Është shumë e vërtetë se disa djathëra nuk janë shumë të mirë për zemrën, por ka ende opsione më të shëndetshme.

“Disa ushqime, të tilla si ato me yndyrë të ngopura dhe natrium, mund të rrisin rrezikun e sëmundjeve kardiovaskulare”, tha kardiologu dr. Cheng-Han Chen për Parade, përcjell Telegrafi.

Në të kundërt, ushqimet me bazë bimore që janë të larta në fibra dhe të ulëta në yndyra të ngopura mund të jenë të dobishme për shëndetin e zemrës.

Megjithatë, edhe pse djathi përmban yndyrë të ngopur dhe natrium, kardiologu pohon se ai mund të jetë ende pjesë e një diete të shëndetshme për zemrën.

Megjithatë ai thekson: “Djathi që zgjidhni nuk duhet të ketë shumë yndyrë të ngopur dhe natrium dhe duhet ta konsumoni me masë”.

Ai tregon cili lloj djathi nuk është aq i keq për zemrën.

“Mozzarella është një burim i mirë i proteinave dhe kalciumit dhe madje përmban probiotikë që mund të përfitojnë shëndetin dhe imunitetin e zorrëve. Mocarela e freskët ka më pak yndyrë të ngopur dhe natrium se djathërat e tjerë”, thotë Dr Chen.

Një porcion 28 gram mozzarella përmban më shumë se gjashtë gram proteina, 143 miligramë kalcium, 138 miligramë natrium dhe rreth katër gram yndyrë të ngopur.

Sidoqoftë, duhet të kontrolloni faktet ushqyese në paketimin e këtij djathi, sepse sasia e natriumit mund të ndryshojë.

“Është mirë të shmangni mozzarellën me shumë natrium sepse mund të rrisë presionin e gjakut”, përfundoi Dr Chen./Telegrafi/

Këndimi me zë të lartë është një kurë mjaft e mirë për të gjitha nënat që vuajnë nga depresioni i paslindjes.

Ky është rezultati i një studimi të fundit publikuar në britaniken “Journal of Psychiatry”.

Shkencëtarët studiuan 134 nëna të reja nga e gjithë bota duke i grupuar në tri grupe të ndryshme: njëri grup ishte pjesë e këngëve, një tjetër ishte pjesë e lojërave kreative dhe grupi i tretë bënte çdo gjë si në përditshmëri, ku nënat e reja mbështeteshin nga familja, merrnin qetësues për depresionin pas lindjes ose bëheshin pjesë e seancave të ndryshme trajnimi me beben.

Pas një vëzhgimi të gjatë, shkencëtarët zbuluan se nënat që këndojnë ose krijojnë këngë për foshnjat e tyre kurohen më shpejt nga depresioni pas lindjes krahasuar me nënat e grupeve të tjera të përfshira në këtë studim.

Të gjitha grupet u bënë pjesë e studimit gjatë 10 javëve, por në gjashtë javët e para grupi i këngëve tregoi një rënie mesatare prej 35 për qind të simptomave depresive.

Autori kryesor i studimit, Daisy Fancourt, nga Universiteti i Londrës, tha se të kënduarit është një tjetër terapi e dobishme për t’u ofruar nënave të reja që vuajnë nga depresioni pas lindjes. “Këto rezultate janë me të vërtetë interesante, sepse sugjerojnë diçka shumë të thjeshtë si kurë që u referohet nënave të reja”.

Ngërçi i muskujve është një tkurrje e papritur dhe e pavullnetshme e muskujve në trup.

Nëse jeni zgjuar ndonjëherë gjatë natës ose gjatë ecjes nga ngërçi, ju e dini mirë që shtrëngimet shkaktojnë dhimbje të forta. Periudhat e gjata të ushtrimit ose të punës fizike, veçanërisht në mot të nxehtë, mund të çojnë në shfaqjen e ngërçit në muskuj.

Por edhe disa ilaçe dhe probleme shëndetësore mund të shkaktojnë ngërç të muskujve.

Shumica e rasteve të ngërçit ndodhin në muskujt e këmbëve, veçanërisht në zonën e kofshës. Përveç dhimbjes së papritur dhe të mprehtë, mund të ndjeni ose shihni edhe një gungë të fortë të indeve të muskujve nën lëkurën tuaj.

Shkaqet

Përdorimi i tepruar i muskujve, etja, tendosja e muskujve ose thjesht mbajtja e një pozicioni për një periudhë të zgjatur mund të shkaktojë ngërç muskulor. Megjithatë, në shumë raste, shkaku nuk dihet.

Dhimbjet e muskujve mund të jenë të lidhura me probleme mjekësore themelore, të tilla si:

Furnizimi i pamjaftueshëm me gjak. Shtrëngimi i arterieve që çojnë gjak në këmbët tuaja mund të prodhojë raste të ngërçit.

Shtypja e fijeve nervore. Shtypja e nervave në shtyllën kurrizore (stenoza e mesit) gjithashtu mund të prodhojë dhimbje të ngërçit në këmbët tuaja. Dhimbja zakonisht përkeqësohet sa më gjatë të ecni. Duke ecur në një pozicion paksa të përkulur – siç bëni kur shtyni një karrocë para jush – mund të përmirësoni dhe ulni dhimbjen.
Pamjaftueshmëria e mineraleve në organizëm. Mungesa e mineraleve jetësore si kalium, kalcium ose magnez në ushqimin tuaj ndihmojnë shfaqjen e ngërçit.
Në disa raste mjekimet farmaceutike për presionin e lartë të gjakut, gjithashtu e zbrazin organizmin nga këto minerale.

Faktorët e rrezikut që rrisin rrezikun e ngërçeve të muskujve përfshijnë:

Mosha. Njerëzit e moshuar humbasin masën e muskujve, kështu që muskujt e mbetur mund të kontraktohen më lehtë.
Dehidratimi. Personat që lodhen dhe humbasin ujë, shpesh hasin dhimbje të muskujve.
Shtatzënia. Dhimbjet e muskujve gjithashtu janë të zakonshme gjatë shtatzënisë.
Problemet mjekësore me shëndetin

Ju mund të jeni në rrezik më të lartë të ngërçeve të muskujve nëse keni probleme me diabetin, nervat, mëlçinë ose çrregullimet tiroide.

Këto hapa ndihmojnë në parandalimin e ngërçeve:

Shmangni dehidratimin. Pini shumë lëngje çdo ditë. Sasia e ujit varet nga ajo që hani, gjinia, niveli i aktivitetit tuaj, moti, mosha dhe mjekimet që merrni.
Shtrini muskujt tuaj. Bëni ngrohjen fizike para dhe pas përdorimit të ndonjë muskuli për një periudhë të zgjatur.
Nëse keni tendencë të keni dhimbje në këmbë gjatë natës, ushtroni pak muskujt e gjymtyrëve para gjumit.

Ushtrimi i lehtë, siç është hipur në një biçikletë stacionare për disa minuta para gjumit, gjithashtu mund të ndihmojë në parandalimin e dhimbjeve gjatë gjumit.

Kur duhet patjetër të vizitoheni tek mjeku

Ngërçet e muskujve zakonisht zhduken vetvetiu por ndonjëherë janë serioze sa duhet për të kërkuar kujdes mjekësor. Kur ngërçet shkaktojnë problemet e mëposhtme duhet të paraqiteni tek mjeku.

Shkaktojnë dhimbje të rënda

Janë të lidhura me ënjtje të këmbëve, skuqje ose ndryshime të lëkurës
Janë të lidhura me dobësi të muskujve
Ndodhin shumë shpesh
Ngërçi që shkaktohet nga disa ilaçe dhe medikamente

Ngërçet njihen si efekte anësore kur përdoren disa ilaçe të caktuara për probleme të tjera të shëndetit. Ato shfaqen me nifedipine (Procardia dhe të tjerë), të përdorura për shtrëngime kraharori, tension të lartë të gjakut dhe kushte të tjera).

Ngërçet shfaqen edhe prej disa ilaçeve të azmës si terbutalina (Brethine) dhe albuterol (Proventil, Ventolin dhe të tjerë). Disa ilaçe që përdoren për të ulur kolesterolin, siç është lovastatina (Mevacor), gjithashtu mund të çojnë në ngërçe.

Kinina është një substancë që ul ngërçin dhe në sasi minimale gjendet tek uji tonik. Mjaft persona vënë re lehtësim nga ngërçet si rezultat i përdorimit të ujit tonik.

Por kinina si preparat është i dëmshëm për shtatëzënat dhe për personat me probleme të tensionit. Mjaftohuni me ujin tonik pa ekzagjeruar në sasi.

Këshilla praktike për ngërçin

Sapo e ndjeni dhimbjen, zhvishni këmbën e prekur dhe shtypni shputën e zbathur të këmbës në dysheme. I ftohti dhe sipërfaqja e sheshtë do t’ju sillen në normalitet për pak sekonda.

Nëse ju kap gjatë natës, tërhiqni drejt vetes gishtat e këmbës së prekur dhe dhimbja do të kalojë shumë shpejt.

Mesatarisht, një person pi 3.1 gota kafe në ditë dhe kjo thjesht dëshmon se bota moderne nuk mund të jetojë pa këtë pije, madje është bërë edhe kulturë.

Por, përveç efekteve pozitive, ka disa anë negative për të cilat duhet të informohen të gjithë përdoruesit e kafesë.

Më poshtë mund të njiheni me disa shenja që tregojnë se po e teproni me konsumimin e kafesë:

Probleme me stomakun dhe zorrën e trashë

Kafeja ka një efekt laksativ. Ajo nxit prodhimin e një hormoni që përshpejton aktivitetin në zorrën e trashë. Kur konsumoni më shumë kafe seç duhet, zakonisht mund të keni probleme me jashtëqitjen, në disa raste edhe diarre.

Ndiheni të lodhur ditën tjetër

Kafeja stimulon sistemin nervor për shkak të përmbajtjes së kafeinës dhe gjithashtu përmirëson performancën fizike me 11-12%. Por ka një anë të keqe. Studimet tregojnë se pasi pini shumë kafe, mund të ndiheni të lodhur ditën tjetër dhe të përballeni me një gjendje si përgjumje.

Keni ankth

Dozat e larta të kafeinës sjellin një gjendje ankthi dhe nervozizmi. Nëse vini re se bëheni nervoz shumë shpejt, bëni mirë të kontrolloni sasinë e kafeinës.

Përjetoni pagjumësi

Kafeina ju mban zgjuar dhe në të njëjtën kohë mund të ketë pasoja për gjumin. Studiuesit kanë treguar se konsumi i lartë i kafesë mund të rrisë sasinë e kohës që ju nevojitet për të fjetur.

Keni rrahje të shpeshta të zemrës dhe përjetoni lodhje

Efekti i rrahjeve të shpejta të zemrës nuk shfaqet te të gjithë njerëzit, por gjithsesi është i zakonshëm. Është vërtetuar që një efekt i tillë është më i përhapur te të rinjtë. Pirja e kafesë nuk rekomandohet për personat që kanë probleme me presionin e gjakut.

Ndiheni të varur prej saj

Studimet kanë treguar se kafeina rrit metabolizmin me 3-11%. Sidoqoftë, është e rëndësishme që të tregoheni të kujdesshëm pasi disa njerëz janë jotolerantë ndaj kafesë dhe efekteve të saj negative. Problemi qëndron te fakti se mund të bëheni të varur nga kafeja duke mos konsumuar mjaftueshëm ujë.