Category: SHËNDETËSI

PËRGATITI: SARA SHEHU

Pacientë dhe familjarë të tyre po kërkojnë që çmimet e shërbimeve mjekësore në Qendrën Klinike Universitare të Kosovës të jenë më të lira. Mirëpo nga SHSKUK-ja i arsyetojnë pagesat.

Shërbimet mjekësore në Qendrën Klinike Universitare të Kosovës, sipas qytetarëve janë të kushtueshme.

Duke pasur parasysh që QKUK-ja është institucion publik, Pacientët kërkojnë që çmimet për mjekim dhe hospitalizime të jenë më të lira.

“Bashkëshortja para disa dite ka pësuar infrakt. Unë jom pensioner por ajo nuk është për atë po duhet të paguaj të gjitha si qëndrimin në spital si krejt. Këto pagesa duhet me u hek , se s’ka kurgja në këtë shëndetësi. Po duhet shërbime te shumte me pagu. E masi po i kryjmë këto pagesa ato pare nuk po dihet as ku po shkojnë. Këtu ka veç maltretim, gjëra të papërballueshme”.

“E kam grun e hospitalizume këtu në klinikën e Kardiologjisë. Duhet me ndryshu kjo rregull duke marr parasysh gjendjen tonë financiarë në Kosovë. Është shumë i shtrenjtë çmimi si për qëndrim me pagu po ashtu edhe çmimi i anestezionit ai duhet të jetë fal”.

Edhe mërgimtarët vlerësojnë se shërbimet në sektorin publik janë të shtrenjta.

“Shumë çmime të larta për qytetarët që jetojnë në Kosovë. Çdo herë duhet me ble anestezionin e shumëçka tjetër me u pagu”.

Megjithatë, drejtoria e SHSKUK-së, i arsyeton çmimet për shërbimet që ofrohen.

“Në rast se pacienti qëndron më pak se 10 ditë, i kthehen nga 4 euro për çdo natë qëndrimi. Nëse qëndron më gjatë nuk paguan shtesë. Kategoritë e liruara janë, fëmijët, studentët, pensionistët, invalidët e luftës veterantët, pacientët me diagnoza që janë përcaktuar me Udhëzim Administrativ në fuqi”.

Klinikat më të mbingarkuara në gjashtë muajt e fundit janë ajo e Emergjencës dhe Klinika e Pediatrisë.

Sipas një studimi të kryer nga shkencëtarët italianë, një gotë e vogël me verë për çdo natë mund të jetë e mjaftueshme për të rrezikuar në goditje në zemër dhe në tru.

Hulumtuesit në Universitetin e Modenas dhe Reggio Emilias krahasuan të dhënat e shtypjes së gjakut të më shumë se 20 mijë njerëzve, të cilët ishin bërë pjesë e studimit për katër vite.

Ekspertët zbuluan se edhe konsumimi i një sasive të vogël të alkoolit përditë është i mjaftueshëm për të rritur në shkallë të konsiderueshme tensionin e gjakut, raporton “Daily Mail”. Vullnetarët, që konsumuan mesatarisht nga 12 gramë alkool në ditë, patën tension të gjakut për 1.25mmHG më të lartë se ata që nuk kishin konsumuar alkool. Kjo sasi e alkoolit është e barabartë me atë që ndodhet në një gotë të vogël me verë ose në një shishe 330-mililitërshe të birrës.

Ndërkohë, ata të cilët kishin konsumuar katërfishin e sasisë prej 12-gramësh, patën rritje të shtypjes së gjakut për 4,9mmHG.

Dr. Marco Vinceti, njëri nga hulumtuesit, tha se nuk kishin gjetur efekte dobiprurëse te të rriturit që kishin pirë nivel më të ulët alkooli në krahasim me ata që nuk kishin pirë alkool.”

Vinceti tha se ekipi i tij ishte “disi i befasuar”, kur kuptoi se edhe niveli i ulët i alkoolit ishte i lidhur me ndryshimin e tensionit të lartë të gjakut. “Alkooli sigurisht nuk është nxitësi i vetëm i rritjes së tensionit të gjakut. Megjithatë, rezultatet tona konfirmojnë se ai kontribuon në një mënyrë kuptimplote”, shtoi hulumtuesi italian.

Nën varianti i ri i variantit Omicron të COVID-19, Eris (EG.5.1), është përhapur në të gjithë Britaninë e Madhe, sipas Agjencisë së Sigurisë Shëndetësore të Britanisë së Madhe (UKHSA), transmeton Anadolu.

Sipas UKHSA, varianti i ri Eris përbën një në çdo 7 raste të reja në mbarë vendin.

Eris u regjistrua si varianti i dytë më i zakonshëm në Mbretërinë e Bashkuar, pas Arcturus, i cili përbën rreth gjysmën e rasteve, me 39,4 për qind.

Autoritetet raportuan se po monitorojnë nga afër situatën teksa vazhdon rritja e rasteve me COVID-19 në mbarë botën.

Sipas Studimit Zoe COVID-19 Sympton, i cili vlerëson shifrat për infeksionet dhe shkallën e vaksinimit nga COVID-19 në Mbretërinë e Bashkuar, numri i vlerësuar i rasteve, i cili ishte 606.656 më 4 korrik, u rrit me 200.000 duke shkuar në rreth 785.980 në 27 korrik.

Kontakti në hapësira të mbyllura dhe imuniteti i reduktuar mund të shkaktojnë rritje

Ekspertët pretenduan se rritja e rasteve të COVID-19 në vend mund të lidhet me grumbullimin e miliona njerëzve në kinema, pasi filmat Barbie dhe Oppenheimer u shfaqën në kinematë më 21 korrik.

Mendohet se grumbullimi i njerëzve në distancë të afërt në zona të mbyllura dhe dobët të ajrosura mund të ketë rritur shkallët e transmetimit.

Thuhet se rënia e imunitetit ndaj sëmundjes dhe kalimi i një periudhe të caktuar kohore pas vaksinave kundër COVID-19 mund të shkaktojë edhe rritje të rasteve.

Inteligjenca artificiale mund të konstatojë në mënyrë të sigurt imazhet e ekzaminimit të kancerit të gjirit, kështu thuhet në raportin e një studimi suedez.

Ata zbuluan se me ndihmën e kompjuterit inteligjenca artificiale mund të dallojë kancerin në mënyrë të saktë, por shtuan se nevojiteshin më shumë kërkime për të përcaktuar plotësisht nëse mund të përdoret në programet e shqyrtimit.

BBC shkruan se nuk është studimi i parë që shqyrton përdorimin e inteligjencës artificiale për të diagnostikuar kancerin e gjirit në mamografi.

Në hulumtimet e mëparshme, duke përfshirë disa të kryera në Mbretërinë e Bashkuar, teknologjia vlerëson skanimet që tashmë janë parë nga mjekët.

Studimi përfshin mijëra gra të marra nën mbikëqyrje, ku në gjysmën e skanimeve u vlerësuan nga dy radiologë, ndërsa gjysma tjetër u vlerësuan nga mjeti i shqyrtimit i mbështetur nga inteligjenca artificiale.

Në total, 244 gra u zbuluan nga aparatura e mbështetur në inteligjencën artificiale, ndërsa 203 u konstatuan nga aparatura e zakonshme.

Autorja kryesore e studimit doktoresha Kristina Lang tha se inteligjenca artificiale ka potencialin për t’u përdorur në zbulimin e kancerit të gjirit në të ardhmen edhe pse ende nevojiten shumë kërkime. /tch

Derisa shumë njerëz mund të tronditen nga ideja për të mos bërë dush çdo ditë, dushi më i rrallë mund të jetë më i mirë për lëkurën tonë.

Sipas mendimit dhe këshillës së dermatologes Mary Stevenson, në fund të fundit mund të mos kemi nevojë për një dush të përditshëm, raporton The Sun.

Stevenson pohon se shpeshtësia e dushit duhet të varet kryesisht nga një sërë faktorësh personal.

Këta faktorë përfshijnë lëkurën tonë, moshën dhe nivelin e aktivitetit.

Siç shpjegon ajo, shumica e njerëzve në përgjithësi duhet të bëjnë dush çdo dy deri në tre ditë.

Përjashtim bëjnë vetëm ata njerëz që ushtrojnë çdo ditë në palestër ose merren me ndonjë aktivitet tjetër fizik që çon në djersitje të shtuar. Sipas ekspertes, ata duhet të bëjnë dush pas çdo seance stërvitore.

Sa kohë bëjmë dush është gjithashtu e rëndësishme.

“Ne nuk duhet të bëjmë dush për një kohë shumë të gjatë sepse mund të prishë yndyrën dhe lëkurën sonë dhe kështu të çojë në lëkurë të thatë, irritime të caktuara dhe ndonjëherë edhe skuqje. Unë i këshilloj të gjithëve që një dush të mos zgjasë më shumë se tre minuta”, shpjegon Stevenson.

Në emisionin e mëngjesit ALARM në ATV, e ftuar në studio ishte nutricistja Dafina Demolli. Ajo në këtë emision foli për problemet më të shpeshta me të cilat përballen pacinetët kosovarë sa i përket ushqimeve.

Ajo rekomandoi për të gjithë që vërejnë se kanë probleme me tretjen e ushqimit, diarrenë, apo shqetësime të ngjashme shëndetësore, ta bëjnë testin e “intolerancës”.

Duke folu për “intolerancën” te një person që mund të ketë në disa lloje të ushqimeve, doktoresha tregoi një kërkesë të pazakontë që kishte marrë nga një pacient. Ai i kishte kërkuar asaj që vetëm mishin dhe birrën të mos ia ndalojë, ndërsa për ushqimet tjera nuk ka problem.

Bisedën e saj të plotë në ALARM e gjeni në videon më poshtë:

Një operacion goxha i rrallë dhe i ndjeshëm u krye para disa ditësh në sallën operative të Klinikës Emergjente, të Qendres Klinike dhe Universitare.

Bëhet fjalë për rastin e A.R, 36-vjeçar i cili kishte pësuar një aksident të rëndë.

Ai e kishte prerë gati krejt krahun e djathtë me xham në shtëpi.

“Mjekët kirurgë, me punë ekipore, (ekipa e Kirugjisë Vaskulare që e udhëheqi operimin, e Kirurgjisë Plastike dhe Rekonstruktive dhe ekipa e Neurokirurgjisë), bashkë me Anesteziologë dhe pjesën tjetër të ekipit operativ, kanë kryer operimin te një pacient i moshës 36 vjeç, duke i realizuar dy bypasse (urëzime), në pjesën e mesme të arteries brahiale dhe venës basilica të djathtë, (arterie kryesore që ushqen dorën me gjak dhe vena sipërfaqsore, e cila e kthen gjakun në zemër)”, thuhet në njoftimin e Shërbimit Spitalor, Klinik dhe Universitar të Kosovës.

“Si graft për rekostrukcion të enëve të lëndura, ekipa përdori venën sipërfaqësore të këmbës së djathtë; (Vena saphena magna). Po ashtu ekipa operative, kishte përkujdesur dy venat brahiale dhe kishte bërë hemostazë korrekte. Ekipa e Neurokirurgjisë e bëri qepjen e nervit të dorës, ndërsa ekipa e Kirurgjisë Plastike, bëri qepjen e muskujve dhe të tendinave”.

“Pas operacionit janë kryer ekzaminimet kontrolluese, ku është konstatuar se intervenimi kirurgjik ishte kryer me sukses të plotë dhe pacienti pas 6 ditë hospitalizimi në Kirurgji Vaskulare, u lirua në shtëpi në gjendje shumë të mirë shëndetësore”.

Një klasë e re e imunoterapisë mund të ofrojë shpresë për pacientët me kancer që nuk i përgjigjen trajtimeve ekzistuese, sugjeron hulumtimi.

Studimi zbuloi se ilaçi, i quajtur MOv18 IgE, zvogëloi një tumor tek një pacient me kancer ovarian dhe raportoi se ai u pranua mirë nga pacientët.

Shkencëtarët sugjerojnë se gjetjet e tyre mund të hapin rrugën për një ilaç krejtësisht të ri kundër kancerit për njerëzit me kancer rezistent ndaj kimioterapisë.

Studimi, nga studiues nga King’s College London dhe Guy’s dhe St Thomas’ NHS Foundation Trust, dhe i financuar nga Cancer Research UK, testoi nëse një lloj antitrupi i quajtur imunoglobulina E (IgE) mund të përdoret për të trajtuar kancerin njerëzor.

Imunoterapia funksionon duke stimuluar sistemin mbrojtës natyror të trupit për të sulmuar kancerin.

Ilaçet ekzistuese të antitrupave të përdorura në kancer i përkasin një lloji të antitrupave të quajtur IgG, por antitrupat IgE nuk janë testuar më parë te njerëzit.

Antitrupat IgE evoluan për të synuar parazitët si krimbat dhe flukset, dhe antitrupat IgG përfshihen në sulmin e baktereve dhe viruseve në trup.

“IgE është një formë krejtësisht e re e terapisë me antitrupa, e cila ka treguar premtime të mëdha në këtë provë të Fazës I”, tha autori kryesor Profesor James Spicer, profesor i mjekësisë eksperimentale të kancerit në King’s College në Londër dhe konsulent në onkologjinë mjekësore në Fondacionin NHS të Guy dhe St Thomas.

“Gjetjet tona tregojnë se ilaçi tolerohej mirë te pacientët dhe zvogëloi një tumor kanceroz në një pacient me kancer ovarian. Rezultatet hapin rrugën për zhvillimin e një klase krejtësisht të re të ilaçeve kundër kancerit, për njerëzit me kancer rezistent ndaj kimioterapisë. Ekspertiza e imunologjisë në laboratorët e King’s College në Londër na lejoi të ndërmarrim këtë provë të një forme krejtësisht të re të terapisë me antitrupa”, u shpreh Profesor James Spicer.

Bashkautorja Sophia Karagiannis, profesoreshë e imunologjisë dhe imunoterapisë përkthimore të kancerit në King’s College në Londër, tha: Imunoterapia ka treguar një potencial të madh kohët e fundit, por ka ende njerëz me kancer që nuk i përgjigjen terapisë konvencionale. Kjo provë bazohet në punën tonë të mëparshme në biologjinë e IgE, duke përfshirë eksperimentet në laborator që sugjerojnë se IgE, mund të jetë një trajtim efektiv që mund të ofrojë përfitime shtesë për të plotësuar ato të antitrupave të IgG të vendosura në klinikë.

Ndërsa jemi ende në fazën e hershme të provave, hapat tanë të ardhshëm do të jenë të vlerësojmë IgE në grupe më të mëdha dhe të ndryshme pacientësh dhe të vazhdojmë të studiojmë se si antitrupat IgE, janë në gjendje të zgjojnë sistemin imunitar të pacientit për të luftuar kancere të ndryshme.

Antitrupi MOv18 IgE u zbulua dhe u zhvillua në King’s College në Londër, në bashkëpunim me IRCCS Instituto Nazionale dei Tumori, Milano, Itali dhe u testua klinikisht nga Qendra Eksperimentale e Mjekësisë së Kancerit me bazë në Spitalin Guy.

Studimi, i financuar dhe i sponsorizuar nga Cancer Research UK, është publikuar në Nature Communications./Top Channel/