Category: LIFESTYLE

Me ditët që shkurtohen dhe temperaturat që bien gradualisht, është e rëndësishme t’u kushtojmë vëmendje nevojave të bimëve që kemi në ballkon, tarracë apo oborr

Në vend se të mbështeteni vetëm në datat e kalendarit për kujdesin ndaj luleve, më e mira është të ndiqni kushtet e motit, sidomos temperaturat e natës, dhe t’i përshtatni veprimet sipas kërkesave të çdo bime.

Shumë bimë vijnë nga zona më të ngrohta dhe nuk janë rezistente ndaj të ftohtit. Veçanërisht të ndjeshme janë bimët tropikale e ato të brendshme, si dhe shumica e agrumeve, të cilat nuk i përballojnë temperaturat nën 12-15 °C.

Bimët që duhen futur sapo të ftohet

Bimët tropikale me gjelbërim të përhershëm, si fikusi, si dhe orkidetë apo begoniet, nuk e përballojnë natën e ftohtë nën 12°C dhe duhen futur në ambient të mbyllur sapo temperaturat e natës fillojnë të bien. Edhe agrumet, si limoni, portokalli, duhet të futen para shfaqjes së ngricës së parë, sepse të ftohtit mund t’u shkaktojë dëme. E njëjta gjë vlen edhe për lule të ndjeshme si surfinia, transmeton Telegrafi.

Bimët që mund të mbeten jashtë edhe pak

Livanda është më rezistente dhe mund të përballojë temperatura deri në 8–10 °C, por duhet mbrojtur nga ngricat. Bimët me gjelbërim të përhershëm në vazo, si shkurret e shimshirit, tujat apo rozmarina, mund të dimërojnë jashtë nëse vendosen në një vend të mbrojtur dhe mbulohen me një material të lehtë që i mbron nga era.

Si t’i përgatisni bimët për dimër

▪ Para se t’i fusni brenda, pastroni bimët nga gjethet e thara ose të dëmtuara dhe kontrolloni për parazitë, duke i hequr nëse ka.
▪ Nëse vazot janë bërë të vogla për bimën, është momenti i duhur për t’i transplantuar në vazo më të mëdha me dhe të freskët.
▪ Ulni sasinë e ujit, sepse gjatë dimrit bimët rriten më ngadalë dhe kanë nevojë për më pak lagështi.
▪ Vendosini në vende të ndritshme, idealisht pranë dritareve, në mënyrë që të marrin sa më shumë dritë natyrale.

Kur është koha e duhur për t’i futur brenda?

Ekspertët sugjerojnë një rregull të thjeshtë: bimët e shtëpisë duhet të futen në ambiente të mbyllura rreth 50 ditë para ngricës së parë ose kur temperaturat zbresin rreth 10°C.

Ky rregull i ndihmon bimët të mbrohen në kohë nga të ftohtit, pasi shumica prej tyre kanë origjinë tropikale dhe nuk e përballojnë dot klimën e ashpër. Një tregues tjetër është edhe dallimi i madh i temperaturave midis ditës dhe natës gjatë muajve të vjeshtës.

Enëlarësja është krijuar për të bërë pjesën më të madhe të punës kur pastroni enët. Por pse shpesh duhet t’i rilani ose t’i fshini njollat e ujit pas disa cikleve?

Nëse e hapni makinën plot avull vetëm për të gjetur lagështi të grumbulluar mbi pjata e gota, ndoshta është koha të provoni një truk të thjeshtë që mund të ndihmojë në largimin e ujit të tepërt që lë pas njolla.

Në vend që të merrni peshqirin e kuzhinës për t’i tharë me dorë, merrni një leckë të pastër, vendoseni mbi derën e enëlarëses gjysmë brenda e gjysmë jashtë, dhe mbyllni derën lehtë. Peshqiri do të thithë lagështinë që del jashtë, duke ju lënë enë pa njolla!

Si funksionon ky truk?

Nëse enët tuaja dalin me njolla, ky truk mund t’ju lehtësojë punën duke përmirësuar fazën e tharjes. Duke krijuar një hapësirë që lejon avullin dhe lagështinë të dalë e të përthithet nga peshqiri, uji i tepërt largohet në vend që të qëndrojë mbi sipërfaqe. Mjafton një peshqir i pastër, materiali dhe madhësia nuk janë thelbësore, por një pëlhurë më thithëse është gjithmonë më efikase. Pas përfundimit të ciklit, hapeni derën paksa dhe vendoseni peshqirin përgjatë pjesës së sipërme, duke e lënë për 5 deri në 15 minuta.

Kontrolloni enët gjatë tharjes; nëse kanë ende lagështi, mbylleni derën përsëri me peshqirin në vend. Hapja e derës së enëlarëses pas një cikli është diçka e njohur, por kombinimi me peshqirin është ajo që e bën vërtet efektive. Për rezultate më të mira, vendosni enët në pjerrësi që uji të rrjedhë më shpejt dhe qarkullimi i ajrit të bëjë pjesën tjetër. Gjatë testimit, shumica e ujit u zhduk, por gotat me fund të thellë kishin ende pak ujë pas rreth 10 minutash. Në përgjithësi, truku dha rezultate të mira, edhe pse disa gota duhej të fshiheshin me dorë, shkruan House Digest, përcjell Telegrafi.

Përdorimi i produkteve si solucione tharjeje mund të ndihmojë në shmangien e njollave, dhe këto mund të kombinohen me metodën e peshqirit. Nëse bëni larje të njëpasnjëshme, ndërroni peshqirin pas çdo përdorimi dhe lani gjithmonë ato të përdorura për të shmangur zhvillimin e baktereve ose mykut. Si çdo truk tjetër, edhe ky nuk është gjithmonë i pagabueshëm, ndaj është e udhës të kontrolloni enët kur i nxirrni dhe të fshini çdo pikë uji të mbetur me një leckë të veçantë.

Nëse makina jote e larjes fillon të ketë një erë të pakëndshme, si të njelmët apo të rëndë, kjo mund të jetë për shkak të mykut, lagështisë ose papastërtive që grumbullohen brenda saj.

Këto mund të shkaktojnë erëra të këqija dhe ndikojnë edhe në aromën e rrobave.

Gjithashtu, mbetjet e detergjentit, qimet dhe sapuni mund të shkaktojnë erë të pakëndshme në makinë. Por, fatmirësisht, ka një mënyrë shumë të thjeshtë për të parandaluar këtë problem.

Një zgjidhje e zakonshme është që pas çdo larjeje të lihet dera e makinës hapur për të lejuar ajrosjen dhe tharjen e brendshme.

Kjo këshillë u përhap pasi një person e pyeti në një grup për këshilla pastrimi se si të bëjë makinën e larjes të ketë aromë të mirë dhe si të heqë shenjat nga goma përreth derës.

Një përgjigje e zakonshme ishte: “Lëri derën hapur, është gjë e thjeshtë dhe efektive.

Në shoqëritë moderne, martesa po shihet gjithnjë e më pak si gur themeli i jetës në çift. Gjeneratat e reja shpesh zgjedhin të mos përcaktojnë marrëdhëniet e tyre me emërtime tradicionale, duke i lënë ato të paqarta dhe pa një përkushtim të qartë.

Në vendet e zhvilluara, shumica martohen vetëm pas të 30-ave, ndërsa një numër gjithnjë e më i madh njerëzish zgjedhin të mos martohen fare. Kjo prirje sjell një dilemë të madhe: si ndikojnë këto marrëdhënie të pasigurta në formësimin e vetë çiftit dhe sidomos në rritjen e fëmijëve, të cilët shpesh bëhen pjesë e një realiteti ku dashuria dhe përgjegjësia nuk ecin paralelisht?

Pasiguria dhe dilemat e çifteve

Psikologu Dorjan Krasniqi thekson se çiftet në situata të tilla shpesh gjenden në një “mjegull paqartësie”.
“Pasoja më e zakonshme është se, ndërsa ata ende nuk kanë vendosur të jenë bashkëshortë, tashmë ndajnë një ‘short’ të përbashkët — fëmijën. Kjo sjell debate të forta: a duhet të martohen, a duhet të lindin jashtë martese, apo në disa raste të marrin parasysh edhe abortin. Çiftet ballafaqohen me shumë pikëpyetje që shpesh krijojnë tensione të thella”, thotë ai.

Ekspertët paralajmërojnë se rreziku më i madh është mungesa e vetëdijes për përgjegjësinë që sjell prindërimi.
“Jeta e fëmijës nuk është lojë. As prindërimi nuk është lojë. Martesa nuk është një gjë e thjeshtë”, shton Krasniqi, duke theksuar rëndësinë e kalimit me radhë të fazave të jetës, si mënyrë për të ruajtur shëndetin mendor dhe për t’u përgatitur për hapat e mëvonshëm.

Gratë dhe barra më e madhe

Në këtë realitet të ri, gratë mbeten ato që mbajnë barrën më të madhe. Sociologu Genc Xerxa, në një intervistë për Albanian Post, thekson se shtatzënitë dhe martesat e paplanifikuara ndikojnë drejtpërdrejt në mundësitë arsimore dhe profesionale të grave.

Sipas tij, shumë gra janë të detyruara të ndërpresin shkollimin për shkak të obligimeve të mëmësisë, gjë që ndikon negativisht në jetën sociale, kulturore dhe profesionale të tyre. Kjo shpesh i bën ato më të cenueshme në raport me burrat dhe i kufizon në rolin tradicional të amvisnisë.

Edhe raporti i Financial Times thekson se gratë që bëhen nëna shpesh përjetojnë një “penalizë të prindërimit”, me ulje të mundësive për avancim në karrierë dhe me rritje më të ngadalshme të pagës, veçanërisht në vitet e para pas lindjes.

Nevoja për edukim dhe përgjegjësi

Çdo vendim i nxituar, çdo presion kulturor apo çdo ngecje në rrugën e një çifti lë gjurmë të thella në jetën e grave dhe të fëmijëve të tyre.

Në një realitet ku martesa dhe marrëdhëniet po ndryshojnë rrënjësisht, shtatzënitë dhe martesat e paplanifikuara janë një sfidë që nxjerr në pah një të vërtetë të qartë: edukimi, mbështetja dhe përgjegjësia janë çelësi për një të ardhme të qëndrueshme.

Vetëm atëherë kur çiftet e kuptojnë rëndësinë e secilës fazë të jetës dhe përgatiten me ndërgjegje, mund të ndërtojnë marrëdhënie të forta, të shëndetshme dhe t’u ofrojnë fëmijëve një fillim të sigurt e të lumtur.

Inteligjenca artificiale u bë pjesë e Javës së Modës në New York, duke sjellë koleksione, modele dhe eksperienca digjitale që ndezën diskutime për të ardhmen e industrisë së modës.

Në një kohë kur çdo kompani po eksperimenton me AI dhe ekspertët paralajmërojnë se ajo do të bëhet pjesë e përditshmërisë sonë, markat e mëdha të modës vendosën ta testojnë fuqinë e saj në një nga ngjarjet më prestigjioze të vitit.

Sipas Washington Post, në pasarela u prezantuan koleksione të frymëzuara nga inteligjenca artificiale, modele të krijuara digjitalisht, prova virtuale veshjesh dhe madje versione holografike të dizajnerëve të njohur që jepnin komente “robotike”. Megjithatë, rezultatet gjashtëditore shpesh u dukën më të çuditshme sesa frymëzuese.

Industria kishte nisur më herët hapat e parë me këtë teknologji. Marka J. Crew përdori AI për të krijuar imazhe në stilin e katalogëve të saj të viteve ’90, në një bashkëpunim me Vans. Ndërkohë, startup-i SpreeAI prezantoi një risi për prova virtuale: përdoruesi ngarkon një foto dhe sistemi llogarit përmasat e trupit me 99% saktësi, duke treguar nëse një veshje përshtatet apo jo. Po ashtu, Google solli funksionin “try-on”, që lejon të “provosh” rroba nga pasarela përmes një selfie digjitale.

Një ndër risitë më të komentuara erdhi nga Ralph Lauren, me lançimin e “Ask Ralph”, një asistent AI që ofron këshilla për stilin. Megjithatë, sipas kritikëve, teknologjia ende nuk arrin të përçojë tonin autentik të vetë dizajnerit.

AI u shfrytëzua edhe si element artistik. Private Policy solli atmosferën “Future-Tech Americana”, ku zëra kompjuterikë flisnin mbi marrëdhënien mes njeriut dhe teknologjisë. Ndërkohë, dizajnerja afro-braziliane Loza Maleombho prezantoi një film 15-minutësh mbi një “tekno-eko-utopi afrikane”, duke ndërthurur trashëgiminë afrikane me vizione futuriste.

Një nga momentet më spektakolare të javës erdhi kur një model hyri në pistë i shoqëruar nga roboti Bao Bao, krijim i kompanisë kineze MirrorMe. Roboti i vogël me rrota u shfaq si “simbol i bashkëjetesës mes modës dhe teknologjisë”, duke marrë duartrokitje të gjata nga publiku.

Në Kinë, rinia është duke u larguar gjithnjë e më shumë nga tatuazhet tradicionale të lëkurës dhe po kthehet te një trend më të veçantë: tatuazhet në dhëmbë.

Ky fenomen ka fituar popullaritet, veçanërisht mes të rinjve që kërkojnë të shprehin individualitetin e tyre në mënyra të pazakonta.

Tatuazhet në dhëmbë mund të jenë të përkohshme, si ato që vendosen me ngjitës, ose të përhershme, kur dizajni bëhet drejtpërdrejt në smaltin e dhëmbit.

Megjithatë, mjekët paralajmërojnë se tatua mund të dëmtojë dhëmbin dhe të rrisë rrezikun e konsumimit të tij.

Për më tepër, ngjitësit mund të shkaktojnë alergji.

Prandaj, ata këshillojnë kujdes dhe konsultim me profesionistë para se të vendosni një tatuazh të tillë.

Etiketat nuk janë aty kot: trekëndëshi dhe simbolet e tjera ju ndihmojnë të zgjasni jetën e rrobave tuaja

Shumica prej nesh i lajmë rrobat automatikisht, pa menduar shumë, por a e dini çfarë nënkuptojnë vërtet të gjithë simbolet në etiketat e veshjeve?

Shumë rroba duhet të lahen sipas udhëzimeve të veçanta, të tilla si temperaturat e rekomanduara të larjes ose këshillat për pastrim kimik. Deri në pesë simbole të ndryshme mund të shfaqen në etiketat e veshjeve për të ndihmuar në zgjatjen e jetës së rrobave, por shumë pranojnë se nuk i kuptojnë të gjitha, duke përfshirë trekëndëshin, i cili mund të shfaqet në katër mënyra.

Një trekëndësh i bardhë bosh do të thotë se zbardhja lejohet, ndërsa një trekëndësh me një kryq tregon se zbardhja është e ndaluar. Nëse ka dy vija diagonale në trekëndësh, ose ‘CL’ me një kryq brenda tij, kjo sugjeron përdorimin e zbardhuesit pa klor, raporton Mirror, përcjell Telegrafi.

• Një trekëndësh i bardhë bosh do të thotë se lejohen zbardhuesit.
• Një trekëndësh me kryq sipër tregon se zbardhimi është i ndaluar.
• Trekëndëshi me dy vija diagonale, ose ai me shenjën “CL” kryq, nënkupton se lejohen vetëm zbardhues pa klor.

Po ashtu, është e rëndësishme të respektohen temperaturat e duhura të larjes për të ruajtur cilësinë e rrobave. Zbatimi i udhëzimeve në etiketë mund të zgjasë dukshëm jetën e tyre dhe të bëjë që ato të duken më gjatë si të reja duke ju kursyer edhe para.

Për shembull:

• Simboli i dorës tregon se rroba duhet larë me dorë.
• Një kryq mbi simbolin e larjes do të thotë se veshja nuk është e përshtatshme për rrobalarëse.
• Një vijë horizontale poshtë simbolit tregon se larja në makinë lejohet në ciklin normal.
• Dy vija horizontale nënkuptojnë ciklin e butë të larjes.

Përfundim

Etiketat e rrobave nuk janë vetëm “copëza bezdisëse” që na gërvishtin qafën, ato janë udhëzues i detajuar për t’i ruajtur veshjet tona sa më gjatë në formën e tyre origjinale.

Njohja e simboleve, përfshirë edhe trekëndëshin misterioz, është mënyra më e thjeshtë për të kursyer para, kohë dhe për të pasur një gardërobë gjithmonë në gjendje të mirë. /Telegrafi/

Dashi
Do keni shume dyshime për partnerin tuaj sot dhe për gjestin me te vogël do debatoni me te. Xhelozia do arrije kulmin. Kujdes sepse jo çdo gjë mund te jete e lejuar. Beqaret duhet t’i bëjnë sytë katër sepse mundësitë qe do iu jepen gjate kësaj dite do jene te mrekullueshme. Financat do kenë goxha përmirësime. Do ndiheni mjaft mire kur te shpenzoni për çdo gjë qe dëshironi.

Demi
Rutina do e pushtoje gjate kësaj dite jetën tuaj ne çift dhe asgjë nuk ka për te ecur si e kishit menduar. Nuk do keni dëshire për ndryshime dhe shpesh do mbylleni ne vetvete. Po vazhduat kështu do e largoni partnerin. Beqaret do kenë një dite normale dhe pa asgjë te jashtëzakonshme. Financat do jene ne gjendje te qëndrueshme. Nuk do keni për çfarë te shqetësoheni.

Binjaket
Do e ndieni nevojën për me shume liri gjate kësaj dite ne jetën tuaj ne çift. Flisni hapur me partnerin pa i rene rreth e rrotull. Ai ne fakt do jete ne humor dhe mund t’ua plotësojë dëshirën. Beqaret ne mënyrë te papritur mund te fillojnë një lidhje pasionante. Sektori i financave do jete gjithashtu mjaft i privilegjuar. Do ketë edhe përmirësime për disa.

Gaforrja
Ata qe kane kohe se bashku do kenë mundësi te diskutojnë gjere e gjate sot dhe do marrin vendime te rëndësishme. Beqaret do jene te shpërqendruar dhe nuk do arrijnë dot te fiksohen pas dikujt edhe pse mundësitë qe do iu jepen do jene te mëdha. Çështjet financiare do ecin me se miri. Shpenzoni pa frike për çdo gjë qe iu duhet sepse gjendja nuk do tronditet.

Luani
Marrëdhënia juaj me personin qe dashuroni do jete e mrekullueshme sot. Ne çdo moment do merrni surpriza dhe do ndiheni me se miri. Disa komplimentet te te afërmve tuaj për te, do iu gëzojnë pa mase. Beqaret duhet ende te bëjnë durim për ta gjetur princin e kaltër. Ne planin financiar kini me shume besim tek vetja dhe do e shihni qe do iu dilni te mbani situatën te ekuilibruar.

Virgjeresha
Dite shume e rëndësishme kjo e sotmja për jetën e te dashuruarve. Do merren vendime te cilat do shënjojnë te ardhmen e tyre. Tregohuni te matur dhe largpamës. Beqaret nuk do e gjejnë personin ideal, por nga ana tjetër as nuk do vuajnë ne vetmi. Miqtë do i argëtojnë pa fund. Ne planin financiar priten vështirësi. Tregohuni me te organizuar dhe shmangni shpenzimet e mëdha.

Peshorja
Mjedisi yjor do favorizoje me tepër jetën e beqareve. Me ne fund ata do e gjejnë atë qe do iu përshtatet me se miri. Te dy do keni mendime te njëjta mbi fusha te ndryshme. Te dashuruarit do kalojnë një dite te zakonshme dhe pa surpriza. Financat nuk do jene te jashtëzakonshme, por as te këqija. Te paktën do iu dalin paratë për te kryer shpenzimet e nevojshme.

Akrepi
Pritet qe jeta ne çift te ketë ndryshime pozitive gjate kësaj dite. Do jeni ne humor dhe te gatshëm për te shkuar ne fund te botes vetëm qe te kaloni çaste romantike me partnerin. Beqaret nuk do e kërkojnë me ngulm princin e kaltër, por ai do vije papritur e pa kujtuar dhe do ua ndryshoje jetën. Financat do jene gjithë kohës te qëndrueshme dhe aspak problematike.

Shigjetari
Marrëdhënia ne çift do jete me e bukur gjate kësaj dite. Partneri do iu beje me te lumtur se kurrë me pare dhe ju nuk do dëshironi te ndaheni për asnjë çast. Beqaret do kenë një dite rutine dhe pa takim te rëndësishme. Lërjani çdo gjë kohës. Ne planin financiar duhet t’i dëgjoni edhe këshillat e familjareve sepse ata thjesht do mundohen t’iu ndihmojnë.

Bricjapi
Do jeni paksa posesive gjate kësaj dite dhe nuk do i mendoni pasojat e veprimeve qe do bëni. Kujdes sepse situata mund t’iu dale tërësisht jashtë kontrollit. Beqaret nuk do jene ne gjendje te mendojnë cili person bën dhe cili jo për te filluar një lidhje prandaj mund te bëjnë edhe ndonjë gabim. Financat nuk do jene aq te mira sa për te kryer shpenzime kuturu.

Ujori
Do i shprehni me çdo mënyrë ndjenjat tuaja ndaj partnerit sot dhe marrëdhënia ne çift do behet edhe me e bukur sesa ka qene. Beqaret do jene te parrezistueshem. Është e sigurte qe me ne fund do e bëjnë për vete personin qe kane ëndërruar dhe kane pëlqyer prej kohesh. Ne planin financiar gjendja do jete e qëndrueshme dhe do kryeni investimet e nevojshme.

Peshqit
Ka rrezik qe dita e sotme te jete goxha e trazuar dhe problematike për ata qe janë ne një lidhje. Do debatoni edhe për gjerat me te vogla me te. Beqaret do kenë veçse aventura pa asnjë te ardhme, dashuritë e mëdha ende nuk do mbërrijnë për ta. Financat do jene me problematike sesa ju e kishit menduar. Beni kujdes dhe mos jepni para hua.