Category: LIFESTYLE

Fjalori i Kembrixhit ka shpallur fjalën e vitit për 2025-ën, parasocial, një term që përdoret për të përshkruar një lidhje që njerëzit ndiejnë me dikë që nuk e njohin ose edhe me një inteligjencë artificiale.

Termi u shpik në vitin 1956 nga sociologët Donald Horton dhe Richard Wohl, të cilët donin të përshkruanin se si shikuesit e televizionit formonin marrëdhënie “parasociale” me personalitete televizive.

Kjo dukuri vazhdon edhe sot, teksa përdoruesit e rrjeteve sociale kanë marrëdhënie parasociale me personazhe të famshëm dhe personalitete online me të cilët nuk kanë lidhje personale.

Një shembull kyç i cituar nga Fjalori i Kembrixhit është Taylor Swift, me shumë fansa që flasin për ndjenjat e tyre të përzemërta ndaj saj ndonëse nuk e kanë takuar kurrë.

Colin McIntosh, një leksikograf në Fjalorin e Kembrixhit, tha se fjala “kap frymën e kohës së vitit 2025” dhe tregon se si ndryshon gjuha.

Ka shumë dieta të ndryshme që janë për humbje të peshës, mirëpo shumë pak prej tyre janë efektive

Kjo është arsyeja se përse dieta me limon është bërë e famshme, për shkak se është shumë e thjesht dhe efektive.

Çfarë duhet të bëni është të filloni mëngjesin me ujë limoni në stomak të zbrazët. Dieta e limonit është e përsosur për heqjen e toksinave nga trupi, si dhe humbjen e peshës njëkohësisht.

Kjo dietë zgjatë 14 ditë, dhe gjatë kësaj periudhe organizmi do të pastrohet, si dhe do t’i humbni ca kile ekstra, transmeton Telegrafi.

Programi:

Çdo ditë duhet ta pini lëngun e limonit të përzier me ujë, por në sasi të ndryshme.

Dita e parë:

Pini lëngun e një limoni të shtrydhur me një gotë ujë të freskët.

Dita e dytë:

Pini lëngun e dy limonëve të shtrydhur me dy gota ujë të freskët.

Dita e tretë:

Pini lëngun e tre limonëve të shtrydhur me tri gota ujë të freskët.

Dita e katërt:

Pini lëngun e katër limonëve të shtrydhur me katër gota ujë të freskët.

Dita e pestë:

Pini lëngun e pesë limonëve të shtrydhur me pesë gota ujë të freskët.

Dita e gjashtë:

Pini lëngun e gjashtë limonëve të shtrydhur me gjashtë gota ujë të freskët.

Dita e shtatë:

Pini lëngun e tre limonëve të shtrydhur me dhjetë gota ujë të freskët. Gjithashtu, në këtë ditë duhet të shtoni një lugë gjelle mjaltë dhe ta pini pijen gjatë tërë ditës.

Dita e tetë:

Pini lëngun e gjashtë limonëve të shtrydhur me gjashtë gota ujë të freskët.

Dita e nëntë:

Pini lëngun e pesë limonëve të shtrydhur me pesë gota ujë të freskët.

Dita e dhjetë:

Pini lëngun e katër limonëve të shtrydhur me katër gota ujë të freskët.

Dita e njëmbëdhjetë:

Pini lëngun e tre limonëve të shtrydhur me tri gota ujë të freskët.

Dita e dymbëdhjetë:

Pini lëngun e dy limonëve të shtrydhur me dy gota ujë të freskët.

Dita e trembëdhjetë:

Pini lëngun e një limoni të shtrydhur me një gotë ujë të freskët.

Dita e fundit, apo dita e katërmbëdhjetë:

Pini lëngun e tri limonëve të shtrydhur me dhjetë gota ujë të freskët, por gjithashtu në këtë ditë duhet ta shtoni edhe një lugë gjelle mjaltë.

Lëngu i përzier i limonit rekomandohet të pihet përnjëherë, pavarësisht se disa njerëz kanë vështirësi ta bëjnë këtë.

Nëse nuk mund ta pini pijen përnjëherë në mëngjes, të paktën e pini herë pas here përgjatë mëngjesit, me rëndësi duhet ta pini të gjithën një orë para shujtës. /Telegrafi/

Nëse mendoni se jeni të vetmit që ju janë thinjur flokët, mendoni gabim. Tingëllon çuditshëm që shumë të rinj janë me thinja, por më e rëndësishmja është se këto shenja nuk kanë lidhje me plakjen.

Thinjat në moshë të re janë disa shenja që tregojnë se shëndeti juaj nuk është edhe aq i mirë. Në këtë artikull do të njiheni me disa nga arsyet kryesore pse ju dalin thinjat që në moshë të re.

1. Mund të keni mungesë të vitaminës B12. Sipas ekspertëve mungesa e vitaminës B12 është shkaku më i zakonshëm i thinjave të hershme në flokë. Për ta shmangur këtë sigurohuni që të shtoni ushqimet e duhura si vezë, mish viçi, ton dhe salmon në dietën tuaj. Gjithashtu vitaminën B12 mund ta gjeni edhe në suplemente.

2.Probleme me tiroiden. Nëse keni probleme me flokët e thatë apo të yndyrshme, normalisht që këto do të pasohen me thinja të parakohshme.

3. Ju konsumoni më shumë ushqime të gatshme sesa të shëndetshme. Nëse nuk keni një dietë të pasur ushqimore shansi është që të thinjeni para kohe. Studime të ndryshme kanë dalë në përfundimin se ferritina, kalciumi, Vitamina D-3, bakri, zinku dhe hekuri mund t’i mbajnë flokët tuaj të shëndetshme, ndërsa mungesa e tyre mund të çojë në shfaqjen e thinjave që në moshë të re.

4.Shqetësoheni shpejt për gjërat dhe stresoheni. Nëse stresoheni shpesh, kjo gjë ndikon tek qelizat staminale që janë përgjegjëse për rigjenerimin e flokëve tuaj, prandaj ju dalin më herët thinjat.

5. Thinja të trashëguara. Ndodh që thinjat e hershme t’i keni të trashëguara nga prindërit, pra janë gjenetike. Nëse dikush në familjen tuaj thinjet herët, kjo do të ndodhë edhe me ju.

6. Përdorimi i produkteve për flokët me kimikate dëmtuese. Nëse lyeni flokët shumë shpesh, këto kimikate ndikojnë në melaninën tuaj duke humbur kështu ngjyrën natyrale të flokëve.

Industria e kujdesit të lëkurës po zgjerohet në një territor të panjohur: fëmijët e moshave katër vjeç e lart. Dermatologë të njohur kanë kritikuar me tone të ashpra një linjë të re produktesh që përfshin maska fytyre të dizajnuara posaçërisht për të vegjlit, duke e cilësuar këtë valë të re marketingu si “dystopike”, të pakuptimtë dhe pa kurrfarë përfitimi real për lëkurën e fëmijëve.

Shkak për reagimet u bë lansimi i maskave të fytyrës nga aktorja Shay Mitchell, e njohur nga seriali “Pretty Little Liars”, e cila tha se produktet ishin “të frymëzuara” nga vajzat e saj. Linja “Rini”, e themeluar nga Mitchell bashkë me Esther Song dhe Matte Babel, premton t’i bashkojë “kujdesin e lëkurës dhe lojën”, duke synuar të ndërtojë “zakone të shëndetshme” tek fëmijët.

Por për dermatologët, ky treg i ri nuk ka as bazë shkencore, as arsye ekzistuese. Emma Wedgeworth, dermatologe në 55 Harley Street në Londër, e cilësoi idenë si “qesharake”. Ajo paralajmëroi se produktet e tilla janë të panevojshme dhe mund të ekspozojnë fëmijët ndaj irritimeve dhe alergjive, në një kohë kur e vetmja rutinë e nevojshme për ta është një pastrim i butë, hidratim sipas nevojës dhe mbrojtje nga dielli.

Sipas saj, asnjë pastrues i shkrirë, aromë sintetike apo serum i marketinguar si lojë nuk forcon barrierën e lëkurës së fëmijëve. Ajo shtoi se trendet e bukurisë nuk duhet të nxisin fëmijët të fokusohen te pamja apo të krijojnë ankth për dukjen e tyre në moshë kaq të hershme.

Fenomeni “Sephora kids” është tashmë i konsoliduar në rrjetet sociale, ku fëmijë të moshave të ulëta postojnë video me produkte nga marka të njohura si Drunk Elephant, Bubble dhe Sol de Janeiro.

Ndërkohë, në SHBA, marka Ever-eden është pozicionuar si linja e parë e kujdesit të lëkurës e zhvilluar nga dermatologë pediatrikë specifikisht për ata nën 14 vjeç. Kompania shkon aq larg sa t’u ofrojë prindërve “rutinë të plotë të kujdesit të lëkurës” për fëmijët trevjeçarë, nga pastruesi te kremi me SPF, duke krijuar kategori të re tregu që e quan “gjenerata alfa”.

Në Mbretërinë e Bashkuar, Superdrug synon moshat 13 deri në 28 vjeç përmes linjës POP, duke argumentuar se kjo grupmoshë kërkon produkte “të sigurta për barrierën e lëkurës dhe të përballueshme”. Por specialistët paralajmërojnë se kufijtë mes nevojës dhe marketingut po zbehen me shpejtësi.

Zgjedhja varet nga lloji i rrobave dhe mënyra si i lani, jo nga reklamat

Sado e gjerë të jetë rafti me detergjente, zgjedhja në fund zakonisht reduktohet në dy opsione: pluhur apo i lëngshëm. Dhe, natyrisht, nuk ekziston një formulë universale, sepse gjithçka varet nga mënyra si e lani rrobën, çfarë lani dhe sa shpesh përballeni me njolla të forta. Por kur dëgjon çfarë thonë ekspertët e mirëmbajtjes së shtëpisë, bëhet më e qartë në cilat raste është më mirë të zgjidhni njërin ose tjetrin.

Detergjent në pluhur apo i lëngshëm?

Becky Rapinchak, themeluese e markës Clean Mama, shpjegon se detergjentet në pluhur kanë disa avantazhe serioze. Nëse shpesh lani rroba pune, peceta të yndyrshme kuzhine, peshqirë sporti apo veshje të cilat nuk pastrohen vetëm për t’u freskuar, por për t’u pastruar në thellësi, atëherë pluhuri është zgjedhja më e mirë.

Ai është më i koncentruar, vepron më fort ndaj papastërtive dhe yndyrës, dhe është më efektiv kundër njollave të vështira. Një tjetër përparësi është aspekti ekologjik: detergjentet në pluhur zakonisht paketohen në kuti kartoni dhe konsumohen më ngadalë, duke krijuar më pak mbeturina. Është gjithashtu e rëndësishme të dini se makina e larjes mbetet më e pastër pas përdorimit të pluhurit, pasi detergjentet e lëngshëm kanë tendencë të ngjiten në tubacione dhe në brendësi të kazanit me kalimin e kohës.

Ekspertët paralajmërojnë: furça e vjetër dëmton flokët, rrit thyerjen dhe irriton lëkurën e kokës

Furça e flokëve është diçka që e përdorim çdo ditë, por shpesh harrojmë se edhe ajo ka nevojë për kujdes. Edhe pse duket si një detaj i vogël, prej saj varet shëndeti dhe pamja e flokëve. Që të kryejë funksionin e saj si duhet, është e domosdoshme që të zëvendësohet herë pas here.

Shumica prej nesh e shtyjmë vazhdimisht, ashtu siç shtyjmë larjen e çarçafëve ose ndërrimin e furçës së dhëmbëve. “Po punon ende, pse ta ndërrojmë?”, është zakonisht mendimi i parë. Por e vërteta është se furça e flokëve ka një jetëgjatësi të caktuar. Nuk bëhet fjalë vetëm për higjienën, edhe pse mbetjet e sebumit dhe produkteve të stilimit duhet të ishin tashmë një paralajmërim. Me kalimin e kohës, edhe materialet nga të cilat është bërë dëmtohen, ndaj krehja bëhet më pak efikase, madje ndonjëherë edhe më agresive ndaj fijeve të flokut. Rezultati? Thyerje, thatësi dhe një lëkurë e kokës më e ndjeshme.

Ekspertët rekomandojnë që furça të ndërrohet çdo gjashtë deri në dymbëdhjetë muaj, në varësi të përdorimit dhe mirëmbajtjes.

Ka disa shenja të qarta që tregojnë se është koha për një furçë të re. Zbuloni ato më poshtë, transmeton Telegrafi.

1. Dhëmbëzat janë shtrembëruar, thyer ose konsumuar

Kjo është shenja më e dukshme dhe më e besueshme. Kur majat janë të përkulura, të dëmtuara ose të konsumuara, ato nuk mund t’i sistemojnë si duhet flokët. Përkundrazi, mund t’i tërheqin, t’i thyejnë apo të irritojnë lëkurën e kokës. Në vend të një lëvizjeje të butë, marrim një ndjesi të pakëndshme dhe më shumë dëm sesa dobi.

2. Furça mbetet e ndotur edhe pas larjes

Kërkimet tregojnë se në furçë mund të gjenden mijëra lloje bakteresh, një përzierje qelizash të vdekura të lëkurës, fijesh flokësh, pluhurit dhe mbetjeve të produkteve të stilimit. Prandaj është e rëndësishme ta lajmë rregullisht: çdo dy javë nëse përdorim pak produkte, dhe më shpesh nëse përdorim xhel, vajra ose shkumë.

Nëse furça, pas një pastrimi të thellë, vazhdon të duket e yndyrshme, me nuancë gri ose e ndotur, kjo do të thotë se bakteret janë depërtuar thellë në material dhe është koha për zëvendësim.

3. Flokët ngatërrohen më shumë pas krehjes se para saj

Kur furça humb elasticitetin dhe fleksibilitetin, ajo nuk arrin më të zbusë fijet e flokut dhe t’u japë shkëlqim. Përkundrazi, flokët mund të duken të elektrizuar, pa jetë dhe edhe më të ngatërruar sesa para krehjes. Kjo ndodh kur materiale si fijet natyrale, goma ose plastika bëhen të forta, të thata ose të konsumuara. /Telegrafi/

Edhe aroma më ngulfuese e tymit zhduket me këtë metodë të thjeshtë, pa bojë, pa rinovim dhe pa pajisje, mjafton një pastrim i saktë dhe disa neutralizues natyralë

Një nga aromat më kokëforta në çdo shtëpi është era e tymit të duhanit. Dhe nuk ka rëndësi nëse ju pini apo jo, mjafton që disa mysafirë të ndezin cigare në një hapësirë të mbyllur dhe e gjithë dhoma do të marrë atë aromë të rëndë e të ndenjur, e cila futet në pëlhura, perde, qilim, madje edhe në mure. Dimrit është edhe më keq, sepse takimet zhvendosen në ambiente të brendshme, ndërsa dritaret qëndrojnë të mbyllura.

Fatmirësisht, ekziston një truk i thjeshtë që e zgjidh shpejt këtë problem dhe nuk kërkon pajisje të veçanta apo rinovim.

Bloggerja britanike Sophie Hinchliffe shpesh ndan këshilla për mirëmbajtjen e shtëpisë, por një truk i vjetër nga komuniteti i saj është bërë hit i vërtetë. Një grua ishte ankuar se shtëpia ku ishte sapo shpërngulur ishte plot me erë duhani të mbetur nga pronarët e mëparshëm. Njerëzit i kishin sugjeruar gjithçka, nga lyera e mureve deri te rinovimi i plotë, por asgjë prej këtyre nuk ofronte zgjidhje të shpejtë.

Nga moria e propozimeve u veçua më i thjeshti: i ashtuquajturi sapun me sheqer për pastrim të mureve. Ky produkt heq shtresën e nikotinës që është grumbulluar për vite të tëra nëpër sipërfaqe dhe jep rezultat menjëherë. Rekomandohet që nga dhoma të hiqen tekstilet, perdet, jastëkët, batanijet dhe qilimat, sepse pikërisht këto e përthithin më shpejt erën. Vetëm pas kësaj ia vlen të pastrohen muret dhe të gjitha sipërfaqet e sheshta, transmeton Telegrafi.

Janë shfaqur edhe sugjerime të tjera, si bojërat që bllokojnë aromat ose lënia e enëve me qepë të copëtuar në çdo dhomë për të “thithur” aromat e pakëndshme. Por shumica e këtyre trukeve kërkojnë kohë dhe nuk janë as të këndshme, as praktike.

Për situata kur ju duhet një zgjidhje e shpejtë, rezultatin më të mirë e japin tre gjëra: enët me qymyr aktiv, tasat me uthull dhe disa pika vaj esencial në ujë të ngrohtë. Të treja neutralizojnë erën, në vend që ta mbulojnë, dhe veprojnë brenda gjysmë ore. Në kombinim me një ajrosje të shkurtër, dhoma merr një aromë të pastër e të thatë, edhe pse pak më parë ka qenë plot mysafirë që kanë tymosur.

Nëse mysafirët që pinë duhan vijnë shpesh, përgatitini këta neutralizues paraprakisht dhe vendosini aty ku qarkullon më shumë ajri. Mobiliet do t’ju jenë mirënjohëse, dhe shtëpia do të mbetet pa atë aromën e rëndë e të tymosur, që të bezdis më së shumti kur të gjithë largohen dhe hapësira mbetet e qetë.

Lavatriçet mund të jenë të prirura ndaj mykut sepse bien rregullisht në kontakt me lagështinë, por një hap shtesë gjatë ditës së larjes mund të parandalojë formimin e mykut.

Lavatriçet na e bëjnë jetën shumë më të lehtë, por ato kërkojnë kujdes të duhur që të funksionojnë pa probleme. Mund të mos mendoni se është e rëndësishme, por pastrimi dhe mirëmbajtja e lavatriçes mund ta ndihmojë atë të lajë rrobat tuaja në mënyrë efektive dhe të parandalojë që ato të kenë erë të keqe.

Meqenëse lavatriçet përdorin shumë ujë, disa pjesë të pajisjes janë të ndjeshme ndaj mykut. Kjo është veçanërisht e vërtetë në zonat ku uji mund të grumbullohet për periudha të gjata kohore, siç është sirtari i detergjentit dhe guarnicioni prej gome rreth derës.

Nëse i lejoni këto pjesë të makinës suaj të ndoten, ato do të duhet të pastrohen plotësisht dhe, në disa raste, mund t’ju duhet t’i zëvendësoni pjesët.

Vulat e gomës janë veçanërisht të rrezikshme kur myken sepse myku mund ta gërryejë gomën dhe të shkaktojë vrima – që do të thotë se makina juaj nuk do të jetë e papërshkueshme nga uji dhe mund të rrjedhë.

Megjithatë, nuk keni pse ta pastroni thellë lavatriçen pas çdo përdorimi për të parandaluar formimin e mykut. Në fakt, ka dy gjëra që mund të bëni pas çdo larjeje që zgjasin vetëm një minutë dhe do të sigurojnë që të mos formohet myk.

E tëra çfarë duhet të bësh është të fshish guarnicionin me një leckë dhe ta lësh derën hapur që të qarkullojë ajri.

Gjithashtu mund ta hiqni sirtarin e detergjentit dhe të derdhni ujin e tepërt, duke e lënë të thahet plotësisht përpara se ta vendosni përsëri në makinë larëse. Kjo duhet të parandalojë formimin e mykut në çdo pjesë të makinës suaj.