Category: LIFESTYLE

Tregu i Evropës Lindore për kafe, i cili dominohet nga Rusia dhe Polonia, u rrit 5.3 për qind vitin e kaluar në 7.45 miliardë dollarë, krahasuar me 1.8 për qind në Evropën Perëndimore, sipas Euromonitor International. Sipas këtyre të dhënave, edhe Shqipëria përfshihet në shtetet që kanë pasur rritje të konsumit të kafesë (kg/kapital) përgjatë 2011-2016, përkatësisht 0.1 %. Në rajon, Maqedonia 0.2%, Kosova 0.3 %, Mali i Zi 0.4 %.

Rritja në kafene dhe kërkesa në dyqane me pakicë do të thotë që Evropa lindore po shndërrohet në një rajon relativisht të ndritshëm, përkundrejt sfondit të rritjes së ulët të kërkesës globale për kafen dhe tregjet e mbetura në stanjacion në perëndim. Zgjerimi i ekonomive dhe rritja e pagave po nxisin shpenzimet e konsumatorëve, duke krijuar mundësi për zinxhirë të ndryshëm kafesë në këto vende.

Në një raport të mëparshëm, theksohej se shqiptarët janë popull kafe-dashës, sipas të dhënave të bëra publike nga Euromonitor International dhe kërkimit nga revista prestigjioze The Economist. Shqipëria, sipas të dhënave, konsumon kafe më tepër se sa çajin. Shtete si Italia, Greqia, Serbia, Bosnja e Hercegovina dhe Maqedonia kanë të njëjtat tendenca.

Sipas të dhënave nga dogana, importi i kafesë ishte 8,884 tonë në 2016-n. Në pesë vitet e fundit, importi i kafesë ka shënuar një rritje me gati 30%. Vendet kryesore nga të cilat importohet kafeja drejt vendit tonë janë Greqia dhe Italia.

Megjithatë, edhe pse importet e kafesë janë rritur ndjeshëm, përsëri jemi të fundit në rajon për sa i përket konsumit për frymë.

Nga të dhënat e përpunuara nga Monitor, bazuar në importin e publikuar nga Doganat dhe shifrat e popullsisë së INSTAT, një shqiptar konsumon mesatarisht 3.1 kg kafe në një vit, më e ulëta në rajon.

Të parët në rajon për konsumin më të lartë të kafesë janë serbët. Një serb konsumon mesatarisht 5.4 kilogramë kafe për frymë. Të dytët renditën boshnjakët me 4.3 kilogramë për frymë.

Ndër vendet me konsumin më të lartë për frymë të kafesë janë Vendet Skandinave. Vendi i parë në botë për konsumin e kafesë është Finlanda me 9.1 kilogramë kafe për frymë në vit. Të dytët me konsum të lartë renditen norvegjezët, të cilët sipas të dhënave, konsumojnë rreth 7.2 kilogramë për person gjatë një viti.

Nga të dhënat e përpunuara të konsumit të kafesë për frymë, vendet aziatike kanë sasinë më të ulët të konsumit për frymë të kafesë në botë. Kjo lidhet edhe më kulturën e këtyre vendeve, të cilët konsumojnë çaj në vend të kafesë.

Nëse e dashura ju kërkon të mos uleni në shtratin e saj, mos e ofendoni. Është më mirë të ndiqni shembulin e saj. Kjo vlen kur sapo jeni kthyer nga puna dhe menjëherë shtriheni në krevat me rrobat ”e jashtme’’.

Duhet të mbani gjithmonë një sy hapur, kur bëhet fjalë për shëndetin dhe mirëqenien. Prandaj edhe duhet të lexoni këtë artikull:

Bakteret ngjiten në trup

Bakteret mund të jetojnë për javë, ose madje edhe me muaj në rrobat tuaja, sipas Philip Tierno, MD, drejtor i Mikrobiologjisë dhe Imunologjisë në Universitetin e Nju Jorkut. Tierno shton, që madje edhe rrobat krejt të reja mund të ndoten me mikrobe, kështu që është pa dyshim një ide e mirë të hiqni këmishën me të cilën keni qenë duke ecur për 12 orë, përpara se të uleni në shtrat. Ky rregull duhet të zbatohet edhe për mysafirët tuaj.

Nëse mbani veshur rrobat që keni pasur gjatë ditës, mund t’ju shfaqen infeksione, skuqje dhe puçrra. Një nga arsyet që ne shpesh shohim puçrra në shpinë dhe gjoks është për shkak të rrobave të yndyrshme, të cilat mbledhin pluhur në rrugë dhe zyra. Në përgjithësi, trupi i njeriut derdh afro gjysmë milion qeliza të lëkurës dhe rreth një litër djersë çdo ditë. Prandaj, nëse nuk ndërroheni përpara se të shtriheni, shtrati i mbart të gjitha këto papastërti.

Rrobat kanë qenë…kudo

Ndaloni një moment dhe mendoni se ku kanë prekur rrobat tuaja gjatë ditës? Mendoni gjithashtu sesa shumë njerëz kanë qenë në ato vende. A do t’i ftonit ata të uleshin në krevatin tuaj? Nëse i mendoni këto gjëra, me siguri nuk do të shtriheni në krevat me rrobat që keni mbajtur gjatë ditës.

Shtrati juaj është një zonë rehatie dhe sigurie

Ju duhet të jeni të lumtur të mbështillni veten me batanije dhe të përqafoni jastëkun, pasi është një vend për t’u çlodhur dhe për të fituar energji. Këshillohet që të mos punoni në shtrat, pasi truri e lidh krevatin me rehatinë dhe relaksin, që është një kontribut i shkëlqyeshëm për gjumin e shëndetshëm.

Disa zakone të përditshme dhe sende të zakonshme mund ta prishin qetësinë e dhomës së gjumit dhe të ndikojnë në cilësinë e gjumit

Disa sende mund t’jua prishin gjumin, prandaj nuk është mirë t’i mbani në dhomën e gjumit.

Edhe pse shpesh i kushtojmë shumë vëmendje rregullimit të shtëpisë dhe çdo këndi të saj, ekzistojnë disa gjëra që nuk duhet të ndodhen në hapësirën ku flemë. Dhoma e gjumit duhet të jetë një vend pushimi dhe relaksimi, një strehë pas një dite të lodhshme. Megjithatë, disa zakone të vogla dhe vendosja e pakujdesshme e sendeve mund ta shndërrojnë këtë hapësirë në burim stresi.

Ja cilat gjëra nuk rekomandohet t’i mbani në dhomën e gjumit, transmeton Telegrafi.

Tavolina e punës

Puna nga shtëpia është bërë pjesë e përditshmërisë për shumë njerëz, por dhoma e gjumit nuk duhet të shndërrohet në zyrë. Laptopi, dokumentet, agjendat apo faturat sjellin me vete energjinë e stresit dhe detyrimeve. Truri fillon ta lidhë hapësirën e gjumit me punën, gjë që e vështirëson relaksimin dhe gjumin. Idealja është që puna të qëndrojë jashtë dhomës së gjumit.

Pajisjet elektronike pranë shtratit

Televizori, telefoni celular apo tableti shpesh duken si një mënyrë e mirë për t’u relaksuar para gjumit. Megjithatë, pajisjet elektronike nuk janë të përshtatshme për dhomën e gjumit. Drita blu e ekraneve pengon prodhimin e hormonit të gjumit, ndërsa njoftimet e vazhdueshme dhe rrezatimi mund të ndikojnë në cilësinë e pushimit.

Shumë libra dhe revista të vjetra

Edhe pse librat janë të dashur për shumë njerëz, një raft i mbushur me libra ose një grumbull revistash në komodinën pranë shtratit mund të krijojë ndjenjë mbingarkese mendore. Mbani vetëm librin që po lexoni dhe ndoshta një ose dy që ju relaksojnë. Të tjerët vendosini në raftet e dhomës së ndenjës.

Pajisjet për ushtrime

Tapeti i jogës, peshat apo biçikleta statike nuk kanë vend në dhomën e gjumit. Pajisjet për ushtrime sjellin energji aktive që nuk përputhet me hapësirën e dedikuar për pushim. Është më mirë t’u gjeni vend në një pjesë tjetër të shtëpisë.

Shumë dekorime dhe objekte të vogla

Edhe pse dëshironi që dhoma të duket e bukur, shumë jastëkë dekorativë, figura, suvenire dhe objekte të vogla krijojnë rrëmujë vizuale dhe mbledhin pluhur. Zgjidhni disa prej objekteve më të dashura dhe pjesën tjetër largojini ose ruajini diku tjetër. Minimalizmi shpesh sjell më shumë qetësi dhe relaksim.

Duke larguar këto sende nga dhoma e gjumit, mund ta shndërroni atë në një hapësirë më të qetë dhe ideale për relaksim dhe gjumë cilësor.

Gratë që lindin fëmijën e fundit pas moshës 33 vjeç kanë më shumë gjasa të jetojnë deri në 95 vjeç, sugjeron një studim.

Studiues nga Universiteti i Utah dhe Universiteti i Bostonit analizuan të dhënat e jetëgjatësisë së mijëra grave. Gjetjet e tyre tregojnë një lidhje mes moshës kur një grua lind fëmijën e fundit dhe mundësisë për të jetuar shumë gjatë.

Analiza zbuloi se gratë që kanë lindur fëmijën e fundit pas moshës 33 vjeç kanë rreth dyfish më shumë gjasa të jetojnë deri në 95 vjeç ose më shumë, krahasuar me gratë që e kanë pasur lindjen e fundit deri në moshën 29 vjeç.

Shkencëtarët theksojnë se kjo nuk do të thotë se lindja në moshë më të madhe shkakton jetë më të gjatë. Sipas tyre, aftësia për të mbetur shtatzënë në një moshë më të vonë mund të jetë një tregues se organizmi plaket më ngadalë dhe se gruaja gëzon një shëndet më të mirë në përgjithësi.

Studime të tjera e kanë lidhur gjithashtu moshën më të vonë të mëmësisë me telomere më të gjata, një tregues në nivel qelizor i procesit të plakjes, duke mbështetur kështu idenë se koha e riprodhimit mund të lidhet me jetëgjatësinë.

Mbajtja e syzeve shpesh e fshin grimin në hundë, por një metodë e thjeshtë me një produkt të zakonshëm kozmetik mund ta mbajë atë në vend për orë të tëra

Shumë persona që mbajnë syze çdo ditë e dinë sa problematik mund të jetë grimi në hundë. Pavarësisht sa me kujdes vendosni pudrën, korrektuesin apo bazën, pas disa orësh shpesh shfaqen gjurmë aty ku korniza e syzeve shtyp lëkurën. Në atë zonë grimi fshihet ose përhapet, duke e bërë tenin të duket i pabarabartë dhe të vështirë për t’u korrigjuar gjatë ditës.

Shumë përpiqen ta zgjidhin këtë problem duke shtuar shtresa të tjera pudre ose duke rregulluar shpesh grimin, por kjo zakonisht jep vetëm efekt të përkohshëm dhe shpesh duket jo natyrale. Megjithatë, ekziston një truk i thjeshtë që muajt e fundit është bërë shumë popullor në rrjetet sociale dhe që i lejon përdoruesit e syzeve të mbajnë grimin pa stres.

Truku me hijen e lëngshme të syve

Për këtë truk ju duhet vetëm një hije e lëngshme për sy në një nuancë të ngjashme me ngjyrën e lëkurës. Edhe pse mund të duket e pazakontë përdorimi i hijes në hundë, ekziston një arsye logjike pse kjo metodë funksionon.

Hijet e lëngshme janë krijuar që të jenë shumë rezistente në qepalla, një nga pjesët më lëvizëse të fytyrës. Për këtë arsye formula e tyre i reziston mirë lëvizjes dhe fërkimit.

Kur një sasi shumë e vogël e hijes së lëngshme vendoset në pjesën e hundës ku mbështeten syzet dhe më pas fiksohet lehtë me pudër pluhur, krijohet një shtresë më rezistente ndaj fërkimit. Në këtë mënyrë korniza e syzeve nuk e fshin më grimin nga ajo zonë.

Rezultati është i thjeshtë: syzet mund t’i vendosni dhe t’i hiqni gjatë ditës, ndërsa grimi qëndron në vend shumë më gjatë.

Si të aplikohet saktë ky truk

Për rezultatet më të mira, ndiqni disa hapa të thjeshtë:

• Pasi të vendosni bazën dhe korrektuesin, prisni pak që grimi të stabilizohet në lëkurë.
• Vendosni një sasi shumë të vogël të hijes së lëngshme në ngjyrë të lëkurës pikërisht në pjesën e hundës ku qëndron korniza e syzeve.
• Përhapeni lehtë me gisht ose me sfungjer në mënyrë që të përzihet me pjesën tjetër të grimit.
• Në fund, fiksojeni lehtë me një shtresë të hollë pudre transparente.

Në këtë mënyrë krijoni një shtresë mbrojtëse që e bën grimin më rezistent ndaj fërkimit që shkaktojnë syzet.

@roseandben Replying to @Tik Toker this pleases the color theory witch 🧙🏻🪄🎨 @M·A·C Cosmetics studio fix foundation- N6 and correctors: Orange and purple 🎨 #colortheory ♬ original sound – Rose Siard

Një këshillë tjetër e vogël që ndihmon

Përveç këtij truku, ekziston edhe një këshillë tjetër që mund ta zgjasë qëndrueshmërinë e grimit. Para se të vendosni syzet, mund ta matoni lehtë pjesën e hundës me një shtresë shumë të hollë pudre pluhur. Kjo zvogëlon rrëshqitjen e kornizës dhe ndihmon që grimi të mos fshihet shpejt.

Po ashtu është e rëndësishme që korniza e syzeve të jetë e pastër. Nëse mbi të ka gjurmë pudre ose yndyre nga lëkura, fërkimi mund të jetë më i madh dhe grimi të hiqet më shpejt.

Ky ritual i lashtë, i përdorur sidomos në Indi, Kinë dhe Japoni, ndihmon në ushqimin e flokëve, stimulimin e rritjes dhe mbrojtjen nga dëmtimet

Vendosja e vajit në flokë para larjes është një nga sekretet më të njohura të kujdesit për flokët që përdoret prej shekujsh në Azi. Ky ritual, i njohur sidomos në Indi, Kinë, Japoni dhe Kore, konsiderohet një nga arsyet pse shumë gra në këto vende kanë flokë të gjatë, të fortë dhe me shkëlqim.

Flokët e gjatë janë burim krenarie për shumë gra në këto kultura, prandaj ato kujdesen me shumë përkushtim për t’i mbrojtur nga dëmtimet që mund të shkaktohen nga nxehtësia, uji i fortë ose mjetet për stilim.

Në traditën ajurvedike të bukurisë, një nga praktikat më të zakonshme është përdorimi i vajit në lëkurën e kokës si trajtim javor para larjes së flokëve.

Në Indi, ku ka lindur mjekësia ajurvedike, gratë më të moshuara shpesh kujdesen për shëndetin e flokëve të vajzave dhe mbesave të tyre. Ato kalojnë kohë së bashku duke aplikuar vaj në flokë, duke masazhuar lëkurën e kokës dhe duke ndihmuar në larjen e flokëve. Ky ritual është një mënyrë për të forcuar lidhjet familjare, por edhe për të ruajtur bukurinë dhe shëndetin e flokëve.

Ashtu si përdoren kremrat hidratues për trupin dhe fytyrën, edhe flokët kanë nevojë për kujdes shtesë, sepse janë vazhdimisht të ekspozuar ndaj faktorëve të jashtëm.

Vaji për flokë nuk ndikon vetëm në dendësinë e tyre, por edhe në cilësinë e përgjithshme. Pas përdorimit të vajit, flokët bëhen më të ushqyer, më të shndritshëm dhe më të lehtë për t’u stiluar. Masazhi i lëkurës së kokës dhe krehja ndihmojnë gjithashtu në stimulimin e folikulave të flokëve dhe në relaksimin e skalpit.

Në treg ekzistojnë shumë lloje vajrash për flokë, por jo të gjitha janë të përshtatshme për çdo tip flokësh.

Vaji i ricinit
Një nga vajrat më të njohur është vaji i ricinit. Ai përdoret prej mijëra vitesh për të reduktuar inflamacionin në lëkurën e kokës dhe për të nxitur rritjen e flokëve.

Vaji i amlas
Një tjetër vaj shumë i përdorur për masazh të skalpit është vaji i amlas, i cili mund të gjendet në dyqanet e produkteve bimore. Ky vaj është i pasur me vitaminë C dhe, përveçse stimulon rritjen e flokëve, ndihmon edhe në trajtimin e skalpit të thatë dhe që kruhet.

Përveç këtyre, mund të përdoren edhe vajra ajurvedike, të cilat zakonisht bazohen në vaj susami ose vaj kokosi të kombinuar me ekstrakte bimore.

Si të përdorni vajin
• Ngrohni disa pika vaj në pëllëmbë dhe aplikojeni në majën e kokës, në flokë plotësisht të thatë.
• Masazhoni butësisht lëkurën e kokës për disa minuta dhe përdorni vajin e mbetur për të hidratuar majat e flokëve.
• Për rezultate më të mira, lëreni vajin gjatë natës dhe shpëlajeni në mëngjes.
• Ditën tjetër përdorni shampon dhe balsamin tuaj të zakonshëm dhe stilojini flokët si zakonisht.
• Përsëriteni këtë trajtim një herë në javë dhe do të vini re se flokët bëhen më të fortë, më të shëndetshëm dhe rënia e tyre zvogëlohet.
• Gjatë aplikimit mund të përdorni edhe një furçë speciale për masazh të skalpit, por pa ushtruar presion të madh për të mos irrituar lëkurën e kokës.

Edhe pse rrallë ndodhin, shpërthimet e bojlerit mund të shkaktojnë dëme të mëdha materiale dhe të rrezikojnë seriozisht sigurinë e njerëzve në shtëpi

Edhe pse shpërthimet e bojlerit janë të rralla, pasojat mund të jenë shumë serioze dhe të rrezikshme. Ekspertët paralajmërojnë se një defekt në këtë pajisje shtëpiake mund të shkaktojë dëme të mëdha materiale, por edhe lëndime, madje në raste të rënda edhe tragjedi për personat që ndodhen pranë. Pikërisht për këtë arsye mirëmbajtja e rregullt e bojlerit është shumë e rëndësishme për sigurinë e shtëpisë, sidomos nëse përdorni një bojler më të vjetër.

Shpërthimi mund të ndodhë nëse temperatura dhe presioni brenda bojlerit janë shumë të larta ose nëse ndodh rrjedhje gazi. Për të reaguar në kohë dhe për të parandaluar një rrezik të mundshëm, duhet të kushtoni vëmendje disa shenjave paralajmëruese. Nëse i vëreni, mos u përpiqni ta riparoni vetë bojlerin, por kontaktoni një specialist, transmeton Telegrafi.

Rrjedhje uji te valvula
Valvula T&P (temperaturë dhe presion) shërben për rregullimin e temperaturës dhe presionit në bojler. Nëse vëreni rrjedhje uji në këtë valvulë, ka shumë gjasa që ajo nuk po arrin të përballojë presionin që krijohet brenda bojlerit.

Valvula T&P gjithmonë e hapur
Kur bojleri funksionon normalisht, valvula T&P hapet vetëm kur presioni arrin një nivel të caktuar. Ajo mund të hapet edhe kur temperatura e ujit rritet shumë, duke lejuar përzierjen e ujit të ftohtë me atë të nxehtë për të ulur temperaturën. Por nëse kjo valvulë qëndron gjithmonë e hapur, mund të jetë shenjë e një problemi serioz që mund të çojë në shpërthim.

Ujë i ndotur ose me ngjyrë kafe
Uji i ndotur ose me ngjyrë kafe është një nga shenjat që vërehen më lehtë. Prania e tij mund të tregojë se në bojler është grumbulluar shumë sediment. Në disa raste mund të jetë edhe shenjë e gërryerjes së tubave. Në çdo rast, kjo është një shenjë paralajmëruese për një defekt të afërt.

Era e vezëve të prishura
Nëse pranë bojlerit ndjeni një erë të ngjashme me vezë të prishura, kjo është një shenjë që nuk duhet injoruar. Zakonisht tregon për rrjedhje gazi dhe kërkon ndërhyrje urgjente. Flaka kontrolluese e bojlerit mund të ndezë gazin e rrjedhur, gjë që mund të shkaktojë shpërthim ose zjarr të rrezikshëm.

Zhurma kërcitëse
Shumë njerëz nuk i kushtojnë vëmendje zhurmave që vijnë nga bojleri, por ato mund të tregojnë shumë për gjendjen e tij. Nëse bojleri nuk pastrohet dhe nuk mirëmbahen rregullisht, brenda tij krijohen shtresa sedimenti. Kjo bën që ngrohësit të mos e ngrohin ujin në mënyrë efikase dhe mund të dëgjohen zhurma kërcitëse kur uji nën shtresën e sedimentit fillon të vlojë.

Parashikimet astrologjike shpesh shërbejnë si frymëzim për të menduar rreth planeve të së ardhmes, veçanërisht kur bëhet fjalë për financat dhe karrierën. Edhe pse horoskopi nuk përbën një parashikim të sigurt të ngjarjeve, shumë njerëz e ndjekin atë për të marrë motivim shtesë dhe për të planifikuar më mirë hapat e tyre profesionalë.

Sipas interpretimeve astrologjike për muajin mars, mesi i muajit mund të sjellë ndryshime pozitive sa i përket parave dhe mundësive të biznesit. Veçanërisht dallohen tre shenja të horoskopit për të cilat konsiderohet se mund të ndjejnë një lehtësim financiar dhe të kenë mundësi të zgjidhin disa borxhe të mëhershme ose të stabilizojnë buxhetin.

Astrologët theksojnë se është e rëndësishme që periudha e favorshme të shfrytëzohet me përgjegjësi, duke planifikuar shpenzimet dhe duke menduar në plan afatgjatë në mënyrë që përparimi financiar të ketë efekt më të qëndrueshëm.

Demi: Rezultatet e përpjekjeve shumëvjeçare

Personat e lindur në shenjën e Demit njihen për durimin dhe këmbënguljen kur bëhet fjalë për punën dhe paratë. Shpesh janë të gatshëm të punojnë gjatë për arritjen e qëllimeve të tyre pa pritur rezultate të shpejta.

Sipas parashikimeve astrologjike, mesi i marsit mund të sjellë momentin kur një pjesë e këtij mundi më në fund fillon të shpërblehet. Ekziston mundësia që Demat të marrin pagesa të cilat kanë qenë të shtyra më parë, si honorare të prapambetura, borxhe ose kompensime të dakorduara më herët.

Gjithashtu theksohet se kjo periudhë mund të jetë e favorshme për negociata rreth kushteve financiare në punë, duke përfshirë rritjen e pagës ose përmirësimin e kushteve të punës.

Këshilla për Demat është që një pjesë e të ardhurave shtesë eventuale ta drejtojnë drejt kursimeve ose qëllimeve afatgjata, në vend që të shpenzojnë të gjithë shumën për nevoja afatshkurtra.

Virgjëresha: Mundësi të reja profesionale

Virgjëreshat njihen për saktësinë, organizimin dhe aftësinë për të menaxhuar me kujdes financat. Shpesh mendojnë përpara dhe planifikojnë shpenzimet e tyre.

Parashikimet astrologjike tregojnë se personat e lindur në këtë shenjë deri në mesin e marsit mund të marrin një ofertë interesante pune ose një mundësi për angazhim shtesë. Kjo mundësi mund të lidhet me aftësitë ose njohuritë e tyre specifike që prej kohësh janë vlerësuar në ambientin profesional.

Për disa Virgjëresha kjo mund të nënkuptojë një projekt të ri, bashkëpunim me partnerë biznesi ose mundësi për të punuar në tregun ndërkombëtar.

Nëse një mundësi e tillë shfaqet, është e rëndësishme të vlerësohen mirë detyrimet dhe të organizohet koha në mënyrë që projekti i ri të sjellë përfitime afatgjata.

Bricjapi: Përparim i qëndrueshëm dhe siguri financiare

Bricjapët njihen për disiplinën dhe përkushtimin ndaj punës. Ata shpesh kanë plane të qarta afatgjata dhe janë të gatshëm të investojnë shumë energji për t’i realizuar ato.

Interpretimet astrologjike për marsin tregojnë se përpjekjet e tyre mund të fillojnë të japin rezultate të dukshme. Kjo mund të vijë në formën e një bonusi, avancimi në punë ose përfundimi të suksesshëm të një projekti që sjell të ardhura shtesë.

Për disa Bricjapë kjo periudhë mund të nënkuptojë edhe zgjidhje më të lehtë të detyrimeve financiare, si kredi apo borxhe, duke sjellë një ndjenjë stabiliteti dhe sigurie.

Megjithatë, këshillohet kujdes gjatë marrjes së vendimeve financiare. Leximi i kujdesshëm i kontratave dhe organizimi i mirë i shpenzimeve mund të ndihmojnë që suksesi i arritur të ruhet në afat më të gjatë.

Si të menaxhoni me mençuri të ardhurat shtesë

Pavarësisht shenjës së horoskopit, të ardhurat shtesë gjithmonë përbëjnë një mundësi të mirë për të përmirësuar stabilitetin financiar. Ekspertët shpesh këshillojnë disa hapa të thjeshtë që mund të ndihmojnë në menaxhimin e parave.

Një nga hapat e parë është ndarja e një pjese të të ardhurave për kursime ose për një fond emergjence. Po ashtu është e dobishme të mendohet për qëllime afatgjata si investimi në arsimim, zhvillimin e aftësive ose projekte që mund të sjellin të ardhura shtesë në të ardhmen.

Planifikimi i buxhetit dhe kontrolli i shpenzimeve ndihmojnë që periudha e përparimit financiar të mos jetë e përkohshme, por të shndërrohet në bazë për një të ardhme më të qëndrueshme.

Përfundim

Parashikimet astrologjike për muajin mars tregojnë se Demat, Virgjëreshat dhe Bricjapët mund të kenë më shumë mundësi për përparim financiar deri në mesin e muajit. Megjithatë, çdo mundësi kërkon vlerësim të mirë dhe menaxhim të përgjegjshëm të parave.

Pavarësisht shenjës së horoskopit, kombinimi i punës së palodhur, planifikimit të mirë dhe gatishmërisë për të njohur mundësi të reja shpesh është çelësi i suksesit. Kur një moment i favorshëm shfrytëzohet në mënyrën e duhur, edhe përmirësimet e vogla financiare mund të çojnë me kohë në rezultate të rëndësishme.

Gruaja gjermane që mban rekordin botëror Guinness për koleksionin më të madh të kukullave Barbie, fitoi një titull të dytë duke identifikuarme st të mbyllur kukullat.

Bettina Dorfmann, koleksioni i së cilës prej 18,500 kukullash Barbie i dha asaj një rekord botëror Guinness, u shfaq në serialin televiziv në gjuhën gjermane “The Great Show of World Records” të organizatës së mbajtjes së rekordeve për të bërë një përpjekje për një titull të dytë.

Dorfman ishte me sy të lidhur dhe iu dhanë kukulla të ndryshme Barbie, të cilat i identifikoi me prekje. Ajo identifikoi saktë 19 kukulla në tre minuta.

Ajo tha se çelësi ishte përdorimi i duarve të saj për të analizuar formën, flokët dhe veshjet e secilës kukull, transmeton Telegrafi.

Dorfman fillimisht vendosi rekordin për koleksionin më të madh të kukullave Barbie në vitin 2005, kur koleksioni i saj u numërua në 2,500 kukulla të ndryshme.

Koleksioni i saj që atëherë është rritur më shumë se shtatëfish, duke u numëruar së fundmi në 18,500 në vitin 2022

Me miqtë ndajmë pjesën më të madhe të kohës dhe gjithmonë përpiqemi që të gjejmë ata persona që kanë të njëjtat vlera me ne. Miqësia me disa persona ja vlen, por shpesh ndodh që në shoqërinë e dikujt të ndjehemi keq.

Në këtë rast kemi të bëjmë me persona toksik, që për të thënë të vërtetën ndodhen kudo. Megjithatë ka disa mënyra për t’i dalluar këta miq toksikë dhe më pas për të hequr dorë prej tyre. Në fakt këta persona duken më të mirët kur i njihni në fillim, por me kalimin e kohës do të zbuloni se nuk është gjithçka ashtu siç mendonit.

Nëse në një shoqëri ju nuk ndjeheni vetvetja dhe gjykoheni për çdo gjë që thoni, kjo nënkupton se jeni të rrethuar nga persona që nuk duhet të jenë pjesë e rrethit tuaj të miqësisë. Një person me energji negative do të kërkojë që të ketë gjithmonë të drejtë, madje nuk do ta mbyllë një debat derisa ju t’i thoni se ka të drejtë.

Nëse mendoni se keni një mik që nuk duhet të jetë pjesë e shoqërisë suaj mund ta dalloni fare lehtë nëse një ditë në një moment mërzie ai/ajo ju përmend gjithçka të që ju nuk keni bërë më parë për të. Këta persona e kanë të vështirë të harrojnë edhe gjërat që mund të kenë ndodhur përpara 3 vitesh.

Të tillë njerëz janë manipulatorë shumë të mirë dhe do t’ju bëjnë të ndjeheni në faj nëse do të përpiqeni t’i largoni nga jeta juaj.