Category: LIFESTYLE

Dashi – Energjia juaj është në kulm, duke ju bërë gati për të marrë përsipër sfida të reja profesionale. Tregoni kujdes me komunikimin në familje për të shmangur keqkuptimet e vogla. Një surprizë e këndshme ju pret në mbrëmje.

Demi – Sot është dita ideale për të planifikuar financat dhe për të investuar në projekte afatgjata. Shpirti juaj praktik do t’ju ndihmojë të zgjidhni një çështje që ju shqetësonte prej kohësh. Kushtojini vëmendje shëndetit dhe regjimit ushqimor.

Binjakët – Kurioziteti juaj do t’ju çojë drejt njohjeve të reja dhe bisedave frymëzuese me miqtë. Jeni në kërkim të emocioneve të forta, por mos harroni të mbani këmbët në tokë. Një lajm i mirë vjen nga larg.

Gaforrja – Intuita juaj është mjaft e mprehtë sot, prandaj besojini ndjenjave tuaja kur merrni vendime. Fokusimi te shtëpia dhe njerëzit e dashur do t’ju sjellë qetësinë që ju mungon. Shmangni debatet e panevojshme në ambientin e punës.

Luani – Do të jeni në qendër të vëmendjes dhe karizma juaj do të jetë e pakonkurrueshme në çdo ambient. Është momenti i duhur për të shprehur ndjenjat dhe për të forcuar lidhjet romantike. Mos e teproni me shpenzimet për gjëra sipërfaqësore.

Virgjëresha – Detajet do të bëjnë diferencën sot, sidomos në projektet që kërkojnë përpjekje dhe saktësi maksimale. Mundohuni të mos jeni shumë kritikë ndaj vetes dhe të tjerëve rreth jush. Pak meditim do t’ju ndihmonte të rigjeni balancën tuaj.

Peshorja – Harmonia në marrëdhënie është prioriteti juaj kryesor dhe sot do të dini si ta krijoni atë. Një mundësi e re bashkëpunimi mund të shfaqet në horizontin tuaj profesional. Shijoni bukurinë e gjërave të vogla gjatë pasdites.

Akrepi – Pasioni dhe vendosmëria juaj do t’ju ndihmojnë të kapërceni çdo pengesë që mund t’ju dalë përpara. Jeni në një fazë transformimi të rëndësishëm që do t’ju rrisë personalisht dhe profesionalisht. Tregohuni të hapur për sugjerimet e partnerit.

Shigjetari – Fryma e aventurës do t’ju shoqërojë gjatë gjithë ditës, duke ju nxitur të eksploroni territore të reja. Optimizmi juaj është ngjitës dhe do të tërheqë njerëz pozitivë rreth stilit tuaj të jetesës. Planifikoni një udhëtim të shkurtër për fundjavën.

Bricjapi – Puna e palodhur e javës do të fillojë të japë frytet e para të shumëpritura sot. Jeni shumë të fokusuar te qëllimet tuaja, por mos lini pas dore nevojat emocionale. Një bisedë serioze do të ndriçojë një situatë të paqartë.

Ujori – Kreativiteti juaj do të jetë në nivele të larta, duke ju sjellë ide inovative për të ardhmen. Miqësitë do të luajnë një rol kyç në disponimin tuaj pozitiv gjatë kësaj të shtune. Gjeni kohë për të ndjekur një pasion që e keni lënë pas dore.

Peshqit – Frymëzimi artistik dhe ndjeshmëria juaj do t’ju bëjnë të ndiheni në harmoni me botën. Është kohë e mirë për t’u shëruar nga plagët e vjetra dhe për të falur. Ndiqni rrjedhën e ngjarjeve pa u munduar të kontrolloni çdo gjë.

Shumica e grave shpenzojnë shuma të majme parash për shampona, maska, balsamë e shumë produkte të tjera për mirëmbajtjen e flokëve.

Por pavarësisht se shumë nga ne besojmë se produktet kozmetikore për flokë kanë efekt, e vërteta është se pothuajse të gjitha ato janë të mbushura me kemikalie dhe përbërës të tjerë që më shumë na dëmtojnë flokët se sa na përmirësojnë ato.

Por a e keni ditur se ekziston një tretman natyral që përpos që përmirëson kualitetin e flokëve, i bën mirë lëkurës së kokës tuaj, parandalon edhe rënien e flokëve?

Kjo maskë përbërës kryesor ka BANANEN.

Me këtë maskë, ju përpos që do të parandaloni rënien e flokëve, do të stimuloni rritjen e tyre edhe do t’i ushqeni ato. Kjo maskë përmirëson shëndetin e flokëve, i bën ato të buta dhe plot shkëlqim.

Mbi të gjitha, u jep flokëve shumë ushqyesë dhe vitamina që janë esencial për rritjen e flokëve, transmeton Klan Kosova.

Ju duhet vetëm një banane dhe tri pika vaj bajamesh.

Shtypeni bananen, shtoni vajin e bajameve dhe përzieni mirë derisa të krijohet një masë homogjene. Vendoseni këtë maskë në flokët tuaj dhe masazhojeni kokën.

Mbështilleni kokën me peshqir dhe lëreni të qëndrojë kështu për gjysmë orë. Më pas, shpëlani flokët me ujë dhe shampon, si bëni zakonisht.

Shënim: Maska me banane është e përshtatshme për të gjitha llojet e flokëve!

Ekspertët e sigurisë në shtëpi paralajmërojnë: disa gjëra që shumë njerëz i mbajnë në ballkon mund të shkaktojnë zjarr, dëmtime në ndërtesë ose të tërheqin insekte dhe brejtës

Ballkoni shpesh shihet si një vazhdim i dhomës së ndenjës, por është e rëndësishme të dini se ai nuk është menduar si depo shtesë. Disa objekte që vendosen aty mund të paraqesin rrezik serioz për sigurinë, por edhe të prishin pamjen e hapësirës.

Për shumë njerëz, ballkoni është një nga vendet më të dashura të shtëpisë – një oazë e vogël për kafen e mëngjesit, për ajër të freskët ose për t’u çlodhur pas një dite të lodhshme. Megjithatë, disa sende nuk duhet të qëndrojnë aty, sepse mund të krijojnë rrezik nga zjarri, të dëmtojnë strukturën e ndërtesës ose të tërheqin insekte dhe dëmtues të tjerë.

Ekspertët e sigurisë në shtëpi theksojnë se disa objekte nuk duhet të përfundojnë kurrë në ballkon. Ja shtatë prej tyre që është më mirë t’i mbani diku tjetër, transmeton Telegrafi.

1. Skarat elektrike

Pjekja në skarë në ballkon mund të duket ide e këndshme, por shpesh nuk është zgjidhja më e mirë. Temperatura e lartë, tymi dhe rreziku i përhapjes së zjarrit e bëjnë skarën potencialisht të rrezikshme, sidomos në ndërtesat me shumë banesa. Në disa pallate, përdorimi i saj madje është i ndaluar pikërisht për shkak të rrezikut nga zjarri.

2. Ngrohësit e jashtëm

Ngrohësit për ambiente të hapura, nuk janë gjithmonë të përshtatshëm për ballkon. Nëse përmbysen, lagen nga shiu ose bien në kontakt me objekte të tjera, mund të shkaktojnë qark të shkurtër ose zjarr. Për më tepër, ekspozimi i vazhdueshëm ndaj kushteve atmosferike i dëmton shpejt.

3. Pajisjet e mëdha shtëpiake

Disa njerëz vendosin në ballkon pajisje të vjetra ose rezervë, si rrobalarëse, tharëse rrobash apo frigoriferë. Por këto pajisje janë të rënda, zënë shumë hapësirë dhe nuk janë të projektuar për qëndrim në ambient të hapur. Lagështia dhe shiu mund të shkaktojnë ndryshk, myk dhe defekte në pjesët elektrike.

4. Pajisjet me bateri litiumi

Trotinetët elektrikë, bateritë e veglave ose pajisje të tjera me bateri litiumi nuk duhet të mbahen në ballkon. Nën rrezet e forta të diellit ato mund të mbinxehën, gjë që rrit rrezikun e zjarrit apo edhe të shpërthimit.

5. Objektet prej qelqi

Edhe pse duken të padëmshme, objektet prej qelqi mund të bëhen problem. Në diell ato mund të reflektojnë dritën dhe nxehtësinë, ndërsa kushtet e këqija të motit, si breshri ose ndryshimet e menjëhershme të temperaturës, mund t’i thyejnë. Nëse bien nga lartësia, mund të rrezikojnë njerëzit që kalojnë poshtë.

6. Mbeturinat dhe qeset e plehrave

Mbajtja e qeseve të plehrave në ballkon deri në ditën e largimit të mbeturinave mund të duket praktike, por shpesh tërheq insekte, brejtës dhe erëra të pakëndshme. Në disa ndërtesa kjo praktikë është e ndaluar, sepse dëmton higjienën dhe pamjen e ndërtesës.

7. Bombolat e gazit ose karburantet

Objektet që përmbajnë gazra ose lëngje të ndezshme, si bombolat e gazit apo petroleumi, janë veçanërisht të rrezikshme. Ekspozimi ndaj nxehtësisë ose diellit mund të rrisë presionin në rezervuar dhe të shkaktojë rrjedhje apo shpërthim.

Përfundimi

Përfundimi është i thjeshtë: ballkoni duhet të përdoret për atë për të cilin është menduar – për çlodhje, për bimë dhe për të shijuar ajrin e freskët.

Në vend që ta ktheni në depo, mbajeni si një hapësirë të pastër, të rregullt dhe të sigurt, që çdo ditë t’ju ofrojë një moment të vogël qetësie larg ritmit të shpejtë të jetës.

Teknologjia është duke ecur përpara nga dita në ditë dhe ne duke qenë të varur nga ato i neglizhojmë efektet e dëmshme shëndetësore që vinë së bashku me teknologjinë.

Kufjet janë bërë pjesë e përditshmërisë tonë, duke shëtitur, duke përdorur telefonin në shtëpi, duke shkuar në shkollë, punë apo fakultet.

Ato janë një nga objektet që kohët e fundit janë bërë të pandashme për secilin nga ne. Por, pavarësisht funksionalitetit dhe argëtimit që ofrojnë, shpesh diskutohet tema se a janë ato në gjendje të cenojnë shëndetin tuaj të përgjithshëm.

Por sipas otoringolaringologut Aziz Mustafa nuk ka një interval të caktuar të dëgjimit me kufje që mund të rezultojë i dëmshëm tek veshi i njeriut.

Njerëzit që përdorin shumë kufje janë të prirur të ankohen për gumëzhima në vesh dhe dhimbje të mprehtë në pjesë të caktuara të veshit, efekte te cilat kane pasur edhe pasoja fatale tek njeriu.

Ne anën tjetër përdorimi i kufjeve mund të bëhet një rrezik edhe në qytet sepse mund të çojë në mosdëgjimin e borive të makinave që sinjalizojnë një rrezik të afërt apo ne dekoncentrimin e personit.

Aksidentet që ndodhin çdo ditë në mesin tonë, shpeshherë janë të lidhura me përdorimin e kufjeve derisa jemi duke lëvizur në komunikacion, e që në shumë raste përfundon me fatalitet, andaj duhet të jemi shumë të kujdesshëm.

Komentet që lidhen me moshën shpesh konsiderohen si komplimente, por në shumë raste ato mund të fshehin stereotipe të rrënjosura thellë në shoqëri.

Sa herë i kemi thënë një gruaje: “Dukesh më e re” ose “Nuk dukesh sa mosha që ke”? Edhe pse këto fjalë zakonisht thuhen me qëllim të mirë, ato shpesh përforcojnë idenë se vlera e një gruaje lidhet me sa e re duket.

Kjo temë është hapur së fundmi nga influencuesja Ting Ma, e cila në një video të publikuar në Instagram ka bërë thirrje që të rishqyrtojmë mënyrën se si flasim për moshën dhe bukurinë. Mesazhi i saj është i qartë: të dukesh sipas moshës që ke nuk është diçka për t’u fshehur apo për t’u justifikuar.

“Jam 55 vjeç dhe dukem tamam si 55 vjeç. Mos i thoni më një gruaje ‘dukesh më e re’ ose ‘dukesh shumë mirë për moshën tënde’. Nuk është kompliment. Thjesht përforcon kulturën e fiksimit për t’u sukur më e re,” shprehet ajo në video.

Sipas saj, çdo njeri duket ndryshe dhe nuk ekziston një mënyrë e vetme se si duhet të duket një person në një moshë të caktuar. Ajo thotë se është lodhur duke dëgjuar komente të tipit:

“Ajo është 50 vjeç, por duket 20 vite më e re.”

Për të, kjo ngre një pyetje të thjeshtë: pse duhet të jetë pikërisht ky qëllimi?

Ting Ma thekson gjithashtu se shumë njerëz në botë nuk arrijnë kurrë të jetojnë aq gjatë sa 55 vjeç, ndaj mosha duhet parë si një privilegj dhe jo si diçka që duhet fshehur.

“Gratë nuk i detyrohen botës asnjë rini të përjetshme apo bukuri të ngrirë në kohë,” thotë ajo.

Sipas saj, të dukesh ashtu siç je nuk është një dështim. Rinia, shton ajo, nuk është një standard për të gjykuar askënd, por thjesht një fazë e jetës, ashtu si çdo stinë tjetër që vjen dhe kalon.

Mesazhi i saj ka gjetur jehonë tek shumë përdorues në rrjetet sociale, duke hapur një diskutim më të gjerë për presionin që shoqëria u vendos grave për të ruajtur një pamje të ‘freskët’ përgjithmonë. Në një kohë kur industria e bukurisë dhe rrjetet sociale shpesh promovojnë idealin e rinisë së përhershme, zëra si ai i Ting Ma-së kujtojnë se pranimi i moshës dhe i vetes është një formë fuqie dhe vetëbesimi.

Fundja, ideja që dikush duhet të duket më i ri për t’u konsideruar i bukur po sfidohet gjithnjë e më shumë. Dhe ndoshta komplimenti më i mirë nuk është “dukesh më e re”, por thjesht: “dukesh mirë ashtu siç je.”

Të bësh një gjumë të mirë dhe të zgohesh ditën tjetër tërësisht i çlodhur duket se është bërë diçka e vështirë për t’u arritur. Kjo është për shkak të një stili jetese sedentare dhe stresit që nuk mungon në asnjë moment.

Ilaçet e gjumit janë padyshim medikamente shumë të dëmshme që mund të rrezikojnë seriozisht shëndetin tuaj nëse i përdorni, veçanërisht pa rekomandimin e mjekut. E mira është që të përdorni produkte që janë natyrale dhe nuk paraqesin efekte anësore për shëndetin e përgjithshëm. Gjyshet tuaja mund t’i kenë përdorur gjatë jetës për vete dhe për t’ju vënë ju në gjumë, kur ishit të vegjël. Nëse keni probleme me pagjumësinë, është koha t’i mësoni recetat e tyre të mrekullueshme që ju vënë në gjumë sa hap e mbyll sytë.

Kanellë
Kanella njihet tashmë për përfitmimet shëndetësore, kryesisht në përmirësimin e gjumit. Shtoni ¼ lugë çaji kanellë në një gotë me qumësht të ngrohtë. Pijeni para se të shkoni të flini për të bërë një natë të qetë dhe një gjumë cilësor.

Çaj me sallatë jeshile
Një nga mënyrat më të mira për të luftuar pagjumësinë është çaji i sallatës jeshile. Ajo mund të shërbejë edhe për të bërë një çaj shumë të fuqishëm. Vetëm zieni disa gjethe sallate me pak ujë dhe më pas kullojeni çajin. Shtoni pak mjaltë për shije. Pini nga një gotë çaj një orë para se të flini.

Shafrani i Indisë
Ky përbërës është shumë i fuqishëm për shkak të përbërjes së tij nga komponentë shumë të rëndësishëm që ndihmojnë të bëni një gjumë të qetë. Shtoni pak shafran në një gotë me qumësht të ngrohtë dhe përziejini mirë. Pijeni para gjumit dhe nuk do të keni asnjë shqetësim gjatë natës.

Koha apo orari më i përshtatshëm për t’u ekspozuar në diell janë orët e para të mëngjesit deri në orën 10:00 paradite dhe orët e pasdites pas orës 17:00 kjo për stinën e verës, orari midis orës 10:00 dhe 17:00 është i dëmshëm.

Gjithsesi kjo nuk do të thotë që ne të mbyllemi brenda në këtë orar sidomos në plazh por të marrim masa mbrojtëse, duke qëndruar në hijen e çadrës apo pemëve, duke përdorur kremra mbrojtës për lëkurën tonë me SFP nga 30-50, syze, kapele.

Kujdes i veçantë duhet treguar ndaj fëmijëve që është shumë e vështirë t’i mbash nën çadër gjatë kohës së plazhit.

Nëse futen në ujë duhet të aplikojnë kremin solar para dhe pas daljes nga uji.

Çfarë i ndodh lëkurës sonë kur nxihet?

Gjatë procesit të nxirjes si rezultat i rrezatimit diellor emetohet një sasi energjie që përthithet nga qelizat melanocitare (qelizat që prodhojnë pigmentin melaninë në lëkurë).

Kjo energji që përthithet nga këto qeliza nis një sërë procesesh fiziologjike që çojnë në prodhimin e melaninës e cila kapet nga qelizat e tjera të lëkurës duke u dhënë ngjyrë më të pigmentuar atyre, këto janë qeliza që migrojnë (lëvizin) nga thellësia e lëkurës deri në sipërfaqen e saj duke kryer ciklin e tyre fiziologjik deri në flakjen e tyre nga organizmi.

Kjo është edhe arsyeja që ngjyra që marrim në plazh nuk zgjat më shumë se 1-2 muaj gradualisht.

Një grup vrapuesish zhvilluan një ngjarje të çertifikuar në një thellësi mbi 3,000 metra nën tokë, duke u siguruar atyre një rekord botëror Guinness.

Maratona u zhvillua në Garpenberg të Suedisë dhe paraqiti 55 vrapues nga 18 vende.

Pista ishte 3,669 metra nën tokë.

Guinness vuri në dukje se thellësia është midis lartësisë së ujëvarës më të lartë në botë, Angel Falls, dhe malit më të lartë në Mbretërinë e Bashkuar të njohur si Ben Nevis.

Vrapuesit duhej të mbanin fenerë për të garuar në këtë garë, e cila përmbante 11 xhiro dhe mblodhi rreth 1 milion dollarë për bamirësi.

“Është vapë, ka lagështirë, ka pak pluhur, por jemi mirë”, tha një nga konkurrentët për Guinness World Records.

Eventi ishte një sipërmarrje e përbashkët midis kompanive BecomingX, ICMM dhe Boliden

Ju pret një ditë pozitive për ndjenjat, ku mund të merrni diçka më shumë. Mund të keni dëshirë për diskutime dhe ndryshime. Po ashtu, duhet treguar kujdes sa i takon anës ekonomike, pasi gjatë kësaj periudhe jeni përballur me probleme.

Demi

Në dashuri, nuk duhet të jeni shumë ngacmues. Mundohuni që të ruani qetësinë dhe të shmangni debatet. Hënën do ta keni kundër dhe kjo gjë mund t’ju shkaktojë probleme në punë.

Binjakët

Bëjini gjërat qetësisht gjatë kësaj dite. Bëni mirë që të mos përfshiheni në polemika dhe debate. Në punë, duhet të përqendroheni në projektet të cilat duhet t’i çoni përpara.

Gaforrja

Saturnin nuk do ta keni më kundër në dashuri, duke stimuluar emocionet pozitive. Hëna në shenjën tuaj do të favorizojë emocionet. Në punë, duhet të mendoni lidhur me projektet, por bëni kujdes me debatet dhe jini të matur me shpenzimet.

Luani

Për të zgjidhur problemet e zemrës të lindura kohët e fundit, duhet të duroni edhe pak. Do të keni idetë e duhura në punë dhe ka ardhur momenti që të mos qëndroni pa vepruar.

Virgjëresha

Duhet të ecni ngadalë gjatë kësaj dite, pasi mund të hasni në pengesa. Jeni shumë të lodhur, ndaj duhet të rrini larg problemeve. Gjatë kësaj periudhe jeni shumë të zënë me punë.

Peshorja

Raportet e lindura prej pak kohësh do të ecin mirë. Çiftet që kanë kohë bashkë do të kenë mundësi që të zgjidhin një problem. Në punë do të keni pasiguri dhe do të demoralizoheni.

Akrepi

Hëna do të ketë ndikim të favorshëm në sferën sentimentale. Çiftet mund të përjetojnë emocione të bukura. Në punë ka shumë persona interesantë që ju rrethojnë, ju mbetet veçse të zgjidhni të duhurin.

Shigjetari

Kjo e enjte do të jetë mjaft e qetë sa i takon dashurisë. Do të keni ide të mira për ta bërë ditën sa më interesante. Në punë dhe në sferën sentimentale ka gjëra që do t’ju krijojnë probleme

Bricjapi

Në dashuri mundohuni që të mos përfshiheni në debate, pasi gjërat do të përmirësohen brenda pak kohësh. Nëse ka diçka që ju shqetëson, mundohuni që të mos rëndoheni. Propozimet e reja duhen vlerësuar me kujdes, duke reflektuar para marrjes së një vendimi.

Ujori

Mundohuni që të mos nxirrni probleme nga e kaluara. Gjatë pjesës së dytë të ditës do të jeni të karikuar me energji. Në punë duhet të tregoni kujdes.

Peshqit

Kjo ditë është ideale për t’u përballur me probleme sentimentale. Përballuni dhe flisni me personin me të cilin keni të bëni. Do të ndjeni sikur po e çoni kohën dëm. Në punë duhet të veproni ngadalë, pasi do t’ju duhet të bëni disa zgjedhje.

Me siguri se jeni ndjerë sikur një lëvore portokalli me të gjitha vrimat e veta. Fatkeqësisht, këto pore apo “gropa” jua bëjnë fytyrën t’ju duket më e vjetër dhe më e keqe.

Nëse keni lëkurë të yndyrshme, atëherë e dini se për çfarë e kemi fjalën sepse ky problem është i zakonshëm te personat me këtë tip të lëkurës.

Normalisht se lëkura e yndyrshme është vetëm një nga faktorët sepse gjenetika, stresi dhe faktorët ambientalë gjithashtu kontribuojnë për shfaqjen e poreve.

Sidoqoftë, lajmi i mirë është se ka ilaçe që mund t’i provoni për ta larguar ose minimizuar këtë problem.

Zgjidhja me vezë

Një mënyrë për t’i mbyllur poret në lëkurë është me ndihmën e vezëve.

Të bardhët e vezës është shumë e mirë për lëkurën sepse e ngushton atë dhe e zvogëlon sasinë e vajit që lëkura është duke e prodhuar.

Për këtë trajtim, ju duhet ta përzieni një të bardhë të vezës me një lugë lëng limoni dhe 2 lugë qull tërshëre.

I përzieni ato mirë derisa ta krijoni pastën të cilën duhet ta aplikoni në fytyrë dhe në qafë.

Këtë trajtim duhet ta përsëritni dy herë në javë.

Pastrojeni fytyrën

Një tjetër gjë që mund ta bëni për t’i larguar poret e lëkurës është të siguroheni se e pastroni fytyrën në mëngjes dhe në mbrëmje.

Kur e pastroni fytyrën, ju e largoni yndyrën, pluhurin dhe mbetjet që mund të akumulohen në lëkurë.

Kjo duhet të jetë shumë bazike për rutinën e kujdesit të lëkurës. /Telegrafi/