Category: Lajme

Ministrja për Evropën dhe Punët e Jashtme, e Shqipërisë Elisa Spiropali, është pritur në takim edhe nga Kryetarja e Kuvendit Albulena Haxhiu.

Ajo më herët është takuar edhe me Zëvendëskryeministri i Parë dhe Ministri për Punët e Jashtme dhe Diasporën, Glauk Konjufca si dhe me nga presidenten Vjosa Osmani.

Më tej, Ministrja do të pritet në takim edhe nga Kryeministri Albin Kurti.

Spiropali do të zhvillojë gjithashtu takime me drejtuesit e partive kryesore parlamentare në Kuvendin e Kosovës, kryetarin e PDK-së Bedri Hamza, të LDK-së Lumir Abdixhiku dhe AAK-së, Ramush Haradinaj.

Takimet do të fokusohen te thellimi i bashkëpunimit mes dy vendeve, riaktivizimi i mekanizmave institucionalë të bashkëpunimit, përgatitjet për mbledhjen e përbashkët qeveritare G2G dhe zbatimi i marrëveshjeve të nënshkruara.

Po ashtu, në zgjerimin e bashkëpunimit ekonomik, veçanërisht në zbatimin e projekteve madhore kombëtare si hekurudha Durrës-Prishtinë, shtimin e projekteve infrastrukturore dhe energjitike të përbashkëta, pa lënë mënjanë koordinimin në mbështetje të faktorit shqiptar në rajon dhe bashkëpunimin me diasporën.

Gjatë vizitës, Spiropali do të theksojë mbështetjen e Shqipërisë për forcimin e subjektivitetit ndërkombëtar të Kosovës, avancimin e njohjeve të reja dhe anëtarësimin e Kosovës në organizatat rajonale e ndërkombëtare, si dhe për integrimin euroatlantik të Kosovës.

Një thirrje për ndihmë ka ardhur nga Mitrovica, ku babai i ri Besmir Azemi po përballet me sfidën më të rëndë të jetës së tij.

Përmes një postimi drejtuar familjarëve, miqve dhe të gjithë njerëzve vullnetmirë, Azemi ka bërë të ditur se vajza e tij e sapolindur ndodhet në gjendje të rëndë shëndetësore dhe ka nevojë urgjente për trajtim jashtë vendit.

Sipas rrëfimit të tij, vogëlushja erdhi në jetë të premten, më 20.02.2026. Por gëzimi i prindërve u shndërrua shpejt në ankth, pasi mjekët konstatuan një problem serioz në zemër – një çrregullim në arterien kryesore që furnizon trupin me gjak.

Aktualisht, foshnja ndodhet në repartin e Neonatologjisë në kujdes intensiv (reanimacion), ndërsa mjekët kanë rekomanduar që trajtimi të kryhet urgjentisht jashtë vendit, pasi çdo minutë konsiderohet vendimtare për jetën e saj.

Familja tashmë ka siguruar raportet mjekësore dhe është në proces të përgatitjes së dokumentacionit përcjellës dhe profaturës nga spitali pritës.

Megjithatë, sfida më e madhe mbetet financiare. Sipas familjes, shuma e nevojshme për trajtim dhe shpenzime përcjellëse arrin në rreth 100 mijë euro – një shumë e papërballueshme për ta në këtë moment.

Situata bëhet edhe më urgjente nga fakti se familja ka vetëm 48 orë kohë për ta dërguar vajzën për trajtim.

Babai i vogëlushes u ka bërë apel të gjithë qytetarëve që kanë mundësi të ndihmojnë me çfarëdo shume, duke theksuar se çdo kontribut, sado i vogël, mund të bëjë dallimin.

Të dhënat për ndihmë:

Emri: Besmir Azemi

Xhirollogaria: XK052027000159181672

Familja shpreh mirënjohje të thellë për çdo ndihmë, lutje dhe shpërndarje të këtij apeli.

Prokuroria Themelore në Prishtinë, ka njoftuar se janë ndaluar katër persona, dhe se të njëjtit, dyshohen për veprën penale Falsifikim i dokumentit zyrtar.

Të dyshuari, me inicialet S.B, R.M, H.N, dhe B.G, janë ndaluar për 48 orë. Të njëjtit janë të angazhuar si punëtorë-instruktor të poligonit të Drenit në Prizren, përcjell Express.

‘‘Dyshohet se këto veprime janë kryer në vazhdimësi që ndërlidhen me rastin që është në hetim ndaj zyrtarëve në Ministrinë e Punëve të Brendshme (MPB)’’, thuhet në komunikatë mes tjerash.

Postimi:

Prokuroria ndalon katër punëtorë- instruktorë të poligonit të Drenit, dyshohen për veprën penale Falsifikim i dokumentit zyrtar

Prishtinë, 25 shkurt 2026- Prokuroria Themelore në Prishtinë njofton opinionin publik se Departamenti për Krime të Rënda, me urdhër të Prokurorit të Shtetit, ka ndaluar për 48 orë personat me inicialet S.B., R.M., H.N. dhe B.G., të cilët janë të angazhuar si punëtorë-instruktor të poligonit të Drenit në Prizren.

Më konkretisht, ata dyshohen se kanë kryer veprën penale ‘’Falsifikim i dokumentit zyrtar’’ sipas nenit 427 të Kodit Penal të Republikës së Kosovës, si dhe veprën penale ‘’Rastet e posaçme të falsifikimit të dokumenteve’’, nga neni 391 i KPRK-së. Dyshohet se këto veprime janë kryer në vazhdimësi që ndërlidhen me rastin që është në hetim ndaj zyrtarëve në Ministrinë e Punëve të Brendshme (MPB).

Prokuroria Themelore në Prishtinë, ndaj të dyshuarve do t’i ndërmarrë veprimet e mëtejshme ligjore, ndërsa hetimet lidhur me këtë çështje penale do të vazhdojnë në koordinim me Policinë e Kosovës.

Një panik të pajustifikuar të Beogradit e ka konsideruar ministri i Mbrojtjes Pirro Vengu, reagimin e institucioneve atje, pas stërvitjes së përbashkët Shqipëri-Kosovë-Kroaci.

“I ndjekim reagimet, një lloj paniku i pajustifikuar nga institucionet në Beograd. Ne vijojmë punën tonë. Bashkëpunimi trilateral është në zbatim e sipër.

Bëmë një takim me homologët e mbrojtjes në Mynih, për të përcaktuar hapat e tjerë për prokurimet në fushën e mbrojtjes, të tre vendet kanë nevoja të ngjashme fuqizohemi duke u bërë bashkë, për kontrata më të mira më të lira. Bashkëpunimi në fushën e industrisë, kemi një përfshirje edhe në panairet që po organizojnë kolegët kroatë.

Dhe nga ana tjetër edhe elementë stërvitorë të forcave tona. Nuk kemi patur komunikim me Beogradin përvec faktit që ftesa është për të gjithë vendet e rajonit, fatkeqësisht ata kanë zbatuar një politikë të karriges boshe.” tha Vengu.

Javën e ardhshme, Forca e Sigurisë së Kosovës hap konkursin për rekrutimin e ushtarëve të rinj.

Konkursi do të hapet të hënën, më 2 mars, dhe zgjat 25 ditë.

Është e rëndësishme që kandidatët të plotësojnë kriteret e rekrutimit, që përfshijnë shtetësinë e Republikës së Kosovës, zotësinë e plotë për të vepruar, të ketë të përfunduar shkollën e mesme, të ketë aftësi shëndetësore dhe fizike për vendin e shërbimit, të ketë figurë të pastër dhe të mos ketë probleme me shtetin.

Mbi të gjitha, kriteri më i rëndësishmi është ai i moshës: nga 18 deri në 25 vjet.

Dokumentet e nevojshme për aplikim:

Diploma e shkollës së mesme /e nostrifikuar, (diplomat e fituara jashtë Republikës së Kosovës, duhet t’i nënshtrohen procesit të njohjes nga Ministria e Arsimit, Shkencës dhe Teknologjisë);
Ekstrakti i lindjes (jo më të vjetër së gjashtë (6) muaj);
Certifikata nga gjykata që nuk është i dënuar dhe që nuk është nën hetime, (dokumenti të jetë i nxjerrë brenda afatit të konkursit);
Kopje të letërnjoftimit apo pasaportës;
Foto portret 4×4 për aplikim ( elektronike);
Dëshmi për kualifikime tjera (nëse posedon).
“Bëhu ushtar i Kosovës” – është thirrja e FSK-së.

Aeroplani i famshëm privat Boeing 727 i pedofilit të ndjerë Jeffrey Epsteinit, i njohur me nofkën “Lolita Express”, është lënë për t’u shkatërruar për gati një dekadë në një vend grumbullimi aeroplanësh në Brunswick, Georgia dhe tani duket i copëtuar dhe plot myk e insekte.

Dikur ishte një aeroplan luksoz, me dhomë gjumi, disa zona për t’u ulur, kuzhinë dhe banjo, por sot brendësia e tij është e rrënuar, e mbushur me gjurmët e kohës dhe sende personale të braktisura, si lodra për fëmijë dhe furça dhëmbësh të përdorura.

Aeroplani, i regjistruar si N908JE – një referencë e inicialeve të Epsteinit – u përdor, sipas prokurorëve, për të transportuar viktima të trafikimit seksual përreth botës dhe për të çuar njerëz me profil të lartë, përfshirë figura të njohura politike dhe shoqërore.

A short report by the New York Post on one of the key symbols in the Epstein case — the Boeing 727 known as the «Lolita Express». pic.twitter.com/Q5iEpG3lbP

— NEXTA (@nexta_tv) February 24, 2026

Që nga fluturimi i tij i fundit në vitin 2016, aeroplanit i janë hequr motorët dhe nuk mund të fluturojë më; ai është shndërruar thuajse në një “kapsulë kohe” që mban prova vizuale të historisë së tij të errët.

Interieri i tij, megjithëse në gjendje të keqe, përmban edhe mbetje të sendeve të brendshme — nga peshqirë të ndotur deri te sende personale dhe dokumente fluturimi.

Ndryshe, Epstein u gjet i pajetë në vitin 2019 në qelinë federale në Manhattan, New York rreth një muaj pasi ishte arrestuar me akuza federale për trafikim seksual të të miturve. Ai priste gjyqin, i cili mund ta çonte në burgim të përjetshëm. Zyra e mjekësisë ligjore e shpalli vdekjen vetëvrasje me varje.

Kryeministri i Senegalit, Ousmane Sonko, ka paraqitur një projektligj që mund të dyfishojë dënimin maksimal për marrëdhëniet mes personave të të njëjtit seks, duke i bërë ato të dënueshme me deri në 10 vjet burg.

Propozimi iu dërgua parlamentit të martën, pasi u miratua nga kabineti javën e kaluar, pas një vale arrestimesh për marrëdhënie të dyshuara mes personave të të njëjtit seks, të cilat tashmë janë të ndaluara me ligj në Senegal.

Duke iu drejtuar ligjvënësve, Sonko tha se projektligji do të dënojë atë që përshkruhet si “akte kundër natyrës” me dënime nga pesë deri në 10 vjet burg, krahasuar me dënimet aktuale prej një deri në pesë vjet.

“Nëse akti kryhet me një të mitur, do të aplikohet dënimi maksimal”, tha ai, duke nxitur kritika nga mbrojtësit e të drejtave të njeriut.

Debati mbi të drejtat e komunitetit LGBT ka shkaktuar prej kohësh tension në Senegal, një vend konservator ku disa grupe e paraqesin aktivizmin pro-LGBT si ndërhyrje të huaj.

Organizatat fetare kanë zhvilluar demonstrata vitet e fundit, duke kërkuar dënime më të ashpra.

Më herët këtë muaj, policia ndaloi 12 burra, mes tyre dy figura publike dhe një gazetar të njohur, në bazë të ligjeve kundër LGBT. Mediat vendase raportojnë se rreth 30 persona janë arrestuar gjithsej gjatë këtij muaji.

Sonko shpjegoi se projektligji e përkufizon çdo sjellje seksuale mes dy personave të të njëjtit seks si “akt kundër natyrës”.

Projektligji parashikon dënime me burg nga tre deri në shtatë vjet për këdo që shpallet fajtor për promovimin ose mbështetjen e marrëdhënieve mes personave të të njëjtit seks.

Ai gjithashtu parashikon dënime të veçanta për ata që akuzojnë të tjerët për homoseksualitet “pa prova”.

Personat që shpallen fajtorë sipas këtij projektligji mund të përballen gjithashtu me gjoba deri në 10 milionë franga CFA (rreth 18,000 dollarë amerikanë; 13,000 paund britanikë), shtoi Sonko.

Sonko tha se ligji i rishikuar do ta mbajë veprën në nivelin aktual të kundërvajtjes penale.

“Ne mund t’i arrijmë objektivat e synuara pa e ngritur veprën në nivelin e krimeve më të rënda”, shtoi ai.

Ende nuk është caktuar një datë për votimin në parlament për këtë projektligj, në një dhomë të kontrolluar nga partia e Sonkos, Pastef.

Sonko, një ish-udhëheqës i zjarrtë i opozitës i emëruar kryeministër në vitin 2024, kishte premtuar ta kriminalizonte më tej marrëdhënien mes personave të të njëjtit seks në këtë vend me shumicë myslimane.

Human Rights Watch deklaroi se goditja e fundit kundër komunitetit LGBT shkel “disa të drejta të mbrojtura ndërkombëtarisht”, përfshirë barazinë dhe mosdiskriminimin.

Edhe disa vende të tjera afrikane kanë miratuar sanksione të ngjashme kundër komunitetit LGBT. Në shtator të vitit të kaluar, parlamenti kalimtar i Burkina Fasos miratoi një projektligj që ndalon aktet homoseksuale, ndërsa Mali miratoi gjithashtu legjislacion që kriminalizon homoseksualitetin në vitin 2024.

Në vitin 2023, Uganda miratoi disa nga ligjet më të ashpra kundër homoseksualitetit në botë, duke parashikuar që kushdo që përfshihet në disa akte të caktuara mes personave të të njëjtit seks mund të dënohet me vdekje.

Kryetari i Kosova Demokratik Türk Partisi (KDTP), Fikrim Damka, ka deklaruar se subjekti që ai drejton do të mbajë qëndrim në përputhje me partnerët e koalicionit sa i përket zgjedhjes së presidentit të ri të Kosovës.

Damka theksoi se çdo vendim eventual do të varet nga propozimi që do të vijë dhe nga diskutimet me Lëvizjen Vetëvendosje (LVV), me të cilën KDTP është në koalicion qeverisës.

“Ne jemi partner të koalicionit dhe nëse vjen propozim prej partnerëve e mbështesim. Krejt këto do të varen nga diskutimet me LVV pasi jemi në koalicion me të”, u shpreh Damka.

Ai shtoi se aktualisht nuk ka informacion se kush mund të jetë kandidat për postin e presidentit, por nënvizoi se partia e tij do të respektojë marrëveshjet brenda koalicionit.

“Nuk e di kush është kandidat për këtë çështje, por do të veprojmë sipas qëndrimit të koalicionit”, deklaroi Damka. /Frontonline

Koalicioni i OJQ-ve për Mbrojtjen e Fëmijëve në Kosovë ka shprehur shqetësimin e thellë lidhur me vendosjen e pagesës ditore për prindërit, kujdestarët ligjorë/përcjellësit e fëmijëve mbi 15 vjeç në klinikat e QKUK-së dhe në spitalet e përgjithshme.

Përmes një reagimi publik, KOMF thotë se ky vendim bie në kundërshtim me dispozitat ligjore në fuqi në Republikën e Kosovës dhe me konventat ndërkombëtare.

“Ligji për Mbrojtjen e Fëmijës, neni 3, nënparagrafi 1.1, përcakton se: “Fëmijë – nënkupton çdo qenie njerëzore nën moshën tetëmbëdhjetë (18) vjeç, me përjashtim të rasteve kur mosha madhore arrihet më përpara, në përputhje me legjislacionin të cilit ai i nënshtrohet”. Konventa Ndërkombëtare për të Drejtat e Fëmijës përkufizon “fëmijën” si çdo qenie njerëzore nën moshën 18 vjeç, përveç nëse sipas ligjit që i zbatohet atij, mosha madhore arrihet më herët. Po ashtu, Ligji për të Drejtat dhe Përgjegjësitë e Qytetarëve në Kujdesin Shëndetësor, Neni 7.4 përcakton që Fëmija ka të drejtë që, gjatë qëndrimit në institucionin shëndetësor me shtretër, ta ketë pranë prindin, përfaqësuesin ligjor ose të afërmin e përcaktuar nga ai ose nga përfaqësuesi ligjor”, thuhet në njoftim.

Për rrjedhojë, thekson KOMF-i, kufizimi i mbështetjes apo vendosja e barrës financiare për prindërit apo kujdestarët ligjorë të fëmijëve nga mosha 15 deri në 18 vjeç është në kundërshtim me përkufizimin ligjor të fëmijës në Kosovë dhe cenon parimin themelor të interesit më të mirë të fëmijës.

“Prania e prindit apo kujdestarit ligjor gjatë hospitalizimit është nevojë thelbësore për mirëqenien emocionale, psikologjike dhe fizike të fëmijës. Një vendim i tillë shkel të drejtat e fëmijës, rrezikon të krijojë pengesa shtesë për familjet dhe të ndikojë negativisht në qasjen e barabartë të fëmijëve në shërbime shëndetësore”, thuhet tutje në reagim.

Për më tepër, KOMF-i ka vlerësuar se në shumë raste prindërit apo kujdestarët ligjorë kryejnë një pjesë të punës mbështetëse brenda institucionit shëndetësor.

Ky kontribut, sipas koalicionit duhet të njihet dhe të vlerësohet, e jo të sanksionohet përmes vendosjes së pagesës.

KOMF u bëri thirrje institucioneve përgjegjëse që të rishqyrtojnë këtë vendim dhe të harmonizojnë çdo akt administrativ me legjislacionin në fuqi dhe konventat ndërkombëtare, duke vendosur në qendër interesin më të mirë të fëmijës.

Kredia prej 90 miliardë eurosh e Bashkimit Evropian për Ukrainën do të ndodhë “në një mënyrë ose në një tjetër”, tha Ursula von der Leyen në një vizitë në Kiev, e cila u eklipsua kryesisht nga vendimi i minutës së fundit i Hungarisë për të vënë veton ndaj programit financiar.

“Kjo fjalë nuk mund të thyhet”, tha presidentja e Komisionit Evropian të martën, duke iu referuar marrëveshjes së arritur nga 27 udhëheqësit e BE-së në dhjetor.

“Ne do ta zbatojmë kredinë në një mënyrë ose në një tjetër. Më lejoni të jem shumë e qartë, kemi mundësi të ndryshme dhe do t’i përdorim ato”, tha ajo.

Von der Leyen foli pranë pesidentit të Këshillit Evropian, António Costa dhe presidentit ukrainas Volodymyr Zelensky.

Costa i bëri thirrje Hungarisë që “menjëherë” të heqë veton e saj.

“Kur Këshilli Evropian të bjerë dakord dhe të marrë një vendim, të gjitha shtetet anëtare duhet të bashkëpunojnë për të zbatuar këtë vendim”, tha Costa.

Mosmarrëveshja midis Budapestit dhe Kievit përfshin tubacionin e epokës sovjetike Druzhba, i cili u dëmtua rëndë në fund të janarit në një sulm me dron që i atribuohet Rusisë.

I pyetur nëse qeveria e tij do të ishte e gatshme të riparonte infrastrukturën, Zelensky tha: “Për të rinovuar për çfarë? Për të humbur (më shumë) njerëz? Mendoj se ky është një çmim shumë i lartë. Kaq është”.