Category: Lajme

Sipas një analize të Qendrës për Studime Strategjike dhe Ndërkombëtare (CSIS) e publikuar të enjten, 100 orët e para të fushatës ushtarake të Shteteve të Bashkuara kundër Iranit vlerësohet se kanë kushtuar 3.7 miliardë dollarë – më shumë se 890 milionë dollarë në ditë.

Më pak se 200 milionë dollarë nga kjo shifër totale janë kosto operative që tashmë përfshihen në buxhetin e Pentagonit.

Ndërkohë, pjesa tjetër prej 3.54 miliardë dollarësh e kostos së parashikuar “me shumë gjasa do të kërkojë fonde shtesë nga Departamenti i Mbrojtjes (DoD), qoftë përmes një kërkese suplementare ose një projektligji tjetër për pajtim”, thanë analistët e CSIS, shkruan CNN.

Përveç kostove të operacioneve dhe mbështetjes, shpenzimet kryesore pritet të jenë zëvendësimi i municioneve – gjë veçanërisht e rëndësishme duke pasur parasysh shqetësimet mbi stoqet e municioneve interceptuese të SHBA-së dhe të aleatëve të saj – si dhe humbjet e pajisjeve, si tre aeroplanët F-15 që u rrëzuan në një incident me zjarr miqësor në Kuvajt.

Duke e parë përpara, autorët shkruan se kostot mund të ndryshojnë bazuar në një “ndryshim të forcave amerikane drejt municioneve më të lira” si dhe “intensitetin e operacioneve dhe efektivitetin e hakmarrjes iraniane”.

Nuk është e qartë sa do të zgjasë konflikti me Iranin; presidenti amerikan, Donald Trump dhe Sekretari i Luftës, Pete Hegseth, nuk kanë dhënë afate të qarta, me Hegseth që tregoi se SHBA do të veprojë për aq kohë sa presidenti e konsideron të nevojshme “mund të thuash katër javë, por mund të jenë gjashtë, mund të jenë tetë, mund të jenë tre. Në fund të fundit, ne vendosim ritmin dhe tempon”.

Deputetja e LDK-së Hykmete Bajrami i ka reaguar ashpër LVV-së për seancën e jashtëzakonshme dhe i ka kërkuar llogari “pse vendin po e çojnë sërish në zgjedhje”.

“Jemi vetëm disa orë para vendimit që shkojmë prapë në zgjedhje dhe po diskutojmë amendamente kushtetuese, siç u thamë, me 14 vjet vonesë. Qytetarë të nderuar, të kthehemi tek tema kryesore. Sot kjo seancë është thirrur në shpërqendrim të vëmendjes. Sot, kjo seancë është thirrur nga ata të cilët para disa jave i morën 51% të votave, për të na adresuar çështjen e bujqve të cilët s’i kanë marrë subvencionet e vitit të kaluar; me adresuar çështjen e qytetarëve të cilët i pret një valë e re e inflacionit nga luftat në botë. E këta dalin e u thonë njerëzve që inflacionin e kemi mbajtur nën kontroll me një vendim atje për çmimin e derivateve të naftës… Dhe këta sot na sjellin amendamente kushtetuese. Këta sot i ofendojnë të gjithë pacientët të cilët janë në spitale pa barna esenciale. Ky është turp, turp”, theksoi ajo.

Por të njëtës ia ndërprenë fjalën me arsyetimin e kryetares Albulena Haxhiu se po flet “jashtë temës”.

Deputeti i Aleancës për Ardhmërinë e Kosovës, Besnik Tahiri foli pas seancës për amandamentet e Presidentit, ku AAK-ja nuk mori pjesë.

Ai tha se kjo seancë është thirrur për të bërë një improvizim dhe siç tha, për të shpërndarë mjegull tek qytetarët.

“U thirr për të bërë një improvizim, u shfrytëzua për të bërë disa deklarata politike, gjoja për të ndërruar Kushtetutën, proces ky i cili s’mund të ndodh në pikë të natës dhe nuk mund të ndodh në rrethana kur nuk ka diskutim paraprak. Pamë një improvizim të skajshëm, një tendencë për të shpërndarë një mjegull tek qytetarët e Kosovës”, tha ai.

Kuvendi i Kosovës ka njoftuar se sonte do të mbahet një seancë e jashtëzakonshme plenare.

Sipas njoftimit zyrtar, në rend dite është vetëm një pikë: zgjedhja e Presidentit të Republikës së Kosovës.

Seanca pritet të mbahet në sallën e seancave të Kuvendit duke filluar nga ora 22:00, vetëm pak orë para skadimit të afatit kushtetues për zgjedhjen e Presidentit të ri.

Deputeti i PDK-së, Përparim Gruda ka mbajtur në fjalim në seancën e jashtëzakonshme ku u diskutua për amendamentet kushtetuese që Presidenti të zgjidhet nga Populli.

Ai tha se rregullorja në vitin 2021 përcaktoi që seanca të thirret pas 2 jave, ndërsa tash po thirret pas 14 viteve.

Kështu ai e pyeti kryeparlamentaren Albulena Haxhiu pse ka thirrur këtë seancë pas 14 viteve.

“Në rregullore thotë 2 javë, po e pyes kryetaren pse i ke sjëllë amendamentet 14 vjet mbrapa kur rregullorja thotë 2 javë”, tha Gruda.

Haxhiu tha e këtë seancë e ka thirrur presidentja Vjosa Osmani dhe 41 deputetë.

Nuk ka pasur kuorum për propozimet e amendamenteve kushtetuese të propozuara nga presidentja Vjosa Osmani

“Në seancë të pranishëm 93 deputetë përfshirë 9 nga komunitetet’, tha Haxhiu.

Kështu seanca tjetër do të mbahet në ora 22:00, tha Haxhiu.

Deputetja e PDK-së, Ganimete Musliu, e cila jo rrallëherë hyn në diskutime me kryeministrin Albin Kurti, i kërkoi atij një përgjigje konkrete nëse “po tuten prej dikujna që po mbajnë seanca natën”.

Derisa e mori fjalën në seancën e jashtëzakonshme për amendamentet e presidentes, Musliu e nisi fjalimin e saj: “Kisha pas qef një përgjigje prej Albin Kurtit me na tregu prej kujt po tuten që po mbajnë seanca natën, kishte me qenë me qenë shumë me rëndësi se po tuten që po mbajnë seanca natën”.

Ndërkohë Kurti qëndroi në ulësën e tij dhe bëri këtë reagim.

Deputetët nga radhët e Aleancës për Ardhmërinë e Kosovës dhe ata të Listës Serbe nuk janë të pranishëm në seancën e jashtëzakonshme parlamentare që po zhvillohet aktualisht

Të katër amandamentet e propozuara për zgjedhjen e Presidentit nga populli nuk do të mund të kalojnë në parlament, pa 2/3 të votave të LS-së.

Pak kohë para se të skadojë afati për zgjedhjen e Presidentit, është thirrur seancë për amendamentet e para 14 viteve për ndryshimet kushtetuese.

Kryetari i LDK-së, Lumir Abdixhiku ka thënë se i mbështesin ndryshimet kushtetuese, sepse vet LDK ka qenë përpiluese e këtyre amendamenteve.

Por, ai ka thënë se për ndryshimet kushtetues duhen 2/3 e votave edhe të pakicave, të cilat thotë se nuk i kemi.

Kështu ai tha se jemi 2-3 orë larg dekretit potencial për zgjedhje të reja.

“Po edhe sikur kalonte një gjë e tillë, amendamentet hyjnë fuqi 6 muaj nga sot, e ne jemi 2-3 ore larg para dekretit potencial për zgjedhje të reja”, ka thënë aI.

Në seancën e jashtëzakonshme për amendamentet e presidentës që të zgjedhet presidenti në mënyrë të drejtpërdrejtë nga populli, janë përplasur deputetja e LDK-së Hykmete Bajrami me kryetaren e Kuvendit Albulena Haxhiu.

Deputetja Bajrami tha” Jemi vetëm disa orë para se vendi të shkojë në zgjedhje dhe po diskutojmë amandemente me 14 vjet vonesë…Kjo seancë është thirrë për shpërqendrim të vëmendjes…Këta sot i ofendojnë të gjithë pacientët që janë në spitale e dergjen pa barna esenciale…Ofendojnë qytetarët që sytë i kan kah Gjermania”, tha deputetja.

Menjëherë reagoi Haxhiu, “nëse flet jashtë rendit të ditës të ndërpritet fjala dhe nuk e merr më”, dhe ia ndërpreu fjalën.

Më pas deputetës ia lëshuan mikrofonin dhe Bajrami tha; “Jemi në rend të ditës saherë flasim për qytetarët nuk ka rënd të ditës më të rëndësishëm që mos mi çu qytetarët në zgjedhje prap…”.

Derisa po fliste Bajrami, asaj iu ndërpre sërish fjalia dhe nuk iu dha më.