Category: Lajme

Presidenti kroat Zoran Milanoviq ka dërguar një deklaratë ku shprehet se beson që mbërritja e presidentit serb Aleksandar Vuçiq në Kroaci nuk është e mundur, dhe për këtë arsye ka vendosur të anulojë takimin e Samitit të Brdo-Brionit.

“Republika e Kroacisë dhe Republika e Sllovenisë, si anëtarë të Bashkimit Evropian, iniciuan Samitin Brdo-Brioni me qëllim përmirësimin e bashkëpunimit të ndërsjellë dhe përshpejtimin e procesit të integrimit evropian të vendeve të Evropës Juglindore. Takimi i krerëve të shteteve të Samitit Brdo-Brioni do të mbahej në maj të këtij viti në Kroaci”, thuhet në deklaratë, transmeton Telegrafi.

“Deklaratat dhe veprimet politike të presidentit të Republikës së Serbisë Aleksandar Vuçiq që kemi parë në ditët dhe javët e fundit, janë në kundërshtim të plotë me qëllimin e Samitit Brdo-Brioni, prishin marrëdhëniet ndërshtetërore dhe kërcënojnë paqen dhe stabilitetin në rajonin e Evropës Juglindore”, u tha ndër tjera.

Presidenti i Republikës së Kroacisë Zoran Milanoviq beson se në rrethana të tilla nuk ka kushte dhe mbërritja e Presidentit të Republikës së Serbisë, Aleksandar Vuçiq në Republikën e Kroacisë nuk është e mundur.

“Si bashkëkryetar i Samitit Brdo-Brioni, presidenti Milanoviq ka vendosur të anulojë takimin e planifikuar në Kroaci, i cili u është njoftuar krerëve të shteteve që duhej të merrnin pjesë në takimin për Brijunin. Takimi i radhës i krerëve të shteteve të Samitit do të mbahet kur të plotësohen kushtet dhe pas konsultimeve midis Milanoviq dhe Presidentes së Republikës së Sllovenisë, Natasha Pirc-Musar, si bashkëkryetare e Samitit Brdo-Brioni”, njoftoi zyra e Milanoviq.

Kujtojmë se presidenti serb Aleksandar Vuçiq tha pas zgjedhjeve lokale të mbrëmshme, të cilat u shënuan nga incidente të shumta, se do të verifikonte raportet e agjencive të sigurisë mbi ndikimin e vendeve të huaja në zgjedhje.

Duke komentuar akuzat nga mediat e Vuçiqit për ndikimin e huaj në zgjedhjet lokale të djeshme, Vuçiq përmendi mbështetjen logjistike të një vendi fqinj.

Duke iu përgjigjur pyetjes së një gazetari në lidhje me praninë e supozuar të makinave me targa kroate në ditën e zgjedhjeve në Kula, Vuçiq njoftoi se së shpejti do të paraqesë më shumë informacion.

“Lidhur me zgjedhjet e djeshme, për mua ishte e qartë se sa mbështetje logjistike u ofrua nga një vend fqinj. Megjithatë, në periudhën e ardhshme do të marr një raport më të detajuar mbi të dhe më pas do ta ndaj me ju”, tha Vuçiq.

Ai theksoi se merr raporte të tilla çdo ditë dhe nga disa burime.

“Para së gjithash, nga Agjencia e Sigurisë Ushtarake dhe Agjencia e Informacionit të Sigurisë, por edhe nga shërbimet që merren me mbrojtjen e kundërzbulimit të objekteve tona dhe personelit tonë ushtarak”, shpjegoi ai.

Më herët sot, ai tha gjithashtu se kishte folur me Presidentin rus Vladimir Putin. Vuçiç raportoi se, përveç zgjatjes së kontratës së gazit, ai diskutoi edhe tema të tjera me Putinin dhe deklaroi se Putin e pyeti për Kosovën dhe Republikën Serbe, dhe se ata shkëmbyen mendime për të gjitha çështjet e rëndësishme.

“E prezantova gjithashtu me aleancën e Zagrebit, Prishtinës dhe Tiranës, biseduam për të gjitha temat”, tha Vuçiq në fjalimin e tij në Presidencë.

Në Gjykatën e Apelit të hënën është mbajtur seanca ku u elaboruan ankesat e palëve ndaj vendimit të Gjykatës Themelore në Prishtinë në rastin e të akuzuarve Dibran Hoxhaj i njohur si “Kobra” dhe katër të tjerëve: Roland Susuri, Arben Vezaj, Burim Mazreku dhe Jesmir Badalli, për vrasjen e shtetasit të Shqipërisë në lokalin “Kobra City” më 3 janar 2023 në Prizren. Mbrojtja kërkoi nga kolegji i Apelit të ndryshohet vendimi i shkallës së parë ose të kthehet rasti në rigjykim, kurse Prokuroria e Apelit dhe pala e dëmtuar kërkuan ashpërsim të dënimit.

Gjykata Themelore në Prishtinë më 9 tetor 2025 e ka dënuar me 24 vjet burgim Dibran Hoxhajn i njohur si “Kobra”, kurse Roland Susurin me dënim unik prej 7 vjet burgim, Jesmir Badallaj u dënua me dënim unik prej 2 vjet burgim, Arben Vezaj dhe Burim Mazreku u dënuan me nga 1 vit burgim, raporton “Betimi për Drejtësi“.

Seanca e Kolegjit të Apelit u mbajt nga trupi gjykues i përbërë nga Mentor Bajraktari- gjyqtar raportues, Albina Shabani-Rama kryetare e kolegjit, dhe Valon Kurtaj- anëtar.

Gjyqtari Bajraktari në raportimin e lëndës njoftoi se kundër aktgjykimit të Themelores, ankesë kanë parashtruar përfaqësuesi i palës së dëmtuar, avokati Emrush Kastrati për shkak të vendimit mbi dënimin, duke propozuar që vendimi i nxjerrë nga Themelorja të ndryshohet dhe të akuzuarve t’iu shqiptohet dënim më i lartë me burgim.

Avokati Kastrati edhe në këtë seancë deklaroi se mbetet pranë ankesës së parashtruar.

Kurse, Prokuroria e Apelit përmes parashtresës ka propozuar që të aprovohet ankesa e avokatit Kastrati, ndërsa për të akuzuarin Hoxhaj të shqiptohet dënim më i lartë. Ka propozuar që të refuzohen ankesat e mbrojtjes së të akuzuarve.

Në seancën e Apelit nuk prezantoi askush nga kjo Prokurori.

Gjithashtu, kundër aktgjykimit të Themelores ankesë kanë paraqitur edhe mbrojtja e të akuzuarve. Mbrojtësit e Hoxhaj, avokatët Florent Latifaj dhe Musa Konxheli kanë parashtruar ankesë mbi bazën e shkeljeve esenciale të dispozitave të procedurës penale, shkeljes së Ligjit Penal, vërtetimit të gabuar të gjendjes faktike dhe lidhur me sanksionin penal.

Mbrojtja e “Kobrës” ka propozuar që të ndryshohet aktgjykimi i shkallës së parë dhe të lirohet i akuzuari Hoxhaj ose rasti të kthehet në rigjykim.

Mbrojtësi i të akuzuarit Susuri, avokati Ruhan Salihu ka parashtruar ankesë për shkelje esenciale të dispozitave të procedurës penale, shkeljes së Ligjit Penal, vërtetimit të gabuar të gjendjes faktike dhe lidhur me sanksionin penal, duke propozuar që të ndryshohet aktgjykimi dhe të lirohet i akuzuari Susuri ose rasti të kthehet në rigjykim.

Për të akuzuarin Badalli, ankesë ka prashtruar mbrojtësi i tij, avokati Jeton Rekathati mbi bazën e vërtetimit të gabuar të gjendjes faktike dhe Ligjit Penal, duke propozuar lirimin e të mbrojturit të tij ose kthimin e çështjes në rigjykim.

Avokati Blend Gjini, mbrojtës i të akuzuarit Mazreku ka parashtruar ankesë për shkelje esenciale të dispozitave të procedurës penale, vërtetimit të gabuar të gjendjes faktike dhe aplikimit të gabuar të ligjit material, me propozimin që ankesa të aprovohet dhe çështja të kthehet në rigjykim.

Ndërsa, avokati Gent Gjini, mbrojtës i të akuzuarit Vezaj ka parashtruar ankesë për shkelje esenciale të dispozitave të procedurës penale, vërtetimit të gabuar të gjendjes faktike dhe aplikimit të gabuar të ligjit material, me propozimin që rasti të kthehet në rigjykim.

Pretendimet ankimore, avokatët i elaboruan edhe në seancën e Apelit, duke theksuar se mbeten pranë tyre.

Prokuroria Speciale e Republikës së Kosovës (PSRK), më 20 shkurt 2024, ka ngritur aktauzë kundër Dibran Hoxhajt i njohur si “Kobra” dhe Roland Susurit, Arben Vezajt, Burim Mazrekut dhe Jesmir Badallit, për vrasjen e shtetasit të Shqipërisë në Prizren më 3 janar 2023.

Në aktakuzë, “Kobra”, akuzohet se më 3 janar 2023, në ora 4:10, në afërsi të lokalit të tij “Kobra City”, në magjistralen Prizren-Zhur, me dashje ka privuar nga jeta V.C, duke vënë në rrezik edhe jetën e të dëmtuarve R.T (Sh) dhe A.B.

Deri të rasti, sipas aktakuzës së Prokurorisë kishte ardhur pasi të dëmtuarit nuk ishin pajtuar me faturën e lartë në lokal, duke filluar kështu një zënkë me punëtorët e lokalit.

Një tjetër raketë balistike e lëshuar nga Irani hyri në hapësirën ajrore turke, përpara se të rrëzohej nga mbrojtja ajrore dhe raketore e NATO-s, e vendosur në Mesdheun lindor. Lajmi u konfirmua nga Ministria turke e Mbrojtjes.

Raketa e sotme shënoi incidentin e katërt të tillë që nga fillimi i luftës SHBA-Irlandeze me Iranin, pas tre përgjimeve të mëparshme nga sistemet e NATO-s në fillim të këtij muaji që e shtynë Ankaranë të protestonte dhe të paralajmëronte Teheranin, ndërsa Republika Islamike ka mohuar vazhdimisht përgjegjësinë për lëshimin e raketës.

Teherani ka mohuar në tre incidentet e mëparshme se ka autorizuar lëshime të tilla dhe i ka kërkuar Ankarasë të krijojë një hetim të përbashkët për këtë çështje.

Ministria tha se po merren të gjitha masat e nevojshme “me vendosmëri dhe pa hezitim” kundër çdo kërcënimi të drejtuar ndaj territorit dhe hapësirës ajrore të Turqisë.A2

Ka vdekur mëngjesin e kësaj të hëne, 30 mars, i dënuari me burgim të përjetshëm Hysni Qamil Repaj.

64-vjeçari lindur dhe banues në Shkodër vuante dënimin në burgun e Drevonës për veprën penale të vrasjes dhe të armëmbajtjes pa leje.

“Sot, më datë 30.03.2026, rreth orës 09:40, është shoqëruar me urgjencë në ambientet e Spitalit Rajonal Korçë i dënuari me burgim të përjetshëm, Hysni Qamil Repaj, i datëlindjes 15.01.1962, lindur dhe banues në Shkodër. I dënuari vuante dënimin për veprat penale “Vrasje me dashje në lidhje me një krim tjetër” dhe “Armëmbajtje pa leje”, të parashikuara nga nenet 77 dhe 278 të Kodit Penal”, njofton policia.

Gjatë vuajtjes së dënimit, ai është trajtuar edhe për probleme të shëndetit mendor nga mjeku psikiatër. Në konsultën e kryer këtë të hënë nga mjeku i institucionit, 64-vjeçari, u pa se i kishte të rrahurat e zemrës ishin të ulëta (bradikardi).

Për këtë arsye, i dënuari u dërgua urgjentisht në shërbimin e urgjencës së Spitalit Rajonal Korçë për vlerësim të mëtejshëm nga mjekët specialistë.

Gjatë procedurave të ekzaminimit në ë spital, gjendja shëndetësore e tij u përkeqësua, duke përfunduar në arrest kardiak respirator. Pavarësisht ndërhyrjes dhe ndihmës mjekësore të dhënë, ai nuk arriti të rikthehej në jetë, duke rezultuar në humbjen e jetës.

Gjykata Kushtetuese e ka hedhur poshtë kërkesën e kryeparlamentares Albulena Haxhiu dhe nëntë deputetëve të tjerë për vlerësimin e kushtetutshmërisë së procedurës për zgjedhjen e Presidentit.

Haxhiu dhe nëntë deputetë i kishin kërkuar Gjykatës Kushtetuese ta vlerësojnë kushtetutshmërinë e “procedurës për zgjedhjen e Presidentit të Republikës së Kosovës”, duke pretenduar se “deputetët e opozitës, me mos pjesëmarrje në seancën e jashtëzakonshme dhe votim për zgjedhjen e Presidentit të mbajtur me 5 mars 2026 kanë shkelur Kushtetutën dhe janë në kundërshtim me detyrat dhe përgjegjësitë e tyre të përcaktuara nga Aktgjykimi i lartpërmendur [KO124/25]”.

Kushtetuesja thotë se lidhur me këtë çështje, Gjykata “tashmë ka konsoliduar praktikën e saj gjyqësore në këtë kontekst, respektivisht në rastet KO47/16 dhe KO29/11”.

Në rrethanat e rastit aktual, Gjykata konsideroi se “nuk paraqiten rrethana të reja që do të arsyetonin një shqyrtim të mëtejshëm të kësaj çështjeje”.

“Rrjedhimisht, Gjykata bazuar në pikën (b) të paragrafit 2 të rregullit 54 të Rregullores së punës konstaton se kjo çështje përbën çështje të gjykuar (res judicata) dhe, si e tillë, hyn në kategorinë e kërkesave që përfaqësojnë përsëritje të një kërkese të mëparshme të shqyrtuar dhe të vendosur nga Gjykata”, thuhet në vendim.

Edhe çështjen e afateve për zgjedhjen e Presidentit, për të cilat shkroi Haxhiu në kërkesë, Kushtetuesja tha se e ka sqaruar.

“Prandaj për sa i përket pikës së parë të vlerësimit, nuk është më kontestues fakti i “kalimit të afateve kushtetuese”, për shkak se përmes Aktgjykimit në rastet e bashkuara KO72/26 dhe KO74/26, cituar më lart, Gjykata thekson se kjo pikë përfshin vlerësimin kushtetues, i cili ishte objekt shqyrtimi në rastet e bashkuara KO72/26 dhe KO74/26 (shih, rastin e Gjykatës KO72/26 dhe KO74/26, cituar më lart)”, thuhet në vendim.

Kësisoj, Kushtetuesja konsideron se “nuk ka çështje për shqyrtim, ngase kjo tashmë është sqaruar qartë edhe përmes praktikës gjyqësore të Gjykatës” përmes dy rasteve në të kaluarën.

“Pra, si parim i përgjithshëm procedural, Gjykata nuk nxjerrë vendime për raste ku çështja më nuk përfaqëson kontest, apo pretendimi nuk është më në mënyrë aktive i diskutueshëm (shih, rastet e Gjykatës, KO98/20, cituar më lart, paragrafi 84; dhe KO63/12, cituar më lart, paragrafi 23)”, thuhet në vendim.

Anëtari i shoqërisë civile, Rron Gjinovci, bashkëpunëtor dhe mik i Shkëlzen Gashit, autorit të ekspozitës me pasaktësi për masakrat e kryera gjatë luftës në Kosovë, tha se një njësit policor i Drejtorisë së Krimeve të Rënda po kryen bastisje në banesën e Gashit, me urdhër të Prokurorisë Speciale.

Gjinovci tha se Gashi “tashmë është nën shoqërimin e policisë, por ende i paarrestum”.

“Ky është njësiti i Drejtorisë së Krimeve të Randa të policisë, i cili me urdhëresë të Prokurorisë Speciale ndodhet në banesën e Shkëlzen Gashit. Kanë ardhë me bastisë banesën me mbledhë prova dhe me shoqëru Shkëlzenin i cili tashmë është nën shoqërimin e policisë, por ende i paarrestum”, shkroi ai në një postim në Facebook.

“Shekulli 21, vend demokratik, Prokuroria Speciale dhe Policia e Krimeve të Randa bastisin e shoqnojnë njerëz për ekspozitë”, shtoi Gjinovci.

Gjykata Kushtetuese e ka hedhur poshtë kërkesën e kryeparlamentares Albulena Haxhiu dhe nëntë deputetëve të tjerë për vlerësimin e kushtetutshmërisë së procedurës për zgjedhjen e Presidentit.

Kushtetuesja njoftoi se ka vendosur njësëri që ta hedhë poshtë kërkesën dhe të refuzojë kërkesën vendosjen e masës së përkohshme.

“Gjykata Kushtetuese e Republikës së Kosovës, më 30 mars 2026, ka vendosur për kërkesën me numër të rastit KO68/26, të parashtruar nga znj. Albulena Haxhiu dhe 9 (nëntë) deputetë të tjerë të Kuvendit të Republikës së Kosovës, për vlerësimin e kushtetutshmërisë së “procedurës për zgjedhjen e Presidentit të Republikës së Kosovës”. Gjykata, njëzëri, vendosi: TË REFUZOJË kërkesën për vendosjen e masës së përkohshme; T’UA KUMTOJË këtë Vendim palëve; TA PUBLIKOJË këtë Vendim në Gazetën Zyrtare të Republikës së Kosovës, në pajtim me paragrafin 4 të nenit 20 (Vendimet) të Ligjit Nr. 03/L-121 për Gjykatën Kushtetuese të Republikës së Kosovës; TË KONSTATOJË që ky Vendim hyn në fuqi menjëherë, në pajtim me paragrafin 5 të nenit 20 të Ligjit”, thuhet në njoftim.

Haxhiu dhe deputetët i kishin kërkuar Gjykatës Kushtetuese ta vlerësojnë kushtetutshmërinë e “procedurës për zgjedhjen e Presidentit të Republikës së Kosovës”, duke pretenduar se “deputetët e opozitës, me mos pjesëmarrje në seancën e jashtëzakonshme dhe votim për zgjedhjen e Presidentit të mbajtur me 5 mars 2026 kanë shkelur Kushtetutën dhe janë në kundërshtim me detyrat dhe përgjegjësitë e tyre të përcaktuara nga Aktgjykimi i lartpërmendur [KO124/25]”.

Instituti Kombëtar i Shëndetësisë Publike të Kosovës ka njoftuar qytetarët se Ministria e Shëndetësisë ka aprovuar rekomandimin e Komitetit Profesional Këshillues për Imunizim (KPKI), për zgjerimin e grup-moshave për vaksinim kundër Human Papilloma Virusit (HPV).

Sipas njoftimit të IKShPK-së, ky vendim është në përputhje me evidencën më të fundit shkencore dhe rekomandimet ndërkombëtare, dhe synon rritjen e mbrojtjes së popullatës ndaj infeksioneve me HPV, parandalimin e kancerit të qafës së mitrës, si dhe uljen e rrezikut nga kanceret e tjera të lidhura me HPV tek të dy gjinitë.

Sipas IKShPK-së:

-Vaksinimi kundër HPV do të ofrohet në mënyrë vullnetare tek të rinjtë deri në moshën 26 vjeç, të cilët nuk janë vaksinuar më parë.

-Personat e moshës 26–45 vjeç mund të vaksinohen vetëm me rekomandim të klinicistit, bazuar në vlerësimin individual të rrezikut dhe përfitimit.

-Vaksinimi rutinë për fëmijët 11–12 vjeç (nxënësit e klasës së gjashtë) vazhdon sipas kalendarit të rregullt të imunizimit.

Pse është i rëndësishëm vaksinimi kundër HPV?

HPV është një ndër shkaktarët kryesorë të kancerit të qafës së mitrës dhe disa sëmundjeve të tjera serioze.

Vaksina:

-mbron nga tipet më të rrezikshëm të virusit;

-redukton ndjeshëm rrezikun për zhvillimin e lezioneve para-kanceroze dhe kancerit;

-është e sigurt dhe shumë efektive sidomos kur merret para ekspozimit ndaj virusit.

Përfitimet për shëndetin

Zgjerimi i vaksinimit pritet të sjellë:

-ulje të rasteve të kancerit të qafës së mitrës dhe kancereve tjera të lidhura me virusin;

-mbrojtje më të gjerë për të rinjtë;

-reduktim të kostove të trajtimit në të ardhmen;

-përmirësim të përgjithshëm të shëndetit të popullatës.

Vaksina për grupmoshat e përfshira do të jetë e disponueshme në të gjitha Qendrat Kryesore të Mjekësisë Familjare (QKMF) dhe në Qendrat Rajonale të Shëndetësisë Publike në të gjithë vendin.