Category: Lajme

Kryeministri i Kosovës, Albin Kurti ka folur lidhur me deklarimet e LDK-së, dhe PDK-së për çështjen e presidentit të cilët kanë thënë se për ta kjo çështje është mbyllur.

“Duhet t’i evitojmë zgjedhjet e reja, të cilat janë të panevojshme dhe nuk sjellin asgjë të re. Më 28 dhjetor i kemi mbajtur zgjedhjet dhe po atë natë e kemi parë rezultatin, kurrë s’ka qenë më i qartë. Tash këta 120 deputetë, duhet t;i funksionakizojmë institucionet në plotni. Kemi Kuvend e Qeveri, duhet të kemi edhe President.

LVV i ka 57 deputetë, si mazhorancë jemi me 66 deputetë. PDK duhet ta kuptojë që 22 deputetë janë 1/3 e mazhorancës dhe duhet ta kuptoni pozitën time të vështirë se VV ka arritur 51.1% të votës popullore dhe ky është një rezultat i paparë, prandaj edhe vitin 2026 di të duhej të sillemi në përputhje me këtë rezultat.

I kam ofruar kryetarit të PDK-së, Bedri Hamza, që të bëhet një rrokadë me kryetaren e Kuvendit dhe nënkryetaren e PDK-së. Haxhiu bëhet nënkryetare e Kuvendit, Hamza ose Vlora Citaku, kryetarë të Kuvendit. ” – tha Kurti

Deputeti i AAK-së, Ramush Haradinaj, ka akuzuar sot kryeministrin Albin Kurti se ka qenë shkaktar i anulimit të projektit “Kosova e re”.

Sipas Haradinajt, me këtë projekt Kosova do të prodhonte energji elektrike me kapacitet deri 500 MW, por që shkaktar i anulimit të këtij projekti është Kurti.

“Anulimi i projektit ‘Kosova e Re’ është dëmi më i madh që i ka kushtuar Kosovës që nga paslufta. Anulimi i termocentralit prej 500 MW është dëm jo vetëm energjetike, por edhe në çdo sferë tjetër të jetës sonë, shkaktari i anulimit të këtij projekti është Albin Kurti dhe grupi rreth tij, Kosovën Albin Kurti e ka lënë pa një termocentral të ri. E ka dorëzuar pavarësinë energjetike të Kosovës, dihet mirëfilli ku. Ky është një fakt që askush në këtë sallë nuk mundet me i ik me i bo bisht”, tha Haradinaj në seancën e Kuvendit ku po diskutohet për energjinë elektrike.

Ai shtoi se me anulimin e këtij projekti Serbia ka krijuar fitore më të madhe ndaj Kosovës që nga pas vitit 1999.

Kryetari i AAK-së, Ramush Haradinaj, është treguar i ashpër me Qeverinë gjatë fjalës së tij në Kuvendin e Kosovës.

Ai pati kritika ndaj kryeministrit Albin Kurti, për gjendjen në sektorin e energjisë.

“Asnjë në këtë sallë nuk mundet me ik, kjo është një e vërtetë e cila kurrë nuk do të ndryshojë, dikush u kujdes mos me lënë Kosovën me prodhu 500 megavat energji me qymyr të vetin, me çmim 80 euro. Serbia nuk ka krijuar fitore më të madhe ndaj Kosovës pas vitit 1999 se sa këtë dështim të termocentralit të ri 500 megavat dhe pastaj dorëzimit të Kosovës te Serbia. Krejt VV-në e lus, çdo anëtar interesohuni rreth kësaj që po e them”, deklaroi ai.

“Nuk kanë marrë masa me kriju burime të reja energjetike, a e dini pse, sepse rreth tyre janë grumbulluar mafia energjetike e Ballkanit e në të cilën dominojnë serbët, dhe këtë e dinë shumë mirë të gjithë në këtë sallë. Dhe ata bashkë me Albin Kurtin dhe Dejona Mihalin, krijojnë kompani çdo dy javë, i regjistrojnë në Shqipëri e i sjellin në Kosovë. Gjithë në këto kompani është një i afërm i Albin Kurtit, i njerëzve të tij”.

Sipas tij, Albin Kurti është “kryehajn”, e Dejona Mihali “kryehajneshë”.

“Nuk po them mos rrini në parti të atij që e ka bërë kështu, por diskutoni dhe mos lejoni me ndodh kjo masakër energjetike që po i ndodh këtij vendi, nëse nuk ndërmarrim veprime dëmet do të rriten. Albin Kurti nuk lodhet për këtë, e ka përgatit një pako tash në qershor me i shpërnda disa pare. Në energji kryehajni është Albin Kurti e kryehajnesha Dejona Mihali”, tha Haradinaj

Kryetarja e Parlamentit, Albulena Haxhiu ia ka tërhequr vërejtjen kreut të AAK-së, Ramush Haradinajt, pasi ky i fundit ishte i ashpër me Qeverinë për sektorin e energjisë.

Pasi Haradinaj tha se Kurti është “kryehajn” dhe Mihali “kryehajneshë”, Haxhiu kërkoi nga deputeti të mos e keqpërdor foltoren e Kuvendit.

“Zotëri Haradinaj ju lutem të keni parasysh që të mos përdorni gjuhë të tilla në Kuvendin e Kosovës, mos mendo që e përforcon argumentin duke përdorur gjuhë jo parlamentare. Mos e keqpërdor këtë foltore të Kuvendit, është hera e fundit që ta tërheqi vërejtjen, nuk ke asnjë replikë me mua”, tha kryeparlamentarja.

Deputeti i Lëvizjes Vetëvendosje, Mefail Bajqinovci ka folur për çështjen e presidentit para fillimit të seancës së jashtëzakonshme të Kuvendit.

Ai ka thënë se opozita nuk duhet t’i mbyllë dyert, duke shtuar se këta të fundit nuk duhet ta dërgojnë vendin në zgjedhje siç kanë bërë dy herë në vitin 2025.

“Opozita nuk duhet ta dërgojë vendin në zgjedhje ashtu siç ka bërë në vitin 2025 dy herë, pra mendoj që është një tendencë që Kurti të mos qeverisë me vendin, të rrëzohet e jo pozita e presidentit, Mendoj që ka qenë një ofertë gjeneroze dhe duke e ditë si është votuar, i kemi gati 52%dhe LDK-ja i ka 15 deputet mendoj që ishte një ofertë gjeneroze për LDK-në.

“Unë besoj që opozita nuk duhet me i mbyll dyert sepse ka kohë që të gjendet një solucion por varet prej opozitës…Mendoj që vetëm nuk duhet të mbyllen dyert me deklaratat që i kemi dëgjuar dje… ju e dini që prej se ka pas deklarata që ish-presidentja e vendit do të jetë në garë me LDK-në ju e keni parë që deklaratat e tyre ishin ne s’kemi çka me humbë, kemi humbë boll, këtu duhet të humbë LVV-ja. Kjo është gabim dhe mendoj që opozita duhet të reflektojë edhe njëherë dhe të ulet ën tavolinën  e bisedimeve”, ka deklaruar Bajqinovci.

Një ngjarje e pazakontë dhe shqetësuese është regjistruar në qytetin e Lushnjes, ku janë vjedhur eshtrat e një personi të ndarë nga jeta prej 17 vitesh.

Sipas informacioneve paraprake, autorët kanë hapur një tunel të madh nën tokë për të depërtuar në varr, çka tregon për një veprim të mirëorganizuar dhe të menduar më parë, raporton Top Channel.

Ngjarja ka ndodhur në varrezat e qytetit dhe është zbuluar nga punonjës të mirëmbajtjes së tyre. Menjëherë pas njoftimit, shërbimet e policisë kanë mbërritur në vendngjarje, duke nisur hetimet për zbardhjen e plotë të rrethanave dhe identifikimin e autorëve.

Deri më tani nuk dihen motivet e kësaj ngjarjeje të rëndë, ndërsa po punohet për mbledhjen e provave dhe verifikimin e çdo piste të mundshme.

Autoritetet pritet të japin më shumë detaje në vijim, ndërsa rasti ka shkaktuar shqetësim të madh te qytetarët.

Komandanti i Forcës së Sigurisë së Kosovës, Bashkim Jashari, ka pritur në një vizitë zyrtare Agjutantin e Përgjithshëm të Gardës Kombëtare të Ajovës, Stephen Osborn.

Sipas njoftimit, vizita u zhvillua në frymën e partneritetit të qëndrueshëm dhe bashkëpunimit të ngushtë ndërmjet Forcës së Sigurisë së Kosovës dhe Gardës Kombëtare të Ajovës.

“Me këtë rast, Jashari i uroi mirëseardhje të ngrohtë Gjeneralit Osborn dhe delegacionit shoqërues, duke shprehur mirënjohjen për mbështetjen e vazhdueshme që Garda Kombëtare e Ajovës ka dhënë për zhvillimin dhe avancimin e kapaciteteve të FSK-së”, thuhet në njoftim.

Gjatë takimit, të dy gjeneralët zhvilluan bisedime për thellimin e mëtejmë të bashkëpunimit dypalësh, me theks të veçantë në planifikimin dhe realizimin e aktiviteteve të përbashkëta, trajnimeve dhe shkëmbimit të përvojave profesionale.

Shefi i grupit parlamentar të PDK-së, Arian Tahiri ka kritikuar qeverinë për rritjen prej rreth 16% të çmimit të energjisë elektrike siç tha ai pak ditë pas zgjedhjeve, duke thënë se kjo po rëndon familjet me të ardhura të ulëta dhe po dëmton bizneset.

Ai ka theksuar se situata është pasojë e politikave të gabuara, keqmenaxhimit të sektorit të energjisë dhe varësisë nga importi i shtrenjtë.

“Familjet me të ardhura të ulëta po ballafaqohen me fatura që nuk janë thjesht të tarta, por të papërballueshme. Bizneset e mëdha po largohen drejt vendeve të rajonit.

“Si është e mundur që pak ditë pas zgjedhjeve çmimi i rrymës është rritur rreth 16%. Këto manipulime shpesh janë dhe qesharake dhe të qarte. Kjo situatë nuk është rastësi, as fatkeqësi natyrore, është pasojë e politikave të gabuara, dhe keqmenaxhimit të sektorit të energjisë dhe mungesësë së investimeve në kapacitetet prodhuese vendore, dhe varësisë nga importi i shtrenjtë”, tha Tahiri.

Tahiri i ka bërë thirrje Qeverisë dhe ZRRE-së për ulje të tarifave, auditim të pavarur të matësve dhe kompensim për qytetarët për matjet e pasakta të energjisë.

“Si kryetar i Grupit Parlamentar të PDK-së, i bëj thirrje qeverisë dhe ZRrE-së të ndërmerren masa për uljen reale të tarifave elektrike për konstumatorët shtëpiak, bizneset e vogëla të kryhet auditim i pavarur i matësve të energjisë dhe kompenzim i qytetarëve nga matjet e pasakta”, tha ai në Kuvend.

Armatosja e Ngushticës së Hormuzit nuk është një eventualitet për Iranin, por një pengesë e përgatitur prej kohësh, sipas agjencisë së lajmeve Reuters.

Duke cituar zyrtarë iranianë të sigurisë, thuhet se privatisht, Teherani është përgatitur prej kohësh për të përdorur rrugën ujore vendimtare, transmeton Telegrafi.

“Irani u përgatit prej vitesh për një skenar që përfshin mbylljen e Ngushticës së Hormuzit, duke planifikuar çdo hap. Sot është një nga mjetet më efektive të Iranit – një formë e ndikimit gjeografik që shërben si një pengesë e fuqishme”, tha një burim.

Janë ngritur pyetje nëse SHBA-të kishin një plan për Iranin që të mbyllte ngushticën kur sulmoi.

Burimi iranian thuhet gjithashtu se e përshkroi rrugën ujore si një “aset të artë dhe të çmuar”.

Një burim i dytë iranian, pranë IRGC-së, sugjeroi se tabuja e gjatë rreth përdorimit të Ngushticës së Hormuzit tani ishte thyer. /Telegrafi/

Në seancën e jashtëzakonshme të Kuvendit të Kosovës ku po diskutohet për çmimin dhe faturimin e rrymës, deputeti i PDK-së, Ferat Shala tha se qytetarët po paguajnë një taksë që nuk ju takon dhe se gjendja në këtë sektor është shumë e rënduar.

Sipas tij, çka është arritur nga qeveria Kurti është se Kosova është e varur nga importi.

“Kemi ardhur në përfundim që qytetarët po e paguajnë një taksë jo meritore dhe se sektori energjetik është në situatë të jashtëzakonshme, të rënduar. Qeveria tash e gjashtë vite e ka menaxhuar këtë sektor me të njëjtën logjik ku shifrat e kanë treguar që është e dështuar”, tha Shala në Kuvend.

“S’ka energji të mjaftueshme për rritjen e ekonomisë tonë, s’ka energji prodhuese për të tërhequr investitorët e jashtëm, krejt çka kemi arritur nga qeveria Kurti është se Kosova është e varur nga importi”, shtoi ai.

Shala tha se përgjatë këtyre gjashtë viteve të qeverisë Kurti, çmimi i energjisë është rritur tri herë.

“Tash e gjashtë vite kemi tri herë ngritje të çmimit energjisë, dhjetëra afera korruptive, lëndë dhe aktakuza të ngritura pikërisht nga akterët e kësaj mazhorance. Kemi pasiguri energjike në furnizim. Projekte të dështuara edhe në sektorin e energjisë alternative”, tha ai.

Ai kërkoi që Qeveria të ndërpresë ndëryhrjet në “aferat e njehsorëve”.