Category: Lajme

Deputeti i Partisë Demokratike të Kosovës, Artan Behrami ka thënë se kryeministri i Kosovës, Albin Kurti dëshiron ta udhëheqë vendin si ushtrues detyre.

Ai në hollin e Kuvendit të Kosovës u shpreh se Kurti si ushtrues detyre nuk ka përgjegjësi.

“Qytetarët e Republikës së Kosovës duhet ta dinë që zoti Kurti dëshiron ta qeverisë Kosovën me ushtrues detyre. Sepse aty nuk ka përgjegjësi. As nuk ka parlament me mbikëqyr, as nuk ka Amerikë me thënë ‘implemento marrëveshje’, as nuk ka Bashkim Evropian me thënë ‘ti duhesh me ndjek rrugën e Bashkimit Evropian’. Pra, aty është konfor, në xhipat e tij 500 mijë euro të blindum edhe me xhama të zi. Pra, aty ai ndihet i rehat. Edhe kështu do të mundohet ta vazhdojë qeverisjen“, tha Behrami raporton Ekonomia Online.

Deputetja nga Aleanca e Ardhmërisë së Kosovës, Time Kadrijaj kritikoi pushtetin lidhur me punësimin e familjarëve të tyre nëpër institucione

Ajo u bëri pyetje pushtetit duke i thënë se a ka mbet ndonjë familjarë që nuk është bërë oligarkë.

“Për këtë ministrin tjetër që drejtohet herë në të majtë, herë në të djathtë, thotë ‘këta nuk po i bëjnë punët’, po i bëjmë ne punët tona të nderuar që keni bërë emër atyre grupeve të WhatsApp-it. Po i bëjmë që keni për të punuar mjaft, se bash askush nuk i fëlliq duart me ty.

Tash Lëvizja Vetëvendosje ka ardhë në pushtet duke i luftuar oligarkët. A ka mbet dikush në Lëvizjen Vetëvendosje pa u bë oligark? Pa u bë, pa u bë dhëndërr, vjehrri, i vëllai, motra, halla, tezja, krejt ata që i keni pasur për dasma e ahengje, sot i keni bërë oligarkë edhe kështu po funksiononi.

Ka nja dy ditë kryeministri thotë ‘po mburreni tani edhe për energji, edhe për derivate’. E prapë po dal unë e po mburrem. Ani mburruni! Mandej është mirë kjo qeveri me na tregu sa ka blerë energji elektrike për vitet në vazhdim: 2021, 2022, 2023, 2024, 2025. Edhe mos harroni, gjithë këtë rritje të çmimit të energjisë me e prezantuar si fitore, sepse në fakt këtu po e pëson qytetari i shkretë.

Edhe këtë mafinë energjetike të Lëvizjes Vetëvendosje që keni hap me Martinin, e tash në fund me Marinin e nuk e di ku ka me përfundua. Thjesht këto janë këto kompanitë tuaja që kanë fituar: GEN, Noa, E-TR, EFT. Gjitha këto janë kompanitë që ju i keni bërë fantome edhe që të gjitha po përfitojnë nga ju. Ne nuk marrim urdhra nga qasja juaj, edhe andaj po duam në fund me ju thënë një fjalë këtu.

Edhe pse po bërtitni, edhe pse t’i ndalni fjalën deputetëve, Kuvendi është shtëpia e deputetëve, jo e ministrave që po bërtasin këtu prapa nesh, prapa krahëve, e që në shumicën e kohës na pengojnë për me folë. Edhe po e përfundoj me atë, Ramush Haradinaj s’ka mund me e ndalë pushkën Serbia, jo po mundeni ju Vetëvendosja, e pa varësisht që e ndalni fjalën, s’keni bash asgjë çka me i bë”, tha Kadrijaj.

Sot, Naim Murseli e Granit Plava janë dënuar me burgim të përjetshëm për vrasjen e Liridona Ademajt, ndërsa Kreshnik Kokalla është dënuar me 30 vite burgim.

Pas seancës, ka folur vëllai i Liridonës, Leonard Ademaj. Ky i fundit, ka thënë se vendimi i sotëm e vërtetën atë se çfarë kanë thënë ata prej fillimit, dhe se, dënimi i sotëm është mësim edhe për të tjerët.

‘’Ajo çfarë u vërtetua sot, është ajo çfarë kemi thënë qe nga fillimi, se Naimi së bashku me Kushtrimin, duke e zgjedhur Granitin si vrasës e kanë organizuar këtë krim. Ky vendim sot nuk shkon vetëm për ne, shkon për Liridonen, për fëmijët e saj. Andaj ky dënim edhe mësim për të gjithë ata që mundohen apo krijojnë mundësi që ta bëjnë një krim të tillë’’, ka thënë ai.

Ai ka shtuar edhe se, vendimi i sotëm i ka lehtësuar ‘’sado pak’’ ata.

‘’sa i përket Kushtrim Kokallës, besoj që gjykata e ka parë ashtu, për këtë mund të fol edhe avokati se çfarë dënimi kemi pritur ne për të. Sado pak na ka lehtësuar edhe ne edhe familjes, e po besoj që ishte vendim që e kemi pritur të gjithë, populli shqiptar e jo veç familja’’, ka thënë ai.

Kryeministri Edi Rama zhvilloi një takim me operatorët e biznesit ushqimor, ku theksoi se siguria ushqimore është një nga sfidat më të vështira dhe më komplekse të procesit të anëtarësimit në Bashkimin Europian.

Kryeministri tha se 900 subjektet ushqimore që operojnë në vendin tonë rrezikojnë mbylljen apo përjashtimin nga tregu që ditën e parë të anëtarësimit të vendit nëse nuk përmbushin standardet e BE-së.

“BE ka sjellë një përfaqësi ekspertësh që kanë parë pikat e prodhimit, grumbullimit dhe aktivitete që lidhen me produkte shtazore dhe nënproduktet e tyre dhe kanë lënë një sërë detyrash të cilat do të duhet të ndërveprojmë me 900 subjekte që janë në vend dhe që kanë rrezikun shumë të qartë të mbylljes ose përjashtimit nga tregu që nga dita e parë e anëtarësimit”, tha ai.

Rama theksoi se informaliteti në sigurinë ushqimore mbetet një problem i përditshëm, ndaj është vënë theksi tek jetësimi i ligjit të ri për inspektoriatet dhe reformimi i Agjencisë Kombëtare të Ushqimit. Ai shtoi se Instituti i Sigurisë Ushqimore dhe Veterinare dhe AKU ka nevojë për mbështetje dhe binjakëzim me institucionet e BE-së, për të marrë eksperiencën e tyre.

Deputeti i Lidhjes Demokratike të Kosovës, Lutfi Haziri, ka deklaruar se procesi i diskutimeve për presidentin është devijuar nga qëllimi fillestar, duke theksuar se në vend të kësaj teme, fokusi është zhvendosur tek çështjet e qeverisë.

Sipas tij, qëndrimi i LDK-së për këtë proces ka qenë i qartë që nga fillimi.

“Kryetari i LDK-së e ka bë të qartë qëndrimin e LDK-së. Ne jemi ftu’ me fol’ për President, kemi përfunduar duke folur për qeveri.

Përderisa para disa javësh është thanë që Kuvendi konstituohet, qeveria ndërtohet, bëhet, dhe veprimet e tjera me hapa të caktum dhe të imponum nga kryetari i Vetëvendosjes kanë ndodhë, janë bë fakt, janë kry’. Dhe lëvizja e djeshme që t’i ofrohet LDK-ja për qeverisje, për ne ka qenë çështje që nuk e kemi pritë, nuk e kemi kërku’ dhe kemi definu’ politikat tona.

Jemi të interesum, kemi qenë të interesum, mbetemi të interesum me bë vendin funksional duke i dhanë President, por jo duke kriju’ mundësi që të zgjatet qeverisja e Kosovës edhe me President. Presidenti është përfaqësuesi më i lartë, nuk është pushtet, nuk është institucion i cili ka pushtetin e ndamë e të tjerë, por përfaqëson qytetarët dhe garanton funksionimin e shtetit dhe mbron interesin e qytetarëve. Kjo është ajo si e shohim rolin e Presidentit e jo si zgjatje të qeverisë dhe të agjendave politike që zoti Kurti i ka sot“, tha Haziri.

Sa i përket deklaratave të Kurtit rreth ofertës së LDK-së ai thotë se janë bërë lojëra politike.

“Kjo në radhë të parë është lojë fjalësh, që nuk pasqyron realitetin. Me pasë qenë ashtu, pse është dashtë me u thirrë në takim? Me vetë faktin që ne jemi zgjidhja, jemi ftu’ dhe ne jemi tregu’ pragmatikë, jemi tregu’ bashkëpunues dhe kemi kooperu’, kemi bashkëpunu’ deri në fund me i dhanë vendit President. As kemi thanë që jemi meritorë me u ftu’, as kemi kërku’ për t’u ftu’. Ne i kemi u përgjigj një ftese që të gjejmë një rrugë të përbashkët për me i dhanë vendit President të Republikës. Tani loja e numrave, e rënditjeve, kalkulimeve, është lojë politike dhe kjo qasje, kjo mendësi, Kosovën po e mban në qarkun e mbyllur të krizave politike tash e dy vjet e gjysmë së paku, dhe po paralajmëron krizë të re. Kriza e Presidentit, Kosovën e çon në dështim të Kuvendit, dështimi i Kuvendit janë zgjedhjet e reja dhe prapë do të rikthehemi në kërkesën që qytetarët me definu’ dhe qytetarët me vendosë“, u shpreh ai.

Haziri u shpreh se LDK nuk ka pasur kërkesë.

“LDK-ja s’ka pasë asnjë kërkesë. Dhe nuk kemi pasë qasje me bë kërkesë. Jemi ulënë tavolinë, kemi bisedu për ndërtimin e procesit. Fillimisht për konsensus, i cili nuk është arritë për shkak të zotit Kurti, dhe mandej për një marrëveshje klasike mes LDK-së edhe Lëvizjes Vetëvendosje. Dje në mesditë u pa që nuk është mbërri edhe kjo. Ne nuk kemi kërkesë. Ne kemi… jemi ofru’, jemi ofru’ në tavolinën e bashkëpunimit për t’i dhanë vendit President të Republikës me kapacitetet dhe me fuqinë politike që e kemi në Kuvend. LDK-ja mundet dhe ka peshën politike me dhanë zgjidhje pavarësisht sa numra i ka, pavarësisht çfarë dioptrie zoti Kurti sheh, çfarë numra e rëndon, sepse me LDK-në bëhen më shumë se 81 vota dhe Presidenti me 80 vota ka kuorum edhe ka mundësi me u zgjedhë. E mira do të ishte me pasë shumicën e madhe në Kuvend, por kjo nuk po ndodh për shkak të kësaj qasjeje. Por LDK-ja, kjo në këtë fotografi, në këtë pamje, e ka ofru’ veten. Ne kemi mundësi me dhanë zgjidhje, ne jemi zgjidhja, ne jemi ofru’ për zgjidhje, por e pamë që oferta për qeverisje është ofertë për pjesëmarrje në bashkëqeverisje që para disa javëve ka qenë e përjashtume prej tavolinës“, thotë ai.

“Në aspektin politik nënkupton që Kryetari i Kuvendit i është ofru’ edhe PDK-së edhe LDK-së, qeverisja i është ofru’ edhe LDK-së edhe ndoshta të tjerëve. Dhe më shumë është menaxhimi i kohës dhe menaxhimi i procesit sesa qasje për me i dhanë zgjidhje vendit. Dhe kur ke një qasje me menaxhu’ kohën edhe procesin pa u mundu’ që me bë ofertim, sepse është në pozicion me i dhanë vendit zgjidhje… me i dhanë vendit zgjidhje e ka vendosë me i dhanë vendit zgjedhje. Dhe kjo është e kundërta e asaj që ne deri tash jemi mundu’… jemi mundu’ mos me lejue me shkaktue. Pse ka nevojë me shku’ në zgjedhje kur ka mundësi me bë zgjidhje? Dhe jemi ofru’ krejt këto javë dhe këto takime që zoti Kurti ka vendosë me i zhvillu’ me ne, vetëm për me i dhanë vendit zgjidhje. U pa deri dje në mesditë që zgjidhja është problem dhe kur partia e parë e sheh zgjedhjen si opsion, atëherë s’ka opsion tjetër”, ka shtuar Haziri.

Se sa ishte e sinqerte oferta e LVV-së ndaj LDK-së, Haziri shpreson që të ndryshojë qasja e tyre.

“Po kjo i përngjan vitit të kaluar. Prej 9 shkurtit deri më 28 dhjetor ka qenë menaxhimi i kohës dhe i krizës duke kërku’ fajtor publik, duke adresuar fajin për moszgjidhjen e problemit, ndërsa ne po harrojmë gjithmonë burimin: Kush është shkaktari i krizës? Sepse ai që shkakton krizë, ai e ka mundësinë me zgjidhë krizën. Të tjerët janë… janë sekondarë në krejt këtë proces. Edhe tani, nëse është kjo qasje që me gjetë edhe me lanë fajtor publik, është diçka krejt tjetër. Por le të besojmë dhe le të shpresojmë që do të ndërrojë qasja, sepse ditët në vijim janë të gjata. Kur ka mundësi me bë zgjidhje të problemit politik, duhet me pasë vullnet. Vështirë është me kërku’ vullnet aty ku nuk ka, por gjithmonë duhet me besu’, me shpresu’ që ka potencial edhe ka vullnet në këtë vend që politikanët me vendosë, me sjellë vendime meritore edhe me i dhanë oksigjen politik jetës së Kosovës“, theksoi ai.

Drejtësia shkoi në vend – Naim Murseli e Granit Plava u dënuan me burgim të përjetshëm, ndërsa Kushtrim Kokalla me 30 vjet.

Dënimi ka gëzuar familjarët e të ndjerës, të cilët janë parë duke u përqafuar brenda sallës së gjyqit.

Gjyqtarja Fatime Dermaku, e ka shpallur fajtor Naim Murselit, Kushtrim Kokallën dhe Granit Plavës, të akuzuar për vrasjen e Liridona Ademajt.

“I akuzuari Naim Murseli, është fajtor për veprën penale në bashkëkryerje për vrasje e rende, Granit Plava është fajtor për veprën penale të kryer në bashkë kryerje për vrasje të rëndë, i akuzuari Granit Plava është fajtor për veprën penale për mbajtjen në pronësi të armeve. I akuzuari kushtrim kokalla është fajtor për veprën penale ndihme në kryerjen e veprës penale vrasje e rëndë. Për të akuzuarin Kushtrim Kokalla për shkak se prokurori është tërhequr nga aktakuza gjykata… andaj gjykata të akuzuarit i gjykon, Naimi Murseli dhe Granit Plava me burgim të përjetshëm, kurse Kushtrim Kokalla dënohet me burgim me 30 vjetë”, ka thënë ajo.

Në fjalën përfundimtare, prokurorja e rastit, Javorka Përlinçeviq ka kërkuar burgim të përjetshëm për tre të akuzuarit për vrasjen e të ndjerës Liridona Ademaj.  Sipas saj kjo vrasje ishte e planifikuar.

Ndërsa, burgim të përjetshëm për Naim Murselin, Granit Plavën dhe Kushtrim Kokallën kërkoi edhe vëllai i të ndjerës, Liridonës, Leonard Ademaj. Ndërsa, kërkesë të njëjtë pati edhe avokati i familjes Ademaj, Leutrim Syla.

Mbrojtësit e të akuzuarve në rastin e vrasjes së Liridona Ademajt kanë paraqitur qëndrimet e tyre përfundimtare para gjykatës, duke kërkuar vendime të drejta dhe të bazuara në prova.

Mbrëmjen e 29 nëntorit të 2023-ës, Liridona Ademaj u vra në një rrugë në fshatin Bërnicë të Prishtinës, teksa ishte në veturë bashkë me bashkëshortin Naim Murselin dhe dy fëmijët e tyre.

Sipas aktakuzës Naim Murseli e planifikoi vrasjen e ish-bashkëshortes së tij, Liridona Ademaj me qëllim që të përfitonte nga sigurimi i saj jetësor në Suedi, në vlerë prej rreth 260 mijë eurosh.

Aktakuza thotë se Kushtrim Kokalla e kishte njoftuar Naim Murselin me  Granit Plavën, i cili akuzohet si dorasi.

Sipas Prokurorisë, ai kishte kryer vrasjen në këmbim të 30 mijë eurove nga Murseli.

Me lot në sy dhe emocione të forta, familjarët e Liridona Ademajt reaguan pas shpalljes së vendimit nga Gjykata Themelore në Prishtinë, duke e cilësuar atë si një moment të rëndësishëm drejt vendosjes së drejtësisë për vajzën e tyre.

Gjykata Themelore në Prishtinë i ka dënuar të martën me burgim të përjetshëm Naim Murselin dhe Granit Plavën, ndërsa Kushtrim Kokallën me 30 vjet burgim, për vrasjen e Liridona Ademajt më 29 nëntor të vitit 2023.

Naim Murseli dënohet me burgim të përjetshëm për vrasjen e Liridona Ademajt

Zyra Kombëtare e Auditimit (ZKA) ka dërguar 80 raste të dyshimta në Prokurori gjatë vitit 2025.

Prej këtyre rasteve, auditorja e Përgjithshme, Vlora Spanca bëri të ditur se janë ngritur tri aktakuza. Gjatë diskutimit në Komisionin për Mbikëqyrjen e Financave Publike, ajo theksoi se këto raste janë iniciuar nga 133 auditime të publikuar nga institucioni që ajo udhëheq.

Përveç për këto raste, ajo ka folur edhe për kontratat njëburimore, për çka ka pasur diskutime mes deputetëve të Partisë Demokratike të Kosovës dhe Lëvizjes Vetëvendosje.

Auditorja e Përgjithshme e Zyrës Kombëtare të Auditimit, Vlora Spanca ka folur për numrin e raporteve të auditimit gjatë vitit të kaluar.

“Për vitin 2025 ne kemi publikuar 133 raporte të auditimit, 104 raporte të auditimit janë auditime financare dhe të pajtueshmërisë. Auditime të performancës janë 14, auditime të pajtueshmërisë janë 12, auditime në nivel të informacionit të klasifikuar – niveli i klasifikuar ato që i kemi audituar është vetëm niveli i kufizuar dhe këto raporte nuk bëhen publike por vetëm dërgohen në Kuvendin e Kosovës si dhe te komisioni juaj përkatës. Për gjitha këto raporte të auditimit për vitin 2025 ne kemi dërguar 80 raste te Prokurori i Shtetit bazuar në një marrëveshje që e kemi me Prokurorin e Shtetit që e kemi lidhur në vitin 2023”, ka thënë ajo.

Nga këto raste që janë dërguar në Prokurori, Spanca tha se janë ngritur vetëm tri aktakuza.

Spanca tha se për raste të tilla të cilat i kanë dërguar në Prokurori, institucionet në Shqipëri ngrit aktakuza.

“Sa i përket asaj nëse ne dërgojmë raste të cilat nuk janë të argumentuara mirë. Mund të qëndrojë edhe ajo. Ne e kemi adresuar këtë çështje duke punësuar zyrtarë juridikë më shumë, kemi katër zyrtarë juridikë të cilët merren në mënyrë pak më aktive në këtë aspekt dhe ne shqyrtojmë secilin rast. Por unë vetëm po përmendi nëse e krahasojmë me Shqipërinë, për rastet e njëjta Prokuroria atje, apo SPAK ngrit aktakuzë për shembull për rastet kur jepet leja e ndërtimit pa kushte ndërtimore, apo jo në përputhjet me kushtet ndërtimore. Rastet e tilla ne kemi pasur edhe e kemi publikuar raportin për Komunën e Prishtinës, pastaj ka qenë raporti për Komunën e Lipjanit, tash jemi për lejet e ndërtimit në Komunën e Ferizajt. Por nuk kemi pasur një progres në këtë aspekt”, u përgjigj Spanca.

Mustafa ka ngritur edhe çështjen, që sipas tij është shqetësuese, ajo e kontratave pa tenderë për operatorë ekonomik.

“Kemi një dukuri në rritje që është shumë shqetësuese ku kontratat i jepen operatorëve ekonomik pa tenderë, pa transparencë dhe pa arsyetuar se pse duhet t’i jepet pa tenderë një kontratë dikujt, ku mund të ketë shumë operatorë ekonomik në treg që i ofrojnë ato shërbime”, ka shtuar ai.

Sa i përket kontratave të negociuara pa publik, auditorja e përgjithshme tha se janë pjesë e secilit auditim.

“Këto kontrata auditohen në secilën organizatë buxhetore për shkak të rrezikut që bartin do të thotë transparencës jo të mjaftueshme janë pjesë e secilit auditim. Dhe çështjet të cilat kanë rezultuar nga këto kontrata, mos të harrojmë që kontrata si e tillë është e ligjshme në rrethanat kur rastet janë emergjente. Në rrethanat të cilat nuk kanë qenë emergjente dhe nuk kanë qenë të bazuara, këto raste janë reflektuar në raporte të auditimit, por që edhe në raportin vjetor të auditimit, emërtimi është procedura e gabuar e prokurimit e cila është shfrytëzuar, nuk është dashur të shkohet me negocim, por është dashur të shkohet me procedurë të hapur”, u shpreh ajo.

Auditorja e Përgjithshme, Vlora Spanca në komision ka folur edhe për vendimin e janarit të vitit 2025 të Ministrisë së Punëve të Brendshme për vendosjen e këtij institucioni në një objekt publik. Megjithatë, ajo tha se nuk ka tutje asnjë informacion, për çka shtoi se sa më shpejt duhet të ketë hapa në këtë drejtim për shkak të “sigurisë, hapësirës së pamjaftueshme dhe cenimit të kredibilitetit të ZKA-së”.