ATV

Category: LAJME

  • Dodë Gjergji bën apel për paqe dhe pajtim në mes Kosovës dhe Serbisë

    Dodë Gjergji bën apel për paqe dhe pajtim në mes Kosovës dhe Serbisë

    Ipeshkvi i Dioqezës Prizren-Prishtinë, Dodë Gjergji ka deklaruar se të gjithë duhet të lutemi që dialogu në mes Kosovës dhe Serbisë dhe pajtimi në mes shqiptarëve dhe serbëve të mund të fitoj që të gjithë të bashkuar të mund të ndërtojmë një të ardhme më të mirë për të gjithë.

    Gjergji në meshën solemne të Pashkës, e cila është mbajtur në Katedralen Shën Nënë Tereza Prishtinë, tha se në këtë ceremoni lexuan pjesë të biblës, pasi çdo iniciativë e shpirtit është vepër e Zotit, derisa u tha atyre që u pagëzuan se shpirti i tyre do të shkëlqej në paqe, lumturi dhe gëzim.

    “Andaj kjo natë ka kaq zjarrin që ngroh, kjo natë ka dritën që shkëlqen, kjo këngën, kjo natë ka Zotin e pranishëm në ne e bashkë me ne në Kishë. Andaj ju që pagëzoheni sane në këtë natë kaq të shenjët dhe në këtë moment kaq të bukur të fesë tonë mos harroni kurrë se kthimi juaj në fe të të parëve tuaj nuk është gabim, është zgjidhje e zgjuar dhe mundësi e madhe që ju ta njihni Krishtin i cili ju donë me gjithë zemër,…që do të dini ta duani Zotin i cili na mëson ta duam çdo krijesë. Zotin i cili na mëson të falim, të falim dhe të duam njëri tjetrin, të falim armikun, deri në atë më zemërftohtin që nuk dinë të kërkon falje.. ju që do të pagëzoheni sot do të iu mbuloj jeta e Krishtit, shpirti i juaj do të shkëlqej në paqe, lumturi dhe gëzim sepse gëzimi dhe lumturia e juaj nuk është më e mbështetur në lakminë e botës, as në ambicjet për lakmi, as në iniciativat për pushtet“, tha ai.

    Ipeshkëvi Gjergji të gjithë duhet të lutemi që dialogu në mes Kosovës dhe Serbisë dhe pajtimi në mes shqiptarëve dhe serbëve të mund të fitoj që të gjithë të bashkuar të mund të ndërtojmë një të ardhme më të mirë për të gjithë.

    “Mos të hezitojmë që këtë natë t’i lutemi Zotit tonë për të gjithë popujt, për të gjithë njerëzit, edhe për ata që besojnë ndryshe e do të festojnë Bajramin, edhe për ata që do të festojnë pashkët më vonë që janë ortodoksët dhe që adhurojnë Krishtin, të gjithë të bashkohemi në lutje Zotit krijues për paqe në mes nesh, për paqe në vendin tonë për paqen dhe pajtimin në mes popujve, ashtu që dialogu në mes Kosovës dhe Serbisë dhe pajtimi në mes shqiptarëve dhe serbëve të mund të ngallënjejë që të gjithë të bashkuar të mund të ndërtojmë një të ardhme më të mirë për të gjithë sepse toka nuk na takon vetëm neve, as e ardhmja nuk na takon vetëm ne, u takon të gjithëve të gjithëve fëmijëve të hyjit“, tha ai.

    Mesha përfundojë me pagëzimin e disa personave.

  • ​I riu nga Komorani humb jetën në vendin e punës

    ​I riu nga Komorani humb jetën në vendin e punës

    I riu Kujtim Ibriqi nga fshati Komoran i Drenasit, ka humbur jetën sot në vendin e punës.

    Lajmin e bën të ditur familja, e cila njoftoi se më 9 prill, në ora 15:00, behet varrimi i Kujtimit.

    Varri i të ndjerit bëhet në varrezat e Komoranit 2.

  • ​Ukraina do të eksportojë sërish energji elektrike pas muajsh nën pushtimin rus

    ​Ukraina do të eksportojë sërish energji elektrike pas muajsh nën pushtimin rus

    Ukraina është në gjendje të eksportojë energji elektrike për herë të parë në gjashtë muaj pasi infrastruktura e saj energjetike po rimëkëmbet pas muajve të tërë të sulmeve të përsëritura ruse.

    Rusia filloi sulmin e saj të gjatë dhe të qëllimshëm ndaj infrastrukturës energjetike të Ukrainës tetorin e kaluar. Kjo çoi në ndërprerje të energjisë elektrike dhe ndërprerje të planifikuara, duke i lënë qytetet dhe qytetet në errësirë gjatë dimrit.

    Ukraina u detyrua të ndalonte eksportet e energjisë elektrike – por tani do të jetë në gjendje të shesë sërish fuqinë e saj të tepërt.

    Ministri i Energjisë Herman Halushchenko nënshkroi një urdhër ekzekutiv që autorizon eksportet, megjithëse klientët vendas mbeten në përparësi. Ai tha se sistemi kishte prodhuar kapacitet shtesë për gati dy muaj dhe se ukrainasit nuk po përballeshin me kufizime.

    “Dimri më i vështirë ka kaluar,” tha z. Halushchenko të premten.

    “Hapi tjetër është fillimi i eksportit të energjisë elektrike, i cili do të na lejojë të tërheqim burime financiare shtesë për rindërtimin e nevojshëm të infrastrukturës energjetike të shkatërruar dhe të dëmtuar”, shtoi ai.

    Ai vlerësoi gjithashtu “punën titanike” të inxhinierëve dhe partnerëve ndërkombëtarë për të rivendosur sistemin.

    Muajin e kaluar, banorët në të gjithë Ukrainën i thanë BBC-së se furnizimet me energji elektrike po bëheshin më të besueshme. “Qyteti është transformuar,” tha Inna Shtanko, një nënë e re në Dnipro. “Më në fund, dritat e rrugëve janë kthyer dhe nuk është më e frikshme të ecësh nëpër rrugët e qytetit”.

    Rusia ka lëshuar më shumë se 1200 raketa dhe drone në objektet e saj energjetike deri më tani gjatë luftës. Kompania e përshkroi sulmin si përpjekjen më të madhe për të shkatërruar sistemin energjetik të një vendi evropian.

    Kievi ka humbur gjithashtu kontrollin e termocentralit më të madh bërthamor në Evropë në Zaporizhzhia, i cili është në duart e Rusisë.

    Në qershor 2022, Ukraina kishte thënë se shpresonte të sillte 1.5 miliardë euro nga eksportet e energjisë elektrike në BE – tregu kryesor i saj i eksportit për energji që nga fillimi i luftës – deri në fund të vitit.

  • Ish pjestarët e UÇK-së me uniforma vizitojnë babain e Thaçit në Burojë

    Ish pjestarët e UÇK-së me uniforma vizitojnë babain e Thaçit në Burojë

    Ish-pjesëtarë të Ushtrisë Çlirimtare të Kosovës nga treva të ndryshme shqiptare, përfshirë edhe nga Maqedonia e Veriut, kanë vizituar sot në Burojë babain e ish-presidentit Hashim Thaçi.

    Vizita nga ish-pjesëtarët e UÇK-së, në odën e familjes së Thaçit në vendlindjen e ish-presidentit, është realizuar në shenjë solidarizimi me ish-presidentin Thaçi, gjatë kohës sa ai po gjykohet në Hagë.

    Në fotografitë nga ky takim shihen ish-anëtarët e UÇK-së në uniforma të Ushtrisë Çlirimtare, në prani të Haxhi Thaçit.

    Ata janë parë edhe me ecje ushtarake me flamuj të UÇK-së, duke hyrë në shtëpinë e familjes Thaçi në Burojë.

  • Hill: Një nga çështjet më të rëndësishme është nevoja për themelimin sa më të shpejtë të Asociacionit

    Hill: Një nga çështjet më të rëndësishme është nevoja për themelimin sa më të shpejtë të Asociacionit

    Ambasadori i Shteteve të Bashkuara të Amerikës në Beograd, Christoher Hill në një intervistë për euronews ka thënë se marrëveshja e Ohrit është padyshim e mirë për Serbinë dhe se po shkohet drejt arritjes së një momenti kyç për normalizimin e raporteve Kosovë-Serbi.

    Hill ka përsëritur edhe një herë thirrjen e tij që Kosova të krijojë Asociacionin e Komunave me Shumicë Serbe, duke thënë se është një nga cëshjtet më të rëndësishme që themelimi të bëhet sa më shpejtë.

    “Një moment kyç është duke u arritur në procesin e dialogut në Bruksel për Marrëveshjen e ardhshme për normalizimin e marrëdhënieve ndërmjet Beogradit dhe Prishtinës. Marrëveshja është padyshim e mirë për Serbinë. Një nga çështjet më të rëndësishme është nevoja për themelimin sa më të shpejtë të Asociacionit të Komunave Serbe”, ka thënë Hill.

    Ai në këtë intervistë ka përmendur edhe investimet e kompanive amerikane në Serbi duke thënë se një gjë e tillë s’ka të bëjë me dialogun por me raportet në mes të Serbisë dhe SHBA-së

    “Kompanitë më të mira dhe më moderne amerikane po investojnë në Serbi, të ardhmen e saj dhe të rinjtë. Kjo nuk ka të bëjë me dialogun e Brukselit, por me marrëdhëniet gjithnjë e më të suksesshme ndërmjet Serbisë dhe SHBA-së. Dy vendet tona kanë shumë për t’i ofruar njëri-tjetrit”, ka thënë Hill.

  • 24 vjet nga Beteja e Koshares

    24 vjet nga Beteja e Koshares

    Janë bërë 24 vjet nga Beteja e Koshares e cila konsiderohet si një ndër betejat më të përgjakshme dhe heroike të Ushtrisë Çlirimtare të Kosovës (UÇK).

    Të shtunën e 9 prillit janë bërë 24 vjet nga Beteja e Koshares.

    Kjo betejë konsiderohet si një ndër betejat më të përgjakshme dhe heroike të Ushtrisë Çlirimtare të Kosovës (UÇK).

    Beteja e Koshares është zhvilluar më 9 prill 1999 në kuadër të operacionit “Shigjeta” në brigadën 138, në krye të së cilës ishte Agim Ramadani.

    Thyerja e kufirit në mes të Kosovës dhe Shqipërisë i hapi rrugë furnizimit me armatim dhe mbështetje logjistike për shumë zona të luftës në Kosovë.

    Kjo betejë kishte rëndësi të veçantë jo vetëm në marrjen dhe pastrimin e kufirit, por edhe krijimit të prapavijës së qëndrueshme për mbështetje dhe operacione logjistike.

    Beteja e Koshares mbetet një nga përballjet më të suksesshme të forcave të UÇK-së për bilancin e të vrarëve nga pala e armikut, dhe me efektin që pati ky sukses në forcimin e besimit të popullsisë së zonës tek UÇK-ja dhe aleatët e saj.

    Më pas kjo betejë u bë motiv për shtimin e radhëve të vullnetarëve që i bashkoheshin UÇK-së në front.

  • 15 vjet nga miratimi i Kushtetutës së Kosovës

    15 vjet nga miratimi i Kushtetutës së Kosovës

    Sot janë bërë 15 vjet nga miratimi i Kushtetutës së Republikës së Kosovës.

    Kushtetuta e Kosovës u ratifikua më 9 prill 2008 dhe hyri në fuqi më 15 qershor 2008. Kushtetuta është akti më i lartë juridik, që garanton të drejtat dhe liritë themelore të të gjithë qytetarëve të vendit.

    Pjesa më e madhe e kësaj kushtetute rrjedh nga Plani i Martti Ahtisaarit, duke i dhënë kështu të drejta specifike grupeve minoritare dhe një ambient më të sigurt për të gjithë qytetarët e Kosovës.

    Kushtetuta e definon Kosovën si një shtet me pikëpamje neutrale ndaj fesë – neni 8. Ajo ka 14 kapituj dhe 162 nene.

    9 prilli është zyrtarisht festë shtetërore në Kosovë që do të thotë se institucionet sot e kanë ditë pushimi.

  • ​Hovenier: Mbetet për t’u bërë më shumë për romët e Kosovës

    ​Hovenier: Mbetet për t’u bërë më shumë për romët e Kosovës

    Ambasadori i Shteteve të Bashkuara të Amerikës në Kosovë, Jeff Hovenier ka shkruar se në Ditën Ndërkombëtare të Romëve, festojnë trashëgiminë e pasur të komunitetit rom, duke pranuar sfidat dhe diskriminimin me të cilin ata vazhdojnë të përballen.

    Hovenier ka shkruar në Facebook se mbetet për t’u bërë më shumë për të siguruar që romët e Kosovës të kenë qasje të barabartë në arsim, punësim dhe shërbime qeveritare.

  • Edith Harxhi: Gjyqi i Hagës proces i padrejtë, po hedhin baltë mbi historinë e lavdishme të Kosovës

    Edith Harxhi: Gjyqi i Hagës proces i padrejtë, po hedhin baltë mbi historinë e lavdishme të Kosovës

    Edith Harxhi, ish-zëvendës ministre e Jashtme, e ftuar sot në “Kjo Javë” në News24, foli lidhur me gjyqin në Hagë për ish-liderët e UÇK-së. Ajo u shpreh se ky është një proces i padrejtë dhe që përbalt një pjesë të lavdishme të historisë së shqiptarëve.

    “Është një proces i padrejtë sepse hedh baltë në një pjesë të historisë për popullin shqiptar që për ne do mbetet e lavdishme. Jemi një vend që si një shtet demokratik, jemi palë e drejtësisë ndërkombëtare. Sot po kuptojmë që sa më tepër të mundohen të na bëjnë presion nga jashtë, duhet të dimë si të tregohemi vende sovrane, dhe Kosova nëse do kishte shpjeguar që atëherë se cilat ishin qëllimet e Dick Marty, dhe cilët ishin ata që kishin shkaktuar një dramë të madhe, nuk do të ishim sot këtu. Zoti Thaçi në një farë mënyrë mundohej që fajin për të gjithë këtë, u mundua të thoshte se kam qenë drejtues politik dhe nuk ka drejtuar nga terreni. Në një farë mënyrë e zhvendosi veten nga lideri i UÇK, dhe ishte një moment që uroj të ishte për arsye të gjykimit dhe konfuzionit se kush janë viktimat dhe kush sulmuan. Duhet të ketë një lloj kohezioni, dhe vetë Thaçi, nuk e ka menduar ne 2015 që do të ndodhte kjo, se jam e sigurt që do kishin vepruar krejtësisht ndryshe. Mendoj dhe uroj që ky gjyq do të përfundojë dhe do ta nxjerrë Kosovën ashtu siç është, e bardhë”, tha ajo.

    Ndërkohë, ajo ka komentuar edhe gjyqin e ish-presidentit të SHBA, Donlad Trump, ku tha se duhet si një proces politik.

    “Gjatë viteve të fundit duket një ndërhyrje e madhe në sistemin e drejtësisë. Përplasja e kampeve politike në SHBA kanë sjellë probleme politike në gjithë botën. Nuk besoja që në momentin që Trump u largua pas 6 janarit nga drejtimi i SHBA, që ai do t’i shpëtonte një lloj gjykimi të së majtës, ndaj them se është proces politik, kur ka nisur fushata dhe ai ka deklaruar se do kandidojë për zgjedhjet brenda republikanëve dhe më pas për ato presidenciale”, u shpreh Harxhi shkruan News 24.

    Harxhi komentoi shkurt edhe rolin e ambasadorëve në vendin tonë, kur tha se këta të fundit nuk duhet të dinë cakun se ku mbaron misioni i tyre diplomatik dhe ku fillon ai politik, për ta shmangur këtë të fundit.

    “Trupi diplomatik në përgjithësi duhet të jetë më i angazhuar që të përligjë vendimet e Konventës së Vienës. Duhet të dinë patjetër cakun dhe kufirin ku mbaron dipilomatikja dhe ku fillon politikja, në Shqipëri këto limite janë thyer”, tha ajo.

  • Mot me shi të dielën në Kosovë

    Mot me shi të dielën në Kosovë

    Mot me vranësira, të cilat në pjesën e dytë të ditës parashihen të sjellin reshje shiu, pritet të mbajë të dielën.

    Instituti Hidrometeorologjik i Kosovës ka njoftuar se temperaturat minimale parashihen të shënojnë rritje të lehta, ndërsa maksimalet e ditës parashihen të jenë rreth 10 gradë Celsius.

    “Parashihet të fryjë erë kryesisht nga jugperëndimi dhe veriperëndimi me shpejtësi 1-8m/s”, thuhet në njoftimin e IHMK-së.