ATV

Category: Lajme

  • AGK: Organet e rendit të mundësojnë raportim të sigurtë të ekipeve mediale në veri

    AGK: Organet e rendit të mundësojnë raportim të sigurtë të ekipeve mediale në veri

    Asociacioni i Gazetarëve të Kosovës u bëri thirrje sot organeve të rendit, që të mundësojnë raportim të sigurtë dhe të papenguar të ekipeve mediale që gjenden në veri.

    AGK ftoi gazetarët dhe redaksitë për kujdes të shtuar.

    “Asociacioni i Gazetarëve të Kosovës po përcjell me shqetësim situatën e rënduar të sigurisë në 4 komunat në veri, prej nga dhjetëra gazetarë, kameramanë, foto-reporterë dhe punëtorë të tjerë medial po raportojnë. AGK-ja, u bën thirrje organeve të rendit, Policisë së Kosovës dhe prezencës ndërkombëtare në Kosovë, që të mundësojnë raportim të sigurtë dhe të papenguar të ekipeve mediale. Në këtë mes, portali Koha raporton se një veturë e ekipit është sulmuar me gurë nga persona të maskuar, por që fatmirësisht askush nuk është i lënduar.”, u bë e ditur në komunikatë.

    Pesë policë janë lënduar dhe katër automjete janë dëmtuar nga incidentet në veri të Kosovës. Kështu ka bërë të ditur Policia e Kosovës, duke theksuar se një prej veturave është djegur.

    Me qëllim të pengimit të hyrjes së kryetarëve në objektet komunale, disa qytetarë janë mbledhur para ndërtesave komunale në veri të vendit. Përveç personave të angazhuar dhe automjeteve të tyre të vendosura në afërsi dhe pranë objekteve komunale, në komunat veriore janë lëshuar edhe alarmet, të cilat përdoren nga strukturat kriminale për mobilizim dhe tubime.

    Kryetari i Zveçanit, ai i Leposaviqit dhe kryetari i Zubin Potokut, të dalë nga zgjedhjet e 23 prillit, kanë kryer betimin të enjten (25 maj). Asnjëri prej tyre nuk është betuar në objektin e komunës përkatëse, përveç kryetarit të veriut të Mitrovicës.

    Zgjedhjet në veri janë bojkotuar nga partia më e madhe e serbëve në Kosovë, Lista Serbe, me mbështetjen e Beogradit zyrtar.

    Kryetarët paraprakë nga kjo parti, kanë dhënë dorëheqje nëntorin e vitit të kaluar. Ata janë larguar nga institucionet në shenjë pakënaqësie me vendimin e Qeverisë së Kosovës që ka obliguar qytetarët t’i kthejnë targat e veturave nga ilegale në ato të Republikës së Kosovës./KosovaPress

  • Situata në veri, Murphy: Kurti t’i japë fund provokimit menjëherë

    Situata në veri, Murphy: Kurti t’i japë fund provokimit menjëherë

    Senatori amerikan, Chris Murphy ka reaguar pas zhvillimeve të sotme në veri të vendit.

    Ai është shprehur se të hënën, gjatë takimit, kryeministri Kurti nuk e ka përmendur planin për qasje në ndërtesat komunale, derisa ka potencuar se duhet t’i japë fund “këtij provokimi menjëherë”.

    “Sapo zhvillova një bisedë telefonike me këshilltarin e lartë amerikan, Derek Chollet për zhvillimin problematik. Në takimin tim të hënën në Prishtinë me kryeministrin Kurti, ai nuk përmendi një plan për qasje në ndërtesat komunale. Si mik i Kosovës jam kapur totalisht në befasi dhe duhet t’i japë fund këtij provokimi menjëherë.”, ka shkruar Murphy në Twitter.

    Ndryshe, pesë policë janë lënduar dhe katër automjete janë dëmtuar nga incidentet në veri të Kosovës. Kështu ka bërë të ditur Policia e Kosovës, duke theksuar se një prej veturave është djegur. Me qëllim të pengimit të hyrjes së kryetarëve në objektet komunale, disa qytetarë janë mbledhur para ndërtesave komunale në veri të vendit. Përveç personave të angazhuar dhe automjeteve të tyre të vendosura në afërsi dhe pranë objekteve komunale, në komunat veriore janë lëshuar edhe alarmet, të cilat përdoren nga strukturat kriminale për mobilizim dhe tubime.

    Kryetari i Zveçanit, ai i Leposaviqit dhe kryetari i Zubin Potokut, të dalë nga zgjedhjet e 23 prillit, kanë kryer betimin të enjten (25 maj). Asnjëri prej tyre nuk është betuar në objektin e komunës përkatëse, përveç kryetarit të veriut të Mitrovicës.

    Zgjedhjet në veri janë bojkotuar nga partia më e madhe e serbëve në Kosovë, Lista Serbe, me mbështetjen e Beogradit zyrtar.

    Kryetarët paraprakë nga kjo parti, kanë dhënë dorëheqje nëntorin e vitit të kaluar. Ata janë larguar nga institucionet në shenjë pakënaqësie me vendimin e Qeverisë së Kosovës që ka obliguar qytetarët t’i kthejnë targat e veturave nga ilegale në ato të Republikës së Kosovës./KosovaPress

  • Sveçla: Përgëzoj Policinë për profesionalizmin në ballafaqimin me grupe kriminale në veri

    Sveçla: Përgëzoj Policinë për profesionalizmin në ballafaqimin me grupe kriminale në veri

    Ministri i Punëve të Brendshme, Xhelal Sveçla është shprehur se kryetarët e komunave Zveçan, Zubin Potok dhe Leposaviq do të vazhdojnë mandatin e tyre duke qenë në shërbim të të gjithë qytetarëve pa dallim.

    Ai ka përgëzuar Policinë e Kosovës për profesionalizmin e treguar në “ballafaqimin me grupe të organizuara kriminale”.

    “Pas ceremonive të djeshme të betimit të Kryetarëve të komunave veriore, kryetarët e komunave Zveçan, Zubin Potok dhe Leposaviq sot janë vendosur në zyret e tyre në objektet komunale. Ata do të vazhdojnë mandatin e tyre duke qenë në shërbim të të gjithë qytetarëve pa dallim. Përgëzoj Policinë e Kosovës për profesionalizmin e treguar në ballafaqimin me grupe të organizuara kriminale, që kishin për qëllim pengimin e këtij procesi. 5 pjesëtarë të policisë janë lënduar nga sulmet e këtyre grupeve por që fatmirësisht lëndimet janë të lehta, ata ndihen mirë dhe janë në detyrë.”, ka shkruar Sveçla në Facebook.

    Ai ka potencuar se institucionet demokratike të Republikës së Kosovës do të jenë gjithnjë në shërbim të qytetarëve të vendit pa dallim dhe të pakompromis me sulmuesit e demokracisë, ligjit dhe qytetarisë.

    “Ftoj të gjithë qytetarët tanë që të mos bien pre e manipulimeve të grupeve kriminale të cilët për hir të përfitimeve kriminale personale e grupore dëshirojnë kaos dhe suspendim të shtetit të së drejtës e të demokracisë.”, ka shkruar tutje ai.

    Pesë policë janë lënduar dhe katër automjete janë dëmtuar nga incidentet në veri të Kosovës. Kështu ka bërë të ditur Policia e Kosovës, duke theksuar se një prej veturave është djegur.

    Me qëllim të pengimit të hyrjes së kryetarëve në objektet komunale, disa qytetarë janë mbledhur para ndërtesave komunale në veri të vendit. Përveç personave të angazhuar dhe automjeteve të tyre të vendosura në afërsi dhe pranë objekteve komunale, në komunat veriore janë lëshuar edhe alarmet, të cilat përdoren nga strukturat kriminale për mobilizim dhe tubime.

    Kryetari i Zveçanit, ai i Leposaviqit dhe kryetari i Zubin Potokut, të dalë nga zgjedhjet e 23 prillit, kanë kryer betimin të enjten (25 maj). Asnjëri prej tyre nuk është betuar në objektin e komunës përkatëse, përveç kryetarit të veriut të Mitrovicës.

    Zgjedhjet në veri janë bojkotuar nga partia më e madhe e serbëve në Kosovë, Lista Serbe, me mbështetjen e Beogradit zyrtar.

    Kryetarët paraprakë nga kjo parti, kanë dhënë dorëheqje nëntorin e vitit të kaluar. Ata janë larguar nga institucionet në shenjë pakënaqësie me vendimin e Qeverisë së Kosovës që ka obliguar qytetarët t’i kthejnë targat e veturave nga ilegale në ato të Republikës së Kosovës./KosovaPress

  • Situata në veri, Rama: Nuk ndihmon në njohjen e ndërsjellë mes Kosovës dhe Serbisë

    Situata në veri, Rama: Nuk ndihmon në njohjen e ndërsjellë mes Kosovës dhe Serbisë

    Kryeministri i Shqipërisë, Edi Rama ka reaguar të premten lidhur me situatën e krijuar në veri të Kosovës, ndërsa theksoi se kjo situatë nuk e ndihmon procesin për normalizim dhe njohje të ndërsjellë mes Kosovës dhe Serbisë.

    Kryeministri Rama ka shkruar në Facebook se pas tensioneve në veri të Kosovës, ku disa qytetarë kanë bërë përpjekje të pengojnë kryetarët e zgjedhur që të futen në objektet e komunës.

    “A e ndihmon kjo që po ndodh në Kosovë procesin ku janë angazhuar të tërë miqtë e mëdhenj të Kosovës e të shqiptarëve, për normalizim dhe njohje të ndërsjellë mes Kosovës dhe Serbisë?! Me siguri jo përderisa vetë miqtë tanë më të mëdhenj shprehen thellësisht të shqetësuar”, shkruan Rama.

    Kryeministri iu bashkua ndërkombëtarëve në apelin për të mos ecur më tej në këtë shteg jo vetëm të rrezikshëm, po edhe krejt të panevojshëm sot, kur bota demokratike e ka vendosur në qendër të vëmendjes dialogun, normalizimin, njohjen e ndërsjellë mes Kosovës dhe Serbisë.

  • “O Xhevdet, pse s’po e përmend…”, përplasje e ashpër mes Halitit e Pozharit

    “O Xhevdet, pse s’po e përmend…”, përplasje e ashpër mes Halitit e Pozharit

    Në emisionin DIREKT në ATV, ka ndodhur një debat i ashpër mes analistit Xhevdet Pozhari dhe gazetares Albina Haliti.

    Pozhari akuzoi qeverisjen e Isa Mustafës për marrëveshjet e më hershme me Serbinë, ndërsa Haliti ia ktheu se pse ai nuk po akuzon qeveritë tjera, por po flet për Qeverinë Mustafa.

    “O Xhevdet, po flet për Isa Mustafën, një kryeministër që ka qenë qe sa vite. Pse s’po flet për qeverinë Haradinaj, Qeveria Kurti 1, Qeveria Hoti, pse po kthehesh të Isa Mustafa. Me u kthy të Isa Mustafa është një regres shumë i madh”, i tha gazetarja Haliti.

    “Thirre zotrin Haradinaj, edhe kur e thirrë zotrin Mustafa, ballafaqohu me neve që t’ia japim argumentet, mos t’ia lëmë atij sallamadi”, ia ktheu Pozhari. /atvlive.tv

    Emisionin e plotë e gjeni në videon më poshtë:

  • Gazetari Fatlum Jashari tregon situatë në Leposaviq – ‘’Ka pasur edhe të shtëna’’

    Gazetari Fatlum Jashari tregon situatë në Leposaviq – ‘’Ka pasur edhe të shtëna’’

    Në një lidhje të drejtpërdrejt në emisionin DIREKT, gazetari i ATV-së, Fatlum Jashari, tha se Policia e Kosovës para 40 minutave ka marrë nën kontroll objektin e komunës së Leposaviqit, pas një ndërhyrje me gaz lotsjellës dhe shok-bomba.

    “Ka pasur zhvillime dramatike në komunën e Leposaviqit. Policia e Kosovës tashmë ka rreth 40 minuta që ka marrë nën kontrollë objektin e komunës në Leposaviq pas një ndërhyrje me gaz lotsjellës dhe shok-bomba. Paraprakisht ka pasur gjuajtje me gurë nga qytetarë të përzierë me strukturat ilegale, sepse nuk do të ishte një rezistencë të tillë po të ishin vetëm qytetarë. Kemi pasur gjuajtje të organizuar me girë në drejtim të policisë por edhe në drejtim të ne gazetarëve që e kemi përcjellë këtu ngjarjen”, tha gazetari Jashari.

    Ai tregoi se kryetari i komunës së Leposaviqit, Lulzim Hetemi ndodhet në objektin e komunës, dhe po sa ka hyrë aty, ka vendosur edhe flamurin e Kosovës.

    “Kryetari Lulzim Hetemi është brenda objektit të komunës. Ka rreth ndoshta 30 minuta që kryetari ka hyrë brenda dhe po vazhdon të qëndrojë atje brenda. Atje lart në objekt dallohet edhe flamuri i Kosovës që është vendosur menjëherë nga kryetari i ri i komunës, Lulzim Hetemi”, tregoi gazetari Jashari.
    Ai raportoi se para policia të shpërndante protestuesin, pos gjuajtjeve me gurë, ka pasur edhe të shtëna me armë zjarri nga drejtime të ndryshme. /atvlive.tv

    Emisionin e plotë e gjeni në videon më poshtë:

  • Gazetari i ATV-së jep detajet e fundit pranë objektit të komunës së Zveçanit

    Gazetari i ATV-së jep detajet e fundit pranë objektit të komunës së Zveçanit

    Në Zveçan tani situata është e qetë.

    Në një lidhje të drejtpërdrejt në emisionin DIREKT, gazetari i ATV-së, Arton Hamiti, nga vendi i ngjarjes tregon se Policia e Kosovës tashmë është e vendosur në objektin e Komunës së Zveçanit, si dhe kryetari i ri, Ilir Peci, vazhdon të qendrojë në objekt.

    “Situata tani është e qetë, por kësisoji nuk ka qenë para 2 ose 3 orëve, kur kemi ardhur edhe ne këtu në Zveçan. Aktualisht jam duke u lajmëruar para objektit të Komunës së Zveçanit dhe siç po shihet në pamjet, njësitet e Policisë së Kosovës janë në objektin e Komunës. Nga informacionet që kemi, kryetari Ilir Peci, vazhdon të jetë në objekt”, tregon gazetari Hamiti, i cili raportoi para objektit të Komunës së Zveçanit. /atvlive.tv

    Emisionin e plotë e gjeni në videon më poshtë:

  • Hovenier: Dhuna në veri duhet të ndërpritet menjëherë

    Hovenier: Dhuna në veri duhet të ndërpritet menjëherë

    Ambasadori i Shteteve të Bashkuara të Amerikës në Kosovë, Jeffrey Hovenier, ka deklaruar se dhuna në veri të vendit duhet të ndërpritet menjëherë.

    Hovenier ka reaguar pas tensioneve në veri të Kosovës ku një grup qytetarësh kanë bërë përpjekje të pengojnë kryetarët e zgjedhur që të futën në objektet e Komunës.

    “Shtetet e Bashkuara dënojnë veprimet e vazhdueshme të autoriteteve të Kosovës për t’iu qasur objekteve komunale në veri të Kosovës. Dhuna e sotme duhet të ndalet menjëherë” ka shkruar ai.

    Gjatë ditës, Policia e Kosovës ka njoftuar se po asiston kryetarët e zgjedhur për të hyrë në objektet komunale.

    Me qëllim të pengimit të hyrjes së kryetarëve në objektet komunale, disa qytetarë janë mbledhur në para ndërtesave komunale në veri të vendit.

    Policia ka deklaruar se përveç personave të angazhuar dhe automjeteve të tyre të vendosura në afërsi dhe pranë objekteve komunale, në komunat veriore janë lëshuar edhe alarmet të cilat përdoren nga strukturat kriminale për mobilizim dhe tubime.

    Siç ka njoftuar Policia, protestuesit në Zveçan kanë filluar të shfaqin dhunë duke hedhur mjete të forta dhe shok bomba në drejtim të Policisë.

    Pesë policë janë lënduar dhe katër automjete janë dëmtuar nga incidentet në veri.

    Kryetari i Zveçanit, ai i Leposaviqit dhe kryetari i Zubin Potokut, të dalë nga zgjedhjet e 23 prillit, kanë kryer betimin të enjten. Asnjëri prej tyre nuk është betuar në objektin e komunës përkatëse, por ceremonia është zhvilluar në ndërtesa të tjerë publike.

    Zgjedhjet në veri janë bojkotuar nga partia më e madhe e serbëve në Kosovë, Lista Serbe, me mbështetjen e Beogradit zyrtar.

    Kryetarët paraprakë nga kjo parti, kishin dhënë dorëheqje nëntorin e vitit të kaluar.

    Ata u larguan nga institucionet në shenjë pakënaqësie me vendimin e Qeverisë së Kosovës që obligonte qytetarët t’i kthejnë targat e veturave nga ilegale në ato të Republikës së Kosovës.

  • ​Pesë policë të lënduar nga incidentet në veri të Kosovës

    ​Pesë policë të lënduar nga incidentet në veri të Kosovës

    Pesë policë janë lënduar dhe katër automjete janë dëmtuar nga incidentet në veri të Kosovës. Kështu ka bërë të ditur Policia e Kosovës, duke theksuar se një prej veturave është djegur.

    Me qëllim të pengimit të hyrjes së kryetarëve në objektet komunale, disa qytetarë janë mbledhur para ndërtesave komunale në veri të vendit.

    Përveç personave të angazhuar dhe automjeteve të tyre të vendosura në afërsi dhe pranë objekteve komunale, në komunat veriore janë lëshuar edhe alarmet të cilat përdoren nga strukturat kriminale për mobilizim dhe tubime.

    Policia ka konfirmuar se protestuesit në Zveçan kanë filluar të shfaqin dhunë duke hedhur mjete të forta dhe shok bomba në drejtim të Policisë.

    “Protestuesit në Zveçan pas një kohe kanë filluar të shfaqin dhunë, të fyejnë e të hedhin mjete të ndryshme të forta dhe shok bomba në drejtim të Policisë dhe automjeteve zyrtare, duke shkaktuar rrezik të drejtpërdrejtë dhe lëndime të lehta trupore deri tani ndaj pesë (5) zyrtarëve policorë të cilët më pas u janë kthyer detyrave policore”, ka njoftuar Policia.

    Në komunikatë thuhet se njësitet policore relevante në vetëmbrojtje janë detyruar të reagojnë dhe të përdorin mjetet e ligjshme siç është gazi lotsjellës, për të shpërndarë turmën si dhe për t’u mundësuar kryetarëve hyrjen në objekte.

    “Po ashtu janë shkaktuar dëme materiale ndaj katër (4) automjeteve zyrtare, njërës prej tyre ia kanë vënë zjarrin. Dyshohet se në afërsi janë dëgjuar edhe të shtëna me armë zjarri, por që ende nuk dihet lokacioni i saktë”, ka bërë të ditur Policia.

    Tutje, është bërë e ditur lidhur me veprimet e deritanishme Policia ka bashkëpunuar dhe koordinuar veprimet me organet e drejtësisë, të cilët rastin e kanë cilësuar si “Sulm Kundër Rendit Kushtetues”.

  • Kurti nga Vushtrria: Për zhvillimet në veri përgjigjemi në Prishtinë

    Kurti nga Vushtrria: Për zhvillimet në veri përgjigjemi në Prishtinë

    Kryeministri i Republikës së Kosovës, Albin Kurti, ka vizituar Akademinë e Kosovës për Siguri Publike, Vushtrri.

    Ai nuk ka dashur të flasë për zhvillimet në veri.

    Shefi i qeverisë, tha shkurt për RTK-në, se për këtë çështje do të përgjigjet në Prishtinë.

    Nuk dihet nëse pritet ndonjë konferencë për media në Prishtinë, por megjithatë kjo ishte deklarata për situatën aktuale në veri.