Category: Lajme

Kryetari i Vushtrrisë, Ferit Idrizi dhe ministri i Bujqësisë, Pylltarisë dhe Zhvillimit Rural, Faton Peci, kanë parë nga afër nisjen e punimeve për ndërtimin e kanalit të sistemi të ujitjes në fshatin Sfaraqak, raporton EO.

Ky kanal është rreth 2 500 metra i gjatë që mbulon një sipërfaqe prej 200 hektarë.

Ministri i Bujqësisë, Faton Peci, tha se krahas këtij investimi kapital, bujqit në Vushtrri kanë përfituar edhe 2.6 milionë euro grante.

“Është kënaqësi edhe për mua që si ministër të marrë pjesë në fillimin e punimeve të këtij investimi kapital që përkundër që nuk është një shifër shumë e madhe, efektin në ekonomi do ta ketë të konsiderueshme për shkak se flitet për 200 hektarë tokë bujqësore dhe pjellore, të cilat do ta kenë mundësinë që nga viti i ardhshëm të jenë në sistem të ujitjes”.

“Mua më gëzon ky fakt aq më tepër që jemi në njërën prej komunave më bujqësore në Kosovë dhe përveç këtij investimi kapital të këtij projekti dhe dje e kam analizuar numrin që kanë përfituar nga Komuna e Vushtrrisë del që përveç këtij investimi kapital janë edhe 2.6 milionë euro grante që janë në proces të implementimit të Komunës së Vushtrrisë”, tha Peci.

Kryetari i Vushtrrisë, Ferit Idrizi, tha se kostoja e këtij projekti kap shifrën e 196 mijë euro dhe se komplet financohet nga Ministria e Bujqësisë, raporton EO.

“Së pari të falënderoj ministër për këtë donacion që e ke dhënë për Komunën e Vushtrrisë për bujqit vushtrrias, do të futën në sistem të ujitjes rreth 200 hektarë tokë”.

“Vlera totale e projektit është 196 mijë euro dhe komplet e financuar nga Ministria e Bujqësisë dhe sa herë që kemi pas nevojë, ministrin Peci e kemi pas afër nesh”, tha Idrizi.

Është botuar në Fletoren Zyrtare shkarkimi i Safet Gjicit si kryetar i Bashkisë së Kukësit.

Vendimi mban datën 16 qershor, ndërsa ai është marrë me arsyetimin “për shkak të shkeljeve të rënda”

“VENDIM Nr. 367, datë 16.6.2023 PËR SHKARKIMIN NGA DETYRA TE KRYETARIT TË BASHKISË KUKËS, Z. SAFET GJICI

Në mbështetje te neneve 100 e 115, pika 1, të Kushtetutës, dhe të shkronjës “a”, të nenit 62, të ligjit nr. 139/2015, “Për vetëqeverisjen vendore”, të ndryshuar, me propozimin e Kryeministrit, Këshilli i Ministrave VENDOSI: Shkarkimin nga detyra, për shkak të shkeljeve të rënda, të kryetarit të Bashkisë Kukës, z. Safet Gjici. Ky vendim hyn në fuqi menjëherë dhe botohet në Fletoren Zyrtare”.

Pas publikimit të një videoje nga zyra e tij, ku ai shfaqet në momente intime, Gjici dha dorëheqjen, më pas erdhi shkarkimi i tij, ndërsa të shtunën, me urdhër të SPAK, ish-kreu i Bashkisë së Kukësit u vu në pranga. Gjykata e Posaçme miratoi kërkesën e prokurorisë për akuzën e “korrupsionit pasiv”. Fillimisht, SPAK kishte nisur hetimet për “shpërdorim detyre”.

Më 16 qershor, Gjici u shfaq në një video të publikuar online duke kryer marrëdhënie seksuale me një grua në zyrën e tij në Bashkinë e Kukësit. Më vonë, u publikua një tjetër fragment i asaj videoje ku Gjici diskutonte me vajzën në fjalë për mundësinë e akordimit të saj të një tenderi për menaxhimin e qenve endacakë të qytetit të Kukësit.

Në një postim në rrjetet sociale pas publikimit të videos, Gjici kërkoi falje dhe tha se prej disa kohësh kishte lidhje intime me vajzën në fjalë, si dhe akuzoi kundërshtarët politikë.

Haxhilerët që ndodhen në Arabinë Saudite për të përmbushur obligimin fetar të Haxhit arritën në Arafat, raporton Anadolu.

Haxhilerët u nisën grupe-grupe për në Arafat, 25 kilometra larg Mekës, duke filluar dje nga ora 16:30 sipas kohës lokale. Shumica e automjeteve që transportonin haxhilerët u nisën për në Arafat.

Haxhilerët të cilët u udhëzuan në rajonet ku do të qëndronin, e kaluan natën nëpër çadra të klimatizuara.

Haxhinjtë që do të largohen nga Arafati në mbrëmje do të shkojnë më pas në Muzdelife.

Haxhinjtë që do të mbledhin gurët për t’i hedhur shejtanit në Muzdelife, më pas do të shkojnë në zonën e “Xhemaratit” në Mina. Në ditën e parë të Kurban Bajramit, haxhilerët do të hedhin shtatë gurë mbi “shejtanin e madh”.

Pas gjuajtjes me gurë dhe prerjes së kurbanit haxhinjtë do të dalin nga ihrami. Në rastin e parë do të kryejnë tavafin e detyrueshëm dhe Saj’in dhe kështu, ata do të kenë përfunduar haxhin e tyre.

Haxhilerët do të hedhin nga 7 gurë tek “shejtani” i vogël, i mesëm dhe i madh”, përkatësisht, në të njëjtin rajon në ditën e dytë dhe të tretë të Bajramit si përkujtim i praktikës së profetit Ibrahim.

Më pas haxhilerët do të shkojnë në Medine dhe do të vazhdojnë adhurimet dhe vizitat e tyre këtu. Haxhinjtë që do të largohen nga Meka do t’i japin lamtumirën Qabesë dhe qytetit me tavafin e tyre të lamtumirës.

Çmimet e naftës ishin kryesisht të qëndrueshme të martën pasi investitorët u përqendruan në rezultatet e mundshme të një “rebelimi të armatosur në tentativë” kundër qeverisë ruse nga Wagner Group, ndërkohë që kërkonin drejtim nga të dhënat ekonomike nga SHBA, nafta më e madhe në botë. konsumatori.

Standardi ndërkombëtar i papërpunuar Brent u tregtua me 74,83 dollarë për fuçi në orën 11:39 të mëngjesit me orën lokale (0739 GMT), një fitim 0,64% nga çmimi i mbylljes prej 74,35 dollarë për fuçi në seancën e mëparshme tregtare të hënën.

Standardi amerikan West Texas Intermediate (WTI) tregtohej në të njëjtën kohë me 69,92 dollarë për fuçi, 0,80% më shumë nga mbyllja e sesionit të kaluar prej 69,37 dollarë për fuçi.

Të dy standardet i mbajtën fitimet e tyre të mëparshme në një rrugë kryesisht të qëndrueshme, me investitorët që peshonin rreziqet si pasojë e kompanisë private paraushtarake ruse, tentativës së rebelimit të Wagner Group kundër Moskës më 24 qershor.

Megjithëse përpjekja nuk ndërpreu prodhimin ose furnizimin e naftës ruse, tregjet vazhdojnë të vlerësojnë rreziqet dhe pasojat e mundshme të rebelimit të Grupit Wagner.

Ndërsa pasiguritë në lidhje me politikat monetare të bankave qendrore, veçanërisht Rezervën Federale të SHBA-së (Fed), vazhdojnë, investitorët po ndjekin deklaratat e zyrtarëve të Fed dhe të dhënat e ardhshme ekonomike në SHBA.

Fed është planifikuar të publikojë rezultatet e vlerësimeve vjetore të shëndetit të bankave të mërkurën. Ushtrimi i “testit të stresit” vë bilancet e bankave përballë një rënieje ekonomike fiktive katastrofike.

Investitorët po vëzhgojnë gjithashtu të dhënat për inventarët e naftës së papërpunuar në SHBA, të cilat ofrojnë një perspektivë afatshkurtër për kërkesën për naftë të vendit.

Instituti Amerikan i Naftës (API) është planifikuar të shpallë vlerësimet e tij për stoqet të mërkurën vonë, ndërsa Administrata e Informacionit të Energjisë së SHBA (EIA) do të publikojë të dhënat aktuale.

Megjithatë, rëniet e çmimeve u frenuan pasi qeveria kineze njoftoi mbështetjen e saj të vazhdueshme për ekonominë kineze.

Të martën, kryeministri kinez Li Qiang tha se vendi i tij është ende në rrugën e duhur për të përmbushur objektivin e tij vjetor të rritjes prej rreth 5%.

“Nga ajo që shohim këtë vit, ekonomia e Kinës tregon një vrull të qartë rikthimi dhe përmirësimi,” tha Li, duke shtuar se rritja në tremujorin e dytë pritet të jetë më e shpejtë se në të parën.

Dollari i dobët ndihmon rritjen e çmimeve

Çmimet e naftës të indeksuara në dollarë u vunë nën presion në rritje nga rënia e vlerës së monedhës së gjelbër./AA/

Numër i madh i serbëve kanë marshuar në Graçanicë, duke kanë kërkuar lirimin e serbëve të arrestuar për dhunë në veri, raporton EO.

Në pankarta, serbët thanë se “Anamorava është me Vuçiqin”, “prej Anamoravës deri në Leposaviq jena një familje” e “liri për të gjithë serbët e arrestuar”.

Marshi protestues ka nisur nga manastiri për në drejtim të komunës e që pritet të përfundojë te stacioni i Policisë së Kosovës në këtë qytet.

Policia e Kosovës ka arrestuar Dragisha Milenkoviq nga Graçanica nën dyshimet për krime lufte. Gjykata Themelore në Prishtinë ka caktuar masën e paraburgimit prej një muaji për Dragisha Milenkoviq.

Në njoftimin e gjykatës është theksuar se Milenkoviq, ish-gardian i Burgut të Prishtinës dhe Lipjanit, nga data 24.05.1999 deri me 10.06.1999, në cilësinë e personit zyrtar dhe në bashkëkryerje edhe me zyrtarë të tjerë të burgjeve në fjalë, kishin keqpërdorur autorizimet zyrtare.

“Pasi i kishin transferuar të burgosurit shqiptar nga burgu i Dubravës për në burgun e Prishtinës dhe të Lipjanit, fillimisht kishin formuar kordon në hyrje të burgut nga të dyja anët ku të burgosurit ishin detyruar që të kalonin përmes kordonit dhe të dyshuarit kishin filluar që ti godasin me mjete të ndryshme si shkop gome, grushte, shqelma etj, dhe pas kësaj në mënyrë sistematike kishin keqtrajtuar të burgosurit shqiptarë, duke torturuar në mënyrë ç ‘njerëzore, maltretuar, shkaktuar e lëndime të rënda trupore, dhunë psikike, traumë dhe pasoja në shëndet dhe duke i kanosur seriozisht për jetë, veprime këto të sanksionuara sipas ligjeve vendore, zakoneve të luftës dhe Konventave Ndërkombëtare të Gjenevës dhe Protokolleve Shtesë”, është bërë e ditur në komunikatë.

Por, kundër arretimit të tij kanë dalë në protestë sot disa serbë në Graçanicë për të kërkuar lirimin e tij dhe të serbëve tjerë që u arrestuan për përfshirje në sulmet ndaj gazetarëve, KFOR-it dhe objekteve të ndryshme, gjatë ditëve të fundit në veri.

Kryetari i Bashkësisë Islame të Kosovës, Myftiu Naim ef. Tërnava, ka uruar të gjithë besimtarët myslimanë me rastin e festës së Kurban Bajramit. Duke uruar për shëndet e mbarësi, Tërnava tha se kjo festë përçon mesazhin e paqes dhe të mirëkuptimit.

Tërnava u shpreh se festa e Kurban Bajramit tek ne vazhdimisht ka përçuar në formën më të mirë të mundshme edhe shpresën, begatinë, solidaritetin, ndihmën për tjetrin, urtësinë, paqen e mirëkuptimin, vlera këto që i japin kuptim shoqërisë.

“Sot po jetojmë në kohë trazirash, luftërash, pasiguri, konflikte e frikë. Në këtë ditë të madhe në vigjilje të Kurban Bajramit, lutemi që mesazhi dhe porositë që i bart kjo festë të kuptohen drejtë nga të gjithë, lutemi po ashtu që bota të ketë sa më pak konflikte e ngatërresa luftëra e çrregullime, festa e Kurban e Bajramit ka edhe domethënien e paqes, drejtësisë, unitetit, e mirëkuptimit. Duke iu uruar për festën e madhe të Kurban Bajramit, lus për shëndet, mbarësi, begati, dashuri, e harmoni në familjet tona. Me fat e mbarësi festa e Kurban Bajramit!”, tha Tërnava.

Duke kujtuar haxhinjtë kosovarë që janë duke kryer një nga obligimet e fesë myslimane. Tërnava tha se ata së bashku me miliona besimtarë të tjerë po shprehin përkushtimin dhe adhurimin ndaj Zotit në formën më të mirë.

“Me kryerjen e haxhit, besimtari shpreh në mënyrë shpirtërore emocionale e fizike përkushtimin vetanak dhe kolektiv për Zotin. I bindur në faljen e mëkateve dhe shpërblimet e shumta e të veçanta të premtuara nga Zoti fuqiplotë, kryerja e haxhit përmban në vete urtësi e begati të shumta. Haxhi na rikutjon udhëtimin për tek Zoti duke pasur për qëllim që haxhiu të kthehet i pamëkate”, vijoi Tërnava.

Kreu i BIK kujtoi edhe obligimin për prerjen e kurbanit dhe shpërndajen e mishit me familjarët e nevojtarët për të gjithë besimtarët që kanë mundësi.

“Prerja e Kurbanit në Ditën e Bajramit është një ibdaet shtesë ndërkaq argumenton shpirtin e bindjes për Zotin në të njëjtën kohë ka për qëllim qoftë edhe për një kohë të caktuar mbylljen e hendekut dhe ndasive mes shtresave të ndryshme shoqërore duke rritur bashkëpunimin dhe duke afruar ndihën dhe duke i dhënë dorën njëri-tjetrit”, tha Tërnava.

Dita e parë e festës së Kurban – Bajramit, është të mërkurën, më 28 qershor 2023. Manifestimi qendror për territorin e Kosovës, kushtuar kësaj feste do të mbahet në “Xhaminë e Madhe” në Prishtinë.

Namazi i sabahut falet në orën 4.23 min, ndërsa namazi i Kurban-Bajramit falet në orën 5.38 min, të cilit do t’i prijë Burhanudin ef. Hashani- kryeimam i Prishtinës, ndërsa hytben – mesazhin e Kurban – Bajramit do ta mbajë Myftiu i Kosovës, Naim ef. Tërnava.

Ligjëratën tematike kushtuar festës së Kurban – Bajramit do ta mbajë dr. Selatin Mehani-pedagog në Medresenë “Alaudin” në Prishtinë.

Me rastin e festës së Kurban – Bajramit, ditën e parë, më 28 qershor 2023, Kryesia e BIK-ut, si tradicionalisht organizon pritje përurimi në selinë e Kryesisë, nga ora 9:00-12:00. /KP