ATV

Category: Lajme

  • Sveçla komenton sanksionimin e Vulinit nga ShBA-të: S’na bëhet qejfi që në pozita qeverisëse në Serbi ka kriminelë

    Sveçla komenton sanksionimin e Vulinit nga ShBA-të: S’na bëhet qejfi që në pozita qeverisëse në Serbi ka kriminelë

    Ministri i Punëve të Brendshme, Xhelal Sveçla, ka reaguar pasi, drejtori i Agjencisë për Siguri dhe Informacion i Serbisë (BIA), Aleksandar Vulin, është futur në listën e sanksioneve amerikane.

    Ai tha se “ne si Kosovë nuk ia dëshirojmë të keqen askujt”, teksa shtoi se Vulin akuzohet për avancimin e korrupsionit brenda institucioneve serbe.

    “Shefi i shërbimeve sekrete të Serbisë, ish-ministri i brendshëm dhe aleati kryesor e kyç i Vuçiqit është sanksionuar sot nga Shtetet e Bashkuara të Amerikës. Nuk na bëhet qejfi që në pozita qeverisëse në Serbi ka kriminelë, sepse ne si Kosovë nuk dëshirojmë të keqen e askujt. Qejfi do të na bëhej po të kishim politikanë të përgjegjshëm, mendjehapur dhe të pakorruptuar te të gjithë vendet fqinjë”, shtoi ai.

    “Aleksandar Vulin bartës i pozitave kyçe në shtetin serb akuzohet për avancimin e korrupsionit brenda institucioneve serbe, trafikimin e armëve e krimin e organizuar transatlantik e më e rëndësishmja “përdorimi i pozitave publike për të mbështetur Rusinë, për të lehtësuar aktivitetin malinj të Rusisë që degradon sigurinë dhe stabilitetin e Ballkanit Perëndimor dhe i ofron Rusisë një platformë për të përhapur më tej ndikimin e saj në rajon””, theksoi Sveçla.

    I pari i MPB-së tha se Vulini është vetëm njëra nga lidhjet e Beogradit me Moskën, “vetëm njëri nga ndërmjetësit që bëjnë bashkë Vuçiqin e Putinin”.

    “Kohët e fundit Vulini kishte marrë pjesë dhe në “konferencën e sigurisë” të organizuar në Moskë. Kjo është thjesht prova dhe dëshmia e radhës se Serbia, për sa kohë udhëhiqet nga një politikë e pa-demillosheviqizuar, shërben si vegël e Rusisë për destabilizim të Ballkanit.
    Klika e përfaqësuar nga Vuçiqi e Vulini e aleatët e tyre janë sputnikë të Kremlinit edhe pse vazhdimisht luajnë lojën e “të paangazhuarve”. Me rëndësi është dhe të kujtojmë që Vulini, i sanksionuar sot nga SHBA-të, njihet dhe si një nga promotorët kryesorë të idesë të “Botës Serbe”, frymëzuar nga ideja e “Botës Ruse””, tha ai.

    “Në korrik 2021, Vulin thoshte: “Që Bota Serbe të bëhet, Serbia duhet të jetë e suksesshme ekonomikisht, të udhëhiqet mirë, të ketë një ushtri që është e aftë ta ruajë atë dhe serbët pa marrë parasysh se ku jetojnë. Për të ruajtur një Serbi të tillë duhet të bëjmë gjithçka për të vazhduar politikën e Aleksandër Vuçiqit”. Ende deri më sot Vuçiqi dhe udhëheqësit e Serbisë nuk janë distancuar nga projekti kërcënues “Bota Serbe”, nuk janë distancuar nga Rusia, nga krimet e të shkuarës, e as nga Millosheviqi. Ata ende udhëhiqen nga politikat e proklamuara nga Vulini, që sot u sanksionua nga SHBA”.

  • Establishmenti politik po planifikon rikthimin e Britanisë në Bashkimin Evropian

    Establishmenti politik po planifikon rikthimin e Britanisë në Bashkimin Evropian

    Për vite me radhë, kam lexuar me shumë interes rubrikën e Boris Johnson në gazetën “Daily Telegraph”. Kam qenë gjithmonë i kënaqur nga vizioni i tij mbi shtetin e vogël dhe të taksave të ulëta. Qasja e tij skeptike ndaj BE-së gjatë, madje edhe pas viteve të kaluara si korrespondent në Bruksel ishte shumë humoristike, shkruan Nigel Farage në “Daily Telegraph”.

    Opinionet e tij nuk shkuan kurrë aq larg sa të miat në kundërshtimin ndaj bllokut, por sigurisht tregonin drejtimin e duhur që duhej të ndiqte vendi. Me gjasë ndarja më e madhe midis nesh gjatë 3 dekadave të fundit ka qenë mbi emigracionin.

    Ndërsa unë kam qenë gjithmonë i shqetësuar për shtimin e miliona të huajve që vijnë në vendin tonë, ai dukej i qetë. Në vitin 2019, unë formova dhe drejtova Partinë Brexit, duke garantuar zhdukjen politike të Theresa May dhe nga ana tjetër krijova terrenin për ngjitjen në krye të Johnson.

    Më pas, në zgjedhjet parlamentare 5 muaj më vonë, përballë mundësisë së një referendumi të dytë të BE-së nga Laburistët dhe Liberaldemokratët, vendosa që asnjë kandidat i Partisë Brexit nuk do të sfidonte konservatorët në 317 vendet që kishin fituar në zgjedhjet e mëparshme.

    Ky pakt ndodhi pasi Johnson u angazhua për mos harmonizimin e rregulloreve me BE-në dhe për t’u larguar nga unioni brenda vitit 2020. Në fund, ai e realizoi vërtet Brexit-in. Por që nga ajo kohë unë mund të shpreh vetëm zhgënjimin dhe zemërimin se si kanë shkuar gjërat.

    Sigurisht, ka pasur disa suksese dhe unë besoj se vendi gjendet sot në një pozitë më të mirë në skenën globale.

    Industria jonë e shërbimeve po ecën jashtëzakonisht mirë, dhe shpërhapja jonë e suksesshme e vaksinave dëshmon se çfarë mund të bëhet si një vend i pavarur. Këto gjëra nuk do të ishin të mundura nëse Johnson nuk do të kishte marrë vendimin historik për të mbështetur grupin e Brexit në referendumin e vitit 2016.

    Për këtë gjë, do t’i jem përjetësisht mirënjohës. Madje do të shkoja aq larg sa të thosha se po të mos e kishte bërë ai, një çerek shekulli i jetës sime do të kishte qenë një dështim. Por 7 vite pas referendumit dhe 3 vjet pas largimit nga BE, emigracioni – çështja më e rëndësishme që bindi shumicën e njerëzve të mbështesin Brexit – është në nivele më të larta se kurrë më parë.

    Vitin e kaluar, numri arriti në 606.000. Kjo shifër befasues shihet nga unë dhe miliona të tjerë si një tradhti ndaj Brexit. Shtojini asaj faktin që bizneset tona të vogla nuk kanë gëzuar deri më tani asnjë nga përfitimet e largimit nga BE-ja, dhe nuk është e vështirë të kuptohet arsyeja pse 1/3 e votuesve të Brexit besojnë tani se projekti ka dështuar.

    Një pjesë e madhe e problemit është se shumë individë dhe grupe me ndikim nuk e pranuan kurrë rezultatin e referendumit. Bizneset e korporatave me bazë në Londër, pjesa më e madhe e medias dhe një pjesë e madhe e sektorit të arsimit, janë përpjekur të përmbysin ose minojnë rezultatin e referendumit.

    Nuk ka kufij mbi atë që do të bëjnë aktivistët kundër Brexit, përfshirë portretizimin e votuesve të Brexit-it si racistë. Një figurë tjetër që luajti një rol të rëndësishëm në përpjekjen për të përmbysur vullnetin e popullit ishte ish-kryetari i Dhomës së Komunëve, John Bercow, që duket se bëri çmos ta ndihmonte parlamentin që të siguronte një referendum të dytë.

    Këto përpjekje për të përmbysur demokracinë britanike duhet të kishin marrë fund pasi konservatorët nën udhëheqjen e Johnson, i fituan zgjedhjet parlamentare të dhjetorit 2019. Le të mos harrojmë se sa votues tradicionalë laburistë, ndihmuan për ta çuar atë në Ten DowningStreet.

    Por të gjitha përpjekjet – që vazhdojnë edhe sot e kësaj dite – dëshmojnë se Johnson ka të drejtë kur thotë: “Unë nuk jam i vetmi që mendoj se po zhvillohet një gjueti shtrigash, për t’u hakmarrë për Brexit-in, dhe në fund për të ndryshuar rezultatin e referendumit të 2016-ës”. Megjithatë, është një gjueti shtrigash që e kanë bërë të mundur vetë konservatorët. Dhe tani që ata kanë humbur figurën e tyre të vetme të nivelit të lartë që kishte një lloj sharmi populist, elitat liberale janë kthyer në kontrollin e situatës.

    Ata që besojnë tek Brexit, tregjet e lira dhe shteti i vogël, janë mënjanuar. Për të gjetur faktet për këtë që po them mos kërkoni më larg se Korniza Uindsor. Establishmenti e përshëndeti atë si një përparim të procesit të Brexit. Në fakt, ajo e mban Irlandën e Veriut të shkëputur nga pjesa tjetër e Britanisë së Madhe.

    Megjithatë, pavarësisht nga mangësitë e tij, vetëm 22 mbështetës të Brexit në radhët e konservatorë votuan kundër tij (njëri prej të cilëve ishte Johnson). Pra sot jemi kthyer aty ku ishim në kohën e Traktatit të Mastrihtit, në fillim të viteve 1990.

    Dhe shumë shpejt mund të përballemi me një qeveri laburiste, e cila nuk do të humbiste kohë duke na përafruar sërish me rregullat e tregut të vetëm. Nën drejtimin e Starmer, do të hedhë rrënjë Brino, Brexit vetëm në emër.

    Pa një opozitë për të luftuar për një Britani të pavarur, do të jetë vetëm çështje kohe para se të bëhemi një anëtar i asociuar i BE-së. Brexit do të ketë vdekur. Vendi ynë, së bashku me pjesën tjetër të BE-së, do të shkonte drejt kolapsit.

  • ​Rama: Veriu, parajsë për aktivitete kriminale dhe përzierje e politikanëve lokalë me botën kriminale

    ​Rama: Veriu, parajsë për aktivitete kriminale dhe përzierje e politikanëve lokalë me botën kriminale

    Kryeministri i Shqipërisë, Edi Rama ka deklaruar se veriu i Kosovës është bërë si një vend parajsë për aktivitete kriminale, të trafikimit të drogës, trafikimit të armëve, prodhimit të kriptomonedhave por një përzierje e politikanëve lokalë me botën kriminale, gjë që mund të jetë në të vërtetë një situatë shpërthyese.

    Rama gjatë qëndrimitnë Vilnius të Lituanisë ku po merr pjesë në punimet e Samitit të NATO-s, ka thënë se është koha që të kombinohet rrugë diplomatike me një qëndrim më të fortë të NATO-s, nëpërmjet KFOR-it.

    Kreu i qeverisë shqiptare zhvilloi ditën e sotme një bashkëbisedim me eksperten e Qendrës Europiane të Këshillit të Atlantikut, Rachel Rizzo, ka thënë se Shqipëria është një vend ku popullariteti i Vladimir Putinit shkon nga 0.7% deri në 1.2% dhe pyetja e madhe që gjithmonë shtrohet, është se si demokracitë mund t’i bëjnë ballë një diktatori ose një regjimi diktatorial në një konflikt sepse demokracitë duhet të luftojnë dhe në të njëjtën kohë duhet të dëgjojnë njerëzit. Ndërsa Vladimir Putin nuk ka kë tjetër të dëgjojë.

    Rama ka theksuar se problemi i Ballkanit Perëndimor sot në lidhje me sigurinë ndoshta mund të mos jetë në të njëjtën madhësi të problemit të madh ukrainas, por nuk është aq i vogël sa të trajtohet si diçka e pavlefshme.

    “Çfarë po ndodh, diçka që është me të vërtetë shumë e rrezikshme me pjesën e Kosovës së veriut që të bëhet një vatër zjarri me një kërcënim të hapjes së konfliktit dhe teksa lehtësimi i dialogut të BE-së punon me të dyja palët, me Beogradin dhe Prishtinën, ka një palë të tretë që është duke u ngritur, që janë pikërisht grupet ekstreme në Kosovën e veriut ku është krijuar në vite si një vend parajse për aktivitete kriminale, të trafikimit të drogës, trafikimit të armëve, prodhimit të kriptomonedhave dhe aty ku kjo amalgamë, kjo përzierje e politikanëve lokalë me botën kriminale dhe me një përzierje të interesave të mafies, përballë shqetësimeve kombëtare dhe të drejtave të njeriut, mund të jetë në të vërtetë një situatë shpërthyese dhe prandaj mendoj se është koha që të kombinojmë tashmë këtë dialog të lehtësuar nga BE, këtë rrugë diplomatike me një qëndrim më të fortë të NATO-s nëpërmjet KFOR-it”, tha ai.

    Rama është pyetur edhe për sulmet kibernetike në Shqipëri, ku ka thënë se Shqipëria strehoi grupin MEK, grup opozitar iranian, por marrëveshja ishte e qartë që ata do të qëndronin në Shqipëri për të qenë të sigurt dhe jo për ta kthyer Shqipërinë në një platformë politike kundër regjimit.

    “Praktikisht ne na u kërkua që të ndihmojmë me grupin MEK, grupin opozitar iranian që janë një kafshatë e fortë me thënë të drejtën sepse përndryshe ata do të ishin masakruar në Irak nga shërbimet sekrete iraniane dhe na u kërkua që të shpëtojmë jetët e tyre dhe shpëtimin e jetëve shqiptarët e kanë në ADN-në e tyre dhe kjo është parë në histori dhe i vetmi vend në Europë me popullatë më të madhe hebreje, sepse të gjithë ata u ndjenë të sigurt në Shqipëri. Ne vend që të largoheshin nga vendi, po vinin gjithnjë e më shumë në Shqipëri dhe asnjë hebre nuk i është dorëzuar nazistëve dhe ne ishim shumë të lumtur që të prisnim 500 mijë refugjatë që i shpëtonin pikërisht spastrimit etnik në Kosovë nga regjimi i Sllobodan Milloshevicit, i hapëm dyert për afganët nga Kabuli. Mijëra prej tyre erdhën dhe u shpëtuan në Shqipëri. Pra, ne bëmë po të njëjtën dhe me këtë grup opozitar iranian, por nuk është e njëjta në sensin, në kuptimin e rrezikut sepse janë opozita iraniane, megjithëse marrëveshja ishte e qartë që ata do të qëndronin në Shqipëri për të qenë të sigurt dhe jo për ta kthyer Shqipërinë në një platformë politike kundër regjimit. Fatkeqësisht, disa gjëra ndodhën dhe ne u sulmuam me një sulm në shkallë të gjerë, shumë i avancuar sa i përket shërbimeve kompjuterike dhe tashmë ishim një vend kryesor në Europë që jepnim shërbime online dhe ne u prekëm dhe për të rritur pikërisht sigurinë tonë kibernetike, na kërkohet më shumë mbështetje nga Kongresi dhe nga Senati, por kjo nuk është tashmë në lajme dhe kur nuk je në lajme, nuk je më problem dhe ne po përpiqemi që të bëjmë gjithçka për të fuqizuar sigurinë tonë kibernetike por nuk është e lehtë”, tha ai.

    E sa i përket anëtarësimit të vendeve të ballkanit Perendimor në BE, Rama shtoi se vendet e rajonit tonë janë të bekuar që kanë aleatë SHBA-të dhe BE-në.

    “Të shtosh 6 dhe nga Ballkani që sjellin shumë entuziazëm dhe gëzim, por jo durim nuk do ta bëjë procesin e vendimmarrjes më të lehtë, supozoj. Pra duhet të jetë diçka e kombinuar, por në përfundim mund të themi çfarë të duam për BE-në, por një gjë është e sigurt, pa BE-në ne nuk do të ishim në gjendje të bënim as 90% të atyre që kemi kryer në 30 vitet e fundit dhe pa SHBA-të që kanë dhe ata gjithashtu problemet e tyre dhe ne mund të themi çfarë të duam, por ne nuk do të ishim në gjendje të mbijetonim si komb shqiptar, pra nëse sot jemi të vendosur kaq mirë sa kemi kaq shumë progres të prekshëm jo vetëm në Shqipëri, por edhe në Kosovën e lirë dhe të pavarur, pjesëmarrjen e plotë të Shqipërisë dhe të Maqedonisë së Veriut në jetën politike të Maqedonisë së Veriut apo të shqiptarëve në Malin e Zi që përfaqësohen mirë dhe meqë ra fjala, 6 vende ballkanike, 3 kryeministra shqiptarë, diçka mund të mos shkojë mirë, por gjithsesi është diçka që të vjen mirë. Mendoj se nuk duhet asnjëherë ta harrojmë që ne jemi të bekuar që të jemi në zemër të Europës dhe të kemi këto dy aleanca strategjike të mëdha si SHBA-të dhe BE-ja dhe sigurisht pasi të kemi kryer detyrat gjatë ditës, në mbrëmje mund të tallemi me ta sepse pa shakatë dhe humorin, Ballkani do të kishte vdekur me kohë.

  • Publikimi i përgjimeve/ Kusari-Lila thotë se sot është takuar me Kurtin – Ja çfarë kanë biseduar

    Publikimi i përgjimeve/ Kusari-Lila thotë se sot është takuar me Kurtin – Ja çfarë kanë biseduar

    Shefja e Grupit Parlamentar të Lëvizjes Vetëvendosjes, Mimoza Kusari-Lila, në emisionin CONTEXT në ATV, tha se pas publikimit të përgjimeve ka pasur takime me kryeparlamentarin Glauk Konjufca dhe kryeministrin Kurti, por që temë e takimeve nuk kanë qenë përgjimet.

    “Me kryetarin e Kuvendit jam taku, me kryeministrin kam bisedu, jo për këtë çështje, me thanë të drejtën. Nuk ka qenë me aq urgjencë që ka mujt me shkaktu diçka e cila.. Me Kurtin jam taku sot. Jo nuk kanë qenë, besoni ose ndaç mos e besoni, nuk kanë qenë temë bisedimet”, tha Kusari-Lila.

    Ajo tha se temë e bisedimeve gjatë takimit me kryeministrin Kurti ka qenë për koordinim të agjendës legjislative.

    “Me kryeministrin takohemi për koordinim të agjendës legjislative në raport me atë çfarë ne duhet të angazhohemi ne projektligjet që kanë mbetur për deri në fund të këtij sesioni pranveror. Jemi duke u mundu me e pasë një seancë goxha të ngjeshur, do me thanë sot është ftuar seanca me disa projektligje, një numër i konsiderueshëm disa prej të cilave janë në lexim të dytë, pastaj ka edhe votime dhe natyrisht që neve na duhet të jemi të mobilizuar që këto javë të mbetura, t’i kryejmë me sukses ato ligje që na kanë mbetur”, tha Kusari-Lila.

    Emisionin e plotë e gjeni në videon më poshtë:

  • Kusari-Lila paralajmëroi padi, reagon Buzhala

    Kusari-Lila paralajmëroi padi, reagon Buzhala

    Mimoza Kusari-Lila, shefe e grupit parlamentar të VV-së, në emisionin CONTEXT në ATV, akuzuar se e ka manipuluar bisedën. Madje, ajo paralajmëroi edhe një padi ndaj gazetari Buzhala për nxitje, fyerje dhe cenim të integritetit e personalitetit të saj.

    “Sot biseda e lëshuar, të cilën e kam dëgjuar para se të vija në studio te ju, për dallim të asaj mbrëmë që e kam dëgju ten në studio, në kuptimin e përmbajtjes kur kam lexu titujt, e kam kuptu që sot përveç që është e prerë, dmth është e cunguar, gjithashtu përmban edhe interpretime edhe komente të vazhdueshme të Berat Buzhalës, për të cilat ne tash definitivisht do të ballafaqohemi në gjyq. Si e parë e punës është incizimi i pa autorizuar prej Slavko Simiq, si e dytë e punës është mos marrja e asnjë konfirmimi nga unë lidhur me këto incizime nga Berat Buzhala, dhe si e tretë e punës është komentet, nxitja, fyerja dhe cenimi i integritetit e personalitetit tim” – theksoi ajo në ATV.

    Në lidhje me këtë çështje, ka reaguar edhe gazetari Buzhala, i cili deklaroi se Kusari-Lila po gënjen dhe se nuk ka asnjë montazh.

    “Prape po rren Mimoza. Nuk ka montazh. Ne asnje moment – ne asnje – nuk i eshte montu as heq kurrgjo. Po rren per veteranet. Para perfaqesuesit te Milan Radojcicit e ka shajte Ramushin per veterane.” – shkroi Buzhala.

    Emisionin e plotë e gjeni në videon më poshtë:

  • Kusari-Lila i dëgjon përgjimet: Biseda është e prerë dhe e montuar

    Kusari-Lila i dëgjon përgjimet: Biseda është e prerë dhe e montuar

    Shefja e Grupit Parlamentar të Lëvizjes Vetëvendosjes, Mimoza Kusari-Lila, në emisionin CONTEXT në ATV, tha se audio incizimi i sotëm i publikuar nga Nacionale, ishte i prerë dhe i montuar.

    Ajo në emision dëgjoi audio incizimin dhe më pas tha se disa pjesë janë shkëputur.

    “Biseda ka ndodhur, por është e prerë dhe e montuar për arsye se vërehen shkëputjet, në veçanti kur ai e përmend sa herë kemi folë dhe mandej del menjëherë te përgjigja te ambasada amerikane dhe pjesa e fundit, kur e lexon mesazhin e Radoiçiqit, se tash e vërej se kanë bërë një manipulim me mënyrën si e prezantojnë, ka të bëjë me pjesën e fundit ku ai gjithashtu në atë letër e përmend që përveç që Qeveria Kurti e ka largu prej Kosovës dhe po mundohet sipas Radoiçiqit, me e eliminu politikisht, ai do të luftojë me krejt çfarë ka në dorë ta rrëzojë këtë Qeveri. Gjithashtu, në fund të letrës, unë e pyes a ka më diçka tjetër me shtu, thotë jo, i them tash mundesh me shku dhe kjo ka qenë në fakt e fundit që ne e kemi bisedu edhe kjo ka ardhë si rrjedhoje të votimit të tyre për Ligjin për Pagën Minimale”, tha Kusari-Lila. /atvlive.tv

    Emisionin e plotë e gjeni në videon më poshtë:

  • Kusari-Lila paralajmëron padi për ish-deputetin e Listes Serbe dhe gazetarin Berat Buzhala

    Kusari-Lila paralajmëron padi për ish-deputetin e Listes Serbe dhe gazetarin Berat Buzhala

    Shefja e Grupit Parlamentar të Lëvizjes Vetëvendosjes, Mimoza Kusari-Lila, në emisionin CONTEXT në ATV, tha se audio incizimi i sotëm i publikuar nga gazetari Berat Buzhala, është prerë dhe cunguar dhe se mban interpretime e komente.

    Ajo thotë se lidhur me këto, do të ballafaqohet në gjyq me ish-liderin e Listes Serbe dhe gazetarin Berat Buzhala.

    “Sot biseda e lëshuar, të cilën e kam dëgjuar para se të vija në studio te ju, për dallim të asaj mbrëmë që e kam dëgju ten në studio, në kuptimin e përmbajtjes kur kam lexu titujt, e kam kuptu që sot përveç që është e prerë, dmth është e cunguar, gjithashtu përmban edhe interpretime edhe komente të vazhdueshme të Berat Buzhalës, për të cilat ne tash definitivisht do të ballafaqohemi në gjyq. Si e parë e punës është incizimi i pa autorizuar prej Slavko Simiq, si e dytë e punës është mos marrja e asnjë konfirmimi nga unë lidhur me këto incizime nga Berat Buzhala, dhe si e tretë e punës është komentet, nxitja, fyerja dhe cenimi i integritetit e personalitetit tim”, deklaroi Kusari-Lila.

    Ajo tha se asnjëherë tjetër nuk ka pasur komunikim me Radoiçiqin, pos atyre tre minutave të cilat i ka konfirmuar edhe vetë.

    “Ajo krejt çfarë është duke u propagandu, përfshirë edhe atë materiak i cili ka dalë për pesë herë, e kontestoj me çdo gjë të mundshme dhe e sfidoj secilin. Unë mund të konfirmoj me krejt vërtetësinë sa është e vërtetë që sonte jam në studio te ti se nuk ka asnjë bisedë tjetër përveç të asaj që e kemi dokumentu ose e kemi konfirmu në fakt atë tre minutshin që e kam dëgju Radoiçiqin duke u anku për hapësirën e ngushtuar nga kryeministri Kurti për të qendru në Kosovë, as edhe një tjetër të vetme”, tha Kusari-Lila. /atvlive.tv

    Emisionin e plotë e gjeni në videon më poshtë:

  • Vulin në listë të zezë, vjen reagimi i Ambasadës së ShBA në Beograd

    Vulin në listë të zezë, vjen reagimi i Ambasadës së ShBA në Beograd

    Ambasada e Shteteve të Bashkuara të Amerikës në Beograd ka reaguar pasi Thesari Amerikan e ka sanksionuar shefin e inteligjencës serbe dhe ish-ministrin e Mbrojtjes, Aleksander Vulin.

    Ambasada e SHBA thotë se një vendim i tillë s’ka për qëllim institucionet e Serbisë.

    Në reagim thuhet se SHBA është e palëkundur në përpjekjet e saj për të ekspozuar ata që janë të përfshirë në aktivitete korruptive dhe destabilizuese që minojnë sundimin e ligjit në Ballkanin Perëndimor dhe që thellojnë ndikimin keqdashës të Rusisë në rajon.

    “SHBA vazhdon të mbështesë qytetarët e Serbisë në rrugën për të reformuar sistemin gjyqësor, për të luftuar korrupsionin dhe për të krijuar një të ardhme më të mirë”, përfundon reagimi.

  • Shefi i BIA-s, në listën e sanksioneve amerikane

    Shefi i BIA-s, në listën e sanksioneve amerikane

    Listës së sanksioneve amerikane, pasditen e së martës, iu shtua edhe një person, është drejtori i Agjencisë për Siguri dhe Informacion i Serbisë, Aleksander Vulin.

    Zyra për Kontrollin e Aseteve të Huaja në Departamentin amerikan të Thesarit, thotë se ish-ministri i Punëve të Brendshme të Serbisë, është përfshirë në afera korruptive, për t’i çuar përpara agjendat e tij politike dhe interesat personale, duke u thirrur në paqe dhe stabilitetit në Ballkanin Perëndimor.

    Aktualisht, shefi i inteligjencës serbe dyshohet se është përfshirë në krim të organizuar transatlantik.

    “Marrëveshjet korruptive lehtësuan aktivitetin malinj rus, në Serbi dhe rajon. Vulin ka mbajtur raporte që kanë pasur përfitim reciprok me trafikantin e armëve, Sllobodan Teshiq, duke mundësuar që dërgesat me armë të tij, të mundë të lëvizin lirshëm përtej kufijve të Serbisë”, thuhet në njoftimin nga Thesari Amerikan.

    Aleksandër Vulin, përmes autoritetit të tij, ka mbështetur Rusinë në aktivitetin e saj për cenimin e stabilitetit në Ballkanin perëndimor, thuhet mes tjerash në deklaratën e Thesarit amerikan.

    “Veprimet e Vulinit kanë rritur korrupsionin brenda institucioneve qeverisëse të Serbisë. Këto akte përfshijnë shfrytëzimin e autoritetit të tij për përfitime personale, si dhe përfshirjen në një rrjet të trafikut të drogës. Ai ka përdorur pozitat e tij publike për ta mbështetur Rusinë, duke lehtësuar aktivitetet keqdashëse të Rusisë që minojnë sigurinë dhe stabilitetin e Ballkanit Perëndimor dhe duke i ofruar Rusisë një platformë, për të avancuar më tej ndikimin e saj në rajon”, thuhet më tej në njoftimin nga Thesari Amerikan.

    Gjatë vitit 2022, si ministër i Brendshëm, Aleksandër Vulin, zhvilloi një vizitë me takime të rëndësishme në Moskë, duke anashkaluar kërkesat e Bashkimit Evropian dhe Shteteve të Bashkuara të Amerikës, derisa fillimisht ishte pritur nga ministri i Jashtëm rus, Sergej Lavrov.

    Vendosja e sanksioneve nënkupton që të gjitha pronat që Vulini mund të ketë në SHBA, apo që kontrollohen nga qytetarë amerikanë, do të bllokohen. Po ashtu, atij i ndalohet që të bëjë transaksione me shtetasit amerikanë.

    Aleksandër Vulin, më herët, ka qenë edhe drejtor i të ashtuquajturës Zyrë për Kosovën në Qeverinë e Serbisë.

    Vulin është njëri prej disa serbëve, që kohëve të fundit ka përfunduar në listën e sanksioneve të Shteteve të Bashkuara të Amerikës. /atvlive.tv

    Edicionin Qendror të lajmeve në ATV e gjeni në videon më poshtë:

  • Shabani: Opozitë më e madhe e vetvetes ka qenë LV-ja, se sa opozita

    Shabani: Opozitë më e madhe e vetvetes ka qenë LV-ja, se sa opozita

    Gazetari dhe analisti Zekirja Shabani, në emisionin DIREKT në ATV, tha se është fatkeqësi që Kosova nuk ka një opozitë të fuqishme të aftë për ta mbajtur përgjegjëse Qeverinë e Kosovës.

    Sipas tij, opozitë e vetvetes ka qenë Lëvizja Vetëvendosje.

    “Ne nuk kemi pasur një opozitë të fuqishme as prej PDK-së, as prej LDK-së e as prej AAK-së, të aftë dhe të gatshme për ta mbajtur përgjegjëse Qeverinë e Kosovës. Prandaj, opozitë e vetvetes në njëfarë forme ka qenë Vetëvendosja me ato telashet e brendshme që i ka shpërfaqë kohë pas kohe dhe i ka dirigju vazhdimisht punët e opozitës në Kuvendin e Kosovës”, tha Shabani.

    Ai thotë se deklarimet në Kuvendin e Kosovës më shumë kanë qenë shou se sa deklarime të përfaqësuesve të partive politike në vend.

    “Prandaj e kemi edhe një qeveri arrogante, ndoshta shpesh herë të papërgjegjshme, pikërisht për shkak të mungesës së zërit të opozitës”, u shpreh Shabani.

    Intervistën e plotë të gazetarit Zekirja Shabani, në emisionin DIREKT në ATV e gjeni në videon më poshtë: