ATV

Category: Lajme

  • ​Kroçera “Club med II” me 283 turistë nga Belgjika e Franca në Portin e Vlorës

    ​Kroçera “Club med II” me 283 turistë nga Belgjika e Franca në Portin e Vlorës

    Kroçera “CLUB MED II“ me 283 turistë nga vende të ndryshme si Francë, Belgjikë, Itali, Algjeri etj mbërriti sot në radën e Portit të Vlorës.

    Sipas Drejtorisë së Përgjithshme Detare turistët do të dalin me mjetet e vogla lundruese në portin e Vlorës për procedurat e nevojshme kufitare dhe më pas për të vizituar pikat e ndryshme turistike.

    Krocera CLUB MED II ka ardhur nga Zakinthos – Greqi ku do të qëndrojë deri në orën 18:00 në radën e Vlorës dhe me pas do të niset për destinacion Korfuz – Greqi.

    Qyteti i Vlorës mbetet një nga destinacionet më të preferuara për vizitorët vendas dhe të huaj, shkruan ATSh.

    Mbërritja e kroçerave është pjesë e axhendës së Mesdheut, ku qyteti i Vlorës tashmë zë një vend të veçantë. Mjaft agjenci turistike janë përfshirë në këtë drejtim, ndërkohë që numri i tyre pritet të rritet më tej.

  • Zvicra nuk do kërkojë ekstradimin të dyshuarit për vrasjen e 27-vjeçares argjentinase, do të gjykohet në Kosovë

    Zvicra nuk do kërkojë ekstradimin të dyshuarit për vrasjen e 27-vjeçares argjentinase, do të gjykohet në Kosovë

    Bernë, 4 gusht – Siç kemi raportuar, të martën e fundit në orët e hershme të mëngjesit (01:59) në Fushë Kosovë është vrarë një grua e re argjentinase, që më pas policia kosovare ka arrestuar edhe një mashkull (32) që dyshohet të jetë autor i këtij krimi. Mësohet se autori i krimit është një kosovar (E.N) me pasaportë zvicerane që dyshohet se hodhi nga dritarja e katit të gjashtë të hotelit 27-vjeçaren nga Argjentina, ka raportuar gazeta zvicerane “Le Canton27.ch.”

    Ky rast nga Policia e Kosovës është cilësuar si vrasje, nga ana e një shtetasi zviceran. Gjykata Themelore në Prishtinë – Departamenti për Krime të Rënda ka vendosur lidhur me kërkesën e Prokurorisë Themelore në Prishtinë, për caktimin e masës së paraburgimit kundër të pandehurit E.N, i dyshuar për veprën penale “Vrasje” nga neni 172 i Kodit Penal të Republikës së Kosovës.

    Gazeta “Le Canton27.ch ka kontaktuar autoritetet zvicerane, ku këta të fundit kanë njoftuar se i dyshuari do të gjykohet në Kosovë.

    “Meqë vepra është kryer në Kosovë, prandaj nuk shoh asnjë arsye për një ekstradim në Zvicër, pa marrë parasysh se ai posedon pasaportë zvicerane…”, ka deklaruar për gazetën zvicerane “Le Canton27.ch” z. Raphael Frei, zyrtar për informacion nga Departamenti Federal i Drejtësisë dhe Policisë (DFJP) në Bernë.

    Sipas policisë zvicerane, autori i krimit edhe sikur të ikte nga Kosova në Zvicër, autoritetet kosovare nga Prishtina do të kërkonin ekstradimin e personit në fjalë nga Zvicra në Kosovë. / Le Canton27.ch

  • Dënim i përjetshëm për Krivaqën, e 15 vjet prapa grilave për Arbër Sejdiun – aktgjykimi i plotë i Gjykatës për vrasjen e Marigona Osmanit

    Dënim i përjetshëm për Krivaqën, e 15 vjet prapa grilave për Arbër Sejdiun – aktgjykimi i plotë i Gjykatës për vrasjen e Marigona Osmanit

    Gjykata Themelore e Ferizajt ka dënuar sot me burgim të përjetshëm Dardan Krivaçën për vrasjen e 18-vjeçares Marigona Osmani, ndërkaq me 15 vjet burgim është dënuar Arbër Sejdiu për ndihmë në kryerjen e vrasjes së rëndë.

    Trupi gjykues, pas mbajtjes së shqyrtimit gjyqësor dhe administrimit të të gjitha provave personale dhe materiale, të pandehurit Dridan Krivaçën dhe Arbër Sejdiu i gjeti fajtorë, ndërkaq në dënim do t’iu llogaritet koha e kaluar në paraburgim, i cili dënim do të ekzekutohen pas plotfuqishmërisë së këtij aktgjykimi.

    Dardan Krivaça akuzohet se më datë 21 gusht 2021 në banesën në Ferizaj, në intervalin nga ora 10:14 deri të nesërmen më datë 22 gusht 2021 në ora 14:43, gjersa ka qenë duke bashkëjetuar me tani të ndjerën Marigona Osmani për motive të xhelozisë, me vetëdije ndërmerr veprime të dhunshme, posaçërisht të rënda – ekstreme ndaj saj.

    Gjatë dy ditëve rresht, kohë pas kohe në vazhdimësi me një shkop të drurit e godet viktimën në pjesë të ndryshme të trupit, duke i shkaktuar dhimbje të mëdha fizike dhe psikike.

    Nga pasoja e kësaj dhune ekstreme të shkaktuara nga shtypja, goditjet apo përplasja nga ndonjë mjet të fortë dhe të rëndë mprehtës shkaktohet vdekja e të ndjerës M.O., e cila ka ardhur si rrjedhojë e politraumës – lëndimeve të shumëfishta.

    Politrauma dhe vdekja kanë ardhur drejtpërdrejti nga asfiksia mekanike si dhe shoku hemorragjik dhe traumatik, të cilat janë pasojë e gjakderdhjes së jashtme dhe gjakderdhjes së brendshme nga thyerjet e ashtit, të nofullës së poshtme, thyerjet e brinjëve djathtas dhe majtas, klavikulës së majtë, unazave të qafës, gjakderdhje epidurale dhe subdurale në pjesën e pasme të trurit të madhe dhe trurit të vogël, këputje parciale të palcës së kurrizit në qafë dhe të njëjtën me ndihmën e Arbër Sejdiut e dërgojnë në Spitalin e Përgjithshëm – Qendrën Emergjente në Ferizaj dhe largohen nga aty.

    Arbër Sejdiu akuzohet se me datë, vend dhe kohë të përshkruar si në dispozitiv, me dashje i ka ndihmuar të akuzuarit Dardan Krivaça ta kryej veprën penale vrasja e rëndë nga neni 173 paragrafi 1 nën paragrafi 1.4 të KPRK-së, në atë mënyrë që fillimisht kontakton me të akuzuarin Dardan Krivaça përmes telefonit dhe takohet në qytet, pastaj së bashku kthehen në banesën e të akuzuarii cili ishte duke bashkëjetuar me tani të ndjerën Marigona Osmani.

    Me dashje ndërmerr veprime duke i krijuar të akuzuarit Dardan Krivaça kushte për kryerjen e veprës penale, në atë mënyrë që përderisa i akuzuari Krivaça ishte duke ushtruar dhunë fizike ekstreme ndaj të ndjerës Marigona Osmani i akuzuari Arbër Sejdiu ofrohet tek dera e dhomës ku ishte e ndjera, vazhdon tek dera e hyrjes së banesës dhe përmes vrimës së derës së hyrjes së banesës shikon dhe përcjell gjendjen nëse ndonjë nga banorët është duke i dëgjuar apo lëvizur aty pari.

    Ai po ashtu disa herë e provon derën e hyrjes se a është e mbyllur, e të cilat veprime i njëjti gjatë qëndrimit në banesë i përsëritë në mënyrë të vazhdueshme herë pas here për të mënjanuar pengesat për gjatë kohës sa i akuzuari Dardan Krivaça ishte duke ushtruar dhunë fizike ekstreme tek e ndjera.

    Po ashtu i njëjti disa herë del nga banesa për të blerë gjëra ushqimore ku edhe nga video incizimet vërehet se gjatë gjithë kohës së qëndrimit në banesë të akuzuarit Arbër Sejdiu dhe Dardan Krivaça kanë biseduar në telefon dhe njëkohësisht kanë biseduar në mes vete, ku dhe qëndrimi i tij gjatë gjithë natës në banesën e të akuzuarit D., tregon qëllimin e tij për të ndihmuar atë në kryerjen e veprës penale.

    Ndërsa, për veprat penale të dhunimit dhe ndihmë në kryerjen e veprës penale të dhunimit, të akuzuarit Dardan Krivaça dhe Arbër Sejdiu lirohen nga akuza.

    Kundër këtij aktgjykimi, palët kanë të drejtë ankese në afat prej 30 ditëve nga dita e pranimit të aktgjykimit në formë të shkruar. Ankesa i drejtohet Gjykatës së Apelit në Prishtinë, përmes Gjykatës Themelore të Ferizajt.

    Aktgjykimi i plotë:

    Gjykata Themelore në Ferizaj – Departamenti për Krime të Rënda, ka shpall aktgjykim dënues ndaj të pandehurve D.K. për shkak të veprës penale të vrasjes së rëndë nga neni 173 paragrafi 1 nën paragrafi 1.4 të Kodit Penal të Republikës së Kosovës dhe A.S., për shkak të veprës penale ndihma në kryerjen e veprës penale vrasja e rëndë nga neni 173 paragrafi 1 nën paragrafi 1.4 lidhur me nenin 33 të Kodit Penal të Republikës së Kosovës (KPRK).

    Trupi gjykues, pas mbajtjes së shqyrtimit gjyqësor dhe administrimit të të gjitha provave personale dhe materiale, të pandehurit D.K. dhe A.S., i gjeti fajtorë dhe shqiptoi dënim me burgim të përjetshëm për të pandehurin D.K., ndërsa për të pandehurin A.S., dënim burgimi në kohëzgjatje prej pesëmbëdhjetë (15) vjet në të cilin dënim do të iu llogaritet koha e kaluar në paraburgim, i cili dënim do të ekzekutohen pas plotfuqishmërisë së këtij aktgjykimi. I pandehuri D.K., akuzohet se në më datë 21 gusht 2021 në banesën në Ferizaj, në intervalin nga ora 10:14 deri të nesërmen më datë 22 gusht 2021 në ora 14:43, gjersa ka qenë duke bashkëjetuar me tani të ndjerën M.O., për motive të xhelozisë, me vetëdije ndërmerr veprime të dhunshme posaçërisht të rënda – ekstreme ndaj saj, në atë mënyrë që gjatë dy ditëve rresht, kohë pas kohe në vazhdimësi me një shkop të drurit e godet viktimën në pjesë të ndryshme të trupit, duke i shkaktuar dhimbje të mëdha fizike dhe psikike, ku nga pasoja e kësaj dhune ekstreme të shkaktuara nga shtypja, goditjet apo përplasja nga ndonjë mjet të fortë dhe të rëndë mprehtës shkaktohet vdekja e të ndjerës M.O., e cila ka ardhur si rrjedhojë e politraumës – lëndimeve të shumëfishta, ku politrauma dhe vdekja kanë ardhur drejtpërdrejti nga asfiksia mekanike si dhe shoku hemorragjik dhe traumatik, të cilat janë pasoj e gjakderdhjes së jashtme dhe gjakderdhjes së brendshme nga thyerjet e ashtit, të nofullës së poshtme, thyerjet e brinjëve djathtas dhe majtas, klavikulës së majtë, unazave të qafës, gjakderdhje epidurale dhe subdurale në pjesën e pasme të trurit të madhe dhe trurit të vogël, këputje parciale të palcës së kurrizit në qafë dhe të njëjtën me ndihmën e të pandehurit A.S., e dërgojnë në Spitalin e Përgjithshëm – Qendrën Emergjente në Ferizaj dhe largohen nga aty.

    Ndërsa, i pandehuri A.S., akuzohet se me datë, vend dhe kohë të përshkruar si në dispozitiv, me dashje i ka ndihmuar të akuzuarit D.K., ta kryej veprën penale vrasja e rëndë nga neni 173 paragrafi 1 nën paragrafi 1.4 të KPRK-së, në atë mënyrë që fillimisht kontakton me të akuzuarin D., përmes telefonit dhe takohet në qytet, pastaj së bashku kthehen në banesën e të akuzuari D.K., i cili ishte duke bashkëjetuar me tani të ndjerën M.O., dhe me dashje ndërmerr veprime duke i krijuar të akuzuarit D.K. kushte për kryerjen e veprës penale, në atë mënyrë që përderisa i akuzuari D., ishte duke ushtruar dhunë fizike ekstreme ndaj të ndjerës M., i akuzuari A., ofrohet tek dera e dhomës ku ishte e ndjera, vazhdon tek dera e hyrjes së banesës dhe përmes vrimës së derës së hyrjes së banesës shikon dhe përcjell gjendjen nëse ndonjë nga banorët është duke i dëgjuar apo lëvizur aty pari dhe disa herë e provon derën e hyrjes se a është e mbyllur, e të cilat veprime i njëjti gjatë qëndrimit në banesë i përsëritë në mënyrë të vazhdueshme herë pas here për të mënjanuar pengesat për gjatë kohës sa i akuzuari D.

    Ishte duke ushtruar dhunë fizike ekstreme tek e ndjera M. Po ashtu i njëjti sida herë del nga banesa për të blerë gjëra ushqimore ku edhe nga video incizimeve vërehet se gjatë gjithë kohës së qëndrimit në banesë të akuzuarit A. dhe D., kanë biseduar në telefon dhe njëkohësisht kanë biseduar në mes vete, ku dhe qëndrimi i tij gjatë gjithë natës në banesën e të akuzuarit D., tregon qëllimin e tij për të ndihmuar atë në kryerjen e veprës penale. Ndërsa për veprat penale të dhunimit dhe ndihme në kryerjen e veprës penale të dhunimit, të akuzuarit D.K. dhe A.S., lirohen nga akuza. Kundër këtij aktgjykimi, palët kanë të drejtë ankese në afat prej tridhjetë (30) ditëve nga dita e pranimit të aktgjykimit në formë të shkruar.

    Ankesa i drejtohet Gjykatës së Apelit në Prishtinë, përmes Gjykatës Themelore të Ferizajt.

  • RrGK mirëpret vendimin për Krivaqën: I ulët dënimi ndaj Arbër Sejdiut

    RrGK mirëpret vendimin për Krivaqën: I ulët dënimi ndaj Arbër Sejdiut

    Rrjeti i grave të Kosovës mirëpriti vendimin e sotëm të Gjykatës Themelore në Ferizaj, e cila e dënoi me burgim të përjetshëm Dardan Krivaqën, i akuzuar për vrasjen e Marigona Osmanit.

    Por, RrGK vlerëson se dënimi prej 15 vjet burgim kundër Arbër Sejdiut është i ulët për veprën dhe pasojat që janë shkaktuar dhe të njëjtit është dashur që t’i shqiptohet dënimi kapital prej 25 vjetësh, sipas Kodit Penal të Republikës së Kosovës.

    “RrGK do të analizojë vendimin për lirim nga aktakuza për dhunim dhe do të monitorojë rastin në instanca të tjera që vendimi i Gjykates Themelore ndaj Dardan Krivaqës të mos ndryshojë.”, u bë e ditur në komunikatë.

    RrGK shtoi se mbetet e hapur ndaj bashkëpunimit dhe ndihmës për viktimat e dhunës me bazë gjinore përmes këshillimit ligjor falas dhe referimit tek institucionet relevante.

  • Lulzim Hetemi, 70 ditë “i bllokuar” brenda komunës, flasin familja e tij: Është mirë, po e vazhdon punën

    Lulzim Hetemi, 70 ditë “i bllokuar” brenda komunës, flasin familja e tij: Është mirë, po e vazhdon punën

    Teksa po ndërmerren veprime në drejtim të shtensionimit të situatës në veri të vendit, në objektin e komunës së Leposaviqit tash e 70 ditë po qëndron kryetari i zgjedhur, Lulzim Hetemi.

    Deri më tani ai nuk është deklaruar për media për qëndrimin e tij në objektin komunal, ndërkohë që familjarë të tij kanë thënë për RTK-në se nga kontaktet që kanë, ai po vazhdon punën me mundësitë e tij.

    Por para dy muajsh, Hetemi mëngjeset i zbardhte në fshatin e tij të lindjes, Bistricë.

    Më 26 maj ai u nis nga shtëpia e tij për t’u futur në ndërtesën e Komunës së Leposaviqit, ku edhe e mori zyrtarisht detyrën.

    As ai, por as familjarët e tij, atë ditë nuk e kishin menduar se nuk do të shihen për më shumë se dy muaj.

    “Dikush prej familjes pa e kontaktuar të paktën një herë në ditë nuk bëhet. Ai është mirë dhe po punon në ato mundësitë e tij aty. Edhe gjendja shëndetësore e tij është e mirë. Kushtet elementare i ka, si për nga ushqimi ashtu edhe nga ana higjienike, pasi objekti i përmbush të gjitha kërkesat”, tha për RTK-në, Bashkim Hetemi, vëllai i kryetarit të Leposaviqit.

    Bashkimi tregon se familja e ngushtë e kryetarit aktualisht jeton në Mitrovicë, për shkak të shkollimit të fëmijëve, teksa shton se mosprezenca e vëllait të tij në shtëpi është një mungesë e madhe për familjen.

    “Ndonjëherë janë disa situata që duhet të sakrifikosh. Normal që vërehet mungesa e tij, sepse u bënë që 2 muaj që ai është brenda në objektin e komunës. Fëmijët e tij janë të gjithë në shkollë dhe gjatë procesit mësimor vijojnë mësimin në qytetin e Mitrovicës. Brenda mundësive edhe ne kujdesemi për ta dhe për familjen, por normal që ju mungon”, ka shtuar Bashkim Hetemi.

    Ai dhe e gjithë familja Hetemi e presin me padurim rikthimin e tij, por presin që edhe situata në veri të vendit të normalizohet një ditë.

  • Burgimi i përjetshëm ndaj Krivaqës, reagon ​Osmani: Autorët e femicidit meritojnë dënim kapital

    Burgimi i përjetshëm ndaj Krivaqës, reagon ​Osmani: Autorët e femicidit meritojnë dënim kapital

    Presidentja e vendit, Vjosa Osmani, ka reaguar pasi Gjykata Themelore në Ferizaj shpalli aktgjykim dënues për dy të akuzuarit për vrasjen e Marigona Osmanit. Ajo ka thënë se dhuna nuk do të tolerohet dhe se femicidi do të ndalet.

    Duke shkruar për dënimin e sotëm, Osmani ka thënë se ky duhet të jetë mesazh për të gjithë ata që zgjedhin dhunën ndaj grave si mjet.

    “Autorët e femicidit meritojnë dënim kapital. Ashtu siç u dënua sot vrasësi e torturuesi i Marigona Osmanit. Le të jetë ky një mesazh për të gjithë ata që zgjedhin dhunën ndaj grave si mjet. Dhuna nuk do të tolerohet! Femicidi do të ndalet”, ka shkruar Osmani.

    Për vrasjen e Marigona Osmanit, Gjykata Themelore në Ferizaj ka dënuar me burgim të përjetshëm Dardan Krivaqën, për veprën penale “vrasje e rëndë”.

    Ndërkaq, Arbër Sejdiu është dënuar me 15 vjet burgim, për veprën penale “ndihmë në kryerjen e vrasjes së rëndë”.

    Të njëjtit janë liruar nga akuza për veprën penale “dhunim”.

  • Kurti flet për largimin e policëve te komunat në Veri, pastaj akuzon se po bëhet luftë hibdride ndaj qeverisë

    Kurti flet për largimin e policëve te komunat në Veri, pastaj akuzon se po bëhet luftë hibdride ndaj qeverisë

    Kryeministri Albin Kurti ka thënë se nga sot filloi zvogëlimi edhe për 25% të tjera i pranisë së policisë së Kosovës në tri ndërtesat e komunave në veri të vendit.

    Ai tha se kjo vjen pas vlerësimit të gjendjes së sigurisë nga mbledhja që pardje mbajtën drejtues të Policisë së Kosovës me EULEX-in dhe KFOR-in.

    “Pra, siguria është e mirë, situata është e qetë dhe mund ta zvogëlojmë ca praninë e policisë sonë. Sundimi i ligjit dhe rendi publik po mirëmbahen gjithnjë e më shumë e më mirë. Janë bërë rreth një muaj e gjysmë që nuk kemi incidente të theksuara e protesta të dhunshme. Falënderojmë policinë dhe qytetarët pa dallim për bashkëpunimin dhe korrektësinë”.

    Kurti sqaroi se zvogëlimi i policisë do të ndodhë gradualisht dhe se kjo vlen vetëm për praninë policorë në dhe përreth objekteve komunale.

    “Ashtu qysh kemi thënë para më shumë se dy muajve: 1) nuk do të ketë zvogëlim të përnjëhershëm dhe as të menjëhershëm të pranisë së policisë, por vetëm gradual e proporcional; 2) zvogëlimi vlen për praninë policore në ndërtesat komunale dhe rrethinat e tyre, e jo për veriun e vendit, ku ka ende sfida e punë për sundim të plotë të rendit e ligjit”.

    Kryeministri tha se përmes këtyre vendimeve janë duke e vënë në zbatim marrëveshjen mes Kosovës dhe BE-së që u arrit në Bratislavë për shtensionimin e situatës në veri të vendit.

    “Ne po zbatojmë me përgjegjësi dhe seriozitet, sinqeritet dhe kujdes, marrëveshjen e Bratisllavës nga 10 korriku 2023 në funksion të kërkesave të BE-së nga 3 qershori 2023 për de-eskalim. Konstatimi i përbashkët me faktorët ndërkombëtarë për përmirësimin e dukshëm të nivelit të paqes dhe sigurisë në veri dëshmon për de-eskalim të qartë. Njëkohësisht, ne jemi vigjilent për ri-eskalimin potencial që mund të vijë nga deklaratat që nxisin urrejtje dhe agresiviteti politik e shtetëror i fqinjit tonë verior”.

    Por, në fund të postimit në Facebook, Kurti ka akuzuar se po bëhet luftë hibride ndaj Kosovës dhe Qeverisë së tij, duke shtuar se kjo “do të dështojë”.

    “Ftojmë qytetarët që të mos bien pre e dezinformatave të ndryshme, prej atyre që janë pasojë e keqkuptimit, moskuptimit a keqinterpretimit të situatës dhe zhvillimeve e deri tek ato që janë dëshira anti-qeveritare të transmetuara publikisht si lajme faktike. Lufta hibride kundër Republikës së pavarur të Kosovës dhe qeverisë së saj demokratike e progresiste do të dështojë”.

  • ​LDK i vendos karton të kuq qeverisë: Duhet të shkojnë në shtëpi pas shkeljeve kushtetuese

    ​LDK i vendos karton të kuq qeverisë: Duhet të shkojnë në shtëpi pas shkeljeve kushtetuese

    Lidhja Demokratike e Kosovës ka akuzuar sot Qeverinë e Kosovës për shkelje të vazhdueshme të Kushtetutës. Sipas partisë opozitare, pushteti aktual e ka kthyer në normalitet shkeljen e ligjeve dhe Kushtetutës, andaj simbolikisht i vendosën një karton të kuq, siç thanë, për dërgimin në shtëpi të ekzekutivit.

    Deputeti i LDK-së, Armend Zemaj, në konferencë për medie, tha rrëzimi i Ligjit për zyrtarët publikë nga Gjykata Kushtetuese e dëshmoi edhe një herë paaftësinë dhe tendencën autoritare të qeverisë Kurti.

    Ai përmendi disa prej ligjeve dhe vendimeve antikushtetuese të ekzekutivit, derisa tha anëtarët e qeverisë janë bërë shkelës serikë të ligjit dhe Kushtetutës.

    “Ky pushtet është pushtet i shkeljeve ligjore dhe ngeljeve kushtetuese. Po i përmendi vetëm disa nga ligjet e miratuara në Kuvendin e Kosovës ku janë dërguar dhe shqyrtuar në Gjykatën Kushtetuese dhe është dëshmuar se ky pushtet dinë vetëm të shkelë Kushtetutën. Shkelja e parë ndodhi gjatë kohës së pandemisë COVID 19, shkelja e dytë ndodhi po ashtu për vendosjen e karantinës dhe kundërvajtjeve ndaj atyre që nuk respektuan rregullat anti-covid. Shkelja e tretë e Kushtetutës u krye nga ministrja e Arsimit, Arbërie Nagavci, ndërsa shkelja e katërt, kur Gjykata Kushtetuese gjeti se ministrja e Drejtësisë e ka shkelur Kushtetutën, ku e shpalli antikushtetues ligjin për Këshillin Prokurorial…Anëtarët e kësaj qeverie tashmë janë shkelës serikë të ligjit dhe kushtetutës. Ky pushtet ka hyrë në një seri të keqe të shkeljes së ligjit dhe kushtetutës së Kosovës”, tha ai.

    Ndërkaq, anëtari i Kryesisë së LDK-së, Shkëmb Manaj tha se gjysma e ekipit qeverisës kanë marrë “karton të kuq” nga Gjykata Kushtetuese.

    Ai përmendi edhe presionin që sipas tij, po përballen zyrtarët publikë dhe administrata e shtetit nga Qeveria Kurti.

    “Gati gjysma e ekipit qeverisës kanë marrë karton të kuq nga Gjykata Kushtetuese. Në vend që të përjashtohen nga ekipi qeverisës ata mbrohen dhe çmohen nga i pari i tyre. Nga i pari që sa ishte në opozitë thoshte se ‘kush e shkel ligjin është kriminel, ndërsa kush e shkel Kushtetutën është super kriminel’…Dje Gjykata Kushtetuese i dha një karton të kuq pushtetit absolut, dje fitoi drejtësia, kushtetutshmëria, sundimi i ligjit, administrata e shtetit dhe secili zyrtar publik. Zyrtarët publikë në secilin institucion qendror të shtetit është në presion të madh nga partia në pushtet. Presion që të vendosin në kundërshtim me ligjin për procese populiste të partisë në pushtet…Kjo qeveri çdo ditë në secilën fushë po merr karton të kuq. Dje mori një karton të kuq nga Gjykata Kushtetuese dhe do të marrë edhe plot të tillë në ditën në vijim derisa kjo qeverisje është në detyrë. Kjo qeverisje antikushtetuese duhet të shkojë në shtëpi dhe ne në mënyrë simbolike ia japim një karton të kuq”, theksoi ai.

    Zemaj pasi u pyet nga gazetarët edhe për hapin e radhës për shtensionimin e situatës në veri, ku sot u bë tërheqja edhe e 25 për qind të policisë në dhe rreth objekteve komunale atje.

    Sipas tij, ky vendim është lojë e ndytë e Kurtit në raport me dështimin e tij në procesin e dialogut.

    “Kjo tërheqje shihet si një lojë e ndytë e Kurtit në raport me dështimin e tij në procesin e dialogut dhe rënies së tij në grackën e Vuçiqit. Asgjë më shumë dhe asgjë më pak, fatkeqësisht”, theksoi ai.

    Ndërkaq, Zemaj iu kundërpërgjigj edhe liderit të AAK-së, Ramush Haradinaj, i cili dje potencoi se PDK dhe LDK po i ndihmojnë Kurtit duke mos u përfshirë në mocionin e mosbesimit ndaj tij.

    “E shohim si tendencë për hapësirë opozitare. Ne e kemi rolin tonë opozitar dhe partiak, kemi agjendë politike dhe i shpalosim të gjeturat. Tentojmë të japim versione më të mira për këtë qeveri, ndërsa jemi parti që edukojmë të gjithë, përfshirë edhe partitë opozitare”, përfundoi ai./KP/

  • ​Guri: Dënim meritor për Krivaqën, të zhgënjyer me dënimin ndaj Sejdiut

    ​Guri: Dënim meritor për Krivaqën, të zhgënjyer me dënimin ndaj Sejdiut

    Kolektivi për Mendim dhe Veprim Feminist po e konsideron si dënim meritor, vendimin për burgim të përjetshëm për Dardan Krivaqën. Por, njëjtë nuk e vlerëson edhe dënimin ndaj Arbër Sejdiut, me 15 vjet burgim.

    Pas seancës gjyqësore, Bjeshkë Guri nga Kolektivi për Mendim dhe Veprim Feminist tha se janë të zhgënjyer me dënimin ndaj Sejdiut.

    “Ne e konsiderojmë si dënim meritor dënimin e Krivqës për burgim të përjetshëm. Në të njëjtën kohë jemi shumë të zhgënjyer me dënimin ndaj Arbër Sejdiut, i cili është konaideruar ai bashkëkryerës, por u dënua vetëm me 15 vjet. Mendojmë që është zhgënjyes edhe gjithashtu është dënim shumë i ultë, pasi që ai po konsiderohet si bashkëkryerës edhe do të ishte më meritor vendimi nëse atij do i shqiptuar një masë apo dënim shumë i gjatë”, tha ajo.

    Guri shtoi se do të bëjnë presion për drejtësi dhe vendosjen për burgim meritor ndaj Arbër Sejdiut.

    “Ne do të bëjmë apel dhe kemi për t’i shqyrtuar edhe me i moniroru gjykatat se çfarë do të ndërmarrin, pasiqë e kemi parë që është praktikë e gjykatave me dhënë dënimet minimale dhe do të jemi këtu për të bërë presion”, shtoi ajo.

    Për vrasjen e Marigona Osmanit, Gjykata Themelore në Ferizaj ka dënuar sot me burgim të përjetshëm Dardan Krivaqën për veprën penale “vrasje e rëndë”. Ndërkaq, Arbër Sejdiu është dënuar me 15 vjet burgim, për veprën penale “ndihmë në kryerjen e vrasjes së rëndë”./kp

  • Avokati paralajmëron ankesë: Vrasja e Marigona Osmanit më e rënda që nga paslufta

    Avokati paralajmëron ankesë: Vrasja e Marigona Osmanit më e rënda që nga paslufta

    Avokati i familjes së Marigona Osmanit, Gazmend Rexhepi, ka deklaruar para mediave pas përfundimit të seancës, se synim i tij ka qenë dokumentimi i vrasjes mizore të së ndjerës, raporton EO.

    Ndërkaq ka paralajmëruar ankesë për lirimin e Dardan Krivaqës nga akuza për dhunim.

    Rexhepi, ka thënë se nuk pajtohet edhe me dënimin për 15 vite burgim ndaj Arbër Sejdiut, të akuzuar për ndihmë në kryerjen e veprave penale të vrasjes dhe dhunimit.

    Ai ka pohuar se vrasja e Marigonës ka qenë vrasja më e rëndë në Kosovën e pasluftës.

    “Ka qenë e vështirë me u dokumentuar me prova dhe fokusi im ka qenë te vrasja në mënyrën mizore e që të merret dënimi maksimal dhe i gjithë angazhimi im ka qenë që ta merr dënimin maksimal, te çështjet e dhunimit, Gjykata e pretendon që ka qenë vështirë e dokumentuar dhe unë vazhdoj të besoj se e ndjera ka qenë e dhunuar”.

    “…atë pretendim ma japin edhe video-incizimet por ta sqarojmë se ky vendim është vetëm i shkallës së parë dhe do të kemi edhe të drejtën e ankesës, për shkak se ende nuk e kemi vendimin e plotfuqishëm për këtë rast”, u shpreh.

    “Sigurisht unë do ta paraqes ankesën. Të dy të akuzuarit e mendojnë burgun e përjetshëm. Vazhdoj të qëndroj mbi atë se vrasja e Marigonës ka qenë vrasja më e rëndë në Kosovën e pasluftës”, ka thënë avokati Rexhepi.

    “Pasi ta marrim aktgjykimin, sigurisht se do ta bëjmë ankesën tonë”, ka deklaruar ai.