Category: Lajme

Zëvendësministri i Infrastrukturës, Hysen Durmishi thotë se me anulimin e projektit për autostradën e Dukagjinit, ia kanë shpëtuar 150 milionë euro buxhetit të shtetit, teksa njoftoi se gjatë muajit gusht pritet të nisin punimet për zgjerimin e rrugës Kijevë-Zahaq, përcjell Telegrafi.

Durmishi gjatë intervistës në emisionin “Përballje”, foli për shkeljet që kishin gjetur në projektet për autostradën e Dukagjinit.

“Ju e dini që ne e kemi anuluar projektin e autostradës të tipit të mbyllur Kijevë- Zahaq, sapo ne kemi ardhur në pushtet. Pas një auditimi që i është bërë vendimit të shpronësimit, nga 8 milionë euro që ka qenë vlera për shpronësime ka arritur në 22 milionë”, tha ai.

Durmishi sqaroi se anulimi i autostradës është bërë për shkak se kanë gjetur një projekt për zgjerimin e rrugës ekzistuese.

“Ministria e Financave e ka anuluar, ne kemi anuluar autostradën, sepse e kemi gjetur një projekt që zgjerimi i rrugës ekzistuese kushton maksimumi 90 milionë, euro, ndërsa aty kemi pasur 200 milionë kredi, 40 milionë shpronësime, si rrjedhojë 150 milionë euro shpëtojmë. Do të bëhet zgjerimi i rrugës, kemi kryer të gjitha procedurat, nga fundi muajit fillojnë punimet. Fillimisht deri në Dollc, pastaj vitin tjetër vazhdojnë punimet” tha mes tjerash ai.

Durmishi theksoi se e kanë shumë të rëndësishme të përfundojnë zgjerimin e rrugës deri në Dollc, ndërsa njoftoi se janë duke punuar edhe në rrugën për Gjakovë.

Duke folur për autostradën për Gjakovë, Durmishi tha se ministria e kaluar e udhëhequr nga Pal Lekaj i kishte nisur punimet pa projekt.

“Ka probleme, sepse nuk kemi mundur t’i zgjidhnim të gjitha problemet. Kijevë-Gjakova ka filluar rruga pa projekt. Nuk i plotëson kriteret për tu bërë rrugë me katër korsi, projekt politik, elektoral”, pohoi ai.

Në intervistën e dhënë për emisionin “Përballje”, Durmishi foli edhe për projekte tjera infrastrukturore me rëndësi, shkruan Telegrafi.

Kryeministri Albin Kurti në mbledhjen e Qeverisë i ka uruar mirëseardhje në kabinetin qeveritar ministrit të ri të Mbrojtjes, Ejup Maqedoncit, raporton Ekonomia Online.

Kurti po ashtu falënderoi ish-ministrin Armend Mehaj për kontributin dhe i uroi shërim të shpejtë bashkëshortes së tij.

“E falënderoj edhe një herë përzemërsisht për kontributi ish-ministrin Armen Mehaj ndërkaq bashkëshortes i dëshiroj shërim të plotë”.

Sëmundja e gruas, arsye për dorëheqjen e Mehajt

41 emigrantë kanë vdekur në një mbytje të anijes në ishullin italian të Lampedusa, thanë të mbijetuarit për mediat lokale.

Një grup prej katër personash që i mbijetuan katastrofës u thanë shpëtimtarëve se ishin në një varkë që ishte nisur nga Sfax në Tunizi dhe ishte fundosur rrugës për në Itali.

Katër të mbijetuarit, me origjinë nga Bregu i Fildishtë dhe Guinea, arritën në Lampedusa të mërkurën.

Më shumë se 1800 njerëz kanë humbur jetën deri më tani këtë vit në kalimin nga Afrika e Veriut në Evropë.

Autoritetet tuniziane thonë se Sfax, një qytet port rreth 80 milje (130 km) nga Lampedusa, është një portë e njohur për emigrantët që kërkojnë siguri dhe një jetë më të mirë në Evropë.

Ditët e fundit, anijet italiane të patrullimit dhe grupet e bamirësisë kanë shpëtuar 2000 persona të tjerë që kanë mbërritur në Lampeduza.

Qeveria e Kosovës ka ndarë mjete buxhetore për tekstet shkollore në gjuhën shqipe, për nxënësit e shkollave fillore në Preshevë, Medvegjë dhe Bujanoc në vlerë prej mbi 250 mijë euro, raporton Ekonomia Online.

“Ndihma jonë për bashkëkombasit tanë është jo vetëm nevojë por edhe obligim i yni, që të mbrojmë të drejtat e tyre elementare”, tha kryeministri i Kosovës Albin Kurti.

Kërkesa e Këshillit Kombëtar Shqiptar, u votua unanimisht.

Shefi i Grupit Parlamentar të Lidhjes Demokratike të Kosovës, Arben Gashi ka kërkuar heqjen e menjëhershme të sanksioneve të ndërkombëtareve ndaj Kosovës. Ai tha se Kosova nuk duhet që të jetë nën sanksione ndërkombëtare, raporton Ekonomia Online.

Sipas Gashit, kryeministri Albin Kurti i ka bërë të gjitha lëshimet por ende nuk i janë hequr Kosovës sanksionet.

“Kosovës t’i hiqen menjëherë sanksionet. Kosova nuk duhet që të jetë në sanksione ndërkombëtare. Është gabim strategjik dhe politik”.

“Kryeministri Kurti ka menduar që këto punë janë hajgare. Është vështirë me ardhë deri të sanksionet por është edhe më e vështirë me ardhë deri tek heqja e sanksioneve. Tash edhe i ka ba krejt lëshimet edhe i ka sanksionet”.

Pas pushimeve të verës, javën e ardhshme, do të rifillojë gjykimi në rastin e Hashim Thaçit, Kadri Veselit, Jakup Krasniqit e Rexhep Selimit. Në Hagë, pritet të vazhdojnë dëshmitë e dëshmitarëve të radhës.

Gjykimi ndaj Thaçit dhe të tjerëve sipas kalendarit parashihet të mbahet nga data 14,15,16 dhe 17 gusht duke vazhduar tutje nga 28, 29 dhe 30 gusht.

Gjykimi ndaj katërshes së UÇK-së nisi më 3 prill 2023, pas më shumë se dy vitesh zvarritje. Thaçi, Veseli, Krasniqi dhe Selimi po qëndrojnë në paraburgim në Hagë, prej nëntorit të vitit 2020.

Ata akuzohen nga Zyra e Prokurorit të Specializuar me akuza për krime kundër njerëzimit, si përndjekje, burgosje, akte çnjerëzore, torturë, zhdukje dhe vrasje, si dhe me 4 pika për krime lufte si arrestim, ndalim arbitrar, torturë dhe vrasje të paligjshme.

Ata janë deklaruar se janë të pafajshëm për akuzat e ngritura ndaj tyre.

Deri më tani ndaj Thaçit dhe të tjerëve kanë dëshmuar 15 dëshmitare.

Një person është sulmuar me thikë dje në Prishtinë. Policia ka informuar se të lënduarit i është ofruar tretman mjekësor.

Lidhur me rastin është arrestuar një person.

“Pas veprimeve hetimore është identifikuar dhe arrestuar i dyshuari kosovar dhe i njëjti me vendim të prokurorit pas intervistimit është dërguar në mbajtje.”, ka informuar Policia.

Rasti është cilësuar si “Vrasje në tentativë”.