ATV

Category: Lajme

  • Specialja, dëshmitari i 27-të fillon të dëshmojë

    Specialja, dëshmitari i 27-të fillon të dëshmojë

    Dëshmitari i 27-të në rastin ndaj Hashim Thaçit, Kadri Veselit, Rexhep Selimit dhe Jakup Krasniqit në Dhomat e Specializuara të Kosovës e ka filluar dëshminë e tij.

    Seanca është duke e vazhduar e mbyllur, ndërkaq më parë edhe dëshmitari i 26-të e ka përfunduar dëshminë në sesion privat.

    I 26-ti e kishte nisur dëhsminë e tij dje, ku e ka filuar dëshminë me përgjigje ndaj pyetjeve të ZPS-së, mbrojtësit të viktimave dhe më pas edhe atyre të ekipeve mbrojtëse.

    Mbrojtja e Selimit vazhdon ta marrë në pyetje dëshmitarin e 26-të në gjykimin ndaj Thaçit dhe të tjerëve, raporton Betimi për Drejtësi.

  • Stano: BE-ja ndërmjetësuese në dialog, iu takon palëve për të gjetur zgjidhje konstruktive

    Stano: BE-ja ndërmjetësuese në dialog, iu takon palëve për të gjetur zgjidhje konstruktive

    Zëdhënësi i Bashkimit Evropian, Peter Stano, ka thënë se BE-ja si lehtësuese, mund vetëm të ndihmojë palët që të arrijnë tek një marrëveshje, por kurajo e nevojshme për të arritur kompromise dhe gatishmëria për të gjetur zgjidhje konstruktive mbeten tek pjesëmarrësit e këtij dialogu.

    Kështu është shprehur ai teksa është pyetur se a kanë një tjetër strategji Josep Borrell dhe Miroslav Lajçak, pasi strategjia e tyre në dialog nuk po sjellë rezultate.

    “Ajo çka Përfaqësuesi i Lartë dhe emisari i BE-së janë duke bërë në kuadër të dialogut të lehtësuar nga BE-ja, është duke u bërë bazuar në mandatin e dhënë nga 27 vendet anëtare, dhe BE-ja po e lehtëson procesin me kërkesë të Kosovës e Serbisë”, u shpreh Stano.

    “Bashkimi Evropian si lehtësuese, mund të vetëm të ndihmojë palët që të arrijnë tek një marrëveshje, por kurajo e nevojshme për të arritur kompromise dhe gatishmëria për të gjetur zgjidhje konstruktive mbeten tek pjesëmarrësit e këtij dialogu. Dhe mund që sërish t’i referohem deklaratës së fundit nga 27 vendet anëtare, ku e kanë shprehur mbështetjen e plotë për Përfaqësuesin e Lartë dhe emisarin e BE-së, si lehtësues të dialogut ndërmjet Prishtinës e Beogradit”, shtoi ai.

    Në orët e hershme të së dielës, Policia e Kosovës u sulmua nga një grup i personave të maskuar dhe armatosur, pasi autoritetet e rendit tentuan të largonin barrikadat e vendosura në Banjskë të Zveçanit.

    Si pasojë e përleshjeve, zyrtari policor, Afrim Bunjaku, u vra dhe disa të tjerë u plagosën.

    Grupi i armatosur më pas u strehua në manastirin e Banjskës prej nga u përlesh me Policinë e Kosovës.

  • ​Rriten normat e interesit për kredi, këto janë fitimet e bankave komerciale

    ​Rriten normat e interesit për kredi, këto janë fitimet e bankave komerciale

    Bankat komerciale në vendin tonë kanë shtrenjtuar sërish normat e interesit për kredi, njëkohësisht bankat vazhdojnë t’i rrisin edhe fitimet e tyre enorme për çdo vit.

    Sipas Bankës Qendrore të Kosovës (BQK), norma e interesit për kredi në muajin gusht 2023 ka arrit në 6.7 për qind, ndërsa në muajin korrik të këtij viti ishte 6.6 për qind.

    Sipas Raportit të Sistemit Financiar për muajin gusht 2023 të BQK-së, fitimi i pastër i bankave për tetë muajt e parë të vitit 2023 ka arrit 113.2 milionë euro.

    Gjatë vitit 2022, sipas Bankës Qendrore të Kosovës, sektori bankar ka arritur të siguroi profit të lartë financiar, 140.3 milionë euro apo rreth 23 milionë euro më shumë se në vitin 2021.

    Në tregun e Kosovës operojnë 12 banka prej të cilave me pronësi të huaj janë 9.

  • Ekskluzive: Pamje ku shihet Milan Radojiçiq me terroristët serbë

    Ekskluzive: Pamje ku shihet Milan Radojiçiq me terroristët serbë

    Ministri i Punëve të Brendshme, Xhelal Sveçla ka publikuar pamje të reja të sulmi në Banjskë, ku shihen terroristet serbë.

    Sveçla ka thënë se në këto pamje shihet Milan Radojçiq.

    Shkrimi i plotë:

    Ky në pamjet më poshtë është Milan Radojçiq, nënkryetar i Listës Serbe, po ashtu pjesë edhe e Listës së Zezë të ShBA-së dhe Mbretërisë së Bashkuar.

    Kryekrimineli Radojçiq ka qenë udhëheqës i këtij grupi terrorist dhe i sulmit ku mbeti i vrarë polici Afrim Bunjaku. Kjo është edhe një dëshmi tjetër mbi veprimtarinë e tij terroriste ndaj Republikës së Kosovës. Nënkryetari i Listës Serbe është prijës i sulmit terrorist dhe grupit të terroristëve.

    Harta e sulmit terrorist po qartësohet çdo ditë: Aleksandër Vuçiq përmes Listës Serbe, dhe këta përmes nënkryetarit të tyre Radojçiq, kanë ndërmarrë veprimin terrorist kundër rendit juridik dhe kushtetues të Republikës së Kosovës duke tentuar të destabilizojnë Republikën tonë. Pra, LS e sheh pjesëmarrjen e saj në Kosovë vetëm në mënyrë terroriste. Ata dështuan.

    Ndërkohë, ditët e zisë të shpallura sot nga Serbia dhe Lista Serbe janë tashmë vulosja e autorësisë së këtij organizimi.

  • Berisha i shqetësuar për situatën në veri: Fotografitë e Policëve e të vrarëve s’është dashur të publikohen

    Berisha i shqetësuar për situatën në veri: Fotografitë e Policëve e të vrarëve s’është dashur të publikohen

    Kryetari i Komisionit për Çështje të Sigurisë dhe Mbrojtjes, Bekë Berisha, tha se e ka përcjell me shqetësim situatën e krijuar në veri.

    Ai po ashtu tha se gjatë aksionit të Policisë e Kosovës, nuk është dashur të publikohen në rrejte sociale fotografitë e policëve që ishin në detyrë dhe fotografitë e viktimave.

    Këto komente ai i bëri pas dështimit të mbajtjes së mbledhje së Komisionit në mungesë të kuorumit dhe pas mos pjesëmarrjes se ministrit të Mbrojtjes, Ejup Maqedonci.

    “E kemi përcjell me shqetësim ngjarje që ka ndodhur dua që t’i shpreh ngushëllime familjes dhe gjithë kolegëve të tyre. Dua të i uroj shërim të shpejt policëve te plagosur dhe t’i falënderoj policët për punë dhe detyrat që po i kryejnë me sukses. Policia e Kosovës me shumë mungesë e pa privilegje me paga të vogla pa sigurim jetësor e shëndetësor, po i kryen detyrat për vendin, për punë dhe përkushtimin e tyre. Duhet ta kupton rolin e Komisionit nuk kemi rol aktiv atë ditë, ne e mbikëqyremi zbatimin e ligjit. Pa një raport nuk mund të raportojmë.”

    “Situata në veri nuk ka të bëjë me luftimin e kontrabandës, ajo që po ndodh atje është më e madhe. Ditën kur polica ka qenë në një operacion shumë të ndjeshme, kureshtja e mediave ka qenë e madhe nuk duhet ashtu. Pastaj publikimi i fotove të policëve me snajperë, kjo është shumë gabim. Nuk duhet personale me bë me Policinë ato postime që janë bërë duhet që të fshihen. Ky operacion nuk ka qenë hakmarrje. As foto e viktimave nuk është dashur që të postohen”, tha ai./EO/

  • Nga një muaj paraburgim ndaj dy të dyshuarve për sulmin në Banjskë

    Nga një muaj paraburgim ndaj dy të dyshuarve për sulmin në Banjskë

    Gjykata Themelore në Prishtinë ua ka caktuar nga një muaj ditë paraburgim të dyshuarve për sulmin terrorist në fshatin Banjskë të Zveçanit të dielën.

    Në seancën e mbajtur sot, gjyqtari special i Gjykatës në Prishtinë e ka aprovuar kërkesën e Prokurorisë për caktimin e masës së sigurisë ndaj tre të dyshuarve Ballagosje Spasojeviq dhe Dushan Maksimoviq.

    Prokuroria Speciale ka kërkuar sot caktimin e masës së paraburgimit për të dyshuarit.

    “Prokuroria Speciale e Republikës së Kosovës (PSRK), njofton opinionin publik se ka bërë një (1) kërkesë për caktimin e masës së paraburgimit ndaj tre (3) personave V.T. B.S dhe D.M. për vepra të ndryshme penale. Prokuroria Speciale njofton opinionin se kërkesa është bërë kundër tre (3) të pandehurve për veprat penale “Veprat e rënda kundër rendit kushtetues dhe sigurisë së Republikës së Kosovës” nga neni 126, dhe “Kryerja e veprave terroriste” nga neni 129 të Kodit nr.06/L-074 Penal të Republikës së Kosovës, si dhe veprat penale “Veprat e rënda kundër rendit kushtetues dhe sigurisë së Republikës së Kosovës” nga neni 126, dhe “Kryerja e veprave terroriste” nga neni 129, lidhur me nenin 33 të Kodit nr.06/L-074 Penal të Republikës së Kosovës”, thuhet në njoftim.

    Për njërin të dyshuar V.T., Gjykata Themelore në Prishtinë ka caktuar masën e paraburgimit në kohëzgjatje prej 30 ditësh.

  • Konjufca bëri homazhe në kompleksin e varrezave në Abri të Epërme

    Konjufca bëri homazhe në kompleksin e varrezave në Abri të Epërme

    Kryetari i Kuvendit të Republikës së Kosovës, Glauk Konjufca, bëri homazhe dhe vendosi lule në kompleksin e varrezave në Abri të Epërme, në nderim të të vrarëve në masakrën e 26 shtatorit 1998, të kryer nga forcat pushtuese serbe.

    Në atë ditë u masakruan 23 anëtarë të familjes Deliu, në mesin e tyre fëmijë, gra e pleq.

    Osmani kujton Masakrën e Abrisë: Regjimi i Millosheviqit ua mori jetën egërsisht 23 anëtarë të familjes Deliu

     

  • Komandanti i Njësisë Speciale: Krenar me djemtë, më vjen keq për ata që gënjejnë sikur kanë qenë aty

    Komandanti i Njësisë Speciale: Krenar me djemtë, më vjen keq për ata që gënjejnë sikur kanë qenë aty

    Komandanti i Njësisë Speciale, Besart Ahmeti, ka folur plot lavd për pjesëmarrësit në aksionin kundër grupi kriminal në Banjskë të Zveçanit.

    “Krenarë me djemtë, pamë djallin në sytë e tyre, i pamë tek u rrëzuan, duke qarë, duke vrapuar, më vjen keq për ata që nuk ia kishin idenë se çfarë kishte ndodhur dhe që po gënjejnë sikur kanë qenë aty”, ka shkruar ai në Facebook.

    Polici Afrim Bunjaku u vra, një u plagos e dy u lënduan pas një sulmi terrorist ndaj tyre në Banjskë.

  • Qehaja: Situata në veri mund të rieskalojë, Serbia do të formojë njësite të tjera

    Qehaja: Situata në veri mund të rieskalojë, Serbia do të formojë njësite të tjera

    Eksperti i çështjeve ushtarake dhe të sigurisë, Ramadan Qehaja ka thënë se ekziston mundësia e eskalimit të serishëm të situatës në veri të vendit.

    Ai, në një deklarim për RTK-në të hënën në mbrëmje, ka deklaruar se Serbia qëndron prapa sulmit terrorist ndaj Policisë së Kosovës. Ka thënë se Serbia “do t’i ndryshojë format e veprimeve në veri” përmes formësimit të njësiteve tjera.

    “Në pjesën veriore të vendit tonë e kemi një situatë të brishtë të sigurisë dhe unë jam i prirë të them se ekziston mundësia e eskalimit të situatës së sigurisë në këtë pjesë të vendit. E kam parasysh atë që në këtë moment Serbia zyrtare nuk i arriti qëllimet e veta, të cilat i ka parashtruar me këtë njësit terrorist. Atëherë, nuk do të thotë se ajo do të heqë dorë nga synimet e veta, prandaj do të ndryshojë format e veprimeve në veri me njësite të tjera të cilat do t’i formësojë në një kohë shumë të shkurtër. Ne duhet të jemi shumë vigjilentë në këtë drejtim”, ka thënë Qehaja.

    Ai ka pyetur se si është e mundur që një sasi aq e madhe e armatimit, e cila u gjet brenda Manastirit të Banjskës të dielën, është futur në brendi të territorit të Kosovës pa u vërejtur nga askush.

    “Si qe e mundur që kaq shumë forca të hyjnë në brendi të territorit të Kosovës, në fshatin Banjska, të cilën unë e njoh mirë që prej socializimit sepse kam kaluar disa herë aty. Ndoshta inteligjenca ynë e ka pasur këtë element, që ata po hyjnë aty, por si qe e mundur që KFOR-i nuk e ka vërejtur dhe nuk ka ndërmarrë kurrëfarë mase”, ka deklaruar ai.

  • Përfundon seanca dëgjimore ndaj të dyshuarve për sulmin terrorist në Banjskë, pritet vendimi

    Përfundon seanca dëgjimore ndaj të dyshuarve për sulmin terrorist në Banjskë, pritet vendimi

    Në Gjykatën Themelore në Prishtinë, ka përfunduar seanca dëgjimore ndaj dy të dyshuarve për sulmin terrorist në Banjskë.

    Në këtë seancë, është shqyrtuar kërkesa e Prokurorisë Speciale për caktimin e masës së paraburgimit ndaj këtyre të dyshuarve, ndërsa pritet të merret vendimi.

    Ata janë sjell nën përcjelljen e forcave të shumta policore e duke u tërhequr zvarrë, raporton Ekonomia Online. Të pranishëm janë parë edhe avokatët e tyre që nuk kanë dashur të flasin për medie.

    Mbrëmë Gjykata Themelore në Prishtinë, ka caktuar masën paraburgimit për të arrestuarin Vlladimir Toniq, i dyshuar për vepra të rënda kundër rendit kushtetues dhe sigurisë së Republikës së Kosovës.

    Gjykata Themelore në Prishtinë, Departamenti Special ka mbajtur seancën dëgjimore në hapësirat e Qendrës Klinike Universitare të Kosovës (QKUK), duke vendosur lidhur me kërkesën e Prokurorisë Speciale të Republikës së Kosovës për caktimin e masës së paraburgimit në çështjen penale kundër të pandehurit V.T, i dyshuar për vepra të rënda kundër rendit kushtetues dhe sigurisë së Republikës së Kosovës nga neni 126 i KPKS – së dhe kryerja e veprave terroriste nga neni129 i Kodit Penal të Republikës së Kosovës.

    Gjyqtari i Procedurës Paraprake e ka aprovuar si të bazuar kërkesën e Prokurorisë Speciale të Republikës së Kosovës për caktimin e masës së paraburgimit kundër të pandehurit V.T dhe të njëjtit i ka caktuar masën e paraburgimit në kohëzgjatje prej 1 (një) muaji.

    Masa e paraburgimit është caktuar në harmoni me nenin 182 të KPPRK dhe nenin 184 paragrafi 1 nën paragrafi 1.1 e 1.2 pika 1.2.1, 1.2.2 dhe 1.2.3 dhe paragrafit 1.3 të KPPRK-së.

    Kundër këtij aktvendimi, palët e pakënaqura kanë të drejtë ankese në Gjykatën e Apelit, përmes Gjykatës Themelore në Prishtinë.

    Sipas Kodit Penal të Republikës së Kosovës, veprat e rënda kundër rendit kushtetues dhe sigurisë së Republikës së Kosovës dënohet me jo më pak se dhjetë vjet burgim ose me burgim të përjetshëm.

    “Kryesi i veprave penale nga nenet 113-127 të këtij Kodi dënohet me jo më pak se dhjetë
    (10) vjet burgim ose me burgim të përjetshëm, nëse kryerja e veprës: 1.1. rezulton në vdekjen e një apo më shumë personave; 1.2. rrezikon jetën e një apo më shumë personave; 1.3. vepra përcillet me dhunë të rëndë ose shkatërrim në shkallë të madhe; ose 1.4. vepra ka rrezikuar sigurinë ekonomike dhe ushtarake të Republikës së Kosovës”, thuhet në nenin 126 të Kodit Penal.

    Burgim të përjetshëm parasheh edhe paragrafi 3 i nenit 129 të Kodit Penal.

    Sipas këtij paragrafi, kushdo që kryen vepër terroriste e që rezulton me vdekjen e një apo më shumë personave, kryesi dënohet me burgim së paku 15 vjet ose me burgim të përjetshëm.

    “Kur vepra nga paragrafi 1. i këtij neni rezulton me vdekje të një apo më shumë personave, kryesi dënohet me burgim së paku pesëmbëdhjetë (15) vjet ose me burgim të përjetshëm”, thuhet në paragrafin 3 të nenit 129 të Kodit Penal.

    Seanca kundër të pandehurve do të mbahet sot, duke filluar nga ora 10:00 në Gjykatën Themelore të Prishtinës.