Kryetari i Kryeqytetit, Përparim Rama ka marr vendim për ndryshimin e rrjetit të linjave dhe itenerareve të transportit publik që ofrohet nga NPL “Trafiku Urban”
Ndryshimet janë bërë në linjat 1, 1A, 3, 3B, 3C, 4, 7C dhe 15.
Në këtë link, mund të gjeni të gjitha linjat me ndryshimet e bëra.
Ambasadori amerikan në Kosovë, Jeffrey Hovenier, ka thënë të mërkurën se Shtetet e Bashkuara janë të gatshme ta këshillojnë Kosovën në hartimin e statutit për Asociacionin e komunave me shumicë serbe.
Megjithatë, ai e ka përmendur që në fund, kjo çështje është në duart e Bashkimit Evropian, si ndërmjetësuese e dialogut mes Kosovës dhe Serbisë.
Në një bashkëbisedim me gazetarët në ambasadë, Hovenier ka thënë se SHBA-ja do ta mirëpresë secilin propozim të Kosovës në këtë temë, që do të jetë “kredibil dhe i arsyeshëm”.
“Në fund, kjo çështje do t’i përkasë dialogut të ndërmjetësuar nga BE-ja. Mirëpo, nëse Kosova dëshiron të konsultohet me ne, ose të tjerët, se si të çojë diçka përpara në mënyrë më të mirë, ne jemi të gatshëm ta këshillojmë”.
Ky është reagimi i parë i ambasadorit Hovenier për këtë çështje, pas deklaratës së presidentes së Kosovës, Vjosa Osmani ditë më parë se Kosova duhet ta përgatisë draft-statutin për Asociacionin e komunave me shumicë serbe bashkë me Shtetet e Bashkuara.
Kosova dhe Serbia kanë arritur marrëveshje për Asociacionin më 2013 dhe më pas më 2015 mbi parimet për themelimin e tij.
Po më 2015, Gjykata Kushtetuese e Kosovës ka gjetur se marrëveshja nuk është në harmoni të plotë me Kushtetutën.
Serbia kërkon që Kosova të zbatojë marrëveshjet e arritura, por Qeveria e Kosovës është deklaruar kundër një asociacioni njëetnik.
Së fundi, komuniteti ndërkombëtar e ka rritur presionin ndaj Kosovës duhet e kërkuar formimin e Asociacionit sa më shpejt.
Diplomatët amerikanë e kanë përsëritur disa herë se Shtetet e Bashkuara besojnë se Asociacioni duhet të jetë plotësisht në përputhje me Kushtetutën e Kosovës.
Kryetari i Kuvendit të Kosovës, Glauk Konjufca ka kritikuar deputetët për mos votimin e marrëveshjeve ndërkombëtare.
Konjufca tha se një “kuvend që nuk e ka kapacitetin e vet objektiv me kalu marrëveshje ndërkombëtare nuk ia vlen me ekzistu legjislatura hiç”
“Me thënë të drejtën unë si kryetar i Kuvendit të Kosovës mendoj që një kuvend që nuk e ka kapacitetin e vet objektiv me kalu marrëveshje ndërkombëtare nuk ia vlen me ekzistuar legjislatura hiç”, ka thënë Konjufca.
Shefi i Grupit Parlamentar të Lidhjes Demokratike të Kosovës, Arben Gashi ka thënë se deputetë të pozitës kanë gënjyer kur kanë thënë që LDK-ja nuk i ka votuar marrëveshjet ndërkombëtare.
Ai tha se kanë bashkëpunuar gjithherë në votimin e këtyre marrëveshjeve përveç njërës.
“Meqenëse në vazhdimësi kemi parë shpifje dhe të pavërteta nga Ministri I Financave që deklaron në ‘Facebook’ se LKDK-ja nuk po I voton marrëveshjet ndërkombëtare nuk është e vërtetë, sepse ne I kemi përkrahë përveç nja marrëveshje, të gjitha të tjerat. Poashtu të njëjtën gjë e ka bërë kryetari I Komisionit të Ekonomisë, duke mos e përmendur në mënyrë eksplicite LDK-në por duke e gjeneralizuar opozitën. Mendoj që është e padrejtë, e pasaktë dhe e paduhur dhe nuk i kontribuon konsensusit në Kuvendin e Kosovës”, ka thënë ai.
Por, më pas LDK-ja nuk mori sërish pjesë në votimin e disa marrëveshjeve ndërkombëtare që u shtynë në një seancë tjetër.
NATO duhet ta rivendosë kontrollin në veri të Kosovës, thotë kryeministri shqiptar Edi Rama i cili u bën thirrje liderëve perëndimorë të zgjidhin ‘çmendurinë e pafundme’ midis vendeve të Ballkanit.
“NATO duhet të rivendosë kontrollin e veriut të Kosovës ose të përballet me dhunën e vazhdueshme midis serbëve etnikë dhe shqiptarëve në rajon, sipas kryeministrit të Shqipërisë”.
Rama, vendi i të cilit është anëtar i aleancës ushtarake, foli për Financial Times pasi terroristët serbë morën peng një manastir në Kosovën veriore, duke marrë të paktën katër jetë, duke përfshirë atë të një polici etnik shqiptar.
“Kosova është një pikë e nxehtë”, tha Rama.
“Me kalimin e viteve është bërë një tokë e askujt ku të gjitha llojet e krimeve kombinohen me nacionalizmin në rritje. Kufiri mes krimit dhe politikës është zbehur”, u shprej ai për Financial Times.
NATO tha se do të vendoste sa më shumë trupa paqeruajtëse të nevojshme për të stabilizuar situatën, me Gjermaninë dhe Britaninë e Madhe që tashmë kanë premtuar qindra ushtarë në krye të forcës ekzistuese prej 4500 trupash për të mbajtur rajonin nën kontroll.
Udhëheqësit e Kosovës dhe Serbisë i kanë bërë gjithashtu thirrje NATO-s që të rrisë praninë e saj dhe të qetësojë tensionet. Kosova ka fajësuar Serbinë për sponsorizimin e sulmit dhe për lëvizjen e njësive të ushtrisë afër kufirit të Kosovës, në atë që tregonte qëllime luftarake. Beogradi mohoi të kishte plane të tilla, por po strehon udhëheqësin e milicisë, Milan Radojiçiq, i cili kreu rrethimin e manastirit.
Pas sulmit të atij manastiri, autoritetet e Kosovës gjetën një depo të madhe armësh, duke përfshirë eksplozivë, artileri të rëndë dhe automjete ushtarake. Ju lutemi përdorni mjetet e ndarjes që gjenden nëpërmjet butonit të ndarjes në krye ose në anën e artikujve.
Shqiptarët përbëjnë grupin etnik më të madh në Kosovë, i cili u shkëput nga Serbia në vitin 2008. Beogradi nuk e ka njohur atë si një komb të pavarur – një hap i ndërmarrë nga SHBA dhe shumica e vendeve të BE-së.
Një pakicë etnike serbe është e përqendruar në pjesën veriore të Kosovës dhe ka refuzuar autoritetin e Prishtinës, duke organizuar protesta dhe bllokada të shumta gjatë vitit të kaluar.
BE, SHBA dhe fuqitë e tjera perëndimore janë përpjekur të ndërmjetësojnë bisedimet midis Serbisë dhe Kosovës, por pavarësisht se ishin afër një marrëveshjeje në mars, propozimet u shpërbënë si rezultat i zgjedhjeve të diskutueshme komunale në veri të Kosovës.
Pas kësaj kryeministri i Shqipërisë Edi Rama avokoi për një “konferencë të nivelit të lartë” që përfshin liderët e Francës dhe Gjermanisë dhe riangazhimin e SHBA.
“Kjo është mënyra më e mirë për të dalë nga kjo çmenduri e pafund”, tha Rama.
Udhëheqësi shqiptar tha se ai kishte tërhequr tashmë vëmendjen për përkeqësimin e situatës së sigurisë në Kosovë gjatë një samiti të NATO-s në korrik.
Qëllimi, tha ai, ishte “njohja e plotë e Kosovës në BE dhe në Kombet e Bashkuara.
Nuk është e lehtë të ndryshosh rrjedhën e historisë, kjo kërkon lidership. Por nëse Franca dhe Gjermania mund ta bëjnë atë [pas Luftës së Dytë Botërore], nëse Arabia Saudite dhe Izraeli mund ta bëjnë atë, atëherë ne e dimë se mund të ndodhë.” Rama për një kohë të gjatë u përmbajt nga përfshirja në konfliktin e Kosovës, në vend të kësaj ndërtoi lidhje të përzemërta me Beogradin teksa kërkonte të bënte përparim në rrugën e anëtarësimit në BE për Ballkanin Perëndimor. Por duke pasur parasysh kërcënimin në rritje të sigurisë jo vetëm për shqiptarët në Kosovë, por edhe për rajonin në tërësi”, tha Rama.
Sipas tij, jostabiliteti në Ballkanin Perëndimor i shërben interesave të Moskës.
“Rusia e ka mbështetur prej kohësh Serbinë dhe nuk e ka njohur pavarësinë e Kosovës. Pas pushtimit të Rusisë në shkallë të plotë të Ukrainës vitin e kaluar, Beogradi i rezistoi thirrjeve perëndimore për të vendosur sanksione ndaj Rusisë. Kremlini do të dëshironte gjithashtu të shihte një Donbas të vogël në Kosovë dhe të ndezte një zjarr separatizmi në mes të Evropës”, tha Rama.
Shefi i Grupit Parlamentar të PDK-së, Ableard Tahiri ka thënë se nuk do t’i votojnë marrëveshjet ndërkombëtare.
Madje, Tahiri kërkoi të caktohet data e zgjedhjeve të reja pasi sipas tij legjislatura aktuale është jo funksionale.
“Ne ju ftojmë të caktojmë datën e zgjedhjeve. Atë ditë që dakordohemi që të shpërbëhet ky parlament kemi me i votu marrëveshjet ndërkombëtare. Kjo legjislaturë është jofunksionale”, deklaroi Tahiri.
Kuvendi i Kosovës ka votuar në parim projektligjin për shëndet riprodhues dhe fertilizim të asistuar mjekësor.
Në votim morën pjesë 63 deputetë nga 85 sa ishin në sallë. 58 votuan për, një kundër dhe katër abstenuan. Kryeparlamentari Glauk Konjufca ka konstatuar se projektligji ka kaluar.
Projektligji parasheh që shërbimi IVF të aplikohet edhe në sektorin publik, pasi deri tash mundësohej vetëm në klinikat private në Kosovë dhe jashtë vendit.
Vëllimi i tregtisë me pakicë në eurozonë u ul me 1.2% në eurozonë dhe 0.9% në BE në muajin gusht dhe ra me përkatësisht 2.1% dhe 2% në bazë vjetore duke tejkaluar pritjet e tregut, u zbuluan të mërkurën shifrat zyrtare.
Sipas Eurostat, autoriteti statistikor i bllokut, shitjet u ulën me 3% për karburantet e automobilave, 1.2% për ushqimin dhe 0.9% për produktet joushqimore nga muaji në muaj në eurozonë, shkruan AA, transmeton KosovaPress.
Ndërkohë, vëllimi i tregtisë me pakicë u ul me 2.4% për karburantet e automobilave, 0.9% për ushqimet, pijet dhe duhanin, dhe 0.6% për produktet joushqimore në BE.
Ndër vendet anëtare, uljet më të mëdha mujore u regjistruan në Portugali (-3,0%), Francë (-2,8%) dhe Belgjikë (-1,5%), dhe rritjet më të larta u panë në Luksemburg (+1,9%), Poloni (+ 1.7%) dhe Danimarkë (+1.6%).
Në bazë vjetore, vëllimi i tregtisë me pakicë ra me 7.7% për karburantet e automobilave, 3.2% për ushqimet, pijet dhe duhanin, dhe 0.2% për produktet joushqimore në eurozonë, dhe u ul me 7.4% për karburantet e automobilave. 3.0% për ushqimin, pijet dhe duhanin, dhe 0.1% për produktet joushqimore në BE.
“Ndër shtetet anëtare për të cilat disponohen të dhëna, uljet më të mëdha vjetore në vëllimin total të tregtisë me pakicë u regjistruan në Slloveni (-21,5%), Belgjikë (-8,5%) dhe Estoni (-7,9%).
“Rritjet më të larta janë vërejtur në Luksemburg (+8,7%), Spanjë (+8,1%) dhe Qipro (+5,9%)”, sipas Eurostat.
Departamenti i Komunës së Venecias ka konfirmuar se 21 persona kanë vdekur pasi një autobus u rrëzua nga një mbikalim mbi një linjë hekurudhore midis rretheve Mestre dhe Marghera të martën.
Autobusi me energji metani shpërtheu në flakë pasi ra nga mbi 10 metra lartësi nga mbikalimi.
Paolo Rosi, koordinatori i njësisë së shërbimit të urgjencës Suem 118 Veneto, tha për ANSA se një foshnjë, një fëmijë 12-vjeçar dhe një vajzë adoleshente ishin në mesin e viktimave, transmeton KosovaPress.
Ai tha se katër nga të lënduarit janë në kujdes intensiv.
Ata janë të gjithë të moshës nga 20 deri në 30 vjeç, thanë burimet.
Tre prej tyre janë në spitalin dell’Angelo të Mestre dhe një është në spital në qytetin e afërt Dolo, thanë burimet.
Shtatë nga të vdekurit janë identifikuar.
Është gjithashtu një grua austriake që mendohet se është nënë e dy vajzave të moshës tre dhe 13 vjeç, të cilat ndodhen në spitalin e Treviso-s, të cilat raportohet se nuk janë në rrezik për jetën.
Kryeministrja Giorgia Meloni shprehu “ngushëllimet e saj më të thella” dhe tha se ndjen dhimbje për viktimat, familjet dhe miqtë e tyre.
Autobusi po udhëtonte nga qendra e Venecias për në një vend kampingu.
Ekipet e shpëtimit thanë se ishte “tragjedi e të rinjve”.
Zëdhënësi i Ministrisë së Jashtme të Ukrainës, Oleg Nikolenko ka thënë se pesë nga personat e vrarë në aksident ishin shtetas ukrainas, raportoi Rbc-UKraine.
Nikolenko tha se tre nga të plagosurit ishin gjithashtu ukrainas.
Burimi tha se të paktën një gjerman ishte mes të vdekurve, si dhe shoferi italian.
Prokurorët e Venecias kanë hapur një hetim për të përcaktuar se çfarë ka ndodhur.
Kolegët e shoferit thanë se ai ishte një profesionist me përvojë.
Një hipotezë është se ai mund të ketë pasur një kthesë të keqe ndërsa ishte në timon.
Mbetjet e autobusit janë nxjerrë nga vendi i aksidentit gjatë natës dhe janë dërguar në një depo. (ANSA).
Ambasadori britanik në Kosovë, Nicholas Abbott, ka vizituar ushtarët në Bondsteel, ku nga atje ka konfirmuar se në Kosovë do të vijnë 200 ushtarë tjerë britanikë.
Abbott është shprehur i lumtur që Britania e Madhe po kontribuon për të ruajtur paqen në Kosovë.
Postimi i plotë:
Kam vizituar kampin Bondsteel për të takuar ushtarë britanikë nga Regjimenti Mbretëror i Princeshës së Uellsit, të cilët kanë qenë në Kosovë si pjesë e një stërvitjeje vjetore. Ata janë tani nën komandën e NATO-s dhe do t’u bashkohen 200 ushtarë të tjerë nga angazhimi i Forcave Rezervë Strategjike të Mbretërisë së Bashkuar në ditët në vijim.
Në një kohë të vështirë dhe shqetësuese për shumë njerëz në Kosovë, jam i kënaqur që Britania e Madhe vazhdon të japë një kontribut të fuqishëm në mandatin e KFOR-it për të ruajtur një mjedis të sigurt dhe lirinë e lëvizjes për të gjithë njerëzit e Kosovës.