Category: Lajme

Sekretari i Përgjithshëm i NATO-s, Jens Stoltenberg, ka shkruar për takimet që pati me udhëheqësit serbë në Beograd ku qëndroi atje në kuadër të vizitës në disa shtete të rajonit.

Ai tha se Serbia është e përgatitur që të mbajë përgjegjës autorët që shkaktuan dhunë së fundi në Kosovë.

“Diskutime me presidentin e Serbisë, Aleksandar Vuçiq dhe kryeministren e Serbisë, Ana Bërnabiq, për tensionet e fundit dhe rolin vital të KFOR’it në mbrojtjen e të gjithë komuniteteve në Kosovë. E mirëpres që Serbia është e përgatitur që të ndihmojë në sigurimin e llogaridhënies për autorët e dhunës së fundit”, ka shkruar Stoltenberg në X.

Timely discussions w/ President @avucic & @SerbianPM Brnabić on recent tensions & @NATO_KFOR’s vital role in protecting all communities in #Kosovo. I welcome that #Serbia is prepared to help ensure accountability for perpetrators of recent violence. pic.twitter.com/Q3ks9o3kMO

— Jens Stoltenberg (@jensstoltenberg) November 21, 2023

Autoritetet polake kanë njoftuar se kanë arrestuar dhe akuzuar një grua 38-vjeçare polake që vendosi një mjet shpërthyes në një rrugë në qendër të Varshavës në fillim të këtij muaji.

Policia tha se gruaja e vendosi pajisjen në Varshavë natën e 10-11 nëntorit dhe më pas mori një tren për në shtëpinë e saj në Poloninë perëndimore.

Nuk ka të lënduar, por pajisja mund të kishte lënduar shumë persona, theksoi policia.

“Një pajisje shpërthyese e improvizuar plot me bombola gazi dhe gozhdë mund të kishte shkaktuar një kërcënim serioz për shëndetin dhe jetën e shumë njerëzve”, thuhet në deklaratë.

Ajo akuzohet për “shkaktim rreziku dhe rrezikim të jetës dhe shëndetit të disa personave, si dhe përgatitje për shkaktimin e atij rreziku”. Policia përdori pamjet e kamerave të vëzhgimit për të gjurmuar lëvizjet e saj.

E arrestuar në shtëpinë e saj

Pas instalimit të pajisjes në Varshavë, ajo u drejtua në stacionin kryesor të trenit të kryeqytetit polak, më pas udhëtoi për në qytetin perëndimor polak të Wroclaw dhe u arrestua në shtëpinë e saj në qytetin e afërt të Strzelin.

Policia e përshkroi të dyshuarin si një grua polake që tregonte simpati për ekstremizmin islamik, por nuk donte të jepte detaje të mëtejshme rreth saj. Ata publikuan një video që tregonte se po i merrte gjurmët e gishtave dhe i prangosën nga policia, dhe treguan disa nga sendet që ata thanë se gjetën në shtëpinë e saj.

Mes tyre ishte edhe një foto e Osama bin Ladenit. “Oficerët e policisë siguruan sende dhe pajisje të lidhura me Shtetin Islamik, si dhe sende që mund të përdoreshin për të bërë një tjetër mjet shpërthyes”, përfunduan ata.

Zëvendëskryeministri dhe ministri i Jashtëm Antonio Tajani tha të martën se qeveria do të paraqesë një projektligj në parlament për të ratifikuar marrëveshjen që ka arritur me Tiranën për ngritjen e qendrave të emigrantëve në Shqipëri.

Pati disa diskutime fillestare se nuk kishte nevojë që kjo marrëveshje ndërkombëtare të miratohej nga parlamenti, diçka që bëri që partitë opozitare të reagojnë.

“Qeveria synon të paraqesë shpejt një projekt-ligj ratifikimi në Parlament që do të përmbajë gjithashtu rregullat dhe fondet e nevojshme për zbatimin e protokollit”, tha Tajani.

“Debati i sotëm (për marrëveshjen) dhe votimi në fund të tij dëshmojnë, nëse ka pasur nevojë, se qeveria jonë nuk i është shmangur asnjëherë dialogut dhe shqyrtimit parlamentar, veçanërisht për çështje të një rëndësie të tillë”, shtoi ai.

Ministri italian tha se në Shqipëri në bazë të marrëveshjes do të ngrihen dy qendra dhe jo më shumë se 3000 emigrantë do të mbahen atje në të njëjtën kohë. Ai përsëriti se vetëm emigrantët e shpëtuar në det nga autoritetet italiane do të dërgohen në qendrat në Shqipëri dhe jo ata që shpëtohen nga anijet e drejtuara nga OJQ-të apo personat që zbarkojnë në tokën italiane.

“Nuk do të jetë e mundur të tërhiqen maunat e kontrabandistëve dhe as të drejtohen varkat e drejtuara nga organizata joqeveritare drejt Shqipërisë”, tha ai. “Emigrantët do të kenë të njëjtin trajtim siç parashikohet nga rregulloret italiane dhe evropiane”.

Tajani shtoi se “ky Protokoll nuk është i krahasueshëm me marrëveshjen mes Britanisë së Madhe dhe Ruandës. /ANSA/

Presidenti i Azerbajxhanit, Ilham Aliyev, akuzoi Francën se po krijon kushtet për një luftë të re në Kaukazin Jugor, duke furnizuar me armë Armeninë.

Muajin e kaluar, Franca arriti kontrata të reja për të furnizuar me pajisje ushtarake Armeninë.

“Franca destabilizon jo vetëm shtetet që ka pasur koloni në të kaluarën dhe që ka tani, por edhe rajonin tonë, Kaukazin Jugor, duke mbështetur tendencat separatiste dhe separatistët”, tha Aliyev gjatë një konference për shkolonizimin në Baku.

“Duke armatosur Armeninë, ajo zbaton politika ushtarake, inkurajon forcat revanshiste në Armeni dhe përgatit terrenin për nisjen e luftërave të reja në rajonin tonë”, shtoi presidenti azerbajxhanas.

Ende nuk ka ndonjë reagim nga Parisi për këto deklarata.

Baku dhe Jerevani kanë zhvilluar dy luftëra në tri dekadat e fundit, por Aliyev shënoi një fitore të rëndësishme në shtator duke rimarrë rajonin e kontestuar të Kabarakut, ku armenët etnikë kishin gëzuar një pavarësi de facto që nga fillimi i viteve ’90. Mbi 100.000 armenë etnikë që nga ofensiva e shtatorit janë larguar për në Armeni.

Azerbajxhani tani është në një pozitë të fuqishme për të fituar avantazhe në një marrëveshje të paqes me Armeninë. Por, Bakuja gjithnjë e më shumë po merr një qëndrim të ashpër ndaj shteteve perëndimore, veçmas ndaj Francës dhe Shteteve të Bashkuara – dy shtete që kanë komunitete të mëdha të armenëve etnikë.

Bashkimi Evropian, SHBA-ja dhe Rusia për vite të tëra kanë tentuar që të ndërmjetësojnë një marrëveshje të paqes mes Azerbajxhanit dhe Armenisë. Por, deri më tani këto përpjekje kanë dështuar.

Në herët gjatë javës, kryeministri i Armenisë, Nikol Pashinyan, falënderoi BE-në për punën që po bën që të sjellë më afër një marrëveshje të paqes, por tha se të dyja palët “ende po flasin me gjuhë të ndryshme diplomatike”./REL/

jë snajper ukrainas theu rekordin botëror, duke vrarë një ushtar rus nga një distancë prej 3.8 kilometrash, njoftoi Shërbimi i Sigurisë së Ukrainës (SBU).

Informacioni i pa verifikuar, i cili qarkulloi fillimisht në mediat ukrainase, u konfirmua për Newsweek nga një burim nga qarqet e inteligjencës ukrainase.

Meqë ra fjala, snajperi i forcave speciale kanadeze mbante rekordin që nga viti 2017 pasi u konfirmua se ai kreu një vrasje me snajper nga një distancë prej 3.540 metrash në Irak.

Para tij titullin e mbante snajperi britanik Craig Harrison, i cili në vitin 2009 vrau një luftëtar taleban në Afganistan, duke goditur nga një distancë prej 2.475 metrash.

“Snajperi i SBU vendosi një rekord botëror. Ai goditi një ushtar rus nga një distancë e pabesueshme”, njoftoi zyra për media e SBU. Ata shtuan se gjuajtja tejkaloi rekordin e mëparshëm botëror me afërsisht 260 metra.

“Snajperët e SBU po ndryshojnë rregullat e snajperimit në botë, duke demonstruar aftësinë për të punuar në mënyrë efektive në distanca fantastike,” theksuan ata. Ndërkohë, mediat ukrainase shpërndanë pamjet që pretendojnë se tregojnë goditjen rekord.

Ukraina po hyn me shpejtësi në muajin e 21-të të luftës pasi Rusia pushtoi në shkurt të vitit të kaluar.

Presidentja e Kosovës, Vjosa Osmani deklaroi se ka çështje që krijojnë dykuptimësi në draft-statutin e Asociacionin të komunave me shumicë serbe. Ajo tha se shpreson se të njëjtat do të eliminohen para se drafti të dërgohet për interpretim në Gjykatën Kushtetuese.

E para e vendit tha se ka përgatitur komentet me shkrim dhe se i ka dërguar tek të gjithë akterët e involvuar në përgatitjen e këtij drafti.

Kështu u shpreh Osmani pas ndarjes së çmimit për “Guxim-Vasfije” për doktorin Shukri Gërxhaliun.

Ajo tha para mediave se është kërkesë e emisarëve ndërkombëtar që të mos bëhen publike komentet në lidhje me këtë draft-statut.

Tutje, kryetarja e shtetit nuk dha detaje sa i përket komenteve të saj, por shtoi se është e padrejtë që i njëjti nuk është ndarë edhe me partitë opozitare.

Presidentja Osmani theksoi se shumë prej parimeve të vitit 2015 nuk janë të pranishme në draft-statutin euroamerikanë./kp

Dridhje të tokës janë regjistruar të martën në mesditë, ka njoftuar Qendra Sizmologjike Euro-Mediterane (EMSC).

Në njoftimin e publikuar në rrjetin social X, EMSC-ja shkroi se tërmeti është regjistruar 20 kilometra në drejtim të Pejës, por që ende s’është bërë e ditur shkalla e magnitudës.

Ndërsa, EMSC-ja ka theksuar se dridhje të tokës janë regjistruar edhe pranë Shkodrës, me magnitudë 3.4 shkallë të Rihterit.