Category: Lajme

Sekretari amerikan i Shtetit, Antony Blinken, do të marrë pjesë në një darkë joformale në Këshillin Ministror të shteteve anëtare të Organizatës për Siguri dhe Bashkëpunim në Evropë (OSBE), që mbahet në Shkup më 30 nëntor dhe 1 dhjetor, tha të shtunën ministri i Jashtëm i Maqedonisë së Veriut, Bujar Osmani.

Më herët është paralajmëruar edhe pjesëmarrja e një delegacioni rus, ku do të duhet të jetë edhe ministri i Jashtëm i Rusisë, Sergej Lavrov. Por, për ardhjen e tij të mundshme ende nuk ka konfirmim zyrtar.

Më 24 nëntor, Qeveria e Maqedonisë së Veriut mori vendim për ta hequr ndalesën e fluturimeve të avionëve rusë vetëm për fluturimin e delegacionit rus.

“Sigurisht që nuk duhet të presim që të gjithë të qëndrojnë për tri ditë. Këta janë njerëz të rëndësishëm që do të vijnë në një pjesë të ngjarjes dhe do të largohen. Se a do të përkojnë datat e qëndrimit të tyre, nuk mund të them, sepse ende jemi duke i përcaktuar ato”, tha Osmani në konferencën për media, shkruan Rel.

Osmani ka thënë më herët se Lavrovi ia kishte dërguar një letër në fillim të nëntorit në të cilën, “ka treguar interes dhe kërkesë për të siguruar praninë e tij në Shkup”.

Para disa ditësh, Osmani tha se kërkesat për viza të delegacionit rus janë duke u proceduar dhe sapo të ketë informacione, opinioni do të informohet.

“Vendimi për sanksionet e Bashkimit Evropian nuk vlen për ngjarjet e natyrës shumëpalëshe siç është OSBE-ja, prandaj është vendim i qeverive që duhet ta sjellin, por ka një bazë ligjore në BE. Tani, ne dhe të paktën një nga vendet tona fqinje duhet të marrim një vendim të tillë. Bullgaria apo Greqia për të mundësuar një fluturim të tillë”, tha ministri i Punëve të Jashtme, Bujar Osmani, më 15 nëntor.

Këshilli Ministror i OSBE-së, që do të mbahet në Shkup, shihet si një ngjarje kyçe në të cilën do të vendoset se si do të funksionojë organizata në të ardhmen, duke pasur parasysh pengesat dhe bllokadat e vazhdueshme të vendosura nga Rusia që nga nisja e pushtimit të Ukrainës shkurtin e vitit të kaluar.

Një nga sfidat kryesore është gjetja e një vendi që do të marrë presidencën nga Maqedonia e Veriut për vitin e ardhshëm.

Ministri i Punëve të Jashtme, Bujar Osmani, tha se tre skenarët për zgjidhje të mundshme që kanë qarkulluar deri më tani në opinion janë ende në lojë.

E para është të arrihet një konsensus për kryesimin e Estonisë, e dyta është gjetja e një vendi tjetër për të cilin 57 shtete anëtare do të arrijnë një konsensus dhe e treta është që Maqedonia e Veriut të jetë në krye të organizatës edhe vitin e ardhshëm.

Në Këshillin Ministror në Shkup që do të mbahet më 30 nëntor dhe 1 dhjetor do të marrin pjesë 76 delegacione, 57 nga shtetet anëtare të OSBE-së dhe shtetet e tjera partnere të organizatës.

Bora ka mbuluar Kosovën, ashtu siç kishin paralajmëruar meteorologët ditë më parë.

Ndërsa janë shkaktuar disa dëme, kryesisht në shtylla dhe në përçues elektrikë duke bërë kështu që të ketë probleme me furnizim të rregullt me energji elektrike.

KEDS-i ka njoftuar se distriktet më të prekura janë Ferizaj, Prishtina, Mitrovica dhe Prizreni.

“Ekipet e KEDS-it gjenden në terren dhe po punojnë pandërprerë në mënyrë që ta kthejnë në normalitet gjendjen me furnizim me energji elektrike. KEDS kërkon mirëkuptim nga konsumatorët dhe i siguron që në një afat sa më optimal do të rikthehet furnizimi i rregullt me energji elektrike”, thuhet në njoftim.

Një ish-oficer policie i Minneapolis i dënuar për vrasjen e George Floyd, një vrasje që çoi në protesta mbarëkombëtare, u ther me thikë të premten në një burg federal në Arizona.

Një ish-oficer policie i Minneapolis i dënuar për vrasjen e George Floyd, një vrasje që çoi në protesta mbarëkombëtare, u ther me thikë të premten në një burg federal në Arizona.

Derek Chauvin u sulmua të premten në Institucionin Federal Korrektues në Tucson dhe ishte në gjendje të qëndrueshme, sipas CNN.

“Një i burgosur” u sulmua në burgun Tucson, Arizona rreth orës 12:30 pasdite sipas orës lokale, tha Byroja e Burgjeve në një deklaratë të premten, dhe më vonë u konfirmua se ishte Chauvin.

“Punonjësit nisën masat për shpëtimin e jetës së të burgosurit”, dhe ai person u dërgua në një spital për trajtim, tha byroja. “Asnjë punonjës nuk u lëndua gjatë incidentit”, thuhet në deklaratë.

Prokurori i Përgjithshëm i Minesotës, Keith Ellison, zyra e të cilit ndoqi penalisht Chauvin në çështjen George Floyd në vitin 2020, u njoftua se Chauvin ishte therur me thikë dhe është në gjendje të qëndrueshme, tha zyra e tij.

“Më vjen keq të dëgjoj se Derek Chauvin ishte objektivi i dhunës”, tha Ellison në një deklaratë. “Ai u dënua siç duhet për krimet e tij dhe, si çdo individ i burgosur, ai duhet të jetë në gjendje të vuajë dënimin e tij pa frikë nga hakmarrja ose dhuna.”

Chauvin u sulmua në burgun e sigurisë së mesme ndërsa vuante dy dënime të njëkohshme në vrasjen e Floyd.

Floyd, një burrë me ngjyrë, u vra më 25 maj 2020 nga oficeri i policisë në Minneapolis, Chauvin i Minesotës, i cili vuri gjunjët në qafën e tij për gati 10 minuta derisa ai vdiq.

Vrasja u incizua në video dhe ndezi protesta në të gjithë vendin kundër brutalitetit të policisë dhe padrejtësisë racore.

Chauvin po vuan një dënim shtetëror mbi 22-vjeçar për akuzat për vrasje, dhe vrasje nga pakujdesia, njëkohësisht me dënimin e tij federal 21-vjeçar për të drejtat civile. (AA)

Vetëm në gjysmën e këtij viti janë raportuar 1883 raste të dhunës më familje, ku viktima ishin 1475 gra dhe 408 meshkuj, e që ky vit pritet të jetë me numrin e rasteve më të mëdha të raportuara në tri vitet e fundit.

Sipas Policisë së Kosovë, në vitin 2021, ishin raportuar 2456 raste të dhunës në familje. Kurse, në vitin 2022, ishin raportuar 2764, ku kryesisht janë ndaj grave. Megjithatë, një numër i raste ngelet brenda katër mureve të shtëpisë. Kjo për shkak të jo efikasitetit të institucioneve në menaxhimin e këtyre lëndëve, dhe gjithashtu edhe për shkak të kërcënimeve të personave që ushtrojnë dhunë ndaj gruas.

Policia e Kosovës në një email për KosovaPress, tregoi se ndër vite ka realizuar fushata vetëdijësuese për pasojat e dhunës në familje, duke potencuar në vazhdimësi se dhuna nuk ndalet pa u raportuar.

Policia thekson se bashkëpunimi me media dhe përdorimi i rrjeteve sociale, i ka ndihmuar që porosia e tyre të përhapet dhe të shkojë tek sa më shumë persona.

“Ndër vite policia ka realizuar edhe fushata vetëdijësuese për pasojat e dhunës në familje duke e potencuar në vazhdimësi se dhuna nuk ndalet pa u raportuar, pa u trajtuar nga organet kompetente. Rastet e dhunës në familje janë raste të ndjeshme dhe qasja e policisë karshi rasteve të dhunës në familje është si parandalimi për dhunën në njërën, anë si dhe trajtimi i rasteve më seriozitet, ka bërë që raste e tilla të vijnë duke u raportuar më shpesh ndër vite. Rastet e dhunës në familje në secilin stacion policor, trajtohen nga zyrtarë policorë që kanë kryer trajnime shtesë për raste të tilla, por rastet e tilla gjithashtu trajtohen në bashkëpunim të ngushtë me Qendrat për Punë Sociale, Mbrojtësit e Viktimave dhe natyrisht me organet e drejtësisë. Sidomos, raste kur janë të përfshirë fëmijët si viktimë prania e punëtorit të QPS-së, është e domosdoshme. Policia ka përdorë forma të ndryshme për të arritur këtë qëllim, si: fushatat, shpërndarja e fletë-palosjeve më porosi konkrete, ligjërata në shkolla etj. Natyrisht se bashkëpunimi me media dhe përdorimi i rrjeteve sociale na ka ndihmuar që porosia jonë të përhapet dhe të shkojë të sa më shumë persona, e ky është qëllim primar, sepse pas vetëdijesimit, vije deri te shtimi i njoftimeve për raste të tilla,” u përgjigj policia në një email.

Besarta Breznica nga Rrjeti i Grave të Kosovës, tha se viteve të fundit ka pasur një raportim më të madh të rasteve të dhunës në baza gjinore, kryesisht në familje.

Sipas saj, RRGK-ja i ofron viktimave të dhunës monitorim falas në gjykata, avokat i cili i përfaqëson ato në institucione kompetente dhe këshillim ligjor falas.

“Ajo se çka RRGK-ja, ofron për viktimat e dhunës në familje në përgjithësi, viktimat e dhunës në baza gjinore, është që ofron monitorim falas në gjykata, kemi avokat i cili i përfaqëson viktimat e dhunës në familje në institucionet kompetente, bën shkresa, padi, lënda të tjera të cilat janë të nevojshme, në të njëjtën anë kemi dhe këshillim ligjor falas që ne e ofrojmë. Përveç kësaj, RRGK është në teren gjatë gjithë kohës, në kontakt të ngushtë me shumë gra, me vajza që i informon ato për të drejtat e tyre edhe ku ato munden të kërkojnë ndihmë”, tha Breznica.

Breznica shtoi se njëra nga arsyeve që gratë nuk e raportojnë rastin është për shkak se shumë prej dhunuesve njohin persona në institucione e Kosovës dhe trajtimi i lëndës dhe raportimi është më i sikletshëm.

“Pa dyshim që një viktimë e tillë përafërsisht ka qenë viktimë e dhunës për 10 vite me radhë, ajo ka duruar në një ambient të tillë për shkak që kërcënimet e dhunuesve janë shumë të forta në Kosovë, për shkak që vlen të ceket edhe shumë prej dhunuesve kanë persona të njohshëm në institucione tona dhe prandaj trajtimi i lëndës dhe raportimi është pak më i sikletshëm, për shkak që viktima konstant është duke u kërcënuar prej dhunuesve duke thënë që “nëse raporton dhunën në institucionet kompetente, unë i kam personat e mijë atje, nuk ki ku të shkosh, nuk ke çfarë të bësh“. Përveç kësaj vlen të cekët se kur një grua është viktimë e dhunës në familje, ajo ka pësuar edhe dhunë ekonomike fillimisht, dhe nuk është e pavarur ekonomikisht, nuk ka as shtëpi, as pronë, as punë e as pagë, kështu që raportimi është shumë i vështirë në raste të tilla për shkak që personi në fjalë nuk e sheh një mbështetje se ku të shkojë”, vijoi Breznica.

Ndërsa, psikologu Kristjan Halilaj, tha se dhuna psikologjikisht te gratë, fëmijët dhe meshkujt ndikon në zhvillimin psikologjik dhe emocional, në humbjen e vetëbesimit dhe në kujdesin e vetës.

Zgjidhja më e mirë sipas Halilaj, është zgjedhja e ëndrrave dhe luftimi për realizimin e tyre, pasi që njerëzit në ditët e sotshme kanë harruar ëndrrat, idealet dhe gjërat më të çmueshme që ata i frymëzojnë.

“Dhuna në familje, shkakton probleme të ndryshme, varësisht prej individëve, varësisht se si manifestohet te individët, jo domosdoshmërisht kalon në depresion, por arrin me shkaktuar edhe varësi emocionale, varësi alkoolike, abuzimi me droga e të tjera… Zgjedhja e ëndrrave të një personi dhe lufta për realizimin e ëndrrave është zgjidhja më e mirë për të tejkaluar apo mos pasur depresion, pasi që njerëzit në ditët e sotshme kanë harruar ëndrrat, kanë harruar idealet dhe kanë harruar gjërat më të çmueshme që ata i frymëzojnë, dhe kalimi në jetë monotone, të ditë për ditshme dhe robotike, është njëra ndër arsyet pse njerëzit kanë kalua në depresion, humbja e motivit dhe humbja e shpresës për jetën”, u shpreh ai.

Ai shtoi se njëra prej problematikave në ditët e sotshme ku përballen gratë është edhe mungesa e informimit për një trajtim adekuat.

“Njëra prej problematikave në ditët e sotshme, ku përballen gratë është edhe mungesa e informimit për një trajtim adekuat, pasi që në shumicën e rasteve pasi gratë dhunohen, një ndër format e zgjidhjes së problemeve është komunikimi me familjarët apo me nënat e tyre, të cilat kanë pasur ndoshta edhe dhunë në familje dhe mentaliteti maskulist dhe ideja që nevojitet me qëndruar në familje apo në një martesë, përderisa janë të martuar, shkaku i mos humbjes së fëmijëve, vazhdon me pas një jetë të dhunshëm”, shtoi Halilaj.

Ai iu sugjeron të gjitha grave dhe njerëzve të cilët janë të dhunuar, të kërkojnë ndihmë psikologjike në rritjen e vetëbesimit në mënyrë që t’i tejkalojnë këto varësi psikologjike ndaj dhunës.

Sipas Policisë, në vitin 2021, viktima të dhunës në familje ishin 2486 femra dhe 500 meshkuj. Kurse, në vitin 2022, ishin 2289 femra dhe 519 meshkuj.

Kosova ka 9 strehimore, të cilat veprojnë në regjione të ndryshme dhe viktimat e dhunës në familje apo në baza gjinore kanë një derë të hapur ku munden të kërkojnë ndihmë.

Një vajzë ka pranuar tretman mjekësor në QKUK, pasi që e njëjta ishte sulmuar fizikisht nga ish i dashuri i saj.

Rasti ka ndodhur mbrëmë në Prishtinë,, ku i dyshuari është arrestuar dhe pas intervistimit me vendim të prokurorit është dërguar në mbajtje.

Trembëdhjetë pengjet izraelite të liruar të premten janë në gjendje të mirë dhe të qëndrueshme pas lirimit të tyre, thanë mjekët të shtunën.

Qendra Mjekësore e Fëmijëve ‘Schneider’ në Petah Tikva, në lindje të Tel Avivit, tha në një deklaratë se “gjendja e katër fëmijëve dhe katër grave që u kthyen në Izrael mbrëmë është e mirë”.

“Ata janë së bashku me anëtarët e familjes së tyre në kompleksin e dedikuar dhe të veçantë, të rrethuar nga ekipe mjekësore dhe psiko-sociale”, thuhet në deklaratë.

Ndërkohë, Qendra Mjekësore ‘Wolfson’ në Holon, në jug të Tel Avivit, tha se “gjendja e pesë të kthyerve që u pranuan dje në spitalin ‘Wolfson’ është e qëndrueshme”.

“Secili po trajtohet sipas ekzaminimit mjekësor të kryer dje nga ekipi mjekësor dhe janë pranë familjarëve të tyre.

“Ne presim dhe shpresojmë për kthimin e të gjithë të rrëmbyerve”, thuhet në deklaratë./CNN/

Eurodeputeti austriak, Lukas Mandl, në Ditën Ndërkombëtare kundër dhunës në bazë gjinore, ka kujtuar 20 mijë gratë e dhunuara gjatë luftës në Kosovë.

“Bashkë me përfaqësueset gra të Partisë Popullore Evropiane dhe në linjë me organizatën #HeForShe, dua ta #OrangeTheWorld. Dhunimet masive të grave izraelite duhet të kenë vëmendje. Kurrë mos i harroni 20 mijë gratë e dhunuara të Kosovës. Të gjithë ne kemi përgjegjësi”, shkroi Mandl.

Sot shënohet Dita Ndërkombëtare kundër dhunës në bazë gjinore, që avokon kundër dhunës ndaj grave dhe vajzave