Category: Lajme

Kryetarja e Forumit të Gruas së LDK-së, Jehona Lushaku-Sadriu, i ka quajtur shqetësuese rezultatet e Testit PISA të bërë publike të martën, raporton Ekonomia Online. Ajo kritikoi Ministrinë e Arsimit për mënyrën se si ka bashkë-organizuar testimin e nxënësve për PISA.

Lushaku-Sadriu shtoi se herëve të kaluara për rezultatet e dobëta të nxënësve të Kosovës në PISA, partia që tash është në pushtet ka kërkuar seanca të jashtëzakonshme. Sipas saj, derisa në shkollat e Kosovës ka mungesa elementare të kushteve për nxënësit, në buxhet ka suficit.

“Të dhënat janë tepër shqetësuese kur nxënësit e Kosovës tregojnë rezultat të dobët. Këto rezultate janë shqetësuese jo vetëm për ministrinë, për shkollat dhe përfitimet që i kanë nxënësit. Këtu shohim një dështim në mënyrën e bashkë-organizimit nga MAShTI të testit PISA. Ashtu siç janë bërë edhe testime të tjera që MASHTI ka dështuar si Ministri të adoptojë rrethanat ku nxënësit kosovarë do të tregonin performancë më të mirë. Kalueshmëria është tepër e dobët në testet tona kombëtare dhe këtu flasim për një dështim të vetë MASHTI-it në organizimin e testeve tona kombëtare çka flet që është krejt në diskrepancë me atë se sistemi arsimor për mënyrën se si realizohet mënyra e testimit”.

“Duhet të shohim se çka bën MASHT sot. Arsimi s’është prioritet i kësaj Qeverie. VV ka bërë thirrje për seanca të jashtëzakonshme. Pikërisht është VV që nuk tregon as kujdesin minimal sa i përket arsimit. Ju e keni parë që dy vitet e fundit arsimi në Kosovë ka filluar në mënyrë krejt dramatike. Fillimisht, mandati i kësaj ministre ka filluar me shkelje kushtetuese aty kemi kërkuar shkarkimin e saj.

“Paramendojeni qindra miliona rrinë në suficit ndërkohë që në shkollat tona nuk ka banka ashtu siç duhet, s’ka karrige. Nuk ka laboratorë, nuk ka mjete konkretizuese. Qysh të performojë më pas nxënësit mirë se një mësim e mësojnë vetëm nga aspekti teorik dhe jo praktik. Kjo kallëzon shumë sa kjo Qeveri e ka prioritet arsimin dhe sa kjo qeveri e merr seriozisht cilësinë në arsim”.

Lushaku-Sadriu u pyet edhe për mbledhjen e strukturave të partisë për të kompletuar udhëheqësin e re, raporton EO.

“Do të mbajmë mbledhjen e Këshillit të përgjithshëm të shtunën dhe aty pritet që të dalin të gjitha strukturat dhe të kompletohet i gjithë ekzekutivi i jonë partiak”.

Pas publikimit të rezultateve të Testit PISA, ku Kosova u rangua pothuajse në fund, Partia Demokratike e Kosovës vlerëson se u konfirmua zyrtarisht se analfabetizmi qeveritar nuk arriti ta reformojë sistemin arsimor në Kosovë, raporton Ekonomia Online.

Deputetja e PDK-së, Eliza Hoxha në një konferencë për media tha se me Qeverinë Kurti në tri vitet e fundit, kriza në arsim vetëm sa është thelluar edhe më shumë.

“Nuk mund të presim përmirësim të cilësisë në Arsim, kur Qeveria Kurti me veprimet e saj ka vendosur në pikëpyetje kredibilitetin e pothuajse secilit mësimdhënës në Kosovë. Në vend se, t’u ofrojë mbështetje për zhvillim, të aftësive dhe shkathtësive të reja të kohës, siç kishte premtuar, e për të cilat fëmijët tanë kanë kaq shumë nevojë. Çfarë na dëshmohet ne sot, është që nxënësit ngarkohen me libra e informata sasiore, por jo me zhvillim dhe përgatitje cilësore. Dhe kjo, i atribuohet kësaj Qeverie e cila pushtetin e ka marrë duke u thirrur në reformë, por me logjikën si kanë funksionuar këto tri vite, kanë dështuar jo vetëm ata, por ka dështuar edhe Kosova. PISA sot është pasqyra e vërtetë e qeverisjes së Albin Kurtit”, tha ajo.

Hoxha theksoi se Ministria e Arsimit jo vetëm që nuk ka bërë reforma në sistemin arsimor, por edhe i ka penguar ato.

“Po hyjmë në vitin e fundit të kësaj Qeverie, dhe 160 çerdhet e premtuara as afër nuk janë. As 10 sosh nuk janë ndërtuar. Nuk ka pasur asnjë reformë në Arsimin Fillor. Për më tepër, në vend që të bëjë reforma, zgjodhi që të luftoj nga njëra anë mësimdhënësit, e këtë vit nuk doli zot as obligimit kushtetutes dhe ligjor, që të siguroj falas librat për nxënësit e Kosovës. Po ashtu, besoj ju kujtohet lufta që ministrja Nagavci i kishte bërë kryetarit të Komunës së Kamenicës, Qëndron Kastrati në reformën e tij për arsimin fillor, duke i tejkaluar kompetencat e saj dhe duke shkelur Kushtetutën e Kosovës. E sa për digjitalizim e inovacion, as që është diskutuar ndonjëherë nga kjo Qeveri dhe as nuk ka ndonjë lëvizje”, tha ajo.

Ndërsa, anëtari i kryesisë së PDK-së, Muzafer Shala tha se pas të gjeturave shqetësuese të nxjerra nga PISA, Ministrja e Arsimit është dashur qysh sot të jap dorëheqje.

“Qeveria e Kosovës urgjentisht duhet të bëjë prioritet adresimin e problemeve të cilat i ka evidentuar PISA”, shtoi ai.

PDK i ka propozuar Qeverisë së Kosovës nëntë rekomandime, të cilat ata duhet të adresojnë urgjentisht.

“Shkollat duhet të fokusohen në forcimin e kurrikulave të tyre të matematikës, leximit dhe shkencave, duke përfshirë më shumë mundësi mësimore praktike dhe të aplikuara. Mbështetja e studentëve me arritje të ulëta: Të ketë ndërhyrje të synuara dhe mbështetje për nxënësit me arritje të ulëta, të cilat ndihmojnë në ngritjen e nivelit të performancës së tyre. Ngushtimi i hendekut te performancës: Të bëhet përpjekje e vazhdueshme për të mbështetur ata me arritje të ulëta, duke ofruar gjithashtu sfida për ata me arritje të larta. MASHT duhet të zhvillojnë strategji për të mbështetur nxënësit me prejardhje të pafavorshme, duke siguruar që ata të kenë qasje në mjetet e konkretizimit dhe mbështetjen që u nevojitet për të pasur sukses”, janë disa nga rekomandimet e PDK-së për arsimin, të cilat i propozoi Shala.

Policia e Kosovës ka kryer disa kontrolle në subjektin biznesor të dyshuar në tri lokacione në Prishtinë.

Kjo kontrollë u realizua pas dyshimeve se një subjekt biznesor, i cili operon në kryeqytet, bënte shitjen e produkteve të ndryshme me shumicë si suplemente të ndryshme, shampona, mjaltë për përdorime të ndryshme për potencë (kamagra etj,) të cilat produkte dyshohet se janë pa origjinë të prejardhjes, disa prej tyre edhe me ndërrim të afatit të skadencës së produkteve.

“Sot me datë 05.12.2023 hetuesit nga Sektori për Hetimin e Krimeve Ekonomike në bashkëveprim me Inspektoratin e Tregut nga Ministria e Industrisë Ndërmarrësisë dhe Tregtisë, kanë ndërmarr veprime në teren lidhur me informatën e lartcekur”– thuhet në njoftimin zyrtar.

Gjatë kontrollës është gjetur sasi e konsiderueshme e mallrave për të cilat pronari nuk ka mundur të prezantoj dokumentet e origjinës së këtij malli.

Në këtë rast Dogana e Kosovës ka sekuestruar sasi të konsiderueshme të mallrave, të dyshuara si të kontrabanduara, ndërsa Inspektorati i tregut ka bërë bllombimin e depos deri në përfundim të rastit nga Dogana e Kosovës.

Një nga personat e dyshuar është marrë nga policia , si person i dyshuar lidhur me dyshimet për veprat penale: “Kontrabandim i mallrave” dhe ‘’Shmangia nga pagesa e tarifave të detyrueshme doganore ose tarifave akcizore’’. I njejti me vendim të prokurorit është liruar me procedurë të rregullt.

Ish-kryetari i Organizatës së Veteranëve të Luftës së Ushtrisë Çlirimtare të Kosovës, Hysni Gucati, është operuar sërish në këmbën në të cilën ishte plagosur gjatë luftës në Kosovë.

Vëllai i tij, Fehmiu, i ka uruar shërim të shpejtë duke thënë që ky ishte operimi i 30-të i Gucatit në këtë plagë.

“Pjesa e trupit tënd ku ti sot u operove për të 30-tën herë është plagë e lirisë që ne sot e gëzojmë”, ka shkruar Gucati për vëllanë e tij.

Komisioni për Punë të Jashtme dhe Diasporë ka pritur të mërkurën në takim ambasadorin e Shqipërisë në Kosovë, Petrit Malaj.

Pas takimit nuk pati deklarata për medie.

Malaj është emëruar së fundmi ambasador i Shqipërisë në Prishtinë.

Është mbajtur edicioni i gjashtë i DISICON, i organizuar nga NDI për integritetin e informacionit, organizim që ka bërë bashkë ekspertë, hulumtuesë, përfaqësues të qeverisë dhe shoqërisë civile dhe mediet, raporton EO.

Konferenca DISICON shërben si platformë për të adresuar çështjet kritike të dezinformimit në baza gjinore dhe dhunës online, në fokus dhunën ndaj grave në politikë.

Nancy Soderberg, drejtoreshë e NDI në Kosovë, tha se dhuna kundër grave paraqet pengesë për pjesëmarrjen e tyre politik dhe se duhet të punohet për një mjedis të sigurt. Madje tha se pa gra nuk ka zhvillim të demokracisë.

“Dy ditë në vijim DISICON do të këtë shumë aktivitete, do të fokusohemi në dizinformimin gjinor, do të bisedojmë për vështirësitë që hasin mediat dhe politikat, dhuna kundër grave paraqet pengesë në pjesëmarrje politike, duhet të punojmë për një mjedis të sigurt”.

“… pa gratë në nuk do të kemi një demokraci që lulëzon, ne duhet të ngrisim vetëdijen për të luftuar këtë fenomen, duhet të kemi masa për të mbrojtur këto parime për të luftuar dhunën gjinore”.

Nuno Querios, përfaqësues i UNDP-së në Kosovë, tha se para disa vitesh dezinforimimi ka kushtuar me jeta të njerëzve. Prandaj edhe duhet që të kihet kujdes në këtë drejtim, duke synuar siguri për të gjithë padallim.

“Po flasim për fake neës dhe lajmet e pa vërtetë janë të hasura 20-30 vite përpara. Para disa viteve dezinformata ka kushtuar me jetë të njerëzve, se si mund tu largojmë këto praktika të këqija. Më vjen mirë që UNDP është bërë bashkë për këtë, keqinformimi mund të ndikojë keq në jetën, komentet e urrejtjes janë të papranishme si online ashtu edhe në jetën e përditshme, duhet të kemi një mjedis të sigurt të mediave”.

AnnaCarin Platon, shefe në Sektorin për Integrim Evropian, Politikë Medie dhe Informim në Zyrën e BE-së në Kosovë, tha se dezinformimi nuk ka qenë çështje e trajtuar më herët, por u shpreh se po punohet në këtë drejtim, raporton EO.

“Dezinformomi nuk ka qenë çështje e trajtuar më herët me vjen mirë që jemi se bashku më NDI, po punojmë. Shqetësimi jonë ka të bëjë më fëmijët e gratë, për dhunën online kundër tyre, meshkujt nuk janë në shumë raste”.

Kryetari i AKR-së, Behgjet Pacolli, në një postim në Facebook ka shkruar se po sheh “disa insinuata të individëve me sjellje skizofrenike që përdorin tragjedi si kjo e Liridonës për të tërhequr vëmendjen e publikut dhe për të pervetësuar ndonjë pëlqim ( like) në platformat mediatike”.

Ai ka thënë se është e rëndësishme që të ekspozohen dhe kundërshtohen deklaratat e paqëndrueshme, pa fakte dhe të pasakta të disa “debutuesve” apo “analistëve” që sipas tij njollosin imazhin dhe reputacionin e tjerëve.

“Kjo do të ndihmojë në ngritjen e nivelit të bisedës dhe transparencës së informacionit për publikun dhe seriozitetin e vetë medias.”

Ai bëri të ditur se është duke ndjekur një rrugë të planifikuar 6 muaj më parë, çka e penguar të marrë pjesë në varrim.

“Për ta sqaruar publikun, jam duke ndjekur një rrugë të gjatë dhe të planifikuar 6 muaj më parë, e cila më ka penguar të marr pjesë në varrim (për çka janë kujdesur vëllezërit, dhe bashkëpunëtorët e mi).”

Më 29 nëntor, Liridona Ademaj u vra, derisa i dyshuar është burri i saj, Naim Murseli, nën dyshimin se ai e ka organizuar aktin. Murseli ka qenë këshilltar i jashtëm i Pacollit, derisa ishte ministër i Punëve të Jashtme.

Familja mbretërore spanjolle është tronditur nga një pretendim befasues në rrjetet sociale se mbretëresha Letizia kishte një lidhje jashtëmartesore gjatë viteve të para të martesës me mbretin Felipe.

Biznesmeni Jaime del Burgo, një sipërmarrës spanjollo-britanik i cili u takua me Letizia para se ajo të martohej me Felipe në 2004 dhe më pas u martua me motrën e Letizias në 2012, pohoi në X gjatë fundjavës se ai dhe Letizia kishin marrëdhënie romantike pasi ajo u martua me Felipe, tani mbret.

Burgo ka pretenduar se ai ishte në një lidhje romantike me Letizia, para se ajo të martohej në 2004 dhe në një moment tjetër pas dasmës së saj.

Del Burgo ndau një imazh të Letizias në mediat sociale, në të cilën ajo është dukshëm shtatzënë. Vajzat e Mbretit Felipe dhe Mbretëreshës Letizia kanë lindur në 2005 dhe 2007.

Ai ka pohuar se Letizia i ka dërguar foton teksa po zhvillonin lidhjen së bashku me mesazhin: “Dashuri. Unë kam vendosur shallin tuaj. Është sikur të ndjej pranë meje. Ajo kujdeset për mua. Më mbron. Po numëroj orët derisa të shihemi sërish, të dua, largohu nga këtu. E juaja.”

Spekulimet mbi marrëdhënien e mbretëreshës spanjolle me Del Burgo u shfaqën pasi biznesmeni 53-vjeçar u intervistua nga autori i një libri të ri për marrëdhënien e tij me mbretëreshën.

Ai citohet gjithashtu të ketë thënë se shërbimi sekret CNI i Spanjës e vuri nën vëzhgim për pesë vjet dhe madje hyri në shtëpinë e tij në Zvicër. Del Burgo tha se operacioni i supozuar nuk i arriti objektivat e tij pasi ai kishte vendosur gjithçka që kishte të bënte me marrëdhënien e tij me Letizia – “foto, video, telefona celularë, mesazhe me tekst” – në një kasafortë bankare.

Familja mbretërore e Spanjës nuk pranoi të komentojë mbi pretendimet e z. Del Burgo. “Nuk kemi çfarë të themi për këtë”, tha një zëdhënës i saj. Megjithatë, fytyrat e tensionuara të Felipe dhe Letizia gjatë takimit vjetor të Institutit Cervantes flasin vetë.

Del Burgo pretendon në libër se ai ishte gati t’i propozonte Letizia-s në atë kohë një spikere në emisionet e lajmeve të televizionit shtetëror spanjoll dhe kishte një unazë në xhep natën që ajo i tregoi për herë të parë për marrëdhënien e saj me Felipe. Libri nuk pretendon se ndonjë aferë është kryer gjatë martesës së Letizias me Felipe.