Category: Lajme

Kryeministri Albin Kurti ka takuar mbrëmë Raportuesen për Kosovën në Parlamentin Evropian, Viola von Cramon.

​Zgjedhjet në Bashkimin Evropian që pritet të mbahen këtë vit, zhvillimet në rajon dhe agjenda e qeverisë për këtë vit, ishin ndër temat e diskutimit.

Duke folur për zhvillimet pozitive në këtë fillimvit,shefi i ekzekutivit veçoi liberalizimin e vizave për çka e falënderoi Cramonin për punën dhe angazhimin e saj.

“Në më pak se tri vite qeverisje, Kosova prin në rajon për qeverisjen e mirë, demokracinë, sundimin e ligjit dhe zhvillim ekonomik”, thuhet në njoftimin e Qeverisë për këtë takim.

Kurti e falënderoi dhe shprehu vlerësimin për rolin dhe angazhimin e Cramonit në Parlamentin Evropian.

Klasteri PREFAB Kosova, klaster i cili merret me industrinë e ndërtimit të parafabrikuar.

Klasteri është themeluar në tetor të vitit 2023 dhe ka për qëllim përfaqësimin e zërit të përbashkët të industrisë dhe avokimin për politika që mbështesin rritjen dhe konkurrueshmërinë e sektorit të ndërtimit të parafabrikuar.

Aktualisht klasteri anëtarëson mbi 20 kompani.

Klasteri PREFAB Kosova, me mbështetjen e projektin e USAID Kosovo Compete, organizon pjesëmarrjen e 15 kompanive prodhuese në panairin Swissbau, nga data 16 deri më 19 janar, në Bazël, Zvicër.

Kompanitë nga Kosova do ta ekspozojnë kryeveprën e tyre të përbashkët ‘Shtëpia e Kosovës – House of Kosova’, një shtëpi e ndërtuar komplet nga druri.

Në panair, me një fjalë hyrëse, do të marrë pjesë Kryeministri i Kosovës, z. Albin Kurti, dhe Kryetari i bordit të PREFAB Kosova, z. Nazmi Mehmetaj.

Policia e Kosovës ka njoftuar se janë arrestuar disa të dyshuar gjatë një operacioni policor në qytetin e Prishtinës.

Në rrugën “Ernest Koliqi” është ndaluar një veturë, ku gjatë kontrollit të dyshuarit janë gjetur 1100 euro dhe 3 telefona. Ndërkaq kur kanë arritur njësitet policore në shtëpinë e të dyshuarit, aty kanë qenë edhe dy persona tjerë.

Policia njofton se njëri nga të dyshuarit ka filluar të ikë dhe ka gjuajtur në oborrin e fqinjit një qese me drogë. Ai është kapur më pas.

“Fillimisht në rrugën “Ernest Koliqi” në Prishtinë është ndaluar vetura e tipit BMË, ngjyrë e bardh me targa vendore, të cilën e drejtonte i dyshuari kryesor me iniciale (Y.A.) 1997 ku gjatë kontrollit të tij në trup i janë gjetur para të gatshme (1100 euro) dhe tre (3) telefona (IPHONE). Të njëjtën kohë njësitet policore kanë zbarkuar në rrugën “Jeronim Derada” tek shtëpia e të dyshuarit të lartcekur me iniciale (Y.A.) dhe në momentin e arritjes tek shtëpia aty afër derës se oborrit ndodheshin dy persona tjerë (U. G.) 1999 dhe (F. Sh.) 1999, ndërsa me të hyrë brenda oborrit një tjetër i dyshuar me iniciale (F.H.) 1998 ka filluar të ik nga vendi i ngjarjes dhe ka hedhur në oborrin e shtëpisë së fqiut një qese të mbushur me substancë të dyshuar narkotike e cila më vonë pas matjes ka rezultuar me peshë (266.8) gram. Hetuesit e antidrogës pas disa metrave ndjekje kanë arrit që ta ndalojnë dhe arrestojnë të dyshuarin e lartcekur me iniciale (F.H.) 1998, ku gjatë kontrollit të tij është gjet një Sprej me mbishkrim “Nato” një telefon (IPHON) dhe 120 euro para.”

Gjatë realizimit të operacionit të bastisjes dhe kontrollimit të shtëpisë së të dyshuarit, Y.A, janë gjetur dhe sekuestruar provat/dëshmitë si në vijim: 10 paketime të mbushura me substancë të dyshuar narkotike e llojit marihuanë me peshë (590.6) gram; 1 qese e mbushur me substancë të dyshuar narkotike e llojit marihuanë me peshë (12.29) gram; 1 qese e mbushur me substancë të dyshuar narkotike e llojit marihuanë me peshë (1.75) gram; 1 qese e vogël e mbushur me substancë të dyshuar narkotike të llojit kokainë me peshë (0.39) gram; 14 paketime të mbushura me substancë të dyshuar narkotike e llojit marihuanë me peshë (25.2) gram; 1 armë zjarri me një karikator dhe tre fishek; 1 qese e mbushur me substancë të dyshuar narkotike e llojit marihuanë me peshë (80.1) gram; 2 peshore digjitale të cilat shërbejnë për matje në sasi të vogla; Para të gatshme (56.90) euro; 15 copë fishek; 2 këllëfë të revoles; 1 kuti e armës me mbushës dhe një karikator; 9 telefona celular.

Ndërsa gjatë kontrollimit të një shtëpie të pabanuar dhe në oborrin e saj, që gjendej përball shtëpisë së të dyshuarit (Y.A.) që dyshohet se është shfrytëzuar nga të dyshuarit janë gjetur dhe sekuestruar si në vijim: 1 qese e mbushur me substancë të dyshuar narkotike e llojit marihuanë me peshë (1kg e 37.8gr); 1 qese e mbushur me substancë të dyshuar narkotike e llojit marihuanë me peshë (157.4gr.); 1 qese e mbushur me substancë të dyshuar narkotike e llojit marihuanë me peshë 248.2gr; 1 granatë dore.

Të dyshuarit janë intervistuar dhe me vendim të prokurorit dy prej tyre janë dërguar në mbajtje për 48 orë.

Njoftimi i plotë:

Policia e Kosovës, konkretisht hetues policor të antidrogës nga Njësia e Drejtorisë për Hetimin e Trafikimit me Narkotik, rajoni i Prishtinës pas një hetimi disa mujor në rastin e koduar “GOLFI” në drejtim të veprës penale shitblerje të substancave narkotike, me datën 13.01.2024 rreth orës 19:00, në bashkëpunim edhe me njësitë tjera rajonale kanë realizuar një operacion policor në qytetin e Prishtinës.

Fillimisht në rrugën “Ernest Koliqi” në Prishtinë është ndaluar vetura e tipit BMË, ngjyrë e bardh me targa vendore, të cilën e drejtonte i dyshuari kryesor me iniciale (Y.A.) 1997 ku gjatë kontrollit të tij në trup i janë gjetur para të gatshme (1100 euro) dhe tre (3) telefona (IPHONE).

Të njëjtën kohë njësitet policore kanë zbarkuar në rrugën “Jeronim Derada” tek shtëpia e të dyshuarit të lartcekur me iniciale (Y.A.) dhe në momentin e arritjes tek shtëpia aty afër derës se oborrit ndodheshin dy persona tjerë (U. G.) 1999 dhe (F. Sh.) 1999, ndërsa me të hyrë brenda oborrit një tjetër i dyshuar me iniciale (F.H.) 1998 ka filluar të ik nga vendi i ngjarjes dhe ka hedhur në oborrin e shtëpisë së fqiut një qese të mbushur me substancë të dyshuar narkotike e cila më vonë pas matjes ka rezultuar me peshë (266.8) gram. Hetuesit e antidrogës pas disa metrave ndjekje kanë arrit që ta ndalojnë dhe arrestojnë të dyshuarin e lartcekur me iniciale (F.H.) 1998, ku gjatë kontrollit të tij është gjet një Sprej me mbishkrim “Nato” një telefon (IPHON) dhe 120 euro para.

Gjatë realizimit të operacionit të bastisjes dhe kontrollimit të shtëpisë së të dyshuarit (Y.A.) janë gjetur dhe sekuestruar provat/dëshmitë si në vijim :

 Dhjetë paketime të mbushura me substancë të dyshuar narkotike e llojit marihuanë me peshë (590.6) gram.

 Një qese e mbushur me substancë të dyshuar narkotike e llojit marihuanë me peshë (12.29) gram.

 Një qese e mbushur me substancë të dyshuar narkotike e llojit marihuanë me peshë (1.75) gram.

 Një qese e vogël e mbushur me substancë të dyshuar narkotike të llojit kokainë me peshë (0.39) gram.

 Katërmbëdhjetë paketime të mbushura me substancë të dyshuar narkotike e llojit marihuanë me peshë (25.2) gram.

 Një armë zjarri me një karikator dhe tre fishek.

 Një qese e mbushur me substancë të dyshuar narkotike e llojit marihuanë me peshë (80.1) gram.

 Dy peshore digjitale të cilat shërbejnë për matje në sasi të vogla.

 Para të gatshme (56.90) euro.

 Pesëmbëdhjete copë fishek.

 Dy këllëfë të revoles.

 Një kuti e armës me mbushës dhe një karikator .

 Nëntë telefona celular.

Po ashtu gjatë kontrollimit të një shtëpie të pabanuar dhe në oborrin e saj, që gjendej përball shtëpisë së të dyshuarit (Y.A.) që dyshohet se është shfrytëzuar nga të dyshuarit janë gjetur dhe sekuestruar si në vijim:

 Një qese e mbushur me substancë të dyshuar narkotike e llojit marihuanë me peshë (1kg e 37.8gr).

 Një qese e mbushur me substancë të dyshuar narkotike e llojit marihuanë me peshë (157.4gr.)

 Një qese e mbushur me substancë të dyshuar narkotike e llojit marihuanë me peshë 248.2gr.

 Një granatë dore.

Në vend të ngjarjes ka dalë forenzika rajonale e Prishtinës, e cila ka bërë fotografimin dhe konfiskimin e të gjithave dëshmive të gjetura si prova materiale.

Në kuadër të këtij operacioni është kontrolluar edhe një banesë në rr. “Bedri Berisha” në Prishtinë, por nuk është gjetur diçka e dyshuar.

Të dyshuarit janë intervistuar dhe me vendim të prokurorit dy prej tyre janë derguar në mbajtje për 48 orë. Rasti është duke u hetuar nga njësitet kompetente të antidrogës.

Një burrë është gjetur pa shenja jete në shtëpinë e tij ku jetonte i vetëm.

Policia njofton se rasti po hetohet. “HETIM I VDEKJES- Sahnje, Dragash / 13.01.2024. Një mashkull kosovar është gjetur pa shenja jete në shtëpinë e tij ku jetonte i vetëm. Vdekjen e viktimës e ka konstatuar ekipi mjekësor në vendin e ngjarjes. Me vendim të prokurorit trupi i pajetë është dërguar në obduksion. Rasti në hetime.”

Ka vdekur zyrtari policor nga Vushtrria, Milaim Fejzullahu.

Lajmin për vdekjen e tij e kanë bërë ditur familjarët e tij.

“Varrimi do të bëhet të dielen me datën 14.01.2024 në varrezat e fshatit Shallc, Vushtrri në ora 15:00 me Ikindi”, kanë njoftuar familjarët.

Milaim Fejzullahu gjatë luftës së UÇK-së, ishte angazhuar në organizimin dhe themelimin e njësitit të UÇK -së, në Shallc të Vushtrrisë, ku edhe emërohet komandant i këtij njësiti, të brigadës 142 – Zosh, e më vonë edhe pjestar i PU të brigadës 142.

Spanja arriti një moment novator duke zgjedhur parlamentaren e parë evropiane me sindromën Down, Mar Galceran, një figurë politike e përkushtuar për të hequr barrierat për individët me aftësi të kufizuara, transmeton atvlive.tv.

E angazhuar në politikë që në moshën 18-vjeçare, ajo filloi rrugëtimin e saj me Partinë Popullore konservatore të Spanjës, duke u avancuar vazhdimisht si politikane.

Në maj, Galceran siguroi një vend në listën e kandidatëve të Partisë Popullore për zgjedhjet rajonale në Valencian në Spanjën Lindore, dhe më pas fitoi një vend në parlamentin që përfaqëson atë rajon. /atvlive.tv

Gjysmëhëna e Kuqe Palestineze tha se 180 gra lindin çdo ditë në Gaza në kushte “të rrezikshme” dhe “çnjerëzore” për shkak të sulmeve dhe pushtimit izraelit, transmeton Anadolu.

“Në Gaza, 180 gra lindin çdo ditë në kushte të rrezikshme dhe çnjerëzore. Shumë prej tyre nuk janë në gjendje të arrijnë në spitale për shkak të qëndrimit në zona të rrethuara, ndërsa forcat izraelite pengojnë ambulancat që të arrijnë deri tek ato”, thuhet në një deklaratë.

Për të theksuar ashpërsinë e situatës, organizata humanitare shpërndau audio-regjistrime në “X”.

Regjistrimet dokumentuan biseda telefonike midis ekipeve shëndetësore dhe familjes së një gruaje shtatzënë në Rripin e Gazës e cila nuk mundi të arrinte në spital në kohë për të lindur.

Sipas audio-regjistrimeve, një mjek palestinez i Gjysmëhënës së Kuqe drejton dhe ndihmon familjen duke synuar të mundësojë një lindje të sigurt në shtëpi për gruan që ishte në bisedë me motrën e saj.

Përfaqësuesi i Fondit të Popullsisë të OKB-së (UNFPA) për Palestinën, Dominic Allen, tha në një konferencë virtuale për shtyp të shtunën nga Kudsi se 18.000 lindje kanë ndodhur në Gaza në 100 ditët e fundit.

Ai theksoi se UNFPA-ja nuk mund të sigurojë furnizime të mjaftueshme dhe gjendja në spitale është e rëndë.

Allen tha se 5.500 gra priten të lindin në muajt e ardhshëm dhe shprehu shqetësimin për luftën e tyre me mungesën e ujit, mungesën e ushqimit dhe aksesin e kufizuar në trajtim.

Ai theksoi rreziqet vdekjeprurëse të përfshira dhe nënvizoi urgjencën e parandalimit të tragjedive të tilla.

45.000 shtatzëna dhe 68.000 gra gjidhënëse në Gaza përballen me vdekjen

UNFPA-ja njoftoi më 17 dhjetor se 45.000 gra shtatzëna dhe 68.000 gra gjidhënëse Gaza ishin në rrezik të anemisë, gjakderdhjes dhe madje edhe vdekjes.

Zëdhënësi i Ministrisë së Shëndetësisë në Gaza, Ashraf al-Qudra, tha në një deklaratë të 1 janarit se për shkak të mosplotësimit të nevojave të 50.000 grave shtatzëna në qendrat që strehojnë të zhvendosurit nga sulmet në Rripin e Gazës, pacientët po përballen me probleme ushqimore dhe shëndetësore.

Al-Qudra u bëri thirrje urgjentisht agjencive të OKB-së që të ndërhyjnë për të shpëtuar fëmijët dhe gratë shtatzëna nga situata. /AA

Dje rreth orës 16:30 një shpërthim ka ndodhur në një shtëpi në fshatin Kçiq të Mitrovicës, ku janë lënduar 15 persona.

Fillimisht rastin e konfirmoi zëdhënësi i Policisë Rajonale të Mitrovicës, Avni Zahiti.

“Rreth orës 16:30, policia ka pranuar informatë se si pasoj e një shpërthimi në një shtëpi në fshatin Kçiq të Mitrovicës, 13 persona kanë pësuar lëndime, të lënduarit janë dërguar për tretman mjekësor në Spitalin Rajonal të Mitrovicës”, ka thënë Zahiti.

Ndërkaq, kryetari i Mitrovicës, Bedri Hamza, ka bërë të ditur se të lënduarit janë nga njëjta familje.

“Isha edhe brenda. Sipas informatave ka prej tyre që e kanë shkallën e lëndimit më të madhe, e disa më të vogël. Uroj që të gjithë të jenë mirë e të mos kenë rrezik për jetë e iu uroj shërim të shpejt dhe shfrytëzoj rastin t’i falënderoj mjekët për një punë dhe përkushtim të jashtëzakonshëm”, ka deklaruar Hamza për Klanin.

ShSKUK ka njoftuar se 13 të lënduarit janë dërguar në Qendrën Klinike Universitare të Kosovës për trajtim dhe se katër prej tyre janë duke u operuar.

Sipas njoftimit, pacientët kanë djegie të shkallës së dytë dhe të tretë, në gjymtyrë të ndryshme të trupit, përfshirë, fytyrë, duar, këmbë dhe pjesë të tjera të trupit.

“Katërmbëdhjetë pacientët që kanë pësuar lëndime nga djegiet, nga bombola e gazit dhe 1 me lëndime në gjoks, në fshatin Kçiq të Mitrovicës, pas trajtimit në Klinikën Emergjente të QKUK-së, janë transferuar për mjekim të mëtutjeshëm në klinika të ndryshme të QKUK-së. Katër nga ta janë operuar në sallat emergjente, kurse tek të tjerët janë kryer ndërhyrje në sallën e vogël të ndërhyrjeve kirurgjike, Shërbimin e Reanimimit dhe atë Kirurgjik, të po kësaj klinike. 4 pacientë janë transferuar për mjekim të mëtejshëm në Mjekimin Intensiv Qendror, meqë kanë gjendje më të rënduar shëndetësore nga djegia. 8 pacientë janë transferuar në Klinikën e Kirurgjisë Plastike, ku po e vazhdojnë trajtimin dhe mbikqyrjen nga stafi shëndetësorë. 2në Kirurgjinë Abdominale dhe 1 do të transferohet në Kirurgji Torkale”, thuhet në njoftim.

Mbrëmë, në QKUK kanë shkuar kryeministri Kurti dhe ministri Vitia.

Kurti tha se ka qytetarë të lënduar lehtë dhe qytetarë që kanë pësuar djegie të shkallës së dytë e tretë nga shpërthimi i bombolës së gazit.

“Për diç më shumë se një orë, mjekët dhe infermierët kujdestarë në QKUK, i shpëtuan 15 qytetarë të aksidentuar nga shpërthimi i një bombole gazi në Kçiq të Mitrovicës. Disa janë të lënduar lehtë, por ka edhe të lënduar rëndë me djegie të shkallës së dytë e të tretë. E falënderojmë personelin kujdestar për ndërhyrjen e shpejtë dhe angazhimin profesional, ndërkaq të plagosurve ju dëshirojmë shërim të shpejtë e të plotë. Ministri i Shëndetësisë, Arben Vitia, dhe drejtori i ShSKUK-së, Elvir Azizi, ishin po ashtu sonte në Klinikën e Emergjencës dhe atë të Kirurgjisë Plastike ku po vazhdojnë përpjekjet e mëdha për të mënjanuar rrezikun për jetë në një nga rastet”, tha Kurti.

Më tutje, ai deklaroi se qytetarët duhet të kenë kujdes me përdorimin e bombola e pasi sipas tij ky nuk është aksidenti i parë.

“Nuk është aksidenti i parë i këtillë, qytetarët dhe familjet duhet të kenë shumë vëmendje te blerja dhe përdorimi i sigurt i gazit, gjithnjë sipas rregullave strikte, për shtëpitë dhe lokalet e tyre. Ndërkaq inspektoriatet dhe organet tjera përkatëse të mbikëqyrin rreptë respektimin e standardeve të duhura të bombolave të gazit në treg”, tha tutje ai.

Ndërsa, ministri i Shëndetësisë, Arben Vitia ka thënë se 15 anëtarë të një familje kanë pësuar djegie si pasojë e shpërthimit të një bombole me gaz në një shtëpi në Kçiq të Mitrovicës.

Vitia poashtu konfirmoi se një nga të lënduarit ka pasur lëndime edhe në gjoks.

”Të lënduarit nga shpërthimi i bombolës së gazit në fshatin Kçiq të Mitrovicës janë trajtuar sot gjatë ditës në spitale e QKUK. Ata, 15 anëtarë të familjes, pësuan djegie e një pati lëndime në gjoks. Ende jemi në Klinikën Emergjente në QKUK, bashkë me mjekët, infermierët dhe stafin tjetër. Të gjithë ishin e ende janë në mobilizim e angazhim të lartë prej shumë orësh. Po ofrohet kujdesi i plotë e profesional për të lënduarit” tha ai.

Vitia deklaroi tutje se katër nga të lënduarit janë në trajtim intensiv.

“Katër nga të lënduarit pasi që janë operuar nga mjekët në QKUK, meqë kanë shkallë më të lartë të djegieve janë transferuar për mjekim të mëtutjeshëm në Mjekim Intensiv Qendror. Tetë të lënduar janë transferuar në Klinikën e Kirurgjisë Plastike. Dy të lënduar janë në Klinikën e Kirurgjisë Abdominale. Ndërsa një nga të lënduarit është në Klinikën e Kirurgjisë Torakale. Mjekët janë duke bërë gjithçka për të mënjanuar çdo rrezik për jetën.Përpjekjet vijojnë dhe në këto çaste”, tha Vitia.

Dy persona janë përleshur në Obiliq.

Të dyshuarit kanë pranuar tretman mjekësor dhe më pas janë dërguar në mbajtje.

“LËNDIM I LEHTË TRUPOR- Rr. Isa Boletini, Obiliq / 13.01.2024 – 15:24. Dy meshkuj kosovar janë arrestuar për shkak se janë përleshur ndërmjet vete duke pësuar lëndime trupore. Të dyshuarit pasi kanë pranuar trajtim të nevojshëm mjekësor janë intervistuar dhe me vendim të prokurorit pas inicimit të rastit janë dërguar në mbajtje.”